Tag: پاکستان

راولپنڈی چیمبر آف کامرس اینڈ انڈسٹری نے کہا کہ حکومت سمیت تمام سیاسی جماعتوں سے میثاق معیشت کرنے کا مطالبہ کرتے ہیں-

باغی ٹی وی : راولپنڈی چیمبر آف کامرس اینڈ انڈسٹری کی اہم پریس کانفرنس ہوئی گروپ لیڈر سہیل الطاف صدر راولپنڈی چیمبر ندیم رؤف، ڈاکٹر جمال ناصر و دیگر نے خطاب کیا-

عوام کیلئے خوشخبری،پنجاب میں مزید 9 ڈبل ڈیکر بسیں چلانے کا فیصلہ

سہیل الطاف نے کہا کہ حکومت سمیت تمام سیاسی جماعتوں سے میثاق معیشت کرنے کا مطالبہ کرتے ہیں حکومت سے اپیل ہے جون میں ہونے والی میثاق معیشت کانفرنس میں ہمارے ساتھ آئے-

اگر کوئی میثاق معیشت کانفرنس سے بھاگا تو بزنس کیمونٹی معاف نہیں کرے گی،عمران خان سمیت تمام سیاسی جماعتوں کی سربراہی میں کانفرنس کے انعقاد کی پیشکش ہےحکومت اواپوزیشن ڈوبتی معشیت کو دلدل سےنکالنے کیلئے اختلافات کو بالائے طاق رکھ کر متحد ہوں-

سینیٹر اعظم سواتی اور یاسمین راشد حکومت کے خلاف تھانہ پہنچ گئے

صدر راولپنڈی چیمبر ندیم اے رؤف نے کہا کہ آج معاشی صورتحال پرتمام تاجر شدید پریشانی کا شکار ہیں،ملک کی موجودہ معاشی صورت حال انتہائی کشیدہ ہے،کوئی حالات نہیں دیکھ رہا سب کو اپنی اپنی سیاست کی پڑی ہے-

سہیل الطاف نے کہا کہ حکومت نے جو اقدامات لیئے اس سے اسٹاک ایکسچینج اور ڈالر کی صورتحال کیا ہوٰئی ؟ سخت فیصلے نہ لیئے گئے تو سرمایہ کار ملک چھوڑ کر بھاگ جائیں گے، سبسڈی کم کرنی ہوگی،بزنس کیمونٹی کو سٹینڈ لینا پڑے گا سیاسی جماعتیں ہمیں باہر رکھیں گی تو خمیازہ بھگتنا ہوگا-

بجٹ میں،کم فیس والے نجی سکولوں کے لیے الگ سے رقم مختص کرنے کا مطالبہ

اسلام آباد: پنجاب اسمبلی سے ڈی سیٹ ہونے والے پی ٹی آئی کے منحرف ارکان نے آئندہ 48 گھنٹےمیں سپریم کورٹ میں اپیل دائر کرنے کا فیصلہ کرلیا۔

تحریک انصاف کے ڈی سیٹ ہونے والے پنجاب کے منحرف ارکان نے سپریم کورٹ میں اپیل دائر کرنے کے لئے مشاورت کا عمل مکمل کر لیا ہے، ڈی سیٹ ارکان اسمبلی نے اپنی لیگل ٹیم کیساتھ مشاورت میں اپیل کو حتمی شکل دیدی، اگلے 48 گھنٹوں میں سپریم کورٹ میں اپیل دائر کردی جائے گی۔

تحریک انصاف کے 25 منحرف ارکان اسمبلی الیکشن کمیشن کی طرف سے ڈی سیٹ کیے جانے کیخلاف عدالت میں اپیل دائر کر رہے ہیں، ڈی سیٹ ہونے والے ارکان اپیل کے ساتھ ساتھ ضمنی انتخاب کے عمل میں بھی حصہ لیں گے۔

یاد رہے کہ چند دن پہلے پاکستان تحریک انصاف کے 25 منحرف ارکان پنجاب اسمبلی کو ڈی سیٹ کر دیا گیا تھا ۔چیف الیکشن کمشنر سکندر سلطان راجہ نے محفوظ کیا گیا فیصلہ سنایاتھا ۔

چیف الیکشن کمشنر نے فیصلے میں کہا کہ منحرف ارکان پنجاب اسمبلی سے متعلق فیصلہ اتفاق رائے سے کیا گیا ہے۔

ڈی سیٹ ہونے والے منحرف اراکین پنجاب اسمبلی میں راجہ صغیر احمد، ملک غلام رسول سنگا، سعید اکبر خان، محمد اجمل، علیم خان، نذیر چوہان، محمد امین ذوالقرنین ، ملک نعمان لنگڑیال، محمد سلمان، زوار وڑائچ، نزید احمد خان، فدا حسین، زہرہ بتول، محمد طاہر، عائشہ نواز، ساجدہ یوسف، ہارون عمران گل، عظمی کاردار، ملک اسد، اعجاز مسیح، سبتین رضا، محسن عطا خان کھوسہ، میاں خالد محمود، مہر محمد اسلم اور فیصل حیات شامل ہیں۔

کراچی :حافظ نعیم الرحمن نے کہا ہے کہ سندھ اور وفاق کو کراچی کا حق سلب نہیں کرنے دیں گے۔اطلاعات کے مطابق امیر جماعت اسلامی کراچی حافظ نعیم الرحمن نے حیدری مارکیٹ پر حقوق کراچی کاررواں سے خطاب کرتے ہوئے کہا کہ اہلیان نارتھ ناظم آباد اور نارتھ کراچی اور مارکیٹ ایسوسی ایشنز کا شکریہ ادا کرتا ہوں۔انہوں نے کہا کہ اہلیان کراچی نے کاررواں میں بڑی تعداد کی علامت ہے کہ کراچی زندہ ہے اور بیدار ہے، کسی صوبائی و وفاقی حکومت کو اس بات کی جرات نہیں ہوگی کہ کراچی کا حق سلب کرے۔

حافظ نعیم الرحمن کا کہنا تھا کہ کراچی کی گنتی مردم شماری کی جائے ، مردم شماری کے بغیر قومی و صوبائی انتخاب قابل قبول نہیں۔امیر جماعت اسلامی کراچی نے کہا کہ مہاجر، سندھی پختون میں تقسیم تو کرتے ہیں لیکن کراچی کو حق نہیں دیتے، کراچی کو ساڑھے تین کروڑ گن لیا جائے تو وزیر اعلیٰ کراچی سے ہوگا۔ان کا کہنا تھا کہ ایم کیو ایم شہر سے مینڈیٹ لے کر وڈیروں اور جاگیرداروں کے ہاتھوں فروخت کردیا، کاررواں اعلان کررہا ہے کہ کراچی کے عوام اپنا پورا حق لیں گے۔ انہوں نے کہا کہ لاہور کی میٹرو کراچی کے پیسوں سے بنتی ہے لیکن ہم بڑا دل رکھتے ہیں ہمارا مطالبہ ہے کہ کراچی کو اس کا حق دیا جائے۔

حافظ نعیم الرحمن نے یہ بھی کہا کہ کے الیکٹرک مافیا کو کراچی کے عوام پر مسلط کیا ہوا ہے ، تمام حکومتی جماعتیں کراچی کے عوام کے خلاف فیصلے کرتے ہیں۔ان کا کہنا تھا کہ کراچی کے عوام جان لیں کہ جنہوں نے بھر بھر کے ووٹ دیے انہوں نے کوٹہ سسٹم پر غیر معینہ مدت تک اضافہ کیا۔

حافظ نعیم الرحمن نے کہا کہ وزیراعلیٰ سندھ کہتے ہیں کہ ساڑھے پانچ سو ملین گیلن پانی میں سے 40 فیصد لیکیج ہے، ہم کہتے ہیں کہ یہ لیکیج نہیں چوری اور بھتہ ہے جس کا حصہ وزیر اعلیٰ ہاؤس تک جاتا ہے۔انہوں نے یہ بھی کہا کہ کراچی میں رہنے والے تمام زبان بولنے والے سب ہمارے بھائی ہیں، صوبائی حکومت تعصب اور لسانیت کی بنیاد پر ملازمتیں دے گی تو کراچی کے عوام اپنا حق خود چھین کر لیں گے۔

امیر جماعت اسلامی کراچی حافظ نعیم الرحمن کا مزید کہنا تھا کہ حقوق کراچی کاررواں سپر مارکیٹ لیاقت آباد تک جائے گا، سپر مارکیٹ لیاقت آباد پر کراچی کے چارٹر آف ڈیمانڈ پیش کروں گا۔

گڈزٹرانسپورٹ ایسوسی ایشن کا پہیہ جام ہڑتال کا اعلان

امریکا آزادی اور انسانی حقوق کے مسائل پر بھارت سے بات کرے گا:جیک سلیوان

امریکا، بھارت، جاپان اور آسٹریلیا:روس اورچین کے خلاف ڈٹ گئے

پشاور:عمران خان نے کہا ہے کہ خواتین پر تشدد کروانے پر عوام میں شدید غصہ پایا جاتا،اطلاعات کے مطابق سابق وزیراعظم و چیئرمین تحریک انصاف عمران خان نے سماجی رابطے کی ویب سائٹ ٹویٹر پر اپنے ایک پیغام میں کہا کہ چارسدہ میں حقیقی آزادی مارچ دوم کی تیاریوں کاآغاز ہو گیا۔

عمران خان نے کہا کہ ہمارے نوجوان پہلے سے بھی بڑھ کر پرجوش ہیں۔اپنے پیغام میں چیئرمین تحریک انصاف عمران خان کا مزید کہنا تھا کہ پرامن مظاہرین خصوصاً خواتین پر پولیس سے بہیمانہ تشدد کروانے پر عوام میں قاتل راناثناءاللہ، بزدل کرائم منسٹر اور اسکے بدعنوان بیٹےکیخلاف شدید غصہ پایا جاتا ہے۔

واضح رہے اس سے قبل سابق وزیراعظم و چیئرمین تحریک انصاف عمران خان کا چارسدہ میں ورکرز کنونشن سے خطاب کرتے ہوئے کہنا تھا کہ آپ سب تیاری کریں میں بھی تیاری کر رہا ہوں، جو اب ہم نکلیں گے کوئی رکاوٹ اس کےسامنے نہیں کھڑی ہو گی۔

عمران خان نے کہا کہ میرے کارکنوں نے جبر اور ظلم کے باوجود خوف کے زنجیروں کو توڑ دیا، ہمارے کارکن آزادی کی جنگ لڑ تے ہوئے شہید ہوئے۔ان کا کہنا تھا کہ پولیس نے رات کے وقت گھروں میں جا کر عورتوں کو پکڑا، عورتوں اور بچوں پر شیل استعمال کئے گئے جبکہ یاسمین راشد کو گاڑی سے نکالا گیا اور پولیس کے ساتھ لیڈی پولیس موجود نہیں تھی

چیئرمین تحریک انصاف کا یہ بھی کہنا تھا کہ رانا ثناء اللہ، شہباز شریف اور حمزہ شہباز سن لو قوم تمہیں معاف نہیں کریگی،۔ہم عدالتوں میں بھی جائیں گے اور ان پر کیس کریں گے۔

عمران خان نے کہا کہ باپ، بیٹا اور رانا ثنااللہ تینوں کرپٹ ہیں، باپ بیٹے نےجوظلم کیا قوم ان معاف نہیں کرے گا جبکہ تم3بزدلوں کو انصاف کے کٹہرے میں کھڑا کر کے جیلوں میں ڈلوائیں گے۔انہوں نے یہ بھی کہا کہ جب تک زندہ ہوں ان چوروں کیخلاف جدوجہد اور جہاد ختم نہیں کرونگا، سپریم کورٹ نے کہہ دیا تھا پرامن احتجاج ہمارا جمہوری حق تھا

سابق وزیراعظم کا کہنا تھا کہ امریکہ کی امپورٹڈ حکومت کسی صورت قبول نہیں کریں گے ، قوم کو حقیقی آزادی دلائیں گے قوم تیاری کریں۔انہوں نے کہا کہ پہلے ہم سپریم کورٹ جا رہے ہیں فیصلے کے مطابق پلان بنائیں گے، سپریم کورٹ ہمارا حق تسلیم کرے اور اگر ہمارا حق نہ دیا گیا تو ہم چین لیں گے۔

عمران خان نے یہ بھی کہا کہ ہماری حکومت روس سے 25 فیصد کم تیل لینا چاہتے تھے، حکومت ہندوستان سے کشمیر کا سودا کرنے والے ہیں جبکہ اسرائیلی حکومت کو بھی تسلیم کرنے والے ہیں۔

سابق وزیراعظم کا کہنا تھا کہ ہندوستان آزاد ہے اور ہم غلام جبکہ ہندوستان نے سستا تیل منگوا کر 25 روپے قیمت کم کی ، امریکی غلاموں نے پیٹرول اور ڈیزل کی قیمتیں بڑھائیں۔ان کا یہ بھی کہنا تھا کہ آج معلوم ہوا ایک وفد اسرائیل گیا ہے کیونکہ یہ اسرائیل کو قبول کرنے جا رہے ہیں، یہ کشمیریوں کو بیچیں گے اور ہندوستان سے سمجھوتہ کریں گے جبکہ یہ ہر وہ کام کریں گے جو امریکا سے حکم آئے گا۔

سابق وزیراعظم و چیئرمین تحریک انصاف عمران خان کا مزید کہنا تھا کہ جب ایک قوم اپنی آزادی کیلئے نکلتی ہے وہ جہاد ہے، ہمارے اوپر چوروں کی حکومت مسلط کی گئی لیکن ہم کسی صورت ان چوروں اور امریکی غلاموں کو قبول نہیں کریں گے۔

گڈزٹرانسپورٹ ایسوسی ایشن کا پہیہ جام ہڑتال کا اعلان

امریکا آزادی اور انسانی حقوق کے مسائل پر بھارت سے بات کرے گا:جیک سلیوان

امریکا، بھارت، جاپان اور آسٹریلیا:روس اورچین کے خلاف ڈٹ گئے

پشاور:چیئرمین تحریک انصاف عمران خان نے سی پی این ای کے نو منتخب عہدیداران کو مبارکباد پیش کی ہے۔سابق وزیراعظم و چیئرمین تحریک انصاف عمران خان نے سماجی رابطے کی ویب سائٹ ٹویٹر پر اپنے ایک پیغام میں کہا کہ ایک مرتبہ پھر سی پی این ای کا صدر منتخب ہونے پر میں کاظم خان کو مبارکباد پیش کرتا ہوں۔

چیئرمین تحریک انصاف عمران خان نے کہا کہ میرا ایمان ہے کہ سی پی این ای ذمہ دارانہ صحافت کے فروغ میں کلیدی کردار ادا کرسکتی ہے اور عوام کے جاننے کے حق اور آزادی اظہار کا تحفظ کرے گی۔

دوسری جانب صدرِ مملکت ڈاکٹر عارف علوی نے بھی سی پی این ای کے نو منتخب صدر کاظم خان اور دِیگر عہدیداران کو سالانہ انتخابات میں کامیابی پر مبارکباد پیش کی ہے۔صدرِ مملکت ڈاکٹر عارف علوی نے کہا کہ سی پی این ای کی نو منتخب قیادت فیک نیوز اور بلا تصدیق خبروں کی اشاعت اور فروغ کے تدارک کے لیے اپنا کردار ادا کرے گی۔

یاد رہے کہ اس سے پہلے وزیراعظم شہباز شریف نے کونسل آف پاکستان نیوز پیپرز ایڈیٹرز (سی پی این ای) کے سالانہ انتخابات میں نومنتخب عہدیداروں کو مبارکباد دیتےہوئے کہا ہے کہ صدر کاظم خان، سینئر نائب صدر ایاز خان، سیکرٹری جنرل عامر محمود سمیت سی پی این ای کے تمام نو منتخب عہدیداروں کو دل کی گہرائیوں سے مبارک پیش کرتے ہیں

صحافت اور اظہار رائے کی آزادی جمہوریت کی مضبوطی کا ایک ناگزیر آئینی تقاضا ہے ،اتحادی حکومت میڈیا اور اظہار رائے کی آزادی کا نہ صرف تحفظ کرنے میں یقین رکھتی بلکہ اس کے فروغ کے لئے اقدامات کر رہی ہے

کوئٹہ :بلوچستان بلدیاتی انتخابات: بیشتر آزاد امیدوار کامیاب، سیاسی جماعتوں میں جے یو آئی سب سے آگے،اطلاعات کے مطابق بلوچستان کے بلدیاتی انتخابات میں آزاد امیدواروں نے واضح اکثریت حاصل کرلی۔

بلوچستان کے 32 اضلاع میں بلدیاتی انتخابات کیلئے پولنگ صبح 8 بجے سے شام 5 بجے تک بغیر وقفے کے جاری رہی۔ووٹنگ میں شہریوں نے بھرپور دلچسپی لی اور خواتین نے بھی ووٹ کا حق استعمال کیا جبکہ ضلع تربت میں 31 فیصد ٹرن آؤٹ رہا جو پاکستان کے کسی بھی بڑے شہر کے ٹرن آؤٹ کے برابر ہے۔

اب تک کے غیر سرکاری و غیر حتمی نتیجے کے مطابق بلوچستان کے بلدیاتی انتخابات میں آزاد امیدواروں نے میدان مار لیا اور اب تک 1160 نشستیں حاصل کرلی ہیں۔موصول ہونے والے غیرحتمی و غیرسرکاری نتائج کے تحت سیاسی جماعتوں میں جمعیت علمائے اسلام سب سے آگے ہے اور اب تک 143 نشستوں پر کامیابی حاصل کرچکی ہے۔

جے یو آئی نے کارپوریشن کی 12، میونسپل کمیٹیوں کی 44 اور یونین کونسلوں کی 87 نشستیں جیت لی ہیں۔

اب کے موصول ہونے والے غیرحتمی و غیرسرکاری نتائج کے مطابق صوبے میں حکمراں بلوچستان عوامی پارٹی 113 نشستیں حاصل کرکے دوسرے، پشتونخوا ملی عوامی پارٹی 68 نشستوں کے ساتھ تیسرے نمبر پر موجود ہے۔

اب تک کے غیر سرکاری و غیر حتمی نتائج کے مطابق نیشنل پارٹی نے 45 نشستیں حاصل کرلیں جبکہ بلوچستان نیشنل پارٹی (مینگل) 39 نشستوں کے ساتھ پانچویں نمبر پر آ گئی۔پیپلز پارٹی نے اپ سیٹ کیا ہے اور 37 نشستوں کے ساتھ پانچویں نمبر پر ہے۔

خیال رہے کہ بلوچستان اسمبلی میں پیپلز پارٹی کی کوئی نشست نہیں ہے اور بلدیاتی انتخابات میں پی پی امیدواروں کی کامیابی کو اپ سیٹ قرار دیا جارہا ہے۔

اب تک کے غیر سرکاری و غیر حتمی نتائج کے مطابق بلوچستان نیشنل پارٹی (عوامی) بھی 27 نشستیں حاصل کرنے میں کامیاب رہی جبکہ پاکستان تحریک انصاف صرف7 نشستیں حاصل کرسکی اور مسلم لیگ ن نے 14 نشستیں جیتی ہیں۔

دوسری جانب بلدیاتی انتخابات میں نتائج آنے کا سلسلہ جاری ہے اور سرکاری وحمتی نتیجے کا اعلان آئندہ دنوں میں کیا جائے گا۔ کوئٹہ اور لسبیلہ میں الیکشن بعد میں ہوں گے ۔

بلوچستان بلدیاتی انتخابات: نتائج کا سلسلہ جاری:آزاد امیدوار سب سے آگے،اطلاعات کے مطابق بلوچستان میں تقریباً 10 سال کے بعد بلدیاتی انتخابات کا انعقاد ھوا۔ بلوچستان کے 34 میں سے 32 اضلاع میں منعقد ہونے والے ان انتخابات میں 17000 ہزار سے زاید امیدواروں نے بھرپور حصہ لیا۔

بلوچستان کے بلدیاتی انتخابات میں 132 خواتین جنرل نشتوں پر براہ راست انتخابی عمل میں حصہ لیا

انتخابات میں خواتین کا اتنی بڑی تعداد میں مخصوص کی بجائے جنرل نشستوں پر انتخابی میدان میں حصہ لیا جو ایک حوصلہ افزاء عمل ہے۔ نہ صرف خواتین نے انتخابی عمل میں بطور امیدوار شرکت خاطر خواہ رہی بلکہ خواتین ووٹرز کا ٹرن آوٹ بھی کافی مثبت رہا۔

نوجوانوں کی ایک بڑی تعداد نے بھی الیکٹورل پراسس میں بھرپور شرکت کی،لوگ ووٹ ڈالنے کے لیے باہر آئے اور ریاست مخالف عناصر کی طرف سے دی جانے والی دھمکیوں کو مسترد کیا۔

تربت ڈویژن میں 61 فیصد ٹرن آوٹ ہوا جو پاکستان کے کسی بھی بڑے شہر کے برابر ہے۔ 1988 کے انتخابات کے بعد یہ سب سے زیادہ ٹرن آوٹ ھے۔

کامیاب بلدیاتی انتخابات کا کریڈٹ بلوچستان کے بہادر عوام، انتظامیہ ، قانون نافذ کرنے والے اِداروں اور اُن سینکڑوں جوانوں کو جاتا ھے جِنھوں نے بلوچستان میں قیامِ اَمن کیلۓ اَپنی جانوں کے نذرانے پیش کیے۔

یہ درحقیقت بلوچستان کی قومی دھارے میں آنے اور خوشحالی کا پیش خیمہ ہے اور بھارت سمیت تمام منفی قوتوں کو منہ توڑ جواب ہے۔

مقامی نمائندوں کے انتخاب کیلئے نتائج آنے کا سلسلہ جاری ہے، 16 ہزار سے زائد امیدواروں کے درمیان مقابلہ، میونسپل کمیٹیوں کے 651 میں سے 220 وارڈزکے نتائج موصول ہوگئے ہیں جس کے مطابق آزاد امیدوار 116 نشستیں لے کر سب سے آگے ہیں، جے یو آئی 31 نشستوں کے ساتھ دوسرے نمبر پر ہے، بی اے پی 19، بی این پی 9 ، پیپلز پارٹی کی 8 سیٹیں ہیں۔

ادھر آج بلوچستان بلدیاتی انتخابات: فائرنگ اور لڑائی، 1 شخص جاں بحق، 16 زخمی

بلوچستان بلدیاتی انتخابات کے دوران صوبے کے مختلف علاقوں میں فائرنگ اور لڑائی جھگڑے سے ایک شخص جاں بحق اور 16 زخمی ہوئے، ڈیرہ بگٹی میں 3 راکٹ فائر کئے گئے، قلات میں پولنگ سٹیشن پر دستی بم حملے سے دو اہلکار زخمی ہوئے۔

بلوچستان میں بلدیاتی انتخابات 2022 کے لیے صوبے کے 32 اضلاع میں پولنگ ، الیکشن کے دوران صوبے کے مختلف علاقوں میں لڑائی جھگڑے ہوئے، فائرنگ اور بم حملوں کے واقعات رپورٹ ہوئے، قلات کے علاقے منگچر جوہان کراس بازار کے قریب روڈ کنارے نصب بم دھماکے سے ایک شخص زخمی ہوا، قلات میں ہی میونسپل کمیٹی انٹر کالج پولنگ سٹیشن پر دستی بم حملہ کیا گیا جس سے ڈیوٹی پر مامور دو لیوز اہلکار زخمی ہوئے۔

لیویز ذرائع کے مطابق نامعلوم افراد دستی بم پھینک کر فرار ہو گئے، نوشکی میں یوسی 1 وارڈ نمبر 7 پدگ میں دو گروپوں میں معمولی تکرار پر فائرنگ سے ایک شخص زخمی ہوا، زخمی شخص ہسپتال منتقلی کے وقت زخموں کی تاب نہ لا تے ہوئے چل بسا، بلوچستان کے علاقے ڈیرہ بگٹی میں پولنگ سٹیشن پر نامعلوم سمت سے 3 راکٹ فائر ہوئے جو پولنگ سٹیشن میں موجود لیویز چوکی کے قریب گرے، تاہم کوئی جانی نقصان نہیں ہوا۔

ڈیرہ بگٹی میں ضلع کوہلو یونین کونسل 6 وارڈ نمبر 2 مصری خان ماکوڑی میں لڑائی کے دوران 8 افراد زخمی ہوئے، جبکہ کوہلو میں مونسپل کمیٹی وارڈ نمبر 1 کے فیمیل پولنگ اسٹیش میں ہاتھا پائی سے 4 افراد زخمی ہوئے، لورالائی کے علاقے کلی زنگیوال پولنگ سٹیشن میں سیاسی جماعتوں کے کارکنوں کے درمیان جھگڑے سے ایک شخص زخمی ہوا۔

مورخہ 29 مئی 2022 کو بلوچستان کے دیگر 31 اضلاع کی طرح ضلع کوہلو میں بھی بلدیاتی انتخابات ہوئے۔ ضلع میں کل 103 پولنگ اسٹیشن قائم کیئے گئے۔ الیکشن کمیشن آف پاکستان کے قوانین کے مطابق پولنگ کا عمل صبح 08 بجے سے لیکر شام 05 بجے تک جاری رہا۔ ضلع ہذا میں لیویز و دیگر قانون نافذ کرنے والے اداروں نے سکیورٹی کے فرائض سنھبالے۔ بلدیاتی الیکشن کے سلسلے میں کسی بھی ہنگامی صورتحال سے نمٹنے کیلئے انچارج کیو۔ار۔ایف سبی زون کی سربراہی میں کیو۔آر۔ایف ایمرجنسی ایکشن پلان تشکیل دی گئ۔ پولنگ اسٹیشنوں میں حالات کشیدہ ہوتی ہی لیویز کیو-آر-ایف اہلکاران نے جانفشانی سے حالات کو کنٹرول کیا۔ پولنگ عمل کے دوران ماکوڑی کے پولنگ اسٹیشن میں دو گروپوں میں تصادم ہوا۔ حالات کشیدہ ہونے کی وجہ سے پولنگ رک گئی۔ لیویز کیو-آر-ایف نے بروقت ریکٹ کرکے پولنگ اسٹیشن سکیورٹی کا چارج اپنے ہاتھ میں لیا۔ بدامنی پھیلانے والے 4 افراد کو گرفتار کر کے پولنگ کے عمل کو دوبارہ بحال کرایا۔ میونسپل کمیٹی میں وارڈ میں چند عناصر کی جانب سے بدامنی پھیلانے کی کوشش کی گئی جس پر لیویز کیو۔آر۔ایف کے اہلکاران نے کاروائی کرتے ہو بدامنی پھیلانے والے عناصر کو گرفتار کرکے پولیس کے حوالے کیا۔ میونسپل کمیٹی کے وارڈ میں بار بار بدامنی اور انتشار کی فضاء قائم کرنے کی کوشش کی گئی لیکن لیویز کیو-آر-ایف نے پورے علاقے میں امن و امان کی صورتحال کو قائم رکھنے میں اپنا مکمل کردار ادا کیا۔

علاقے کے بی ایریا سمیت اے ایریاز میں بھی لیویز کیو۔آر۔ایف نے گراں قدر فرائض سرانجام دیئے۔ ڈپٹی کمشنر کوہلو قربان علی مگسی نے لیویز لائن میں لیویز کیو۔آر۔ایف اہلکاران سے تعریفی خطاب میں کہا کہ لیویز کیو-آر-ایف نے بلدیاتی الیکشن 2022 میں اپنے طاقت اور ہمت کو شاہین کی اڑتی ہوئی پرواز کی مانند ثابت کیا۔ علاقے میں امن کی فضاء کو قائم رکھنے اور عوام کا اعتماد بحال کرنے میں جسطرح کوہلو لیویز کیو-آر-ایف نے اپنا کردار کیا ہے اسکی مثال نہیں ملتی۔ انھوں نے کہا کہ اج جسطرح سے پرامن ماحول میں بلدیاتی الیکشن ہوئے یہ لیویز کیو-آر-ایف ونگ کی ترتیب اور ڈسپلن کو ظاہر کرتی ہے۔ ڈپٹی کمشنر کوہلو نے بہترین کارکردگی دکھانے پر کیو-آر-ایف اہلکاران کیلئے ڈیڑھ لاکھ روپے کا اعلان اور تعریفی اسناد جاری کرنے کا بھی اعلان کیا۔

گڈزٹرانسپورٹ ایسوسی ایشن کا پہیہ جام ہڑتال کا اعلان

امریکا آزادی اور انسانی حقوق کے مسائل پر بھارت سے بات کرے گا:جیک سلیوان

امریکا، بھارت، جاپان اور آسٹریلیا:روس اورچین کے خلاف ڈٹ گئے

کوئٹہ: ترجمان حکومت بلوچستان فرح عظیم شاہ نے کہا ہے کہ صوبے کے 32 اضلاع میں کل ہونے والے بلدیاتی انتخابات کامیابی کے ساتھ پُرامن حالات میں اپنے انجام کو پہنچ گئے ہیں اور آج کا دن بلوچستان کی تاریخ کا ایک سنہری دن ہے جس دن دہشت گردوں کے خلاف بلوچ عوام نے عزم مصمم کے ساتھ اپنا اظہارووٹ استعمال کیا

فرح عظیم شاہ نے اپنے ویڈیو پیغام میں کہا ہےکہ صوبے میں الیکشن کامیابی کے ساتھ اپنے انجام کو پہنچا اور کوئی بڑے سانحہ کے شکار ہونے سے بچ گیا ہے ، ان کا کہنا تھا کہ اس موقع پر وہ بلوچستان حکومت ، بلوچ عوام اور ان سیکورٹی اداروں کا شکریہ ادا کرتی ہیں جنہوں نے انتخابات کو پُر امن بنانے کے لیے اپنا کردار ادا کیا ہے

 

b

یاد رہےکہ کل کوئٹہ میں پریس کانفرنس کرتے ہوئے ترجمان حکومت بلوچستان فرح عظیم شاہ نے کہا تھا کہ صوبے کے 32 اضلاع میں کل ہونے والے بلدیاتی انتخابات کیلئے تمام تر تیاریاں مکمل ہیں، یہ تاثر غلط ہے کہ انتخابات میں حکومت کسی قسم کی مداخلت کر رہی ہے۔

کوئٹہ کے وزیر اعلیٰ سیکرٹریٹ میں سیکرٹری بلدیات دوستین جمالدینی کے ہمراہ نیوز کانفرنس کرتے ہوئے فرح عظیم شاہ کا کہنا تھا کہ کوئٹہ اور لسبیلہ میں حلقہ بندیوں کا مسئلہ ہے جسے حل کر رہے ہیں۔

انہوں نے بلدیاتی انتخابات سے متعلق تفصیلات بتاتے ہوئے کہا کہ 2013 کے بعد صوںے میں بلدیاتی انتخابات منعقد ہورہے ہیں، ہماری کوشش ہے زیادہ سے زیادہ عوام اپنا حق رائے دہی استعمال کرنے کیلئے آزادانہ گھروں سے پولنگ اسٹیشنوں تک آئے۔

کل ترجمان بلوچستان حکومت نے کہا کہ تمام اضلاع میں ہنگامی صورتحال سے نمٹنے کیلئے تیاریاں مکمل کر لیں گئیں ہیں، اس کے ساتھ ساتھ ڈپٹی کمشنرز کے ساتھ ضابطہ اخلاق طے پایا گیا ہے،اور قانون نافذ کرنے والے اداروں اور تمام اضلاع کے قبائلی معتبرین سےملاقاتیں بھی کی گئی ہیں۔

انہوں نے مزید کہا کہ تمام پولنگ اسٹیشن پر سیکیورٹی اہلکاروں کی تعیناتی کا عمل ترتیب دے دیا گیا ہے۔ فرح عظیم شاہ نے کہا کہ صاف اور شفاف انتخابات کا انعقاد کرائیں گے اور امیدواروں کو بھی سیکیورٹی فراہم کی جائے گی۔انہوں نے کہا کہ محکمہ داخلہ اور سی سی پی او آفس میں بلدیاتی انتخابات کے حوالے سے کنٹرول روم قائم کیا جا چکا ہے۔

آج انہوں نے اپنے ویڈیو پیغام میں تمام اداروں کا بھی شکریہ ادا کیا جنہوں نے آج کے انتخابات کو پُرامن طور پرانجام پانے میں بھرپورکردار ادا کیا

لاہور:کبیر تاج وزیر اعلیٰ پنجاب کے پولیٹیکل سیکرٹری مقرر،اطلاعات کے مطابق پاکستان مسلم لیگ (ن) کی رہنما عظمیٰ بخاری کا کہنا ہے کہ کبیر تاج کو وزیر اعلیٰ پنجاب حمزہ شہباز شریف کا پولیٹیکل سیکریٹری مقرر کردیا گیا ہے۔

سماجی رابطے کی ویب سائٹ ٹوئٹر پر اپنے پیغام میں ترجمان مسلم لیگ (ن) پنجاب کا کہنا تھا کہ کبیر تاج اور اُن کے اہلخانہ نے ہمیشہ مُشکل وقت میں اپنی جماعت کا ساتھ دیا۔عظمیٰ بخاری نے کہا کہ وزیرِاعلیٰ نے کبیر تاج کی جماعت سے مخلصانہ وابستگی پر انہیں اپنا سیکریٹری مقرر کیا۔

حمزہ شہبازشریف نے پارٹی کے لئے گراں قدرخدمات کے پیش نظر کبیر تاج کوپولیٹیکل سیکرٹری بنایا ، اس موقع پر حمزہ شہبازشریف کا کہنا تھا کہ کبیرتاج مسلم لیگ ن کے دیرینہ مخلص رہنما ہیں۔ ان کا یہ بھی کہنا تھا کہ کبیر تاج اور ان کے خاندان کی پارٹی کےساتھ 40 سالہ وابستگی ہے

 

دلی مبارکباد ،ایک خالص سیاسی ورکر کو اسکا حق ملنے پہ نہایت خوشی اور مبارکباد،کبیر اسکے والد ،والدہ اور پورے خاندان کی ن لیگ سے 40 سالہ رفاقت میں بہت سارے تکلیف دہ دور آئے،خاص طور پر مشرف دور کی صعوبتیں اور مار آج بھی سیاسی تاریخ کا حصہ ہیں،اللہ پاک کامیابی عطا فرمائے pic.twitter.com/gkuUbkktsp

— Azma Zahid Bokhari (@AzmaBokhariPMLN) May 29, 2022

حمزہ شہبازشریف کا کہنا تھا کہ کبیر تاج کا شمار پارٹی کے وفادار رہنماوں میں ہوتا ہے ، ان کا یہ بھی کہنا تھا کہ پونے چار سال اپوزیشن دور میں کبیر تاج نےبہترین انداز میں پارٹی کے لیے کام کیا

یاد رہے کہ شہبازشریف اور حمزہ شہبازشریف رہا ہونےکےبعداگلے دن کبیر تاج کےگھر بھی گئے تھے ،کبیر تاج شریف فیملی کے انتہائی قریبی ساتھیوں میں جانے جاتے ہیں،کبیر تاج کے والد شیخ تاج الدین نے بھی اندرون لاہور میں پارٹی کے لئے دن رات کام کیا