Baaghi TV

Tag: پاکستان

  • برطانیہ کو مطلوب اشتہاری 27 سال بعد راولپنڈی سے گرفتار

    برطانیہ کو مطلوب اشتہاری 27 سال بعد راولپنڈی سے گرفتار

    راولپنڈی :1995 سے برطانیہ کے اداروں کو ایک مفرور پاکستانی راولپینڈی سے گرفتارکرلیا گیا ہے ، اس سلسلے میں معلوم ہوا ہے کہ ایف آئی اے راولپنڈی نے 1995 سے برطانیہ کو مطلوب محمد بشارت ولد محمد حسین سکنہ میر پورآزاد کشمیر جس کی عمر 49 سال بتائی جاتی ہے ، کو راولپنڈی سے گرفتارکرکے سب کو حیران کردیا ہے

     

     

    ایف آئی اے کا کہنا ہے کہ 1995 میں ویلز کے علاقے میں ایک شہری کو قتل کرنے کے بعد محمد بشارت پاکستان فرار ہوگیا تھا ،یہ بھی معلوم ہواہے کہ پاکستانی اداروں نے اس کا پیچھا کیا اور پھرایڈیشنل  ڈائریکٹر زبیر احمد کی زیرنگرانی آپریشن کے نتیجے میں گرفتار ہوا

     

    یاد رہے کہ اس سے پہلے بھی ایف آئی اے کی شاندارحکمت عملی ،اشتہاری ملزمان کو گرفتار کرکے قانون کے حوالے کردیا ، اطلاعات ہیں کہ ایف آئی اے سرکل لاہور نے مختلف مقدمات میں مطلوب 4 اشتہاری ملزمان کو چھاپہ مار کرگرفتار کرلیا ہے

     

    ایف آئی اے کی طرف سے جاری پریس ریلیز میں کہا گیا ہے کہ ملزم محمد آصف ولد محمد عاشق سکنہ گوجرانوالا پروپرائیٹرشان مدینہ ٹریول اینڈ ٹورز کو مقدمہ نمبر 416/2019 گرفتار کیا ، ملزم نے جعلی دستاویزات پر ملائیشیا بھجوانے کے لیے اوایف ڈی ملزم سے ڈیڑھ لاکھ ہتھیا لیا

    ایف آئی اے کے مطابق اشتہاری محمد زاہد ولد عبدالرحمان سکنہ گوجرانوالا گرفتارکرلیا ،ملزم نے بیرون ملک سفر کے لیے اپنا آئی ڈی کار ڈ اوایف ڈی کو فروخت کیا ،ایسے ہی اشتہاری محمد شہباز ولد فیض سکنہ سیالکوٹ کو فتارلریا گیا گیا تھا ، ایسے ہی اشتہاری ملزم سعید خان ولد موسیٰ خان سکنہ لاہور کو سعودی عرب نوکری دینے کے جعلی چکر میں گرفتار کیا گیا ہے ،

     

    ادھر اس حوالے سے ڈائریکٹر جنرل ایف آئی اے نے افسران اور اہلکاروں کی کوششوں کو سراہا اور جدید ٹیکنالوجی کو بروئے کار لاتے ہوئے تمام اشتہاریوں کو جلد گرفتاری کے احکامات جاری کیئے تھے

     

    یاد رہے کہ ٹیکنالوجی کے بڑھتے ہوئے استعمال اور اسمارٹ فونز سمیت دیگر آلات کے پھیلاؤ کے ساتھ سال2021 میں وفاقی تحقیقاتی ادارے( ایف آئی اے) کو ملک بھر سے موصول ہونے والیں سائبر جرائم کی شکایات ایک لاکھ سے تجاوز کر گئیں۔

    ایف آئی اےکے ڈائریکٹر جنرل ڈاکٹر ثنا اللہ عباسی نے بتایا کہ ہمیں یکم جنوری سے 31 دسمبر2021 تک مجموعی طور پر ایک لاکھ 2 ہزار 356 شکایات موصول ہوئیں، 23 فیصد شکایات میں فیس بک کو بطور ذریعہ استعمال کیا گیا۔

    انہوں نے کہا ’سائبر کرائم کی شکایتیں رپورٹ ہونا قانون نافذ کرنے والے ادارے پر شہریوں کے اعتماد کی عکاسی ہے، ایف آئی اے نے عوام کے لیے ایک آگاہی مہم کا آغاز کیا تھا اور کیسز رپورٹ کرنے کے لیے ان کی حوصلہ افزائی کی تھی‘۔

    ان کا کہنا تھا کہ صرف عام شہری ہی نہیں بلکہ ملک بھر میں دیگر قانون نافذ کرنے والے ادارے بھی ایف آئی اے سے مدد طلب کرسکتے ہیں کیونکہ یہ واحد قانونی ادارہ ہے جو سائبر جرائمز کی تحقیقات اور بین الاقوامی قانون نافذ کرنے والے اداروں سے رابطے کرتا ہے۔

  • چوتھی جماعت کی لاپتہ طالبہ مبینہ زیادتی کے بعد قتل

    چوتھی جماعت کی لاپتہ طالبہ مبینہ زیادتی کے بعد قتل

    بورے والا: آیک اور حوا کی بیٹی ظلم کا شکار ہوگئی ، اطلاعات ہیں کہ جنوبی پنجاب کے علاقے بورے والا میں چوتھی جماعت کی لاپتہ طالبہ کو مبینہ زیادتی کے بعد قتل کردیا گیا، 6 روز بعد بچی کی لاش نالہ سے برآمد کرلی گئی، پولیس نے واقعہ کا مقدمہ درج کر کے تحقیقات شروع کر دی ہیں۔

    بورے والا میں سات روز قبل لاپتہ ہونے والی 12 سالہ معصوم بچی کی نعش قریبی گاؤں کے نالہ سے برآمد ہوگئی، بچی کو زیادتی کا نشانہ بنا کر قتل کا شبہ، تاجر تنظیموں نے واقعہ کے خلاف شدید رد عمل کا اظہار کرتے ہوئے ملزمان کی 4 روز میں گرفتاری کا مطالبہ کردیا۔

    کراچی میں آٹھ سالہ بچہ زیادتی کے بعد قتل ، ملزم گرفتار

    خیال رہے کہ بورے والا کی نواحی آبادی محلہ اقبال نگر سے محنت کش نذیر احمد کی 12 سالہ کمسن بیٹی مافیہ شہزادی سات روز قبل گھر سے دکان پر سودا لینے گئی لیکن واپس نہ آئی، بچی کے ورثاء نے اسکی تلاش شروع کردی اور پولیس تھانہ ماڈل ٹاؤن کو بھی اطلاع کردی، پولیس نے مقدمہ تو درج کرلیا لیکن 7 روز گزرنے کے باوجود ملزمان کا سراغ نہ لگا سکی، بچی کے ورثاء نے ملزمان کی گرفتاری کے لئے ملتان روڈ پر احتجاجی مظاہرہ بھی کیا۔

    یونیورسٹی میں لڑکیوں کے ساتھ زیادتی کے بعد قتل کر دیئے جانے کا انکشاف

    شک کی بنیاد پر جن ملزمان کی نشاندہی کی گئی انکو بھی پولیس نے گرفتار نہ کیا، بچی کی نعش قریبی گاؤں 515/ ای بی کے قریب پانی کے کھال سے ملنے پر ریسکیو 1122 نے نعش ٹی ایچ کیو ہسپتال بورے والا منتقل کردی، پولیس نے موقع پر پہنچ کر شواہد اکٹھے کرنا شروع کردیئے۔

    غم سے نڈھال ورثاء کا کہنا ہے کہ 7 روز تک پولیس نے ہمیں ملزمان کا کوئی سراغ نہ دیا، ہماری معصوم بچی کے قاتل اسی محلہ میں ہیں، اگر انہیں گرفتار نہ کیا گیا تو ہم پورا خاندان خود سوزی کرلیں گے، انہوں نے بچی کو زیادتی کے بعد قتل کرنے کا بھی شبہ ظاہر کیا ہے۔

    گھریلو ملازمہ کو زیادتی کے بعد قتل کر دیا گیا

    اس دلخراش واقعہ پر نمائندہ تنظیموں نے شدید غم و غصہ کا اظہار کرتے ہوئے چار روز کے اندر اندر ملزمان کی گرفتاری کا مطالبہ کیا ہے بصورت دیگر احتجاج کا رستہ اختیار کیا جائے گا، بچی کی نعش پوسٹمارٹم کے لئے ہسپتال منتقل کی جاچکی ہے، پولیس کے مطابق ملزمان کو بہت جلد گرفتار کرلیا جائے گا، پولیس ملزمان کے قریب تر پہنچ چکی ہے۔

  • پاکستان بھرمیں‌ طوفانی بارشوں کی پیش گوئی:این ڈی ایم اے نے الرٹ جاری کردیا

    پاکستان بھرمیں‌ طوفانی بارشوں کی پیش گوئی:این ڈی ایم اے نے الرٹ جاری کردیا

    اسلام آباد:پاکستان بھرمیں‌ طوفانی بارشوں کی پیش گوئی،اطلاعات کے مطابق نیشنل ڈیزاسٹر منیجمنٹ اتھارٹی (این ڈی ایم اے) نے ملک میں طوفانی بارشوں کے باعث متعلقہ اداروں کو الرٹ رہنے کی ہدایت کر دی۔

    ترجمان این ڈی ایم اے کے مطابق 20 تا 22 جون ملک کے بالائی اور وسطی علاقوں میں موسلا دھار بارشیں متوقع ہیں، بارشوں سے ندی نالوں، دریاؤں میں طغیانی اور نشیبی علاقے زیر آب آنےکا خدشہ ہے۔این ڈی ایم اے کا کہنا ہے کہ تمام متعلقہ وفاقی اور صوبائی محکمے ہنگامی حالات سے نمٹنے کیلئے تیار رہیں۔این ڈی ایم اے نے پی ڈی ایم ایز اور ڈی ڈی ایم ایز کومتعلقہ اداروں سے رابطے میں رہنے کی ہدایت کی اور کہا کہ مسافروں اورسیاحوں کو متوقع بارشوں اور راستوں کی صورتحال سے باخبر رکھا جائے۔

    دوسری جانب پرونشل ڈیزاسٹر منیجمنٹ اتھارٹی (پی ڈی ایم اے) بلوچستان نے بھی طوفانی بارشوں کا الرٹ جاری کردیا ہے۔ پی ڈی ایم اے کے مطابق آج رات یا کل بارش کا ایک مضبوط سسٹم بلوچستان میں اثرانداز ہوسکتا ہے۔پی ڈی ایم اے کا کہنا ہے کہ شمال مشرقی بلوچستان میں مضبوط سسٹم بن رہا ہے جس کے باعث اس حصے میں غیرمتوقع بارش اور ژالہ باری کاا مکان ہے۔

    پی ڈی ایم اے کی جانب سے اگلے 24 سے 48 گھنٹوں کیلئے فلڈ وارننگ جاری کی ہے اور کہا گیا ہے کہ کوہلو، بارکھان، موسیٰ خیل، شیرانی، ہرنائی، ژوب، دکی، زیارت اور لورالائی میں بھی بارش کا امکان ہے۔

  • ایس ایچ او تھانہ جوہر ٹاؤن کو معطل کردیا: وزیرداخلہ پنجاب عطا تارڑ

    ایس ایچ او تھانہ جوہر ٹاؤن کو معطل کردیا: وزیرداخلہ پنجاب عطا تارڑ

    لاہور:صوبائی وزیرداخلہ عطااللہ تارڑ کی طرف سے کہا گیا ہے کہ ضمنی الیکشن سے پہلے ہی ٹینشن، لاہور کے حلقہ پی پی 167 میں پی ٹی آئی اور ن لیگی کارکنوں کا تصادم ہوا، حکومتی امیدوار نذیر چوہان اور تحریک انصاف کے خالد گجر کے بیٹے زخمی ہوگئے، فریقین نے ایک دوسرے پر فائرنگ کے الزامات عائد کئے جبکہ عطا تارڑ نے کہا کہ کل کے پر تشدد واقعہ پر ایس ایچ او تھانہ جوہر ٹاؤن کو معطل کردیا گیا ہے۔

     

    لاہور میں پریس کانفرنس کرتے ہوئے وزیر داخلہ پنجاب نے کہا کہ ایس ایچ او جوہر ٹاؤن کو معطل کرنے کا حکم دیتا ہوں کیونکہ وہ امن و امان قائم کرنے میں ناکام رہے، متعلقہ ایس پی رپورٹ طلب کریں گے کیوں اسلحہ کی نمائش اور اس پر پابندی کیوں نہیں کی گئی، نذیر چوہان پر جان لیوا حملہ ہوا کسی امیدوار کو اسلحہ کی نمائش اور ساتھ لانے پر پابندی ہے، جس امیدوار کو زیادہ خطرہ ہوگا انہیں دو پولیس اہلکار گارڈ کے طور پر دئیے جائیں گے، جس طریقے سے فائرنگ ہوئی کہ نذیر چوہان کی گاڑی کو چھلنی کیا گیا، جو بھی فائرنگ واقعہ میں ملوث ہوگا اس کے خلاف سخت کارروائی کی جائے گی۔

     

    عطا تارڑ نے مزید کہا کہ جہاں جہاں ضمنی الیکشن ہے وہاں اسلحہ کی نمائش پر سخت پابندی ہوگی، پولیس افسران کی اندھا دھند پوسٹنگ کی گئیں جس کے ریٹ طے تھے جس کا خمیازہ عوام بھگت رہے ہیں، امن و امان کی صورت برترین مقام تک پہنچ چکی ہے، نذیر چوہان پر فائرنگ خالد گجر نے کی، سیٹیں گولیوں سے چھلنی ہوئی، خالد گجر کے بیٹے عادل کے سر پر چوٹ آئی جو کہ جناح ہسپتال میں زیر علاج ہے۔

    ان کا کہنا تھا کہ جنسی حراسانی اور زیادتی کا نشانہ بننا اور ان میں اضافہ باعثِ تشویش ہے، بچوں و خواتین سے زیادتی کے واقعات میں شدت سے اضافہ ہوا ہے، پنجاب میں روزانہ چار سے پانچ کیسز ریپ کے رپورٹ ہو رہے ہیں، ریپ کیسز میں تشویشناک حد تک اضافہ ہو رہا ہے، وزیر اعلیٰ حمزہ شہباز نے آتے ہی فرض شناس افسران کی تعیناتیاں کیں، چوکیاں، اٹک، باٹا پور جیسے ریپ واقعات میں اضافہ ہو رہا ہے، حکومت نے فیصلہ کیا ہے بچوں عورتوں کے خلاف تشدد ریپ کیسز پر خصوصی اقدامات کر رہے ہیں، جنسی حراساں، زیادتی کا نشانہ اور زور زبردستی پر حکومت سوچ رہی ہے۔

    انہوں نے کہا کہ حکومت ریپ کیسز پر ایمرجنسی کا اعلان کرتی ہے، ہم نے ریپ کیسز پر کیبنٹ کمیٹی امن و امان تمام کیسز کا جائزہ لے گی، سول سوسائٹی، خواتین حقوق کی تنظیمیں، اساتذہ، وکلا سمیت مختلف اداروں سے مشاورت کی جائے گی، ملتان میں بچہ سے زیادتی والا کزن، خاتون سے زیادتی کرنے والا ہمسایہ تھا، والدین سے اپیل کروں گا کہ بچوں کے تحفظ کےلئے آگاہی دینا ہوگی، فیملی ممبر بغیر نگرانی کے گھروں میں اکیلا نہ چھوڑا جائے، فرانزک لیب اور سیف سٹی سے ریپ کیسز کے ملزمان کو پکڑا گیا، ریپ کے خلاف آگاہی مہم اور بچوں کو بھی اسکولوں میں جنسی حراسگی پر بتائیں گے۔

    وزیر داخلہ کا کہنا تھا کہ اب والدین کو آگاہی دینا ہوگی بچوں کو کس طرح تحفظ کرنا ہے، خواتین کے خلاف جنسی زیادتی کے واقعات پر ہیلپ لائن اور قوانین میں بھی ترامیم کریں گے، قوانین میں ترامیم کر کے خواتین کے حقوق کا تحفظ، سزاؤں میں اضافہ کریں گے، ڈی این اے سیمپل کو فاسٹ ٹریک کے ذریعے اقدامات کئے جائیں گے، زیادتی پر دو ہفتوں میں ایسا نظام لائیں گے جس سے واقعات میں کمی آئے گی۔

  • صدر مملکت ڈاکٹرعارف الرحمن علوی نے الیکشن ترمیمی بل دستخط کیے بغیر واپس بھجوا دیا

    صدر مملکت ڈاکٹرعارف الرحمن علوی نے الیکشن ترمیمی بل دستخط کیے بغیر واپس بھجوا دیا

    اسلام آباد:صدر مملکت ڈاکٹر عارف الرحمن علوی نے الیکشن ترمیمی بل دستخط کیے بغیر واپس بھجوا دیا۔یہ بھی معلوم ہوا ہے کہ ڈاکٹرعارف الرحمن علوی نے اس بل کودستخط نہ کرنے کے ساتھ ساتھ دستخط نہ کرنے کی وجوہات بھی بیان کی ہیں ، اس کے ساتھ ساتھ صدرمملکت نے الیکشن ترمیمی بل کے سلسلے میں اپنی ذمہ داریوں کا بھی ذکر کیا ہے

    الیکشن ایکٹ ترمیمی بل 2022 کےبعدنیب ترمیمی بل 2022 بھی کثرت رائے سے منظور

    الیکشن ترمیمی بل کے حوالے سے صدر مملکت نے کہا کہ آئین کی پاسداری کرتا رہا ہوں، ادراک ہے کہ آئین پاکستان اِس بل پر دستخط نہ کرنے کے باوجود اسے قانون کی شکل دے دے گا، بحیثیت صدر پاکستان مجلس شوریٰ کے منظور کردہ بل پر دستخط نہ کرنا میرے لیے ذاتی طور پر ایک تکلیف دہ امر ہے۔انہوں نے کہا کہ الیکٹرانک ووٹنگ مشینوں اور اوورسیز پاکستانیوں کے ووٹنگ کے معاملے سے ایک دہائی سے زیادہ عرصے سے منسلک ہوں، تمام حکومتوں، پارلیمنٹ اور سپریم کورٹ میں اِس معاملے کی پیروی کرتا رہا ہوں۔

    صدر مملکت اور وفاقی حکومت کے درمیان سرد جنگ برقرار،نیب اور الیکشن ترمیمی بلزواپس…

    ڈاکٹر عارف علوی نے کہا کہ ٹیکنالوجی ‘ہمیشہ سے متنازعہ’ اور چیلنج شدہ انتخابی عمل میں ابہام، اختلاف اور الزامات کو کم کر سکتی ہے، ٹیکنالوجی کا استعمال انتخابی عمل میں شفافیت لانے، انتخابی مرحلے میں بیرون ملک مقیم پاکستانیوں کی شرکت، سیاسی اعتماد کی فضا قائم کرنے، اور تقسیم کے عمل کو کم کرنے میں مدگار ثابت ہو گا، ٹیکنالوجی آزادانہ اور منصفانہ انتخابات کے ہمارے اب تک کے ادھورے خواب کو پورا کر سکتی ہے، چاہتا ہوں کہ پاکستان مستقبل میں تیزی سے کامیابی کی طرف بڑھے، آج کے مسائل کو صرف ماضی کے تجربات کی روشنی میں ہی حل نہیں کرنا چاہئے بلکہ جدید اور نئے سائنسی طریقوں کو بھی بروئے کار لانا چاہیے۔

     

    ان کا کہنا تھا کہ آئندہ آنے والی نسلوں کے لیے اپنے دلائل اور خیالات قلم بند کرنا چاہتا ہوں، مجوزہ قوانین کی نوعیت رجعت پسندانہ ہے، ٹیکنالوجی، خاص طور پر ای وی ایم ، کو جب موثر طور پر استعمال کیا جاتا ہے تو اس میں بہت سے مسائل کا حل موجود ہے جو روایتی طریقوں میں درپیش آتے ہیں۔

    وفاقی کابینہ اجلاس،دہری شہریت والوں کوالیکشن لڑنے کا حق دینے کا آئینی ترمیمی بل…

    انہوں نے کہا کہ اس بات کا پورا ادراک ہے کہ پارلیمان کے دونوں اطراف میں اعتماد سازی کے فروغ اور شراکت داروں کی وسیع تر شمولیت کے بغیر اصلاحات ممکن نہیں، ایسا اب تک کیوں نہیں ہوا اور رائے سازوں اور فیصلہ سازوں کی جانب سے اس عام فہم چیز کو نظر انداز کیوں کیا گیا، یہ میرے لئے ایک معمہ رہے گا۔

    صدر مملکت ڈاکٹر عارف علوی نے مزید کہا کہ اس طرح کے بہت سے مُشکل فیصلوں کا ہمیں مستقبل میں بھی سامنا رہے گا، تاریخ گواہ ہے کہ جو قومیں صحیح فیصلے کرتی ہیں وہ ترقی کی منازل تیزی سے طے کرتی ہیں اور جو ایسا نہیں کر پاتی وہ مواقع ضائع کرتی ہیں جو اُنہیں بلندی اور کامیابی کی طرف لے جا سکیں۔

    ان کا کہنا تھا کہ موجودہ اور مستقبل کی حکومتوں اور پارلیمان کو دو چیزوں کا انتخاب کرنا ہوگا، ہم ماضی کو اجازت دی سکتے ہیں کہ وہ پاکستان کو پستی کی طرف لے جائے، ماضی کے تجربات اور آج کی ٹیکنالوجیز کو بروئے کار لاتے ہوئے ہم پاکستان کے روشن، ترقی پسند اور متحرک مستقبل کا خواب شرمندہ تعبیر کر سکتے ہیں۔

  • آج دنیا بھر میں باپ سے اظہار محبت کا عالمی دن منایا جارہا ہے

    آج دنیا بھر میں باپ سے اظہار محبت کا عالمی دن منایا جارہا ہے

    آج باپ سے اظہار محبت کا عالمی دن دنیا بھر سمیت پاکستان میں بھی منایا جارہا ہے۔ فادر ڈے یعنی باپ سے اظہار محبت کاعالمی دن ہر سال انیس جون کو منایا جاتا ہے۔

    ماہر تعلیم اور سماجی کارکن ضیاءالدین یوسف زئی نے اپنے ایک پیغام میں لکھا کہ: "میری ہمیشہ کوشش ہوتی ہے کہ اپنے بیٹوں کے ساتھ مختلف انداز میں کس طرح تعلق قائم رکھا جانا چاہئے۔ کیونکہ ہربچہ مختلف ہوتا ہے اور ہر دن آپ کچھ نیا سیکھتے ہیں کےاپنے بچوں کیلئے کیسے ایک بہترین والدین بن سکتے ہیں۔”

    پاکستانی کرکٹر شاداب خان نے باپ سے اظہار محبت کرتے ہوئےلکھاکہ: آج میں جو کچھ ہوں وہ اپنے والد کی وجہ سے ہوں۔ انہوں نے ہمارے خواب کو پروان چڑھانے کیلئے اپنی خواہشات کی قربانی دی۔ اللہ میرے والد کو اچھی صحت دے ۔ ہم اپنے باپ کے بغیر کچھ بھی نہیں ہیں۔


    مسلم لیگ ن کی نائب صدر مریم نواز شریف لکھتی ہیں کہ: "آپ کی چھوٹی بچی آپ کے کندھوں پر بیٹھنے سے لے کر آپ کے کارکن کے طور پر آپ کے ساتھ کھڑے ہونے تک، یہ ایک ایسا سفر ہے جس کے علاوہ میرے پاس کوئی راستہ نہیں تھا۔ میری دعا ہے اللہ آپ کو صحت اور لمبی عمر عطا فرمائے۔ آپ کے ملک کو آپ کی ضرورت ہے، مجھے آپ کی ضرورت ہے۔”


    وزیرخارجہ بلاول بھٹوزرداری کا ایک پیغام میں کہنا تھا کہ: میرے عقل مند، صابر اور بہادر والدآصف علی زرداری کو فادر ڈے مبارک ہو، جنہوں نے سی پیک کی بنیاد رکھی، بینظیرانکم سپورٹ پروگرام کاآغازکیااور شہید ذولفقارعلی بھٹوکےبعد اپنی مدت پوری کرنےوالےپہلے سویلین صدر اور 1973 کاآئین بحال کیا۔ ابھی بہت کچھ کرناہے۔ اور کوئی آمر، جیل اور ظلم و اذیت انکی مسکراہٹ نہیں چھیں سکے۔

  • پاکستان کومعاشی بحران سے نکالنےکےلیےسعودی عرب ایک بارپھرمیدان میں آگیا

    پاکستان کومعاشی بحران سے نکالنےکےلیےسعودی عرب ایک بارپھرمیدان میں آگیا

    اسلام آباد:پاکستان کو معاشی بحران سے نکالنے کے لیے سعودی عرب ایک بار پھر میدان میں آگیا۔ برادر ملک کی نامور تجارتی کمپنیوں اور بزنس کونسل کا 30رکنی سرمایہ کاروں پر مشمل بڑا وفد کل20جون (سوموار) کو پاکستان کا دورہ کرے گا۔ سعودی سرمایہ کاروں کے اس تاریخی دورے کے دوران مختلف شعبوں میں تجارت کے حوالے سے اہم معاہدے کیے جائیں گے جبکہ سعودی سرمایہ کار سی پیک میں سرمایہ کاری کے حوالے سے بھی آگاہی حاصل کریں گے۔ سعودی سرمایہ کاروں کا یہ وفد لاہور، سیالکوٹ، فیصل آباد اور کراچی کا دورہ کرے گا جہاں چیمبر آف کامرس سمیت تجارت اور سرمایہ کاری کو فروغ دینے کے حوالے سے انتہائی اہم ملاقاتیں کی جائیں گی۔

    پاکستانی حکام کی جانب سے سعودی سرمایہ کاروں کے پاکستان آنے والے حالیہ وفد کو شہباز شریف حکومت کی بڑی کامیابی سے تعبیر کیا جارہا ہے اور ملکی معیشت کی موجودہ صورت حال کے حوالے سے توقع کی جارہی ہے کہ دونوں ملکوں میں سرمایہ کاروں کے باہم نئے تجارتی معاہدوں اورکاروباری تعلقات مزید مستحکم ہونے سے پاکستان کی معیشت کو خاطر خواہ فائدہ پہنچے گا۔ سعودی عرب کی نامورکمپنیوں اور بزنس کونسل کا یہ بڑا وفد تین سال بعد پاکستان کا دورہ کر رہا ہے جسے حکومتی سطح پر بہت زیادہ اہمیت دی جارہی ہے۔ پاکستان میں سعودی عرب کے سفیر نواف بن سعید المالکی نے پاکستان کی موجودہ معاشی صورت حال میں سعودی حکومت کے تعاون سے متعلق گفتگو کرتے ہوئے کہا ہے کہ ہم آنے والے دنوں میں پاکستان کو معاشی طور پر مستحکم، محفوظ اور بہتر حالت میں دیکھیں گے۔پاکستان اور سعودی عرب یک جان دو قالب ہیں۔دونوں ملکوں کے برادرانہ تعلقات میں ہر آنے والے دن مزید گرمجوشی پیدا ہوئی ہے۔ پاکستان ایک اہم ملک ہے اور سعودی حکومت کے ساتھ بہترین قریبی تعلقات ہیں۔

    سعودی سفیر نے بتایا کہ سعودی بزنس کونسل کا تیس رکنی وفد کل 20جون سوموار کو وفاقی دارالحکومت اسلام آباد پہنچے گا اور لاہور،سیالکوٹ، فیصل آباداور کراچی کا دورہ کرتے ہوئے اہم ملاقاتیں کی جائیں گی۔انہوں نے کہا کہ ہم پاکستان اور سعودی عرب کے درمیان تجارت اور سرمایہ کاری کے شعبے میں تعاون کو فروغ دے رہے ہیں۔سعودی عرب میں پاکستانی سفارتخانے میں کمرشل سیکشن کے وزیر برائے تجارت و سرمایہ کاری اظہر علی داہر کا کہنا ہے کہ سعودی بزنس کونسل کے دورہ پاکستان میں مختلف شعبوں میں تجارت کے حوالے سے معاہدے کیے جائیں گے ۔ وفد سی پیک میں سرمایہ کاری کے حوالے سے بھی آگاہی حاصل کرے گا۔ سعودی سرمایہ کاروں کے حالیہ دورہ پاکستان سے سعودی سرمایہ کاری کو مزید فروغ ملے گا اور پاکستان کی معیشت پر اس کے نہایت شاندار اور مثبت اثرات مرتب ہوں گے۔ ادھر پاک سعودی جوائنٹ چیمبر آف کامرس کے میاں محمود نے کہا ہے کہ سعودی سرمایہ کاروں کے وفد میں خوراک، تعمیراتی شعبے اور فارماسوٹیکل کمپنیز سے وابستہ اہم شخصیات شامل ہوں گی جو پاکستان میں سرمایہ کاری سے متعلق مخلتف چیمبرز آف کامرس اور نامور صنعتکاروں سے ملاقاتیں کریں گے۔

  • امید ہے ٹاسک فورس کی آمد کے بعد پاکستان گرے لسٹ سے نکل جائے گا،بلاول بھٹو

    امید ہے ٹاسک فورس کی آمد کے بعد پاکستان گرے لسٹ سے نکل جائے گا،بلاول بھٹو

    وزیر خارجہ بلاول بھٹو کا کہنا ہے امید ہے ٹاسک فورس کی آمد کے بعد پاکستان گرے لسٹ سے نکل جائے گا۔

    باغی ٹی وی : وزیر خارجہ بلاول بھٹو کا کہنا ہے کہ فیٹف کے پاکستان کی طرف سے 2018 اور 2021 کے ایکشن پلان کی تکمیل کے متفقہ اعتراف کا خیر مقدم کرتا ہوں پاکستان کی فیٹف ٹیم کی محنت کی وجہ سے دونوں ایکشن پلانز کی تمام تکنیکی ضروریات کو کامیابی سے مکمل کیا گیا ہے۔

    ملکی حالات پر سپریم کورٹ کو ازخود نوٹس لینا چاہیے،شیخ رشید

    انہوں نے کہا ہے کہ پاکستان نے دو مرتبہ فیٹف ایکشن پلان پر مکمل عمل درآمد کیا۔ فیٹف اقدامات کو مستقبل میں بھی جاری رکھا جائے گا فیٹف ٹاسک فورس کو پاکستان آمد پر خوش آمدید کہتے ہیں۔ امید ہے ٹاسک فورس کی پاکستان آمد کے بعد پاکستان گرے لسٹ سے نکل جائے گا۔فیٹف کے اہداف پورے کرنے پر تمام ٹیم تعریف کی مستحق ہے۔

    وزیر خارجہ کا کہنا تھا کہ حکومت معیشت کو مضبوط بنانے اور مالیاتی شعبے میں اصلاحات کے اس مثبت انداز کو جاری رکھنے کے لیے پرعزم ہے فیٹف کے اقدام سے ملک میں سرمایہ کاروں کا اعتماد مزید بڑھے گا –

    عمران خان نے اپنی مرضی کے جج بنا کر اپوزیشن کو سزائیں دینے کا پروگرام بنایا ہوا تھا،وزیر داخلہ

    واضح رہے کہ فنانشل ایکشن ٹاسک فورس (فیٹف) کے حالیہ اجلاس کے فیصلوں سے آگاہ کرتے ہوئے فیٹف کے صدر ڈاکٹر مارکوس پلیئر نے اس بات کا اعتراف کیا ہےکہ پاکستان نے اصلاحات کو نافذ کیا ہے جو کہ خود اس کے استحکام اور سلامتی کیلئے اچھا ہے پاکستان کو گرے لسٹ سے نہیں نکالا گیا، اگر پاکستان آن سائٹ وزٹ کا مرحلہ کامیابی سے عبور کرلیتا ہے تو اسے گرے لسٹ سے نکال دیا جائے گا۔‘

    فیٹف کی جانب سے جاری اعلامیے میں کہا گیا ہےکہ پاکستان نے 34 آئٹمز پر مبنی اپنے دو ایکشن پلان مکمل کر لیے ہیں، پاکستان کا دورہ کرکے شرائط کی تکمیل کی تصدیق کی جائےگی۔

    ایپل اور گوگل معاشرے اور صارفین کے لئے اچھے نہیں،بانی پروٹون میل

    یاد ہرے کہ فنانشل ایکشن ٹاسک فورس( ایف اے ٹی ایف) جسے فیٹف بھی کہا جاتا ہے یہ ایک بین الاقوامی ادارہ ہے جو 1989 میں قائم کیا گیا امریکا، برطانیہ، جاپان، اٹلی، فرانس اور چین ابتدائی طور پر ایف اے ٹی ایف کے ممبر بنے اور ان ہی کی باہمی رضا مندی سے اس کا قیام عمل میں آیا۔ بعد ازاں اور بھی کئی ملک اس فنانس ایکشن ٹاسک فورس کے ممبر بن گئے اور دیکھتے ہی دیکھتے یہ تعداد 39 تک پہنچ گئی۔

    اس ادارےکا مقصد ان ممالک پر نظر رکھنا اور اقتصادی پابندیاں عائد کرنا ہے جو دہشت گردی کے خلاف عالمی کوششوں میں تعاون نہیں کرتے اور عالمی امن کے لیے خطرہ قرار دیےگئے دہشت گردوں کے ساتھ مالی تعاون کرتے ہیں۔

    اسلام آباد سمیت پنجاب بھر میں مارکیٹوں سے متعلق دفعہ 144 کےتحت پابندیوں کا اطلاق

  • عمران خان نے اپنی مرضی کے جج بنا کر اپوزیشن کو سزائیں دینے کا پروگرام بنایا ہوا تھا،وزیر داخلہ

    عمران خان نے اپنی مرضی کے جج بنا کر اپوزیشن کو سزائیں دینے کا پروگرام بنایا ہوا تھا،وزیر داخلہ

    وفاقی وزیر داخلہ رانا ثنا اللہ کا کہنا ہے کہ پاکستان تحریک انصاف (پی ٹی آئی) کے چیئرمین عمران خان کے اپنے لوگوں نے معلومات دیں کہ وہ پاگل آدمی ہے-

    باغی ٹی وی : اپنے ایک بیان میں رانا ثنااللہ کا کہنا تھا کہ پاکستان تحریک انصاف نے تو فنانشل ایکشن ٹاسک فورس (فیٹف) پر کچھ کیا ہی نہیں، اس معاملے میں کچھ کردار تو اسٹیبلشمنٹ کا ہے جس نے فیٹف قانون سازی پر اتحادی جماعتوں کو سابق حکومت کے ساتھ ٹیبل پر بٹھایا ورنہ عمران تو اپوزیشن لیڈر سے ہاتھ ملانے کو تیار ہی نہ تھے ۔

    قاسم سلیمانی کو 500 امریکیوں کے خلاف ممکنہ سازش روکنے کے لیے مارا گیا،سابق امریکی وزیر خارجہ

    وزیر داخلہ نے کہا کہ عمران خان نے اپنی مرضی کے جج بنا کر اپوزیشن کو سزائیں دینے کا پروگرام بنایا ہوا تھا،عمران خان کو ہٹانے کی ایک وجہ یہ بھی تھی۔

    عالمی منڈی میں خام تیل کی قیمتوں میں مزید کمی ریکارڈ

    قبل ازیں مریم اورنگزیب نے کہا کہ عمران خان عوام آپ کا جھوٹا اور منافق چہرہ پہچانتی ہے اور 25 مئی کا بھگوڑا اب اپنی دی مہنگائی پر فتنہ و فساد پھیلانا چاہتا ہے ہ عوام ملکی مفاد کو چند ہیروں کے عوض بیچنے کی کال پر کیوں نکلے ؟ عوام جھوٹے، منافق اور چور کی کال پر کیوں نکلے؟ 4 سال مزدور کی مزدوری اور عوام کی روٹی کھانے والے کی کال پر کیوں نکلے؟ مہنگائی، معاشی تباہی اور بے روزگاری کے ذمہ داروں کی کال پر عوام کیوں نکلے؟-

    کسی خونی اور فسادی احتجاج کی اجازت نہیں ہو گی،وفاقی وزیر اطلاعات

    انہوں نے کہا تھا کہ عوام پولیس کو گولیاں مرنے والوں کے ساتھ کیوں نکلے؟ عوام ملک کو 3 حصوں میں تقسیم کرنے کی ہرزہ سرائی کرنے والوں کے ساتھ کیوں نکلے؟ عوام ملک کو تاریخی مقروض کرنے والوں کے ساتھ کیوں نکلے؟

    پاکستان نے 20 بھارتی ماہی گیروں کو رہا کر دیا

  • پاکستان نے 20 بھارتی ماہی گیروں کو رہا کر دیا

    پاکستان نے 20 بھارتی ماہی گیروں کو رہا کر دیا

    کراچی: پاکستان نے سزا پوری ہونے پر 20 بھارتی ماہی گیروں کو رہا کر دیا۔

    باغی ٹی وی : پاکستان کی جانب سے رہا کیےگئےبھارتی ماہی گیر لانڈھی جیل میں قید تھے بھارتی ماہی گیروں کو حکومت پاکستان نے جذبہ خیر سگالی کے تحت آج صبح ملیر جیل سے رہا کرکے لاہور روانہ کردیا ہے جنہیں پیر کی دوپہر واہگہ بارڈر پر بھارت کے حوالےکیا جائےگا۔

    رحیم یارخان میں کانگو وائرس کا ایک مشتبہ مریض جاں بحق

    کراچی میں نیشنل ہائی وے پر واقع ملیر ڈسٹرکٹ جیل لانڈھی کے سپرنٹنڈنٹ کے مطابق 20 بھارتی ماہی گیروں کو کورٹ پولیس اور ایدھی فاؤنڈیشن کی انتظامیہ کے حوالے کردیا گیا ہے۔

    ایدھی فاؤنڈیشن کے سربراہ فیصل ایدھی کے مطابق 20 ماہی گیروں کو لاہور کے واہگہ بارڈر تک پہنچانے کے تمام سفری اخراجات ایدھی فاؤنڈیشن ادا کر رہی ہے ایدھی فاؤنڈیشن نے ماہی گیروں کو خصوصی بس کےذریعہ لاہور روانہ کر دیا ہے، جیل پولیس کی ٹیم بھی بس میں ماہی گیروں کے ساتھ جائےگی حسب سابق ماہی گیروں کے سفری اخراجات کے علاوہ اخراجات کی رقم اورکچھ تحائف بھی دیے گئے ہیں۔

    پولیس ذرائع کے مطابق رہا کیے گئے ماہی گیروں کو جون 2018 میں پاکستانی سمندری حدود میں غیر قانونی طور پر گھسنے اور بلا اجازت ماہی گیری کرنے کے الزام میں سرکاری اداروں نے گرفتار کیا تھا۔

    رہائی پانے والے ماہی گیروں میں کانجی، مانو، دانا، جیوا، رمیش، دنیش، دیوسی، میرو، نارائن، بھانرا، لال جی، نان جی، دینیش، ابو، یونس، نثار، عقیل، امین، فرید اور انیس شامل ہیں۔

    کسی خونی اور فسادی احتجاج کی اجازت نہیں ہو گی،وفاقی وزیر اطلاعات