پاکستان تحریک انصاف کے چیئرمین عمران خان کی ہدایت پر پی ٹی آئی سینٹرل پنجاب کی صدر ڈاکٹر یاسمین راشد نے چیف الیکشن کمیشنر خلاف ھونے والے احتجاجی مظاہرے کی قیادت کی۔ احتجاجی مظاہرے میں شرکاء نے الیکشن کمیشنر کے خلاف شدید نعرے بازی کی ۔ مظاہرے کے شرکاء نے چیف الیکشنز کمیشن کو فوری ہٹانے کا مطالبہ کیا ۔

وفاقی کابینہ نےعمران خان کا نام ای سی ایل میں ڈالنے کی منظوری دیدی

ڈاکٹر یاسمین راشد نے صوبائی الیکشن کمشن آفس کے باہر میڈیا اور احتجاجی مظاہرے کے شرکاء سے خطاب کرتے ھوئے کہاکہ ہم نے صوبائی الیکشن کمشن آفس میں قرارد جمع کروا دی ہے۔ جماعت کے اراکین پنجاب اسمبلی نے ہماری موقف کی تائید کی ھے ۔ہم مطالبہ کرتے ہیں چیف الیکشن کمشنر کو فوری ہٹایا جائے۔ ہم چیف الیکشن کمشنر کو مسترد کرتے ہیں۔ انہوں نے مزید کہاکہ اس چیف الیکشن کمشنر کے تحت صاف شفاف الیکشن نہیں ہوسکتا۔ ہمارا پر زور مطالبہ ہے کہ چیف الیکشن کمشنر کو فوری ہٹایا جائے۔

 

عمران خان کی نااہلی کیلئے الیکشن کمیشن میں ریفرنس دائر

 

ڈاکٹر یاسمین راشد نے کہا کہ الیکشن کمیشن کا فیصلہ بدنیتی پر مبنی ہے، آٹھ سال تک فارن فنڈنگ کا ڈھنڈورا پیٹنے والی پی ڈی ایم کو منہ کی کھانی پڑی ہے پی ڈی ایم کا فارن فنڈنگ کا جھوٹا بیانیہ ہمیشہ کے لئے دفن ہو چکا ہے تحریک انصاف کے تمام اکاؤنٹ ڈکلیئرڈ ہیں الیکشن کمیشن کے فیصلے کو مسترد کرتے ہیں تحریک انصاف نے ہمیشہ اوورسیز پاکستانیوں سے قانونی طریقے سے پارٹی فنڈ حاصل کیا پی ٹی آئی نے اپنے تمام اکاؤنٹس کی پائی پائی کا حساب دیا ہے فارن فنڈنگ نہیں ممنوعہ فنڈ کا کیس تھا تحریک انصاف کا مطالبہ ہے جے یو آئی پیپلز پارٹی نون لیگ اپنے پارٹی اکاؤنٹس کا حساب دیں .

صوبہ پنجاب میں ایک اور آئینی بحران پیدا ہونے کا خدشہ

 

تحریک انصاف کے اراکین پنجاب اسمبلی میاں محمود الرشید میاں اسلم اقبال صدر پی ٹی آئی لاہور شیخ امتیاز محمود جنرل سیکٹری زبیر نیازی اویس یونس عبدالکریم خان یاسر گیلانی رانا مدثر عمر ایڈوکیٹ شنیلا روت ثاقب سندھو ڈاکٹر نوشین حامد معراج نے مظاہرے کے شرکاء سے خطاب کرتے ھوئے کہاکہ الیکشن کمیشن کا فیصلہ تعصب پر مبنی ہے پی ٹی آئی الیکشن کمیشن کے فیصلے کو مسترد کرتی ہے الیکشن کمیشن کا پہلے دن سے رول جانبدار ہے الیکشن کمشنر فوری طور پر اپنے عہدے سے استعفی دے آٹھ سال سے پی ڈی ایم اور ان کے حواری چھوٹا بیانیہ قوم کے سامنے بیان کر رہے تھے جس پر انہیں شرمندگی ناکامی اور مایوسی کے سوا کچھ حاصل نہیں ہوا .

 

یہ کیس فارن فنڈنگ کا نہیں ممنوعہ فنڈنگ کا تھا پی ٹی آئی نے 40 ہزار ڈونرز کا ریکارڈ الیکشن کمیشن میں جمع کروایا الیکشن کمیشن کا دوہرا معیار پوری قوم کے سامنے کھل کر سامنے آ گیا اب جے یو آئی نون لیگ اور پیپلز پارٹی کا پارٹی فنڈنگ کیس کا فیصلہ نہ آنے تک چین سے نہیں بیٹھیں گے الیکشن کمیشن تینوں جماعتوں کا فیصلہ بھی فوری سنایا جائے تحریک انصاف ملک کی سب سے بڑی سیاسی جماعت ہے اسے دیوار سے لگانے کی کوشش کی جا رہی ہے مگر ان کی تمام سازشیں ناکام ہونگی یہ فیصلہ اب 22 کروڑ عوام کریں گے پنجاب اور کے پی کے اسمبلی سے الیکشن کمیشن کے خلاف قراردادیں منظور ہونے کے بعد الیکشن کمشنر فوری طور پر عہدہ چھوڑے .

الیکشن کمیشن کا فیصلہ غیر آئینی ہے جیسے پی ٹی آئی قبول نہیں کرتی مظاہرے میں مراد راس ہاشم ڈوگر ملک احمد بھچر اعجاز منہاس شنیلا روت رخسانہ نوید مہندر پال سنگھ ثوبیہ کمال یوسف میو یاسر گیلانی ڈاکٹر نوشین حامد معراج مہر شرافت اصغر گجر مقدسہ ایاز عاطف میو عاطف چودھری رانا مدثر ایڈوکیٹ یوسف ایڈووکیٹ حاجی مہتاب مسرت جمشید چیمہ تنزیلہ عمران ڈاکٹر ندیم خواجہ ڈاکٹر عاطف الدین سامعہ توقیر آصف بھنڈر میاں امجد اقبال ملک وقار روبینہ شاہین چوہدری عبدالرحمن وسیم قادر سلمان بارا ملک رمضان فائزخان شبیر سیال رانا عبدالسمیع ثاقب سندھو عبدالکریم کلواڑ طارق ثناء باجوہ ام البنین شوانہ بشیر طارق رشید فاروق خان نسیم زہرہ فاطمہ چدھڑ صدیق خان طاہر اقبال تبسم انوار رانا مدثر ارشاد ڈوگر مہر واجد عظیم لقمان قاضی اشتیاق ملک شہزاد احمد ڈاکٹر انیسہ فاطمہ ندیم شاکر مبارک آفتاب گل وکلاء یوتھ لیبر وومن آئی ایس ایف منارٹی ایجوکیشن اور ویلفیئر ونگز سمیت کثیرتعدادمیں پارٹی رہنماؤں اور کارکنان نے شرکت کی

انہوں نے کہاکہ پی ٹی آئی کا موقف سچ ثابت ہوا۔ الیکشن کمیشن کا پہلے دن سے رویہ جانبدار ہے فیصلے سے ثابت ہوگیا الیکشن کمیشن پی ڈی ایم کا ذیلی ونگ ہے۔

پاکستان تحریک انصاف (پی ٹی آئی) کے رہنما فرخ حبیب کا کہنا ہے کہ بیرون ملک پاکستانیوں نے ہمیں ڈالرز عطیہ کیے، الیکشن کمیشن کے فیصلے کو چیلنج کرتے ہیں۔ فیصل آباد میں پریس کانفرنس کرتے ہوئے فرخ حبیب نے کہا کہ ان لوگوں نے بیرون ملک پاکستانیوں کو ووٹ دینے سے روکا، کیا ایسا الیکشن کمیشن صاف اور شفاف الیکشن کروائےگا؟

فرخ حبیب نے کہا کہ وزارت عظمیٰ سے ہٹانے کے باوجود عمران خان کی مقبولیت میں اضافہ ہوا، تحریک عدم اعتماد کے بعد ڈالر تقریباً 250 روپے تک گیا۔ پی ٹی آئی رہنما نے مزید کہا کہ آج کے ریٹ کے حساب سے بھی ڈالر ہمارے دور کے مقابلے میں 50 روپے زیادہ ہے.

شیخوپورہ: پاکستان تحریک انصاف (پی ٹی آئی) نے پنجاب کے حلقے پی پی 139 ضمنی الیکشن کا ٹکٹ ابو بکر شرقپوری کو جاری کر دیا۔

یاد رہے کہ 2018ء کے جنرل الیکشن کے دوران مسلم لیگ ن کے امیدوار جلیل احمد شرقپوری نے 30 ہزار سے زائد ووٹ حاصل کر کے فتح حاصل کی تھی جبکہ پی ٹی آئی کے امیدوار جہانزیب راؤ نے 27 ہزار سے زائد ووٹ حاصل کیے تھے اور دوسرے نمبر پر رہے تھے۔

خیال رہے کہ پاکستان مسلم لیگ ن کے سابق رکن صوبائی اسمبلی جلیل احمد شرقپوری نے وزارتِ اعلیٰ کے انتخاب سے ایک روز قبل اپنے عہدے سے استعفیٰ دیدیا تھا۔

اُدھر مسلم لیگ ن کی خالی ہونے والی سیٹ پی پی 139 پر ضمنی الیکشن کے لیے پاکستان تحریک انصاف نے جلیل شرقپوری کے کزن ابو بکر شرقپوری کو ٹکٹ جاری کر دیا ہے۔

پاکستان تحریک انصاف کے جنرل سیکرٹری اسد عمر نے انہیں ابو بکر شرقپوری کو ٹکٹ جاری کیا، اس موقع پر سابق رکن پنجاب اسمبلی جلیل شرقپوری بھی موجود تھے۔ جن کی درخواست پر ابوبکر شرقپوری کو ٹکٹ جاری کیا گیا۔پی پی 139 پر ضمنی الیکشن پر الیکشن کمیشن نے شیڈول جاری کر دیا ہے جس کے مطابق حلقے میں پولنگ گیارہ ستمبر کو ہوگی۔

پی ٹی آئی کی غیر ملکی فنڈنگ ​​کامعاملہ،صحافی سائمن کلارک، جنہوں نے "The Key Man” کی تصنیف بھی کی،جس میں بزنس ٹائیکون عارف نقوی کے مبینہ طور پر غیر قانونی لین دین کا پردہ فاش کیا، حال ہی میں انہوں نے فنانشل ٹائمز میں مضمون شائع کیا کہ آخر کار چیریٹی کرکٹ میچوں کے ذریعے غیر ملکی کمپنیوں اور افراد سے فنڈز کیسے اکٹھے کیے گئے۔

باغی ٹی وی : پاکستان تحریک انصاف کی فارن فنڈنگ سے متعلق خبر دینے والے فنانشل ٹائمز کے صحافی سائمن کلارک نے کہا ہے کہ چیریٹی میچز کے لیے چندہ دینے والے افراد کو پتا ہی نہیں تھا کہ ان کا پیسہ چیریٹی کے بجائے پی ٹی آئی کو گیا ہے جب میں نے انہیں تحریک انصاف کا بتایا تو وہ حیران رہ گئے۔

نجی خبررساں ادارے کے پروگرام میں گفتگو کرتے ہوئے برطانوی صحافی سائمن کلارک نے کہا کہ میرے پاس جو شواہد ہیں، وہ الیکشن کمیشن کو دیے گئے عارف نقوی کے بیان حلفی اور تحریک انصاف کے مؤقف کی نفی کر رہے ہیں پیسہ بیرون ملک مقیم پاکستانیوں نے نہیں دیا بلکہ 13 لاکھ ڈالرز ابراج نے بھیجے، متحدہ عرب امارات کے شیخ النہیان کے 12 لاکھ ڈالرز بھی تحریک انصاف کو بھیج دیے۔

سائمن کلارک

برطانوی صحافی نے کہا کہ عارف نقوی کے خلاف سازش کے ثبوت نہیں دیکھے، مگر ابراج میں مالی بے ضابطگیوں کے بے پناہ ثبوت دیکھے ہیں 22سالہ صحافت میں ایسی صورتحال کسی کمپنی کی نہیں دیکھی ۔ اسپتالوں کے لیے ایک ارب ڈالرز کا چندہ اکھٹا ہوا مگر اس میں سے پیسے دیگر کاموں میں خرچ کردیئے گئے۔ میں اپنی اسٹوری عدالت میں ثابت کرسکتا ہوں، میرے پاس پورے دستاویزی ثبوت ہیں۔

اس کے علاوہ سائمن نے کہا کہ نوازشریف اور شہباز شریف کو پیسے دینے کے حوالے سے ای میلز تو دیکھی ہیں ، مگر پیسوں کی منتقلی کے ثبوت نہیں دیکھے۔

واضح رہے کہ گزشتہ دنوں برطانیہ میں خیرات کے لیے جمع کی جانے والی رقم پی ٹی آئی کو منتقل کیے جانے کا انکشاف ہوا تھا برطانوی اخبار نے اپنی رپورٹ میں بتایا تھا کہ سائمن کلارک کی اس رپورٹ میں کہا گیا ہے کہ اپنی کامیابی کے عروج پر پاکستانی بزنس مین عارف نقوی نے کرکٹ کے سپر سٹار عمران خان اور سینکڑوں بینکرز، وکلا اور سرمایہ کاروں کو آکسفورڈ شائر کے گاؤں ووٹن میں اپنی بلند دیواروں والی محل نما رہائش گاہ میں مدعو کیا تھا۔

’سٹرینج کیس آف دا کرکٹ میچ دیٹ ہیلپڈ فنڈ عمران خانز پولیٹکل رائز‘ یا ’اس کرکٹ میچ کا عجیب واقع جس نے عمران خان کی سیاسی اڑان کو مدد دی‘ کے عنوان سے اس مضمون میں بتایا کہ اس پارٹی کے میزبان عارف نقوی دبئی میں قائم ابراج گروپ کے بانی تھے جو اس وقت ابھرتی ہوئی مارکیٹوں میں کام کرنے والی سب سے بڑی نجی ایکویٹی فرموں میں سے ایک تھی جس کے پاس اربوں ڈالرز کا سرمایہ تھا۔

رپورٹ کے مطابق نقوی نے 2010 سے 2012 تک ’ووٹن ٹی 20 کپ‘ کی میزبانی کی جس میں پشاور اور فیصل آباد کی ٹیموں کے مزاحیہ طرز کے نام رکھے گئے۔ یہ میچز ان کی 17ویں صدی میں تعمیر ہونے والی رہائش گاہ ’ووٹن پلیس‘ کے 14 ایکڑ پر مشتمل سبزہ زار پر کھیلے جاتے۔

عارف نے مہمانوں کو ایونٹ میں شرکت کے لیے دو سے ڈھائی ہزار پاؤنڈ کے درمیان ادائیگی کرنے کو کہا تھا تاکہ اس رقم کو نامعلوم ’فلاحی کاموں‘ کے لیے خرچ کیا جا سکے۔

جس چیز نے اسے غیر معمولی بنایا وہ یہ ہے کہ اس سے سب سے زیادہ فائدہ اٹھانے والی پاکستان کی ایک سیاسی جماعت تھی۔ یہ فیس ’ووٹن کرکٹ لمیٹڈ‘ کو ادا کی گئی تھی جو اپنے نام کے برعکس درحقیقت نقوی کی ملکیت کیمن آئی لینڈز کی ایک کمپنی تھی اور یہ رقم عمران خان کی سیاسی جماعت ’پاکستان تحریک انصاف‘ کی مدد کرنے کے لیے استعمال کی جا رہی تھی۔

ووٹن کرکٹ کے لیے کمپنیوں اور افراد سے فنڈز لیے گئے جس میں متحدہ عرب امارات کی حکومت کے ایک وزیر، جو ابوظہبی کے شاہی خاندان کے رکن بھی ہیں، کی جانب سے کم از کم 20 لاکھ پاؤنڈ شامل ہیں۔

پاکستان کے قانون میں غیرملکی شہریوں اور کمپنیوں کی جانب سے سیاسی جماعتوں کی مالی معاونت ممنوع ہے لیکن فنانشل ٹائمز کی طرف سے مشاہدہ کی گئی ابراج کی ای میلز اور دیگر دستاویزات جس میں متحدہ عرب امارات میں ووٹن کرکٹ اکاؤنٹ کے لیے 28 فروری سے 30 مئی 2013 کے درمیانی عرصے کا احاطہ کرنے والا بینک سٹیٹمنٹ بھی شامل ہے، ظاہر کرتی ہے کہ پاکستانی شہریوں کے علاؤہ دونوں کمپنیوں اور غیر ملکی شہریوں نے ووٹن کرکٹ کو لاکھوں ڈالر بھیجے اور پی ٹی آئی کے اکاؤنٹ سے یہ رقم پاکستان منتقل کی گئی۔

رپورٹ کے مطابق مئی 2013 میں ہونے والے انتخابات سے قبل عمران خان کے لیے فنڈز جمع کرنے کا یہ ایک نازک وقت تھا اور عارف نقوی نے دیگر پاکستانی تاجروں کے ساتھ مل کر اس مہم کے لیے رقم اکٹھی کی انتخابات سے پہلے کے مہینوں میں ووٹن کرکٹ کے بینک اکاؤنٹ میں سب سے بڑی انٹری شیخ نہیان کی طرف سے 20 لاکھ ڈالر تھی، جو اب متحدہ عرب امارات کے وزیر ہیں۔

عمران خان کی پارٹی کی فنڈنگ کے بارے میں الیکشن کمیشن کی تحقیقات کا آغاز اس وقت ہوا جب پی ٹی آئی کے قیام میں مدد دینے والے اکبر ایس بابرنے دسمبر 2014 میں اس حوالے سے شکایت درج کروائی اگرچہ دنیا بھر میں ہزاروں پاکستانیوں نے پی ٹی آئی کے لیے رقم بھیجی تاہم بابر کی درخواست میں کہا گیا کہ اس میں ’ممنوعہ فنڈنگ‘ بھی ہوئی ہے۔

اپنے تحریری جواب میں عمران خان نے کہا کہ نہ تو وہ اور نہ ہی ان کی پارٹی کو ابراج کی جانب سے ووٹن کرکٹ کے ذریعے 13 لاکھ ڈالر فراہم کرنے کا علم تھا۔ انہوں نے یہ بھی کہا کہ وہ پی ٹی آئی کو شیخ نہیان سے ملنے والے فنڈز کے بارے میں بھی ’لاعلم‘ ہیں۔

عمران خان نے لکھا کہ عارف نقوی نے ایک بیان دیا ہے جو الیکشن کمیشن کے سامنے بھی دائر کیا گیا تھا جس کی کسی نے بھی تردید نہیں کی اوروہ یہ تھاکہ یہ رقم کرکٹ میچ کے دوران عطیات سے آئی اوران کی طرف سےجمع کی گئی رقم ان کی کمپنی ووٹن کرکٹ کے ذریعے بھیجی گئی وہ الیکشن کمیشن کی تحقیقات کے فیصلے کا انتظار کر رہے ہیں۔ پی ٹی آئی کے بارے میں تعصب سے کام لینا مناسب نہیں ہوگا۔

دوسری جانب جنوری کی رپورٹ میں الیکشن کمیشن نے کہا کہ ووٹن کرکٹ نے پی ٹی آئی کو 2.12 ملین ڈالر منتقل کیے ہیں لیکن اس رقم کا اصل سورس نہیں بتایا عارف نقوی نے ووٹن کرکٹ پر اپنی ملکیت کو تسلیم کیا ہے اور کسی بھی غلط کام سے انکار کیا ہےمگر جریدے کی رپورٹ کے مطابق ووٹن کرکٹ کا بینک سٹیٹمنٹ اس کے برعکس ہےاس سے ظاہر ہوتا ہے کہ عارف نقوی نے 2013 میں تین قسطیں براہ راست پی ٹی آئی کو منتقل کیں جس میں مجموعی طور پر 2.12 ملین ڈالر کا اضافہ ہوا۔

رپورٹ میں کہا گیا کہ امریکی استغاثہ کے مطابق نقوی نے شریف برادران کی بھی حمایت حاصل کرنے کی کوشش کی، اور اس حوالے سے دو کروڑ ڈالر کی رقم کا بھی انتظام کیا۔

لاہور:عمران خان نے وزیراعلیٰ پنجاب ،ارکان پنجاب اسمبلی اور پی ٹی آئی رہنماوں سے ملاقاتیں کی۔

سابق وزیراعظم نے پنجاب کابینہ کےلیے ناموں پر مشاورت کی اور ڈاکٹر ثانیہ نشتر کو اہم ذمہ داری سونپ دی۔

عمران خان کا دورہ لاہور،پرویزالہیٰ سے ملاقات، پنجاب کابینہ کی تشکیل پر مشاورت

عمران خان کا کہنا تھا کہ ملک میں استحکام صاف وشفاف الیکشن سے ہی ممکن ہے، قوم کی توقعات اب پی ٹی آئی سے وابستہ ہیں۔

چیئرمین پی ٹی آئی کا کہنا تھا کہ لوگ سیاست میں پیسہ بنانے آتے ہیں،لیکن اب عوامی شعور بیدار ہوچکا ہے، بچوں میں ملکی مسائل کے شعور کی بیداری خوش آئند ہے۔

 

عمران خان عدالت میں پیش، دس مقدمات میں ضمانت منظور

اس سے قبل عمران خان اور وزیراعلیٰ پنجاب چوہدری پرویز الہٰی کی ملاقات ہوئی، جس میں باہمی دلچسپی کے امور، سیاسی صورتحال اور پنجاب کے انتظامی معاملات پر تبادلہ خیال کیا گیا۔

ملاقات میں صوبے کے عوام کو ریلیف دینے کے اقدامات پر بھی بات چیت ہوئی، اور عمران خان نے پنجاب کے عوام کو ریلیف دینے کیلئے تمام تر کاوشیں بروئے کار لانے کی ہدایت دی۔

شہباز گل کا کہنا تھا کہ سیلاب متاثرین کی بحالی کیلئے ہدایات دی گئی ہیں، ریلیف سرگرمیوں پر عمران خان کو بریفنگ دی گئی ہے

ہم کسی صورت دوبارہ عمران خان کووزیراعظم نہیں بننے دیں‌ گے :فضل الرحمن

رہنما پی ٹی آئی کا کہنا تھا کہ عمران خان نے ریلیف سرگرمیاں تیز کرنے کی ہدایت کی ہے، احساس پروگرام کے حوالے سے بھی میٹنگ ہوئی، عمران خان 6 ڈویژن کے ایم پی ایز سے آج مل رہے ہیں

 

 

چیرمین پی ٹی آئی عمران خان کی زیر صدارت اجلاس میں لاہور اور گوجرانوالہ ڈویژن کے ارکان اسمبلی،اقلیتی اور مخصوص نشستوں پر منتخب ارکان نے شرکت کی ، اس موقع پر عمران خان نے الیکشن میں عمدہ کارکردگی پر ارکان اسمبلی کی کاوشوں کو سراہا
 

اجلاس میں لاہور اور گوجرانوالہ کے ترقیاتی منصوبوں پر تبادلہ خیال بھی کیا گیا،اجلاس میں سابق وزیر شفقت محمود، شہباز گل ،حافظ فرحت عباس،ڈاکٹریاسمین راشد،مراد راس، میان اسلم اقبال ،چیف وہیپ عباس علی شاہ اور دیگر متعلقہ افسران بھی شریک ہوئے

 

 

اس کے ساتھ ساتھ ملتان اور بہاولپور ڈویژن کے ارکان اسمبلی نے عمران خان سے ملاقاتیں کیں اور اپنی اپنی تجاویز پیش کیں
اس موقع پر مخدوم شاہ محمود قریشی نے کہا کہ جنوبی پنجاب کو نظر انداز کرنے والوں کا وقت گزر چکا ، جنوبی پنجاب پی ٹی آئی کا گڑھ تھا، ہے اور رہے گا۔