Tag: مون سون

محکمہ موسمیات نے مون سون بارشوں کے دوسرے اسپیل کی پیشگوئی کر دی۔

محکمہ موسمیات کے مطابق مون سون بارشوں کا حالیہ سلسلہ 2 جولائی تک رہے گا، اس کے بعد شدید بارشیں برسانے والا ایک اور اسپیل ملک میں داخل ہوگا،اگلے اسپیل کے دوران ملک بھر میں شدید بارشیں ہونے کا امکان ہے، بارشوں سے بالائی اور وسطی پنجاب سمیت دیگر علاقے متاثر ہوں گے، بارشوں کے اگلے اسپیل سے پانی کی صورتحال میں بہتری کا امکان ہے۔

5 یا 6 جولائی سے سندھ میں مون سون کا نیا اسپیل داخل ہوگا، کراچی سمیت مختلف شہروں میں بارشوں کی پیشگوئی کی گئی ہے، نجی ٹی وی کے مطابق 7 یا8 جولائی کو کراچی میں بارش ہوسکتی ہے، کچھ دنوں تک کراچی کا موسم ابر آلود رہے گا۔

دوسری جانب ملک کے مختلف حصوں میں مون سون بارشوں کا پہلا اسپیل شروع ہوتے ہی دریاؤں میں پانی کے بہاؤ میں اضافہ اور ڈیموں میں پانی کی سطح بلند ہونے لگی دریا کے بہاؤ میں اضافے کے سبب چشمہ بیراج کے تمام 52 اسپل ویز کھول دیے گئے جبکہ تربیلا ڈیم کے اسپل ویز کھولنے کا بھی فیصلہ کر لیا گیا ہے چشمہ جہلم لنک اور رائٹ بینک کینالز میں پانی چھوڑ دیا گیا۔ڈیرہ اسماعیل خان میں تمام جھیلیں بھر گئیں، جبکہ کچے کے علاقے بھی زیرِ آب آگئے اور کئی مکانات و فصلیں بہہ گئیں۔

علاوہ ازیں دریائے سندھ کے تمام مقامات پر تیراکی اور کشتی رانی پر مکمل پابندی عائد کر دی گئی ہے اور دفعہ 144 نافذ کر کے عوام کو خطرناک مقامات سے دور رہنے کی ہدایت بھی کی گئی ہے راولپنڈی میں اربن فلڈنگ کے خدشے کے پیشِ نظر دفعہ 144 نافذ ہے نالہ لئی سمیت دیگر آبی گزرگاہوں میں نہانے اور تیراکی پر بھی پابندی لگا دی گئی۔

محکمہ آبپاشی اور ضلعی انتظامیہ کی جانب سے الرٹ جاری کر دیے گئے ہیں جبکہ نشیبی علاقوں کے مکینوں کو محفوظ مقامات پر منتقل کرنے کی تیاریاں شروع کر دی گئی ہیں متعلقہ حکام نے عوام سے اپیل کی ہے کہ وہ غیر ضروری نقل و حرکت سے گریز کریں اور کسی بھی ہنگامی صورتحال میں مقامی انتظامیہ یا ریسکیو ہیلپ لائن سے فوری رابطہ کریں۔

محکمہ موسمیات نے 25 جون سے ملک بھر میں مون سون بارشوں کی پیش گوئی کردی-

محکمہ موسمیات نےکہا ہے کہ مون سون ہوائیں بالائی و وسطی علاقوں میں داخل ہو رہی ہیں، اور 25 جون کو مغربی ہوائیں بھی ملک میں داخل ہوں گی جن کے زیر اثر 25 جون سے ملک بھر میں بارشوں کا امکان ہے کشمیر، گلگت بلتستان میں 24 جون کی شب سے بارش کا امکان ہے جبکہ 25 جون سے 1 جولائی تک اسلام آباد، راولپنڈی، مری، گلیات میں بارشیں متوقع ہیں۔

اس عرصے کے دوران پنجاب کے مختلف اضلاع میں موسلا دھار بارش کی پیشگوئی کی گئی ہے، فیصل آباد، لاہور، سیالکوٹ، سرگودھا سمیت دیگر شہروں میں موسلا دھار بارشیں متوقع ہیں اسی طرح خیبرپختونخوا کے دیر، سوات، چترال، شانگلہ میں بارشوں کا امکان ہےجبکہ 25 تا 28 جون بلوچستان کے شمال مشرقی اور جنوبی علاقوں اور بالائی اور جنوب مشرقی سندھ میں مون سون کی بارشیں ہوسکتی ہیں۔

محکمہ موسمیات کے مطابق مون سون بارشوں کے باعث ندی نالوں میں طغیانی کا خدشہ ہےجبکہ مری، گلیات، دیر، سوات، کوہستان میں لینڈ سلائیڈنگ کا خطرہ درپیش ہوگا مون سون بارشوں اسلام آباد، راولپنڈی، گوجرانوالہ، لاہور کے نشیبی علاقے زیرآب آنے کا خدشہ ہے جبکہ 26 سے 28 جون کے دوران کراچی اور حیدرآباد میں اربن فلڈنگ کا خطرہ ہوسکتا ہے۔

اسلام آباد: محکمہ موسمیات نے آج سے ملک بھرمیں بارشوں کی پیشگوئی کرتے ہوئے کہا ہے کہ بارشوں کا سلسلہ آج سے 27 اگست تک جاری رہے گا۔

باغی ٹی وی: ملک بھر میں شدید حبس اور گرمی سے عوام کا بُرا حال ہے ، گرمی کی شدت میں اضافے کے ساتھ لوڈ شیڈنگ کا دورانیہ بھی بڑھ گیا ہے تاہم بجلی کی غیر اعلانیہ لوڈ شیڈنگ اور حبس اور گرمی سے پریشان حال عوام کو محکمہ موسمیات نے خوشخبری سنائی ہے-

محکمہ موسمیات نے آج سے ملک بھرمیں بارشوں کی پیشگوئی کرتے ہوئے کہا ہے کہ بارشوں کا سلسلہ آج سے 27 اگست تک جاری رہے گا،راولپنڈی، اسلام آباد، اٹک، چکوال، جہلم سمیت پنجاب کے بیشتر علاقوں، آزاد کشمیر، گلگت بلتستان میں وقفے وقفے سے بادل برسیں گے چترال، دیر، سوات، ایبٹ آباد، ہری پور، مانسہرہ، کوہاٹ ، پشاور، مردان، صوابی ، نوشہرہ میں بارش متوقع ہے۔

مکہ مکرمہ میں موسلا دھار طوفانی بارش کے دوران مسجد الحرام میں ایمان افروز مناظر

24 سے 26 اگست کے دوران کرم، لکی مروت، ڈیرہ اسماعیل خان، بنوں، میانوالی، سرگودھا، خوشاب اور بھکر میں بھی گرج چمک کے ساتھ بارش متوقع ہے 25 اور 26 اگست کے دوران ڈیرہ اور اس سے ملحقہ شمال مشرقی بلوچستان کے مقامی اور برساتی ندی نالوں میں طغیانی کا خدشہ ہے۔

محکمہ موسمیات کے مطابق مظفرآباد شہر اور گرد ونواح میں آسمان پر بادل چھائے ہوئے ہیں، بادلوں کے باعث گرمی کی شدت میں کمی ہوئی ہے لاہور شہرمیں گزشتہ شب سے ہوا کا سلسلہ جاری ہے جس کی وجہ سے شہر کا موسم قدرے بہتر ہو گیا ہےہوا چلنے سے حبس اور گرمی کی شدت میں کمی ہوئی اور درجہ حرارت 29 ڈگری ریکارڈ کیا جارہا ہے، محکمہ موسمیات نے دن بھر ہوا چلنے کی پیشگوئی کی-

اسلام آباد سے سعودی عرب جانیوالے مسافر کے قبضے سے منشیات برآمد