Tag: وزیراعظم شہباز شریف

وزیراعظم شہباز شریف کل (3 جولائی) کو آذربائیجان کے دو روزہ سرکاری دورے پر روانہ ہوں گے، جہاں وہ اقتصادی تعاون تنظیم (ای سی او) کے سربراہی اجلاس میں پاکستان کی نمائندگی کریں گے۔

دفتر خارجہ کی جانب سے جاری اعلامیے کے مطابق ای سی او سربراہی اجلاس 3 تا 4 جولائی آذربائیجان کے دارالحکومت باکو میں منعقد ہوگا، جس میں وزیراعظم پاکستان کے وفد کی قیادت کریں گے۔اس اجلاس کا مرکزی موضوع "پائیدار اور موسمیاتی تبدیلیوں کا مقابلہ کرنے والے مستقبل کے لیے ای سی او کا نیا وژن” رکھا گیا ہے۔

سربراہی اجلاس کے دوران وزیراعظم شہباز شریف علاقائی و عالمی چیلنجز پر پاکستان کا مؤقف پیش کریں گے اور ای سی او وژن 2025 سے پاکستان کی وابستگی کا اعادہ کریں گے۔وزیراعظم اقتصادی تعاون، علاقائی تجارت، ٹرانسپورٹ رابطہ کاری، توانائی کے شعبے میں شراکت اور پائیدار ترقی کو فروغ دینے کی وکالت بھی کریں گے۔

دورے کے دوران وزیراعظم ای سی او کے دیگر رہنماؤں سے دو طرفہ ملاقاتیں بھی کریں گے، جن میں باہمی دلچسپی کے امور پر تبادلہ خیال کیا جائے گا۔

سندھ میں مون سون کا آغاز، کراچی سمیت کئی اضلاع میں بارش کی پیشگوئی

وزیراعظم شہباز شریف کی ہدایت پر جمعیت علمائے اسلام (جے یو آئی) کے سربراہ مولانا فضل الرحمان کو فرنٹیئر کانسٹیبلری (ایف سی) کی سیکیورٹی مل گئی۔

تفصیلات کے مطابق جے یو آئی کے سربراہ مولانا فضل الرحمان کی سیکیورٹی پر ایف سی مقرر کردی گئی، مولانا فضل الرحمان کی رہائش گاہ ڈی آئی خان میں ان کو ایف سی ون سیکیورٹی دی گئی ہے وزیراعظم نے مولانا فضل الرحمان کی رہائش گاہ پر ایف سی کی سیکیورٹی دینے کی ہدایت کی، جس کے بعد شہباز شریف کی ہدایت پر مولانا فضل الرحمان کی سیکیورٹی پر ایف سی مقرر کی گئی، یہ اقدام ممکنہ خطرات کے پیش نظر وفاقی حکومت کی ہدایت پر عمل میں لایا گیا۔

میڈیا رپورٹس کے مطابق ایف سی تعیناتی کا نوٹیفکیشن 29 جون کو اس وقت جاری کیا گیا جب وزیراعظم شہباز شریف اور مولانا فضل الرحمان کے درمیان ملاقات ہوئی، اس ملاقات کے بعد سیکیورٹی انتظامات میں اضافے کا فیصلہ کیا گیا۔

واضح رہے کہ حالیہ دنوں میں مولانا فضل الرحمان کے صاحبزادے مولانا اسجد محمود کو اغوا کرنے کی کوشش کی گئی تھی، جس کے بعد سیکیورٹی خدشات مزید بڑھ گئے تھے۔

شمالی وزیرستان کے علاقے میر علی میں بھارتی حمایت یافتہ دہشتگرد گروہ فتنہ الخوارج کے خودکش حملے میں 13 سیکیورٹی اہلکار شہید ہو گئے، جبکہ جوابی کارروائی میں 14 دہشتگرد ہلاک کر دیے گئے۔

پاک فوج کے شعبہ تعلقات عامہ (آئی ایس پی آر) کے مطابق حملے میں دو بچے اور ایک خاتون بھی زخمی ہوئیں۔ ترجمان کا کہنا تھا کہ حملہ بھارت کی سرپرستی میں چلنے والے دہشتگرد گروہ نے کیا۔وزیراعظم شہباز شریف نے واقعے کی شدید مذمت کرتے ہوئے شہداء کو خراج عقیدت اور زخمی شہریوں سے اظہار ہمدردی کیا۔

ان کا کہنا تھا کہ "بھارتی حمایت یافتہ دہشتگردوں نے بزدلانہ کارروائی کی، پوری قوم شہداء کو سلام پیش کرتی ہے، ملک سے ہر قسم کی دہشتگردی کے مکمل خاتمے کے لیے پرعزم ہیں۔”

وزیر داخلہ محسن نقوی کی حملے کی مذمت
دوسرعی جانب وزیر داخلہ محسن نقوی نے بھی حملے کی مذمت کرتے ہوئے کہا کہ شہداء کی قربانیاں ناقابلِ فراموش ہیں اور پوری قوم انہیں ہمیشہ یاد رکھے گی۔

اسلام آباد:وزیراعظم شہباز شریف نے ارکان سینیٹ و قومی اسمبلی سے خصوصی ملاقات کی-

سینیٹ اور قومی اسمبلی کے ارکان کے ساتھ ہونے والی اہم ملاقات میں وزیراعظم شہباز شریف نے کہا کہ عوام دوست بجٹ بنانے کے لیے معاشی ٹیم نے شب و روز محنت کی، جس پر ہم تمام اتحادی جماعتوں کے مشکور ہیں جن کی مشاورت سے عوامی امنگوں کی ترجمانی کرنے والا بجٹ تشکیل دیا،اتحادی جما عتوں نے بجٹ کی منظوری میں اہم کردار ادا کیا، جس پر ان کا شکریہ ادا کرتے ہیں۔ اب ہم سب کو مل کر پاکستان کی معاشی ترقی کے لیے دن رات محنت کرنی ہے۔ میرا یقین محکم ہے کہ یہی مثالی اتحاد پاکستان کی معاشی ترقی کو یقینی بنائے گا۔

انہوں نے کہا کہ پاکستان پر بھارت کی حالیہ بلاجواز جارحیت میں اللہ رب العزت نے ہمیں شاندار فتح سے ہمکنار کیا افواج پاکستان پوری سیاسی قیادت، عوام، سول سوسائٹی اور میڈیا نے یکجہتی سے دشمن کے ناپاک عزائم کو خاک میں ملایا اور ملکی فتح سے اقوام عالم میں پاکستان کا وقار بلند ہوا۔

سوات سیلاب،پاک فوج سوات میں سیلابی صورتحال سے نمٹنے کے لئے پہنچ گئی

مزید کہا کہ چیئرمین پاکستان پیپلز پارٹی، بلاول بھٹو زرداری کی قیادت میں سفارتی وفد نے پاکستان کا مؤقف واضح اور بھارت کے پاکستان کے حوالے سے ناپاک عزائم کو دنیا کے سامنے بے نقاب کیا نہ صرف سفارتی وفد کو بین الاقوامی سطح پر پزیرائی ملی بلکہ سمندر پار مقیم پاکستانیوں نے وفد کا شاندار استقبال کیا اور پاکستان کی سفارتی اور فوجی فتح پر حکومت اور افواج پاکستان کو بھر پور خراج تحسین پیش کیا۔

وزیراعظم نے کہا کہ ایران پر حالیہ اسرائیلی جارحیت کے دوران پاکستان نے ایرانی حکومت و برادر عوام کے ساتھ ہر سطح پر یکجہتی کا اظہار کیا۔ جنگ کے دوران ایرانی قیادت بالخصوص صدر ڈاکٹر مسعود پزشکیان کے ساتھ مکمل رابطے میں تھا اسرائیل ایران تنازع کے حل سے خطے میں امن و خوشحالی کے دروازے کھلیں گے۔