کلکتہ: بھارت میں ہونے والے پاکستان انگلینڈ کرکٹ میچ کیلئے بھارتی سکیورٹی ادارے سکیورٹی فراہم کرنے کیلئے پریشان ہوگئے۔
باغی ٹی وی : بھارتی میڈیا کے مطابق پاکستان اور انگلینڈ کے درمیان کرکٹ میچ 12 نومبر کو کلکتہ شیڈول ہےکلکتہ پولیس کا کہنا ہے کہ 12 نومبر کو کالی پوجا کی وجہ سے میچ کیلئے سکیورٹی فراہم کرنے میں مسئلہ ہوگا اس لیے میچ کو ری شیڈول کیا جائےاس حوالے سے کلکتہ پولیس نےکرکٹ ایسوسی ایشن بنگال سے رابطہ بھی کیا ہے،کرکٹ ایسوسی ایشن آف بنگال کےصدرکا کہنا ہے کہ ہمیں میچ ری شیڈول کرنے کے بارے میں باضابطہ طور پر نہیں کہا گیا۔
اس حوالے سے کرکٹ ایسوسی ایشن آف بنگال نے آج بی سی سی آئی سے درخواست کی ہے کرکٹ ایسوسی ایشن آف بنگال نے میچ ایک روز قبل 11 اکتوبر کو کرانے کی سفارش کی ہے، بی سی سی آئی انٹر نیشنل کرکٹ کونسل سے مشاورت کے بعد فیصلہ کرےگا۔
دوسری جانب ذرائع کے مطابق اگر کرکٹ ایسوسی ایشن آف بنگال کی بات مان لی گئی تو میچ ایک روز قبل کردیا جائےگا اور 11 نومبر کو ورلڈکپ میں ڈبل ہیڈر کھیلا جائے گا اور آئی سی سی ورلڈ کپ کا تبدیل شدہ شیڈول منگل تک جاری کرے گا۔
واضح رہے کہ احمد آباد پولیس نے بھی نوراتری کی وجہ سے 15 اکتوبر کو پاک بھارت میچ میں سکیورٹی سے معذرت کی تھی-
ضلع مردان لوند خوڑ کے علاقے عمرآباد میں فائرنگ کے نتیجے میں تاج محمد نامی شخص جاں بحق ہو گیا ہے، ۔ریسکیو حکام کے مطابق گولی لگنے سے 32 سالہ تاج محمد جانبحق ہو گیا، ریسکیو حکام نے ،طابق اطلاع موصول ہونے پر ریسکیو1122 ایمبولینس اور میڈیکل ٹیم موقع پر پہنچ گئی۔ ریسکیو1122 میڈیکل ٹیم نے جانبحق شخص کو ٹی ایچ کیو ہسپتال منتقل کر دیا۔مقدمہ نامعلوم افراد کے خلاف درج کر لیا گیا،
چیئرمین تحریک انصاف عمران خان کو پولیس براستہ سڑک لے کر اسلام آباد روانہ ہو گئی ، موسم خراب ہونے کے سبب سابق وزیراعظم عمران خان کو بذریعہ موٹروے اسلام آباد منتقل کرنے کا فیصلہ کیا گیا ، اس سے پہلے ان کو ایئرپورٹ لے جایا گیا تھا جہاں اسلام آباد لے جانے کیلئے ہیلی کاپٹر پر لے جانے کی تیاریاں کی گئی تھیں تا ہم موسم کی خرابی کی وجہ سے عمران خان کو بذریعہ موٹروے اسلام آباد منتقل کیا جا رہا ہے،، اس موقع پر سکیورٹی کے سخت انتظامات کئے گئے ہیں۔
پولیس عمران خان کو آدھا گھنٹہ میں گرفتار کرکے کوٹ لکھپت جیل پہنچی وہاں سے عمران خان کو ایئر پورٹْ لایا گیا تا کہ انہیں اسلام آباد منتقل کیا جا سکے، عمران خان کو سخت سیکورٹی میں جیل لے جایاگیا، پولیس کی بھاری نفری ہمراہ ہے، عمران خان کی گرفتاری عدالتی فیصلے کے 20 منٹ بعد ہو گئی، عمران خان نے گرفتاری کے لئے کسی قسم کی مزاحمت نہیں کی،عمران خان کو لاہور پولیس نے جب زمان پارک سے گرفتار کیا تو پولیس اتنی جلدی میں تھی کہ انہیں کوئی سامان ساتھ رکھنے نہیں دیا گیا تاہم جب انہیں اسلام آباد ہیلی کاپٹر کے ذریعے منتقل کرنے کا فیصلہ کیا گیا تو انہیں لاہور کے پرانے ایئرپورٹ منتقل کیا گیا عمران خان نے وہاں انتظار کے دوران گھر سے کپڑے اور قرآن پاک منگوایا دیگر سامان میں کتابیں، شیونگ کٹ سمیت ضروری اشیا بھی طلب کیں.
چیئرمین پاکستان تحریک انصاف عمران خان کی جانب سے ٹویٹر پر جاری ایک ویڈیو پیغام میں کہا گیا ہے کہمیری گرفتاری متوقّع تھی چنانچہ میں نے یہ پیغام اپنی گرفتاری سے قبل ریکارڈ کروایا۔ یہ لندن پلان پر عملدرآمد کی جانب ایک اور قدم ہے مگر میں چاہتا ہوں کہ میرے کارکنان پرامن، ثابت قدم اور مضبوط رہیں۔ ہم رب العزّت کے سوا کسی کے سامنے نہیں جھکتے جو ”الحق“ ہے۔ لاالٰہ الّا اللہ ہی ہمارا ایمان ہے۔
نگران وزیر اطلاعات پنجاب عامر میر کا کہنا ہے کہ عمران خان کو اسلام آباد بھیجا جا رہا ہے۔ جیل کا انتخاب آئی جی اسلام آباد کریں گے،
ترجمان پی ٹی آئی نے تصدیق کی ہے کہ چیئرمین پاکستان تحریکِ انصاف عمران خان کو زمان پارک سے گرفتار کر لیا گیا۔ شاہ محمود قریشی نےگرفتاری کی تصدیق کر دی، عمران خان کی گرفتاری کے بعد اب شاہ محمود قریشی تحریک انصاف کے معاملات دیکھیں گے،
چیئرمین تحریک انصاف کی گرفتاری کے بعد ممکنہ احتجاج کے پیش نظر شہر میں سیکورٹی ہائے الرٹ کر دی گئی ہے،
سینئر صحافی و اینکر پرسن مبشر لقمان نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ عمران خان کی گرفتاری کے لیے زمان پارک کو چاروں اطراف سے سیل کر دیا گیا۔ عمران خان کی بہنوں نے تصدیق کی ہے کہ عمران خان کو گرفتار کر لیا گیا ہے۔
Police are expecting some other PTI leaders to be hiding in Zaman Park as well. Let's see if they search for them also or not?
ایک اور ٹویٹ میں مبشر لقمان کا کہنا تھا کہ پولیس کو توقع ہے کہ تحریک انصاف کے کچھ دیگر رہنما بھی زمان پارک میں چھپے ہوئے ہیں دیکھتے ہیں ان کو بھی ڈھونڈتے ہیں یا نہیں؟
چیئرمین تحریک انصاف عمران خان کو سزا سنائے جانے کے بعد پولیس کی بھاری نفری عمران خان کی رہائشگاہ زمان پارک پہنچی زمان پارک کی اطراف کی سڑکوں کو بند کیا گیا، پولیس نے مال سے دھرم پورہ جانے والے کینال روڈ کو ٹریفک کے لیے بند کر دیا تھاایس پی سول لائن حسن جاوید بھٹی بھی زمان پارک میں موجود تھے
دوسری جانب سیینئر صحافی و اینکر حامد میر کہتے ہیں کہ ایک اور سابق وزیراعظم کو سزا سنا دی گئی آج تک کسی ڈکٹیٹر کو سزا نہیں ملی کیونکہ وزیراعظم جب حکومت نیں ہوتا ہے تو ڈکٹیٹروں کے خلاف فیصلے سنانے والے ججوں کو پاگل قرار دے دیتا ہے
ایک اور سابق وزیراعظم کو سزا سنا دی گئی آج تک کسی ڈکٹیٹر کو سزا نہیں ملی کیونکہ وزیراعظم جب حکومت نیں ہوتا ہے تو ڈکٹیٹروں کے خلاف فیصلے سنانے والے ججوں کو پاگل قرار دے دیتا ہے pic.twitter.com/oLdjuO7RTd
چیئرمین تحریک انصاف کو ڈسٹرکٹ اینڈ سیشن کورٹ سے سزا ،الیکشن کمیشن عدالت کے تفصیلی فیصلے کا منتظر ہے، تفصیلی فیصلہ آنے کے بعد الیکشن کمیشن کا اہم اجلاس بلایا جائے گا، چیف الیکشن کمشنر کی زیر صدارت اجلاس میں تفصیلی فیصلے کا جائزہ لیا جائے گا،تفصیلی فیصلے کی روشنی میں عمران خان کو پارٹی صدارت سے ہٹانے سے متعلق فیصلہ کیا جائے گا،
واضح رہے کہ توشہ خانہ کیس ،عمران خان کو نااہل کردیا گیا عدالت نے عمران خان کو تین سال قید ہی سزا سنا دی عدالت نے ایک لاکھ جرمانہ بھی کر دیا، عدالت نے فیصلے میں کہا کہ ملزم نے جان بوجھ کر الیکشن کمیشن میں جھوٹی تفصیلات دیں، ملزم کو الیکشن ایکٹ کی سیکشن 174 کے تحت 3 سال قید کی سزا سنائی جاتی ہے،ملزم آج عدالت میں پیش نہیں ہیں، فیصلے کی کاپی آئی جی اسلام آباد کو عملدرآمد کیلئے بھجوائی جائے، عدالت نے چیئرمین پی ٹی آئی کے وارنٹ گرفتاری جاری کردیئے ،عدالت نے آئی جی اسلام آباد کو وارنٹ گرفتاری پر تعمیل کرانے کا حکم دے دیا،سزا یافتہ ہونے کی وجہ سے چیئرمین پی ٹی آئی 5 سال کیلئے نااہل قراردے دیئے گئے،
ایس ڈی پی او شیخ ملتون سرکل ریشم جہانگیر کی نگرانی میں زیر قیادت ایس ایچ او بخت زادہ خان تھانہ شیخ ملتون پولیس نے سیکٹرشیخ ملتون میں چھاپہ مارا جہاں موجود 07 ملزمان کو گرفتار کرکے تھانہ منتقل کیا گیا، ملزمان کے قبضے سے 10بوتلیں شراب اور 525گرام چرس قبضہ پولیس ہوکر مروجہ ایکٹ کے تحت مقدمہ درج کر دیا گیا، سماجی و معاشرتی جرائم کیخلاف ضلعی پولیس کی مزید کارروائیاں جاری ہے
محمد ایا ز صافی جنرل سیکرٹری پاکستان تحریک انصاف مردان کی رہائش گاہ پر پولیس اور ایکسائز کا مشترکہ چھاپا، اس دوارن ایا ز صافی گھر پر موجود نہیں تھے۔ گھر پر موجود ان کے چھوٹے بھائی سے ایا ز صافی کے بارے میں پوچھ گچھ کی۔ جنرل سیکرٹری پاکستان تحریک انصاف مردان نے پولیس اور ایکسائز کے غیر قانونی چھاپے کی شدید مذمت کی ہے انہوں نے کہا کہ پنجاب پولیس کی طرح اب خیبر پختونخواہ پولیس بھی چادر اور چار دیواری کا تقدس پامال کرنے لگی ہے انہوں نے کہا کہ میں نے اپنے پوری کیریئر میں نہ کبھی قانون کو ہاتھ میں لیا ہے اور نہ ہی ریاست کے خلاف کبھی بات کی ہے ۔ انہوں نے کہا کہ پولیس اور ایکسائز کا میرے گھر پر چھاپے مارنا اور میری عدم موجودگی میں خوف و ہراس پھیلانا سمجھ سے بالاتر ہے ۔
ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد کی سربراہی میں اسپیشل سیکیورٹی یونٹ ہیڈ کوارٹرز میں منعقدہ اجلاس کے دوران یہ فیصلہ کیا گیا ہے کہ مددگار- 15 اور سندھ ایمرجنسی ریسکیو سروس 1122 کراچی کے شہریوں کی حفاظت اوران کی بہبودکے لیے مل کرکام کریں گے۔ اس اسٹریٹجک شراکت داری کا مقصد شہر یوں کو کسی بھی ہنگامی صورتحال میں فوری اور بروقت مدد فراہم کرنا ہے۔
اس باہمی تعاون کے تحت،مددگار- 15اورایس ای آرایس 1122 ابتدائی طور پر 07 پولیس موبائلز اور 07 ایمبولینسز کراچی کے سات اضلاع کے مخصوص اسٹیشنوں پر تعینات ہوں گی جوکسی بھی ہنگامی صورت حال سے نمٹنے اور شہریوں کو فوری مدد فراہم کرنے کے لیے کوئیک رسپانس ٹیم کے طور پر کام کریں گی۔
کمیونیکیشن کے نظام کو مزیدمؤثربنانے کے لیے دونوں ادارے ایک دوسرے کے کال سینٹرز پر ہیلپ ڈیسک قائم کریں گے جو24/7 کام کریں گے۔ہیلپ ڈیسک بنانے کا مقصدکسی بھی ہنگامی یا ناخوشگوار صورتحال میں رسپانس ٹائم میں کمی لاتے ہوئے اس بات کو یقینی بنانا ہے کہ شہریوں کو مصیبت اورضرورت کے وقت فوری مددفراہم کی جاسکے۔
ڈی آئی جی سیکیورٹی اینڈ ایمرجنسی سروسز ڈویژن ڈاکٹر مقصود احمد کا اس موقع پرکہنا تھا کہ اس مشترکہ کاوش کے اگلے مرحلے میں کراچی میٹروپولیٹن کارپوریشن (کے یم سی) اور فائر فائٹنگ ڈپارٹمنٹ کو اس پراجیکٹ میں شامل کرنا ہے۔
اجلاس میں سندھ ایمرجنسی ریسکیو سروس 1122 کے نمائندوں نے سی ای او ریسکیو 1122 بریگیڈیئر (ر) طارق لکھیر کی قیادت میں، کمانڈنٹ ایس ایس یو ڈاکٹر فرخ علی اورمددگار-15 کے سینئر افسران نے شرکت کی۔
باغی ٹی وی کی رپورٹ کے مطابق پنجاب کے صوبائی دارالحکومت لاہور کے علاقے ڈیفنس میں گولیاں چل گئیں
ڈی ایچ اے میں فائرنگ سے باپ بیٹے کی موت ہو گئی ہے، پولیس موقع پر پہنچ گئی، پولیس حکام کے مطابق ڈیفنس اے کی حدود میں نامعلوم افراد نے رائفل رینج روڈ پر فائرنگ کی جس کے نتیجے میں دو افراد کی موت ہوئی، مرنے والوں کی شناخت باپ بیٹا کے طور پر ہوئی، شفیع اور تصور، دونوں کباڑ کا کام کرتے تھے، لاشوں کو پوسٹ مارٹم کے لئے ہسپتال منتقل کر دیا گیا ہے
پولیس حکام کے مطابق دہرے قتل کا واقعہ دیرینہ دشمنی کا نتیجہ لگتا ہے کیونکہ مقتولین کے خلاف تھانہ سبزہ زار میں بہنوئی کے قتل کا مقدمہ درج تھا تا ہم اس حوالے سے تحقیقات شروع کردی گئی ہیں ، پولیس جلد قاتلوں کو گرفتار کر لے گی، نامعلوم افراد جائے وقوعہ سے فرار ہونے میں کامیاب ہو گئے
دوسری جانب زمان عرف جانو ڈکیت گینگ گرفتار کر لیا گیا، رائیونڈ پولیس نے 3رکنی ڈکیت گینگ گرفتار کر لیا ،گرفتار ملزمان میں خلیل جٹ’ علی جٹ اور وقار مسیح شامل ہیں ملزمان سابقہ ریکارڈ یافتہ ہیں ملزمان گن پوائنٹ پر شہریوں کو لوٹتے اور فرار ہو جاتے تھے ملزمان کے قبضہ سے چھنی گیی3 عدد موٹر سائیکل’ 2 عدد موبائل اور 20 ہزار روپے برآمد کر لئے گئے، ملزمان سے وارداتوں میں استعمال ہونے والا اسلحہ 3 پسٹل اور گولیاں بھی برآمد کر لی گئیں،
پشاور: باجوڑ میں جے یو آئی کے جلسے میں خودکش دھماکا کرنے والے حملہ آور کی تصویر پولیس نے حاصل کر لی۔
باغی ٹی وی: پولیس حکام کا کہنا ہے خودکش حملہ آور جے یو آئی (ف) کے جلسے میں کرسی پر بیٹھا رہا، جس نے بارودی مواد کمر سے باندھ رکھا تھا، تصویر میں حملہ آورکو بارودی مواد پر ہاتھ رکھے دیکھا جا سکتا ہے، حملہ آور کا تعلق افغانستان سے ہے سکیورٹی وجوہات اور کیس کی تفتیش کی وجہ سے تصویر جاری نہیں کی جا رہی۔
واضح رہے کہ خیبرپختونخوا میں حالیہ دنوں میں دہشتگردی کا تازہ حملہ باجوڑ میں ہوا جہاں جے یو آئی (ف) کی کارنر میٹنگ میں خودکش دھماکا ہوا جس کے نتیجے میں 54 افراد شہید اور 80 سے زائد زخمی ہوئےایڈیشنل آئی جی سی ٹی ڈی شوکت عباس نے اس حوالے سے بتایا کہ جے یو آئی کا جلسہ دوپہر 2 بجے شروع ہوا اور دھماکا 4 بجکر 10 منٹ پر ہوا موقع سے بال بیرنگ وغیرہ ملے ہیں، دھماکا خود کش تھا اور حملہ آور گروپ کی شناخت ہوئی ہے، دھماکے میں کوئی خاص ٹارگٹ تھا۔
دھماکے میں جے یو آئی خار کے امیر مولانا ضیااللہ جان بھی شہید ہوگئے ہیں۔ جب کہ تحصیل ناواگئی کے جنرل سیکٹری مولانا حميد الله بھی شہید ہونے والوں میں شامل ہیں۔ عینی شاہدین کے مطابق دھماکا اسٹیج کے قریب ہوا اور مولانا ضیاء اللہ جان اسٹیج پر موجود تھے کہ دھماکا ہوگیا۔ مولانا ضیاء اللہ جان پر اس سے قبل بھی حملہ ہوچکا تھا، وہ کالعدم داعش کی ہٹ لسٹ میں تھے۔ جے یو آئی کے مطابق اس سے قبل دہشت گرد جے یو آئی کے 22 رہنماؤں کو نشانہ بنا چکے ہیں جن میں مفتی سلطان محمد، قاری الیاس، مفتی شفیع اللہ، مولانا شفیع اللہ اور قاری عبدالسلام شامل ہیں۔
تورغر ڈی پی او تورغر بلال احمد کی ہدایت پر ہیڈ کوارٹرز جدباء میں یوم شہداء کی مناسبت سے پولیس شہداء کے ایصال ثواب کیلئے قرآن خوانی کا اہتمام کیا گیا جس میں ڈی ایس پی ہیڈ کوارٹرفداخان اور ایس ایچ اوز اور دیگر پولیس افسران اور اہلکاروں نے کثیر تعداد میں شرکت کی۔ قرآن خوانی کے بعد باقاعدہ شہداء کے درجات کی بلندی کیلئے دعا کی گئی۔ ڈی پی او تورغر بلال احمد (پی ایس پی) نے کہا ہے کہ خیبر پختونخوا پولیس کی تاریخ قربانیوں سے بھری پڑی ہے پولیس شہداء کی قربانیاں تاریخ میں سنہری حروف سے لکھی جائیں گی۔ انہوں نے کہا کہ پولیس شہداء کے خاندانوں کے ساتھ دلی ہمدردی ہے وہ خود کو کسی طور پر تنہا نہ سمجھیں ان کے درد میں برابر کے شریک ہیں اور ان کو کسی صورت تنہا نہیں چھوڑا جائے گا،
سویڈن پولیس نے ایک بار پھر قرآن پاک کو جلانے کی ناپاک جسارت کی اجازت دے دی ہے-
باغی ٹی وی : ذرائع وابلاغ کے مطابق سویڈش پولیس نے آج پارلیمنٹ کے باہر ایک احتجاج کے لیے ملعون سلوان نجیم کو اجازت نامہ جاری کر دیا جس میں وہ اپنے شریک جرم کے ساتھ قرآن پاک کو ایک بار پھر نذر آتش کرنے کا ارادہ رکھتا ہے۔
نام نہاد احتجاج اور آزادیٔ اظہار رائے کے نام پر قرآن کو نذر آتش کرنے کا اجازت نامہ حاصل کرنے والے ملعون سلوان نجیم نے مقامی اخبار کے نمائندے کو بتایا کہ وہ سویڈن میں مسلمانوں کی مقدس کتاب پر پابندی عائد کروانا چاہتا ہے اورجب تک قرآن پر پابندی نہیں لگ جاتی میں کتاب کو احتجاجاً جلاتا رہوں گا۔
ملعون نے سویڈن کے درالحکومت اسٹاک ہوم میں مرکزی مسجد کے باہر اور پھر چند دنوں بعد عراقی سفارت خانے کے باہر عراقی پناہ گزین سلوان مومیکا کے ہمراہ قرآن پاک کو جلانے کی ناپاک جسارت کی تھی اے ایف پی نے پولیس سے قرآن پاک کے اوراق جلانے کے اجازت نامے کے اور اس کے لیے منتظمین کی جانب دی گئی تحریری درخواست کی کاپی دینے کی درخواست کی لیکن پولیس نے فوری طور پر کوئی جواب نہیں دیا۔
خیال رہے کہ سویڈش پولیس نے پہلے اس بات پر زور دیا تھا کہ وہ صرف عوامی اجتماعات کے لیے اجازت دیتے ہیں نہ کہ اس میں مقدس کتاب کو آگ لگانے کی۔
سویڈن اور ڈنمارک نے قرآن پاک کو جلانے کے واقعات پر مسلم دنیا کے احتجاج، دباؤ اور سیکیورٹی خدشات کے باعث آزادیٔ اظہارِ رائے کے قانون کو سخت کرنے پر غور کرنا شروع کردیا ہے تاہم اس پر حتمی فیصلہ تاحال نہ کیا جا سکا دونوں ممالک کے حکام نے گزشتہ روز ہی کہا تھا کہ اظہار رائے کے حق کے نام پر کسی دوسرے ملک، قوم، ثقافت اور مذہب کی توہین کی اجازت نہیں دی جا سکتی اس سے مسائل پیدا ہوتے ہیں۔
ڈینش وزارت خارجہ کے مطابق قرآن پاک کی بے حرمتی پر ردعمل میں ہونے والا احتجاج انتہائی شکل اختیار کرسکتا ہے اس لیے حکومت ایسا قانونی راستہ تلاش کر رہی ہے جس سے نہ آزادی اظہار متاثر ہو اور نہ ہی دوسرے ملکوں یا ثقافتوں کی بے عزتی ہوسوئڈش وزیراعظم کے مطابق معاملے کے حل کے لیے وہ ڈینش وزیراعظم سے رابطے میں ہیں۔
وزیرخارجہ نے ایک بیان میں کہا کہ قرآن پاک کی بے حرمتی کرنا ایک غیر مناسب عمل ہے، جو چند افراد کی جانب سے کیا گیا، ان کا یہ عمل ڈنمارک کے اقدار کی نمائندگی نہیں کرتا جس پرہمارا معاشرہ قائم ہے مذکورہ حالات کے پیش نظر ڈنمارک کی حکومت اس میں مداخلت کے امکان کو تلاش کرے گی، جس سے دوسرے ممالک کی ثقافتوں اور مذاہب کی توہین کی جا رہی ہو۔
ڈنمارک کے وزیر خارجہ کا کہنا ہے کہ جو بھی اقدام اٹھایا ہے وہ یقیناً آئینی طور پر تحفظ یافتہ آزادی اظہار کے فریم ورک کے اندر اور اس انداز میں کیا جانا چاہیے کہ اس حقیقت کو تبدیل نہ کیا جائے کہ ڈنمارک میں کھلی اظہار رائے کی آزادی ہےقرآن کی بے حرمتی کے بعد ڈنمارک اور سوئیڈن خبروں کی سُرخیوں میں رہے۔ دونوں ممالک ہ قرآن کو جلانے کی مذمت کرتے ہیں لیکن آزادی اظہار کے تحفظ کے قوانین کے تحت اس عمل کو نہیں روک سکتے۔
اسلامی تعاون تنظیم (او آئی سی) نے پیر کے روز سویڈن اور ڈنمارک کے قرآن مجید کو نذرآتش کرنے کے واقعات پر ردعمل پر’مایوسی‘ کا اظہار کیا جدہ میں قائم 57 رکن ممالک پرمشتمل تنظیم نے اس معاملے پر ایک غیر معمولی ورچوئل اجلاس منعقد کیا ہے۔تنظیم کے سیکرٹری جنرل حسین ابراہیم طہٰ نے افتتاحی سیشن سےخطاب میں دونوں نارڈک ممالک سےقرآن مجید کی بے حرمتی کو روکنے کا مطالبہ کیا اور اس بات پر مایوسی کا اظہار کیا کہ اس سلسلے میں سویڈن اور ڈنمارک کی جانب سے اب تک کوئی اقدامات نہیں کیے گئے ہیں۔
انھوں نےکہا کہ یہ بدقسمتی کی بات ہے کہ آزادیِ اظہار کا دعویٰ کرنے والے متعلقہ حکام بین الاقوامی قوانین کے برخلاف ایسی کارروائیوں کو دُہرانے کے کی اجازت دے رہے ہیں جن سے مذاہب کے احترام میں کمی واقع ہوتی ہےجس وقت حسین طہٰ یہ تقریر کررہے تھے، اسٹاک ہوم میں مسلمانوں کی مقدس کتاب کی ایک اور تازہ واقعہ میں بے حرمتی کی گئی ہے اور دو افراد نے قرآن مجید کے نسخے کو آگ لگا دی۔
