گزشتہ 24 گھنٹوں کے دوران ریسکیو1122 پشاور نے 130 ایمرجنسیز کے دوران اپنی خدمات پیش کیں۔ ڈسٹرکٹ ایمرجنسی آفیسر نوید خان کی سربراہی میں گزشتہ 24 گھنٹوں کے دوران پشاور میں 11 روڈ ٹریفک حادثات،114 میڈیکل، 02گولی لگنے یا لڑنے/جھگڑنے کے، 01آگ لگنے کے حادثات پیش آئے۔ ٹریفک حادثات کے دوران 19 افراد زخمی، ٹریفک حادثات کوہاٹ روڈ، چمکنی، جی ٹی روڈ، سینٹر جیل پل، دلہ ذاک روڈ، رنگ روڈ،نحقی اور مختلف مقامات پر رونما ہوئے۔ پشاور شہر میں مسلم اباد گھر میں کچن میں موجود سلنڈر پر آگ لگنے کا واقعہ پیش آیا ، ریسکیو1122 فائر فائٹرز نے پیشہ وارانہ امدادی سرگرمیاں کرتے ہوئے مزید نقصانات سے بچاتے ہوئے آگ پر قابو پایا۔
Tag: پولیس
-
دو طرفہ فائرنگ کے نتیجے میں ایک ملزم ہلاک،دوسرا فرار
باغی ٹی وی کی رپورٹ کے مطابق شہر قائد کراچی میں جرائم پیشہ عناصر کیخلاف پولیس کی کاروائیاں جاری ہیں
ویسٹ، تھانہ اقبال مارکیٹ کے علاقے حوا گوٹھ میں پولیس اور ملزمان کے درمیان مقابلہ ہوا ہے،دو طرفہ فائرنگ کے نتیجے میں ایک ملزم زخمی حالت میں گرفتار، جبکہ ساتھی ملزم فرار ہو گیا، زخمی حالت میں گرفتار ملزم اسپتال منتقلی کے دوران زخموں کی تاب نہ لاتے ہوئے ہلاک ہوگیا۔ملزم کی شناخت انتہائی مطلوب دانش عرف ملا عرف عبدالکریم ولد عبدالغفار کے نام سے ہوئی۔ملزم سے اسلحہ بمعہ ایمونیشن، چلیدہ خولز، نقدی اور زیراستعمال موٹرسائیکل برآمد کر لی گئی،ملزم کا نام انتہائی مطلوب ملزمان کی مختلف فہرستوں اور I.Rs میں بھی شامل تھا۔ملزم اورنگی ٹاؤن سمیت شہر کے مختلف علاقوں میں ڈکیت گینگ ،اسٹریٹ کرمنلز کو سہولت فراہم کرتا تھا۔ملزم متعدد مقدمات میں اشتہاری و مفرور ہے، جبکہ قبل از بھی 21 سے زائد سنگین نوعیت کے مقدمات میں گرفتار ہوکر جیل جاچکا ہے۔پولیس کی جانب سے ضابطے کی کاروائی عمل میں لائی جارہی ہے، فرار ساتھی ملزم کی تلاش جاری ہے۔
منشیات فروشی میں ملوث ملزمہ سمیت 6 رکنی گروہ گرفتار
ڈسٹرکٹ سٹی: منشیات فروشی ،سپلائی میں ملوث ملزمہ سمیت 6 رکنی گروہ اور 5 غیر قانونی طور پر مقیم افغانی باشندے گرفتار کر لیے گئے، ملزمان سے 3.45 کلو گرام چرس برآمد کر لی گئی،ملزمان کو علاقہ تھانہ کلاکوٹ اور کھارادر کی حدود سے گرفتار کیا گیا.ملزمان کی شناخت نعیما, اسد علی, جہانزیب, حبیب جان, عمران عرف راڈو, دوست محمد عرف راڈو, محمد داؤد , عبدالمالک, داؤد شاہ, رستم اور خیال محمد کے ناموں سے ہوئی ہے. ملزمان کو دوران ٹارگٹڈ کارروائی اور پیٹرولنگ، اسنیپ چیکنگ کے گرفتار کیا گیا.ملزمان کے خلاف متعلقہ تھانہ جات میں مقدمات درج کئے گئے، ملزمان کا سابقہ کریمنل ریکارڈ معلوم کیا جا رہا ہے.سوشل میڈیا چیٹ سے روکنے پر بیوی نے کیا خلع کا دعویٰ دائر، شوہر نے بھی لگایا گھناؤنا الزام
سابق اہلیہ کی غیراخلاقی تصاویر سوشل میڈیا پر اپ لوڈ کرنے والے ملزم پر کب ہو گی فردجرم عائد؟
سوشل میڈیا پرغلط خبریں پھیلانا اورانکو بلاتصدیق فارورڈ کرنا جرم ہے، آصف اقبال سائبر ونگ ایف آئی اے
سوشل میڈیا پر جعلی آئی ڈیز کے ذریعے لڑکی بن کر لوگوں کو پھنسانے والا گرفتار
-
پشاور؛ متنی پولیس اسٹیشن پر دہشت گردوں کا حملہ
پشاور کے متنی پولیس اسٹیشن پر دہشت گردوں نے حملہ کیا ہے جبکہ 10 دہشت گردوں نے پولیس اسٹیشن متنی پشاور پر ہلکے اور بھاری ہتھیاروں سے حملہ کیا اور ابھی فائرنگ کا تبادلہ ہوا
پولیس اہلکاروں نے بروقت کارروائی کرکے حملے کو ناکام بنا دیا ،پولیس ترجمان کے مطابق متنی میں پولیس اسٹیشن پر جدید ہتھیاروں سے لیس دہشت گردوں نے دو اطراف سے حملہ کیا، پولیس کی جانب سے فوری جوابی کارروائی کی گئی دہشت گرد پسپا ہوئے اور فرار ہوگئے
ترجمان خیبرپختونخوا پولیس نے تصدیق کی کہ دہشت گردوں کے حملے میں کوئی جانی یا مالی نقصان نہیں ہوا، اہلکاروں اور دہشت گردوں کے درمیان بیس منٹ تک شدید فائرنگ کا تبادلہ ہوا
سی سی پی او پشاور سید اشفاق انور نے دلیری سے دہشت گردوں کا مقابلہ کرنے والے پولیس اہلکاروں کو شاباش دی اور کہا کہ پشاور پولیس نے ہمیشہ دلیری سے مقابلہ کیا ہےہم دہشتگردوں کی ساتھ ڈٹ کر مقابلہ کریں گے اور کسی کو بھی امن و امان خراب کرنے کی اجازت نہیں دیں گے۔
جبکہ خیال رہے کہ اس سے قبل گزشتہ جنوری میں پشاور میں تلاشی کے دوران مشکوک افراد کی فائرنگ شروع کردی تھی اور یہ پشاور کے علاقے متنی بازار میں تلاشی کے دوران مشکوک افراد کی فائرنگ سے تھانہ متنی کے اسٹیشن ہاؤس آفیسر (ایس ایچ او) زخمی ہوگئے تھے۔
پولیس نے بتایا تھا کہ متنی بازار میں تلاشی کا عمل جاری تھا کہ مشکوک افراد نے پولیس پر فائرنگ کی جبکہ پولیس نے بتایا تھا کہ ایس ایچ او تھانا متنی عمران الدین دائیں ٹانگ پر گولی لگنے سے زخمی ہوگئے جنہیں فوری اسپتال منتقل کردیا گیا اور ان کی حالت خطرے سے باہر ہے۔
مزید یہ بھی پڑھیں؛
کبری خان اور میں شادی نہیں کررہے گوہر رشید
فوجی عدالتوں میں سویلین کے ٹرائل کیخلاف درخواستیں سماعت کیلئے مقرر
علی امین گنڈاپور کے گھر کی بجلی واجبات کی عدم ادائیگی پر کاٹ دی گئی
ڈالر کے مقابلہ میں روپے کی قدر میں مزید بہتری
شہر یار آفریدی کی ہمشیرہ انتقال کر گئیں
یاد رہے کہ اس میں فائرنگ سے مشکوک افراد کا ایک ساتھی بھی زخمی ہوا تھا زخمی ملزم سلمان اور ایک ساتھی نورعلی شاہ کو گرفتار کرلیا گیا تھا جبکہ باقی افراد فرار ہوگئے تھے -
پشاور،ایس ایس ٹی اساتذہ کے ساتھ معاہدہ کا امکان
پشاور میں اپ گریڈیشن کیلئے احتجاج کرنے والے ایس ایس ٹی اساتذہ پر پولیس نے لاٹھی چارج کیا اور متعدد اساتذہ کو گرفتار کرلیا۔ دوسری جانب صوبائی حکومت اور متعلقہ حکام اگلے ہفتے پیر کے روز یس یس ٹی اساتذہ کے قائدین سے ختمی مذاکرات کرنے کا ارادہ کر لیا ہے ۔ جس کے مطابق ایس ایس ٹی اساتذہ کے خلاف ایف آئی آر ختم کئے جائنگے۔جبکہ اساتذہ ریڈ زون میں احتجاج نہیں کریں گے، نہ ہی روڈ بند کریں گے نہ ہی سکول نمبر ون میں مزید قیام کریں گے۔ حکومتی عہدیداروں اور ایس ایس ٹی قائدین کے درمیان معاہدہ طےپانے کا امکان ہے۔پشاور میں اپ گریڈیشن کیلئے ایس ایس ٹی ٹیچرز کا احتجاج دو روز سے جاری ہے ، پولیس نے مظاہرین کو منتشر کرنے کے لئے شیلنگ اور لاٹھی چارج کرتے ہوئے متعدد اساتذہ کو گرفتار کرلیا۔ جس کے بعد اساتذہ منتشر ہوگئے۔ دوسری جانب صدرایس ایس ٹی ٹیچرز ذولفقار خان کا کہنا تھا کہ اساتذہ کو روڈ کنارے بھی احتجاج ریکارڈ کرنے کی اجازت نہیں دی گئی، اور بدترین لاٹھی چارج اور شیلنگ کی گئی، متعدد سینئراساتذہ کو گرفتار کیا گیا، اساتذہ کو سٹی نمبر ون اسکول میں بند کردیا گیا۔یاد رہے کہ مظاہرین گزشتہ 2 روز سے اپ گریڈیشن نہ ملنے کے لیے سراپا احتجاج ہیں۔
-
پشاور،پولیس کی فائرنگ گاڑی میں موجود ایک شخص جاں بحق،1 زخمی
پشاور میں پولیس کی فائرنگ سے 1 شخص جاں بحق، 1 زخمی ہو گیا ہے،رنگ روڈ پر پولیس ناکے سے گزرنے والی گاڑی پر پولیس کی فائرنگ
سے گاڑی میں سوار دو افراد کو گولیاں لگی،پولیس کی مبینہ فائرنگ سے ایک جاں بحق اور ایک شدید زخمی ہوگیا،زخمی کو ایل آر ایچ ہسپتال منتقل کردیا گیا، جس کی حالت تشویشناک بتائی جاتی ہیں،پولیس زرائع کے مطابق جانبحق اور زخمی افراد کا تعلق درہ آدم خیل سے ہے۔پولیس کے مطابق گاڑی کو روکنے کی کوشش کی گئی لیکن ڈرائیور نے گاڑی کو نہیں روکا،.پولیس کا دعویٰ ہے کہ موٹر کار میں سوار درہ آدم خیل سے تعلق رکھنے والے چار افراد کی جانب سے ان پر فائرنگ کی گئی تھی جس کے جواب میں پولیس نے ان پر فائرنگ کر دی۔ جبکہ موٹر کار میں سوار دو افراد فرار ہونے میں کامیاب ہوگئے۔
پولیس کا کہنا ہے کہ فرار ہونے والے افراد کی تلاش جاری ہے جبکہ واقعے کی تحقیقات کے لیے ایس پی کینٹ کے زیر نگرانی ایک کمیٹی تشکیل دیکر انکوائری کی جارہی ہے اور فرار ہونے والے افراد کی گرفتاری کی صورت میں معلوم ہوجائے گا کہ گاڑی میں سوار افراد نے پولیس پر کیوں فائرنگ کی تھی۔ -
چارسدہ،بچے کو جنسی زیادتی کا نشانہ بنانے والے 5 ملزمان گرفتار
ضلع چارسدہ تحصیل تنگی میں بچے کے ساتھ اجتماعی زیادتی کے الزام میں پانچ مبینہ ملزمان گرفتار کر لئے گئے،پولیس کے مطابق 13سالہ بچے کے ساتھ اجتماعی زیادتی کرنے والے ملزمان 24گھنٹے کے اندر گرفتار کئے، تنگی پولیس نے بتایا کہ ملزمان نے بچے کے ساتھ اختر اباد میں مبینہ زیادتی کی، متاثرہ بچے نے پولیس کو بیان ریکارڈ کراتے ہوئے کہا ہے کہ وہ مدرسہ سے گھر واپس جارہاتھا جب ملزمان نے زیادتی کا نشانہ بنایا ڈالا،
ملزمان مزید کاروائی کے لئے تھانہ تنگی منتقل کر دئے گئے ہے، -
چارسدہ ترناب سے دو اشتہاری گرفتار
ضلع چارسدہ ایس ایچ او تھانہ ترناب واجد خان نے ایک کامیاب کاروائی کی ہے جس کے دوران پولیس کو مطوب چوری، اقدام قتل اور دیگر سنگین جرائم میں 2 اشتہاری ملزمان کو گرفتار کر لیا گیا،ڈسٹرکٹ پولیس آفیسر چارسدہ محمد عارف کو علاقہ تھانہ ترناب کی حدود میں پولیس کو سنگین مقدمات میں مطلوب اشتہاری کی خفیہ اطلاع ملی تھی ،
اطلاع کے پیش نظر ڈی ایس پی سٹی عدنان اعظم خان کی قیادت میں ایس ایچ او تھانہ ترناب واجد خان نے کامیاب کاروائی کرتے ہوئے مطلوب 2 اشتہاری بہار علی ولد فرمان اور زرشاد ولد شمشاد ساکنان نواں کلے دھوبیان کو گرفتار کیا۔ ملزمان مزید کاروائی کے لئے تھانہ ترناب منتقل کئے گئے۔ -
سیشن کورٹ میں گولیاں چل گئیں، خاتون سمیت دو افراد قتل
باغی ٹی وی کی رپورٹ کے مطابق پنجاب کے صوبائی دارالحکومت لاہور کی سیشن کورٹ میں گولیاں چل گئیں، خاتون سمیت دو افراد کی موت ہو گئی
مخالفین نے سیشن کورٹ میں گولیاں برسا دیں، پولیس کی بھاری نفری موقع پر پہنچ گئی،گولیاں لگنے سے ایک عورت اور ایک مرد کی موت ہو گئی ہے، لاشوں کو پوسٹ مارٹم کے لئے ہسپتال منتقل کر دیا گیا ہے، مسلح افراد نے نو فائر کئے، اور فرار ہو گئے، پولیس کا کہنا ہے کہ جلد فائرنگ کرنیوالوں کو گرفتار کر لیں گے،
سیشن کورٹ لاہور میں مخالفین کی فائرنگ سے خاتون سمیت 02 افراد کے جاں بحق ہونے کا معاملہ ،آئی جی پنجاب ڈاکٹر عثمان انور کا نوٹس، سی سی پی او لاہور سے رپورٹ طلب کرلی آئی جی پنجاب نے فائرنگ میں ملوث ملزمان کی فوری گرفتاری کا حکم دیا اور کہا کہ ملزمان کی گرفتاری کیلئے تمام وسائل بروئے کار لائیں،
راہ چلتی طالبات کو ہراساں اور آوازیں کسنے والا اوباش گرفتار
طالبات کو کالج کے باہر چھیڑنے والا گرفتار،گھر کی چھت پر لڑکی کے سامنے برہنہ ہونیوالا بھی نہ بچ سکا
پولیس کا قحبہ خانے پر چھاپہ،14 مرد، سات خواتین گرفتار
خاتون کے ساتھ زیادتی ،عدالت کا چھ ماہ تک گاؤں کی خواتین کے کپڑے مفت دھونے کا حکم
بیوی طلاق لینے عدالت پہنچ گئی، کہا شادی کو تین سال ہو گئے، شوہر نہیں کرتا یہ "کام”
طالبعلم کے ساتھ گھناؤنا کام کرنیوالا قاری گرفتار،قبرستان میں گورکن کی بچے سے زیادتی
سرسید پولیس نے خفیہ اطلاع پر کاروائی ماموں بھانجا اسٹریٹ کریمنلز گرفتار کر لئے
اس سے قبل ماہ اپریل میں اسلام آباد میں ہی ایسا واقعہ پیش آیا تھا وفاقی دارالحکومت اسلام آباد کی مقامی عدالت میں گولیاں چل گئیں، زیر حراست ملزم کو قتل کر دیا گیا ،واقعہ ڈسٹرکٹ کورٹ اسلام آباد میں پیش آیا، جہاں پولیس حراست میں ملزم کو گولیاں مار کر قتل کر دیا گیا، پولیس نے فوری کاروائی کرتے ہوئے ملزم کو گرفتار کر لیا اور اس کے قبضے سے آلہ قتل پستول برآمد کر لیا، پولیس حکام کے مطابق اسلام آباد کچہری میں ہتھکڑیاں لگے ملزم کو ذاتی دشمنی پر 4 گولیاں مار کر قتل کیا گیا۔
ائیرپورٹ سے آنے والی کار سوار فیملی کے ساتھ واردات کی کوشش
اسلام آباد ،تھانہ رمنا کی حدود میں سرینگر ہائی وے پر رات گئے مسلح ڈاکوؤں نے ائیرپورٹ سے آنے والی کار سوار فیملی کے ساتھ واردات کی کوشش کے دوران ناکامی پر گاڑی پر فائرنگ شروع کر دی۔
کار سوار کے بروقت گاڑی بھگانے پر وہ ڈاکوؤں کے ہاتھ چڑھنے سے بچ گئے۔ ڈاکوؤں کی فائرنگ سے گاڑی اور اس میں موجود سامان کو شدید نقصان پہنچا تاہم کار سوار فیملی معجزانہ طور پر محفوط رہے۔ واقعہ 12 جولائی 2023ء منگل اور بدھ کی درمیانی شب تقریباً سوا 12 بجے کے قریب پیش آیا۔معلوم ہوا ہے کہ بحریہ فیز ایٹ کے رہائشی عزیز الرحمٰن نامی شہری گزشتہ رات اپنی فیملی کے ساتھ اسلام آباد ائیرپورٹ پر اپنے ایک کزن کو لینے گئے جو کراچی سے آئے تھے اور انہیں ایف سیون کے ایک گیسٹ ہاؤس میں ڈراپ کرنا تھا۔ ائیرپورٹ سے نکلنے کے بعد جیسے ہی یہ فیملی اپنی سفید رنگ کی کرولا الٹسEX 789 میں سرینگر ہائی وے واقع پولیس لائنز روڈ کے پاس پہنچی تو تعاقب میں آنے والے موٹر سائیکل سوار دو مسلح ڈاکوؤں نے لوٹنے کی نیت سے گاڑی روکا۔
اسلحہ دیکھتے ہی شہری عزیز الرحمن نے اپنی گاڑی بھگائی جس پر ڈاکوؤں نے اندھا دھند فائرنگ شروع کردی۔ فائرنگ سے گاڑی اور اس میں موجود سامان کو خاصا نقصان پہنچا۔ تاہم کار سوار معجزانہ طور پر محفوظ رہے۔ رات گئے متاثرہ شہری کی درخواست پر تھانہ رمنا پولیس نے قانونی کارروائی شروع کر دی ۔ وفاقی دارالحکومت کی مرکزی شاہراہ پر واردات شہریوں کے جان و مال کی حفاظت پر ایک سوالیہ نشان ہے
رپورٹ، شبیر سہام
جانوروں پر ریسرچ کرنیوالے بھارتی ادارے نےگائے کے پیشاب کو انسانی صحت کیلئے مضر قراردیا
یورپی خلائی یونین کا نیا مشن مشتری اور اس کے تین بڑے چاندوں پر تحقیق کرے گا
برطانوی وزیرداخلہ کا پاکستانیوں کو جنسی زیادتی کا مجرم کہنا حقیقت کے خلاف ہے،برٹش جج
جماعت اسلامی سےمذاکرات،عمران خان کی ہدایات پر پی ٹی آئی کی تین رکنی کمیٹی قائم
بھارتی مسلمان رکن اسمبلی کوبھائی سمیت پولیس حراست میں ٹی وی کیمروں کے سامنے گولیاں ماردی گئیں
سرعام لڑکی کے ساتھ زیادتی کی کوشش کرنے والا مشتبہ شخص گرفتار
باغی ٹی وی کی رپورٹ کے مطابق شہر قائد کراچی کے علاقے گلستان جوہر میں سرعام لڑکی کے ساتھ زیادتی کی کوشش کرنے والے مشتبہ شخص کو پولیس نے گرفتار کر لیا
پولیس نے کاروائی کرتے ہوئے ملزم کی موٹر سائیکل بھی برآمد کر لی،پولیس حکام کے مطابق جس شخص کو گرفتار کیا گیا ہے، سی سی ٹی وی میں نظر آنے والے شخص جیسا ہی ہے، تحویل میں لی گئی موٹر سائیکل بھی ویسی ہی ہے، ملزم سے تحقیقات جاری ہیں، پولیس نے ملزم کی گرفتاری کے لئے خاکہ جاری کیا تھا
واضح رہے کہ واقعہ گلستان جوہر بلاک 4، مغل ہزارہ گوٹھ کے قریب 2 روز قبل پیش آیا tha جہاں راہ گزرتی لڑکی کے ساتھ ایک شخص نے انتہائی غیر اخلاقی حرکت کرتے ہوئے زیادتی کی کوشش کی ملزم نے عبایا پہنی لڑکی سے زیادتی کی کوشش کی جس کی سی سی ٹی وی بھی سامنے آئی ہے۔ویڈیو میں گلی میں ملزم موٹر سائیکل کے پاس کھڑا ہے، اس دوران باحجاب لڑکی گلی سے گزری تو ملزم نے اس کے ساتھ زیادتی کرنے کی کوشش کی، لڑکی کے مزاحمت کرنے پرملزم موٹر سائیکل پر بیٹھ کر فرار ہوگیا ملزم کی موٹر سائیکل پر نمبر پلیٹ بھی نہیں لگی ہوئی تھی جب کہ ملزم نے شناخت چھپانے کیلئے ماسک بھی پہنا ہوا تھا۔
مفتی عزیز الرحمان کا اعتراف جرم، کہا بہت شرمندہ ہوں
مفتی عزیزالرحمان ویڈیو سیکنڈل کی حمایت کرنیوالا مفتی اسماعیل بھی گرفتار
مفتی عزیز الرحمان کو دگنی سزا ملنی چاہئے، پاکستان کے معروف عالم دین کا مطالبہ
مفتی عزیزالرحمان ویڈیو سیکنڈل، پولیس نے مانگا مفتی کا مزید”جسمانی” ریمانڈ
مدرسہ ویڈیو سیکنڈل ،مفتی عزیز الرحمان کی عدالت پیشی، عدالت کا بڑا حکم
مدرسہ ویڈیو سیکنڈل،مفتی عزیز الرحمان کے بیٹوں کی درخواست ضمانت پر ہوئی سماعت