Tag: پی ٹی آئی

تحریک انصاف کی جانب سے ملک گیر جلسوں کے اختتام پر پی ٹی آئی چیئرمین 25 مئی کو اسلام آباد مارچ کا اعلان کیا گیا ہے-

باغی ٹی وی : عمران خان کے مطابق نئےالیکشن کی تاریخ کےاعلان تک اس مارچ کے شرکا اسلام آباد میں ہی رہیں گے ادھروفاقی حکومت کی جانب سے ایسا کوئی عندیہ نہیں دیا گیا کہ جلد انتخابات کا اعلان کیا جائے گا۔ ایسی صورتحال میں تحریک انصاف کا مارچ ایک دھرنے کی شکل اختیار کر سکتا ہےیہ دھرنا کتنی دیر تک برقرار رہے گا؟ یہ کہنا قبل از وقت ہو گا –

اسی حوالے سے اہم سوال یہ ہے کہ کیا دھرنے کی طوالت کے لیے درکار معاشی وسائل تحریک انصاف کے پاس موجود ہیں اور یہ کہ دھرنا پر کتنا خرچ ہو سکتا ہے؟

برطانوی نشریاتی ادارے ” بی بی سی ” کی رپورٹ کے مطابق 2014 میں جب پی ٹی آئی دھرنے کے شرکا اسلام آباد پہنچے تھے تو ان کی تعداد 35 سے 40 ہزار کے درمیان تک تھی اُس وقت دھرنےمیں کھانے پینے کا بندوبست کرنے والے پی ٹی آئی رہنما خان بہادر ڈوگر کا کہنا ہے کہ ابتدائی دنوں میں صرف کھانے کا خرچہ 20 لاکھ روپے یومیہ تھا جبکہ دھرنے میں صرف ساؤنڈ سسٹم پر 14 کروڑ روپے خرچ ہوئے تھے۔

یہ دھرنا 126 دن جاری رہا تھا جس کا آغاز بھی ایک لانگ مارچ کی صورت میں لاہور سے 14 اگست کو ہوا اور 15 اگست اسلام آباد پہنچنے کے بعد 18 اگست کو عمران خان نے وفاقی دارالحکومت کے ریڈ زون میں داخل ہونے کا اعلان کیا تھا-

سپریم کورٹ بارسمیت ملک بھر کی بارکونسل حکومتی رویے کے خلاف میدان میں آگئیں

تاہم اب ہونےوالا اسلام آباد مارچ اگر دھرنےمیں تبدیل ہوتا ہےتواس کے اخراجات یقینی طور پر ماضی سےزیادہ ہوں گےمارچ کے انتظامات سنبھالنے والوں میں سے ایک رہنما کا کہنا ہے کہ اگر 50 ہزار لوگ جمع ہوگئے اور دھرنا پانچ روز تک جاری رہا تو صرف پڑاؤ ڈالنے کا خرچہ 20 کروڑ روپے تک ہوسکتا ہے جبکہ مارچ اور دھرنے کے لیے ابتدائی پانچ دن کے انتظامات میں محض ساؤنڈ سسٹم پر جو خرچہ آرہا ہے وہ یومیہ ایک کروڑ 73 لاکھ بنتا ہے۔

کسی بھی مارچ میں ہونے والے بہت سے خرچے ایسے ہیں جن پر عوام کی نظر کم ہی جاتی ہے ، جن میں جنریٹر ،جھنڈے ،لیبر ،ٹرانسپور ٹیشن ،انٹرنیٹ ڈیوائسز، ٹینٹ،کنٹینرز بھی شامل ہیں ٹرکوں پر ساؤنڈ سسٹم انسٹال ہوتا ہے اور ہر ٹرک پر لائٹس لگائی جاتی ہے اور ایک جنریٹر بھی موجود ہوتا ہے پی ٹی آئی کے اسلام آباد مارچ کے لیے لگ بھگ ایسے 122 ٹرک تیار کیے گئے ہیں اور ایک ٹرک کا خرچہ روزانہ کی بنیاد پر تقریباً 24 ہزار روپے بنتا ہے۔

واضح رہے کہ سابق وزیراعظم عمران خان نے مارچ لے کر ڈی چوک اسلام آباد پہنچنے کا اعلان کردیا ہے اپنے ویڈیو بیان میں عمران خان کا کہنا تھا کہ میں آج پختونخوا سے نکلوں گا اور کشمیر روڈ سے ہوتاہوا ڈی چوک پہنچوں گا جس طرح بھی ہو سب نے نکلنا ہے اور شہر دور ہیں تو شہروں میں نکلیں، ملک میں جگہ جگہ نکلیں ہمارا ایک ہی مقصد ہے جب تک حکومت تحلیل نہیں ہوتی اور الیکشن کی تاریخ کا اعلان نہیں کرتی تب تک ہماری تحریک جاری رہے گی۔

اگر اسلام آباد میں سڑکیں آپ نے بلاک کر دیں گے تو کس کا نقصان ہے:نصراللہ ملک

تحریک انصاف کے لانگ مارچ کو روکنے کے لیے مختلف شہروں میں سڑکوں پر کنٹینر کھڑے راستے بند کردیئے گئے۔

باغی ٹی وی : رپورٹس کے مطابق اسلام آباد،جی 13 میں سرینگرہائی وے رکاوٹیں لگاکربندکردی گئی سرینگر ہائی وے سے اسلام آباد کی طرف آنےوالوں کومشکلات سامنا ہے زیروپوائنٹ پر بھی سرینگرہائی وے کا ایک حصہ کنٹینرلگاکربند کردیا گیا-

ملک کی بڑی شاہرائیں ٹریفک کےلیے بند

موٹروے اور ہائی ویز کو مختلف مقامات پر بند کردیا گیا گجرات میں چناب پل پر کنٹینرز کھڑے کرکے جی ٹی روڈ کو بند کردیا گیا ٹیکسلہ اور واہ کنیٹ سے راولپنڈی اسلام آباد آنے والے تمام راستے بند ہیں

جی ٹی روڈ اور موٹر ویز پر رکاوٹیں لگا کر لاہور اور اسلام آباد جانے وا لے راستے بند کر دییے گئے فیض آباد انٹر چینج پر بھی کنٹینز کھڑے کردئے گئے بابو صابو اور بتی چوک بھی بند کردئے گئےروات سے اسلام آباد آنے والی پبلک ٹرانسپورٹ مکمل بند ہونے کی وجہ سے مسافروں کوشدید مشکلات کا سامنا ہے ٹی چوک روات سے اسلام آباد کی طرف آنے والی ٹریفک بند ہے-

ملتان سے لاہور،اسلام آباد جانے والی شاہراہیں بند ہیں ملتان میں موٹروے ایم 4 شاہ رکن عالم انٹرچینج پر کنٹینرز کھڑے کردیے گئے اس کے علاوہ حکومت نے اسلام آباد کے لیے پولیس، رینجرز اور ایف سی بلالی،ریڈ زون سیل کردیا۔

دوسری جانب انتظامیہ نے کمیٹی چوک انڈر پاس پر کنٹینرپہنچادیے ہیں، کمیٹی چوک پرکنٹینرلگا کرمری روڈ بند کیا جائےگا۔

وزارت داخلہ نے ریڈ زون کی سکیورٹی کے لیے فوج کو طلب کرلیا ہے،ذرائع کے مطابق ریڈ زون کی تمام سکیورٹی فوج کے حوالے کی جائے گی جس کےتحت وزیراعظم ہاؤس، وزیراعظم آفس، ایوان صدراورسپریم کورٹ پرفوج تعینات ہوگی کابینہ ڈویژن سمیت دیگر سرکاری عمارتوں پر بھی فوج تعینات ہوگی۔

ذرائع کا کہنا ہےکہ وفاقی حکومت نے ایف سی کی خدمات طلب کر لی ہیں جس کے تحت ایف سی کے 2 ہزار اہلکار اسلام آباد میں فرائض انجام دیں گے اسلام آباد میں دو ماہ کے لیے دفعہ 144 بھی نافذ کردی گئی ہے اور دفعہ 144 کا دائرہ ایک کلو میٹر تک بڑھادیا گیا ہے۔

دوسری جانب پنجاب پیٹرولیم ایسوسی ایشن کا آج تیل کی سپلائی بند رکھنے اعلان جبکہ لاہور سمیت پنجاب کے ساڑھے تین سو سے زیادہ علاقوں میں آج موبائل فون سروس بند رکھنے کا بھی فیصلہ کیا گیا ہے۔

علاوہ ازیں پنجاب کے مختلف شہروں میں آج ہونے والے پرچے ملتوی کردئیے گئے ہیں اسلامیہ یونیورسٹی بہاولپور کے تحت ایل ایل بی کا پرچہ منسوخ کردیا گیا ۔

کسی صورت عمران خان کو اسلام آباد نہیں آنے دوں گا:وزیر داخلہ کا اعلان

اسلامیہ یونیورسٹی کی جانب سے جاری کردہ نوٹی فیکیشن کے مطابق پرچہ ملک کی موجودہ صورتحال کے پیش نظرملتوی کیاگیا ہے جبکہ پرچے کی نئی تاریخ کا جلد اعلان کیا جائے گا البتہ باقی تمام پیپرز شیڈول کے مطابق ہوں گے۔

اس کے علاوہ گوجرانوالہ میں آج ہونے والا میٹرک کا آخری پرچہ بھی منسوخ کردیا گیا ہے جبکہ برٹش کونسل نے بھی راولپنڈی اسلام آباد میں آج ہونے والے او اور اے لیول کے امتحانات ملتوی کردیے ہیں۔

دوسری جانب ترجمان لاہور بورڈ کےمطابق میٹرک کا آج ہونے والا مطالعہ پاکستان کا پرچہ منسوخ کردیاگیاپرچےکے دوبارہ انعقاد کی تاریخ کا اعلان بعد میں کیا جائےگا ہائرایجوکیشن پنجاب کے مطابق منسوخ ہونے والے پرچوں کی اگلی تاریخ کا اعلان متعلقہ بورڈ کریں گے-

واضح رہےکہ حکومت نے تحریک انصاف کے لانگ مارچ کو روکنے کا فیصلہ کیا ہے جس کےتحت پنجاب سے اسلام آبادجانے والے تمام راستے سیل کردیےگئے ہیں جب کہ ملک بھر میں پی ٹی آئی کے رہنماؤں کے گھروں پر بھی چھاپے مارے گئے ہیں۔

اگر اسلام آباد میں سڑکیں آپ نے بلاک کر دیں گے تو کس کا نقصان ہے:نصراللہ ملک

لاہور: سینٹر اعجاز چوہدری کو گرفتار کرلیا گیا-

باغی ٹی وی : ترجمان تحریک انصاف کے مطابق اعجاز چوہدری کو پولیس نے نا معلوم مقام پر منتقل کر دیا گیا ہے پولیس نے گھر کے دروازے توڑ کر اعجاز چوہدری کو گرفتار کیا –

سٹور میں چھپنے والے سابق صوبائی وزیر میاں محمودالرشید گرفتار

ترجمان کے مطابق اعجاز چوہدری کو پولیس نے نا معلوم مقام پر منتقل کر دیا گیا ہے-

قبل ازیں لاہور میں پولیس نے پاکستان تحریک انصاف (پی ٹی آئی) کے رہنمامیاں محمود الرشید کو گرفتار کیا محمود الرشید کو 16 ایم پی او کے تحت گرفتار کیا –

تحریک انصاف کے رہنما اور سابق صوبائی وزیر میاں محمود الرشید نے بتایا تھا کے چھاپے کے دوران وہ گھر کے اسٹور میں آدھا گھنٹہ چھپے رہے تحریک انصاف کے رہنما اور سابق صوبائی وزیر میاں محمود الرشید نے بتایا کے چھاپے کے دوران وہ گھر کے اسٹور میں آدھا گھنٹہ چھپے رہے –

کسی صورت عمران خان کو اسلام آباد نہیں آنے دوں گا:وزیر داخلہ کا اعلان

میاں محمود الرشید نے بتایا تھا کہ مارچ کے حوالے سے لاہور سے روانگی کیلئے حماد اظہر کے گھر فائنل میٹنگ تھی، میٹنگ میں پارٹی کی لاہور کی لیڈرشپ اکھٹی تھی۔انہوں نے بتایا کہ میٹنگ کے دوران چوکیدار نے شور مچا دیا کہ پولیس آگئی، تو میں گھر کے اسٹورمیں ایک باکس کے نیچے چھپ کر آدھا گھنٹہ بیٹھا رہا۔

خیال رہے کہ عمران خان کی جانب سے لانگ مارچ کے اعلان کے بعد پولیس لا ہور سمیت پنجاب کے مختلف علاقوں میں پی ٹی آئی رہنماؤں اور کارکنوں کے گھروں پر چھاپے مار رہی ہے۔

وفاقی وزیراطلاعات مریم اورنگزیب کا کہنا ہے کہ لاہورمیں پولیس اہلکارپرفائرنگ کرکے سُرخ لکیرپار کی گئی ہے-

باغی ٹی وی : وفاقی وزیراطلاعات مریم اورنگزیب نے کہا ہے کہ میڈیا سیاسی سرگرمیوں کی کوریج کرے، میڈیا شرپسندی،تشدد اوردہشت پھیلانے کی سرگرمیوں کی بائیکاٹ کرے،وزیراعظم معیشت اورعوام کی حفاظت کرنے کےارادے کا اظہارکرچکےہیں-

ماڈٌل ٹاؤن میں پی ٹی آئی ایکٹیوسٹ کے گھر چھاپہ،دوران فائرنگ پولیس اہلکار شہید

مریم اورنگزیب نے کہا کہ معیشت اورعوام کوبچانےکےلیےریڈلائن لگانے کا وقت آگیا ہے معیشت کی بحالی اورعوام کے ریلیف کےراستے میں سرخ لکیرکھینچ دی ہے پاکستان کوتباہ کرکےجانےوالوں کومزید تباہی پھیلانے کی اجازت نہیں دی جاسکتی-

انہوں نے کہا کہ معیشت اورعوام کی حفاظت پرکوئی سمجھوتہ نہیں کیا جائے گا معیشت جب بھی ٹیک آف کرنےلگتی ہے،عمران خان راستے کی رکاوٹ بنتےہیں سی پیک آیا،شی جن پنگ نے پاکستان آنے کا اعلان کیا تو دھرنے کا اعلان ہوگیا تھا-

اب يہ وائٹ ہاؤس کے سامنے دھرنا دے گا، مریم نواز

وفاقی وزیرمریم اورنگزیب نےکہا کہ آج معیشت کی بحالی کاآغازکیا ہے کوئی مداخلت برداشت نہیں کی جائے گی ، عوام کوفیصلہ کرنا ہےکہ فسادٹولےکے ساتھ کھڑاہوناہےیا ملک کی تعمیر کےساتھ ،ہراقدام اِن شرپسندوں اورفسادیوں سےعوام کو بچانےکےلیے کیا جارہا ہے-

پی ٹی آئی کارکنان اور قیادت کے گھروں پرچھاپے،عمران خان کا ردعمل

وائس چیئرمین پی ٹی آئی شاہ محمودقریشی کا کہنا ہے کہ پنجاب میں آئینی بحران ہے ،ابھی تک گورنر نہیں ہے-

باغی ٹی وی : وائس چیئرمین پی ٹی آئی شاہ محمودقریشی کا کہنا ہےاطلاعات کے مطابق نوازشریف شہبازشریف سےکہہ چکے مستعفی ہوجائیں،پیپلزپارٹی ایسا نہیں ہونے دے رہی ،وہ شہبازشریف کو دھمکارہی ہے،پیپلزپارٹی دھمکارہی ہے کہ استعفیٰ دیا تو ہم لاتعلق ہوجائیں گے-

شاہ محمودقریشی نے کہا کہ لانگ مار چ میں وکلا ، ڈاکٹرز،انجینئرز ،طلبا اورعلماء سمیت سب شامل ہوچکے ہیں،نواز شریف مریم کی سوچ ہے وہ دن بد ن اپنی ساکھ کھو رہے ہیں وہ سمجھتےہیں ان کا بیانیہ عوام میں ناکام ہورہاہے، پنجاب میں آئینی بحران ہے ،ابھی تک گورنر نہیں ہے-

انہوں نے کہا کہ پنجاب کی بیوروکریسی ان کے غیر قانونی احکامات مان رہی ہے ،پی ڈی ایم میں دراڑ ہےحمزہ شہبازپنجاب میں افسران کی تقرریاں اور تبادلے کررہےہیں،حکومت بوکھلاہٹ کا شکارہے ،سمجھ نہیں آرہی کہ کیا کرے-

پی ٹی آئی کارکنان اور قیادت کے گھروں پرچھاپے،عمران خان کا ردعمل

وائس چیئرمین پی ٹی آئی شاہ محمودقریشی نے کہا کہ ہماری تحریک قومی موومنٹ کا روپ دھار چکی ہے پرامن احتجاج اور مارچ ہمارا قانونی اور آئینی حق ہے،بیرونی عناصر پاکستان کو غیر مستحکم کرنا چاہتےہیں-

ماڈٌل ٹاؤن میں پی ٹی آئی ایکٹیوسٹ کے گھر چھاپہ،دوران فائرنگ پولیس اہلکار شہید

کراچی ملتان،بہاولپور ،جھنگ اور لاہور میں پولیس نے پاکستان تحریک انصاف کے اراکین اسمبلی کے گھروں پر چھاپے مارے ہیں۔

باغی ٹی وی : علی زیدی کے ترجمان کا کہنا ہےکہ کراچی کے علاقے ڈیفنس فیز 8 میں رکن سندھ اسمبلی شہزاد قریشی کے گھر پر چھاپہ مارا گیا سادہ لباس اہلکاروں نے شہزاد قریشی کے گھر پر چھاپہ مارا تاہم شہزاد قریشی گھر پر موجود نہیں تھے۔

دوسری جانب پی ٹی آئی کے رکن سندھ اسمبلی شاہنواز جدون کے گھر پر چھاپہ مارا گیا ہے پولیس چھاپے کے وقت شاہنواز جدون گھر پر نہیں تھے، پولیس شاہنواز جدون کے بھائی کو ساتھ لے گئی اور پوچھ گچھ کے بعد چھوڑ دیا۔

اس کےعلاوہ پولیس نے سہراب گوٹھ میں پی ٹی آئی رکن قومی اسمبلی سیف الرحمان کے گھر چھاپہ مارا راجہ اظہر کے مطابق پولیس نے چادر اور چاردیواری کے تقدس کو پامال کیا کو گرفتار کرلیا سیف الرحمان کو پولیس نے حراست میں لے لیا اور نامعلوم مقام پر لےگئے-

پی ٹی آئی کراچی کے صدر اور رکن سندھ اسمبلی بلال غفار کے گھر پولیس نے چھاپہ مارا ،ترجمان پی ٹی آئی سندھ کے مطابق پولیس اہلکاروں کی گھر میں داخل ہونے کی کوشش کی ، چھاپے کے وقت بلال غفار گھر پر موجود نہیں تھے-

علاوہ ازیں ترجمان پی ٹی آئی سندھ نے بتایا کہ ایم این اے عطا اللہ خان کو بھی گرفتار کر لیا گیا ہے-

جھنگ میں بھی ضلع بھر میں پی ٹی آئی ورکرز کے خلاف پولیس نے کریک ڈاون ڈاؤن کیا پی ٹی آئی ذرائع کے مطابق پولیس نے ضلع بھر سے 25 پی ٹی آئی ورکرز کو گرفتار کر لیا،

اسلام آباد پولیس نے پی ٹی آئی کے سینئر رہنما بابر اعوان کے گھر پر چھا پہ مارا پی ٹی آئی ذرائع کےمطابق پولیس نے ملازمین کو ہراساں کیا، بابر اعوان کی موجودگی کے بارے پوچھتی رہی :بابر اعوان کو آج اسلام آباد ہائیکورٹ میں لارجر بنچ کے سامنے پیش ہونا ہے-

پی ٹی آئی رہنما راجہ بشارت نے کہا کہ میری رہائش گاہ پر چھاپہ مارا گیا،ملازمین کو ہراساں کیا گیا،میں گھر پر نہیں تھا،پولیس دوبارہ آنے کی دھمکی دے کر گئی ہے،کسی بھی شہری کے گھر پر رات گئے چھاپہ مارنا انتہائی گھٹیا حرکت ہے،اس طرح کے ہتھکنڈے آزادی مارچ کو نہیں روک سکتے-

علاوہ ازیں لاہور میں پی ٹی آئی یوتھ کے رہنما حافظ تنویر کے گھر پر بھی چھاپہ مارا پی ٹی آئی ذرائع کا کہنا ہےکہ چھاپے کے وقت حافظ تنویر انصاری گھر پر نہیں تھے جس کے باعث پولیس واپس چلی گئی۔

ملتان میں پولیس کا کریک ڈاؤن ، ،رات بھر عہدیداران اور کارکنوں کے گھر چھاپے مارے گئے پی ٹی آئی کے 70 سے زائد کارکنان کو گرفتار کر لیا گیا –

ملتان میں ایم پی اے بیرسٹر وسیم خان بادوذئی اور پی ٹی آئی رہنما قربان فاطمہ کے گھروں پر پولیس نے چھاپے مارے،چھاپے کے وقتگھر پر وسیم خان بادوزئی موجود نہ تھے قربان فاطمہ کو گرفتار کر لیا گیا –

قربان فاطمہ کے اہلخانہ کا کہنا تھا کہ پولیس دیواریں پھلانگ کر گھر میں داخل ہوئی-

پی ٹی آئی ذرائع کے مطابق پی پی 211 حلقہ سے 25 کارکنوں کو گرفتار کیا گیا،یوتھ ونگ رہنما راؤ یاسر کی گرفتاری کے لیے رات گئے چھاپہ مارا-

ملتان پولیس ذرائع کے مطابق کارکنوں اور رہنماؤں کی گرفتاری کے لیے فہرستیں تیار کی گئیں ہیں-

بہاولپور میں پی ٹی آئی آزادی مارچ، رہنماؤں اور ورکرز کے گھروں پر چھاپے مارے گئے پی ٹی آئی ذرائع کے مطابق ایم پی اے سمیع اللہ چودھری کے گھر پر رات گئے پولیس نے چھاپہ مارا ،سمیع اللہ چودھری نے کہا کہ ن لیگ کے اوچھے ہتھکنڈوں سے آزادی مارچ نہیں رک سکتا-

گجرات،پی ٹی آئی کی مقامی قیادت اور کارکنوں کی گرفتاری کے لئے 145 افراد کی فہرست تیار کر لی گئی جی ٹی روڈ کو بند کرنے کے لیے ہر تھانے کو 5 کنٹینرز پکڑنے کا ہدف دیا گیا-

پی ٹی آئی کے ضلعی صدر ایم پی اے چودھری سلیم سرور جوڑا کے مطابق ان کے گھر پولیس نے چھاپہ مارا 50 کے قریب کارکنوں کو گرفتار کیا گیا-

اسلام آباد: پاکستان تحریک انصاف (پی ٹی آئی) کے رہنما فواد چوہدری نے کہا ہے کہ 25 مئی کو اسلام آباد کی جانب مارچ سے قبل ہی حکومت نے پی ٹی آئی قائدین اور ورکرز سمیت 700 لوگوں کو گرفتار کرنے کا منصوبہ بنا لیا ہے۔

باغی ٹی وی : میڈیا سے گفتگو کرتے ہوئےفواد چوہدری نے کہا کہ ہم گرفتاریوں کیلئے تیار ہیں، مارچ ہر صورت ہو گا، لاٹھی اور گولی سے معاملہ نہیں رکے گا، حکومت کو عقل کے ناخن لینے چاہئیں حکومت نے چناب، جہلم اور اٹک کا پل بند کرنے کا بھی منصوبہ بنایا ہے۔

انہوں نے کہا کہ خیبر پختون خوا اور پنجاب سے شہری اسلام آباد پہنچیں گے، کراچی، کوئٹہ، حیدر آباد، سکھر اور لاڑکانہ کو بھی اسلام آباد بنائیں گے، ملک کا سیاسی بحران حل ہوا تو ہی معاشی بحران حل ہو گا۔

فواد چوہدری نےکہاکہ عوام کوسہولیات کےبجائے وزیراعظم ہاؤس میں جیم اورسوئمنگ پول بنائے جارہے ہیں، اس وقت ملک کا وزیراعظم ضمانت کے اوپر ہے، سب سے بڑے صوبے کا وزیر اعلی ضمانت کے اوپر ہے

انہوں نے کہا کہ اس وقت ملک کو حکومت کی وجہ سے ہزیمت کا سامنا ہے، ہندوستان روس کے ساتھ ڈیل کردی، یہی ڈیل ہمیں نہیں کرنے دی اور ہماری حکومت فارغ کردی گئی، یہ کچھ بھی ہوسکتا ہے آزادی نہیں ہوسکتی، سب سے اہم بات یہ ہے کہ ہم اپنی آزادی واپس حاصل کرلیں۔

فواد چوہدری نے کہا کہ عوام کو اختیار دیا جائے کہ وہ اپنا فیصلہ خود کریں، اگر ہم آزادی مارچ نہ کرتے تو ہمیں خدشہ ہے کہ ہماری آزادی ہمیشہ کیلئے ختم ہوجائے گی، وزیر داخلہ پر درجنوں مقدمات درج ہیں۔