Tag: پاکستان

لاہور:ہتھاں نال بنایا سی تے پیراں نال ڈھایا سی:جہانگیرترین سازشی تھیوری میں ماسٹر،اسحاق ڈارکوساتھ ملالیا ،اطلاعات کے مطابق سابق وزیر خزانہ اسحاق ڈار اور پاکستان تحریک انصاف کے رہنما جہانگیر ترین میں رابطہ ہوا ہے۔

ذرائع کے مطابق جہانگیر ترین اور اسحاق ڈار کے درمیان گفتگو نصف گھنٹہ جاری رہی جس میں پنجاب اور وفاق میں ممکنہ تعاون سے متعلق تبادلہ خیال بھی ہوا۔قریبی ذرائع کا کہنا تھاکہ وزیراعلیٰ کیلئے مشترکہ امیدوار اور مستقبل میں روابط رکھنے پر غور ہوا۔

قریبی ذرائع کا دعویٰ ہے کہ دونوں رہنماؤں نے وزیراعلیٰ پنجاب عثمان بزدار کے خلاف تحریک عدم اعتماد سے متعلق گفتگو بھی کی۔

دونوں رہنما رابطے سے متعلق تبصرے کیلئے دستیاب نہیں تھے۔ ترین گروپ حالیہ دنوں میں وفاق اور پنجاب کی سیاست میں اہم کردار ادا کررہا ہے۔خیال رہے کہ اسحاق ڈار اور جہانگیر ترین دونوں ہی اس وقت لندن میں موجود ہیں۔

ادھر پنجاب میں حکومت سازی اور سیاسی ہلچل میں بڑی تبدیلی آگئی، علیم خان کے بعد ترین گروپ بھی حکومت کا ساتھ دینے سے انکاری ہو گیا اور سفارشات جہانگیر ترین کو بھجوا دی گئیں۔

پنجاب میں عمران خان کے نامزد امیدوار کی مشکلات میں اضافہ ہو گیا ہے، ترین گروپ کی اکثریت نے مسلم لیگ ن کا ساتھ دینے کا مشورہ دے دیا ہے، ترین گروپ نے غیر رسمی مشاورت میں مسلم لیگ ن کا ساتھ دینے کا مشورہ دیا۔

اس حوالے سے اراکین کا کہنا ہے کہ ہمیں اب حکومت کی طرف نہیں بلکہ اپوزیشن کی طرف جھکاؤ کرنا ہوگا، ترین گروپ نے جہانگیر ترین کو تمام تجاویز ارسال کر دیں جبکہ مسلم لیگ ن نے ترین گروپ کو حکومت سازی میں ہر طرح سے ایڈجسٹ کرنے کا عندیہ دے دیا ہے۔

پاکستان مسلم لیگ (ن) کی جانب سے پیغام دیا گیا ہے کہ ترین گروپ کو ساتھ لیکر چلنا چاہتے ہیں۔

یاد رہے کہ جہانگیرترین ان لوگوں میں شامل ہیں جنہوں نے پہلے پی ٹی آئی بنائی اورپھراسی پی ٹی آئی کی شریکوں کے ساتھ مل کرپٹائی کردی ہے

لاہور:دشمن مرے تے خوشی نا کریے سجناں وی مر جانا:پی ٹی آئی میں انتشارپھیلانے والی ن لیگ بھی ٹوٹ پھوٹ کا شکار ،اطلاعات کے مطابق مسلم لیگ ن کے منحرف اراکین پنجاب اسمبلی نے نامزد وزیراعلیٰ پنجاب پرویز الہٰی سے ملاقات کرکے اپنی حمایت کا یقین دلایا ہے۔

ذرائع کے مطابق مسلم لیگ ن کے اراکین پنجاب اسمبلی نے مسلم لیگ ق کے رہنما اور حکومت کی جانب سے نامزد وزیراعلیٰ پنجاب چوہدری پرویز الہٰی سے ملاقات کی اور ان کی حمایت کا اعلان کیا۔

ذرائع نے بتایا کہ ملاقات کرنے والوں میں مسلم لیگ ن کے ایم پی ایز مولانا غیاث الدین، فیصل نیازی، اشرف انصاری، یونس انصاری شریک تھے جب کہ ایم این اے حسین الہٰی، حافظ عمار یاسر اور پی ٹی آئی کے چیف وہپ عباس علی شاہ بھی موجود تھے۔

ملاقات کے دوران اراکین نے پرویز الہٰی کی حمایت کا اعلان کرتے ہوئے کہا کہ ن لیگ کے16 ایم پی اے پرویزالٰہی کیساتھ چلیں گے اور ہمارا پورا گروپ چوہدری پرویز الٰہی کو ووٹ دے گا۔

اس موقع پر یونس انصاری اور مولانا غیاث الدین نے کہا کہ پرویز پرویزالٰہی نے ہمیشہ شرافت اور وضعداری کی سیاست کی ہے، کسی قربانی کی ضرورت ہو وہ بھی انشااللہ پیش کریں گے، ہم پرویزالٰہی کیلئے دعاگو ہیں کہ اللہ انہیں کامیابی عطا فرمائے۔

اسلام آباد:سیاست کےایوانوں میں تبدیلی کی ہواچل پڑی،آگے آگے دیکھیے ہوتا ہے کیا؟اطلاعات کے مطابق سینیئر صحافی مبشرلقمان نے کہاہے کہ سپیکر اسد قیصر نے وزیراعظم کو بریفنگ دی کہ قواعد کے مطابق کسی رکن کو ووٹ ڈالنے سے نہیں روکا جا سکتا اور ان ووٹوں کو بھی قانونی طور پر گننا ہوگا۔

Speaker Asad Qaiser has briefed the PM that as per rules no member can be stopped from voting and that those votes have to be counted legally as well

— Mubasher Lucman (@mubasherlucman) March 30, 2022

مبشرلقمان نے اس حوالے سے کچھ ٹویٹس کیئے ہیں جن میں کہا گیا ہے ، اس ٹویٹ میں کہا گیا ہے کہ چوہدری پرویز الٰہی PTI سے الگ ہونے کی کوشش کر رہے ہیں اور آج انہوں نے وزیراعظم کو نوٹس دیا ہے کہ اگر صبح تک بزدار کا استعفیٰ منظور نہ ہوا تو وہ متبادل فیصلے کرنے پر مجبور ہوں گے۔

Ch Pervaiz Elahi is trying to break away from #PTI and today they have given a notice to PM that if Buzdaar’s resignation is not accepted by the morning they will be forced to take alternate decisions

— Mubasher Lucman (@mubasherlucman) March 30, 2022

سینیئرصحافی مبشرلقمان کہتے ہیں کہ وزیراعظم کے خلاف عدم اعتماد کے بعد اپوزیشن کی طرف سے کے فوراً بعد درج ذیل کے خلاف عدم اعتماد کا ووٹ پیش کیا جائے گا اور اس ترتیب میں: اسپیکر قومی اسمبلی اور ڈپٹی اسپیکر۔ چیئرمین سینیٹ اور ڈپٹی صدر پاکستان عارف علوی۔ یہ مشترکہ اپوزیشن کے لیے پائپ لائن میں ہے۔

Immediately after the #PM a Vote of no confidence will be moved against the following and in this sequence: Speaker NA and Deputy Speaker. Chairman Senate and Deputy. President of Pakistan Arif Alvi. This is in pipeline for the combined opposition

— Mubasher Lucman (@mubasherlucman) March 30, 2022

وفاقی حکومت نے وزیراعظم عمران خان کی طرف سے دکھائے گئے دھمکی آمیز خط کے بعد پارلیمنٹ کا ان کیمرہ اجلاس بلانے کا فیصلہ کر لیا ہے۔

خیال رہے کہ 27 مارچ کو اسلام آباد میں پریڈ گراؤنڈ میں جلسے سے خطاب کرتے ہوئے وزیراعظم عمران خان نے حکومت کے خلاف پیش کی گئی تحریک عدم اعتماد پر اپوزیشن پر الزام عائد کیا تھا کہ باہر سے پیسے لے کر حکومت گرانے کی کوشش کی جارہی ہے، ہمیں لکھ کر دھمکی دی گئی اور حکومت بدلنے کی کوشش باہر سے کی جارہی ہے۔

ذرائع کے مطابق وزیراعظم عمران خان کی زیر صدارت وفاقی کابینہ کا اجلاس ہوا، اجلاس میں اتحادی جماعت مسلم لیگ ق کے وفاقی وزیر مونس الٰہی، بی اے پی کی وفاقی وزیر زبیدہ جلال نے بھی شرکت کی۔ اجلاس کے دوران خفیہ خط کے معاملے پر ارکان کو اعتماد میں لیا گیا۔

اسلام آباد ایم کیوایم رہنما کنورجمیل سےایئرپورٹ پرشہریوں کا سوال بڑی اہمیت اختیارکرگیا ،اطلاعات کے مطابق متحدہ قومی موومنٹ (ایم کیو ایم) پاکستان کے رہنما کنور نوید جمیل کو اسلام آباد ایئرپورٹ پر شہریوں نے گھیر لیا جس کی ویڈیو سامنے آگئی۔

اسلام آباد ایئرپورٹ پر شہریوں نے نوید جمیل کو ایم کیو ایم پاکستان کے حکومت سے علیحدگی اور متحدہ اپوزیشن کا ساتھ دینے پر گھیرا گیا۔

وعدوں سے انحراف اور مفادات کی خاطرکبھی ادھر کبھی اُدھرکیوں؟
اسلام آباد ایئرپورٹ پرپی ٹی آئی کارکنان کی ایم کیوایم کے رہنماکنور نوید جمیل سے سخت سوال وجواب اورتکرار
@ImranKhanPTI @fawadchaudhry #PakistanZindabad
@MaryamNSharif @BBhuttoZardari @MoulanaOfficial
@faisalsubzwari pic.twitter.com/1LFP74yQHh

— Baaghi TV باغی ٹی وی (@BaaghiTV) March 30, 2022

شہریوں نے نوید جمیل سے سوال کیا کہ آپ نے اپوزیشن کا ساتھ دینے کے لیے کتنے پیسے لیے اور آپ کے بریف کیس میں کیا ہے؟ ایم کیو ایم رہنما ایئرپورٹ کی راہداری میں چلتے چلتے جواب دیتے رہے۔

ایم کیو ایم پاکستان کے سینئر رہنما سینیٹر فیصل سبزواری نے سماجی رابطے کی ویب سائٹ ٹوئٹر پر اپنے بیان میں کہا کہ اسلام آباد ایئرپورٹ پاکستان تحریک انصاف کے حامیوں نے کنور نوید جمیل کا گھیراؤ کیا۔

اسلام آباد ائیرپورٹ پر تحریک انصاف کے حامیوں نے ڈپٹی کنوینر ایم کیو ایم کنور نوید جمیل کا گھیراؤ کیا اور الجھنے کی کوشش کی۔ ہم نے تحریک انصاف کی اعلی قیادت سے رابطہ کیا ہے، دونوں جماعتوں کے حامیوں کے جذبات سر آنکھوں پر لیکن انہیں پرامن رکھنا جماعتوں کی ذمہ داری ہے

— Faisal Subzwari (@faisalsubzwari) March 30, 2022

فیصل سبزواری نے کہا کہ پی ٹی آئی کے حامیوں نے ایم کیو ایم رہنما سے الحجھنے کی کوشش کی، معاملے پر پی ٹی آئی قیادت سے رابطہ کیا ہے، حامیوں کے جذبات سر آنکھوں پر لیکن انہیں پُرامن رکھنا جماعتوں کی ذمہ داری ہے۔

یاد رہے کہ اس وقت سوشل میڈیا پرایک بہت بڑی تعداد خصوصا سندھ کراچی سے ایم کیوایم کی حکومت سے علیحدگی اور پی پی سے رشتہ داری ایک بڑا سلگتا ہوا سوال بن گیا ہے ، کراچی کے پڑھے لکھے لوگ پوچھ رہے ہیں کہ عجب اتفاق ہے کہ ایک دوسرے کے قاتل عمران خان کی دشمنی میں ایک ہوگئے ہیں

ادھر سوشل میڈیا پرایم کیوایم کی پی ٹی آئی سے بے وفائی کراچی کی اردوبولنے والی کمیونٹی کے لیے ایک باعث رسوائی بن گئی کیوں کہ اردو بولنے والے ایم کیوایم کے اس رویے سے بہت زیادہ متنفرہورہے ہیں

اسلام آباد:وفاقی وزیر اطلاعات فواد چودھری نے کہا ہے کہ وزیراعظم کی آرمی چیف سے ملاقات ہوئی ہے، عمران خان سے استعفیٰ مانگا نہ ہی وہ دیں گے۔

ان خیالات کا اظہار وفاقی وزیر اطلاعات نے وزیراعظم عمران خان کے معاون خصوصی ڈاکٹر شہباز گل کے ہمراہ میڈیا سے گفتگو کرتے ہوئے کیا۔

فواد چودھری نے کہا کہ وفاقی کابینہ اجلاس میں خط رکھا گیا تھا، خط کے مندرجات صحافیوں کے ساتھ شیئر کیے گئے ہیں، خط کو پارلیمان میں ان کیمرہ اجلاس میں لائیں گے، خط کل پارلیمان میں رکھیں گے، عمران خان ملک اور قوم کے لیے لڑیں گے، کسی نے استعفیٰ مانگا اور نہ ہی وہ دیں گے۔

انہوں نے کہا کہ وزیراعظم پاکستان کی خود مختاری کے لیے لڑے گا، آگے جو ایونٹس ہوں گے اس میں اسی کا نقصان ہو گا جو سندھ ہاؤس میں بیٹھیں گے۔ جب گیم پلٹے گی تو سارے دیکھیں گے، اس وقت صورتحال 1992ء کے ورلڈ کپ جیسی ہے، لگ رہا ہے کہ ہم پیچھے ہیں لیکن ہم پیچھے نہیں ہیں۔

صحافی کی طرف سے سوال پوچھا گیا کہ کیا آرمی چیف جنرل قمر جاوید باجوہ اور عمران خان کی ملاقات ہوئی ہے، اس پر وفاقی وزیر اطلاعات نے جواب دیتے ہوئے کہا کہ سپہ سالار کی وزیراعظم سے دو بار ملاقات ہوئی ہے۔ پاک فوج پاکستان کے استحکام کی ضامن ہے، نوازشریف اداروں کو فتح کرنے کی چکر میں رہتے تھے۔

پی ٹی آئی کے رکن اسمبلی عامر لیاقت اور فرخ الطاف کی اپوزیشن کے اجلاس میں شرکت سے متعلق سوال پر شہباز گل نے کہا کہ ہر ایک نے اپنا جواب خود دینا ہے اور فیصلہ خود کرنا لیکن جہلم اور جہلم کے عوام کی نمائندگی فواد چوہدری کر رہے ہیں، وہ سامنے ڈٹ کے کھڑا ہے اور رہے گا۔

ان کا کہنا تھا کہ جو لوٹے وہاں گئے ہیں، یہ سوال اب نسلوں تک کرنے پڑے ہیں، آج جو لوٹے جا کر بیٹھ گئے ہیں، ان کی بھی تیسری نسل کو جواب دینے ہیں۔

شہباز گل نے خط کے حوالے سے کہا کہ عمران خان کو سوفٹ سگنلز تو بہت دیر سے دیے جارہے تھے کہ آپ ہمیں پسند نہیں ہیں، پھر بھی جب انہوں نے سرنہیں جھکایا تو آخر یہ سخت قسم کا خط لکھنے کی کوشش کی گئی۔

انہوں نے کہا کہ پاکستان کے عوام کو بات واضح بتادیں کہ عمران خان جو قیمت ہوگی دے گا لیکن وطن اور قوم کی خود داری پر سر نہیں جھکائے گا۔

وفاقی وزیر داخلہ شیخ رشید نے کہا ہے کہ وزیر اعظم عمران خان کے استعفیٰ کا سوال ہی پیدا نہیں ہوتا،وہ آخری گیند تک لڑے گا،کابینہ نے وزیر اعظم پر بھرپور اعتماد کا اظہار کیا ہے۔

میڈیا سے بات چیت کرتے ہوئے انہوں نے کہا کہ وزیر اعظم نے خط کے مندرجات کابینہ کے سامنے رکھے،جس پر سیر حاصل گفتگو ہوئی،یہ ڈان لیکس اور میمو گیٹ والی اپوزیشن ہے،غیرملکی سرمایہ والی اپوزیشن کو قوم معاف نہیں کرے گی۔

اسلام آباد: وفاقی وزیر قانون بیرسٹر فروغ نسیم نے کہا ہے کہ ہم نے ہمیشہ ملکی مفاد کو مقدم رکھا ہے اور فیصلے بھی اسی کے مطابق کریں گے۔

باغی ٹی وی : تفصیلات کے مطابق رات گئے تحریک عدم اعتماد پراپوزیشن اور ایم کیو ایم کے درمیان معاہدہ طے پانے کےبعد حکومتی وفد وزیر دفاع پرویز خٹک اور گورنرسندھ عمران اسماعیل بھی پارلیمنٹ لاجز میں ایم کیو ایم سےملاقات کےلیے جا پہنچا تھا اور بدلے میں کچھ یقین دہانیاں کرائیں وفاقی وزرا کو ایم کیو ایم کی جانب سے حمایت کے معاملے پر تاحال کوئی جواب نہیں دیا گیا اور متحدہ قائدین نے ایک بار پھر مشاورت کر کے جواب دینے کا کہا۔

ایم کیو ایم رابطہ کمیٹی کا اجلاس آج دوپہر 2 بجے ہو گا،حکومت کی ایم کیو ایم کو بڑی آفر

ملاقات کے بعد وفاقی وزیر برائے قانون فروغ نسیم نے کہا کہ متحدہ قومی موومنٹ محب وطن جماعت ہے، جو بھی فیصلہ کرے گی ملکی مفاد میں کرے گی ، ایم کیو ایم کل بھی متحد تھی اور آج بھی مکمل طور پر متفق ہے متحدہ قومی موومنٹ سے مسلسل حکومت و اپوزیشن رابطے میں ہیں، ہم تحریک عدم اعتماد کے حوالے سے جو بھی فیصلہ کریں گے وہ ایم کیو ایم کا فیصلہ ہوگا۔

فروغ نسیم نے بتایا کہ ایم کیو ایم کا آج رات اہم مشاورتی اجلاس ہوگا، جس میں تمام امور زیر بحث آئیں گے اور پھر کل تک حتمی فیصلہ سنا دیا جائے گا انہوں نے کہا کہ ہم نے ہمیشہ ملکی مفاد کو مقدم رکھا ہے اور فیصلے بھی اسی کے مطابق کریں گے۔

قبل ازیں ملاقات میں حکومتی وفد نے ایم کیو ایم کےحوالے سے آج ہونےوالی سیاسی کمیٹی کے اجلاس کی رائے سے آگاہ کیا اور وزیراعظم کا خصوصی پیغام بھی پہنچایا اس کے ساتھ ہی حکومتی وفد کل دوبارہ ایم کیو ایم قیادت سے ملاقات کرے گا۔

آخری 5 اوور31مارچ کے بعد شروع ہونگے:بابر اعوان