Baaghi TV

Tag: پاکستان

  • روس ، یوکرین تنازعہ:جنگ عظیم دوم کے پہلی مرتبہ جرمنی کا تجارتی خسارہ 3کھرب روپے تک پہنچ گیا

    روس ، یوکرین تنازعہ:جنگ عظیم دوم کے پہلی مرتبہ جرمنی کا تجارتی خسارہ 3کھرب روپے تک پہنچ گیا

    برلن :روس ، یوکرین تنازعہ:جنگ عظیم دوم کے پہلی مرتبہ جرمنی کا تجارتی خسارہ 3کھرب روپے تک پہنچ گیا،اطلاعات ہیں کہ روس اور یوکرین کے درمیان جنگ نے یورپ کے بڑے ملک جرمنی کومعاشی طور پر تباہ حال کردیا ہے ، جرمنی نے 30 سالوں میں اپنا پہلا ماہانہ تجارتی خسارہ مئی میں نوٹ کیا کیونکہ یوکرین میں روس کی جنگ کی وجہ سے اس کی تیل اور گیس کی درآمدات کی قیمتیں بڑھ گئیں۔

    روس کا یورپ کو گیس سپلائی کرنیوالی پائپ لائن بند کرنے کا اعلان

    یورپ کا سب سے بڑا ملک، جس کا معاشی ماڈل دوسری جنگ عظیم کے بعد سے کافی تجارتی سرپلسزبتایا گیا ہے،عالمی معاشی اداروں کے مطابق مئی میں € 1.0 بلین ($1.04 بلین) کے خسارے میں چلا گیا، کیونکہ اس کا درآمدی بل ایک سال پہلے کے مقابلے میں تقریباً 28 فیصد بڑھ گیا۔ یاہو نیوز نے یہ بھی رپورٹ کیا کہ اپریل سے درآمدات میں 2.7 فیصد اضافہ ہوا۔

    یوکرینی سرحد کے قریب روسی شہر میں متعدد دھماکے،3 افراد ہلاک، 11 رہائشی عمارتیں اور…

    اعداد و شمار جرمنی کی معاشی تباہی کا واضح اشارہ کررہےہیں ، جرمنی کو یہ دن روس اور یوکرین کے تنازعے کی وجہ سے دیکھنے پڑرہےہیں، ۔ خسارہ جون میں وسیع ہونے والا ہے، جو روسی گیس کی سپلائی میں 60 فیصد کمی کی عکاسی کرتا ہے جس نے درآمد کنندگان کو اسپاٹ مارکیٹ سے بہت زیادہ قیمتوں پر خرید کر اپنی ذمہ داریوں کو پورا کرنے پر مجبور کیا۔ بہت سے جرمن تجزیہ کاروں کو خدشہ ہے کہ سال کے دوسرے نصف میں روسی سپلائی مکمل طور پر بند ہو جائے گی۔

    روس کا ایک اوریوکرینی شہر کا کنٹرول حاصل کرنے کا دعویٰ

    یہ خبر ایک ایسے دن کے آغاز پر سامنے آئی ہے جب جرمن چانسلر اولاف شولز برلن میں یونین اور آجروں کے نمائندوں کے ساتھ معیشت کی حالت پر بحرانی بات چیت کرنے والے ہیں۔جرمن فیڈریشن آف ٹریڈ یونینز کی سربراہ یاسمین فہیمی نے ہفتے کے آخر میں اخبار Bild am Sonntag کو انٹرویو دیتے ہوئے کہا کہ گیس کی رکاوٹوں کی وجہ سے پوری صنعتیں ہمیشہ کے لیے منہدم ہونے کے خطرے سے دوچار ہیں۔ ، اور ایلومینیم کی صنعتیں، یہ سبھی اہم آٹوموٹیو سیکٹر کے بڑے سپلائرز ہیں جن کے ہمیشہ ہمیشہ کے لیے بند ہونے کے خدشات بڑھ گئے ہیں‌انہوں نے مزید کہا کہ "اس طرح جرمنی میں پوری معیشت اور ملازمتوں پر بڑے پیمانے پر منفی اثرات مرتب ہوں گے۔”

    جنگ شروع ہونے کے بعد سے یورو ڈالر کے مقابلے میں 7.4 فیصد گر چکا ہے، جو مئی میں پانچ سال کی کم ترین سطح پر پہنچ گیا ہے۔

  • بشریٰ بی بی کا پول کھل گیا، پارٹی تو ابھی شروع ہوئی ہے

    بشریٰ بی بی کا پول کھل گیا، پارٹی تو ابھی شروع ہوئی ہے

    باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ آڈیوز اور ویڈیوز آ سکتی ہیں، لیکن اب اسکا فرق اتنا نہیں پڑنا جتنا سوچا جا سکتا ہے، عمران خان کا سپورٹر ہر بات مان لیتا ہے،وہ کہتے ہیں کہ خان پھر بھی اچھا ہے، برا نہیں باقیوں جیسا نہیں، بشریٰ بی بی کا کیس لیں، اس پر جب کچھ عرصہ پہلے رپورٹنگ ہوئی تھی تو عمران خان نے کہا تھا کہ خاتون کو دور رکھیں ، اسکا سیاست سے تعلق نہیں لیکن پی ٹی آئی والے باز نہیں آئے، بیگم کلثوم نواز جب ہسپتال میں تھیں تب انکے بارے کیا کہا گیا تھا، وہ بیمار تھیں، لیکن پی ٹی آئی والے کہتے رہے کہ وہ صحیح ہیں، کئی منسٹر آئے اور انہوں نے کہا کہ بشریٰ بی بی پر بات نہ کریں، ہمیں بتایا گیا کہ بشریٰ بی بی صوم و صلاوۃ کی پابند ہیں انکا وقت عبادت میں گزرتا ہے،اب جو آڈیو ہے اسکو ابھی تک کسی نے تردید نہیں کی،،بشریٰ کی امور ریاست میں مداخلت تھی اور وہ جس طرح ریاست کی طاقت کو استعمال کرتے ہوئے الزامات لگوا رہی تھی وہ تو باقاعدہ غداری کے زمرے میں آتا ہے، یہ کوئی چھوٹی چیزیں نہیں ہیں، آڈیو ایسی بے شمار ہوں گی، ویڈیو بے شمار ہوں گی کیونکہ عمران خان نے کبھی احتیاط نہیں کی، ہم کینیٹر پر جب ہوتے تھے تو کوشش کرتے تھے کہ خان کی علیحدگی میں کوئی ملاقات نہ ہو، انکی ایک میگنیٹک پرسنلٹی ہے

    مبشر لقمان کا مزید کہنا تھا کہ ابھی تو کرپشن کے کیسز میں کھول رہا ہوں، فرح گوگی، احسن گجر، بشریٰ بی بی سب کی داستانیں سامنے لاؤں گا، بی آرٹی کا منصوبہ، اس پر انکوائری بند کی گئی، کے پی میں دوائیوں کا سیکنڈل ، اسکی انکوائرئ بند کروائی، کتنا کچھ وہ خود کر چکے ،پاکستان کی تاریخ میں سب سے زیادہ قرضے عمران خان کی پارٹی نے لئے، ن لیگ ، پی پی نے اتنا قرضہ نہیں لیا جتنا خان نے لیا، یا تو اس قرضے سے اتارا جاتا، یہ ترقیاتی کام ہوتے، نہ تو کوئی ترقیاتی کام ہوا، سڑک، سکول ،ہسپتال کچھ بھی نظر نہیں آ رہا اور قرضہ بھی اسی طرح موجود ہے، بلکہ اسکا سود بڑھ رہا ہے، سڑکوں کی ری پیئرنگ چار سالوں میں نہیں ہوئی، کرپشن بھی ہوئی اور ڈھٹائی اس پر یہ کہ ہر ایک کو برا کہہ رہے ہیں،

    سابق خاتون اول بشریٰ بی بی کی دیرینہ دوست فرح گوگی کا ایک اور بڑا سکینڈل منظر عام پر آ

    وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے، ویڈیو وائرل

    نوجوان جوڑے پر تشدد کرنیوالے ملزم عثمان مرزا کے بارے میں اہم انکشافات

    بنی گالہ کے کتوں سے کھیلنے والی "فرح”رات کے اندھیرے میں برقع پہن کر ہوئی فرار

    ہمیں چائے کے ساتھ کبھی بسکٹ بھی نہ کھلائے اورفرح گجر کو جو دل چاہا

    فرح خان کتنی جائیدادوں کی مالک ہیں؟ تہلکہ خیز تفصیلات سامنے آ گئیں

    بنی گالہ میں کتے سے کھیلنے والی فرح کا اصل نام کیا؟ بھاگنے کی تصویر بھی وائرل

    سوشل میڈیا پر عمران خان کی کامیابی کا راز فاش

  • آرمی چیف سے ترک جنرل موسیٰ کی ملاقات، پیشہ ورانہ امور پر گفتگو

    آرمی چیف سے ترک جنرل موسیٰ کی ملاقات، پیشہ ورانہ امور پر گفتگو

    راولپنڈی: آرمی چیف جنرل قمر جاوید باجوہ سے کمانڈر ترک لینڈ فورسز جنرل موسیٰ اوسیور نے جی ایچ کیو میں ملاقات کی ہے۔

    پاک فوج کے شعبہ تعلقات عامہ (آئی ایس پی آر ) کے مطابق ملاقات کے دوران دونوں برادر ممالک کے درمیان دفاعی اور سکیورٹی تعاون پر خصوصی زور دینے کے ساتھ باہمی اور پیشہ ورانہ دلچسپی کے امور پر تبادلہ خیال کیا گیا۔

    آرمی چیف جنرل قمر جاوید باجوہ نے گفتگو کرتے ہوئے کہا کہ ہم ترکی کے ساتھ اپنے برادرانہ تعلقات کو انتہائی قدر کی نگاہ سے دیکھتے ہیں۔ دونوں ممالک کے درمیان تعلقات کی جڑیں تاریخ میں گہری اور ہماری ثقافتی و مذہبی وابستگیوں میں جڑی ہوئی ہیں۔
    اس موقع پر خصوصاً تربیت اور انسداد دہشت گردی کے شعبوں میں فوجی تعلقات کو مزید بہتر بنانے پر اتفاق کیا گیا۔ ملاقات میں ترک لینڈ فورسز کے کمانڈر جنرل موسیٰ اوسیور نے پاکستان کی مسلح افواج کی پیشہ ورانہ مہارت کا اعتراف کرتے ہوئے مختلف شعبوں میں تعاون بڑھانے کے عزم کا اظہار کیا۔

    آئی ایس پی آر کے مطابق ترک مہمان نے پاکستان کے ساتھ ہر سطح پر سفارتی تعاون میں مزید بہتری کے لیے اپنا کردار ادا کرنے کا بھی عہد کیا۔

  • امریکہ : یوم آزادی پریڈ کے دوران فائرنگ،ہلاکتیں:24 گھنٹےگزرنےکے باوجود ہرطرف خوف ہی خوف

    امریکہ : یوم آزادی پریڈ کے دوران فائرنگ،ہلاکتیں:24 گھنٹےگزرنےکے باوجود ہرطرف خوف ہی خوف

    شکاگو۔امریکہ : یوم آزادی پریڈ کے دوران فائرنگ،ہلاکتیں:24 گھنٹےگزرنےکے باوجود ہرطرف خوف ہی خوف،اطلاعات کے مطابق امریکہ میں یوم آزادی کی پریڈ کے دوران فائرنگ کے نتیجے میں کم از کم چھ افراد ہلاک اور 24 زخمی ہو گئے ہیں ، لیکن امریکہ میں ابھی تک اس فائرنگ نے ہرشخص کو خوف زدہ کررکھا ہے اور 24 گھنٹے گزرنے کے باوجود ہرطرف پولیس اوردیگرسیکورٹی ادارے خوف کے مارے تلاشی اور پکڑ دھکڑ کا سلسلہ شروع کئے ہوئے ہیں ۔ یہ واقعہ ریاست الینوائے کے شہر شکاگو کے نواحی علاقے ہائی لینڈ پارک پریڈ شوٹنگ میں پیش آیا۔ فائرنگ کے بعد لوگ جان بچانے کے لیے ادھر سے ادھر بھاگتے نظر آئے۔ حکام نے پریس کانفرنس میں چھ افراد کے ہلاک اور 24 کے زخمی ہونے کی تصدیق کی۔ زخمیوں کو مقامی اسپتال میں داخل کرایا گیا ہے۔

    پولیس کو ایک رائفل بھی ملی ہے جس کے بارے میں خیال ہے کہ اس سے فائر کیا گیا تھا۔ تاہم ابھی تک مشتبہ حملہ آور پکڑا نہیں جا سکا ہے۔

    شوٹر نے چھت سے فائرنگ کی۔ مقامی میڈیا رپورٹس کے مطابق پیر کی صبح 10 بجے پریڈ شروع ہوئی۔ تقریباً 10 دن بعد فائرنگ کی وجہ سے پریڈ روکنا پڑی۔ بتایا گیا ہے کہ فائرنگ عمارت کی چھت سے کی گئی ہے۔ تفتیشی ایجنسیاں حملہ آور کی تلاش میں ہیں۔ لیک کاؤنٹی شیرف کے دفتر کی طرف سے جاری بیان میں کہا گیا ہے کہ فائرنگ "یوم آزادی پریڈ اسٹریٹ” کے علاقے میں ہوئی۔ اس واقعے نے ایک بار پھر امریکہ کے خطرناک گن کلچر کو بے نقاب کر دیا ہے۔ 24 مئی کو، ، ٹیکساس کے ایک ایلیمنٹری اسکول میں فائرنگ سے دو اساتذہ اور 19 بچے ہلاک ہو گئے۔ ایک عینی شاہد نے بتایا کہ مجرم نے 20 سے زیادہ گولیاں چلائیں

    لینڈ پارک کی رہائشی ڈیبی گلک مین نے بتایا کہ وہ ساتھیوں کے ساتھ پریڈ کے فلوٹ پر تھیں اور جب اس نے لوگوں کو بھاگتے ہوئے دیکھا تو کئی لوگ پریڈ کے راستے سے نیچے جانے کے لیے تیار تھے۔ انہوں نے مزید کہا کہ لوگ چیخ رہے تھے، وہاں ایک شوٹر ہے، ایک شوٹر ہے، وہاں ایک شوٹر ہے، "گلک مین نے مزید کہا کہ ہم نے بھی یہ سن کر بھاگنے کا فیصلہ کیا۔ شہر کے رہنماؤں نے ٹوئٹر پر مطلع کیا ہے کہ ‘پولیس دی ہائی لینڈ پارک شوٹنگ کے واقعے کی تحقیقات جاری ہیں، اس دوران فورتھ فیسٹ کو منسوخ کر دیا گیا ہے۔

    فائرنگ کا یہ حالیہ واقعہ امریکہ میں اسلحے کے بڑھتے ہوئے جرائم کا ایک اور سلسلہ ہے، جہاں گن وائلنس آرکائیو ویب سائٹ کے مطابق ہر سال فائرنگ سے 40 ہزار کے قریب اموات ہوتی ہیں۔

    اس سے امریکہ میں 246 ویں یوم آزادی کی تقریبات پر بھی اثر پڑا، جہاں ملک بھر میں شہروں اور قصبوں میں پریڈ منعقد ہوتی ہیں اور شہری پارٹیوں اور آتش بازی کے لیے جمع ہوتے ہیں۔ پولیس کے مطابق فائرنگ صبح 10 بج کر 14 منٹ پر شروع ہوئی جب پریڈ آدھی سے زیادہ گزر چکی تھی۔

    صدر جو بائیڈن نے ایک ٹویٹ میں کہا: ’اس یوم آزادی پر بے مقصد فائرنگ نے ایک بار پھر امریکی برادری میں سوگ کا سماں پیدا کر دیا ہے۔‘ انہوں نے کہا: ’میں اسلحے کے تشدد کی وبا کے خلاف لڑائی میں ہار نہیں مانوں گا۔‘ صدر بائیڈن نے پیر کی شب وائٹ ہاؤس میں فوجی خاندانوں اور انتظامیہ کے اہلکاروں سے خطاب میں کہا: ’حالیہ دنوں میں یہ سوچنے کی وجوہات سامنے آئی ہیں کہ شاہد ہمارا ملک پیچھے جا رہا ہے، کہ آزادیوں میں کمی آ رہی ہے، کہ وہ حقوق جنہیں ہم محفوظ سمجھتے تھے، اب نہیں ہیں۔ میں جانتا ہوں کہ یہ تھکا دینے والا اور پریشان کن ہے مگر میں آپ کو بتانا چاہتا ہوں کہ ہم اس سب سے نکل جائیں گے۔

  • شہروز کاشف نے دنیا کی چوتھی بلند ترین چوٹی نانگا پربت سر کر لی

    شہروز کاشف نے دنیا کی چوتھی بلند ترین چوٹی نانگا پربت سر کر لی

    لاہور: براڈ بوائے کے نام سے معروف پاکستانی کوہ پیما شہروز کاشف نے دنیا کی چوتھی بلند ترین چوٹی نانگا پربت سر کر کے ایک اور ورلڈ ریکارڈ قائم کر دیا-

    باغی ٹی وی : تفصیلات کے مطابق شہروزکاشف نے 8126 میٹر بلند چوٹی نانگا پربت سر کر لی 20 سالہ شہروز نے 8000 میٹر سے بلند آٹھویں چوٹی سرکی ہے، شہروز کاشف 8 ہزار میٹر بلند دنیا کی تمام 14 چوٹیاں سرکرنے کا عزم رکھتے ہیں۔

    پاکستانی کوہ پیما نے شمالی امریکا کی بلند ترین چوٹی سرکرلی

    شہروزکاشف نے پاکستانی وقت کے مطابق صبح 8:34 پر نانگاپربت چوٹی سرکی ہے اس عالمی اعزاز کے بعد شہروز کاشف نانگاپربت چوٹی سرکرنے والےدنیا کےکم عمرترین کوہ پیما بن گئے ہیں۔

    شہروز کاشف نیپال میں تین ہفتوں میں تین چوٹیاں سر کر چکے ہیں نہوں نے اب تک 8 ہزار میٹر سے بلند 8 چوٹیاں سر کرنے کا اعزاز رکھتے ہیں-

    کوہ پیما شہروز کاشف کو ایوان صدر کی جانب سے دعوت نامہ موصول

    شہروز کاشف براڈ پیک، ماونٹ ایوریسٹ، کے ٹو، لوہٹسے اور کنچن جونگا کی چوٹیاں سر کرنے کا اعزاز رکھتے ہیں۔شہروز 8 ہزار میٹر سے بلند چوٹیاں سر کرنے والے چوتھے پاکستانی ہیں دنیا کے کم عمر ترین کوہ پیما سے قبل محمد علی سدپارا، حسن سدپارا اور سرباز علی بھی 8، 8 ہزار میٹر سے بلند چوٹیاں سر کرچکے ہیں-

     

    خیرسگالی کا سفیر بننا میرے لیے اعزاز ہے،کوہ پیما شہروز کاشف

  • لاہور میں گرج چمک کے ساتھ بارش کا امکان

    لاہور میں گرج چمک کے ساتھ بارش کا امکان

    محکمہ موسمیات کے مطابق ملک بھر میں موسم گرم اور مرطوب رہے گا-

    باغی ٹی وی : اسلام آباد میں کالی گھٹائیں چھا گئیں،دن میں رات کا سما ں بن گیا راولپنڈی اور اسلام آباد کے مختلف علاقوں میں موسلا دھاربارش ہو رہی ہے محکمہ موسمیات کے مطابق اسلام آباد میں مذید بارش کا امکان ہے بارش سے حبس کم اور موسم خوشگوار ہو گیا ہے-

    محکمہ موسمیات کے مطابق سندھ ، بلوچستان، آزادکشمیر میں بھی تیز بارش متوقع ہے،بالائی پنجاب اور خیبر پختونخوامیں بارش کا امکان ہے ،سوا ت میں بعض مقامات پر تیز بارش بھی کا امکان ہے-

    محکمہ موسمیات کے مطابق کوئٹہ ،خضدار،قلات ، لسبیلہ،پنجگور اورآواران میں بارش متوقع ہے،تربت، خاران، ژوب ، بارکھان ، سبی ، کوہلو، ہر نائی اورچمن میں بارش متوقع ہے-

    محکمہ موسمیات کے مطابق زیارت ، نصیر آباد اور ساحلی پٹی میں گرج چمک کے ساتھ بارش کا امکان ہے،سیالکوٹ ،نارووال ، سرگودھا اور منڈی بہاؤالدین میں بارش متوقع ہے-

    محکمہ موسمیات کے مطابق خطۂ پوٹھوہار،گوجرانوالہ ، فیصل آباد، لاہور میں گرج چمک کے ساتھ بارش کا امکان ہے،بہاولنگر، بہاولپور،ملتان، رحیم یار خان ، راجن پور اور ڈیرہ غازی خان میں بھی بارش کا امکان ہے ،ما لاکنڈ اور کرم میں تیز ہواؤں اور گرج چمک کے ساتھ بارش کا امکان ہے-

    محکمہ موسمیات کے مطابق سکھر ،روہڑی ، لاڑکانہ ، جیکب آباد، بینظیر آباد ، ٹھٹھہ اوربدین میں بارش متوقع ہے ،تھرپارکر، عمر کوٹ،دادو، میر پور خاص ، حیدر آباد اورکراچی میں بارش کا امکان ہے دیر، سوات، مانسہرہ، ایبٹ آباد،پشاور، کوہاٹ، چارسدہ اور مردان میں بارش کا امکان ہے-

    دوسری جانب محکمہ تحفظ ماحولیات پنجاب نے آج کا ائیر کوالٹی انڈیکس جاری کردیا ہے-

    محکمہ تحفظ ماحولیات پنجاب کے مطابق ٹاون ہال لاہور میں ائیر کوالٹی انڈیکس 122 ریکارڈ کیا گیا ،ٹاون شپ سیکٹر ٹو میں ائیر کوالٹی انڈیکس81 ریکارڈ کیا گیا،داروغہ والا انڈسٹریل ایریالاہور میں ائیر کوالٹی انڈیکس 147 ریکارڈ کیا گیا جبکہ نیشنل ہاکی اسٹیڈیم میں ائیر کوالٹی انڈیکس 128ریکارڈ کیا گیا-

    محکمہ تحفظ ماحولیات پنجاب کے مطابق تمام ڈیٹا 24 گھنٹے کی بنیادپر مرتب کیا گیا ہے-

  • امریکہ پاکستان کیلئے سب سے بڑی برآمدی مارکیٹ ہے،پرویزالہی سے امریکی نمائندہ خصوصی کی ملاقات

    امریکہ پاکستان کیلئے سب سے بڑی برآمدی مارکیٹ ہے،پرویزالہی سے امریکی نمائندہ خصوصی کی ملاقات

    سپیکر پنجاب اسمبلی چودھری پرویزالٰہی سے امریکی نمائندہ خصوصی برائے کمرشل و کاروباری امور دلاور سید نے سپیکر چیمبر میں ملاقات کی۔ دلاورسید امریکہ میں سمال، میڈیم کاروباری اداروں کے صدر اور سی ای او رہے ہیں اور تجارتی و اقتصادی پالیسیوں کا بھرپور تجربہ رکھتے ہیں۔ ملاقات میں پاک امریکہ تعلقات، پارلیمانی و باہمی دلچسپی کے امور اور ملکی سیاسی صورتحال پر تبادلہ خیال کیا گیا۔

    وزیراعظم پاکستان کی امریکہ کو یوم آزادی پر مبارک باد

    سپیکر چودھری پرویزالٰہی نے کہا کہ دونوں ملکوں میں دیرینہ تعلقات کے فروغ کیلئے باہمی رابطے، تجارت اور عوامی سطح پر وفود کے زیادہ سے زیادہ تبادلوں کی ضرورت ہے۔ انہوں نے کہا کہ امریکہ اور پاکستان کی شراکت داری کو 75 سال ہو چکے ہیں، امریکہ پاکستان کیلئے سب سے بڑی برآمدی مارکیٹ ہے۔ انہوں نے مزید کہا کہ اقتصادی ترقی کیلئے دونوں ممالک کے عوام کو زیادہ سے زیادہ سہولیات فراہم کی جانی چاہئیں۔

    الوداع الوداع؛سداخوش رہوپاکستانیو:پاکستان میں جرمن سفیرکےآخری الفاظ

     

    چودھری پرویزالٰہی نے کہا کہ پاکستان اور امریکہ کے درمیان تجارت، سرمایہ کاری، تعلیم، توانائی اور صحت سمیت دیگر شعبہ جات میں شر اکت داری مزید مستحکم کرنے کی ضرورت ہے، سلیکون ویلی میں پاکستان اور امریکہ کا داخلہ دوطرفہ تجارتی تعلقات کو بڑھانے میں کلیدی کردار ادا کرے گا۔

    امریکی نمائندہ خصوصی دلاور سید نے کہا کہ امریکہ اورپاکستان کے مابین خوشگوار تعلقات بڑھانے کیلئے اپنا بھرپور کردار ادا کریں گے، امریکہ پاکستان کے ساتھ باہمی تعلقات کو فروغ دینے کیلئے پرعزم ہے۔ دلاور سید نے چودھری پرویزالٰہی کو خراج تحسین پیش کرتے ہوئے کہا کہ یہ بات خوش آئند ہے کہ ان کی وزارت اعلیٰ کے دور میں ایف سی کالج لاہور واپس پریسبیٹیرین چرچ کے حوالے کیا گیا۔

    سپیکر نے دلاور سیدکو پنجاب اسمبلی میں ہونیوالی قانون سازی سے آگاہ کیا۔ سپیکر نے امریکی نمائندہ خصوصی کو پنجاب اسمبلی کے نئے ایوان اور بلڈنگ کا دورہ بھی کروایا۔ ملاقات میں مس گایا (Ms. Gaia)، علاقائی پالیسی لیڈر برائے امریکی بین الاقوامی ترقیاتی مالیاتی کارپوریشن، مس کیتھلین گبیلیسکو (Ms. Kathleen Gibilisco) سربراہ سیاسی و اقتصادی امور برائے امریکی قونصلیٹ لاہور اور مس صدف سعد پولیٹیکل اینڈ اکنامک سپیشلسٹ برائے امریکی قونصلیٹ بھی موجود تھیں۔

  • تین ملکی گرین ڈرائیو 2022 ایکو ٹورازم انٹرنیشنل موٹربائیک کمپین کا آغاز ہوگیا

    تین ملکی گرین ڈرائیو 2022 ایکو ٹورازم انٹرنیشنل موٹربائیک کمپین کا آغاز ہوگیا

    ڈیرہ غازی خان۔ گرین ڈرائیو 2022 ایکو ٹورازم انٹرنیشنل موٹربائیک کمپین میں پاکستان سے ایران، ترکی اور آذربائجان تک بائیک رائیڈ ہوگی۔
    باغی ٹی وی رپورٹ۔پا کستان کے انٹرنیشنل بائیکر مکرم خان ترین دنیا کے دیگر ممالک میں پاکستان کی طرف سے شجرکاری اور امن کا پیغام لے کر بائیک رائیڈ کا آغازکیا ،مکرم ترین پاکستان کے میدانِ سیاحت میں ایک فعال اور سرکردہ شخصیت کا نام ہے موٹر بائیک ٹورازم کو بام عروج تک پہنچایا۔ مکرم ترین پاکستان کے معروف موٹر بائیک کلب "کراس روٹ موٹر سائیکل ٹریولرز کلب آف پاکستان” کے بانی و چیئرمین ہیں۔شجرکاری کے سلسلہ میں بھی مکرم ترین نے لوکل، صوبائی اور ملکی سطح پر متعدد موٹر بائیک رائیڈز کیں اور اب گرین ڈرائیو کے عنوان سے بین الاقوامی شجرکاری مہم پر روانہ ہو رہے ہیں جس کیلئے لاہور سے بائیک رائیڈ کا آغازکر چکے ہیں ، اور ہمسایہ مسلم ممالک ایران، ترکی اور آذربائجان کے سیاحتی دورہ کے ساتھ ساتھ شجرکاری اور ایکوٹورازم کے پیغام کو فروغ دیں گے۔مکرم ترین کی جنوبی پنجاب آمد پر وسیب ایکسپلورر کی جانب سے ڈاکٹر سید مزمل حسین نے ملتان تا فورٹ منرو بائیک رائیڈ کا اعلان کیا جس میں ملتان، میاں چنوں، جامپور، رحیم یار خان اور ڈیرہ غازی خان سے سیاحوں کی کثیر تعداد نے شرکت کی۔ جنوبی پنجاب کے بائیکر ٹورسٹس مکرم ترین کے ہمراہ ڈیرہ غازی خان پہنچے جہاں مقامی سیاح برادری بشمول پروفیسر شعیب رضا، ہمایوں ظفر جسکانی، حاجی عبداللہ ، محمد اسلم بھائی،سعید خان، اسد کھوسہ، عمر خان لغاری، طاہر شاہ، و دیگر نے ان کا بھرپور استقبال کیا۔ اور پھولوں کے ہار پہنائے گئے، جس کے بعد انہیں ریسکیو 1122 ڈیرہ غازی خان کے مرکزی سنٹر پر لے جایا گیا، جہاں عالمگیرخان ، ذیشان خالد اور کاشف ممتاز بخاری نے ان کا استقبال کیا، ریسکیو کی تربیت بارے آگاہی دی، انہیں کنٹرول روم کا دورہ کرایا گیا انہوں نے ریسکیو کے لان میں بسلسلہ شجر کاری سایہ دار پودا لگایا۔ اس کے بعد ڈیرہ غازی خان کے مایہ ناز تاریخ دان عمران بھٹی مرحوم کے گھر تشریف لے گئے،جہاں ان کے بھائیوں سے ملاقات کی، عمران بھٹی کی سیاحت کے حوالے سے خدمات کو سراہا اور ایصال ثواب کے لیے فاتحہ پڑھی، اس کے بعد مکرم خان نے عمران بھٹی مرحوم کی خدمات انکے بڑے بھائی کو لائف ٹائم اچیومنٹ ایوارڈ پیش کیا۔ مکرم ترین کو سخی سرور میں الطاف شیخ اور دیگر سیاحوںنے خوش آمدید کہا بعدازاں ملتان ، ڈیرہ غازی خان ، رحیم یار خان و دیگر علاقوں کے سیاح حضرات کے ساتھ فورٹ منرو گئے جہاں انہیں جبیب اللہ بلوچ،اسدا للہ ،محمد طارق اور دیگر نے ویلکم کیا یہ ٹور ڈھائی ماہ کے عرصے پر محیط ہوگا جس میں وہ تین ممالک میں بائیک رائیڈ کریں گے۔ یہ پاکستان کی تاریخ میں ایک نیا ریکارڈ قائم ہونے جا رہا ہے کہ کسی پاکستانی بائیکر نے شجر کاری اور امن کے پیغام کو لے کر دنیا کے دیگر ممالک میں بائیک رائیڈ کی ہو۔

  • پاکستان میں سعودی سفیر کا دورہ سوات، جڑواں بہنوں سے ملاقات

    پاکستان میں سعودی سفیر کا دورہ سوات، جڑواں بہنوں سے ملاقات

    پاکستان میں سعودی سفیر نواف المالکی نے اتوار کو سوات کا دورہ کیا، جہاں سعودی سفیر نے جڑواں بہنوں فاطمہ اور مشاعل سے آپریشن کے 7 سال بعد خصوصی ملاقات کی آپریشن سے قبل جڑواں بچیاں پیٹ اور سینے سے جُڑی ہوئی تھیں-

    باغی ٹی وی: (پیراسیٹک ٹون) پیدائشی جڑواں بہنوں کا آپریشن 2016 میں ہوا تھا، دونوں بچیوں کے والد نے سعودی حکومت اور قیادت کی طرف سے بچیوں کی دیکھ بھال اور توجہ دینے پر اشکریہ ادا کیا۔


    واضح رہے کہ سعودی عرب میں اب تک 22 ملکوں کےایک دوسرےسے جڑے ہوئے 118 بچوں کے کامیاب آپریشن ہو چکے ہیں د سمبر 1991 میں ریاض کے شاہ فیصل ہسپتال میں ڈاکٹرعبداللہ الربیعہ کی سربراہی میں مملکت میں اپنی نوعیت کا پہلا سیامی بچوں کا آپریشن کیا گیا جو سوڈانی بچیوں ‘سماح اورھبہ’ کا تھا۔ بچیاں پیٹ اور سینے سے جڑی ہوئی تھیں۔


    تین دہائی قبل سعودی عرب میں اس نوعیت کا آپریشن کرنا انتہائی اہم پیش رفت اور چیلنج تھا۔ اس وقت کی رپورٹوں کے مطابق آپریشن میں کامیابی کا تناسب 55 سے 60 فیصد تھا تاہم پہلا کامیاب آپریشن سیامی بچوں کے آپریشن کے میدان میں ایک ٹرننگ پوائنٹ ثابت ہوا۔

    واضح رہے کہ پیراسیٹک ٹون (parasitic twins) عام جڑواں بچوں سے اس طرح مختلف ہوتے ہیں کہ ماں کے پیٹ کے اندر ایک بچے کی نشو و نما رک جاتی ہے اور وہ دوسرے نارمل بچے کے ساتھ پیدائش کے بعد بھی نامکمل حالت میں جڑا رہتا ہے۔

  • ملک بھر میں موسم کیسا رہے گا؟

    ملک بھر میں موسم کیسا رہے گا؟

    محکمہ موسمیات کے مطابق ملک کے بیشتراضلاع میں موسم گرم رہے گا-

    باغی ٹی وی : محکمہ موسمیات کے مطابق سندھ ، بلوچستان، آزادکشمیر، پنجاب اور خیبر پختونخوامیں بارش کا امکان ہے،اسلام آباد میں تیز ہواؤں اور گرج چمک کے ساتھ بارش کا امکان ہے جبکہ کوئٹہ ،خضدار،قلات ، لسبیلہ،پنجگور، آواران میں بارش متوقع ہے-

    سستی بجلی کی جانب بڑا قدم:نیپرا کے مقابلے میں سیپرا کے قیام کا مسودہ تیار

    محکمہ موسمیات کے مطابق تربت، خاران، ژوب ، بارکھان ، سبی ، کوہلو، ہر نائی اورچمن میں بارش کا امکان ہے ،زیارت ، نصیر آباد اور ساحلی پٹی میں تیز ہواؤں اور گرج چمک کے ساتھ بارش متوقع ہےجبکہ خطۂ پوٹھوہار،گوجرانوالہ،سیالکوٹ ،نارووال اورمنڈی بہاؤالدین میں بارش کاامکان ہے-

    دریاؤں اور آبی ذخیروں میں پانی کی صورتحال

    محکمہ موسمیات کے مطابق فیصل آباد، لاہور، ساہیوال، بہاولنگر، بہاولپور،ملتان اوروہاڑی میں بارش کا امکان ہے جبکہ رحیم یار خان ، راجن پور اور ڈیرہ غازی خان میں بھی بارش کا امکان ہے-

    چیف میٹر و لوجسٹ سردار سرفراز کے مطابق کراچی میں آج دوپہر اور شام کو بارشیں متوقع ہیں،سندھ میں مون سون بارشوں کا سسٹم موجود ہے ،سسٹم کے تحت کل بھی کراچی میں تیز بارش کا امکان ہے ،عیدالاضحیٰ پر بھی بارش کا امکان ہے-

    دوسری جانب محکمہ موسمیات کا کہنا تھا کہ عید الاضحی پر پنجاب میں بارش کا امکان نہیں ہے لاہور میں عید پر موسم ابر آلود رہنےکا امکان ہےساتھ ہی حبس بھی رہےگا تاہم عید سے پہلے بارشوں کا ایک سسٹم آ رہا ہےجس سے 6 سے 8 جولائی تک صوبے میں موسلادھار بارشیں متوقع ہیں۔

    محکمہ موسمیات نے عید پر بارشوں کے حوالے سے پیشگوئی کر دی