Baaghi TV

Tag: پاکستان

  • روس کا یورپ کو گیس سپلائی کرنیوالی پائپ لائن بند کرنے کا اعلان

    روس کا یورپ کو گیس سپلائی کرنیوالی پائپ لائن بند کرنے کا اعلان

    کیف: روس نے یورپ کو گیس سپلائی کرنے والی پائپ لائن نارڈ اسٹریم ون کو 10 دن کے لیے بند کرنے کا اعلان کر دیا ہے۔

    روسی حکام کے مطابق نارڈ اسٹریم ون گیس پائپ لائن 11 جولائی سے 21 جولائی تک بند رہے گی، پائپ لائن کو مرمت کی غرض سے بند کیا جارہا ہے، تاہم گیس پائپ لائن بند ہونے سے یورپ میں گیس کا بحران مزید شدت اختیار کر سکتا ہے۔

    یورپ کو 60 فیصد گیس نارڈ اسٹریم پائپ لائن سے سپلائی کی جاتی ہے جو بند ہونے سے یورپ کو گیس کی سپلائی آدھی رہ جائے گی۔
    یوکرین کے صدر ولادیمیر زیلنسکی نے اعتراف کیا کہ 2600 سے زیادہ شہر اور قصبے روس کے کنٹرول میں ہیں کیونکہ جنگ جاری ہے۔

    زیلنسکی نے کہا کہ یوکرائنی افواج نے 1,000 سے زیادہ شہروں اور قصبوں کو آزاد کرالیا ہے، لیکن انہیں اب بھی 2,610 کو آزاد کرنے کی ضرورت ہے۔

    انہوں نے مزید کہا کہ تنازعات سے متاثر ہونے والے ان مقامات میں سے زیادہ تر کو دوبارہ تعمیر کرنے کی ضرورت ہے، اور ان میں سے سینکڑوں کو "روسی فوج نے مکمل طور پر تباہ کر دیا”۔

    "یقیناً، ہم نے پہلے ہی آزاد شدہ کمیونٹیز اور علاقوں میں اپنے طور پر معمول کی زندگی کو بحال کرنا شروع کر دیا ہے،” زیلنسکی نے جاری رکھتے ہوئے کہا، "لیکن پورے ملک میں اتنے بڑے پیمانے پر منصوبے کو نافذ کرنا، نئے حفاظتی معیارات اور زندگی کا ایک نیا معیار فراہم کرنا۔ بین الاقوامی صلاحیتوں کو راغب کرنے سے ہی ممکن ہے۔

    انہوں نے ایک کانفرنس میں کہا کہ یوکرین پیر کو سوئٹزرلینڈ کے ساتھ مشترکہ طور پر میزبانی کرے گا اور منگل کو یوکرین کی تعمیر نو کے لیے "ایک اہم قدم” ہوگا۔

    صدر جو بائیڈن نے جمعرات کو کہا کہ وہ یوکرین کی جنگ جیتنے میں "جتنا وقت لگے” اس کی حمایت کرنے کو تیار ہیں۔ اگلے دن، پینٹاگون نے یوکرین کے لیے 820 ملین ڈالر کی اضافی سیکیورٹی امداد کا اعلان کیا۔ سٹریٹیجک مشرقی صوبے لوہانسک میں یوکرین کے آخری گڑھ لیسی چانسک کے لیے لڑائی میں شدت آ گئی ہے۔

    خبر رساں ادارے روئٹرز کے مطابق ہفتہ کو ماسکو کے حامی خود ساختہ لوہانسک ریپبلک کے سفیر روڈیون میروشنک نے روسی ٹیلی ویژن کو بتایا کہ ’لیسی چانسک پر کنٹرول حاصل کر لیا گیا لیکن بدقسمتی سے ابھی تک اس کو آزاد نہیں کرایا جا سکا۔‘ روسی میڈیا پر لوہانسک کی ملیشیا کو لیسی چانسک کی سڑکوں پر پریڈ اور پرچم لہراتے ہوئے دکھایا گیا تاہم یوکرین کے نیشنل گارڈ کے ترجمان رسلن موزیچک نے سرکاری ٹی وی کو بتایا کہ شہر اب بھی ان کے کنٹرول میں ہے۔

     

     

    لیسی چانسک کے قریب شدید لڑائیاں جاری ہیں۔ خوش قسمتی سے شہر کا محاصرہ نہیں ہوا اور یوکرینی فوج کے کنٹرول میں ہے۔‘ انہوں نے کہا کہ لیسی چانسک، بخموت اور خارکیو میں سب سے زیادہ مشکل صورتحال کا سامنا ہے۔ بحیرہ اسود کے قریبی علاقوں میں زوردار دھماکے سنے گئے۔ جنوبی علاقے میکولیئو کے میئر نے شہریوں کو محفوظ مقامات پر رہنے کی ہدایت کی ہے۔ دھماکوں کے بارے میں روس کا کہنا ہے کہ اس نے فوج کی کمانڈ پوسٹوں کو نشانہ بنایا ہے۔ یوکرینی صدر ولادیمیر زیلنسکی نے حملوں کی مذمت کرتے ہوئے اپنے خطاب میں کہا کہ ’روس کے خلاف کامیابی حاصل کرنے کے لیے راستہ مشکل ہو گا لیکن عوام اپنے عزم کو برقرار رکھیں اور دشمن کو نقصان پہنچائیں تاکہ ہر روسی کو یہ یاد ہو یوکرین کو توڑا نہیں جا سکتا۔‘

     

     

    کیئف نے کہا ہے کہ ماسکو نے مرکزی میدان جنگ سے دور شہروں میں میزائل حملے تیز کر دیے ہیں اور جان بوجھ کر شہری مقامات کو نشانہ بنایا ہے۔ 24 فروری کو روسی حملے کے بعد ہزاروں یوکرینی شہری ہلاک ہو چکے ہیں جبکہ متعدد شہر بھی تباہی کا منظر پیش کر رہے ہیں۔

     

     

    کریملن کے ترجمان دمتری پاسکوف نے روس کے اس موقف کو دہرایا کہ اس نے شہریوں کو نشانہ نہیں بنایا۔ گزشتہ ماہ شدید لڑائی کے بعد روسی فوجیوں نے لیسی چانسک کے قریبی شہر سیوروڈونیسک پر قبضہ کیا تھا۔ یوکرین نے مغرب سے مزید ہتھیاروں کی اپیل کرتے ہوئے کہا ہے کہ اس کی فوج کو روسی فوج نے بھاری ہتھیاروں سے شکست دی ہے۔

  • مختلف حادثات میں 6 افراد جاں بحق متعدد زخمی

    مختلف حادثات میں 6 افراد جاں بحق متعدد زخمی

    ژوب:دانہ سر کے علاقے میں بس کھائی میں گر گئی،جس میں 4 افراد جاں بحق،متعدد زخمی ہو گئے-

    باغی ٹی وی :بلوچستان کے ضلع شیرانی میں مسافرکوچ کے حادثے میں 4 افراد جاں بحق ہوگئے ریسکیو ذرائع کے مطابق حادثہ ضلع شیرانی کےعلاقے دانہ سرکےقریب پیش آیا جس میں 4 مسافر جاں بحق اور7 زخمی ہوگئے۔

    پشاور:ایس ایچ او کانسٹیبل بیٹے کیساتھ منشیات امگل کرتے ہوئے رنگے ہاتھوں پکڑا گیا

    ریسکیو ذرائع کے مطابق مسافر بس کھائی میں گرنے سے 4 افراد جاں بحق،متعدد زخمی ہو گئے ریسکیو ذرائع کے مطابق بس راولپنڈی سے کوئٹہ جا رہی تھی،33افراد سوار تھے ریسکیو ذرائع کا کہنا ہےکہ لاشوں اور زخمیوں کو سول اسپتال ژوب منتقل کردیا گیا ہے-

    دوسری جانب تنگوانی میں مگسی اسٹاپ کے قریب لوڈر رکشہ اور ٹرک ٹکر گئےحادثے کی اطلاع ملتے ہی پولیس اور ریسکیو ادارے موقع پر پہنچ گئے پولیس کے مطابق حادثے میں ایک شخص جاں بحق ہو گیا اور ٹرک ڈرائیور کو گرفتار کر لیا گیا ہے واقعے کی تحقیقات شروع کر دی گئی ہیں-

    قربانی کیلئے لائے گئے جانوروں سے بھرا ٹرک الٹ گیا،17 بکرے ہلاک

    ادھر جہانیاں میں خانیوال روڈ پر نامعلوم کار کی ٹکر سے راہگیر جاں بحق ہو گیا پولیس نے موقع پر پہنچ کر لاش کو تحویل میں لے کر اسپتال منتقل کر دیا ہے-

    قبل ازیں ڈیرہ غازیخان کے ٹرائیبل ایریا میں ٹریکٹرٹرالی الٹنے سے 2ہلاک،8مزدور زخمی ہو گئے تھے ڈیرہ غازیخان کے ٹرائیبل ایریا بی ایم پی تھانہ رونگھن کے علاقہ یکبائی میں روڈ پر کام کرنے والے مزدور صبح آٹھ بجے ٹریکٹر ٹرالی پر کام پر جارہے تھےتیزرفتاری کے باعث موڑکاٹتے ہوئے ٹریکٹرکےبریک فیل ہونے پرٹریکٹرٹرالی بےقابوہو کرالٹ گئی تھی-

    جس سےدوافراد جن میں ایک ٹریکٹرڈرائیور فداحسین جوکہ چوٹی زیریں کارہائشی تھا موقع پردم توڑگیا تھا جبکہ دوسرا ہلاک ہونے والامزدور عابدحسین ولدخادم حسین ہیڈ محمد کا رہائشی تھا موقع پردم توڑگیا،اس حادثہ میں 8 مزدور زخمی ہوگئےتھے-

    ڈیرہ،ٹرائیبل ایریا میں ٹریکٹرٹرالی الٹنے سے 2ہلاک،8مزدور زخمی

  • ملک بھر میں کورونا مثبت کیسز کی تعداد 650 ہو گئی

    ملک بھر میں کورونا مثبت کیسز کی تعداد 650 ہو گئی

    قومی ادارہ صحت کے مطابق گزشتہ 24 گھنٹے کےدوران پاکستان میں عالمی وبا کورونا وائرس سے 2 مریض انتقال کر گئے-

    باغی ٹی وی : ملک میں ایک بار پھر کورونا کیسز میں تیزی سے اضافہ ہونے لگا کورونا کے یومیہ کیسز کی تعداد 600 سے تجاوز کر گئی قومی ادارہ صحت (این آئی ایچ) کے مطابق گزشتہ 24 گھنٹے میں کورونا کے 650 کیسز رپورٹ ہوئے جبکہ گزشتہ 24 گھنٹے میں 16 ہزار 755 کورونا ٹیسٹ کیے گئے-


    این ایچ آئی کے مطابق گزشتہ 24 گھنٹے میں کورونا مثبت کیسز کی شرح 3.88 فیصد رہی، جبکہ ملک بھر میں کورونا کے 138 مریضو ں کی حالت تشویشناک ہے-


    وفاقی وزیر صحت عبدالقادر پٹیل نے کرونا وائرس سے بچاؤ کیلئے اہم پیغام میں کہا تھا کہ کرونا وائرس سے پچاو کیلئے موثر اقدامات کو یقینی بنارہے ہیں کرونا وائرس سے نمٹنے کیلئے این سی او سی میں روزانہ کی بنیاد پر اجلاس ہوتا ہے کرونا وائرس کی صورت کی کڑی نگرانی کی جاتی ہے


    عبدالقادر پٹیل نے کہا کہ کرونا وائرس سے بچاؤ احتیاطی تدابیر اختیار کریں سماجی فاصلے کو یقینی بنائیں عیدالاضحی کے دوران ماسک کا استعمال کریں زیادہ ہجوم والی جگہوں پر جانے سے پرہیز کریں-
    پاکستان میں کورونا وبا کے پھیلاؤ کے پیش نظر عبدالقادر پٹیل نے شہریوں سے اپیل کہ ہے کہ وزیر صحت کرونا وائرس سے بچاؤ کیلئے اور ویکسینیشن اور بوسٹر ڈوز لگوائیں، عید کے دوران گلے ملنے اور ہاتھ ملانے سے اجتناب کریں


    انہوں نے علماء کرام سے بھی اپیل کی کہ وہ مساجد میں سماجی فاصلے کو بھی یقینی بنائیں –

  • انتشار نہیں پھیلانا چاہتا، ابھی بھی وقت ہے ملک کو بچا لو،عمران خان

    انتشار نہیں پھیلانا چاہتا، ابھی بھی وقت ہے ملک کو بچا لو،عمران خان

    پاکستان تحریک انصاف (پی ٹی آئی) کے چیئرمین اور سابق وزیراعظم عمران خان نےاسلام آباد کے پریڈ گراؤنڈ میں جلسے سے خطاب کرتے ہوئے کہا کہ فیملیز یہاں بیٹھی ہیں، کارکنوں کا فرض ان کا دھیان رکھنا ہے، پاکستان کے میر جعفر اور میر صادق نے سازش کر کے الیکٹڈ حکومت کو ہٹایا۔

    پی ٹی آئی چیئرمین نے کہا کہ میرا جینا مرنا پاکستان میں ہے، کبھی میرے ذہن میں یہ خیال نہیں آیا کہ میں پاکستان کے علاوہ کہیں اور رہنا چاہتا ہوں۔عمران خان نے کہا کہ شریف خاندان کا سارا پیسہ باہر پڑا ہوا ہے، جیسے ہی ان کی حکومت ختم ہوتی ہے نواز شریف ملک سے باہر چلے جاتے ہیں، آصف زرداری بھی بہت عرصے باہر رہے ہیں ، ان کی جائیدادیں بھی باہر ہیں، ملک نیچے جاتا ہے تو انہیں کوئی فرق نہیں پڑتا۔

    پریڈ گراؤنڈ جلسے کے دوران عمران خان کے سیاسی اور کرکٹ کیرئیر پر ایک دستاویزی فلم دکھائی گئی جبکہ ملک کے مختلف شہروں میں بڑی سکرینیں نصب کرنے اور خطاب دکھانے کے بھی انتظامات کیے گئے۔

    اسلام آباد کے پریڈ گراؤنڈ میں پاکستان تحریک انصاف (پی ٹی آئی) کی جانب سے مہنگائی، سیاسی عدم استحکام، بے تحاشا لوڈ شیڈنگ اور پٹرولیم مصنوعات کی قیمتوں میں اضافے کے خلاف احتجاجی جلسہ سے خطاب کرتے ہوئے سابق وزیراعظم نے کہا کہ اسلام آباد اور راولپنڈی کی تاریخ میں عوام کا ایسا سمندر کبھی نہیں دیکھا، مجھے پتہ تھا لوگوں میں اپنی پولیس اور رینجرز کیخلاف غصہ تھا، مجھے پتہ تھا اس دن شام کو بھی یوں ہی عوام کا سمندر آنا تھا، عورتوں اور بچوں پر جس طرح ظلم ہو امعلوم تھا انتشار پھیلے گا، میں نے فیصلہ کیا قوم بھی میری ہے اور پولیس و رینجرز بھی میری ہے، میں انتشار نہیں پھیلانا چاہتا تھا۔ ملک بھر میں قوم باہر نکلی ہوئی ہے اور اداروں کو پیغام دے رہی ہے ابھی بھی وقت ہے اس ملک کو چوروں سے بچا لو۔ کہیں ہمارے ہاتھ سے گیم نہ نکل جائے۔

    انہوں نے کہا کہ میر جعفر اور میر صادق نے مل کر سازش کی۔ امریکی سازش کے تحت 22کروڑ عوام کی منتخب حکومت کو ہٹایا گیا، میں ملکی اداروں کیخلاف جنگ کرنے یا نقصان کرانے نہیں نکلا تھا۔ میرے بیرون ملک محلات، جائیدادیں یا کاروبار نہیں ہے۔ آج میرا مرنا جینا پاکستان میں ہے، کبھی نہیں سوچا کہ باہر کا پاسپورٹ لے لوں، پاکستان کے علاوہ کہیں اور رہنے کا سوچا بھی نہیں، امپورٹڈ حکومت میں بیٹھے لوگوں کا جینا مرنا پاکستان میں نہیں، زرداری اور شہباز شریف کی جائیدادیں ملک سے باہر ہیں، روپیہ گرتا ہے تو ان کی دولت بڑھتی ہے کیونکہ ان کے اثاثے ڈالرز میں ہیں، آصف زرداری نے حسین حقانی کے ذریعے امریکی سپہ سالار کو پیغام دیا کہ مجھے بچا لو، نواز شریف نے مودی کو شادی پر بلایا تھا۔

    پاکستان تحریک انصاف (پی ٹی آئی) کے چیئر مین اور سابق وزیراعظم عمران خان نے کہا کہ میں اپنے اداروں کیخلاف جنگ کرنے نہیں نکلا۔ میں اپنے ملک کا نقصان کرنے نہیں نکلا، امپورٹڈ حکومت تم چاہتے ہو ہم اپنے ذمہ داروں اور عدلیہ کے سامنے کھڑے ہو جائیں۔

    پاکستان تحریک انصاف کے چیئر مین عمران خان، سابق وفاقی وزراء شخ رشید، اسد عمر اور پارٹی کے دیگر مرکزی رہنماؤں کے ہمراہ راولپنڈی کے علاقے رحمان آباد سے ریلی کی قیادت کرتے ہوئے پریڈ گراؤنڈ پہنچے۔

    سابق وزیر اعظم نے کہا کہ نواز شریف کے بیٹے باہر ہیں، انہوں نے برطانیہ کا پاسپورٹ لیا ہوا ہے، اور کہتے ہیں کہ ہم پاکستانی شہری نہیں ہیں۔عمران خان نے کہا کہ نواز شریف جب بھارت گئے تو انہوں نے کشمیر کے مسئلے پر بات اس لیے نہیں کی کہ کہیں مودی ناراض نہ ہوجائے۔

  • ضمنی الیکشن،ضابطہ اخلاق کی خلاف ورزی برداشت نہیں:الیکشن کمیشن

    ضمنی الیکشن،ضابطہ اخلاق کی خلاف ورزی برداشت نہیں:الیکشن کمیشن

    اسلام آباد:الیکشن کمیشن کی طرف سے پنجاب حکومت پر واضح کیا گیا ہے کہ صوبے میں ہونے والے 20 ضمنی الیکشن کے دوران ضابطہ اخلاق کی خلاف ورزی کو برداشت نہیں کیا جائے گا۔

    خیال رہے کہ 17 جولائی کو صوبے میں 20 ضمنی الیکشن ہونے ہیں جس کے لیے پاکستان مسلم لیگ ن اور پاکستان تحریک انصاف کے امیدواروں کی طرف زورو شور سے مہم جاری ہے اس دوران مختلف شکایات موصول ہو رہی ہیں کہ صوبائی حکومت ضابطہ اخلاق کی خلاف ورزی کر رہی ہے۔

    دوسری طرف چیف الیکشن کمشنر سکندر سلطان راجہ کی سربراہی میں پنجاب کے 20 حلقوں میں ضمنی انتخابات کے انتظامات اور سیکورٹی پر پنجاب سیکریٹریٹ میں اہم اجلاس ہوا، اجلاس میں چیف سیکریٹری پنجاب کامران افضل، آئی جی پنجاب راؤ سردار، ایڈیشنل سیکرٹری داخلہ، ایڈیشنل ڈی جی رینجرز پنجاب سمیت دیگر متعلقہ افسران شریک ہوئے۔

    چیف الیکشن کمشنز سکندر سلطان راجہ نے چیف سیکریٹری کے ذریعے صوبائی حکومت کو اہم پیغام دیتے ہوئے کہا ے کہ صوبائی حکومت پر واضح کریں ضابطہ اخلاق کی خلاف ورزی کو برداشت نہیں کیا جائے گا۔ پبلک آفس ہولڈر اگر خلاف ورزی کرے تو سخت تادیبی کارروائی کی جائے گی۔ خلاف ورزی کی صورت میں الیکشن سے نااہلی اور فوجداری کارروائی بھی کی جا سکتی ہے۔

    انہوں نے ڈیوٹی انجام دینے والے افسران و اہلکاروں کو پیغام دیتے ہوئے کہا کہ امن و امان قائم رکھنا۔ پولنگ میٹیریل، انتخابی عملہ کی سکیورٹی صوبائی حکومت کی ذمہ داری ہے۔ آپ کا رول اہم ہے۔ آپ ریاست کے ملازم ہیں۔ بغیر سیاسی دباو کے کام کریں۔ ہم بلا امتیاز کارروائیاں کر رہے ہیں۔ اگر آپ کا کوئی افسر/ اہلکار سیاسی دباؤ میں آئے یا کسی پارٹی کا ساتھ دے فوری کمیشن کو رپورٹ کریں۔

    سکندر سلطان راجہ نے کہا کہ الیکشن کمیشن پر عوام کا اعتماد بڑھے گا تو جمہوریت و ریاست مضبوط ہوں گے۔ لاہور کے 4 حلقوں اور ملتان کے 1 حلقے کے حساس پولنگ سٹیشنوں پر فوج اور رینجرز کی تعیناتی کے حوالے سے حکام سے رابطے میں ہیں۔

    چیف الیکشن کمشنر آف پاکستان نے متعلقہ افسران کو یہ باور کروایا کہ الیکشن کمیشن اس بات کو یقینی بنائے گا کہ تمام امیدواران اور سیاسوں جماعتوں کو انتخابات میں یکساں مواقع میسر ہوں۔

    الیکشن کمیشن نے کہا کہ 20حلقوں میں ضمنی انتخابات کی اہمیت وزیر اعلیٰ کے 22جولائی کو ہونے والے انتخاب کی وجہ سے اور بھی بڑھ گئی ہے اور سیاسی پارٹیوں کے کارکنان چارجزڈہیں لہٰذا قانون نافذ کرنے والے ادارے انتخابات سے قبل اور انتخابا ت والے دن امن و امان کے قیام کو یقینی بنائیں۔

    اجلاس کے دوران چیف سیکریٹری کامران افضل اور آئی جی پنجاب راو سردار کی طرف سے صاف شفاف غیر جانبدار الیکشن کے انعقاد کی یقین دہانی کروا دی گئی۔

  • وفاقی وزیر داخلہ کا اسلام آباد پولیس کی تنخواہیں بڑھانےکا اعلان

    وفاقی وزیر داخلہ کا اسلام آباد پولیس کی تنخواہیں بڑھانےکا اعلان

    اسلام آباد:پنجاب پولیس کی طرح وفاقی پولیس کی بھی سُنی گئی ہے اوراطلاعات ہیں کہ وفاقی وزیر داخلہ رانا ثنا اللہ نے اسلام آباد پولیس کی تنخواہیں بڑھانے کا اعلان کر تے ہوئے کہا ہے کہ جتنے بڑے شہر ہیں وہاں سیف سٹی کیمرے وقت کی اہم ضرورت ہیں،اسلام آباد سیف سٹی منصوبہ خامیوں کے باعث صحیح طور پر نہ چل سکا۔اہم جگہوں اور زیادہ ضرورت کی چیزوں کے لیے 4 کروڑ روپے مہیا کر دیئے گئے۔

    اس سلسلے میں وزیر داخلہ رانا ثنا اللہ نے کہا کہ آئی جی اسلام آباد کو فوری فزیبلٹی بنانے کا کہا ہے اور اسی سال میں سو فیصد سیف سٹی کوریج کی جائے گی۔ وزیر اعظم نے قطعا اس کی ادائیگی میں کوئی حیل و حجت نہیں کی اور کوشش کریں گے اس مالی سال میں اسے مکمل کریں، ایک ارب 22 کروڑ روپے کی رقم شہدا کے لیے بقایا جات تھے اور افسوس ہے جنہوں نے قربانیاں دیں ان کے اہلخانہ دھکے کھاتے پھر رہے ہیں۔

    شہدا کے لواحقین سے معذرت خواہ ہوں،رانا ثنا اللہ نے کہا کہ اسلام آباد پولیس نے مطالبہ کیا تھا کہ ان کی تنخواہیں پنجاب پولیس کے برابر کرنے کا تھا تو حکومت نے اسلام آباد پولیس کا مطالبہ پورا کر دیا ہے، اسلام آباد پولیس کی تنخواہیں اور مراعات پنجاب پولیس کے برابر کر دیئے گئے ہیں،

    انہوں نے کہا کہ بدنام زمانہ دہشت گرد کو جہنم واصل کرنے پر تمام افراد اور ادارے مبارکباد کے مستحق ہیں اور جس ٹیم نے اس دہشت گرد کو مارا ہے انہیں بھی میڈل اور ایوارڈ دیئے جائیں گے۔ 140ملین کی ابتدائی رقم اسلام آباد پولیس کو دی گئی ہے،وزیر داخلہ نے کہا کہ فسادی ٹولے کو پسپا کرنے پر اسلام آباد پولیس اور سیکیورٹی اداروں کو ہر سہولت دی جائیں گی جبکہ اسلام آباد 3 طرف سے ایسے معاملات کا شکار ہو سکتا ہے۔

    25 مئی کو فسادی ٹولہ اسلام آباد پر حملہ آور ہونا تھا لیکن پولیس، رینجرز اور دیگر سیکیورٹی حکام نے فسادی ٹولے کو پسپا کر دیا،رانا ثنا اللہ نے کہا کہ یہ سیف سٹی صرف سڑکوں پر نہیں بلکہ سب کچھ کیچ ہو گا اور کارروائی بھی ہو گی۔ کسی کو تشدد کی قطعا کوئی اجازت نہیں دی جاسکتی۔ فیصل آباد کی سیٹ ہم جیت رہے ہیں تاہم کچھ مشکلات بھی ہیں۔ بتائیں کیا انہوں نے بینرز کی اجازت لی تھی ؟ فیس ادا کی تھی؟

  • روس اورچین کا مغرب کے(G7) کےمقابلے میں نیاگروپ بنانےکافیصلہ

    روس اورچین کا مغرب کے(G7) کےمقابلے میں نیاگروپ بنانےکافیصلہ

    بیجنگ:روس اورچین کا مغرب کے(G7) کےمقابلے میں نیاگروپ بنانےکافیصلہ،اطلاعات ہیں کہ ایک جرمن اخبار نے دعویٰ کیا ہے کہ چین اور روس چاہتے ہیں کہ پانچ بڑی ابھرتی ہوئی معیشتوں کا ایک کلب BRICS مغربی اکثریتی گروپ آف سیون (G7) کا مقابلہ کرے۔ اس مقصد کے لیے، بیجنگ اور ماسکو بظاہر اس گروپ کو بڑھانے کے لیے کوشاں ہیں، جس کے دیگر تین شرکاء برازیل، بھارت اور جنوبی افریقہ ہیں۔

    بدھ کے روز ایک رپورٹ میں، فرینکفرٹر آلگیمین زیتونگ نے دعویٰ کیا کہ یوکرین کے خلاف روس کے حملے کے آغاز اور مغربی پابندیوں کے نفاذ کے بعد سے، ماسکو ایشیا، افریقہ اور لاطینی امریکہ کے ممالک کے ساتھ اپنے اتحاد کو مضبوط اور بڑھانے کی کوشش کر رہا ہے۔ سابقہ ​​G8 سے نکالے جانے کے بعد، کریملن نے مبینہ طور پر برسوں سے برکس کو G7 کے متبادل میں تبدیل کرنے کی امید کو پروان چڑھایا ہے۔ جرمن اخبار کے مطابق، کریملن نے اب ان کوششوں کوتیز کر دیا ہے۔

    پیر کے روز روسی وزارت خارجہ کی ترجمان ماریا زاخارووا نے اعلان کیا کہ دو اور ممالک، ارجنٹائن اور ایران نے گروپ میں شامل ہونے کے لیے درخواست دی ہے۔ اپنے ٹیلیگرام چینل پر، سفارت کار نے حوالہ دیا کہ یہ اس وقت ہوا جب وائٹ ہاؤس سوچ رہا تھا کہ دنیا میں روس اورچین کا راستہ کس طرح روکا جائے

    قبل ازیں، تہران اور بیونس آئرس دونوں کے حکام نے اپنے ممالک کی مکمل رکن بننے کی خواہش کی تصدیق کی تھی۔

    ٹیلیگرام پر بھی تبصرہ کرتے ہوئے روسی سینیٹر الیکسی پشکوف جو پہلے ریاست ڈوما میں خارجہ امور کی کمیٹی کے سربراہ رہ چکے ہیں کہتے ہیں کہ "اگرچہ برکس اس کا اعلان نہیں کرتا ہے، لیکن یہ ایک متبادل بننے کی صلاحیت رکھتا ہے اور یہاں تک کہ کاؤنٹر ویٹ بھی ہے ۔ مستقبل میں G7 کے لیے کیونکہ یہ غیر مغربی دنیا کے سرکردہ ممالک کو متحد کرتا ہے۔

    پشکوف نے ایران اور ارجنٹائن کی شامل ہونے کی خواہش کو "ایک پیش رفت کے طور پر بیان کیا، کیونکہ یہ نہ صرف روس کو الگ تھلگ کرنے کی مغرب کی کوششوں کو نقصان پہنچاتا ہے، بلکہ غیر مغربی دنیا کی اعلیٰ ترین اقتصادی-سیاسی تنظیم کو بھی وسیع کرتا ہے”۔

    دریں اثنا، روس کی RIA نووستی نیوز ایجنسی کے حوالے سے ماہرین نے دعویٰ کیا ہے کہ مستقبل میں مزید دس ممالک برکس میں شامل ہو سکتے ہیں، جن میں میکسیکو، ترکی اور سعودی عرب شامل ہیں۔

    رپورٹ سے پتہ چلتا ہے کہ گروپ کے بڑھتے ہوئے عالمی اثر و رسوخ کو ظاہر کرنے کے لیے چین نے 13 مہمان ممالک کو بھی اس تقریب میں مدعو کیا ہے۔ ان ممالک میں مصر، فجی، الجزائر، کمبوڈیا، تھائی لینڈ، انڈونیشیا اور ملائیشیا شامل ہیں۔

    جرمن اخبارکا کہنا ہے کہ روس اورچین کا مغرب کے(G7) کےمقابلے میں نیاگروپ بنانےکافیصلے کی تصدیق چینی صدرکے بیان سے بھی ہوتی ہے جس میں صدر نے برکس کو امریکہ کی زیر قیادت اتحادوں کے برعکس، ایک انسداد پراجیکٹ اور ایک "بڑا خاندان” قرار دیا،

    جبکہ چین کی وزارت خارجہ نے سربراہی اجلاس کے بعد اعلان کیا کہ برکس کے تمام رکن ممالک نے گروپ کو بڑھانے کے خیال کی حمایت کی ہے، برازیل، بھارت اور جنوبی افریقہ اس معاملے پر مکمل طور پر ایک صفحے پر نہیں ہیں،بھارت کی شمولیت کے حوالے سے بہت سی قیاس آرائیاں کی جارہی ہیں

  • ومبلڈن اوپن:اعصام الحق کو دوسرے راؤنڈ میں شکست

    ومبلڈن اوپن:اعصام الحق کو دوسرے راؤنڈ میں شکست

    لندن:پاکستان کے نامور ٹینس سٹار اعصام الحق قریشی ومبلڈن اوپن مینز ڈبلز مقابلوں کے دوسرے راؤنڈ میں شکست کے بعد ٹائٹل کی دوڑ سے باہر ہو گئے، لندن میں جاری گرینڈ سلیم ومبلڈن اوپن مینز ڈبلز مقابلوں کے دوسرےراؤنڈ میں سپین کے ڈیوڈ ویگا اور برازیل کے رافیل میٹوس نے پاکستان کے اعصام الحق اور قزاخستان کے الیگزینڈر نیڈو ویسوف کو شکست دے کر اگلے مرحلے کے لئے کوالیفائی کر لیا،

    ذرائع کے مطابق پہلے راؤنڈ میں اعصام الحق اور ان کے جوڑی دار نے 6-3 سے کامیابی حاصل کی تاہم دوسرے راؤنڈ میں انہیں سخت مقابلے کے بعد 7-6 سے شکست کا سامنا کرنا پڑا، تیسرے راؤنڈ میں ڈیوڈ ویگا اور رافیل میٹوس کو 5-3 کی برتری حاصل تھی اس موقع پر اعصام الحق اور الیگزینڈر نیڈو ویسوف فٹنس مسائل کی وجہ سے دسبتردار ہو گئے،

    واضح رہے پہسابق عالمی نمبر ون خاتون ٹینس کھلاڑی سرینا ولیمز جو ایک سال کے طویل وقفے کے بعد کورٹ میں واپس آئی تھیں کو ومبلڈن اوپن کے پہلے ہی رائونڈ میں فرانس کی نوجوان کھلاڑی ہارمونی ٹین کے ہاتھوں شکست کا سامنا کرنا پڑا ہے سرینا ولیمز جنہیں ومبلڈن اوپن میں شرکت کیلئے وائلڈ کارڈ انٹری دی گئی تھی کو فرانسیسی کھلاڑی ہارمونی نے تین گھنٹے گیارہ منٹ کے مقابلے کے بعد سات پانچ، ایک چھ، سات چھ سے شکست دی،

    یاد رہے کہ ہارمونی ٹین جو عالمی درجہ بندی میں 115ویں پوزیشن پر ہیں کا ومبلڈن اوپن میں پہلا میچ تھا، اس ناکامی کے بعد سرینا ولیمز کے مستقبل پر بھی سوالیہ نشان لگ گیا ہے اور اب ان کیلئے ریکارڈ 24 واں گرینڈ سلام جیتنا ناممکن دینے لگا ہے، یہ بھی سوال اٹھایا جا رہا ہے کہ کیا سرینا ولیمز کا آخری ومبلڈن اوپن تھا راؤنڈ میں اعصام الحق اور ان کے پارٹنر نے آسٹریلیا کے جیمز ڈک ورتھ اور امریکا کے مارکوس گیرون کو شکست دی تھی۔

  • کورونا وائرس کا پھیلاؤ،محکمہ داخلہ سندھ نے پابندیاں عائد کرنے کا حکم جاری کر دیا

    کورونا وائرس کا پھیلاؤ،محکمہ داخلہ سندھ نے پابندیاں عائد کرنے کا حکم جاری کر دیا

    محکمہ داخلہ سندھ عالمی وبا کورونا وائرس کے پھیلاؤ کے پیش نظر نئی پابندیاں عائد کرنے کا حکم جاری کر دیا-

    باغی ٹی وی :کوروناکیسز میں اضافے پر محکمہ داخلہ سندھ نے پابندیوں کا حکم نامہ جاری کردیا۔ محکمہ داخلہ سندھ کے مطابق شادی بیاہ اوردیگرتقریبات میں شریک افراد کا ویکسینیٹڈ ہونا ضروری ہے۔

    110 سے زائد ممالک مین کورونا پھرتیزی سے پھیلنے لگا ہے:سخت احتیاط کی ضرورت ہے:عالمی ادارہ صحت

    محکمہ داخلہ سندھ نے مجمعے والی جگہ پر ماسک کا استعمال لازمی قرار دیا ہے۔جم،سنیما،مزارات ،پارک میں آنےوالےافراد کے لیے ماسک کا استعمال لازمی ہو گا پبلک ٹرانسپورٹ میں سفرکرنےوالے افراد بھی ویکسی نیشن کےحامل ہوں کاروباری سرگرمیاں حکومت کےمقررہ کردہ اوقات کےتحت کھلی رہیں گی۔

    واضح رہے کہ سندھ حکومت نے بجلی بچت پلان کے تحت کاروباری مراکز رات 9 بجے بند کرنے کا حکم جاری کر رکھا ہے جبکہ آج کراچی میں کورونا کیسز کی شرح 17اعشاریہ فیصد ریکارڈ کی گئی ہے، جبکہ ملک بھر کورونا کیسز کی شرح ساڑھے چار فیصد کے قریب پہنچ گئی ہے۔

    کورونا کے کیسزمیں تیزی سے اضافہ:سرکاری دفاتر کے لئے کرونا ایس او پیز جاری

    دوسری جانب این سی او سی کی جانب سے سرکاری دفاتر کے لئے کرونا ایس او پیز جاری کردئیے گئے ہیں این سی او سی کےمطابق سرکاری دفاترمیں کام کرنے والے تمام اسٹاف کو کرونا ایس او پیز کے حوالے سے آگاہی دی جائے گی۔تمام اسٹاف اپنےعلاوہ اپنے اہل خانہ کو بھی ایس او پیز پرعمل درآمد کو یقینی بنائیں گے۔اس کے علاوہ دفاتر میں ماسک کا استمعال لازمی اورسماجی فیصلہ برقرار رکھا جائے گا۔دوران نماز سماجی فیصلہ کو یقینی بنایا جائے گا اور دفاتر کے تمام داخلی اور خارجی راستوں پر سینی ٹائز استعمال کیا جائے گا۔

    یہ بھی ہدایت کی گئی ہے کہ دفاتر کی انتظامیہ اس بات کا خاص خیال رکھے گی کہ تمام اسٹاف ویکسین شدہ ہوں۔این سی او سی نے کہا ہے کہ سرکاری دفاتر میں مصافحہ کرنے سےگریز کیا جائے اور عمارت کے داخلی راستے میں تمام اسٹاف کا درجہ حرارت چیک کیا جائے گا۔کوئی بھی علامت ظاہر ہونے پر کسی اسٹاف کو دفاترمیں داخلے کی اجازت نہ دی جائے گی اور ماسک کے بغیر اندر جانا ممنوع ہوگا۔

    کرونا کے بڑھتے کیسز، این سی او سی کو بحال کرنے کا فیصلہ

  • اگر حالات خراب ہوئے تو زمہ دار حکومتی انتظامیہ ہوگی. شیخ رشید

    اگر حالات خراب ہوئے تو زمہ دار حکومتی انتظامیہ ہوگی. شیخ رشید

    سابق وزیر داخلہ شیخ رشید نے ہنگامی بنیادوں پر ایک ویڈو بیان جاری کرتے ہوئے کہا کہ: ہم نے جو رات تین بجے عمران خان کے بڑے بڑے پوسٹرلگائے تھے،وہ انتظامیہ نے سرکاری ٹرکوں پر اتاری اور پھر جب ہم واپس آئے تو انہوں دوبارہ انہی جگہ پر عمران خان کے خلاف نازیبا پوسٹر لگا دیئے.

    ان کا انتظامیہ پر الزام لگاتے ہوئے کہناتھا کہ: انتظامیہ ان سے ملی ہوئی ہے اورمیں مقتدر حلقوں کو کہنا چاہتا ہوں، اور ساتھ میں ایجنسیز کو بھی کہنا چاہتا ہوں یہ (امپورٹڈ حکومت) لڑائی کرنا چاہتے ہیں، اور ہم لڑائی سے اجتناب کریں اوراس سے بچنے کی ہر ممکن کوشش کریں گے.

    انہوں نے مطالبہ کیا کہ: جو پوسٹر شہر میں بانٹے جارہے ہیں تحقیق کی جانی چاہئے کہ ان کے پیچھے کون ہے؟ اور ایسا کیوں کیا جارہا ہے.

    ان کا کہنا تھا اگر کوئی لڑئی وغیرہ ہوئی تو آج صبح ہم نے جو صادق آباد تھانہ میں جن لوگوں کو پکڑ کر دیا ہے ان سے تفتیش ہونی چاہئے.

    انہوں نے واضح کیا کہ اگر حالات خراب ہوئے تو اس کی زمہ دار یہ انتظامیہ اور امپورٹد حکومت ہوگی.


    شیخ رشید نے کہا کہ: آج 3 بجے لال حویلی سے ریلی کے ساتھ راشد شفیق کے ہمراہ رحمان آباد نکلوں گا۔22 فیصد مہنگائی52 فیصد بجلی،46 فیصد گیس،100 روپے لیٹر پیٹرول بڑھ گیا ہے۔اس لیے لوگ خود نکلیں گے۔ہمارے بینر اتارے اور عمران خان کے خلاف لگوائے جارہے ہیں۔حالات کی خرابی کی ذمّہ دار امپورٹڈ حکومت خود ہوگی۔