Tag: پاکستان

اسلام آباد:الیکٹرانک ووٹنگ:الیکشن کمیشن کا حکومت کوخط:اپوزیشن پریشان ہوگئی ،اطلاعات کے مطابق آئندہ عام انتخابات میں جدید ٹیکنالوجی کے استعمال کے معاملے پر الیکشن کمیشن نے حکومت کو فنڈز جاری کرنے سے متعلق خط لکھ دیا ہے ، دوسری طرف ٹیکنالوجی کے ذریعے الیکشن کروانے کے حوالے سے الیکشن کمیشن کی رضامندی کی خبرسُن کراپوزیشن پریشان ہوگئی ہے

ذرائع کے مطابق ٹیکنالوجی کے ذریعے الیکشن کروانے کے خواہشمند الیکشن کمیشن کی جانب سے حکومت کو لکھے گئے خط میں کہا گیا کہ انتخابات کیلئے الیکشن کمیشن 8 لاکھ سے زائد ای وی ایم خریدے گا، الیکشن کمیشن کو ای وی ایم کی اسٹوریج کیلئے 3 ایکڑ زمین درکار ہوگی، الیکشن کمیشن نے ٹیکنالوجی کے استعمال سے متعلق اقدامات کرنے ہیں، الیکشن کمیشن کو ڈیٹا سینٹر، کنٹرول سینٹر، جدید لیب، پرنٹنگ اور ٹریننگ سیشنز کیلئے عمارت درکار ہے۔

خط میں مزید کہا گیا کہ وزارت پارلیمانی امور پلاننگ کمیشن نے عمارت کی تعمیر کیلئے فنڈز جاری نہیں کیے، ضروری انفراسٹرکچر کی تعمیر کے لئے فنڈز میں تاخیر سے پہلے ہی وقت کا ضیاع ہوچکا ہے، پلاننگ کمیشن سیکٹر ایچ 11 میں عمارت کی تعمیر کیلئے فنڈز جاری کرے، وزارت ہاؤسنگ اینڈ ورکس عمارت کی تعمیر کے لئے ترجیحی بنیادوں پر اقدامات کرے، ویئر ہاؤس بر وقت تعمیر نہ ہونے کے خدشہ کے پیش نظر حکومت کسی سرکاری عمارت میں جگہ مختص کرے۔

الیکشن کمیشن نے وزارت پارلیمانی امور سے معاملہ متعلقہ حکام تک پہنچانے کا مطالبہ کر دیا۔ الیکشن کمیشن نے ای وی ایم سٹوریج کے لئے حکومت کو کوہسار بلاک میں 2 فلور مختص کرنے کی تجویز دے دی۔

ادھر معتبرذرائع کا کہنا ہے کہ اپوزیشن خصوصا پی ڈی ایم اتحاد اس وقت اس فیصلے کو سن کر بہت پریشان ہے اور وہ پی ڈی ایم کا خیال ہے کہ اگرالیکشن کمیشن ہی ہتھیار ڈال دے گا توپھران کا اس طریقہ انتخاب کے خلاف جدوجہد بھی بے کار چلی جائے گی جس سے مطلوبہ مقاصد حاصل نہیں ہوسکیں گے

اسلام کورونا وائرس کے حملے مزید 13 جانیں لے گئے، چوبیس گھنٹے میں 363 نئے مریض رجسٹرڈ ،اطلاعات کے مطابق وائرس سے 13 افراد جاں بحق ہوگئے، جس کے بعد اموات کی تعداد 28 ہزار 690 ہوگئی۔ پاکستان میں کورونا کے تصدیق شدہ کیسز کی تعداد 12 لاکھ 83 ہزار 223 ہوگئی۔

نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 363 نئے کیسز رپورٹ ہوئے، پنجاب میں 4 لاکھ 42 ہزار 714، سندھ میں4 لاکھ 74 ہزار 772، خیبر پختونخوا میں ایک لاکھ 79 ہزار 774، بلوچستان میں 33 ہزار 458، گلگت بلتستان میں 10 ہزار 411، اسلام آباد میں ایک لاکھ 7 ہزار 554 جبکہ آزاد کشمیر میں 34 ہزار 540 کیسز رپورٹ ہوئے۔

ملک بھر میں اب تک 2 کروڑ 17 لاکھ 96 ہزار 915 افراد کے ٹیسٹ کئے گئے، گذشتہ 24 گھنٹوں کے دوران 41 ہزار 240 نئے ٹیسٹ کئے گئے، اب تک 12 لاکھ 40 ہزار 995 مریض صحتیاب ہوچکے ہیں جبکہ ایک ہزار 2 مریضوں کی حالت تشویشناک ہے۔

پاکستان میں کورونا سے ایک دن میں 13 افراد جاں بحق ہوئے جس کے بعد وائرس سے مرنے والوں کی تعداد 28 ہزار 690 ہوگئی۔ پنجاب میں 13 ہزار 7، سندھ میں 7 ہزار 619، خیبرپختونخوا میں 5 ہزار 825، اسلام آباد میں 952، بلوچستان میں 359، گلگت بلتستان میں 186 اور آزاد کشمیر میں 742 مریض جان سے ہاتھ دھو بیٹھے۔

ادھر دنیا بھر میں کرونا سے متاثرین کی تعداد 259,403,369ہو چکی ہے

جبکہ دنیا بھر میں اس مہلک وائرس سے جاںبحق ہونےوالوں کی تعداد 5,188,390 ہوچکی ہے، اس دوران احتیاطی تدابیراختیارکرنے اور ویکسینیشن کے ساتھ ساتھ صحت مند ہونے والوں کی تعداد بھی 234,666,159 سے تجاوز کرچکی ہے ، اگردنیا بھر میں بڑے ملکوں میں اس وائرس سے متاثرہ ملکوں کی صورت حال کا جائزہ لیا جائے تو امریکہ میں کل متاثرہونےوالے افراد کی تعاد 48,848,156. چین میں متاثرین کی تعداد 98,546, جبکہ برطانیہ میں یہ تعداد 9,974,843 سے تجاوز کرگئی ہے

عالمی ادارہٴ صحت (ڈبلیو ایچ او) کے ڈائریکٹر جنرل ٹیڈروس کا کہنا ہے کہ یورپ اب بھی کرونا وائرس کا گڑھ ہے جہاں گزشتہ ہفتے وبا کے 20 لاکھ سے زائد کیسز رپورٹ ہوئے ہیں جو کہ وبا کے آغاز کے بعد خطے میں سب سے زیادہ کیسز ہیں۔

یورپی ملک سوئٹزر لینڈ کے شہر جینیوا میں جمعے کو بریفنگ کے دوران ٹیڈروس کا کہنا تھا کہ کرونا مشرقی یورپ کے ان ممالک میں پھیل رہا ہے جہاں کرونا ویکسین لگانے کی تعداد کم ہے۔

ان کا کہنا تھا کہ یہ یاد رکھنا چاہیے کہ ویکسین کی بدولت اسپتالوں میں داخلے کی شرح کم، شدید بیماری سے بچاؤ اور اموات سے بچا جا سکتا ہے۔ تاہم یہ چیزیں احتیاطی تدابیر کا متبادل نہیں ہو سکتی۔

ٹیڈروس کا کہنا تھا کہ ویکسین کرونا وائرس کی منتقلی کم کرتی ہے تاہم ویکسین مکمل طور پر نہیں بچاتی۔ویکسین کی غیر مساوی تقسیم، امیر ممالک کو ترجیح دینے اور غریب ملکوں کو نظر انداز کرنے کے پر ایک بار پھر ٹیڈروس نے بات کی۔