Tag: پی ایس ایل

پاکستان سپر لیگ (پی ایس ایل) کی 2 نئی ٹیموں کی نیلامی کا عمل مکمل ہوگیا ہے، پی ایس ایل کی ساتویں ٹیم حیدرآباد 175 اور آٹھویں ٹیم سیالکوٹ 185 کروڑ روپے میں نیلام ہوگئی ہیں،ملتان سلطانز کے سابقہ مالک علی ترین کی نیلامی سے دست برداری کے بعد اب 9 پارٹیوں کے درمیان مقابلہ ہوا-

جمعرات کو پاکستان سپر لیگ میں 2 نئی ٹیموں کی شمولیت کے لیے نیلامی کا عمل جناح کنونشن سینٹر اسلام آباد میں ہوا، تقریب میں پاکستان کرکٹ بورڈ (پی سی بی) کے چیئرمین محسن نقوی اور وفاقی وزرا سمیت بڑی تعداد میں کھلاڑیوں اور حکام شریک ہیں،تقریب کے آغاز میں نیلامی میں حصہ لینے والے 10 بڈرز اور 6 ممکنہ شہروں کا تعارف کرایا گیا، اس کے بعد چیئرمین پی سی بی محسن نقوی نے گھنٹی بجا کر نیلامی کھلنے کا باضابطہ اعلان کیا جب کہ وسیم اکرم نے آکشنر کی ذمہ داریاں سنبھالیں۔

پاکستان سپر لیگ کی ساتویں ٹیم کی نیلامی میں بیس پرائز 110 کروڑ روپے رکھا گیا تھا، جس پر کم ازکم ایک کروڑ روپے کے اضافے کی شرط رکھی گئی تھی، ساتو یں ٹیم کی نیلامی 110 کروڑ روپے سے شروع ہوئی، نیلامی کے عمل کے دوران ایف کے ایس اور آئی ٹو سی گروپس کے درمیان سنسنی خیز مقابلہ دیکھنے میں آیا،ابتدائی نیلامی کے بعد ایف کے ایس گروپ نے 175 کروڑ روپے کی بولی لگا کر پی ایس ایل کی ساتویں ٹیم خرید لی اور اس فرنچائز کا نام حیدرآباد منتخب کرلیا۔

پی ایس ایل کی آٹھویں ٹیم کے لیے 170 کروڑ بیس پرائز رکھی گئی، آئی ٹو سی گروپ نے 172 کروڑ روپے کی آفر کی، جس کے جواب میں ایم نیکسٹ گروپ نے 173 کروڑ روپے کی پیش کش کردی تاہم آئی ٹو سی نے اس کے بعد وقفہ لیا،ایم نیکسٹ نے وقفے کے بعد 176 کروڑ کی بولی لگا دی او زیڈ ڈیولپرز نے 178 کروڑ کی پیشکش کردی۔

نیلامی کی تقریب میں پاکستان شاہین اور ہانک کانگ سکسز کی ٹیمیں بھی شامل ہوئیں جنہیں حالیہ ٹورنمنٹس میں کامیابیوں پر انعامات سے نوازا گیا ہے، چیئرمین پی سی بی محسن نقوی نے رائزنگ اسٹار ایشیا کپ جیتنے والی ٹیم کو 9 کروڑ روپے کی انعامی رقم دی، اس کے علاوہ ہانگ کانگ سکسز جیتنے والی ٹیم کو ایک کروڑ 85 لاکھ روپے انعام سے نواز گیا۔

پاکستان سپر لیگ (psl) کی دو نئی فرنچائزز کے لیے بولی کے عمل میں ایک اہم پیش رفت ہوئی ہے-

تفصیلات کے مطابق پی ایس ایل ٹیمز آکشن کے لیے اہل قرار دیے گئے دس بولی دہندگان میں انویریکس سولر انرجی کا نام سرفہرست ہے، جو کمپنی کے مضبوط وژن، سرمایہ کاری کے اعتماد اور اسٹریٹجک منصوبہ بندی کا واضح ثبوت ہے،اہل فہرست میں سب سے پہلے شامل ہونا اس بات کی عکاسی کرتا ہے کہ انویریکس مستقبل کے بڑے منصوبوں کے لیے مکمل طور پر تیار اور پُرعزم ہے۔ دوسرے نمبر پر اوز گروپ نے بولی لگائی ہے-

انویریکس سولر انرجی جدید ٹیکنالوجی، پائیدار توانائی اور مضبوط قیادت کے امتزاج کے ساتھ نہ صرف توانائی کے شعبے بلکہ کھیلوں کے میدان میں بھی نمایاں کردار ادا کرنے کے عزم کا اظہار کر رہی ہے،کمپنی کا ماننا ہے کہ کرکٹ جیسے مقبول کھیل کے ذریعے مثبت قومی تشخص اور ترقیاتی پیغام کو مؤثر انداز میں فروغ دیا جا سکتا ہے۔

اس موقع پر انویریکس سولر انرجی کے چیف ایگزیکٹو آفیسر محمد ذاکر علی نے کہا کہ ہمیں کرکٹ اور اس کے شائقین پر مکمل یقین ہے۔ ہمارا وژن بہت سادہ مگر طاقتور ہے’’ پاکستان کو انرجائز کرنا، چاہے وہ میدان کے اندر ہو یا میدان کے باہر،انویریکس سولر انرجی اس وطن کی ترقی اور خوشحالی کے لیے ہر ممکن قدم اٹھا نے کو تیار ہے،’’اس ملک کے لیے جسے ہم فخر سے پاکستان کہتے ہیں۔‘‘

واضح رہے کہ پاکستان سپر لیگ کی دو نئی ٹیموں کے لیے نیلامی کی تقریب 8 جنوری کو اسلام آباد میں منعقد کی جائے گی، جہاں حتمی فیصلے متوقع ہیں اور پی ایس ایل کے دائرۂ کار میں ایک نئے اور دلچسپ مرحلے کا آغاز ہوگا۔

پاکستان کرکٹ بورڈ (پی سی بی) کی جانب سے ملتان سلطانز کے انتظامی اور کرکٹ معاملات پاکستان وائٹ بال کرکٹ ٹیم کے ہیڈ کوچ مائیک ہیسن کو سونپنے کا امکان ہے۔

ذرائع کے مطابق پی سی بی اس حوالے سے سنجیدگی کیساتھ غور کر رہا ہے ابتدائی مشاورت مکمل ہو چکی ہے اور معاملات طے پانے کے بعد اس حوالے سے باضابطہ اعلان جلد متوقع ہےملتان سلطانز کے مالک علی ترین کی جانب سے پاکستان سپر لیگ (پی ایس ایل) کی فرنچائز سے علیحدگی کے بعد رواں برس پی سی بی خود ملتان سلطانز کے معاملات کی نگرانی کرے گا۔

ذرائع کا کہنا ہے کہ ایک عبوری یا نئی انتظامیہ تشکیل دینے پر غور کیا جا رہا ہے، جس میں مائیک ہیسن کو کلیدی کردار دیے جانے کا امکان ہے 8 جنوری کو اسلام آباد میں پی ایس ایل کی دو نئی ٹیموں کی نیلامی سے قبل یہ اعلان بھی کیا جا سکتا ہے کہ ملتان سلطانز کے معاملات آئندہ کون سنبھالے گا۔

وزیراعظم اور وزیر اعلیٰ سندھ کی تیمور ویپن سسٹم کے کامیاب تجربے پر مبارکباد

پی سی بی چاہتا ہے کہ نیلامی سے پہلے فرنچائز سے متعلق غیر یقینی صورتحال کو ختم کیا جائے تاکہ لیگ کے انتظامی ڈھانچے پر کسی قسم کا سوال نہ اٹھے نئی انتظامیہ کے آنے کی صورت میں ملتان سلطانز کے موجودہ کپتان محمد رضوان کی کپتانی برقرار رہنے کے امکانات کم دکھائی دے رہے ہیں، امکان ظاہر کیا جا رہا ہے کہ ٹیم کی قیادت میں تبدیلی کی جا سکتی ہے، تاہم اس حوالے سے حتمی فیصلہ تاحا ل نہیں کیا گیا۔

دوسری جانب ذرائع کے مطابق پاکستان کرکٹ کے لیجنڈ اور سابق کپتان وسیم اکرم اسلام آباد پہنچ رہے ہیں، جہاں وہ پاکستان سپر لیگ کے برانڈ ایمبیسڈر کے طور پر اپنا معاہدہ سائن کریں گے پی سی بی کی جانب سے وسیم اکرم کو پی ایس ایل کے تشہیری اور سفارتی کردار میں مزید فعال بنانے کا ارادہ ہے۔

سہیل آفریدی کو گرفتار کر کے پیش کرنے کا حکم

واضح رہے کہ پی سی بی حالیہ دنوں میں پی ایس ایل کے ڈھانچے کو مزید مستحکم کرنے اور فرنچائزز سے متعلق انتظامی معاملات کو شفاف بنانے کے لیے سرگرم دکھائی دیتا ہے۔

پاکستان کرکٹ بورڈ کے چیئرمین محسن نقوی نے کہا ہے کہ پاکستان سپر لیگ کے اختتام کے بعد ملتان سلطانز کی نیلامی کی جائے گی تاکہ فرنچائز کے مستقبل سے متعلق معاملات کو حتمی شکل دی جا سکے۔

محسن نقوی نے کہا کہ رواں سال ملتان سلطانز کو پی سی بی خود آپریٹ کرے گا جبکہ فرنچائز کے ہیڈ کے نام کا اعلان آئندہ 8 سے 10 دن میں کر دیا جائے گاپاکستان سپر لیگ کے اختتام کے بعد ملتان سلطانز کی نیلامی کی جائے گی تاکہ فرنچائز کے مستقبل سے متعلق معاملات کو حتمی شکل دی جا سکے۔

یکم جنوری سے اسلام آباد میں بغیر ایم ٹیگ گاڑیوں کے داخلے پر پابندی ،محسن نقوی

محسن نقوی کے مطابق پی ایس ایل میں دو نئی ٹیموں کی شمولیت کیلئے 10 پارٹیوں نے بڈنگ کے مرحلے کیلئے کوالیفائی کر لیا ہے جبکہ 8 جنوری کو دو نئی ٹیموں کو فروخت کیا جائے گاعلی ترین اگر چاہیں تو پی ایس ایل کی نئی ٹیم خرید سکتے ہیں چیئرمین پی سی بی نے واضح کیا کہ جب نئی ٹیموں کے مالکان سامنے آ جائیں گے تب لیگ کی تاریخ کا حتمی فیصلہ کیا جائے گا۔

محسن نقوی نے کہاکہ جنوری پی سی بی کے لیے اہم مہینہ ہے، اور توقع ہے کہ ٹیمیں اچھی فروخت ہوں گی، نیوز چینلز سے درخواست کریں گے کہ وہ اس کھیل کے ایونٹس کی مکمل کوریج کریں۔ پاکستان کرکٹ اکیڈمی کو ریجن کی بہترین اکیڈمی بنانے کا ہدف ہے اور پاکستان شاہینز کو بھی مضبوط بنایا جائے گا،ریڈ بال ٹیم کے کوچ کا فیصلہ ابھی باقی ہے اور ٹیم اس پر کام کر رہی ہے۔

انہوں نے اعلان کیا کہ سابق کپتان وسیم اکرم کو پاکستان سپر لیگ کا برانڈ ایمبیسیڈر مقرر کیا گیا ہے جو لیگ کیلئے فعال کردار ادا کریں گے،پی ایس ایل کو 26 مارچ کے بجائے 23 مارچ سے شروع کرنے کی تجویز ہے، اور تمام فرنچائزز کی رضامندی کی صورت میں یہی تاریخ فائنل کی جائے گی۔

کابل، طالبان انٹیلی جنس چیف کے معاون دھماکے میں ہلاک

چیئرمین پی سی بی نے بتایا کہ انڈر 19 اور شاہینز ٹیم پر خصوصی توجہ دی جا رہی ہے تاکہ نوجوان کھلاڑیوں کو مستقبل کی بین الاقوامی کرکٹ کیلئے تیار کیا جا سکے کھلاڑیوں کے میڈیکل معاملات کیلئے بیرون ملک سے ڈاکٹر بلائے گئے ہیں، جبکہ انڈر 19 کرکٹرز کو پی سی بی خود سپورٹ کرے گا اور انہیں وظیفہ بھی دیا جائے گا۔

محسن نقوی نے بھارت کے ساتھ ہونے والے کسی بھی مقابلے سے متعلق واضح کیا کہ سب کچھ برابری کی سطح پر ہوگااگر بھارتی ٹیم ہاتھ ملانے سے گریز کرتی ہے تو پاکستان کی طرف سے بھی اس میں کوئی دلچسپی نہیں،ھارتی انڈر 19 ٹیم کے رویے پر آئی سی سی سے رابطہ کیا جائے گا اور اس حوالے سے آئی سی سی کو خط لکھا جا رہا ہے۔