Baaghi TV

Tag: پی ایس ایل

  • پی ایس ایل پلیئرز ڈرافٹ کا وینیو تبدیل کیےجانے کا امکان

    پی ایس ایل پلیئرز ڈرافٹ کا وینیو تبدیل کیےجانے کا امکان

    پی ایس ایل پلیئرز ڈرافٹ کا وینیو تبدیل کیے جانے کا امکان ہے۔

    باغی ٹی وی کے مطابق پاکستان سپر لیگ کی مینجمنٹ آج اسٹیک ہولڈرز سے حتمی مشاورت کرے گی، پی ایس ایل پلیئرز ڈرافٹ کا انعقاد لاہور میں کرانے کا متبادل پلان ہے۔ذرائع کا کہنا ہے کہ لوجسٹکس وجوہات کی بناء پر گوادر میں تقریب کے انعقاد میں مشکلات کا سامنا ہے، چند فرنچائزرزنے بھی گوادر میں ڈرافٹنگ کی تقریب پر تحفظات کا اظہارکیا ہے۔اس حوالے سے ذرائع کا بتانا ہے کہ پی ایس ایل ڈرافٹنگ تقریب بادشاہی مسجد یا شاہی قلعہ میں کرائی جاسکتی ہے،لاہور میں بارہ دری کا وینیو بھی پلیئرز ڈرافٹ کیلئے زیر غورہے. واضح رہے کہ پی ایس ایل ڈرافٹنگ کی تقریب 11 جنوری کو گوادر میں شیڈول تھی۔

    سعید غنی نے 2025ء میں عمران خان کی رہائی کا دعویٰ کر دیا

    سیالکوٹ: کاشتکاروں کے لیے 3 روزہ تربیتی پروگرام کا انعقاد

  • پی ایس ایل: کھلاڑیوں کے انتخاب کیلئے ڈرافٹ پک آرڈر کا اعلان

    پی ایس ایل: کھلاڑیوں کے انتخاب کیلئے ڈرافٹ پک آرڈر کا اعلان

    گوادر میں ہونے والی ایچ بی ایل پاکستان سپر لیگ (پی ایس ایل) کے 10ویں ایڈیشن کی ڈرافٹنگ کے لیے پلیئرز ڈرافٹ کا پک آرڈر جاری کردیا گیا۔

    باغی ٹی وی کے مطابق ایونٹ میں شریک تمام 6 ٹیمیں پلیٹینم، ڈائمنڈ اور گولڈ کیٹیگریز میں تین، تین دفعہ کھلاڑیوں کا انتخاب گی۔11 جنوری 2024 کو گوادر میں ہونے والی پلیئرز ڈرافٹ تقریب میں دو دفعہ ایونٹ کا ٹائٹل اپنے نام کرنے والی لاہور قلندرز سب سے پہلے کھلاڑی کا انتخاب کرے گی۔اسی طرح دوسری باری کراچی کنگز، تیسری کوئٹہ گلیڈی ایٹرز اور چوتھی باری پشاور زلمی کی ہوگی، گزشتہ سیزن میں فائنل کھیلنے والی ٹیم ملتان سلطانز پانچویں اور دفاعی چیمپئن اسلام آباد یونائیٹڈ چھٹے نمبر پر اپنے کھلاڑی چنے گی۔پلاٹینم کیٹیگری کے دوسرے راؤنڈ کے لیے اسلام آباد یونائیٹد پہلے جبکہ لاہور قلندرز آخر نمبر پر اپنے کھلاڑی کا انتخاب کرے گی۔گزشتہ روز پاکستان کرکٹ بورڈ (پی سی بی) نے شائقین کے لیے ایونٹ سے قبل شائقین کے لیے فینز چوائس ایوارڈز متعارف کرانے کا اعلان کیا تھا۔مذکورہ ایواڈ کے لیے فینز اپنے ووٹ کے ذریعے گزشتہ ایڈیشنز میں بہترین پرفارمنس والے کھلاڑیوں کا انتخاب کریں گے۔فینز چوائس ایوارڈ کے لیے 6 کیٹگریز بنائی گئی ہیں جن میں بہترین بیٹر، بہترین باؤلر، بہترین آل راؤنڈر، سب سے قیمتی کھلاڑی، بہترین انفرادی باؤلنگ پرفارمنس اور بہترین انفرادی بیٹنگ پرفارمنس شامل ہیں۔

  • گوادر میں پی ایس ایل 10 کے پلیئر ڈرافٹ کی میزبانی کا اعلان

    گوادر میں پی ایس ایل 10 کے پلیئر ڈرافٹ کی میزبانی کا اعلان

    گوادر پاکستان سپر لیگ پلیئر ڈرافٹ کی میزبانی کرے گا.

    گوادر میں ایچ بی ایل پی ایس ایل پلیئر ڈرافٹ کی میزبانی کا مقصد شہر کی ثقافتی اور اقتصادی اہمیت کو اجاگر کرنا ہے۔ یہ اقدام ایچ بی ایل پی ایس ایل کی رسائی کو پاکستان کے کونے کونے تک پھیلانے اور پاکستان کی خوبصورتی کو دنیا کے سامنے دکھانے کے ہمارے عزم کی عکاسی کرتا ہے۔پی سی بی نے تمام چھ فرنچائزز کے لیے ٹریڈ ونڈو کے ساتھ ایچ بی ایل پی ایس ایل کے 10ویں ایڈیشن کے لیے غیر ملکی کھلاڑیوں کے لیے رجسٹریشن ونڈو کھول دی تھی۔ کھلاڑیوں کی ریلیگیشن اور ریٹینشن کا اعلان دسمبر کے آخر میں کیا جائے گا۔

    پاکستان کرکٹ بورڈ نے آج اعلان کیا ہے کہ بلوچستان کے ساحلی شہر گوادر کو 10ویں ایڈیشن کی ایچ بی ایل پاکستان سپر لیگ (پی ایس ایل) کے پلیئر ڈرافٹ کی میزبانی دی جائے گی۔ یہ تقریب لیگ کے آغاز کی علامت ہوگی اور 11 جنوری 2025 کو ہوگی۔ تقریب کے آغاز کا وقت بعد میں اعلان کیا جائے گا۔گوادر کو پلیئر ڈرافٹ کے لیے منتخب کرنے کا فیصلہ اس لیے کیا گیا ہے تاکہ اس علاقے میں کرکٹ کے کھیل کو مزید فروغ دیا جا سکے اور نوجوان نسل کو کرکٹ کو پیشہ ورانہ کھیل کے طور پر اپنانے کی ترغیب دی جا سکے۔

    پی سی بی کے چیئرمین، محسن نقوی کا کہنا ہے کہ "گوادر، اپنی خوبصورت ساحلی پٹی اور اسٹریٹجک اہمیت کے ساتھ پاکستان کے اقتصادی مستقبل کا دل ہے۔ ایچ بی ایل پی ایس ایل پلیئر ڈرافٹ یہاں منعقد کر کے ہم اس کی ثقافتی اور اقتصادی اہمیت کو اجاگر کرنا چاہتے ہیں، ساتھ ہی کرکٹ کے ذریعے ہماری قوم میں اتحاد کو جشن منانا چاہتے ہیں۔””میں 11 جنوری کو گوادر کی خوبصورت شہر میں تمام فرنچائزز اور متعلقہ اسٹیک ہولڈرز کا خیرمقدم کرنے کے منتظر ہوں، جب ہم پاکستان کے سب سے بڑے کھیل کے ایونٹ کے آغاز کے لیے ایک دلچسپ قدم اٹھائیں گے۔”

    ایچ بی ایل پی ایس ایل کے چیف ایگزیکٹو آفیسر، سلمان نصیر کاکہنا ہے کہ "گوادر کو ایچ بی ایل پی ایس ایل پلیئر ڈرافٹ کی میزبانی کے لیے منتخب کرنے پر مجھے انتہائی فخر محسوس ہو رہا ہے۔ یہ اقدام ہماری اس عزم کی عکاسی کرتا ہے کہ ہم ایچ بی ایل پی ایس ایل کو پاکستان کے ہر کونے تک پہنچانے اور پاکستان کی خوبصورتی کو دنیا بھر میں دکھانے کے لیے کام کر رہے ہیں۔””ایچ بی ایل پی ایس ایل صرف ایک کرکٹ لیگ نہیں ہے، یہ پاکستان کے جوش، تنوع اور ٹیلنٹ کا جشن ہے۔ گوادر میں پلیئر ڈرافٹ کا انعقاد بلوچستان اور پورے ملک کے نوجوان کرکٹرز کو بڑے خواب دیکھنے کی ترغیب دے گا۔”

    گوادر میں پلیئر ڈرافٹ کا انعقاد نہ صرف اس شہر کی اہمیت کو اجاگر کرے گا، بلکہ پورے پاکستان میں کرکٹ کے فروغ کے لیے ایک نیا سنگ میل ثابت ہو گا۔

    پاکستانی میزائل پروگرام سے امریکہ بھی محفوظ نہیں، نائب مشیر قومی سلامتی امریکہ

    خالد سومرو قتل کیس،فیصلہ آ گیا،ملزمان کو عمر قید کی سزا

  • پی ایس ایل کے لیے مقامی کھلاڑیوں کی کیٹیگریز کی تجدید

    پی ایس ایل کے لیے مقامی کھلاڑیوں کی کیٹیگریز کی تجدید

    پاکستان سپر لیگ کے مقامی کھلاڑیوں کی کیٹیگریز کی تجدید کردی گئی جن میں 13 کھلاڑی پلاٹینم کیٹیگری کا حصہ ہیں۔

    باغی ٹی وی کے مطابق پاکستان کرکٹ بورڈ (پی سی بی) نے آج پاکستان سپر لیگ کے 10ویں ایڈیشن کے لیے 87 مقامی کھلاڑیوں کیٹیگری تجدید کردی ہے۔غیر ملکی کھلاڑیوں کی رجسٹریشن 12 دسمبر کو شروع ہوچکی ہے جبکہ پی ایس ایل کے پلیئرز کا ڈرافٹ 11 جنوری کو شیڈول ہے۔تین ٹیسٹ کرکٹرز حسن علی، محمد عامر اور صائم ایوب کے ساتھ اسامہ میر کو ڈائمنڈ کیٹیگری سے پلاٹینم کیٹیگری میں ترقی دے دی گئی ہے۔عماد وسیم، نسیم شاہ، شاداب خان، فخر زمان، حارث رؤف، شاہین شاہ آفریدی، افتخار احمد، محمد رضوان اور بابر اعظم کو پلاٹینم کیٹیگری میں برقرار رکھا گیا ہے۔ڈائمنڈ کیٹیگری میں کل 16 کھلاڑی شامل ہیں جن میں کوئٹہ گلیڈی ایٹرز اور ملتان سلطانز کے چار، چار کھلاڑی شامل ہیں۔ کراچی کنگز کے تین کھلاڑی، اسلام آباد یونائیٹڈ اور پشاور زلمی کے دو، دو اور لاہور قلندرز کا ایک کھلاڑی اس کیٹیگری میں شامل ہے۔30 کھلاڑی گولڈ کیٹیگری کا حصہ ہیں جن میں پشاور زلمی کے 7 کھلاڑی شامل ہیں۔ کراچی کنگز، لاہور قلندرز اور کوئٹہ گلیڈی ایٹرز کے پانچ پانچ کھلاڑی ہیں جبکہ گولڈ کیٹیگری میں اسلام آباد یونائیٹڈ اور ملتان سلطانز کے چار چار کھلاڑی ہیں۔سلور کیٹیگری میں شامل 16 کھلاڑیوں میں سے 4 گلیڈی ایٹرز اور لاہور قلندرز کے ہیں جبکہ پشاور زلمی کے 3 کھلاڑی اس کیٹیگری میں شامل ہیں۔ کنگز اور سلطانز کے پاس سلور کیٹیگری میں دو دو کھلاڑی ہیں جبکہ یونائیٹڈ کے پاس سلور کیٹیگری کا ایک کھلاڑی ہے۔ایمرجنگ کیٹیگری میں منتخب کیے گئے 12 کھلاڑیوں میں سے تین، تین کھلاڑی اسلام آباد یونائیٹڈ اور پشاور زلمی کا حصہ ہیں۔ کراچی کنگز اور ملتان سلطانز کے دو دو کھلاڑی ہیں جبکہ کوئٹہ گلیڈی ایٹرز اور لاہور قلندرز کا ایک ایک کھلاڑی ہے۔اس سے قبل جمعرات 12 دسمبر کو پی سی بی نے تمام 6 فرنچائزز کےلیے ٹریڈ ونڈو کے ساتھ پی ایس ایل کے 10ویں ایڈیشن کےلیے غیر ملکی کھلاڑیوں کے لیے رجسٹریشن ونڈو کھول دی تھی۔ کھلاڑیوں کی ریلیگیشن اور ریٹینشن کا اعلان دسمبر کے آخر میں کیا جائے گا۔ایچ بی ایل پی ایس ایل پلیئرز کا ڈرافٹ 11 جنوری 2025 بروز ہفتہ کو ہونا ہے۔ ڈرافٹ کے مقام اور وقت کا اعلان مقررہ وقت پر کیا جائے گا۔

    اسلام آباد یونائیٹڈ
    عماد وسیم، نسیم شاہ، شاداب خان پلاٹینم کیٹیگری میں شامل ہیں۔ اعظم خان، سلمان علی آغا ڈائمنڈ جبکہ فہیم اشرف، حیدر علی، قاسم اکرم، رومان رئیس گولڈ کیٹیگری میں ہیں۔ شہاب خان سلور جبکہ حنین شاہ، شامل حسین اور عبید شاہ ایمرجنگ کیٹیگری میں ہیں۔

    کراچی کنگز
    حسن علی پلاٹینم میں ہیں جبکہ محمد نواز، شان مسعود، شعیب ملک ڈائمنڈ کیٹیگری میں ہیں۔ عرفات منہاس، انور علی خان، میر حمزہ، زاہد محمود، عرفان خان نیازی گولڈ کیٹیگری کا حصہ ہیں۔ محمد عامر خان، محمد اخلاق سلور جبکہ ایمرجنگ کیٹیگری میں سعد بیگ اور سراج الدین شامل ہیں۔

    لاہور قلندرز
    فخر زمان، حارث رؤف، شاہین شاہ آفریدی پلاٹینم، عبداللّٰہ شفیق ڈائمنڈ کیٹیگری جبکہ صاحبزادہ فرحان، زمان خان، مرزا طاہر بیگ، کامران غلام، جہانداد خان گولڈ کیٹیگری، احسن حفیظ بھٹی، محمد عمران جونیئر، سلمان فیاض، سید فریدون محمود سلور کیٹیگری جبکہ طیب عباس ایمرجنگ کا حصہ ہیں۔

    ملتان سلطانز
    افتخار احمد، محمد رضوان، اسامہ میر پلاٹینم کیٹیگری، محمد عباس آفریدی، خوشدل شاہ، محمد علی، عثمان خان ڈائمنڈ کیٹیگری، احسان اللّٰہ، طیب طاہر، شاہنواز دھانی، فیصل اکرم گولڈ کیٹیگری، علی ماجد، یاسر خان سلور کیٹیگری جبکہ آفتاب ابراہیم، محمد شہزاد ایمرجنگ میں شامل ہیں۔

    پشاور زلمی
    بابر اعظم اور صائم ایوب پلاٹینم، عامر جمال اور محمد حارث ڈائمنڈ، آصف علی، سلمان ارشاد، حسین طلعت، سفیان مقیم گولڈ، عارف یعقوب، مہران ممتاز، عمیر آفریدی سلور جبکہ ایمل خان، علی رضا، محمد ذیشان ایمرجنگ کیٹیگری میں موجود ہیں۔

    کوئٹہ گلیڈی ایٹرز
    محمد عامر پلاٹینم جبکہ ابرار احمد، سرفراز احمد، سعود شکیل، محمد حسنین ڈائمنڈ کیٹیگری، محمد وسیم جونیئر، عثمان قادر، عمیر بن یوسف، سہیل خان، عمر امین گولڈ، سجاد علی جونیئر، عثمان طارق، بسم اللّٰہ خان، خواجہ محمد نافع سلور جبکہ عادل ناز ایمرجنگ میں شامل ہیں۔

    چنئی ائیرپورٹ سے ایئر انڈیا کا ملازم سونا اسمگل کرتے ہوئے پکڑا گیا

  • پی ایس ایل ٹیموں کے مالکان عمران خان کو فنڈنگ کرتے تھے، سابق رکن پی ٹی آئی

    پی ایس ایل ٹیموں کے مالکان عمران خان کو فنڈنگ کرتے تھے، سابق رکن پی ٹی آئی

    پاکستان تحریک انصاف ے سابق رہنما جاوید بدر نے پارٹی کے بانی اور سابق وزیراعظم عمران خان پر سنگین الزامات عائد کردیے۔

    باغی ٹی وی کی رپورٹ کے مطابق جاوید بدر نے مطالبہ کیا کہ کرکٹ بورڈ کا مالی ریکارڈ فوری ضبط کیا جائے اور الزام لگایا کہ پاکستان سپر لیگ میں شامل ٹیموں کے مالکان بانی پی ٹی آئی کو فنڈنگ کرتے تھے۔پی ٹی آئی کے سابق میڈیا کوآڈینیٹر جاوید بدر نے الزام لگایا کہ بانی پی ٹی آئی اور سابق وزیر اعظم عمران خان نے ایف آئی اے اور اُن پر کیس بند کرنے کے لیے دباؤ ڈالا تھا۔ پی ٹی آئی کے سابق رہنما جاوید بدر نے پارٹی کے دور میں پاکستان کرکٹ بورڈ (پی سی بی) میں کرپشن کیس کی پیروی دوبارہ شروع کرتے ہوئے بورڈ اور پاکستان سپر لیگ (پی ایس ایل) میں اربوں روپے کی کرپشن کے خلاف وفاقی تحقیقاتی ادارے (ایف آئی اے) کے ڈائریکٹر جنرل (ڈی جی) کو درخواست بھیج دی۔انہوں نے دعویٰ کیا کہ تحریک انصاف کے دور حکومت میں کی جانے والی مالی بے ضابطگیوں کے ثبوت ایف آئی اے کو دے دیے ہیں۔

    لاہور ہائیکورٹ کی 25 آسامیوں کیلئے 47نام جوڈیشل کمیشن کو ارسال

    ڈاکٹر عافیہ کی رہائی ،انسانی حقوق تنظیموں کا امریکی جیل کے باہر بڑامظاہرہ

    پریانکا گاندھی نے مودی کی تقریر کو ریاضی کا پریڈ قرار دے دیا

    پاک سعودی ٹاسک فورس کو جلد فعال کرنے کا فیصلہ

  • پاکستان سپر لیگ کے لیے غیر ملکی کھلاڑیوں کی رجسٹریشن کا عمل شروع

    پاکستان سپر لیگ کے لیے غیر ملکی کھلاڑیوں کی رجسٹریشن کا عمل شروع

    لاہور: ایچ بی ایل پاکستان سپر لیگ کے 10ویں ایڈیشن کے لیے غیر ملکی کھلاڑیوں کی رجسٹریشن کا عمل شروع ہوگیا۔

    باغی ٹی و ی: پی ایس ایل کے 10ویں ایڈیشن کے لیے غیر ملکی کھلاڑیوں کی رجسٹریشن ونڈو کے ساتھ ساتھ ٹریڈ ونڈو کھل گئی ہے، کھلاڑیوں کی کیٹیگری کا اعلان 17 دسمبر کو کیا جائے گا کھلاڑیوں کی ریلیگیشن اور ریٹینشن کا عمل رواں ماہ کیا جائے گا، پی ایس ایل پلیئرز کا ڈرافٹ 11 جنوری 2025 کو ہونا ہے، ڈرافٹ کے مقام اور وقت کا اعلان مقررہ وقت پر کیا جائےگا۔

    ایچ بی ایل پی ایس ایل کے چیف ایگزیکٹو آفیسر سلمان نصیر کا کہنا ہےکہ ہم غیر ملکی کھلاڑیوں کےساتھ ساتھ ٹریڈ ونڈو کے لیے رجسٹریشن کے عمل کو کھولنے کا اعلان کرتے ہوئے بہت خوش ہیں، یہ ایچ بی ایل پاکستان سپر لیگ کے 10ویں ایڈیشن کی تیاریوں کا ایک دلچسپ آغاز ہے۔

    چیف ایگزیکٹو آفیسر سلمان نصیر نے کہا کہ پی ایس ایل ایک ایسا برانڈ ہے جس پر ہم سب کو فخر ہے 2016 میں اپنے قیام کے بعد سے اپنے فرنچائز مالکان، تجارتی شراکت داروں اور اسٹیک ہولڈرز کے ساتھ مل کر ہم نے ایک طویل اور کامیاب سفر کا آغاز کیا ہےتاریخی 10 واں سیزن سب کے لیے مزید جوش و خروش لانے کا وعدہ کرتا ہے اور ایچ بی ایل پی ایس ایل ٹیم شائقین کو بے مثال تجربات فراہم کرنے کے لیے انتھک محنت کرنے کے لیے پرعزم ہے۔

    واضح رہے کہ پاکستان سپر لیگ کا دسواں ایڈیشن 8 اپریل سے 19 مئی 2025 کے درمیان شیڈول ہے۔

  • پی سی بی سے دو استعفے آ گئے

    پی سی بی سے دو استعفے آ گئے

    پاکستان کرکٹ بورڈ سے دو استعفے سامنے آ گئے ہیں

    پاکستان کرکٹ بورڈ سے پی ایس ایل کے ڈائریکٹر صہیب شیخ نے استعفیٰ دیا ہے،پاکستان ویمن ونگ کی سربراہ تانیہ ملک بھی مستعفیٰ ہو گئی ہیں،دونوں نے استعفیٰ کیوں دیا، وجوہات سامنے نہیں آ سکیں، پی سی بی سے دو استعفوں کے بعد نئی تقرریوں کا امکان ہے، پی سی بی سے دو استعفوں کی خبرپی ایس ایل کے شائقین اور کرکٹ کے حلقوں میں تیزی سے پھیلی ہے اور اب سب کی نظر نئی تقرری پر ہے۔

    صہیب شیخ کو ستمبر 2023 میں پی ایس ایل کا ڈائریکٹر مقرر کیا گیا تھا،صہیب شیخ کو 2019 میں پی سی بی کے سینئر جنرل منیجر مارکیٹنگ کا عہدہ چھوڑنا پڑا تھا، وہ پی ایس ایل میں نجم سیٹھی کی ٹیم کا اہم حصہ بھی رہ چکے ہیں،

  • کوشش ہے اس بار پی ایس ایل کا ایک میچ پشاور میں کرائیں : فیصل کریم کنڈی

    کوشش ہے اس بار پی ایس ایل کا ایک میچ پشاور میں کرائیں : فیصل کریم کنڈی

    گورنر خیبر پختونخوا فیصل کریم کنڈی نے کہا ہے کہ کوشش ہے کہ اس بار پاکستان سپر لیگ کا ایک میچ پشاور میں بھی کرائیں۔

    باغی ٹی وی کی رپورٹ کے مطابق گورنر خیبر پختونخوا فیصل کریم کنڈی نے کراچی میں میڈیا سے گفتگو کرتے ہوئے کہا ہے کہ جب بھی ہمارے صوبے کا نام آتا ہے لوگ دہشتگری کی بات کرتے ہیں۔ کوشش ہے کہ اس بار پی ایس ایل کا ایک میچ پشاور میں بھی کرائیں۔گورنر خیبر پختونخوا نے کے پی ٹی اسٹیڈیم میں پاکستان اولمپکس ایسوسی ایشن کے سربراہ کے ہمراہ شجر کاری مہم کے لیے پودا لگایا اور نیشنل مینز سافٹ بال چیمپئن شپ کا میچ بھی دیکھا۔ فیصل کریم کنڈی نے کہا کہ سیاست الیکشن میں کریں گے لیکن قیام امن اور مثبت سرگرمیوں کے فروغ کے لیے سب کو مل کر کام کرنا ہوگا۔واضح رہے کہ پاکستان سپر لیگ دنیا کی مقبول ترین کرکٹ لیگ میں سے ایک ہے جس میں دنیا بھر سے شہرت یافتہ کرکٹرز کھیلتے اور لیگ میں اپنی صلاحیتوں کے جوہر دکھانے کے خواہشمند رہتے ہیں۔پی ایس ایل کا سفر 9 سال سے کامیابی سے جاری ہے اور ہر گزرتے ایڈیشن کے ساتھ اس کی مقبولیت میں مزید اضافہ ہو رہا ہے۔ 2025ء میں اس کا دسواں ایڈیشن کھیلا جائے گا۔ پی ایس ایل میں 6 ٹیمیں کراچی کنگز، پشاور زلمی، اسلام آباد یونائیٹڈ، لاہور قلندرز، ملتان سلطانز اور کوئٹہ گلیڈیئٹرز حصہ لیتی ہیں جب کہ 2026ء میں 11 ویں ایڈیشن سے اس میں مزید دو ٹیموں کے اضافے کا امکان ہے۔

    عمران خان اسرائیل ایجنٹ نہیں بلکہ اسرائیلی حکومت کا حصہ ہے، شرجیل میمن

    ڈاکٹر شاہنواز قتل: آئی جی سندھ کی انکوائری کمیٹی کے اہم انکشافات

    ٌسندھ فوڈ اتھارٹی کی بڑی کاروائی، 10 ہزار کلو گرام غیر معیاری مصالحہ برآمد

  • پی سی بی کی پی ایس ایل کے چار پلے آف نیوٹرل وینیو پر منعقد کرنے کی تجویز

    پی سی بی کی پی ایس ایل کے چار پلے آف نیوٹرل وینیو پر منعقد کرنے کی تجویز

    لاہور:ایچ بی ایل پی ایس ایل کو مزید دلچسپ اور کامیاب بنانے کے لیے پی سی بی نے تجاویز دے دیں۔

    باغی ٹی وی : ایچ بی ایل پاکستان سپر لیگ کا جائزہ لینے کے لیے پی سی بی اور فرنچائز مالکان کا اجلاس ہوا، اجلاس میں پی ایس ایل 2024 کو کامیاب ایونٹ قرار دیا گیا، ایچ بی ایل پی ایس ایل کو مزید دلچسپ اور کامیاب بنانے کے لیے پی سی بی نے تجاویز دے دیں۔

    فرنچائز مالکان نے 17 فروری سے 18 مارچ 2024 تک منعقد ہونے والے ٹورنامنٹ کے شاندار انعقاد پر پی سی بی کو مبارکباد دی،ایچ بی ایل پاکستان سپر لیگ 2024 کی کچھ اہم باتیں یہ ہیں چھ ٹیموں میں سے چار نے اپنے ہوم وینیوز پر کم از کم پانچ میچ کھیلے،
    پہلی اننگز میں ٹیم کا اوسط اسکور 167 تھا، ٹورنامنٹ میں دوسو سے زائد کے 10 اسکور تھے فائنل سمیت آٹھ میچوں کا فیصلہ آخری گیند پر ہوا، میڈیا حقوق میں پچھلے میڈیا حقوق سائیکل کے مقابلے میں 45 فیصد اضافہ ہوا،لائیو اسٹریمنگ کے حقوق میں پچھلے رائٹس سائیکل کے مقابلے میں 113 فیصد اضافہ ہوا، بین الاقوامی میڈیا حقوق میں پچھلے حقوق کے مقابلے میں 41 فیصد اضافہ ہوا، 350 ملین سے زائد لائیو ناظرین تاریخ میں سب سے زیادہ تھے، ڈیجیٹل میڈیا میں1.5 بلین تک رسائی حاصل ہوئی جو غیرمعمولی بات ہے۔

    دریں اثناپاکستان کرکٹ بورڈ نے پاکستان سپر لیگ 2025 کے سلسلے میں گورننگ کونسل میں مزید بات چیت کے لیے مندرجہ ذیل تجویز پیش کی، آئی سی سی چیمپئنز ٹرافی 2025 کے پی ایس ایل کی روایتی ایونٹ ونڈو میں منعقد ہونے کی وجہ سے پی ایس ایل 2025 ایونٹ کے لیے ایونٹ ونڈو 7 اپریل 2025 سے 20 مئی 2025 تک ہو گی، کراچی، لاہور، ملتان، اور راولپنڈی پاکستان میں میچوں کی میزبانی کریں گے جس میں ہر ٹیم ہوم گراؤنڈ پر کم از کم پانچ میچ کھیلے گی، پی سی بی اضافی مقامات کی تلاش جاری رکھے گا۔

    چیمپئنز ٹرافی کی وجہ سے پی ایس ایل 2025 کو 7 اپریل سے 20 مئی تک منعقد کرنے کی تجویز دی گئی،ان تجاویز میں کراچی ملتان لاہور اور راولپنڈی میں میچز کاانعقاد شامل ہے، پی سی بی اضافی وینیوز تلاش کرے گاپی سی بی نے پی ایس ایل کے چار پلے آف نیوٹرل وینیو پر منعقد کرنے کی تجویز بھی پیش کردی، پی ایس ایل کو مزید کامیاب اور مقبول بنانے کے لیے زیادہ سے زیادہ شائقین کو اس میں شامل کرنے کی غرض سے ایونٹ کی پلیئنگ کنڈیشنز میں بھی تبدیلیاں لائی جائیں گی، اس مرتبہ ایچ بی ایل پی ایس ایل کے میڈیا رائٹس اور لائیو اسٹریمنگ میں اضافہ ہوا، ایچ بی ایل پی ایس ایل کو ایک کامیاب برانڈ کے طور پر دنیا کے سامنے پیش کیا جاچکا ہے۔

    پاکستان کرکٹ بورڈ نے پی ایس ایل کے لیے فرنچائزز کے کردار کی تعریف کی جن کی حمایت ۔ دلچسپی اور جذبے نے اس لیگ کی ساکھ کو اجاگر کرنے اور اسے ایک چیلنجنگ مسابقتی اور دلچسپ ایونٹ کے طور پر اپنی پہچان کرانے کے ضمن میں اہم کردار ادا کیا ہے۔

    چار پلے آف ایک غیر جانبدار وینیو پر منعقد کرنے کی تجویز ہے، ایچ بی ایل پی ایس ایل 2025 کو مزید ُپرجوش اور مسابقتی بنانے کے ساتھ ساتھ مداحوں کی تعداد کو شامل کرنے، اور انہیں بڑھانے کے مقصد سے ایونٹ کی پلیئنگ کنڈیشنز میں کچھ تبدیلیوں کا بھی جائزہ لیا گیا۔

    پی سی بی کے چیف آپریٹنگ آفیسر سلمان نصیر کا کہنا ہے "ہمیشہ کی طرح ایچ بی ایل پاکستان سپر لیگ 2025 کے لیے ونڈو پر فرنچائز مالکان کے ساتھ ہماری مفیدگفتگو ہوئی ہے۔ ُپرجوش فرنچائز مالکان نے پی سی بی کی تجویز کردہ ونڈو اور پلے آف کے مقامات کے بارے میں اپنی تجاویز اور آرا دیں، اس میٹنگ میں ہونے والے تبادلہ خیال کے بعد ایچ بی ایل پی ایس ایل کی موزوں ترین ونڈو کے سلسلے میں پاکستان کرکٹ بورڈ مزید ڈیٹا فرنچائز مالکان کے ساتھ شیئر کرے گا تاکہ وہ آپس میں بات چیت کر سکیں۔ زیادہ باخبر فیصلہ کر سکیں اور اپنے خیالات کا تبادلہ کرسکیں۔

    ہم پاکستان کے سب سے بڑے برانڈز میں سے ایک کے مستقبل کے لیے بروقت فیصلے کرنے کے لیے فرنچائزز کے ساتھ مل کر کام کرنے کے منتظر ہیں،اسلام آباد یونائیٹڈ کے مالک علی نقوی کا کہنا ہے میں فرنچائز مالکان کی جانب سے تمام اسٹیک ہولڈرز کا شکریہ ادا کرنا چاہتا ہوں اور ایچ بی ایل پی ایس ایل کو مزید بلندیوں تک لے جانے کے ان کے عزم کی تعریف کرنا چاہتا ہوں، ہمیں بات چیت جاری رکھنے اور اپنے آپشنز تلاش کرنے کی ضرورت ہے تاکہ ہم اجتماعی طور پر اپنے اہم مقاصد کو حاصل کر سکیں یہاں میں ایچ بی ایل پی ایس ایل کمشنر نائیلہ بھٹی کو ان کے رول ، وژن اور قیادت کے لیے مبارکباد اور شکریہ ادا کرنا چاہوں گا جنہوں نے لیگ کو درست سمت میں آگے بڑھنے میں مدد فراہم کی ہے۔

  • پی ایس ایل 9،فائنل جیتنے پر وزیراعظم کی اسلام آباد یونائیٹڈ کو مبارکباد

    پی ایس ایل 9،فائنل جیتنے پر وزیراعظم کی اسلام آباد یونائیٹڈ کو مبارکباد

    وزیراعظم شہباز شریف اور دیگر سیاسی رہنماؤں نے پی ایس ایل 9 جیتنے پر اسلام آباد یونائٹیڈ کو مبارکباد دی ہے

    وزیر اعظم محمد شہباز شریف نے نویں پاکستان سپر لیگ 2024 جیتنے پر اسلام آباد یونائیٹڈ کو مبارکباد دیتے ہوئے کہا کہ دونوں ٹیموں نے شاندار کھیل کا مظاہرہ کیا ،یہ کسی ایک ٹیم کی نہیں پاکستان کی جیت ہے، کرکٹ کا کھیل پوری قوم کو متحد کرتا ہے ،وزیراعظم شہباز شریف نے نویں پی ایس ایل کے کامیاب انعقاد پر پاکستان کرکٹ بورڈ, سیکیورٹی فورسز , انتظامیہ, دیگر تمام منتظمین اور شائقین کرکٹ کو خراج تحسین پیش کرتے ہوئے کہا کہ پوری سیریز میں شاندار مقابلے اور بہترین اسپورٹس مین اسپرٹ دیکھنے میں آئی ،پی ایس ایل میں شرکت کرنے والے بین الاقوامی کھلاڑیوں کے خصوصی طور پر ممنون ہیں ،پی ایس ایل نے نہ صرف کرکٹ شائقین کو بہترین تفریح مہیا کی ہے بلکہ گراس روٹ لیول سے ٹیلنٹ کی کھوج میں بھی اہم کردار ادا کیا ہے ،پی ایس ایل کی بدولت پاکستان میں بین الاقوامی کرکٹ کی بحالی میں مدد ملی ہے، حکومت ملک میں کرکٹ اور دیگر کھیلوں کے فروغ کے لئے ہر ممکن اقدامات اٹھانے کیلئے پرعزم ہے :

    وزیراعلیٰ بلوچستان میر سرفراز بگٹی، گورنر سندھ کامرا ن ٹیسوری، وزیراعلیٰ پنجاب مریم نواز، میئر کراچی مرتضیٰ وہاب سمیت دیگر نے اسلام آباد یونائیٹڈ کو مبارک باد پیش کرتے ہوئے کہا کہ فائنل میچ میں دونوں ٹیموں نے بہترین کھیل کا مظاہرہ کیا،پی ایس ایل سیزن 9 میں شائقین کو بہترین کرکٹ دیکھنے کو ملی

    ایچ بی ایل پاکستان سپر لیگ سیزن 9 کے فائنل میں اسلام آباد یونائیٹڈ نے ملتان سلطانز کو دلچسپ مقابلے کے بعد شکست دے دی اور ٹائٹل اپنے نام کرلیا