پشاور: عوامی نیشنل پارٹی نے وفاقی کابینہ کا حصہ بننے سے معذرت کرلی ہے-

باغی ٹی وی : تفصیلات کے مطابق عوامی نیشنل پارٹی کے مرکزی صدر اسفندیار ولی خان نے کہا ہے کہ ہماری ترجیحات روز اول سے حکومتی عہدے نہیں بلکہ عوام، پارٹی تنظیم اور نظریہ رہے ہیں۔

انہوں نے کہا کہ پی پی اور مسلم لیگ ن کے مشکور ہیں جنہوں نے پارٹی کے ساتھ رابطہ کرکے وفاقی حکومت کا حصہ بننے کے لیے مدعو کیا لیکن ان کے مشکلات کو مدنظر رکھتے ہوئے ہم نے تجویز دی ہے کہ باقی اتحادیوں کو وفاقی کابینہ میں جگہ دیں۔

ان کا کہنا تھا کہ پہلے سے ملک اور حکومت مشکلات سے دوچار ہیں، ہم مزید مشکلات پیدا نہیں کرنا چاہتے، ہماری ترجیحات روزاول سے حکومتی عہدے نہیں بلکہ عوام، پارٹی تنظیم اور نظریہ رہے ہیں-

صدر مملکت نے گورنر سندھ عمران اسماعیل کا استعفیٰ منظور کر لیا

اسفندیار ولی نے مزید کہا کہ ہماری پوری توجہ اس وقت پارٹی کو مزید منظم اور فعال بنانا ہے، امید کرتے ہیں کہ پاکستان کی نئی حکومت قوم کو اس مشکل گھڑی سے نکالے گی۔

واضح رہے کہ وفاقی کابینہ کی حلف برداری کی تقریب کل ایوان صدر میں ہوگی نئی حکومت میں شامل جماعتوں کے درمیان وزارتوں کی تقسیم کا معاملہ پایہ تکمیل تک پہنچ چکا ہے-

صدر مملکت ڈاکٹر عارف علوی کی جانب سے نئی کابینہ کا حلف لینے میں معذرت کے بعد اب حلف برداری کی تقریب کل ہوگی اور صدر مملکت کی جگہ اب چیئرمین سینیٹ صادق سنجرانی نئی کابینہ سے حلف لیں گےحلف برداری کی تقریب ایوان صدر میں ہی ہوگی اور صادق سنجرانی قائم مقام صدر کی حیثیت سے حلف لیں گے۔

پریانتھا کمارا قتل کیس: انسداد دہشتگردی عدالت نے کیس کا فیصلہ سنا دیا

پشاور:عمران خان کشمیریوں،فلسطینیوں سمیت عالم اسلام کےدلوں کی دھڑکن:مودی کوبلاکرچوریاں نہیں کھلاتا: سابق وزیر خارجہ نے بھی اپنے خیالات کا اظہار کیا اور کہا کہ عمران خان کے خوف کی وجہ سے یہ سب اکٹھے ہوگئے، سیدعلی گیلانی کو اعزازعمران خان نے دیا، عمران خان نے پہلے ہی کہا تھا یہ سب چور اکٹھے ہوجائیں گے، مولانا اور بلاول میں کیا نظریہ ملتا ہے؟ ان کا نظریہ نہیں صرف مفادات ملتے ہیں، کہتا ہے کشمیریوں کا دفاع کروں گا، کشمیریوں کے قاتل کو تم رائے ونڈ بلا کر چوریاں کھلاتے ہو، کشمیریوں کے قاتل کو تم ساڑھیاں دیتے ہو۔

انہوں نے مزید کہا کہ سیدعلی گیلانی کی خواہش تھی مرجاؤں تو لاش پاکستان کے پرچم میں لیپٹنا، سید علی گیلانی کی نمازہ جنازہ ادا نہ کرنے دی گئی، نوازشریف سید علی گیلانی کے لیے نہیں بولے، پاکستان نے سید علی گیلانی کو اعزاز دیا، پہلا امتحان پشاور کامیاب ہوگیا، شہبازشریف کو سب سے پہلے نریندرمودی نے مبارکباد دی، نریندرمودی کا ان سے پیار ہے یا کاروبار ہے؟۔

شاہ محمود قریشی نے کہا کہ عوام غریب اور دو خاندان امیر ہوگئے، پاکستان کا خزانہ خالی، شریف، زرداری خاندان کی تجوریاں بھر گئیں، یہ بیوپاری ہیں قوم کے مفادات کا سودا کرنے آئے ہیں، کیا پاکستان کا سودا کرنے دوگے؟ کیا امریکا، زرداری، شریفوں کے سامنے جھک جاؤگے؟ ساڑھے تین سال کہتے رہے عمران خان الیکشن کراؤ، نئے پاکستان کے لیے عمران خان کو دوتہائی اکثریت دینی ہے، اب عمران کہتا ہے الیکشن کراتا ہوں اور چھپ رہے ہیں۔

انہوں نے کہا کہ مراسلہ چیف جسٹس کو بھجوا دیا، مخالفین کہتے ہیں جعلی ہے، چیف جسٹس صاحب کمیشن بنادیں دودھ کا دودھ اور پانی کا پانی ہوجائے گا۔
نوازشریف کوجب نکالا توکہتاہےکیوں نکالا،عمران خان کہتا ہےبتاتا ہوں کیوں نکالا؟بڑی رازکی باتیں ہیں: سابق وزیر دفاع پرویز خٹک نے جلسے سے خطاب کرتے ہوئے کہا کہ مخالفین نے کپتان سے ٹکر لے لی، اب یہی پیغام ہے کہ گھبرانا نہیں، عمران خان کو پشاورآمد پر خوش آمدید کہتے ہیں، شاندار جلسے پر مبارکباد پیش کرتا ہوں، میرے دل میں بہت سارے راز ہیں، کیا میں بتادوں؟ نواز شریف کو جب نکالا تو کہتا ہے کیوں نکالا، عمران خان کہتا ہے بتاتا ہوں کیوں نکالا۔

ان کا کہنا تھا کہ جب عمران خان نے امریکا کو ابسولیٹلی ناٹ کہا نومبر کے ماہ سے سازش شروع ہوئی، ہمارے غدار ان سے مل گئے، ڈیزل بھائی کیا امریکا کی حکومت یہودیوں کی نہیں ہے؟ مولانا تم امریکا کے غلام بن گئے ہو، غدار سیاسی پارٹیاں جنوری سے فروری تک امریکیوں کو سلام کرتے رہے اور سازش میں شامل ہوگئے، امریکا کہتا ہے کچھ نہیں کیا، پھر ہمارے بیس اراکین اسمبلی غدار کیسے ہوگئے؟ ہم ان کی غلامی نہیں مقابلہ کریں گے، مارچ کے مہینے میں امریکا میں پاکستانی سفیر کو بلا کر مراسلہ دیا گیا، مراسلے میں کہا گیا اگرعمران خان کامیاب ہوگئے تو بہت برا ہوگا، کیا ہم تمہارے چپڑاسی ہیں، جاؤ اپنا کام کرو۔

ان کا کہنا تھا کہ تمہیں امریکا لایا کیا تمہارا ماما لگتا ہے، امریکا مفت میں نہیں لائے گا، لگتا ہے تم نے پاکستان کا سودا کر لیا ہے، ہم ان کو پاکستان نہیں بیچنے دیں گے، مخالفین کہتے ہیں امریکا سپر پاور، عمران خان اللہ کو سپرپاور کہتا ہے، کہتے تھے عمران خان استعفیٰ دے کر الیکشن میں مقابلہ کرو، عمران خان عوام کی ضد بن چکے ہیں، عمران خان کو اقتدارمیں لائیں گے، یہ لڑائی عمران خان نہیں پاکستان کی خود مختاری کی جنگ ہے، ہم نے عمران خان کو اقتدارمیں لانا ہے، یہ کہتے ہیں بیگرز کانٹ بھی چوزر، میں کہتا ہوں کس نے ملک کو بھکاری بنایا، ملک کو بھکاری اور خود ارب پتی بن گئے۔

عمران خان ختم نبوت ﷺ کا داعی،پاکستانیوں کے دل کی آواز:اللہ کامیاب فرمائیں گے: قاسم سوری نے کہا ہمارے لیڈر نے اسلامو فوبیا کا مقدمہ لڑا، عمران خان پورے پاکستان کی آواز، کسی بھی صورت غلام نہیں بنیں گے، مل کر کٹھ پتلیوں کا مقابلہ کریں گے، آپ کا وزیراعظم آپ کی غیرت کے لیے لڑا، دنیا کی بڑی قوتیں پاکستان کو آزاد اور خودمختار ریاست نہیں دیکھنا چاہتی، مراسلہ خود دیکھا پاکستان کودھمکی دی گئی، مراسلے میں لکھا تھا اگرعمران کو نہیں ہٹایا تو پاکستان کو سنگین نتائج بھگتنا پڑیں گے۔

انہوں نے مزید کہا کہ ہم نے کٹھ پتلی، بکاؤ مال کا مقابلہ کرنا ہے، وطن فروشوں کا ہم نے مقابلہ کرنا ہے، ہمارے لیڈر نے اسلاموفوبیا کا مقدمہ لڑا، عمران خان پاکستان کے عوام کی آواز بنا، امپورٹڈ، کٹھ پتلی کو گرا دینا ہے، نئے الیکشن کی تیاری کرو، عمران خان امت مسلمہ کا مقدمہ لڑ رہا ہے، کبھی بھی غلامی نہیں کریں گے۔

عمران خان امت مسلمہ کی امیدوں کا مرکز:امن کےراستےسےواپس لائیں گے:شیخ رشید کا پشاورجلسےسےخطاب،اطلاعات کے مطابق سابق وزیر داخلہ شیخ رشید نے کہا ہے کہ 29 تاریخ تک کا وقت دیتا ہوں عمران خان کو امن کے راستے سے واپس لائیں گے۔

پشاور میں تحریک انصاف کی عوامی رابطہ مہم کے سلسلے میں ہونے والے جلسہ عام سے خطاب کرتے ہوئے شیخ رشید نے کہا کہ عالمی طاقتوں نے صدام اور قذافی کیساتھ کیا کیا دنیا کو پتہ ہے لیکن آج قوم عمران خان کےپیچھےنکل آئی ہے۔

انہوں نے کہا کہ اب یہ صدرکیخلاف بھی تحریک لائیں گے ہم صدرکیخلاف ہونےوالی تحریک کوناکام کریں گے ہم عمران خان کوامن کےراستےمیں واپس لائیں گے عمران خان کیلئےایک مہینےبعدجیلوں کوبھردیں گے۔

شیخ رشید نے کہا کہ بوٹ پالش والے، پلیٹ لیٹس اوپر نیچے والےواپس آگئے ہیں ہم عمران خان کو واپس لائیں گے قوم عمران خان کے پیچھے کھڑی ہے، 16تاریخ کو کراچی میں ہونے والے جلسے میں ایم کیوایم کیساتھ ہیلو ہائے کروں گا۔

علی امین گنڈا پور نے خطاب کرتے ہوئے کہا کہ 2017 میں خان سے وعدہ کیا تھا کہ آپ 2018 میں وزیراعظم ہوں گے، ایک بار پھر بہت جلد ملک میں الیکشن ہوں گے، جلد سے جلد الیکشن کرائے جائیں تاکہ عوام فیصلہ کرے۔

انہوں نے کہا کہ عوام فیصلہ کرے امپورٹڈ حکومت کیساتھ ہے یا عمران خان کے ساتھ ہے، جب بھی الیکشن ہوں گے تو عمران خان وزیراعظم ہوگا اور یہ ڈیزل اسمبلی سےباہرہوگا۔

پشاور: رمضان المبارک 1443 ہجری کا چاند دیکھنے کے لیے مرکزی رویت ہلال کمیٹی نے اجلاس آج طلب کرلیا۔

باغی ٹی وی : تفصیلات کے مطابق چیئرمین رویت ہلال کمیٹی مولانا سید عبد الخبیر آزاد کی زیر صدارت اجلاس چارسدہ روڈ پشاور پر قائم محکمہ اوقات کے دفتر میں ہوگا علاوہ ازیں رویت ہلال کمیٹی کی زونل اور اضلاعی کمیٹیاں اپنے اپنے مقامات بشمول مذہبی امور، کوہسار بلاک، اسلام آباد میں بیٹھیں گی جس میں وزارت مذہبی امور، محکمہ سپارکو کے نمائندے بھی شریک ہوں گے۔

رمضان المبارک 2022 کے لیے زکٰوۃ کا نصاب مقرر

پنجاب کی زونل کمیٹی کا اجلاس ایوان اوقاف لاہورمیں گا چاند کی رویت کے لیے محکمہ موسمیات اور سپارکوکی خدمات بھی حاصل کی جائیں گی۔

چیئرمین مولانا سید عبدالخبیر آزاد نے اپیل کی ہے کہ عوام الناس اور ادارے چاند کی رویت کی اطلاع مقامی انتظامیہ،زونل کمیٹی کودیں۔

پاکستان میں پہلا روزہ اتوار 3 اپریل جبکہ عیدالفطر 3 مئی 2022 کو ہوگی،رویت ہلال…

یاد رہے کہ رویت ہلال ریسرچ کونسل کی طرف سے آج رمضان المبارک کاچاند واضع طورپر نظرآنے کی پہلے ہی پیش گوئی کردی ہے۔

واضح رہے کہ سعودی عرب سمیت بیشتر خلیجی و مغربی ممالک میں آج پہلا روزہ ہے جبکہ عمان، ملیشیا، انڈونیشیا، پاکستان، بھارت، بنگلہ دیش و دیگر کچھ ممالک میں کل پہلا روزہ ہونے کا امکان ہے۔

رمضان المبارک کے پہلے عشرے میں موسم کیسا رہے گا؟

قاہرہ :پشاور:: 17 سالہ طالبہ کی خودکشی:خواجہ سرا کو اغوا کرنے والے 5 ملزمان گرفتار،اطلاعات ہیں‌ کہ مصر میں آن لائن ہراساں کرنے پر 17 سالہ طالبہ نے خودکشی کر کے زندگی کا خاتمہ کرلیا۔ اس جرم میں عدالت نے نوجوان کو قید کی سزا سنا دی۔

غیر ملکی میڈیا رپورٹس کے مطابق 17 سالہ طالبہ نے گزشتہ سال 23 دسمبر کو زہر پی کر خودکشی کر لی تھی کیوں کہ اس کی تصاویر کو آن لائن شیئر کیا گیا تھا۔

مصر کی عدالت نے ہراساں اور خودکشی کے جرم میں 16 سالہ نوجوان کو پانچ سال قید کی سزا سنائی۔ ملزم کو ہراساں کرنے کے جرم میں دو سال اور اجازت کے بغیر تصاویر اور ویڈیوز شیئر کرنے پر تین سال قید کی سزا سنائی گئی۔

طالبہ کی خودکشی کے بعد مجرم کی گرفتاری کے مطالبے نے زور پکڑا تھا جس کے بعد پولیس نے اسے رواں سال جنوری میں گرفتار کیا اور اس کے خلاف مقدمہ چلایا گیا۔ کیس میں نامزد دیگر ملزمان کے خلاف مئی میں مقدمہ چلایا جائے گا۔

رپورٹس کے مطابق مجرم نے طالبہ کو دوستی کرنے کے لیے بلیک میل کیا اور انکار کرنے پر اس کی تصاویر سوشل میڈیا پر ڈال دیں جنہیں اس کے دوستوں اور والدین نے دیکھا۔

پشاور میں تھانہ چمکنی پولیس نے کارروائی کی ہے جس کے نیتجے میں خواجہ سرا کو اغواء کرنے والے 5 ملزمان کو گرفتار کرلیا گیا ہے۔

تفصیلات کے مطابق پولیس کا کہنا ہے کہ خواجہ سراء ارسلان عرف شیزا کو فنکشن سے واپسی پر اغواء کیا گیا، اطلاع ملنے پر فوری کارروائی کی گئی، ملزمان کو اسلحہ سمیت گرفتار کیا گیا۔

پولیس نے کہا کہ اغواء کاروں کی گاڑی کو غز چوک کے قریب روک کر مغوی کو بازیاب کروایا گیا، گرفتار ملزمان کا تعلق تاروجبہ، ارمڑ اور اندرون شہر کے علاقے سے ہے۔

اسلام آباد:پشاوردھماکا:مولانا فضل الرحمن تعزیت کرنے کے لیے پہنچ گئے ،اطلاعات کے مطابق پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمان پشاورمیں مسجد میں ہونے والے خود کش دھماکے کے دو دن بعد تعزیت کے لیے پشاور پہنچ گئے ہیں‌،

جہاں مولانا فضل الرحمن نے تعزیت کرتے ہی اپنی توپوں‌کو رُخ حکومت کی طرف کردیا اور کہا کہ حکومت عوام کو تحفظ دینے میں ناکام ہوگئی۔

پی ڈی ایم کے سربراہ مولانا فضل الرحمان نے اپنے ایک بیان میں کہا کہ چند روز میں عدم اعتماد کی تحریک پیش کر رہے ہیں کیونکہ حکومت عوام کو تحفظ دینے میں ناکام ہو گئی ہے۔

انہوں نے کہا کہ حکومت کو اب حکمرانی کا کوئی حق نہیں اور ہماری کوششوں کے نتیجے میں حکمران آج تنہا ہو چکے ہیں۔ حکمران قوم کے پیسے سے اپنے ممبران کو ملک سے باہر بھیج رہے ہیں۔مولانا فضل الرحمان نے کہا کہ کوئی بھی اقدام حکومت کو بچا نہیں سکتے جبکہ ہمارے پاس نمبرز پورے ہیں اور عدم اعتماد کے لیے بھی ہم تیار ہیں۔

پشاور کی جامع مسجد کوچہ رسالدار پر خودکش حملہ کرنے والے خودکش بمبار کے جسمانی اعضا اور فنگر پرنٹ سے دہشت گرد کی شناخت ہوگئی ہے۔خیبر پختون خوا حکومت نے دعویٰ کیا ہے کہ واقعے میں ملوث نیٹ ورک کا پتہ لگا لیا گیا ہے۔

خودکش حملہ آور کے سہولت کار گرفتار
پشاور کی جامع مسجد کوچہ رسالدار میں خودکش حملہ آور کو لانے والے کچھ سہولت کاروں کو پولیس نے گرفتار کر لیا ہے۔دہشت گرد اور اس کے ساتھیوں کو لانے والے رکشہ ڈرائیور تک پولیس نے رسائی حاصل کر لی ہے۔پولیس کے مطابق دہشت گرد تربیت یافتہ تھا، واقعے کے بعد جائے وقوع اور اطراف میں جیو فسنگ بھی کی گئی۔

خود کش حملہ آور کے جسمانی اعضاء اور فنگر پرنٹس بھی حاصل کیے گئے جن سے اب اس کی شناخت کا دعویٰ سامنے آیا ہے، تاہم پولیس نے دہشت گرد کی شناخت ابھی ظاہر نہیں کی ہے۔

گزشتہ روز پشاور پولیس کی جانب سے خودکش حملہ آور کے خاکے تیار کر لینے کا دعویٰ بھی سامنے آیا تھا۔سی سی پی او پشاور کا کہنا ہے کہ خودکش حملہ آور اپنے طریقۂ واردات سے کافی تربیت یافتہ لگ رہا تھا، اطلاعات کے مطابق خودکش حملہ آور نے 3 سے 4 سال تک تربیت حاصل کی تھی۔پشاور میں پریس کانفرنس کے دوران سی سی پی او نے کہا کہ پولیس نے سیکیورٹی کے لیے کوئی کسر نہیں چھوڑی۔

’’مسجد کے گیٹ پر ایک کانسٹیبل مسلح، دوسرا غیر مسلح تھا‘‘انہوں نے بتایا کہ مسجد کے گیٹ پر چیکنگ کے لیے ایک کانسٹیبل غیر مسلح جبکہ دوسرا اسلحے سے لیس تھا۔سی سی پی او کا کہنا ہے کہ خودکش حملہ آور نے سب سے پہلے مسلح کانسٹیبل کو نشانہ بنایا، پھر ڈیڑھ سیکنڈ میں دوسرے کانسٹیبل کو سینے پر گولی ماری۔سی سی پی او کا کہنا ہے کہ غیرمسلح کانسٹیبل سینے میں گولی لگتے ہی دوڑا تھا۔

وزیرِ اعلیٰ کا امام بارگاہ کا دورہ
دوسری جانب خیبر پختون خوا کے وزیرِاعلیٰ محمود خان نے امام بارگاہ آخوند آباد کا دورہ کیا اور شہداء کے لواحقین سے تعزیت کی۔کا کہنا تھا کہ مجرمان کو ہر صورت کیفرِ کردار تک پہنچایا جائے گا جبکہ عبادت گاہوں کی سیکیورٹی کو فول پروف بنانے کے لیے اقدامات کیے جا رہے ہیں۔

شیخ رشید کا دعویٰ
گزشتہ روز وفاقی وزیرِ داخلہ شیخ رشید احمد نے دعویٰ کیا تھا کہ پشاور خود کش دھماکے میں ملوث تینوں ملزمان کی شناخت ہو چکی ہے۔میڈیا سے گفتگو کرتے ہوئے شیخ رشید نے کہا تھا کہ خیبر پختون خوا پولیس معاملے کی تہہ تک پہنچ چکی ہے، ایک دو روز میں پولیس ملزمان تک پہنچ جائے گی۔

جمعے کے روز خیبر پختون خوا کے دارالخلافہ پشاور کے علاقے قصہ خوانی بازار کی جامع مسجد کوچہ رسالدار میں نمازِ جمعہ کے دوران ہوئے خود کش حملے میں شہید ہونے والے افراد کی تعداد 63 ہو چکی ہے۔

واقعے میں 200 سے زائد افراد زخمی ہوئے تھے جن میں سے 37 زخمی لیڈی ریڈنگ اسپتال میں زیرِ علاج ہیں، جبکہ 5 زخمی آئی سی یو میں ہیں۔

عینی شاہدین کے مطابق جامع مسجد میں نمازِ جمعہ کے دوران سیاہ لباس میں ملبوس خودکش بمبار نے پہلے سیکیورٹی اہلکاروں پر فائرنگ کی پھر منبر کے سامنے آ کر خود کو دھماکے سے اڑا لیا تھا۔

نیویارک: اقوام متحدہ نے پشاورمیں مسجد پرحملے میں جانی نقصان پردکھ اورافسوس کا اظہارکیا ہے۔

باغی ٹی وی : تفصیلات کے مطابق اقوام متحدہ کے سیکریٹری جنرل جناب انتونیو گوتیرس نے اقوام متحدہ میں پاکستان کے مستقل مندوب منیر اکرم کو ٹیلی فون کر کے پشاور میں ہونے والے دہشت گردانہ حملے اور معصوم جانوں کے ضیاع پر گہرے دکھ اور افسوس کا اظہار کیا۔

سیکریٹری جنرل نے واقعے کی مذمت کرتے ہوئے کہا کہ یہ ان کے لئے ذاتی طور پر صدمہ کا باعث ہے کیونکہ وہ پشاور کو اچھی طرح جانتے ہیں اور وہاں کے لوگوں کے بہترین سلوک سے آگاہ ہیں۔

پشاورمیں شہریوں ، نمازیوں پرخودکُش حملے کی شدید مذمت کرتے ہیں :افغان طالبان

انتونیوگوتریس نے پشاورواقعے پرپاکستان کی حکومت، قیادت اورعوام سے اظہارتعزیت کیا –

اقوام متحدہ میں پاکستان کے مستقل مندوب منیر اکرم نے پاکستان کے ساتھ تعزیت اور اظہار یکجہتی پر سیکریٹری جنرل کا شکریہ ادا کیا۔

قبل ازیں افغانستان کے نائب وزیر اطلاعات ذبیح اللہ مجاہد نے ٹوئٹ کرتے ہوئے پشاور بم دھماکے کی شدید مذمت کی تھی ذبیح اللہ مجاہد کا کہنا تھاکہ شہریوں اور نمازیوں پر حملے کا کوئی جواز نہیں، پشاور دھماکے کی شدید مذمت کرتے ہیں۔انہوں نے واقعے میں جاں بحق افراد کے لواحقین سے تعزیت کا اظہار کیا۔

واضح رہے کہ پشاور کے قصہ خوانی بازار کے علاقے کوچہ رسالدار کی جامع مسجد میں نماز جمعہ کے دوران خودکش دھماکے کے نتیجے میں امام ارشاد خلیلی سمیت 56 شہید ہو گئے۔

پشاوردھماکا:دہشتگرد کہاں سےآئےتمام معلومات موجود ہیں:وزیراعظم کی شہدا اورزخمیوں کے ورثا سے تعزیت

پشاور کے قصہ خوانی بازار میں نمازِ جمعہ کے دوران دو حملہ آور جامع مسجد کے گیٹ پر آئے اور پولیس اہلکاروں پر فائرنگ کر دی، جس کے نتیجے میں 2 پولیس اہلکار موقع پر شہید ہو گئے۔ حملہ آور فائرنگ کے بعد جامع مسجد میں داخل ہوئے، جس کے بعد مسجد میں دھماکا ہوا۔

ترجمان ایل آر ایچ پشاور کے مطابق کوچہ رسالدار دھماکے میں56 افراد شہید ہوئے جبکہ 194 زخمی ہوئے ہیں۔ زخمیوں میں کچھ کی حالت تشویشناک ہے، شدید زخمیوں کو بروقت طبی سہولیات فراہم کی گئی، بڑی تعداد میں ڈاکٹروں اورنرسوں نےعلاج فراہم کیا۔

پولیس حکام کے مطابق جائے وقوعہ سے اہم شواہد اکٹھے کرلئے گئے۔ دھماکے کی تحقیقات کی جا رہی ہیں۔ پشاور کے تین بڑے سرکاری اسپتالوں میں ایمرجنسی نافذ جبکہ سیکورٹی بھی ہائی الرٹ کر دی گئی۔

حکومت خیبر پختونخوا کے ترجمان بیرسٹر محمد سیف نے تصدیق کی کہ مسجد کے اندر ہونے والا دھماکا خودکش تھا جس میں دو حملہ آور ملوث تھے۔

پیٹرول سستا،ایل پی جی 28،گھی 60 روپیہ فی کلو مہنگا