خیبر پختونخوا کے جنوبی اضلاع میں شدید طوفان اور بارش سے ضلع بنوں ، لکی مروت اور کرک سب سے زیادہ متاثر ہوئے مختلف حادثات میں 23 افراد جاں بحق اور 100 کے قریب زخمی ہوگئے ہیں-

باغی ٹی وی : پاک فوج کی امدادی ٹیمیں جائے وقوعہ پر پہنچ گئی ہیں اور امدادی میں سرگرمیوں میں مصروف ہیں پاک فوج تمام وسائل بروئے کار لا کر سول انتظامیہ کے ساتھ اس مشکل وقت میں عوام کے شانہ بشانہ کھڑی ہے زخمیوں کو ضلعی ہسپتالوں میں پاک فوج کی مدد سے منتقل کر دیا گیا ہے ضلع بنوں کے سرکاری ہسپتالوں میں ایمرجنسی نافذ کردی گئی ہے ۔

خیبرپختونخوا: طوفانی بارشوں کی وجہ سے جانی و مالی نقصان پروزیراعظم کا اظہار افسوس

خیبر پختونخوا اور پنجاب میں آندھی اور موسلا دھار بارشوں کے نتیجے میں مختلف حادثات میں 23 افراد جاں بحق اور 100 کے قریب زخمی ہوگئےڈی جی ریسکیو 1122 کے مطابق بنوں میں شدید بارشوں کی وجہ سے چھتیں اور دیواریں گرنے کے مختلف واقعات میں جاں بحق افراد کی تعداد 12 ہوگئی ہے جبکہ 73 افراد زخمی ہوئے ہیں-

ڈی جی ریسکیو 1122 کا کہنا ہے کہ لکی مروت میں چھتیں گرنے کے واقعات میں 3 افراد جاںبحق اور 10 سے زائد زخمی ہوئے ہیں جبکہ کرک میں گھروں کی دیوار گرنےکے واقعات میں 4 افراد جاں بحق اور ایک زخمی ہوا ہے۔

وزیراعظم کی سمندری طوفان کے پیش نظر پیشگی ہنگامی اقدامات کی ہدایت

پشاور کےعلاقے سیٹھی ٹاؤن میں نافرمان بیٹوں سے تنگ ماں پولیس اسٹیشن پہنچ گئی، پولیس نے بیٹوں کو وارننگ جاری کردی ہے۔

باغی ٹی وی: نافرمان بیٹوں سے تنگ بوڑھی ماں رضیہ بی بی کا کہنا تھا کہ پولیس اور حکومت اُسے بیٹوں کے تشدد اور مارپیٹ سے نجات دلائےمتاثرہ خاتون نے بیٹوں کے خلاف ہاتھ میں پلے کارڈ بھی اٹھارکھا تھا۔

اے ایس پی فقیر آباد سید طلال کے مطابق بچے متاثرہ خاتون سے پیسے مانگتے تھے گالم گلوچ اور تشدد بھی کرتے ہیں جس پر خاتون فریاد لے کر پولیس اسٹیشن پہنچ گئی پولیس نے ابتدائی طور پر خاتون کے بیٹوں کو بُلا کر وارننگ دیتے ہوئے کہا کہ دوبارہ شکایت کی صورت میں کارروائی ہوگی۔

چیف جسٹس پشاور ہائیکورٹ مسرت ہلالی نے ضلع ہنگو کا دورہ کیا ہے جہاں انھوں نے ضلعی محکمے کے ججز سے ملاقات کر کے عدالتی نظام کو بہتر بنانے پر بات چیت کی ہے،چیف جسٹس پشاور ہائیکورٹ نے ہنگو جوڈیشل لاک اپ کا بھی دورہ کیا ہے جہاں انھوں نے قیدیوں کے حالات کا جائزہ لیا ہے چیف جسٹس مسرت ہلالی نے ہنگو ڈسٹرکٹ سیشن جج حیات گل مہمند،سینیئر سول جج ایڈمن ولی محمد،ڈپٹی کمشنر ہنگو فضل اکبر ،ڈپی او کے ساتھ مل کے ہنگو سب جیل کا بھی دورہ کیا ہے،جہاں پہ انہوں نے موجود قیدیوں سے ملاقات کی ہے اور جیل میں پیش آنے والے مسائل کے بارے میں سنا ہے،،اس موقع پر چیف جسٹس مسرت ہلالی نے جیل میں قیدیوں کے مشکلات کو فوری طور پر حل کرنے کی ہدایت کی ہے،