Tag: پیپلزپارٹی

پیپلز پارٹی کے رہنما فیصل کریم کنڈی کا کہنا ہےکہ الیکشن کا چاند ہمیں نظر نہیں آرہا، آئین میں تو نہیں لکھا کہ نواز شریف آئیں گے تو الیکشن ہوں گے جبکہ نجی ٹی وی سے گفتگو کرتے ہوئے فیصل کریم کنڈی کا کہنا تھا کہ ہمیں ابھی بھی انتخابات پر شک ہے کیونکہ الیکشن کا شیڈول اب تک نہیں آیا ہے اور ہم کہتے ہیں الیکشن شیڈول دیں تاکہ ہم الیکشن مہم شروع کریں۔

واضح رہے کہ فیصل کریم کنڈی کا کہنا تھا کہ سلیکشن اب ملک میں چلنے والی نہیں ہے اور راہداری ضمانت شرجیل میمن کو بھی ملی تھی لیکن ن لیگ کی حکومت میں شرجیل میمن کو ایف آئی اے جہاز سے لےگئی تھی تاہم ان کا کہنا تھا کہ نواز شریف کے ساتھ ناانصافیاں ہوئی ہیں، نواز شریف کو سزا ہوچکی ہے، آپ جیل سےگئے ہیں واپس جیل جانا پڑےگا۔
مزید یہ بھی پڑھیں؛
مسلم لیگ نواز میں مشاورت کا فقدان
نواز شریف کو ریلیف بھونڈے طریقے سے دیا گیا. مصطفیٰ نواز
کامران شاہد صاحب آئندہ وہ کردار دینا جو آن ائیر جا سکے عدنان جیلانی
نواز شریف جدہ سے دبئی پہنچ گئے مگر تاخیر کیوں؟
توہین الیکشن کمیشن کیس میں چیئرمین پی ٹی ائی عمران خان کے پروڈکشن آرڈر جاری
نواز شریف کی آمد،چار افراد ایئر پورٹ پر پھول پھینک سکتے،ایوی ایشن کی اجازت
سابق وزیر قانون اور سینیٹر ایس ایم ظفر وفات پاگئے

کراچی: پاکستان پیپلزپارٹی پارلیمنٹرینز کے صدر آصف علی زرداری سے ملاقات کے بعد جی ڈی اے رہنما علی گوہر خان مہر پی پی پی میں شامل

کراچی: سابق صدر مملکت آصف علی زرداری نے گرینڈ ڈیموکریٹک الائنس کے رہنما علی گوہر خان مہر کو پی پی پی میں شمولیت پر خوش آمدید کہا

کراچی: صدر آصف علی… pic.twitter.com/iOSfuvfsGq

— PPP (@MediaCellPPP) October 19, 2023

دوسری جانب پاکستان پیپلزپارٹی پارلیمنٹرینز کے صدر آصف علی زرداری سے ملاقات کے بعد جی ڈی اے رہنما علی گوہر خان مہر پی پی پی میں شامل ہوگئے ہیں‌اور سابق صدر مملکت آصف علی زرداری نے گرینڈ ڈیموکریٹک الائنس کے رہنما علی گوہر خان مہر کو پی پی پی میں شمولیت پر خوش آمدید کہا ہے جبکہ صدر آصف علی زرداری اور جی ڈی اے رہنما علی گوہر خان مہر کی ملاقات کے موقع پر پی پی پی سندھ کے ڈپٹی جنرل سیکریٹری ناصر شاہ بھی موجود تھے

نواز شریف کی واپسی کے حوالے سے شیری رحمان کا کہنا ہے کہ پاکستان میں سیاست میں تو ہر ہفتے تبدیلی آتی ہے، نوازشریف کو وطن واپس آنا چاہیئے، ہم ویلکم کریں گے جبکہ لیول پلئینگ فیلڈ سے متعلق بات کرتے ہوئے ام کا کہنا تھا کہ لیول پلئینگ فیلڈ سب کا حق ہوتا ہے، لیول پلئینگ فیلڈ کی بات کرکے ہم نے کونسی غلطی کی ہے جبکہ ہر انتخابات میں کوئی نہ کوئی لیول پلئینگ فیلڈ کی بات کرتا ہے، حلقہ بندیوں پر الیکشن کمیشن سے تحفظات کا اظہار کیا ہے۔

علاوہ ازیں پیپلز پارٹی کی رہنما نے مزید کہا کہ سیاست میں بات چیت کے لیے دروازے بند نہیں ہوتے اور آصف زرداری کا مولانا فضل الرحمان سے پرانا تعلق ہے، 9 مئی میں ملوث افراد سے بات چیت نہیں ہوسکتی، انتخابات 90 روز کے اندر ہونے چاہیئے تھے، سردی گرمی ہوتی رہتی ہے، ہر مہینے میں الیکشن ہوچکے ہیں، موسم کی وجہ سے الیکشن ملتوی نہیں ہونے چاہئیں۔ علاوہ ازیں آلودگی کے حوالے سے شیری رحمان کا نجی ٹی وی سے بات کرتے ہوئے کہنا تھا کہ آلودگی قومی مسئلہ بن گیا ہے، اسموگ کی وجہ سےلوگ متاثر ہورہے ہیں، آلودگی کے خاتمے کے لیے ٹھوس اقدامات کی ضرورت ہے، نیشنل کلین ایئر پالیسی پرعملدرآمد ہونا چاہیئے۔
مزید یہ بھی پڑھیں؛
ورلڈکپ؛ چیئرمین پی سی بی، پاک بھارت میچ دیکھنے کیلئے احمد آباد پہنچ گئے
دل کے مرض کی ایک نئی قسم دریافت
آپ نے گھبرانا نہیں، جیل سے عمران خان کا پیغام
بھارت کا اسرائیل میں مقیم بھارتیوں کو واپس لانے کے لئے آپریشن اجئے کا اعلان
تاہم شیری رحمان نے جنگ زدہ علاوہ بارے کہا اسپتال سرد خانوں میں تبدیل ہوگئے ہیں اور مکمل قبضے کا منصوبہ بنارہا لیکن سعودی عرب نےمعاملے پرمضبوط اسٹینڈ لیا ہے، قطر، ترکیہ اور دیگرمسلم ممالک بھی کوششیں کررہے ہیں اور سب سے پہلے سیز فائر کے لیے کوششیں کی جانی چاہئیں، اب تک سیز فائر کی کوئی بات شروع نہیں ہوئی ہے، امریکا اور برطانیہ ظالم کی بھرپور حمایت کررہا ہے

پاکستان پیپلزپارٹی کے سینئر رہنما قادر مندوخیل نے کہا ہے کہ خواہش ہے کہ نواز شریف21اکتوبر کی بجائے کل آجائیں جبکہ نجی ٹی وی سے بات کرتے ہوئے قادر مندوخیل نے کہا کہ ہم تمام جماعتوں سے کہتےہیں کہ آئیں ملکر سینیٹ کا اجلاس بلائیں، تمام جماعتوں سے کہتےہیں کہ آئیں ملکر نگران حکومت کو انتخابات کا کہیں۔

علاوہ ازیں انہوں نے کہا کہ الیکشن کمیشن کی حرکتوں سے لگتا ہے کہ وہ غیر جانبدار نہیں رہنا چا ہتا، جب ڈیڑھ سال پہلے حلقہ بندیاں ہو گئیں تھیں تو اب کیوں ہوئیں جبکہ ایک سوال کے جواب میں رہنما پیپلز پارٹی کا کہنا تھا کہ 16ماہ کی حکومت میں مسلم لیگ ن نے جو مانگا زرداری نے دیا، مسلم لیگ ن خود اپنے آپ کو ہم سے دور کر رہی ہے۔
مزید یہ بھی پڑھیں؛
خاتون کا رشتہ داروں پر چالیس لاکھ روپے کے عوض بیچنے کا الزام،ویڈیو وائرل
سیمنٹ کی قیمت میں بھی اضافہ https://login.baaghitv.com/cement-ki-qemat-me-izafa/
آئی سی سی پی کی جرائم کی شرح میں نمایاں کمی پر تمام افسران کو شاباش
ممی کو 128 سال بعد مناسب طریقے سے دفنانے کی اجازت دے دی گئی
انتخابات میں عالمی مبصرین کو بلانے بارے الیکشن کمیشن کا اجلاس
امریکی کرنسی کے مقابلے روپیہ مزید تگڑا
ان کا کہنا تھا کہ ہم نے میثاق جمہوریت اور میثاق معیشت کی بات کی تو ہمیں چور ڈاکو کہا گیا، جبکہ جتنے الیکشنز ڈیلے ہوں گے سیاسی جماعتوں کےدرمیان فاصلے کم ہوں گے، الیکشن کمیشن نے الیکشن کا شیڈول ابھی تک جاری نہیں کیا، انکا مزید کہنا تھا کہ 6نومبر کے بعد سب سیاسی جماعتوں کی محبتیں بڑھیں گی۔

اسپیکر قومی اسمبلی راجہ پرویز اشرف سے سابق امیدوار صوبائی اسمبلی چوہدری سرفراز کی ملاقات ہوئی ہے جبکہ سابق امیدوار صوبائی اسمبلی پنجاب چوہدری سرفراز کا حلقہ پی پی 9 گوجر خان سے آئندہ جنرل الیکشن میں خرم پرویز راجہ کی مکمل حمایت کا اعلان کیونکہ خرم پرویز راجہ آئندہ جنرل الیکشن میں گوجر خان پی پی 9 سے صوبائی اسمبلی پنجاب پاکستان پیپلز پارٹی کے امیدوار ہونگے جبکہ راجہ پرویز اشرف نے اس موقع پر کہا کہ پاکستان پیپلز پارٹی عوامی جماعت ہے اور عوامی خدمت پر یقین رکھتی ہے

انہوں نے کہا کہ پیپلز پارٹی وہ واحد سیاسی جماعت ہے جس کی جڑیں عوام میں ہیں۔انہوں نے کہا کہ پیپلز پارٹی عوامی مسائل کے حل اور انہیں روزگار فراہم کرنے پر یقین رکھتی ہے۔انہوں نے کہا کہ پیپلز پارٹی کے دور میں ہمیشہ عوام کے مسائل کو حل کیا گیا ہے۔انہوں نے کہا کہ گزشتہ اتحادی حکومت کے دور میں پیپلز پارٹی نے عوامی توقعات سے بڑھ کر عوام کی خدمت کی ہے۔ان خیالات کا اظہار اسپیکر قومی اسمبلی راجہ پرویز اشرف نے سابق امیدوار برائے صوبائی اسمبلی پنجاب چوہدری سرفراز سے ہونے والی ملاقات کے دوران گفتگو کرتے ہوئے کیا۔ملاقات میں خرم پرویز راجہ اور حاجی راشد زمان بھی موجود تھے۔ملاقات میں گوجر خان میں جاری ترقیاتی منصوبوں اور موجودہ سیاسی صورتحال پر تفصیلی تبادلہ خیال کیا گیا۔

اسپیکر قومی اسمبلی راجہ پرویز اشرف نے چوہدری سرفراز کی پاکستان پیپلز پارٹی کے لیے خدمات کو سراہا۔انہوں نے کہا کہ چوہدری سرفراز پارٹی کا قیمتی اثاثہ ہیں اور انہوں نے ہمیشہ پارٹی کے لیے گراں قدر خدمات سر انجام دی ہیں جنہیں فراموش نہیں کیا جا سکتا۔انہوں نے کہا کہ گوجر خان میں پاکستان پیپلز پارٹی نے ہمیشہ عوامی سیاست کی ہے اور عوام کے مسائل کو ان کی دہلیز پر حل کیا ہے۔اسپیکر نے کہا نے گوجر خان سے پیپلز پارٹی کے تمام عہدیداران نے مکمل مشاورت کے بعد خرم پرویز راجہ کو آئندہ جنرل الیکشن میں گوجر خان کے حلقہ پی پی 9 سے الیکشن میں حصہ لینے کا فیصلہ کیا ہے۔خرم پرویز راجہ کی کامیابی کے لیے گوجر خان پیپلز پارٹی کے تمام سرکردہ رہنماؤں کی بھرپور حمایت اور تعاون کی ضرورت ہے۔

اس موقع پر سابق امیدوار صوبائی اسمبلی پنجاب چوہدری سرفراز نے گفتگو کرتے ہوئے کہا کہ حلقہ گوجر خان اور خطہ پوٹھوار میں راجہ پرویز اشرف پیپلز پارٹی کا مشکل وقت میں ساتھ نبھایا ہے اور عوام کے خدمت میں پیش پیش رہے ہیں۔انہوں نے کہا کہ راجہ پرویز اشرف اور خرم پرویز راجہ گوجر خان کی عوام کا فخر ہیں۔ انہوں نے راجہ پرویز اشرف اور خرم پرویز راجہ کی قیادت پر مکمل اعتماد کا اظہار کرتے ہوئے کہا کہ آئند جنرل الیکشن میں گوجر خان حلقہ پی پی 9 سے خرم پرویز راجہ الیکشن لڑیں گے اور بھاری اکثریت سے کامیاب ہونگے۔انہوں نے مزید کہا کہ خرم پرویز راجہ آئندہ الیکشن میں میرے نامزد امیدوار ہونگے اور ان کو بھاری اکثریت سے کامیاب کرانے کے لیے کوئی کسر اٹھا نہیں رکھیں گے۔ انہوں نے کہا کہ اسپیکر قومی اسمبلی راجہ پرویز اشرف گوجر خان سے الیکشن کے حوالے سے جو بھی فیصلہ کریں گے اس کو من و عن تسلیم کیا جائے گا۔انہوں نے کہا کہ راجہ پرویز اشرف کی پارٹی اور علاقے کے لیے خدمات کو کبھی فراموش نہیں کیا جا سکتا۔انہوں نے کہا کہ آئندہ جنرل الیکشن میں پیپلز پارٹی بھاری اکثریت سے کامیاب ہوگی اور وفاق اور صوبوں میں حکومت بنائے گی۔

سرفراز چوہدری کا مزید کہنا تھا کہ آئندہ الیکشن کی تمام سرگرمیوں میں وہ راجہ پرویز اشرف اور خرم پرویز راجہ کے شانہ بشانہ کھڑے ہونگے اور الیکشن کمپین میں بھرپور حصہ لیں گے۔انہوں نے کہا کہ آئندہ الیکشن گوجر خان کے حلقہ سے قومی اسمبلی اور صوبائی اسمبلی کی نشستیں جیت کر پیپلز پارٹی کے چیئرمین بلاول بھٹو زرداری کو تحفے میں پیش کریں گے۔انہوں نے مزید کہا کہ گوجر خان کی عوام کی ترقی اور خوشحالی میں اسپیکر قومی اسمبلی راجہ پرویز اشرف کا کردار کلیدی اہمیت کا حامل۔انہوں نے کہا کہ تعلیم، صحت اور عوامی فلاح و بہبود کے کاموں میں راجہ پرویز اشرف نے گوجر خان جو منصوبے لگائیں ہیں اس کی مثال نہیں ملتی۔

الیکشن کمیشن نے سیاسی جماعتوں سے مشاورت کے بعد حلقہ بندیوں کا دورانیہ کم کرنے کا فیصلہ کیا ہے اور الیکشن کمیشن کے اعلامیے کے مطابق حلقہ بندی کی حتمی اشاعت 30 نومبر کو ہوگی جبکہ الیکشن کمیشن نے حلقہ بندیوں کا کام جلد مکمل کرنے کا فیصلہ کیا ہے۔

عام انتخابات کی تاریخ کے حوالے سے الیکشن کمیشن نے کہا کہ جتنا جلدی ممکن ہوسکے گا الیکشن کا انعقاد کرنا ہے اور الیکشن کمیشن کا کہنا ہے کہ انتخابات کے شیڈول کا بھی اعلان کردیا جائےگا۔ دوسری جانب یاد رہے کہ اس سے قبل سیکرٹری الیکشن کمیشن نے پنجاب کی نگراں حکومت کو انتخابی قواعد وضوابط سے متعلق خط لکھا تھا جس میں کہا گیا تھا کہ انتخابی قوانین نگراں حکومت یا وزیر کو سیاسی سرگرمیوں، جلسوں میں شرکت کی اجازت نہیں دیتے۔

نگراں وزیر اعلیٰ پنجاب کو لکھے گئے خط میں سیکرٹری الیکشن کمیشن نے ہدایت کی تھی کہ نگراں حکومت الیکشن عمل پر اثر انداز ہونے کی کوشش نہیں کرے گی اور خط میں کہا گیا تھا کہ نگراں کابینہ ارکان سیاسی سرگرمیوں اور الیکشن مہم میں شرکت نہیں کرسکتے۔
مزید یہ بھی پڑھیں؛
سی ٹی ڈی کی کاروائی،سات مبینہ دہشتگرد گرفتار
ہیلی کاپٹر حادثے پر بہت دکھ ہوا،اللہ تعالی شہدا کے درجات بلند کرے، نواز شریف
اگلے 10 دن اہم،بازی پلٹ گئی،نواز شریف،مریم پر ریڈ لائن ختم، بڑی تیاریاں شروع
اوپن مارکیٹ؛ ڈالر 331 روپے کی بلند ترین سطح پر پہنچ گیا
علاوہ ازیں سیکرٹری الیکشن کمیشن نے خط میں لکھا تھا کہ تمام سیاسی فریقین کو برابری کے مواقع فراہم کیے جائیں، نگراں کابینہ کے کسی وزیر کا قریبی عزیز الیکشن میں حصہ نہیں لے سکتا، خط میں کہا گیا تھا کہ نگراں کابینہ اپنے فرائص آئین وقانون کے مطابق سر انجام دینے کے پابند ہیں، خلاف ورزی کی صورت میں الیکشن کمیشن سخت اقدامات کرے گا اور خط ہدایت کی گئی تھی کہ محسن نقوی الیکشن کمیشن کی ہدایات تمام کابینہ اراکان تک پہنچا دیں۔