عندلیب عباس، سعدیہ رانا اور سمیرا احمد نے بھی پی ٹی آئی چھوڑ دی ہے اور سابق وزیر اعظم اور سربراہ تحریک انصاف عمران خان سے راہیں جدا کرلی ہیں اور تحریک انصاف کی مرکزی رہنما عندلیب عباس ،سعدیہ سہیل رانا اور سمیرا احمد نے تحریک انصاف کو چھوڑ کر استحکام پاکستام پارٹی میں شمولیت کا اعلان کردیا.
جبکہ عندلیب عباس،سعدیہ سہیل اورسمیرا بخاری نے آئی پی پی میں شمولیت کے بعد ترجمان آئی پی پی فردوس عاشق اعوان کے ہمراہ پریس کانفرنس کی اور فردوس عاشق اعوان نے کہا کہ اپنی بہنوں کو استحکام پاکستان پارٹی میں خوش آمدید کہتی ہوں تاہم عندلیب عباس کا اس موقع پر کہنا تھا کہ ہم ایک بارپھر اکٹھے ہوگئے ہیں، ہمیں سب بھول کر آگے بڑھنا ہوگا، آج عام آدمی دو وقت کی روٹی کیلئے پریشان ہے، لوگوں نے موٹر سائیکلیں بیچ کر بجلی کے بل دیے، غریب آدمی بچوں کی فیس دے یا مکان کا کرایہ دے؟
مزید یہ بھی پڑھیں؛
9 مئی ملزماں کے جیل ٹرائل کی منظوری
بنگلادیش کو 382 رنز کا ہدف
ڈالر مزید مہنگا ہوگیا
جبکہ عندلیب عباس نے کہا کہ ہمارے معاشی حالات انتہائی خراب ہیں، غربت سے تنگ لوگ ڈاکے ڈال رہے ہیں، ہمیں عام آدمی کی زندگی میں تبدیلی لانی ہے اور سعدیہ سہیل کا کہنا تھا کہ ہم ملک کیلئے اپنے حصے کا کام کرنا چاہتے ہیں۔ جبکہ سمیرا بخاری نے کہا کہ ہم اپنے ملک کیلئے اکٹھے ہوگئے ہیں، ہم عوام کےمسائل حل کرنے کیلئے اکٹھے ہوئے ہیں، ہمیں معلوم ہے کہ ملک کن حالات سے گزر رہا ہے۔
