Baaghi TV

Tag: پاکستان

  • وزیراعظم شہباز شریف سے قطر ی ہم منصب کا ٹیلیفونک رابطہ

    وزیراعظم شہباز شریف سے قطر ی ہم منصب کا ٹیلیفونک رابطہ

    وزیراعظم شہباز شریف اور قطر کے وزیراعظم اور وزیر خارجہ محمد بن عبدالرحمان بن جاسم آل ثانی کے درمیان ٹیلیفونک گفتگو ہوئی ،جس میں انہوں نے خطے میں پائیدار امن کے لیے سفارتی کوششیں آگےبڑھانے کے عزم کا اعادہ کیا۔

    وزیراعظم کے دفتر سے جاری بیان کے مطابق وزیراعظم شہباز شریف کو آج قطر کے وزیراعظم اور وزیر خارجہ محمد بن عبدالرحمان بن جاسم آل ثانی کا ٹیلیفون موصول ہوا اور دونوں رہنماؤں کے درمیان ہونے والی گرم جوش اور خوشگوار گفتگو کے دوران خطے کی موجودہ صورت حال پر تفصیلی تبادلہ خیال کیا گیا، دونوں جانب سے خطے میں پائیدار امن کے قیام کے لیے جاری سفارتی کوششوں کو آگے بڑھانے کے عزم کا اعادہ کیا گیا۔

    وزیراعظم شہباز شریف نے 16 اپریل کو دوحہ کے اپنے حالیہ دورے کا ذکر کرتے ہوئے کہا کہ امیر قطر تمیم بن حمد آل ثانی اور قطری قیادت کے ساتھ ملاقا تیں خطے میں امن کے فروغ کے لیے اتفاق رائے پیدا کرنے میں نہایت مفید ثابت ہوئیں پاکستان کے عوام امیر قطر کے جلد پاکستان کے دورے کے منتظر ہیں اور ان کا یہ دورہ پاکستان اور قطر کے درمیان برادرانہ تعلقات کو مزید مضبوط اور گہرا بنانے میں اہم کردار ادا کرے گا۔

    قطر کے وزیراعظم نے خطے میں امن و استحکام کے فروغ کے لیے پاکستان کی مسلسل کوششوں کو سراہا اور انہوں نے وزیراعظم شہباز شریف کو یقین دلایا کہ قطر مشرق وسطیٰ میں امن، سلامتی اور استحکام کے لیے پاکستان کی قیادت میں جاری سفارتی کوششوں کی مکمل حمایت جاری رکھے گا۔

    دونوں رہنماؤں نے باہمی دلچسپی کے تمام امور پر قریبی رابطے اور مشاورت جاری رکھنے پر اتفاق کیا۔

  • پاک آسٹریلیا ون ڈے سیریز کے شیڈول کا اعلان

    پاک آسٹریلیا ون ڈے سیریز کے شیڈول کا اعلان

    پاکستان اور آسٹریلیا کے درمیان تین میچوں پرمشتمل ون ڈے انٹرنیشنل کرکٹ سیریز کا شیڈول جاری کر دیا گیاہے-

    پاکستان کرکٹ بورڈ (پی سی بی) نے آسٹریلیا کے ساتھ ہونے والی ون ڈے سیریز کے شیڈول کا اعلان کر دیا ہے پی سی بی کے مطابق پاکستان 3 میچز پر مشتمل ون ڈے انٹرنیشنل سیریز میں آسٹریلیا کی میزبانی کرے گا، جس کے لیے آسٹریلیا کی کرکٹ ٹیم 23 مئی کو اسلام آباد پہنچے گی۔

    دونوں ٹیموں کے درمیان پہلا ون ڈے 30 مئی کو راولپنڈی کرکٹ اسٹیڈیم میں کھیلا جائے گا جب کہ سیریز کا دوسرا اور تیسرا ون ڈے 2 اور 4 جون کو قذافی اسٹیڈیم لاہور میں کھیلا جائے گا، تمام میچز مقامی وقت کے مطابق شام 4 بج کر 30 منٹ پر شروع ہوں گے جب کہ ٹاس شام 4 بجے ہوگا،یہ ون ڈے سیریز مارچ اور اپریل 2022 کے بعد آسٹریلیا کی پاکستان میں پہلی ون ڈے سیریز ہوگئی۔

    واضح رہے کہ اس سے قبل آسٹریلوی ٹیم رواں سال جنوری اور فروری میں تین ٹی20 میچوں کی سیریز کھیلنے پاکستان آئی تھی، جس میں پاکستان نے لاہور کے قذافی اسٹیڈیم میں مہمان ٹیم کو 0-3 سے شکست دی تھی۔

  • وزیر پیٹرولیم سے سعودی سفیر کی ملاقات

    وزیر پیٹرولیم سے سعودی سفیر کی ملاقات

    وفاقی وزیر پیٹرولیم علی پرویز ملک سے پاکستان سعودی عرب کے سفیر نواف بن سعید المالکی نے ملاقات کی،جس میں توانائی کے شعبے میں دوطرفہ تعاون مزید مضبوط بنانے اور ریفائنری اپ گریڈیشن منصوبوں پر پیش رفت پر تبادلہ خیال کیا گیا۔

    ملاقات کے دوران دونوں رہنماؤں نے باہمی دلچسپی کے امور اور پاکستان کی توانائی ضروریات سے متعلق تعاون پر گفتگو کی،وفاقی وزیر پیٹرولیم علی پرویز ملک نے سعودی عرب کی جانب سے پاکستان کی توانائی ضروریات پوری کرنے میں مسلسل تعاون پر اظہار تشکر کیا، انہوں نے کہا کہ موجودہ مشکل حالات میں سعودی عرب کی جانب سے پیٹرولیم مصنوعات کی فراہمی میں پاکستان کو خصوصی سہولت دی گئی، جس سے توانائی ضروریات پوری کرنے میں نمایاں مدد ملی۔

    ملاقات میں پیٹرولیم شعبے میں جاری تعاون کا جائزہ لیا گیا جبکہ طویل المدتی توانائی شراکت داری کو مزید وسعت دینے پر بھی اتفاق کیا گیا سعودی سفیر نواف بن سعید المالکی نے پاکستان کو توانائی کے شعبے میں مسلسل تعاون کی یقین دہانی کراتے ہوئے کہا کہ سعودی عرب پاکستان کو توانائی کے تحفظ کے چیلنجز سے نمٹنے میں ہر ممکن مدد فراہم کرتا رہے گا۔

    دونوں ممالک کے درمیان تکنیکی سطح پر جاری مشاورت میں مثبت پیش رفت ہورہی ہے اور مختلف ریفائنری اپ گریڈیشن اور سرمایہ کاری منصوبوں کے امکانات کا بھی مشترکہ جائزہ لیا جارہا ہے،سعودی سفیر نے خطے میں امن اور استحکام کے فروغ کے لیے پاکستان کے تعمیری کردار کو سراہا اور علاقائی استحکام کے لیے پاکستان کی کوششوں کی تعریف کی۔

    وفاقی وزیر پیٹرولیم نے کہا کہ پاکستان سعودی عرب خصوصاً آرامکو کے ساتھ اپنی اسٹریٹجک توانائی شراکت داری کو مزید مستحکم بنانا چاہتا ہے، جبکہ حکومت پاکستان عوام کی توانائی ضروریات پوری کرنے کے لیے اقدامات جاری رکھے ہوئے ہے۔

  • اسحاق ڈار کا سنگاپور کے وزیرخارجہ سے ٹیلی فونک رابطہ

    اسحاق ڈار کا سنگاپور کے وزیرخارجہ سے ٹیلی فونک رابطہ

    نائب وزیراعظم و وزیر خارجہ اسحاق ڈار نے سنگاپور کے وزیر خارجہ ڈاکٹر ویوین بالاکرشنن سے ٹیلیفونک رابطہ کیا، جس میں علاقائی امن، دوطرفہ تعلقات اور سمندری امور پر تبادلہ خیال کیا گیا۔

    دفتر خارجہ کے ترجمان کے مطابق سنگاپور کے وزیر خارجہ نے خطے میں امن و استحکام کے فروغ کے لیے پاکستان کے کردار اور امریکا و ایران کے درمیان مذاکرات میں سہولت کاری کی کوششوں کو سراہا،سینیٹر اسحاق ڈار نے اس موقع پر خطے اور دنیا میں امن، ترقی اور استحکام کے لیے پاکستان کے عزم کا اعادہ کیا۔

    دونوں رہنماؤں کے درمیان بین الاقوامی سمندری حدود میں پیش آنے والے حالیہ واقعات اور بحری امور پر بھی گفتگو ہوئی اس دوران اس بات پر اتفاق کیا گیا کہ دونوں ممالک کے متعلقہ اداروں کے درمیان قریبی رابطہ اور تعاون جاری رکھا جائے گا،گفتگو میں پاکستان اور سنگاپور کے دوطرفہ تعلقات، باہمی تعاون کے فروغ اور اعلیٰ سطحی روابط کی اہمیت پر بھی زور دیا گیا، دونوں وزرائے خارجہ نے مستقبل میں رابطے برقرار رکھنے پر اتفاق کیا۔

    دفتر خارجہ کے مطابق پاکستان خطے میں امن و استحکام کے قیام کے لیے سفارتی کوششیں جاری رکھے ہوئے ہے، جبکہ سنگاپور کے ساتھ تعلقات کو مزید مضبوط بنانے پر بھی توجہ دی جارہی ہے۔

  • پاکستان کو معاشی خود کفالت کی طرف بڑھنا ہوگا،محمد اورنگزیب

    پاکستان کو معاشی خود کفالت کی طرف بڑھنا ہوگا،محمد اورنگزیب

    پاکستان میں سرمایہ مارکیٹ کو مضبوط بنانے اور سرمایہ کاروں کی شمولیت بڑھانے کے لیے کیپیٹل مارکیٹ ڈویلپمنٹ فنڈ قائم کر دیا گیا ہے، یہ اقدام پاکستان کی مالیاتی منڈیوں کو جدید بنانے اور معیشت کو مستحکم بنیادوں پر آگے بڑھانے میں اہم کردار ادا کرے گا۔

    یہ فنڈ بدھ کے روز اسلام آباد میں منعقدہ ایک تقریب کے دوران باضابطہ طور پر تشکیل دیا گیا، جس کا مقصد مالیاتی خواندگی کو فروغ دینا، مالی شمولیت کو وسعت دینا اور ریٹیل سرمایہ کاروں کی تعداد میں اضافہ کرنا ہے اس موقع پر محمد اورنگزیب نے کہا کہ حالیہ علاقائی کشیدگی نے اس بات کو واضح کیا ہے کہ پاکستان کو اپنے وسائل پر انحصار بڑھانا ہوگا اور معاشی خود کفالت کی طرف بڑھنا ہوگا،سرمایہ مارکیٹ ملکی ترقی کے لیے مالی وسائل فراہم کرنے میں کلیدی کردار ادا کر سکتی ہے۔

    تقریب میں پاکستان اسٹاک ایکسچینج، سینٹرل ڈپازٹری کمپنی، نیشنل کلیئرنگ کمپنی، پاکستان مرکنٹائل ایکسچینج اور انسٹی ٹیوٹ آف فنانشل مارکیٹس آف پاکستان سمیت اہم اداروں نے اس فنڈ میں شمولیت اختیار کی سیکیورٹیز اینڈ ایکسچینج کمیشن آف پاکستان کے چیئرمین ڈاکٹر کبیر احمد سدھو نے کہا کہ ملک میں سرمایہ کاروں کی شرح اب بھی ایک فیصد سے کم ہے، تاہم آئندہ برسوں میں اسے 25 لاکھ تک بڑھانے کا ہدف رکھا گیا ہے۔

    منتظمین کے مطابق فنڈ کو ابتدائی طور پر 12 کروڑ روپے سے فعال کیا جائے گا جبکہ شریک ادارے اپنی سالانہ آمدن کا ایک فیصد اس میں شامل کریں گے تاکہ یہ پائیدار بنیادوں پر کام کر سکے،اپریل 2026 میں تقریباً 24 ہزار نئے سرمایہ کار مارکیٹ میں شامل ہوئے، جو سرمایہ کاری کے بڑھتے رجحان کی علا مت ہے۔

  • عمران خان حکم کریں تو پورا پاکستان بند کردیں گے، وزیراعلیٰ خیبرپختونخوا

    عمران خان حکم کریں تو پورا پاکستان بند کردیں گے، وزیراعلیٰ خیبرپختونخوا

    وزیراعلیٰ خیبرپختونخوا سہیل آفریدی نے کہا ہے کہ بیرسٹر سلمان صفدر کے ذریعے عمران خان کو پیغام بھیجا کہ میں بھی تیار ہوں اور قوم بھی تیار ہے ، حکم کریں تو پورا پاکستان بند کر دیں، میرا لیڈر عمران خان ہے میں اس کے ہر حکم کی تعمیل کروں گا۔

    مانسہرہ میں پی ٹی آئی کے جلسے سے خطاب کرتے ہوئے وزیراعلیٰ سہیل آفریدی نے ہزارہ ڈویژن کیلیے 200 ارب روپے کے جامع ترقیاتی پیکج کا اعلان کیا،200 ارب روپے میں سے 50 ارب روپے صرف سیاحتی منصوبوں پر خرچ ہونگے جبکہ مانسہرہ میں میڈیکل کالج ، نرسنگ کالج، ٹراما سینٹر کا قیام بھی عمل میں لایا جائے گا تناول فیڈر کے قیام اور 15 کلومیٹر اوگی روڈ کی تعمیر جبکہ تناول اور دربند تحصیلوں کو بھی بہت جلد مکمل فعال کرنے کا اعلان بھی کیا۔

    سہیل آفریدی نے کہا کہ کل شیخ ادریس صاحب کو شہید کیا گیا، اس سے قبل بھی قیمتی لوگوں کو شہید کیا گیا، جب ہم دہشت گردی کے خلاف آواز بلند کرتے تھے تو کہا جاتا یہ جھوٹ بول رہے ہیں، جب معصوم لوگ شہید ہونا شروع ہوگئے تو اب کہتے ہیں آپریشنز کریں گےخیبر پختونخوا کو لیبارٹری سمجھ کر تجربات کیے جا رہے ہیں، اس کا نقصان غریب عوام کو ہو رہا ہے-

    سہیل آفریدی نے کہا کہ 180 نشستیں جیتنے والے شخص کو قید کیا گیا، 17 نشستیں جیتنے والوں کو ہم پر مسلط کیا گیا، جب تک ہم اپنے حق کے لیے کھڑے نہیں ہوں گے تب تک ہم ہر ظلم و جبر کرتے رہیں گے ہم نے متحد ہوکر اپنے حقوق کی جنگ لڑنی ہے، ہم نے عمران خان کے نظریے پر اپنی جانیں قربان کی ہیں ، ان کو تکلیف میں دیکھ کر درد ہوتا ہے بیرسٹر سلمان صفدر کے ذریعے عمران خان کو پیغام بھیجا کہ میں بھی تیار ہوں اور قوم بھی تیار ہے ، حکم کر یں تو پورا پاکستان بند کر دیں، میرا لیڈر عمران خان ہے میں اس کے ہر حکم کی تعمیل کروں گا۔

    سہیل آفریدی کا کہنا تھا کہ عمران خان کے حکم کے بغیر نہ کسی کی بات سنوں گا اور نہ مانوں گا، جب میری نامزدگی کا اعلان ہوا تو طرح طرح کے الزامات لگائے گئے لیکن میں ڈٹا رہا، جب ناکام ہوئے تو میرے آبائی علاقے میں آپریشن کا اعلان کیا گیا میرے لوگ میرے ساتھ کھڑے ہیں، وہ جانتے ہیں ان کے ووٹ پر کس نے ڈاکہ ڈالا، جزیرے کون خریدتا ہے، میں اپنے لیڈر اور لیڈر کی پارٹی کو کبھی نقصان نہیں پہنچاؤں گا، تمام آئینی وقانونی راستے عمران خان سے ملاقات کے لیے استعمال کر چکے۔

    انہوں نے مزید کہا کہ عمران خان اور ان کی اہلیہ کا ذاتی معالجین و فیملی کی موجودگی میں علاج نہیں کرایا جا رہا، جب سارے رستے بند کر دیئے جائیں ، دیوار سے لگایا جائے ، تو ہمارے پاس صرف احتجاج کا راستہ بچتا ہےہم نے ایک دوسرے کی طاقت بن کر کندھے سے کندھا ملا کر انہیں شکست دینی ہے، ایلیٹ مافیا کبھی بھی نہیں چاہے گا مڈل کلاس آگے آئے، عمران خان نے پہلی دفعہ ایک مڈل کلاس لڑکے کو وزارت اعلیٰ کی کرسی پر بٹھایا ہےآپ سے وعدہ کرتا ہوں عمران خان اور عوام کے اعتماد کو ٹھیس نہیں پہنچاؤں گا۔

  • اسحاق ڈار کی زیر صدارت لیبر قوانین کی عملداری سے متعلق اجلاس

    اسحاق ڈار کی زیر صدارت لیبر قوانین کی عملداری سے متعلق اجلاس

    نائب وزیراعظم و وزیر خارجہ سینیٹر اسحاق ڈار کی زیر صدارت لیبر قوانین کی عملداری سے متعلق کمیٹی کا اجلاس منعقد ہوا۔

    اجلاس میں موجودہ لیبر قوانین کا تفصیلی جائزہ لیا گیا، جس میں ان قوانین کے مؤثر نفاذ کو مضبوط بنانے اور مختلف شعبوں میں مزدوروں کے حقوق کے بہتر تحفظ کو یقینی بنانے پر توجہ دی گئی، نائب وزیراعظم و وزیرِ خارجہ محمد اسحاق ڈار نے اس موقع پر زور دیا کہ قوانین پر مؤثر عملدرآمد مزدوروں کے حقوق کے تحفظ اور منصفانہ لیبر ماحول کے فروغ کے لیے انتہائی اہم ہے۔

    اجلاس میں وزیراعظم کے معاون خصوصی طارق باجوہ، صنعتوں سے متعلق معاون خصوصی، سیکریٹری تجارت، سیکریٹری انسانی حقوق، سیکریٹری اوورسیز پاکستانیز و ہیومن ریسورس ڈویلپمنٹ سمیت دیگر اعلیٰ حکام اور متعلقہ اسٹیک ہولڈرز نے شرکت کی۔

  • پاکستان عالمی سطح پر امن، مکالمے اور اعتماد کے فروغ میں اہم کردار ادا کر رہا ہے،وزیراعظم

    پاکستان عالمی سطح پر امن، مکالمے اور اعتماد کے فروغ میں اہم کردار ادا کر رہا ہے،وزیراعظم

    وزیراعظم پاکستان شہباز شریف نے امت مسلمہ کے لیے نمایاں خدمات انجام دینے والی شخصیات کو شیلڈز پیش کیں اور کہا کہ امتِ مسلمہ کو درپیش مسائل کا حل باہمی محبت، اتحاد اور مثالی کردار کے ذریعے نکالا جا سکتا ہے-

    وزیراعظم پاکستان شہباز شریف نے اسلام آباد میں منعقدہ پیغام اسلام کانفرنس میں شرکت کی،اور امت مسلمہ کے لیے نمایاں خدمات انجام دینے والی شخصیات کو شیلڈز پیش کیں،اس موقع پر فلسطین اور سعودی عرب کے وفود کے سربراہان نے وزیراعظم کو شیلڈز پیش کیں۔

    وزیراعظم نے سعودی عرب کے ولی عہد شہزادہ محمد بن سلمان کے لیے بھی اعزازی شیلڈ پیش کی جو سعودی سفیر نے وصول کی انہوں نے سعودی عرب کے سفیر، فلسطین کے مفتی اعظم اور بین الاقوامی اسلامی یونیورسٹی کے صدر کو بھی شیلڈز دیں۔

    وزیراعظم شہباز شریف نے پاکستان علمائے کونسل کے زیر اہتمام چھٹی بین الاقوامی پیغامِ اسلام کانفرنس سے خطاب کرتے ہوئے کہاکہ پاکستان عالمی سطح پر امن، مکالمے اور اعتماد کے فروغ میں اہم کردار ادا کر رہا ہے انہوں نے کانفرنس کے انعقاد پر پاکستان علما کونسل اور بین الاقوامی تحفظِ حرمین کونسل کو مبارکباد دیتے ہوئے کہا کہ یہ اجتماع امتِ مسلمہ کے اتحاد اور محبت کی بہترین مثال ہے۔

    وزیراعظم نے کہا کہ دنیا بھر سے آئے علما، مشائخ اور معزز مہمانوں کی موجودگی اس بات کا ثبوت ہے کہ اسلام امن، رواداری اور بھائی چارے کا دین ہے امتِ مسلمہ کو درپیش مسائل کا حل باہمی محبت، اتحاد اور مثالی کردار کے ذریعے نکالا جا سکتا ہےانہوں نے ایران اور امریکہ کے درمیان حالیہ مذاکرات کا حوالہ دیتے ہوئے کہا کہ پاکستان کی دعوت پر دونوں ممالک کی قیادت کا ایک پلیٹ فارم پر آنا عالمی سطح پر پاکستان پر اعتماد کا واضح ثبوت ہے، جو خطے میں امن کے لیے ایک مثبت پیش رفت ہے۔

    وزیراعظم شہباز شریف نے کہا ہے کہ پاکستان نے عالمی امن اور مسلم اُمہ کے اتحاد کے لیے تاریخی کردار ادا کیا ہے، جبکہ ایران اور امریکا کے درمیان مذاکرات میں سعودی ولی عہد محمد بن سلمان سمیت برادر ممالک کی کوششیں قابلِ تحسین ہیں،اسلام آباد میں ہونے والی حالیہ پیش رفت عالمی اعتماد کا مظہر ہے اور یہ خطے میں پائیدار امن کی بنیاد بن سکتی ہے۔

  • پاکستان نیوی خطے میں امن، استحکام اور بحری سلامتی کے قیام میں اہم کردار ادا کر رہی ہے،چیف آف نیول اسٹاف

    پاکستان نیوی خطے میں امن، استحکام اور بحری سلامتی کے قیام میں اہم کردار ادا کر رہی ہے،چیف آف نیول اسٹاف

    چیف آف نیول اسٹاف ایڈمرل نوید اشرف نے کہا ہے کہ جدید اور انتہائی ترقی یافتہ ٹیکنالوجی کا حصول پاکستان نیوی کے لیے ایک ناگزیر اسٹریٹجک ضرورت ہے –

    پاک افواج کے شعبہ تعلقات عامہ (آئی ایس پی آر) کے مطابق پاک بحریہ کی کمانڈ اینڈ اسٹاف کانفرنس کا اجلاس نیول ہیڈکوارٹرز اسلام آباد میں منعقد ہوا اجلاس کی صدارت چیف آف دی نیول اسٹاف ایڈمرل نوید اشرف نے کی، جبکہ اس میں پرنسپل اسٹاف آفیسرز اور فیلڈ کمانڈرز نے شرکت کی۔

    آئی ایس پی آر کے مطابق کانفرنس کے دوران نیول چیف ایڈمرل نوید اشرف نے اس بات پر زور دیا کہ پاکستان نیوی کو روایتی اور غیر روایتی دونوں نوعیت کے بحری چیلنجز کے مقابلے کے لیے مسلسل جنگی تیاری برقرار رکھنی چاہیے انہوں نے مشرق وسطیٰ کی موجودہ صورتحال کے تناظر میں بحری خطرات، بحری راستوں کی آزادی، اہم سمندری تجارتی راستوں میں ممکنہ رکاوٹوں اور اسٹریٹجک گزرگاہوں پر غیر مستحکم سیکیورٹی صورتحال کو ابھرتے ہوئے خطرات قرار دیا کہا کہ پاکستان نیوی خطے میں امن، استحکام اور بحری سلامتی کے قیام میں اہم کردار ادا کر رہی ہے اور اپنی موجودگی کے ذریعے تحفظ کا احساس فراہم کررہی ہے۔

    آئی ایس پی آر کے مطابق فورم میں مئی 2025 کی پاک بھارت جنگ میں قربانیاں پیش کرنے والوں کو خراج عقیدت پیش کیا نیول چیف نے اسے قومی اتحاد اور بیرونی جارحیت کے خلاف مضبوط عزم کی علامت قرار دیا۔

    آئی ایس پی آر کے مطابق اجلاس میں آپریشنل تیاریوں، جاری منصوبوں اور آئندہ اقدامات کا تفصیلی جائزہ لیا گیا شرکا نے بحری حکمتِ عملی کو بدلتے ہوئے علاقائی سیکیورٹی تقاضوں کے مطابق ڈھالنے پر غور کیا تاکہ مختلف شعبوں میں آپریشنل تیاری کو مزید مؤثر بنایا جا سکے۔

    واضح رہے کہ کمانڈ اینڈ اسٹاف کانفرنس پاکستان نیوی کا اعلیٰ ترین فیصلہ ساز فورم ہے، جہاں بحریہ کے سربراہ اور سینیئر کمانڈرز پالیسی اور اسٹریٹجک امور پر مشاورت کرتے ہیں۔

  • کشیدگی میں کمی اور مذاکرات کے فروغ کیلئے سفارتی کوششیں جاری ہیں،اسحاق ڈار

    کشیدگی میں کمی اور مذاکرات کے فروغ کیلئے سفارتی کوششیں جاری ہیں،اسحاق ڈار

    نائب وزیراعظم و وزیر خارجہ سینیٹر اسحاق ڈار نے اسلام آباد میں علما کونسل کانفرنس کے دوسرے اجلاس سے خطاب کیا۔

    وزارتِ خارجہ کے ترجمان کی جانب سے جاری بیان کے مطابق انہوں نے ملکی و بین الاقوامی ممتاز علما اور اسکالرز کی شرکت کا خیرمقدم کرتے ہوئے کانفرنس کی اہمیت اور بروقت انعقاد کو سراہا۔

    اسحاق ڈار نے خطے اور اس سے باہر امن و استحکام کے لیے پاکستان کے عزم کو اجاگر کرتے ہوئے کہا کہ کشیدگی میں کمی اور مذاکرات کے فروغ کے لیے سفارتی کوششیں جاری ہیں، انہوں نے جموں و کشمیر اور فلسطین کے حوالے سے پاکستان کے اصولی مؤقف کا اعادہ کیا اور مسلم امہ کے اتحاد، تنظیمِ تعاونِ اسلامی کے کلیدی کردار اور مشترکہ اقدامات کی اہمیت پر زور دیا۔

    انہوں نے عالمی سطح پر اسلاموفوبیا کے خاتمے اور بین المذاہب ہم آہنگی کے فروغ میں پاکستان کے کردار کو بھی نمایاں کیا اور معرکہ حق کی سالگرہ کے موقع پر پاکستان کی ثابت قدمی اور قومی عزم کو خراجِ تحسین پیش کیاانہوں نے کہا کہ وزیراعظم شہباز شریف کی قیادت میں امن، ترقی اور خوشحالی پاکستان کے قومی وژن کے مرکزی ستون ہیں-