Tag: پاکستان

اسلام آباد: عالمی مالیاتی فنڈ( آئی ایم ایف) نے صوبوں کے سولرائزیشن پروگرام اور صوبائی سطح پر گندم خریداری پر اعتراضات اٹھا دیئے ہیں ،جبکہ آئی ایم ایف کو زرعی آمدن پر ٹیکس وصولی کیلئے پہلے پنجاب اور سندھ میں قانون سازی کی یقین دہانی کرائی گئی ہے-

باغی ٹی وی : پاکستان اور آئی ایم ایف کے درمیان مذاکرات کے چوتھے روز صوبائی حکومتوں کی کارکردگی کے جائزے کے دوران صوبائی سرپلس بجٹ کا ہدف پورا نہ ہونے پر تحفظات کا اظہار کیا گیاجولائی تا ستمبرصوبائی بجٹ 342 ارب روپے سرپلس رہنا تھا جو 159 ارب 68 کروڑ سرپلس رہاجس کی بڑی وجہ پنجاب حکومت کی طرف سے 160 ارب روپے کا خسارہ ہے–

آئی ایم ایف وفد کو یقین دہانی کروائی گئی ہے کہ زرعی آمدن پر ٹیکس وصولی کیلئے قانون سازی پہلے پنجاب اور سندھ میں ہوگی مجموعی صوبائی سرپلس ہدف کے مقابلے میں 182 ارب روپے کم رہا جس میں سے سندھ کے 131 ارب، پختوانخواہ 103 ارب اور بلوچستان نے 85 ارب سرپلس رہا۔

آئی ایم ایف نے صوبائی سطح پر گندم کی خریداری اور سولرائزیشن پالیسی پر بھی اعتراضات اٹھائےمصوبوں میں زرعی آمدن پر ٹیکس اور قومی مالیاتی معاہدے کے تحت اخراجات پر مذاکرات آج ہوں گے۔

واضح رہے کہ آئی ایم ایف وفد حکومتی اداروں سے مذاکرات کے لیے اسلام آباد میں موجود ہے-

باکو: وزیراعظم شہبازشریف نے چین کے نائب وزیراعظم ڈنگ ژوئی ژانگ کو یقین دہانی کروائی ہے کہ حکومت چینی شہریوں کی حفاظت یقینی بنانے کے لیے ہر ممکن قدم اٹھارہی ہے۔

باغی ٹی وی: وزیراعظم شہباز شریف کی آذربائیجان کے دارالحکومت باکو میں کوپ 29 کے کلائمٹ ایکشن اجلاس کے موقع پر چین کے نائب وزیراعظم ڈنگ ژوئی ژانگ سے ملاقات ہوئی،ملاقات میں پاکستان اور چین کے درمیان دوطرفہ تعاون کے فروغ پر گفتگو ہوئی۔

اس موقع پر وزیراعظم نے کہا کہ چین پاکستان کا دیرینہ دوست ہے، دونوں ممالک کے درمیان دوطرفہ تعلقات کی مضبوطی کے نئے دور کا آغاز ہوچکا ہے،حکومت چینی شہریوں کی سیکیورٹی یقینی بنانے کے لیے ہر ممکن قدم اٹھا رہی ہے، حکومت ملک سے دہشت گردی کو جڑ سے اکھاڑ دینے کے لیے پرعزم ہے۔

اس موقع پر ڈنگ ژوئی ژانگ نے سیکیورٹی چیلنجز سے باہمی طور پر نمٹنے اور دونوں ممالک کے عوام کی ترقی و خوشحالی کے لیے پاک چین تعلقات کے دائرہ کار کو وسعت دینے کی خواہش کا اظہار کیا۔

سگی بیٹی سے جنسی زیادتی،باپ کو 10 سال قید بامشقت کی سزا

چیمپئنز ٹرافی:ٹورنامنٹ جنوبی افریقا منتقل کیے جانے کا بھارتی دعویٰ جھوٹا نکلا

دہشتگردوں کا مقصد پاک چین تعلقات میں خلل ڈالنا اور سی پیک کو …

اسلام آباد: وفاقی وزیر احسن اقبال نے کہا ہے کہ دہشتگردوں کا مقصد پاک چین تعلقات میں خلل ڈالنا اور سی پیک کو روکنا ہے-

باغی ٹی وی:وفاقی وزیر احسن اقبال نے کہا کہ پاکستان میں کام کرنے والے چینی ہمارے قومی مہمان ہیں چینی شہریوں کو سیکیورٹی فراہم کرنا ہماری اولین ذمہ داری ہے کیونکہ وہ ہمارے قومی مہمان ہیں، گزشتہ دنوں پیش آنے والے واقعات منظم دہشتگردی کا نتیجہ ہیں، جن کا مقصد پاک چین تعلقات میں خلل ڈالنا اور سی پیک کو روکنا ہے، دونوں ممالک سیکیورٹی صورتحال سے نمٹنے کیلئے رابطے میں ہیں اور ایسے فریم ورک پر اتفاق کریں گے جو دونوں ممالک کیلئے قابل قبول ہوگا۔

احسن اقبال نے کہا کہ چینی شہریوں کی سیکیورٹی کے نظام کو مزید بہتر بنانے میں کامیاب ہوں گے، اس حوالے سے قیاس آرائیوں سے گریز کرنا ہوگا جہاں ضروری ہوگا سیکیورٹی کے نظام کو مزید مؤثر بنائیں گے،پہلے سے منظور شدہ اسپیشل اکنامک زونز پر آئی ایم ایف کی شرائط عائد نہیں ہوتیں تاہم آئی ایم ایف کی شرائط نئے اکنامک زونز (اقتصادی راہداری) سے متعلق ہیں۔

باکو: وزیراعظم شہباز شریف نے آذربائیجان کے صدر الہام علیوف سے ملاقات کی اور پاکستان میں مختلف شعبوں میں سرمایہ کاری کی پیشکش کی ہے۔

باغی ٹی وی: وزیراعظم ہاؤس کی جانب سے جاری اعلامیہ کے مطابق وزیرِ اعظم کی عالمی رہنماؤں کے کلائمیٹ ایکشن سربراہی اجلاس (COP-29) کے موقع پر آذربائیجان کے صدر سے ملاقات ہوئی ہے، وزیر اعظم شہباز شریف نے باکو میں ورلڈ لیڈرز کلائمیٹ ایکشن سمٹ کے کامیاب انعقاد پر صدرعلیوف کو مبارکباد دی۔

انہوں نے ماحولیاتی تبدیلی سے پیدا ہونے والے چیلنجز سے نمٹنے اور اس حوالے سے بین الاقوامی تعاون کو بڑھانے کے صدر علیوف کے وژن اور عزم کو سراہتے ہوئے کہا کہ پاکستان زہریلی گیسوں کے اخراج میں معمولی حصہ ہونے کے باوجود موسمیاتی تبدیلیوں سے سب سے زیادہ متاثر ہونے والے ممالک میں شامل ہے انہوں نے آذربائیجان اور عالمی برادری کے ساتھ ماحولیاتی تبدیلی سے متعلق چیلنجز پر کام کرنے کے پاکستان کے عزم کا اعادہ کیا.

دونوں رہنماؤں نے پاکستان اور آذر بائیجان کے دوطرفہ تعلقات کے تمام پہلوؤں کا جائزہ لیا، انہوں نے پاکستان اور آذربائیجان کے درمیان مختلف شعبوں بالخصوص اقتصادی اور دفاعی تعاون میں اسٹریٹجک شراکت داری کو مزید مستحکم کرنے اور عوامی روابط کے ساتھ ساتھ ثقافتی تعلقات کی مضبوطی کے عزم کا اظہار کیا۔

وزیراعظم نے پاکستان اور آذربائیجان کے مابین مضبوط تعلقات پر اطمینان کا اظہار کرتے ہوئے ٹیکنالوجی، قابل تجدید توانائی میں مشترکہ منصوبوں سمیت مختلف شعبوں میں تعاون کو مزید بڑھانے کے عزم کا اظہار کیا،دونوں رہنماؤں نے مشرق وسطیٰ کی صورتحال اور دیگر علاقائی اور بین الاقوامی پیش رفت پر بھی تبادلہ خیال کیا۔

سپارکو کے سائنسدان پاکستان کے مقامی روور کو چاند پر بھیجنے کے لیے تیار ہیں

پاکستان کی خلائی ایجنسی سپارکو نے چین کے ساتھ تاریخی قمری مشن کی شراکت داری کا اعلان کر دیا۔ترجمان کے مطابق سپارکوچین کے چانگ ای 8 مشن کے ساتھ مل کر انقلابی قمری تحقیق میں حصہ لے گا،سپارکو نے چین کے ساتھ 2028 کے چانگ ای 8 قمری مشن کے لیے شراکت داری میں مقامی روور شامل ہو گا، پاکستان کا مقامی روور 2028 میں چاند کے جنوبی قطب کی کھوج کے لیے چین کے چانگ ای 8 مشن کا حصہ بنے گا،سپارکو کا 35 کلوگرام وزنی روور، 2028 میں چانگ ای 8 مشن کے تحت چاند کی سطح پر اترے گا

چاند کا جنوبی قطب اس وقت خلائی تحقیق کے لیے انتہائی اہم مقام سمجھا جاتا ہے کیونکہ یہاں پانی کے ممکنہ ذخائر موجود ہیں جو مستقبل میں خلا کے مشنوں کے لیے ضروری ہوسکتے ہیں۔ 2028 میں چین کا چانگ ای 8 مشن اس علاقے میں تحقیق کرنے والا ہے،پاکستان کا مقامی روور اس مشن کا اہم حصہ ہوگا، جس کے ذریعے چاند کی سطح کی تفصیلی تصویر حاصل کی جائے گی اور چاند کی مختلف سطحوں کی کیمیائی ساخت کا جائزہ لیا جائے گا۔

یہ شراکت داری چین اور پاکستان کے خلائی تعاون میں ایک نیا سنگ میل ثابت ہوگی۔ چین نے اپنی خلائی ٹیکنالوجی اور تحقیق میں عالمی سطح پر بڑی کامیابیاں حاصل کی ہیں، اور پاکستان کے ساتھ یہ تعاون دونوں ممالک کے لیے نئے امکانات کا دروازہ کھولے گا۔ پاکستان کو اس شراکت داری سے نہ صرف خلائی تحقیق کے میدان میں اہم تجربات حاصل ہوں گے بلکہ پاکستان کی خلائی ٹیکنالوجی میں بھی نئی پیشرفت ہوگی۔چاند کے اس مشن میں سپارکو کا حصہ بننا پاکستان کے خلائی پروگرام کی ایک بڑی کامیابی ہے اور یہ ملک کی خلائی تحقیق میں عالمی سطح پر اس کی موجودگی کا مظہر ہے۔

چاند کے جنوبی قطب کی تحقیق کے نتائج خلا کی دیگر مشنز کے لیے اہم ہو سکتے ہیں، خصوصاً اگر یہاں پانی کے ذخائر کی تصدیق ہوتی ہے تو یہ مستقبل میں خلا میں انسانوں کی آبادکاری کے لیے اہم ثابت ہو گا۔ اس تحقیق سے خلا کے مشنوں میں درکار توانائی کے وسائل کی فراہمی کے حوالے سے نئے دروازے کھل سکتے ہیں۔سپارکو اور چین کی مشترکہ کوششوں سے پاکستان کی خلائی ٹیکنالوجی کو ایک نیا عروج ملنے کی توقع کی جا رہی ہے، جس سے نہ صرف عالمی سطح پر پاکستان کا وقار بلند ہو گا، بلکہ پاکستانی سائنسدانوں اور انجینئرز کے لیے نئے مواقع بھی پیدا ہوں گے۔

آئی کیوب قمر کا مشن کامیاب،چاند سے پہلی تصویر موصول

تین مئی کو پاکستان کا پہلا سیٹلائٹ مشن چاند کےمدار کی طرف روانہ ہواتھا

حکومتی نااہلی،سماعت سے محروم سینکڑوں بچوں کا مستقل معذور ہونے کا خدشہ

معذوری کا شکار طالبات کی ملی دارالاطفال گرلز ہائی سکول راجگڑھ آمد،خصوصی تقریب

سماعت سے محروم بچوں کے والدین گھبرائیں مت،آپ کا بچہ یقینا سنے گا

وفاقی حکومت کی طرف سے پاکستان بیت المال کو سماعت وگویائی سے محروم بچوں کے لیے فنڈز نہ مل سکے ،

سماعت سے محروم بچے چلا رہے ہیں ریسٹورینٹ، صدر مملکت بھی وہاں پہنچ گئے، کیا کہا؟

ویلڈن پاک فوج، سماعت سے محروم افراد سننے اور بولنے لگے

چلڈرن ہسپتال کا کوکلیئر امپلانٹ کے تمام اخراجات برداشت کرنے کافیصلہ،ڈاکٹر جاوید اکرم