Tag: پاکستان

سابق وزیراعظم اور چئیرمین پاکستان تحریک انصاف عمرا خان کا کہنا ہے کہ سپریم کورٹ کااہم فیصلہ آج آیا،ہم سپریم کورٹ کاشکریہ اداکرتےہیں-

باغی ٹی وی : کوہاٹ جلسے سے خطاب کرتے ہوئے عمران خان نے کہا کہ سپریم کورٹ کا اہم فیصلہ آج آیا، ہم سپریم کورٹ کا شکریہ اداکرتےہیں،سپریم کورٹ نےپاکستان کی اخلاقیات کو گرنے سے بچایا،حمزہ شہبازنے بڑی دیر سے اچکن سلوائی تھی،پنجاب میں اب مرغی کی قیمتیں بھی نیچی آجائیں گی، شریف فیملی کے کیسز سپریم کورٹ سنے،ڈاکٹررضوان کی موت کی بھی تحقیقا ت ہونی چاہیے،ہم چوروں کو بالکل اس ملک پر مسلط نہیں ہونے دیں گے-

عمران خان کا کہنا تھا کہ امریکا سےامپورٹڈ حکومت کو نہیں مانتےہماراایک ہی مطالبہ ہےکہ فوری انتخابات کرائیں،ہم کسی امپورٹڈحکومت کوماننے کوتیار نہیں،کسی ایسی پارٹی کو ہرگز ووٹ نہ دیں جن کےلیڈرکی جائیدادیں اورپیسہ باہرہوآصف زرداری باہر جاتا تھا تو سب کہتے تھے دیکھ کر ہاتھ ملانا آپ کی انگلیاں چوری کر لے گا،یہ کبھی ان کو ابیسولوٹلی ناٹ نہیں کہہ سکتے تھےیہ کبھی ان کی آنکھوں میں آنکھیں ڈال کر بات نہیں کر سکتے تھے، ہم نے کبھی غلامی نہیں کرنی ،وہ انسان تگڑا ہوتا ہے جو اپنے پیر پر کھڑا ہوتا ہے-

عمران خان نے کہا کہ ڈرون حملوں کی کبھی تحقیقات نہیں ہوتی تھیں،ایک طرف راہِ حق ہے اور ایک طرف چور کھڑے ہیں اللہ کا حکم ہے کہ برائی کے خلاف جہاد کرو، ملک میں عدل و انصاف ہونا چاہیے،ہمیں نیوٹرل ہونے کی اجازت ہی نہیں، بیچ کا کوئی راستہ نہیں ہے میں یہاں آپ لوگوں کو تیار کرنے آیا ہوں،ہم نے اسلام آباد کی طرف حقیقی آزادی کا مارچ کرنا ہے-

چئیرمین پی ٹی آئی نے کہا کہ خیال زمان اور ان کے خاندان نےہمارے ساتھ جدوجہد کی، آج چیری بلاسم بوٹ پالش کی حکومت ہے، یہ ہمیں سالوں کہتے رہے آپ نااہل ہیں اور ہم تجربہ کار ہیں، یہ کہتے تھے آپ عوام میں جائیں گے تو چھپتے پھریں گے،اب یہ چھپتے پھر رہے ہیں اور عوام ہمارے ساتھ ہے،میڈیا ہمیں روز یاد کرواتا تھا کہ بہت مہنگائی ہو گئی، آج کوئی مہنگائی کا شور نہیں ڈال رہا،تین آوازیں لگیں گی، چور، غدار اور ڈیزل کتنے ہی سالوں کے بعد پہلی اسمبلی ڈیزل کے بغیر چل رہی تھی، سب نے کہا شہباز شریف بڑا تجربہ کار ہے صبح 7 بجے اٹھ جاتا ہے،ہمیں فخر ہے، ہم نے ملک کو بحرانوں سے نکالا،ہم نے کورونا جیسی وباء کا سامنا کیا،اگر یہ لوگ ہوتے تو آج عوام بھوکی مر رہی ہوتی،میرے خلاف ان سب کی تقریریں سوشل میڈیا پر پڑی ہیں-

چئیرمین پی ٹی آئی نےکہا کہ ہمیں کہتے رہےکہ آپ نااہل ہیں انہوں نےملکی معیشت تباہ کر دی کوہاٹ،چیئرمین تحریک انصاف عمران خان کا جلسے سے خطاب امپورٹ حکومت پراس وقت خوف طاری کیا گیا،امپورٹڈ حکومت خوفزدہ ہےشہبازشریف نے بڑی دیرسےاچکن سلوائی ہوئی تھی، دن کے وقت جلسہ ہوتا تو اصل تعداد سامنے آرہا ہوتا-

عمران خان نے کہا کہ ن لیگ کے مقابلے میں زرداری سب پر بھاری ہے،آصف زرداری وفاق میں بھی ہے اور سندھ پر بھی قبضہ کیے بیٹھا ہے،یہ درست ہے پیٹرول اور ڈیزل کی قیمتیں بڑھنے لگی ہیں،ڈیزل،آصف زرداری اورچیری بلوسم نےزور لگا کرہماری حکومت گرائی،اس وقت سب سے زیادہ مزے آصف زرداری کررہا ہے-

انہوں نے کہا کہ یہ لوگ امریکیوں کو کہیں گے خدا کے لیے ہماری مدد کرو،امریکی کبھی ایسے ڈالرز نہیں دیتے، وہ مزید غلامی کراوئیں گےہم نے گندم پر بھی 30 فیصد کم کا معاہدہ کر لیا تھا ،امریکی کبھی ایسے ڈالرز نہیں دیتے، وہ مزید غلامی کرائیں گےدہشتگردی کیخلاف جنگ میں سب سے زیادہ نقصان قبائلی علاقوں کے عوام کوہوا،مہنگائی اور اسٹاک ایکسچینج گرنے سے ساری گالیاں ن لیگ کو پڑ رہی ہیں ہم نے روس سے 30فیصد سستی گندم اور تیل کا معاہدہ کیا تھا-

اسلام آباد:کرنسی نوٹ فوراً تبدیل کروا لیں، اسٹیٹ بینک کا اہم بیان جاری ،اطلاعات کے مطابق اسٹیٹ بینک آف پاکستان نے پرانے کرنسی ڈیزائن کے نوٹ تبدیل کرانے کی حتمی تاریخ میں توسیع کردی ہے۔

مرکزی بینک کی جانب سے کیے گئے ٹویٹ میں اطلاع دی گئی ہے کہ پرانے ڈیزائن کے کرنسی نوٹ تبدیل کرانے کی آخری تاریخ ایک سال مزید آگے بڑھا دی گئی ہے۔ایس بی پی کے مطابق پرانے کرنسی نوٹ 31 دسمبر 2022 تک اسٹیٹ بینک کے کاؤنٹرز سے تبدیل کرائے جا سکتے ہیں۔

اسٹیٹ بینک کا اپنے بیان میں کہنا ہے کہ نئے نوٹوں کی سیریز 2005 سے 2008 تک جاری کی گئی تھی اور پرانے ڈیزائن کے نوٹوں کا استعمال آہستہ آہستہ بند ہو گیا تھا۔جاری بیان میں مزید کہا گیا کہ وفاقی حکومت نے 10، 50، 100 اور 1000 کے پرانے نوٹوں کو تبدیل کرنے کا فیصلہ کیا تھا۔

رپورٹ کے مطابق یکم دسمبر 2016 سے پرانے ڈیزائن کے نوٹ تبدیل کیے جاچکے ہیں، لیکن اب حکومت نے ایک مرتبہ پھر پرانے ڈیزائن کے نوٹ تبدیل کرنے کی نئی تاریخ کا اعلان کیا ہے۔31 دسمبر 2022 تک 10، 50، 100 اور 1000 کے پرانے ڈیزائن والے کرنسی نوٹ اسٹیٹ بینک کی سروسز کارپوریشن برانچز سے تبدیل کرائے جا سکیں گے۔

یہ سہولت کراچی، لاہور، پشاور، کوئٹہ، اسلام آباد، راولپنڈی، فیصل آباد، ملتان، گوجرانوالہ، حیدرآباد، سیالکوٹ، سکھر، بہاولپور، مظفرآباد اور ڈیرہ اسماعیل خان میں اسٹیٹ بینک کی سروسز برانچز پر دستیاب ہے۔

لاہور:دعا زہرہ کیس میں صوبائی وزیر سندہ شہلا رضا کے بیان پر ترجمان پنجاب یونیورسٹی نے ردعمل دیتے ہوئے کہا کہ دعا زہرہ اس وقت پنجاب یونیورسٹی میں مقیم نہیں ہے۔

ترجمان پنجاب یونیورسٹی نے کہا کہ دعاہ زہرہ کے شوہر ظہیر کی والدہ اور بھائی پنجاب یونیورسٹی میں ملازم ہے ، ظہیر کی والدہ سپورٹس ڈیپارٹمنٹ میں لیڈی ایڈینڈٹ جب کہ بھائی کنٹرولر آفس میں بطور کلرک ہے۔

ترجمان پنجاب یونیورسٹی کا کہنا تھا کہ پولیس نے جو معلومات مانگی تھیں وہ انہیں سی ایس او (چیف سیکیورٹی آفیسر) کے ذریعے فراہم کر دی گئی ہیں جب کہ ظہیر کی والدہ اور بھائی دونوں گزشتہ کئی روز سے یونیورسٹی سے غیر حاضر ہیں۔

خیال رہے کہ دعا زہرہ کاظمی 16 اپریل کو اپنے گھر کے نیچے سے غائب ہوئی تھی جس کے بعد اس کا ویڈیو بیان سامنے آیا تھا جس میں دعا کا کہنا تھا کہ میرے گھر والے مجھے مارتے تھے، زبردستی کسی اور سے شادی کرانا چاہتے تھے جس پر میں راضی نہیں تھی لہذا میں نے اپنی مرضی سے ظہیر احمد سے شادی کی ہے۔

دوسری جانب دعا زہرہ کی والدہ نے بیٹی کی ویڈیو پر رد عمل دیتے ہوئے کہا کہ میری بیٹی ویڈیو میں خوف زدہ نظر آ رہی ہے، ہو سکتا ہے بیٹی کی ویڈیوز بنا کر اسے بلیک میل کیا گیا ہو۔

واضح رہے کہ دعا زہرہ کا ظہیر سے نکاح 17 اپریل کو ہوا تھا جب کہ دعا اور اس کے شوہر کو پولیس نے پاکپتن سے تحویل میں لے لیا ہے، دونوں پاکپتن میں ظہیر کے چچا کے گھر میں موجود تھے۔

چوہدری پرویز الہٰی نے کہا ہے کہ بے گناہ اسمبلی ملازمین کو بلاوجہ انتقامی کارروائیوں کا نشانہ بنایا جا رہا ہے۔اسپیکر پنجاب اسمبلی چوہدری پرویز الہٰی نے اسمبلی افسران سے میٹنگ کے دوران خطاب کرتے ہوئے کہا ہے کہ جس اسمبلی میں دین کا کام ہوا، جہاں ختم نبوت پر پہرا دیا گیا اُسی کا تقدس پامال کیا گیا، یہ سب کروانے والے شہباز شریف اور حمزہ شہباز ہیں۔

انہوں نے کہا کہ قوم کے سامنے ان کا مکروہ چہرہ عیاں ہوچکا ہے، اسمبلی کے آئین اور قانون کے تقدس کو پہلی دفعہ پامال کیا گیا، اس سے پارلیمنٹ کی بالادستی بُری طرح متاثر ہوئی جس کی اصلاح سزا کے ساتھ ضروری ہے۔

چوہدری پرویز الہٰی نے کہا ہے کہ بے گناہ اسمبلی ملازمین کو بلاوجہ انتقامی کارروائیوں کا نشانہ بنایا جا رہا ہے، ان پر چوری اور ڈکیتی کے جھوٹے مقدمے بناکر حراساں کیا جا رہا ہے۔اسپیکر پنجاب اسمبلی نے کہا کہ ہم اسمبلی کے تقدس کو پامال کرنے والوں کو کیفرِ کردار تک پہنچائیں گے۔

ادھر الیکشن کمیشن نے پنجاب اسمبلی کے 25 منحرف اراکین کی نااہلی سے متعلق ریفرنسز پر فیصلہ محفوظ کرلیا جو بدھ کو دن 12 بجے سنایا جائے گا۔

بیرسٹر علی ظفر نے موقف اختیار کیا کہ پارلیمانی پارٹی نے کوئی ہدایات جاری نہیں کیں، آرٹیکل 63 اے میں پارلیمانی پارٹی کی تشریح نہیں کی گئی۔ پارٹی کے ارکان اسمبلی ہی کثرت رائے سے فیصلہ کرتے ہیں، پی ٹی آئی پارلیمانی پارٹی اجلاس میں عمران خان نے وزارت اعلیٰ کیلئے پرویز الہیٰ کو امیدوار کا اعلان کیا۔ پی ٹی آئی پنجاب اسمبلی کے پارلیمانی پارٹی لیڈر اور چیف وہپ کے بیان حلفی جمع کرائے جا چکے ہیں۔

منحرف اراکین کے وکلا وکیل جاوید ملک اور دیگر نے کہا کہ کاغذات نامزدگی اور جواب الجواب میں عمران خان کے دستخط مختلف ہیں جس سے ان کی بدنیتی ثابت ہوتی ہے۔ اسپیکر پنجاب اسمبلی خود وزیر اعلیٰ کے امیدوار تھے، وہ کیسے ارکان کے خلاف ریفرنسز بھیج سکتے تھے ؟ پرویز الہیٰ اس کیس میں متاثر فریق تھے، ریکارڈ میں کسی دستاویزات کی اصل کاپی بھی نہیں لگائی گئی، فوٹو کاپی دستاویزات کی قانون کی نظر میں کوئی اہمیت نہیں، الیکشن کمیشن ریفرنسزخارج کرے۔ الیکشن کمیشن نے سماعت مکمل ہونے پر فیصلہ محفوظ کرلیا۔

اسلام آباد:پاکستان اور عالمی مالیاتی ادارے (آئی ایم ایف) کے درمیان مذاکرات 18 مئی سے شروع ہوں گے۔آئی ایم ایف حکام کے مطابق پاکستان اور آئی ایم ایف حکام کے درمیان مذاکرات کل 18 مئی سے دوحہ میں شروع ہورہےہیں ۔گزشتہ ماہ سابق گورنر اسٹیٹ بینک رضاباقر نے کہا تھا کہ پاکستان آئی ایم ایف کے ساتھ رابطے میں ہے۔

ذرائع کے مطابق کل سے شروع ہونے والا مذاکراتی اجلاس 25 مئی تک ختم ہو جائے گا۔یہ بھی کہا جارہاہے ہے کہ ان مذاکرات میں آئی ئی ایم ایف کی طرف سے زیادہ زور اس بات پرہوگا کہ زیادہ سے زیادہ ریونیواکٹھا کیا جائے،اس کے ساتھ ساتھ ایندھن کے ذریعے دی گئی غیر فنڈ شدہ سبسڈی کو ختم کرنا بھی کل کے مذاکرات کے مرکزی نقاط میں سے ہیں

یہ بھی معلوم ہوا ہے کہ مئی کے پہلے پندرہ دن میں سبسڈی کی رقم تقریباً 55 ارب روپے ہے۔دوسرے پندرہ دن میں یہ تقریباً 70 ارب روپے ہو جائے گا۔آئی ایم ایف مالی سال 23 کے لیے محصولات کی وصولی بڑھانے کے لیے کہہ سکتا ہے۔

بین الاقوامی معاشی اعداد و شمار رکھنے والے ادارے بلومبرگ کو انٹرویو دیتے ہوئے گورنر اسٹیٹ بینک نے کہا تھا کہ آئی ایم ایف کے ایندھن اور بجلی کی قیمتیں بڑھانے پر عمل کرنا مشکل رہا ہے۔ سیاسی حالات درپیش ہوں تو مشکل فیصلے لینے میں تاخیر کرنی پڑتی ہے۔

دوسری طرف سابق وزیرخزانہ اسحاق ڈار کہتے ہیں کہ حکومت کو پیٹرولیم پر 350 ارب روپے کی سبسڈی دینا پڑے گی۔انہوں نے کہا کہ عمران خان نےقیمت بڑھانے کے بجائے پیٹرول اور ڈیزل کی قیمت دس روپے کم کردی،

سابق وزیرخزانہ کاکہنا تھا کہ کھانے پینے کی اشیاء کی قیمتیں دُگنی ہوچکی ہیں، اب ملکی تاریخ میں 5600 ارب روپے کا وفاقی بجٹ خسارہ ہونے جا رہا ہے۔