Tag: پشاور

صدر پی ٹی آئی پشاور ریجن عاطف خان کا پرویز خٹک کے نئی پارٹی قیام پر ردعمل سامنے آیا ہے عاطف خان کا کہنا ہے کہ چاہے کوئی کتنی بھی پارٹیاں بنائے لیکن
خیبر پختونخوا میں عمران خان کا ووٹ بنک برقرار رہے گا ، پی ٹی آئی چھوڑنے والوں کی وجہ سے کوئی اثر نہیں پڑے گا۔ اس نے کہا کہ اگر میں پی ٹی آئی چھوڑتا ہوں تو میرے حلقے میں بہت سے لوگ ہوں گے جو میری جگہ لیں گے، الیکشن لڑیں گے اور جیتیں گے۔ عاطف خان نے مزید کہا کہ خوش قسمتی سے خیبر پختونخوا میں الیکٹیبلز نہیں ہیں۔ اور یہاں کے لوگوں کو اتنی سمجھ ہے کہ ووٹ نظریے اور پارٹی کو دینا ہے۔

پشاور میں تقریب سے خطاب کرتے ہوئے امیرجماعت اسلامی سراج الحق کا کہنا تھا کہ خیبر پختونخوا سود ظلم جبرو استحصال کی آماجگاہ ہے، جس کے خلاف جماعت اسلامی جہاد میں مصروف ہے، اور یہ جہاد مرتے دم تک جاری رہے گا۔سراج الحق کا کہنا تھا کہ دنیا میں مسائل زیادہ اور وسائل کم ہیں، یہ نظریہ سراسرغلط ہے، اللہ نے جتنی مخلوق پیدا کی، ان کے رزق کا بندوبست بھی کیا ہے، یہ دشمن کا نظریہ ہے کہ سود کے بغیر معیشت نہیں چل سکتی، دنیا میں سودی نظام 1839 سے جاری ہے۔انہوں نے کہا کہ جماعت اسلامی 30 سال سے سودی نظام کے خلاف جہاد کررہی ہے، وفاقی شرعی عدالت کے فیصلوں کے باوجود سودی نظام رائج ہے، چوروں کےہاتھ میں حکومت ہوتوچوری کیسےختم ہوگی، خیبرپختونخوا میں15ماہ میں کرپشن میں ریکارڈاضافہ ہوا۔
سراج الحق کا کہنا تھا کہ وفاق میں پی ڈی ایم کی اتحادی حکومت ہے، اور مولانا فضل الرحمان پی ڈی ایم کے سربراہ ہیں، جب کہ مذہبی جماعت کے قائد بھی ہیں، انہیں توسود کے خلاف ہونا چاہئے، لیکن سود کی شرح کم ہونے کے بجائے بڑھ گئی ہے۔

پشاور شہر اور مضافات میں گزشتہ 24 گھنٹوں کے دوران مختلف نوعیت کے 131 واقعات رونما ہوئے، ترجمان ریسکیو1122 نے بتایا کہ ڈسٹرکٹ ایمرجنسی آفیسر نوید خان کی سربراہی میں پشاور نے گزشتہ 24 گھنٹوں کے دوران 11 ٹریفک حادثات اور 1 آگ لگنے کے واقعے میں پیشہ وارانہ خدمات فراہم کیں، ٹریفک حادثات کے دوران 17 افراد زخمی، ٹریف حادثات قمردین گھڑی، رنگ روڈ چوک، بڈھ بیر چمکنی، خزانہ روڈ اور مختلف مقامات پر رونما ہوئے۔ جبکہ کہ پشاور شہر میں آگ لگنے کا واقعہ حیات آباد میں بجلی کے پل پر پیش آیا ، ریسکیو1122 فائر فائٹرز نے پیشہ وارانہ امدادی سرگرمیاں کرتے ہوئے مزید نقصانات سے بچاتے ہوئے آگ پر قابو پایا۔4 لڑائی جھگڑے کے دوران گولی لگنے کا واقعے پیش آئے اور حالیہ بارش کی وجہ سے 7 مختلف مقامات پر لوگوں کے گھروں اور مارکیٹوں سے بارش کا پانی نکالنے میں ریسکیو 1122 نے خدمات سرانجام دیں۔

باغی ٹی وی کے مطابق ضلع صوابی کے علاقہ ڈاگئی میں دھمکی آمیز خطوط ملنے پر اہل علاقہ کا گرینڈ جرگہ ہوا ہے،جس میں جرگہ مشران نے پولیس کع ملزمان جلد گرفتار کرنے کی تاکید کی ہے
باغی ٹی وی کے مطابق جرگہ مشران کے مطابق واقعے میں اگر مقامی شخص ملوث ہوا تو قانونی سزا کے ساتھ اسے گاؤں بدر کیا جائے گا،ہم پر امن لوگ ہیں لیکن کسی کو بھی بھتہ نہیں دینگے ،
ایس ایچ او کالو خان کے مطابق پولیس جلد ملزمان کو گرفتار کرے گی، ایس ایچ او کے مطابق اس سے پہلے ڈاگئی میں ہونے والے ملزمان کو بھی پولیس نے گرفتار کیا اور لوٹا گیا مال بھی برآمد کیا ،
واضح رہے کہ ضلع صوابی کے گاؤں ڈاگئی میں اٹھارہ افراد کو خط موصول ہوئے ہیں جس میں ان سے کہا گیا تھا کے اپنے پیسے اور زیوارات بینکوں سے نکال کر گھروں میں جمع کریں ،خط میں بتایا گیا ہے کہ اس سے پہلے بھی ہم نے علاقے میں چوریاں کی ہے ،خط میں دھمکی دی گئی ہے کہ اگر ہماری بات نہ مانی گئی تو جان سے جائنگے ،باغی ٹی وی کے مطابق ضلع صوابی میں اس سے پہلے صوابی کے مخلف علاقوں میں 20 رکنی گروہ گھروں میں چوری کے واردات کر چکے تھے،جن کو پولیس نے کاروائی کر کے گرفتار کر لیا تھا ،

پشاور میں شمولیتی جلسے سے خطاب کرتے ہوئے وزیر اعظم کے مشیر امیر مقام کا کہنا تھا کہ خیر پختونخوا کے لوگوں کو بھی اس بات کا اندازہ ہوا کہ بہترین لیڈر نوازشریف ہی ہے،اور اس بات کا اندازہ اج مختصر وقت میں عوام کا سمندر دیکھ کر ہو رہا ہے امیر مقام نے کہا مجھے یقین ہو گیا کہ ائندہ کے پی میں بھی شیر کی حکومت ہو گی،اور میں اب حقیقی تبدیلی دیکھ رہا ہوں، امیر مقام نے کہا ہم پہلے سے کہہ رہے تھے کہ چیئرمین پاکستان تحریک انصاف بیرونی ایجنٹ ہے، پی ٹی ائی کا ایجنڈا پاکستان کو مغرب کے حوالے کرنا تھا،اس نے کہا پاکستان کو مٹانے والا خود مٹ گیا،انے والے الیکشن میں ائندہ الیکشن میں نا بلا ہو گا نا عمران ہو گا،
کیونکہ نواز شریف نے عمران کا خواب توڑ کر پاکستان کو نئے ٹریک پر ڈال دیا ہے،
پشاور: اس نالائق نے چار سالوں میں عوام کو کوئی ریلیف نہیں دیا،اس نے مزید کہا عوام کو پتا چل گیا ہے کہ جھوٹا کون ہے اور سچا کون ہے،اور
وہ دن دور نہیں جب ہماری حکومت بھی ہوگی اور عوام کے تمام مشکلات بھی حل ہونگے،

پشاور سے تعلق رکھنے والے سینئر سیاستدان حاجی شیر رحمان نے اے این پی کو خیرباد کہہ دیا، اور مسلم لیگ ن میں شمولیت کا اعلان کردیا۔
آج نیوز کے مطابق شیر رحمان مئیر پشاور کیلئے اے این پی کے امیدوار تھے۔وزیر اعظم کے مشیر اور مسلم لیگ ن خیبر پختونخوا کے صدر امیر مقام پشاور میں شمولیتی جلسہ سے خطاب کرتے ہوئے کہا کہ پاکستان کو ڈیفالٹ سے بچانے میں نواز شریف کا کرداراہم ہے، انہوں نے ہمیشہ ملک کو بحران سے نکالا، اور ایک مرتبہ پھر آئی ایم ایف کا کشکول توڑ دیں گے۔امیر مقام نے کہا کہ آئندہ عام انتخابات میں مرکز اور صوبہ دونوں شیر کے ہوں گے۔

پشاور انسداد دہشت گردی عدالت نے توڑ پھوڑ اور جلاؤ گھیراؤ کے مقدمات میں نامزد پی ٹی آئی کے پشاور سٹی صدر عرفان سلیم عبوری ضمانت درخواست خارج کردی پشاور انسداد دہشت گردی عدالت نے توڑ پھوڑ اور جلاؤ گھیراؤ کے مقدمات میں نامزد پی ٹی آئی کے پشاور سٹی صدر عرفان سلیم عبوری ضمانت درخواست پر سماعت اے ٹی سی جج ڈاکٹر عامر نذیر نے کی ۔ عدالت نے عرفان سلیم کی عبوری ضمانت کی درخواست عدم پیروی پر خارج کردی پولیس کے مطابق ملزم نے نو اور دس مئی کو پشاور میں توڑ پھوڑ اور جلاؤ گھیراؤ کی ہے۔ ملزم کے خلاف مختلف تھانوں میں مقدمات درج ہیں ۔ ملزم نے گرفتاری سے پہلے عبوری ضمانت کی درخواست دی تھی لیکن دوران سماعت پیش نہیں ہوئے ۔ عدالت نے عبوری ضمانت کی درخواست خارج کردی ۔

‏تھانہ بھانہ ماڑی پولیس کی اہم کاروائی، اسلحہ کی بھاری کھیپ سمگل کرنے کی کوشش ناکام بنا کر واقعےمیں ملوث ملزم کو گرفتارکر لیا گیا،جسکے قبضے سے 14 عدد پستول اور متعدد میگزین برآمد کئے گئے،دوسری جانب ‏تھانہ خزانہ پولیس کا سماج دشمن عناصر کے خلاف کریک ڈاون، غیرقانونی اسلحہ، ہوائی فائرنگ سمیت دیگر جرائم میں ملوث 5 ملزمان گرفتار، گرفتار ملزمان سے 1 عدد رائفل، 4 عدد پستول سمیت متعدد کارتوس برآمد کئے گئے،
ایک اور کاروائی کے دوران تھانہ ٹاؤن پولیس نے پوش علاقہ ٹاؤن میں کلینک سے چوری کرنے میں ملوث ملزم گرفتار،کر لیا ہے ملزم کی نشاندہی پر چوری شدہ 3 لاکھ 5 ہزار روپے، لیپ ٹاپ اور واردات میں استعمال ہونے والی موٹرکار بھی برآمد کی گئی،
تھانہ ریگی پولیس نے مویشی منڈیوں میں تاجروں سمیت شہریوں سے قیمتی موبائل فونز اور نقد رقم چوری کرنے میں ملوث ملزم کو گرفتار کرلیا، گرفتار ملزم کے قبضے سے مسروقہ رقم ایک لاکھ پانچ ہزار روپے اور 5 عدد قیمتی موبائل فونز برآمد۔
ادھر تھانہ داوزئی پولیس نے چارسدہ روڈ پر گاڑی میں مشکوک حالت میں موجود 2 مسلح ملزمان کو گرفتار کرلیا، گرفتار ملزمان کے قبضے سے 1 عدد کلاشنکوف، 1 عدد کلاشنکوف متعدد میگزینز اور کارتوس بھی برآمد کر لئے گئے، پولیس کے مطابق تمام گرفتار ملزمان کے خلاف متعینہ تھانوں میں مقدمات درج کرکے مزید تفتیش کا آغاز کردیا گیا ہیں۔