جنوبی افریقہ کے ساتھ سیریز کے دوسرے ٹیسٹ میچ کے لئے پاکستان کے فاسٹ باؤلرز پنڈی اسٹیڈیم میں پریکٹس کرتے دکھائی دے سکتے ہیں۔ آخری ٹیسٹ میچ پاکستان نے سات وکٹوں سے جیتا تھا۔ قومی ٹیم کے باؤلرز پنڈی اسٹیڈیم سے اپنی پریکٹس سے دوسرے ٹیسٹ میچ کو بھی جیتنا یقینی بنارہے ہیں۔
حسن علی کو فہیم اشرف اور شاہین شاہ افریدی کے ہمراہ اپنے دوسرے ٹیسٹ میچ کے لئے حریف ٹیم کے ساتھ سخت مقابلے کے لیے محنت کرتے دیکھا جا سکتا ہے۔
کراچی کی قیمتی اراضی کوڑیوں کے مول ٹھکانے لگانے کا منصوبہ ناکام،ملوث افسران کے گرد گھیرا تنگ،وزیر بلدیات سندھ نے ایم ڈی اے کی 30ایکٹر اراضی نجی کوآپریٹو سوسائٹی کو الاٹ کئے جانے کا سختی سے نوٹس لے لیا،ڈی جی ایم ڈی اے عمران عطاءسومرو کو فوری تحقیقات کا حکم، وزیر بلدیات کی ہدایت پر ڈائریکٹر جنرل نے کارروائی کرتے ہوئے ایم ڈی اے کے ڈائریکٹر اسٹیٹ اورڈائریکٹر ٹاﺅن پلاننگ کو فوری طور پر عہدوں سے برطرف کردیا ،گورننگ باڈی سے منظوری لئے بغیرنیشنل ہائی وے پر واقع اراضی کینجھر جھیل نامی کوآپریٹو ہاﺅسنگ سوسائٹی کو الاٹ کرنے کی تمام تر تیاریاں مکمل کرلی گئیں تھیں،ذرائع ابلاغ میں نشاندہی کے بعد ایم ڈی اے افسران اور سسٹم مافیا کاتیار کھیل خاک میں مل گیا،ایڈیشنل ڈی جی ناصر خان سمیت دیگر افسران کیخلاف بھی کارروائی کا امکان۔تفصیلات کے مطابق ایم ڈی اے افسران کا نیشنل ہائی وے پر واقع 30 ایکٹر قیمتی اراضی نجی کوآپریٹو سوسائٹی کے نام پر ٹھکانے لگانے کا تیار کھیل بری طرح ناکام ہوکر رہ گیا، ذرائع ابلاغ میں کی گئیں نشاندہی پر صوبائی وزیر بلدیات ناصر حسین شاہ نے اس کا سختی سے نوٹس لیتے ہوئے ڈائریکٹر جنرل ایم ڈی اے عمران عطاءسومرو کو فوری تحقیقات اور کارروائی کی ہدایت کردی ہے،ذرائع کا کہنا ہے کہ صوبائی وزیر بلدیات کی ہدایت پر کارروائی کرتے ہوئے ڈائریکٹر جنرل عطاءعمران سومرو نے ایم ڈی اے کے ڈائریکٹر اسٹیٹ محمد عرفان اور ڈائریکٹر ٹاﺅن پلاننگ شاہد چوہان کو فوری طور پر عہدوں سے برطرف کرکے تحقیقات کی ہدایت کردی ہے جبکہ مذکورہ افسران کے ساتھ ساتھ ایڈیشنل ڈائریکٹر جنرل ناصر خان کیخلاف بھی کارروائی کا امکان ظاہر کیا جارہا ہے،ذرائع کا کہنا ہے کہ مذکورہ 30 ایکٹر اراضی کی مبینہ خلاف ضابطہ الاٹمنٹ کیلئے ایڈیشنل ڈائریکٹر جنرل ناصر خان نے اہم کردار ادا کیا تھا اور محکمہ جاتی نوٹ شیٹ میں اراضی کی الاٹمنٹ کی منظوری بھی دی تھی،واضح رہے کہ نیشنل ہائی وے پر واقع نیو ملیر ہاﺅسنگ اسکیم 1 کے سیکٹر 12 میں موجود مذکورہ اراضی ایم ڈی اے نے فیوچر پلاننگ کیلئے مختص کررکھی ہے جسے ٹھکانے لگانے کا کام افسران نے انتہائی برق رفتاری کے ساتھ کرتے ہوئے آخری مراحل میں داخل کردیاتھا اور سائٹ پلان تک تیار کرلیا گیا تھا تاہم ذرائع ابلاغ کی نشاندہی کے بعد ایم ڈی اے افسران کا قیمتی اراضی ٹھکانے لگانے کا منصوبہ بری طرح ناکام ہوکر رہ گیا ہے۔
صوبائی وزیر برائے صنعت و تجارت اور انسداد بدعنوانی و محکمہ امداد باہمی جام اکرام اللہ دھاریجو سے جماعت اسلامی سندھ کے وفد کی ملاقات
اس ملاقات میں وفد میں اسد اللہ بھٹو، نائب امیر جماعت اسلامی پاکستان، محمد حسین محنتی، امیر جماعت اسلامی سندھ اور دیگر عہدیداران شامل تھے- سندھ خاص کر کراچی کے مسائل پر تبادلہ خیال ہوا-
صوبائی وزیر جام اکرام اللہ دھاریجو کا کہنا تھا کہ حکومت سندھ صوبے کے مسائل حل کرنے اور عوام کو ریلیف دینے کے لئے موثر اقدامات کررہی ہے۔ کراچی کے مسائل کے حل کے لئے سب سے تعاون کرنے پر تیار ہیں۔ وفاقی سلیکٹڈ حکومت کی پالیسیوں سے سب پریشان ہیں۔ صوبے کی ترقی کے لئے سب کو مل کر کوششیں کرنا ہوں گی۔
مورخہ31جنوری 2021
ہائیر ایجوکیشن کمیشن کی ایک غلط پالیسی ملک کے تعلیمی نظام کی تباہی کا باعث بن سکتی ہے’ وائس چانسلر پروفیسر ڈاکٹر افتخار احمد کا پاکستان اکیڈمی آف سائنسز میں لیکچر دیتے ہوئے خطاب
ڈیرہ اسماعیل خان(ہینڈ آئوٹ31جنوری2021)ہائیر ایجوکیشن کمیشن آرڈیننس سیکشن10(c)کے تحت پابند ہے کہ یونیورسٹیوں کو پوچھ کر پالیسی واضع کرے مگر ون مین شو سے چیزیں خراب ہو رہی ہیں ۔ کچھ سمجھ نہیں آرہا ہے کہ کون ہے جو سارے نظام کو درہم برہم کرنا چاہتا ہے اور بدقسمتی یہ ہے کہ وائس چانسلرز کمیٹی بھی اس میں کوئی خاطر خواہ کردار ادانہیں کررہی ہے۔ ان خیالات کا اظہار وائس چانسلر گومل یونیورسٹی پروفیسر ڈاکٹر افتخار احمد نے پاکستان اکیڈمی آف سائنسز میں ”پاکستان کے ہائیر ایجوکیشن سیکٹرمیں غیر یقینی صورتحال کی وجہ سے بڑھتے مسائل” کے موضوع پر لیکچر دیتے ہوئے کیا ۔
پاکستان اکیڈمی آف سائنسز کا فیلو بننے کے بعد اپنے پہلے لیکچر میں وائس چانسلر گومل یونیورسٹی پروفیسر ڈاکٹر افتخار احمد نے کہا کہ آج کا دن میرے لئے کسی اعزاز اور خوشی سے کم نہیں کہ میں قوم کے تخلیق کاروں کے درمیان موجود ہوں۔ جنہوں نے سائنس، ٹیکنالوجی،زراعت، دفاع سمیت زندگی کے ہر شعبے میں ہمیشہ قومی تشکیل میں اپنا بھرپور کردار ادا کیا ہے۔ پروفیسر ڈاکٹر افتخار احمد نے کہا کہ اعلیٰ معیار تعلیم کے بغیر سائنس اور ٹیکنالوجی کا کوئی وجود نہیں۔اعلیٰ تعلیم معاشرے میں سماجی اور معاشی تبدیلی کے حوالے سے انجن کا کردار ادا کرتی ہے۔ جس پر اکیڈمی کو خصوصی توجہ دینا کی ضرورت ہے۔
ڈاکٹر افتخار احمد نے مزید کہا کہ پاکستان بھی ترقی پزیر ممالک کی صف اول میں کھڑا ہے جس میں اعلیٰ تعلیم کیلئے پروفیسر ڈاکٹر عطاء الرحمن کی زیر صدارت 2002میں ہائیر ایجوکیشن کمیشن کے مجاز ادارے کا آغاز کیا۔ جس کا اولین مقصداعلیٰ تعلیم کے نفاذ سے زیادہ سے زیادہ فوائد حاصل کرنا تھا جیسے کہ ہارڈ ورڈ ،ایم آئی ٹی، کالٹیک اوراسٹینفورڈجیسی نامور یونیورسٹیوں سے امریکہ کو فائدہ ہواہے ۔ وائس چانسلر ڈاکٹر افتخار احمد نے مزید کہا کہ گزشتہ دنوں ہائیر ایجوکیشن کمیشن کو خیبرپختونخوا کے وائس چانسلر زنے غیر یقینی صورتحال سے بچنے کیلئے کہا تھا کہ دو سالہ پروگرام کو 2020کی بجائے2023تک توسیع دیدی جائے مگر ان کی سفارشات کو ملحوظ خاطرنہ لاتے ہوئے ہائیر ایجوکیشن نے تین ماہ کی توسیع دیتے ہوئے یہ کہا کہ 2020 کو عالمی وباء کوروناوائرس کا سال قرار دیتے ہوئے اس سال کو 15ماہ تک بڑھا رہے ہیں-
اس موقع پر وائس چانسلر ڈاکٹر افتخار احمد نے ہائیر ایجوکیشن کمیشن کو تنقید کا نشانہ بناتے ہوئے کہا کہ مروجہ پالیسی جو 18سال کی کاوشوں کے بعد وجود میں آئی اس کو بیک جنبش قلم ختم کرنا اور نئی پالیسی کو بغیر سٹیک ہولڈرز کو اعتماد میں لئے لاگو کرنا ہائیر ایجوکیشن کمیشن آرڈیننس سیکشن 10(c)کی کھلم کھلا خلاف ورزی ہے۔ہائیر ایجوکیشن کمیشن کی ایک غلط پالیسی ملک کے تعلیمی نظام کی تباہی کا باعث بن سکتی ہے۔
کراچی۔مجلس وحدت مسلمین کے رہنماوں کی پریس کلب میں نیوز کانفرنس. مجلس وحدت مسلمین کا ہفتہ یکجہتی کشمیر منانے کا اعلان. ہفتہ یکجہتی کشمیر میں کشمیری مسلمانوں کی حمایت میں آواز بلند کرنا ہے۔علامہ باقر عباس زیدی.مجلس وحدت مسلمین سندھ کے صوبائی سیکرٹری جنرل علامہ باقر زیدی،ڈپٹی سیکرٹری جنرل علی حسین نقوی نے دیگر رہنماؤں کے ہمراہ پریس کانفرنس سے خطاب کرتے ہوئے کہا ہے کہ ایم ڈبلیو ایم کی مرکزی قیادت نے ہفتہ یکجہتی کشمیر منانے کا اعلان کیا ہے جس کا مقصد مقبوضہ کشمیر میں بھارت کی وحشیانہ کارروائیوں کے خلاف اپنی نفرت کا اظہار اور کشمیری مسلمانوں کی حمایت میں آواز بلند کرنا ہے۔انہوں نے کہا کہ بھارت میں بسنے والی اقلیتوں کے خلاف مودی حکومت کے متعصبانہ اقدامات نے ملک کی سالمیت و بقا کو خطرے میں ڈال دیا ہے۔سکھ کمیونٹی کی طرف سے بھارتی دارالحکومت دہلی میں لال قلعے پر مذہبی پرچم لہرایا جانا مودی حکومت کے خلاف بغاوت اور نفرت کا کھلم کھلا اظہار ہے۔انہوں نے کہا کہ مقبوضہ کشمیر میں بھارتی افواج کی بڑھتی ہوئی بربریت کشمیری عوام کے حوصلوں کو پسپا نہیں کر سکتی۔آزادی اس ریاست کے عوام کا مقدر ہے جو بہت جلد حاصل ہو کر رہے گی۔یوم یکجہتی کشمیر پر پوری قوم بھرپور جوش و جذبے کے ساتھ کشمیری عوام کے حق کے لیے آواز بلند کرے گی۔ مظلومین کشمیر کی حمایت میں تقاریب کا انعقاد کیا جائے گا۔مجلس وحدت مسلمین صوبہ سندھ کی جانب سیاسی و مذہبی جماعتوں کے ہمراہ 4فروری کو آل پارٹیز کانفرنس کراچی پریس کلب میں منعقد کی جائے گی۔5فروری یوم یکجہتی کشمیر کے حوالے سے سندھ اور کراچی بھر کے مختلف اضلاع میں جمعہ نماز کے بعد دعائیہ اجتماع اوراحتجاجی مظاہرے ریلیاں نکالی جائیں گی مرکزی احتجاجی مظاہرہ ریلی جامع مسجد نور ایماں کراچی میں منعقد کی جائے گی۔ایسی طرح 5فروری کی شام نمائش چورنگی پر کشمیر عوام سے اظہار یکجہتی شہدائے کی یاد میں دعائیہ اجتماع اور شمع روشن کی جائیں گی۔ رہنماوں نے کہا کہ مقبوضہ کشمیر میں مودی حکومت نے مظالم کی انتہا کر رکھی ہے۔ بھارتی ظلم و بربریت کے خلاف بولتے ہوئے انسانی حقوق کے عالمی ٹھیکیداروں کی زبان پر چھالے پڑتے ہیں۔ اقوام متحدہ سمیت انسانی حقوق کی بین الاقوامی تنظیموں نے صرف یہود و نصاری کے حقوق کے تحفظ کا بیڑا اٹھا رکھا ہے۔انہیں عالم اسلام کو درپیش مسائل سے کوئی غرض نہیں۔ بھارتی وزیر اعظم نریندر مودی نے اقلیتوں کے خلاف ظلم کے جو پہاڑ توڑ رکھے ہیں وہ اس کے اقتدار اور ملک کو بڑی تیزی سے کھوکھلا کر رہے ہیں۔بھارت کے خلاف سر اٹھانے والی قومیں بہت جلد ایک توانا آواز اور ناقابل شکست مدمقابل کے طور پر سامنے آئیں گی۔بھارت کی ٹکڑوں میں تقسیم اس کی قسمت میں لکھی جا چکی ہے۔رہنماوں نے کہا بھارت کی تاریخ کا سب سے متعصب وزیر اعظم مودی ہے جسے عوام کی پسند و ناپسند سے کوئی غرض نہیں۔اس کے ہاتھ ہزاروں بے گناہ افراد کے خون سے رنگے ہوئے ہیں۔بھارت خطے کے امن و سلامتی کے لیے سنگین خطرہ بنتا جا رہا ہے۔بھارت کا جدید ہتھیاروں کے حصول اور خطے میں حکمرانی کا جنون کسی بڑے انسانی المیے کو جنم دے سکتا ہے۔انہوں نے کہا کہ مودی مقبوضہ کشمیر کے مسلمانوں پر ظلم و ستم بند کرے۔آئے روز بے گناہ نوجوانوں کی شہادت اور خواتین کی عصمت دری کے واقعات ہندوستان کے چہرے پر بدنما داغ ہے۔رہنماوں نے عالم اسلام سے مطالبہ کیا کہ وہ مقبوضہ کشمیر کے مستقبل کا فیصلہ کشمیری عوام کی امنگوں کے مطابق کرنے کے لیے بھارت پر زور ڈالے۔رہنماوں نے کہا کہ کشمیر پاکستان کی شہ رگ حیات ہے۔یہ بھارت کے غاصبانہ قبضے سے آزاد ہوکر رہے گا۔کانفرنس میں علامہ صادق جعفری،علامہ علی انور جعفری، علامہ مبشرحسن،میر تقی ظفر، نا صر الحسینی و دیگر رہنما موجود تھے۔
سولجر بازار جوا سٹہ مافیا اور فحاشی کے اڈوں کا سرپرست نکلا، بدعنوان بے ضمیر SHO خالد رفیق نے بھاری ہفتہ بھتہ وصولی پر اندھیر نگری کا پروانہ تھما دیا،نوجوان نسل برباد،کوٸی پرسان حال نہیں،ایڈن والا اپارٹمنٹ فلیٹ نمبر 202 میں رات گٸے جواریوں کا ہجوم بلاخوف وخطر جواری کی محفل سجاٸے رکھتا ہے،شور شرابہ،ہلا گلا معمول،آٸی جی سندھ،ایڈیشنل آٸی جی کراچی پولیس چیف،ڈی آٸی جی ایسٹ اور ایس ایس پی ایسٹ معاملے کی کی انکواٸری اور زمہ داران کیخلاف سخت قانونی کاررواٸی عمل میں لاٸیں،علاقہ مکینوں کا پرزور مطالبہ-تفصیلات کے مطابق ڈسٹرکٹ ایسٹ تھانہ سولجر بازار کا بدعنوان اور بے ضمیر تھانیدار خالد رفیق جوا سٹہ مافیا اور فحاشی کے اڈوں کا سرپرست نکلا،ذراٸع کا کہنا ہے کہ ایس ایچ او سولجر بازار انسپکٹر خالد رفیق بھاری ہفتہ بھتہ وصولی کے عوض مکروہ دھندوں اور عصمت دری کے اڈوں کے کرتا دھرتا کیخلاف قانونی کاررواٸی کرنے سے قاصر ہے،پولیس جواء سٹہ اور گٹکا مافیا کے سامنے بے بس دکھاٸی دیتی ہے جو اس بات کا چیختا چلاتامنہ بولتا ثبوت ہے کہ سولجر بازار کا بدعنوان تھانیدار سب انسپکٹر خالد رفیق نے سماج دشمن عناصر سے ہاتھ ملا لیا ہے، ذرائع نے بتایا کہ سولجر بازار کے علاقے فاطمیہ اسپتال کے قریب واقع ایڈن والا اپارٹمنٹ کے فلیٹ نمبر 202 میں رات گٸے جواریواں کا ہجوم جوا سٹہ کی محفل سجاٸے رکھتا ہے اور انھیں رتی برابر بھی پولیس کی کاررواٸی کا خوف نہیں ہوتا، ذراٸع کا کہنا ہے کہ مذکورہ فلیٹ کی نشاندہی علاقہ مکین متعدد بار کرواچکے ہیں پر تھانیدار کے کان پہ جوں تک نہیں رینگتی، ایس ایچ او سولجر خالد رفیق کا سینہ تان کر کہنا ہے کہ میرے خلاف عدالت میں جواء اور سٹہ چلانے والی بدنام زمانہ ادیبہ نے پٹیشن دائر کی تھی جس پر عدالت نے میرے خلاف 22/A کے تحت ایف آئی آر کا آرڈر دیا ہے، اب اس صورتحال میں پولیس کارروائی کرنا ممکن نہیں،جبکہ ذرائع کا کہنا ہے کہ ایڈن والا اپارٹمنٹ کے فلیٹ نمبر 202 میں ملک بھر کا جواء سٹے کا منظم نیٹ ورک دھڑلے سے جوا سٹہ چلا رہا ہے، اور اس جوا سٹہ کے کرتا دھرتا میں بدنام زمانہ ادیبہ، ظہیر پٹھان اور مایا نامی جواری ہیں جو روزانہ کی بنیاد پر لاکھوں روپے کا جواء سٹہ بڑے منظم طریقے سے چلا رہے ہیں اور باقاعدہ سے سی سی ٹی وی کیمروں سے اس محفل کی رکھوالی کی جاتی ہے،ذراٸع کا کہنا ہے کہ ایس ایچ او سولجر بازار اس مافیا کے خلاف کسی بھی صورت کاررواٸی کرنے سے صاف انکاری ہے کیونکہ چمکتے دمکتے کرارے نوٹوں کی چمک نے انہیں اپنی جکڑ میں لے رکھا ہے،علاقہ مکینوں کا کہنا ہے کہ بدعنوان ایس ایچ او سولجر بازار خالد رفیق نے تھانے کی حدود کے علاقوں میں سرعام گٹکا ماوا مافیا کو بھی نوجوان نسل کو برباد کرنے کی آزادی دے رکھی ہے جس کا منہ بولتا ثبوت کئی بار جیل کی ہوا کھانے اور گٹکے کے کیبن سے شہرت حاصل کرنے والا فہیم کو مضرصحت گٹکا ماوا کا کارخانہ کھولنے کی کھلی اجازت دے دی ہے،ذراٸع کا کہنا ہے کہ محکمہ ہیلتھ کے ملازم محمد نے بھی ایس ایچ او سولجر بازار خالد رفیق سے گٹکا تیاری کا کارخانہ کھولنے کی اجازت لیکر کارخانہ کھول لیا ہے جہاں سے اس نے بڑے منظم طریقے سے اپنا نیٹ ورک کا جال بچھا رکھا ہے اور محمد نامی اس شخص کا مضرصحت گٹکا تھانہ سولجر بازار کے بلکل سامنے ہی اس کے اپنے کیبنوں میں بآسانی فروخت ہو رہا ہے، ویڈیو اور تصاویر میں سب واضح ہے،ذرائع نے مزید بتایا کہ خود کو پارسا دیانتدار اور بہادر ایس ایچ او کہنے والا نے علاقے سے موکل اکھٹی کرنے کی زمہ داری جیل پولیس کے ایک سپاہی ازرم کو سونپ رکھی ہے وہ باقاعدگی سے ایس ایچ او اور ہیڈ محرر سولجر بازار کی بیٹ جمع کرتا ہے، پولیس بیٹر ازرم نے کام کو بانٹتے ہوٸے مچھلی مارکیٹ کی بیٹ کے لیے اپنے خاص کارندے امین کو کام سونپا ہوا ہے،بیٹر امین ہفتہ واری بنیاد پہ 50 ہزار روپے بیٹ ایس ایچ او سولجر کے پاس پہنچاتا ہے، ذرائع نے بتایا کہ ایس ایچ او سولجر بازار بہتی گنگا میں خود نہا دھو رہا ہے،تھانیدار سولجر بازار کی جانب سے سب اوکے کی رپورٹ میں دور دور تک کوٸی صداقت نہیں،علاقہ مکینوں نے آٸی جی سبدھ، ایڈیشنل آئی جی کراچی پولیس چیف، ڈی آئی جی ایسٹ اور ایس ایس پی ایسٹ سے مطالبہ کرتے ہوٸے کہا کہ اس سنگین معاملے کی فوری انکواٸری اور زمہ داران کیخلاف سخت قانونی کاررواٸی عمل میں لاٸی جاٸے-
کوہاٹ پولیس کی پوش علاقہ کے ڈی اے میں انٹیلی جنس بیسڈ کاروائی-
چھاپہ مار کاروائی میں مطلوب اشتہاری مجرم فیصل عدنان ولد پرویزاختر سکنہ بحریہ ٹاؤن راولپنڈی کو گرفتار کرلیا گیا- اشتہاری مجرم کو ایس ایچ او کے ڈی اے سیف اللہ خان نے پولیس ٹیم کے ہمراہ کامیاب کاروائی کے دوران حراست میں لیا- زیر حراست اشتہاری مجرم فراڈ کے ذریعے لوگوں سے ایک کروڑ ساٹھ لاکھ روپے کی رقم لوٹ کر روپوش ہو گیا تھا- زیر حراست اشتہاری مجرم کے خلاف تھانہ کے ڈی اے میں دھوکہ دہی کا مقدمہ گزشتہ سال شہری کی شکایت پر درج کیا گیا تھا-
گرفتار اشتہاری مجرم کو مزید قانونی کاروائی کیلئے انوسٹی گیشن ٹیم کے حوالے کردیاگیا ہے-
پاکستان کو مدینہ کی ریاست بنانے کی شوقین حکومت کے دور میں ایک پولیس آفیسر کو سرکاری خاندان کے ایک فرد سے شراب برآمد کرنا ا مہنگا پڑگیا۔
گجرنوالہ پولیس کے پڑھے لکھے پولیس آفیسر ٹی اے ایس آئی ذیشان مزمل کو نشے میں دھت سابقہ چئیرمین کے بھائی سے شراب برآمد کرنا اور سیاسی دباؤ کے باوجود ایف آئی آر درج کرنا بھاری بھر گیا۔ تبدیلی سرکار کا ورد کرنے والے اب پولیس افسروں کو اینٹی کرپشن کے ذریعے قابو کرنے لگے۔ تھانے دار کے خلاف درج مقدمہ کے گواہ تک اس پولیس افسر کو پہنچانے سے انکاری ہیں۔
ہماری پنجاب پولیس کے اعلی افسران سے اپیل ہے کہ غیر جانبدارانہ انکوائری کرکے اصل گنہگاروں کے خلاف سخت سے سخت کاروائی کی جائے اور آ ہلکاروں کو یوں رسوا کرنے سے بچایا جائے۔
صوبائی وزیر اطلاعات سید ناصر حسین شاہ سے پیپلز پارٹی کے مرکزی ڈپٹی سیکرٹری اطلاعات چوہدری منور انجم کی ملاقات، ملک کی سیاسی صورتحال پر تبادلہ خیال
کراچی (30 جنوری 2021 ): صوبائی وزیر اطلاعات و بلدیات سندھ سید ناصر حسین شاہ سے پاکستان پیپلز پارٹی کے مرکزی ڈپٹی سیکرٹری اطلاعات چوہدری منور انجم کی علی ھاؤس پر ملاقات کی۔ اس موقع پر دونوں رہنماؤں نے ملک کی موجودہ سیاسی صورتحال اور بالخصوص پی ڈی ایم کی تحریک پر تبادلہ خیال کیا۔ صوبائی وزیر اطلاعات سندھ سید ناصر حسین شاہ نے کہا کہ پی ٹی آئی حکومت کی نااہلی اور نالائقی کی وجہ سے عوام شدید پریشان ہے اور پی ڈی ایم کی طرف دیکھ رہی ہے کہ کب اس نااہل اور عوام دشمن ٹولے سے قوم کو نجات ملے گی۔ اس سے قبل مرکزی ڈپٹی سیکرٹری اطلاعات چوہدری منور انجم نے صوبائی وزیر اطلاعات سندھ سید ناصر حسین شاہ کی والدہ کے انتقال پر تعزیت کی اور مرحومہ کے ایصال ثواب کیلئے دعا کی۔
ترجمان محکمہ سیاحت کا کہنا ہے کہ محکمہ سیاحت خیبرپختونخوا کے زیر انتظام سال کا تیسرا سرمائی فیسٹیول جاری ہے ۔ وادی چترال مداقلشت میں ہندوکش سنو فیسٹیول کا آغاز۔فیسٹیول میں 10 غیرملکی کھلاڑیوں و ٹرینرز سمیت 500 سے زائد سکینگ کھلاڑیوں کی شرکت ہوگی ۔ہندوکش سنو فیسٹیول میں سکینگ، سنو بورڈنگ، آئس سکینگ، آئس ہاکی کے مقابلے ہونگے۔فیسٹیول کا افتتاح اسسٹنٹ کمشنر دروش چترال عبدالحق نے کیا ہے۔
افتتاحی روز غیر ملکی ٹرینرز کی جانب سے مقامی کھلاڑیوں کی تربیت ہوگی۔ فیسٹیول میں مقابلوں سمیت باربی کیو نائٹ اور محفل موسیقی بھی منعقد کی جائے گی۔