Baaghi TV

Tag: چین

  • عمران خان کا کراچی یونیورسٹی میں دھماکے پر اظہار افسوس،پاکستان دشمنوں کی مذمت

    عمران خان کا کراچی یونیورسٹی میں دھماکے پر اظہار افسوس،پاکستان دشمنوں کی مذمت

    اسلام آباد:عمران خان کا کراچی یونیورسٹی میں دھماکے پر اظہار افسوس،پاکستان دشمنوں کی مذمت ،اطلاعات کے مطابق سابق وزیراعظم عمران خان نے کراچی یونیورسٹی میں دھماکے پر افسوس کا اظہار کیا ہے۔

    اپنے ایک بیان میں چیئرمین پاکستان تحریک انصاف عمران خان نے کراچی دھماکے کی مذمت کی ہے جبکہ عمران خان نے قیمتی جانوں کے ضیاع پر افسوس کا اظہار بھی کیا ہے۔

     

    عمران خان نے کہا کہ جامعہ کراچی کے چینی اساتذہ پر دہشت گرد حملے کی شدید مذمت کرتا ہوں، جاں بحق افراد کے اہلخانہ کے غم میں برابر کے شریک ہیں۔

    انہوں نے یہ بھی کہا کہ یہ پاک چین اسٹریٹیجیک اشتراک کو نقصان پہنچانے کے خصوصی ایجنڈے کے تحت کیا گیا ایک اور حملہ ہے۔

    چیئرمین پاکستان تحریک انصاف عمران خان کا مزید کہنا ہے کہ ہمیں اپنے دشمن کے اس بیرونی حمایت یافتہ ایجنڈے کو بہرصورت خاک میں ملانا ہے۔

    واضح رہے کہ جامعہ کراچی میں غیر ملکی اساتذہ کی وین میں دھماکے کے نتیجے میں 5 افراد جاں بحق جب کہ متعدد زخمی ہوگئے ہیں۔

    کراچی یونیورسٹی کے کامرس ڈیپارٹمنٹ اور کنفیوشس انسٹی ٹیوٹ آف چائنیز لنگویج کے قریب کھڑی ایک وین میں اس وقت دھماکا ہوا جب وہاں بڑی تعداد میں طلبہ اور اساتذہ موجود تھے۔

    دھماکے کی شدت اس قدر زیادہ تھی کہ ناصرف وین میں آگ بھڑک اٹھی بلکہ اطراف میں گھڑی گاڑیوں اور عمارتوں کے شیشے ٹوت گئے۔

    دھماکے کے فوری بعد جامعہ کراچی میں سیکیورٹی پر مامور قانون نافذ کرنے والے ادارے کے اہلکار پہنچ گئے۔

    دھماکے کے نتیجے میں زخمی ہونے والوں کو فوری طور پر قریبی اسپتال منتتقل کردیا گیا جہاں 5 افراد کے جاں بحق ہونے کی تصدیق کی گئی ہے۔ زخمیوں میں سے کئی کی حالت تشویشناک بتائی جارہی ہے، جس سے جانی نقصان میں مزید اضافے کا اندیشہ ظاہر کیا جارہا ہے۔

    کراچی پولیس چیف غلام نبی میمن نے میڈیا سے بات کرتے ہوئےکہا کہ دھماکا خودکش ہوسکتا ہے اور اس میں برقع پوش خاتون ملوث ہوسکتی ہے، دھماکا تخریب کاری کا نتیجہ ہے، چینی اساتذہ کونشانہ بنایاگیا۔

    وزیراعلیٰ سندھ مراد علی شاہ نے گاڑی میں دھماکے کا نوٹس لے لیا اور کمشنر کراچی سے تفصیلی رپورٹ طلب کرلی ہے۔

    ڈی آئی جی ایسٹ مقدس حیدر نے میڈیا سے گفتگو کرتے ہوئے کہا ہے کہ دھماکا ایک بج کر 52 منٹ پر ہوا، دھماکے میں 5 افراد جاں بحق ہوئے جن میں تین غیر ملکی باشندے شامل ہیں۔

    انہوں نے کہا کہ جاں بحق افراد میں غیر ملکیوں میں دو خاتون ایک مرد شامل ہے، دھماکے کا تعین بم ڈسپوزیبل اسکاڈ نے کرنا ہے۔

  • کراچی کیلئے جدید بسوں کی پہلی کھیپ چین سے روانہ

    کراچی کیلئے جدید بسوں کی پہلی کھیپ چین سے روانہ

    کراچی کے لیے جدید بسوں کی پہلی کھیپ کو چین سے روانہ کردیا گیا ہے۔

    باغی ٹی وی : تفصیلات کے مطابق صوبائی وزیرٹرانسپورٹ اویس قادر شاہ نے کہا ہے کہ کراچی کیلئے ڈیزل ہائبرڈبسوں کی پہلی کھیپ چین سے روانہ ہوچکی ہے، چین کی بندر گاہوں سے بحری جہاز 120 سے زائد بسیں آج لے کر روانہ ہوگئے ہیں۔

    امریکی حکومتی عہدیداروں سے ملاقات میں کون سی امریکی سازش پر بات ہوئی؟ وزیرداخلہ رانا ثناء اللہ

    وزیرٹرانسپورٹ نے بتایا کہ یہ بسیں انٹر سٹی پبلک ٹرانسپو رٹ منصوبے کے تحت چلائی جائیں گی، کراچی کے 6 اضلاع میں 15 سے زائد روٹس پر بسیں چلائی جائیں گی۔

    اویس شاہ کا کہنا تھا کہ ڈیزل ہائبرڈ انٹرسٹی منصوبے کیلئے مختلف علاقوں میں بس اسٹاپ قائم کیے جائیں گے، منصوبے کے تحت 240 بسیں کراچی اور 10 لاڑکانہ میں چلائی جائیں گی۔

    آصف زرداری کی چودھری شجاعت کی رہائشگاہ آمد ، پرویز الٰہی منظر نامے سے غائب

    کراچی کی روائتی لوکل بسوں کی نسبت یہ بسیں لمبی اور مکمل ایئرکنڈیشنڈ ہوں گی ہر بس میں 200 سے 250 افراد کے سفر کرنے گنجائش موجود ہے۔ بسوں میں خواتین اور معذور افراد کے لیے بھی نشستیں مختص ہیں-

    پی ٹی آئی حکومت کی 4 سالہ معاشی کارکردگی کی رپورٹ جاری

  • کرپشن کا ایک دھیلا اورینج لائن منصوبے میں ثابت نہیں ہوسکا،وزیراعظم

    کرپشن کا ایک دھیلا اورینج لائن منصوبے میں ثابت نہیں ہوسکا،وزیراعظم

    کرپشن کا ایک دھیلا اورینج لائن منصوبے میں ثابت نہیں ہوسکا،وزیراعظم

    باغی ٹی وی کی رپورٹ کے مطابق وزیراعظم شہباز شریف نے کہا ہے کہ پشاور موڑتا اسلام آباد ایئرپورٹ میٹرو بس سروس کا افتتاح باعث اعزاز ہے

    وزیراعظم شہباز شریف کا کہنا تھا کہ چین اور ترکی نے ہمیشہ پاکستان کی ترقی میں معاونت کی ہے،پشاور موڑ سے اسلام آباد ایئر پورٹ اورینج روٹ آج سے آپریشنل ہوا،رمضان میں مفت سفر کی سہولت فراہم کریں گے، میٹرو بس توسیعی منصوبے پر اب تک 16ارب روپے آچکے ہیں بد قسمتی سے حکومت بدلنے پر یہ منصوبہ بھی بد ترین تاخیر کا شکار ہو گیا،اسلام آباد کے شہریوں کویہ تحفہ نوازشریف نے2017 میں دیا پی ٹی آئی دور سے ایک حد تک دفاع کے اخراجات بھی قرضوں سے ادا کرتے ہیں،منصوبے کا ا صل تخمینہ 16 ارب تھا، ،ہمارا ملک ایک غریب ملک ہے یہ 100 روپے کا نقصان بھی برداشت نہیں کر سکتا اور سابق حکومت کی تاخیر کی وجہ سے ڈھائی ارب کا نقصان ہوا۔پشاور موڑ تا اسلام آباد ایئر پورٹ میٹروبس منصوبے کو 2018 میں آپریشنل ہوناتھا،تعطل کی وجہ سرکار کو منصوبے میں دلچسپی ہی نہیں تھی،

    وزیراعظم شہباز شریف کا کہنا تھا کہ ہم نے ملک و قوم کی خدمت کرنی ہے ، 55 روپے فی کلو میٹر ہیلی کاپٹر کا سفر کرنے والے وزیراعظم مہنگی، بلٹ پروف گاڑیاں رکھنے والے وزراء کو کیا غرض ہو کہ کسی غریب کے بچے نے سکول جانا ہے ،کسی نے بیمار ماں کو ہسپتال لے کر جانا ہے کسی ٹیچر نے سکول یونیورسٹی جانا ہے اگر ہماری حکومت رہتی تو یہ منصوبہ چار سال تو کیا 4 گھنٹے کی تاخیر کا شکار بھی نہ ہوتا عوام سے کبھی غلط بیانی نہیں کروں گا،لاہور کا اورینج لائن منصوبہ چین کا تحفہ ہے،سابق وزیراعظم کے پاس ہیلی کاپٹر،وزراکے پاس بلٹ پروف گاڑیاں تھیں،سابق حکمرانوں کو عوام سےکوئی غرض نہیں تھی کرپشن کا ایک دھیلا اورینج لائن منصوبے میں ثابت نہیں ہوسکا،ججز نے ایک سال تک کیس کو سنا اور پھر ہمیں کلین چٹ دی کہ منصوبے میں دھیلے کی کرپشن بھی نہیں ہوئی ، اس کے بعد پی ٹی آئی کے وکیلوں نے سپریم کورٹ سے رجوع کیا ، وہاں بھی کیس چلتا رہا جس کے بعد فیصلہ 8 ماہ تک محفوظ رکھا گیا ، اس طرح مجموعی طور پر اورنج لائن ٹرین کا منصوبہ تقریبا اڑھائی سال کی تاخیر کا شکار ہوا

    وزیراعظم شہباز شریف کا کہنا تھا کہ دن رات محنت کرنے پر چیئرمین سی ڈی اے اوران کی ٹیم کا شکریہ ادا کرتا ہوں جو کام سے محبت کرتا ہے، اور قوم کے لیے کام کرتا ہے وہ قوم کا تاج ہیں،ملک بڑی مشکل اور قربانیوں سے بنا ہے چین کے تعاون سے کے سی آر منصوبہ کراچی کے لیے بہت اہم ہے پشاور موڑ سے نیو ائیرپورٹ تک کی میٹرو بس سے متعلق سابق وزیر اعظم نے کبھی سوچا بھی نہ ہوگا کہ کبھی ہم نے اس میں بیٹھنا بھی ہے اس بس میں غریب قوم نے بیٹھنا تھا ، آج سے 7 دن قبل مجھے خادم پاکستان بنایا تو اگلے دن یہاں آیا اور چار سال سے تاخیر کا منصوبہ چار دن میں مکمل کر کے آج افتتاح کر دیا اس میں ہزاروں افراد سفر کرینگے اوررمضان شریف کے مہینے میں اس منصوبے پر کام کرنے والی پوری ٹیم کو دعائیں دینگے

    وزیراعظم شہباز شریف کا مزید کہنا تھا کہ سی پیک کے تحفے پر چینی صدرشی جن پنگ کے مشکور ہیں چین نے پاکستان کی معیشت کو مضبوط بنانے میں اہم کردار ادا کیا،چین پاکستان کا ایک عظیم دوست ہے چین پاکستان کے ساتھ ہمیشہ کھڑا رہا،

    میٹرو بس اسلام آباد پر کام تقریباً چار سال کے تعطل کے بعد شروع ہوا.وزیرِ اعظم شہباز شریف نے وزارتِ عظمی کا قلمدان سنبھالتے ہی میٹرو بس اسلام آباد کو ترجیحی بنیادوں پر مکمل کرکے سروس کا آغاز کرنے کی ہدایات جاری کی تھیں. میٹرو بس اسلام آباد پشاور موڑ سے اسلام آباد انٹرنیشنل ایئرپورٹ تک روزانہ ہزاروں مسافروں کو بین الاقوامی معیار کی سفری سہولیات فراہم کرے گی. بعد ازاں میٹرو بس سروس کی توسیع کرکے اسے روات تک لے جایا جائے گا.

    دوسری جانب وزیرِ اعظم شہباز شریف سے سابق وزیرِ اعلی گلگت بلتستان حافظ حفیظ الرحمن کی ملاقات ہوئی ہے،حافظ حفیظ الرحمن نے وزیرِ اعظم کو منصب سنبھالنے پر مبارکباد پیش کی. اور کہا کہ چلاس میں وزیرِ اعظم کی عالمی معیار کی سہولتوں سے آراستہ ہسپتال کی منظوری مقامی لوگوں کیلئے نعمت سے کم نہیں.ٹریفک کی سارا سال روانی کیلئے بابو سر ٹنل کی منظوری سے نہ صرف سیاحت کو فروغ ملے گا بلکہ مقامی آبادی کی آمدورفت و معاشی سرگرمیاں سارا سال بلا تعطل جاری رہیں گی. دیامر بھاشا ڈیم کی تعمیر کو 2029 کی بجائے 2026 میں مکمل کرنے کی ہدایات پر حافط حفیظ الرحمن نے وزیرِ اعظم شہباز شریف کو خراج تحسین پیش کیا،

    وزیراعظم شہباز شریف کا کہنا تھا کہ ہماری حکومت کی اولین ترجیح عوام کی خدمت ہے. چار سال کے سیاہ دور میں عوامی فلاحی منصوبوں کو نظر انداز کیا گیا.انشاء اللہ ملک و قوم کی خدمت کا سفر اب تیزی سے جاری رہے گا.

    کراچی جانے کیلئے عمران خان کو جہاز کس نے دیا؟ بحث چھڑ گئی

    این اے 33 ہنگو،ضمنی انتخابات، پولنگ جاری،سیکورٹی سخت

    پنجاب اسمبلی، ہنگامہ آرائی کا مقدمہ درج

    چودھری پرویز الہیٰ کو پولیس نے بلا لیا

    پرویز الہیٰ کی جانب سے حملے کے الزام کے بعد رانا مشہود بھی خاموش نہ رہ سکے

    حمزہ شہباز کی حلف برداری کی تقریب آج، کون لے گا حلف؟

    عثمان بزدار ڈپٹی سپیکر پنجاب اسمبلی کے پاس پہنچ گئے

    وفاقی حکومت نے گورنر پنجاب کو عہدے سے ہٹا دیا

    جب تک صدر پاکستان عہدے سے نہیں ہٹاتے میں گورنر پنجاب ہوں، عمرسرفراز چیمہ

    مولانا فضل الرحمان نے فوری الیکشن کا مطالبہ کر دیا

  • روسی صدرکی مبارکباد،چین نے سی پیک پرکام جاری رکھنے کی امید کردی

    روسی صدرکی مبارکباد،چین نے سی پیک پرکام جاری رکھنے کی امید کردی

    بیجنگ :روسی صدرکی مبارکباد،چین نے سی پیک پرکام جاری رکھنے کی امید کردی،اطلاعات کے مطابق چین نے شہباز شریف کو وزیراعظم پاکستان بننے پر مبارک باد پیش کرتے ہوئےکہا ہے کہ وہ سی پیک پر پاکستان کے ساتھ کام آگے بڑھانےکا خواہش مند ہے۔

    بیجنگ میں بریفنگ کے دوران چینی وزارت خارجہ کے ترجمان نے شہباز شریف کو وزیراعظم پاکستان بننے پر مبارک باد پیش کی۔

     

    ترجمان کا کہنا تھا کہ چین اعلیٰ معیار کے سی پیک منصوبے پرپاکستان کے ساتھ کام آگے بڑھانےکاخواہش مند ہے۔ترجمان کا مزید کہنا تھا کہ پاک چین کمیونٹی کےدرمیان مشترکہ مستقبل کے لیے بھی قریبی تعلقات چاہتے ہیں۔

    روس کے صدر ولادیمیر پیوٹن نے شہباز شریف کو وزیراعظم منتخب ہونے پر مبارکباد دی ہے۔

    گزشتہ روز شہباز شریف پاکستان کے 23 ویں وزیراعظم منتخب ہوئے تھے اور اپنے عہدے کا حلف اٹھایا تھا۔وزیراعظم منتخب ہونے کے بعد عالمی رہنماؤں کی جانب سے شہباز شریف کو مبارکباد دینے کا سلسلہ جاری ہے۔

     

    پاکستان میں روس کے سفارتخانے کی جانب سے جاری بیان کے مطابق روسی صدر ولادیمیر پیوٹن نے شہباز شریف کو وزیراعظم منتخب ہونے پر مبارکباد پیش کی ہے۔

  • ا مید ہےپاکستان کی نئی حکومت چین کیساتھ دوستی کو یقینی بنائے گی،چین پاکستان تعلقات اور بھی بہتر ہونگے،چین

    ا مید ہےپاکستان کی نئی حکومت چین کیساتھ دوستی کو یقینی بنائے گی،چین پاکستان تعلقات اور بھی بہتر ہونگے،چین

    بیجنگ: چین نے امید ظاہر کی ہے کہ اسلام آباد میں اتنی بڑی سیاسی ہلچل چین اور پاکستان کے درمیان ٹھوس دوستی کو متاثر نہیں کرے گی۔

    باغی ٹی وی : "گلوبل ٹائمز نیوز” کے مطابق چین کا کہنا ہے کہ پاکستان کے وزیر اعظم عمران خان کو اتوار کو ملکی پارلیمان میں عدم اعتماد کے ووٹ میں عہدے سے ہٹا دیا گیا تھا، لیکن امید ہے کہ اسلام آباد میں اتنی بڑی سیاسی ہلچل چین اور پاکستان کے درمیان ٹھوس دوستی کو متاثر نہیں کرے گی۔


    چین اور پاکستان دونوں کے ماہرین چین پاکستان تعلقات کے مستقبل پر پراعتماد ہیں کیونکہ ان کا خیال ہے کہ نئی حکومت چین کے ساتھ دوستی کو یقینی بنانے کے لیے ملک کی دیرینہ روایت کو برقرار رکھے گی اور چین پاکستان تعاون کے تمام منصوبوں کو آگے بڑھایا جائے گا۔

    چینی اور پاکستانی تجزیہ کاروں کا خیال ہے کہ چین پاکستان کے ٹھوس تعلقات پاکستان میں داخلی سیاسی تبدیلی سے متاثر نہیں ہوں گے کیونکہ دوطرفہ تعلقات کی حفاظت اور ترقی پاکستان کی تمام جماعتوں اور تمام گروہوں کا مشترکہ اتفاق ہے عمران خان کی جگہ نیا وزیر عظم شریف خاندان سے ہے جو ایک طویل عرصے سے چین پاکستان تعلقات کو فروغ دے رہا ہے اور دونوں ممالک کے درمیان تعاون خان کے دور سے بھی بہتر ہو سکتا ہے۔


    ماہرین کے مطابق اگرچہ امریکہ نے ہمیشہ چین پاکستان تعلقات کو بھڑکانے یا مشکلات پیدا کرنے کی کوشش کی ہے، خاص طور پر چین پاکستان اقتصادی راہداری (سی پیک ) منصوبے اور چین کے مجوزہ بیلٹ اینڈ روڈ انیشیٹو (BRI) کو نشانہ بناتے ہوئے، چین کو پریشان ہونے کی ضرورت نہیں ہے-

    پاکستان میں موجودہ داخلی سیاسی کشمکش بنیادی طور پر کوویڈ 19 وبائی امراض کی وجہ سے پیدا ہونے والے معاشی مسائل کی وجہ سے پیدا ہوئی، جب کہ سی پیک اور بی آر آئی کے ساتھ ساتھ انسداد دہشت گردی اور کورونا وائرس کے خلاف جنگ سمیت دیگر شعبوں میں چین پاکستان تعاون، پاکستان کے لیےموجودہ چیلنجز پر قابو پانے کے لیے اہم ہیں۔ . تجزیہ کاروں کا کہنا ہے کہ اس کا مطلب یہ ہے کہ چین ملک کے لیے سب سے قابل اعتماد، قابل اعتماد، طاقتور اور ناقابل تبدیلی شراکت دار ہے۔

    چینی وزارت خارجہ کے ترجمان ژاؤ لیجیان نے بدھ کو معمول کی پریس کانفرنس میں پاکستان کی موجودہ سیاسی صورتحال کے بارے میں پوچھے جانے پر کہا تھا کہ "چین دوسرے ممالک کے اندرونی معاملات میں عدم مداخلت کے اصول پر عمل پیرا ہے۔ چین اور پاکستان ہمہ موسمی تزویراتی تعاون پر مبنی شراکت دار ہیں تاریخ نے بار بار یہ ثابت کیا ہے کہ چین اور پاکستان کے تعلقات ہمیشہ اٹوٹ اور مضبوط رہے ہیں، چاہے بین الاقوامی منظر نامے اور ان کے متعلقہ ملکی حالات کیسے ہی بدل جائیں۔

    ژاؤ نے مزید کہا کہ ہم سمجھتے ہیں کہ چین پاکستان تعاون کی مجموعی صورت حال اور چین پاکستان اقتصادی راہداری کی تعمیر پاکستان کی سیاسی صورتحال سے متاثر نہیں ہوگی۔ پاکستان کے فولادی دوست کی حیثیت سے ہم پوری امید رکھتے ہیں کہ تمام فریق پاکستان متحد رہے گا اور ملکی ترقی اور استحکام کے لیے مل کر کام کرے گا۔


    یکجہتی اور دوستی

    سنگھوا یونیورسٹی کے نیشنل اسٹریٹجی انسٹی ٹیوٹ کے ریسرچ ڈیپارٹمنٹ کے ڈائریکٹر کیان فینگ نے کہا کہ پاکستان میں تازہ ترین سیاسی تبدیلی بنیادی طور پر سیاسی جماعتوں کی جدوجہد اور معیشت اور لوگوں کے ذریعہ معاش کے مسائل کی وجہ سے ہے۔ کیان نے مزید کہا کہ کوویڈ وبائی امراض کے اثرات کی وجہ سے ملک میں بہت سے لوگوں کا خیال ہے کہ خان کی انتظامیہ معاشی صورتحال کو خراب ہونے سے روکنے میں ناکام رہی ہے،

    عام طور پر، پاکستان کے موجودہ اندرونی مسائل کا چین کے ساتھ اس کے ٹھوس تعلقات سے کوئی تعلق نہیں، اس لیے چین پاکستان تعاون پر کوئی خاص اثر نہیں پڑے گا۔ خان کا تعلق ایک نئی ابھرتی ہوئی سیاسی جماعت سے ہے – پاکستان تحریک انصاف، اور جب پاکستان مسلم لیگ (نواز) یا پاکستان پیپلز پارٹی (پی پی پی) جیسی روایتی بڑی سیاسی جماعتیں اقتدار میں واپس آتی ہیں تو چین پاکستان تعاون اور بھی بہتر ہو سکتا ہے کیونکہ کیان نے نوٹ کیا کہ ان روایتی بڑی جماعتوں کے چین کے ساتھ بہت قریبی اور گہرے تعلقات ہیں۔

    جب شریف مشرقی صوبہ پنجاب کے علاقائی رہنما تھے، تو انہوں نے مقامی انفراسٹرکچر اور اقتصادی ترقی کو بہتر بنانے کے لیے براہ راست چین کے ساتھ بی آر آئی تعاون کے بہت سے معاہدے کیے، اور ان کے خاندان نے چین کے ساتھ دیرینہ تعلقات برقرار رکھے ہیں اہرین نے کہا کہ وقت کے سابق وزیر اعظم اور رہنما جنہوں نے سی پیک منصوبے کو شروع کیا۔

    نیشنل پارٹی آف پاکستان کی سنٹرل سٹینڈنگ کمیٹی کے ایگزیکٹو ممبر اور چین پاکستان تعلقات کے ماہر رانا علی قیصر خان نے گلوبل ٹائمز کو بتایا کہ "چین پاکستان کا ہمہ موسمی دوست ہے، لہٰذا اس سے کوئی فرق نہیں پڑتا کہ حکومت کی قیادت کوئی بھی کرے۔ چین کے ساتھ تعلقات کو متاثر نہیں کر سکتے۔

  • امریکا کی اپنے شہریوں کو چین کے سفر سے متعلق سخت ہدایات جاری

    امریکا کی اپنے شہریوں کو چین کے سفر سے متعلق سخت ہدایات جاری

    امریکی حکومت نے اپنے شہریوں کو چین کا سفر کرنے کے حوالے سے سخت ہدایات جاری کر دی ہیں۔

    باغی ٹی وی : کورونا وائرس کے کیسوں میں اضافے اور کوویڈ کے پھیلاؤ کو روکنے کے چینی طریقہ کار کی وجہ سے امریکی حکومت نے شہریوں سے کہا ہے کہ وہ چین نہ جائیں۔

    چین میں کورونا نے پھرسراٹھا لیا:شنگھائی میں سخت لاک ڈاؤن کے باعث شہریوں کو غذائی قلت کا سامنا

    شنگھائی میں کئی کیسوں میں کوویڈ پابندیوں کے تحت بچوں کو ان کے والدین سے بھی الگ کیا جا رہا ہے کسی بھی شخص میں کوویڈ کی تشخیص پر اسے الگ تھلگ کر کے اسپتال میں قرنطینہ کی مدت پوری کرنا ہوتی ہے۔

    واشنگٹن حکومت نے شہریوں کو ہانگ کانگ نہ جانے کا بھی مشورہ دیا ہے۔

    واضح رہے کہ چین میں کورونا نے پھرسراٹھا لیا ہے چین کے شہر شنگھائی میں حکومت کی جانب سے کورونا لاک ڈاؤن کے باعث شہریوں کو غذائی قلت کا سامنا کرنا پڑ رہا ہے۔

    شنگھائی میں لاک ڈاؤن کے تحت کچھ رہائشیوں کا کہنا ہے کہ شہر کے اب تک کے سب سے بڑے کوویڈ پھیلنے کے درمیان ان کے پاس کھانا ختم ہو رہا ہے رہائشی اپنے گھروں تک محدود ہیں، یہاں تک کہ اشیائے خورد و نوش کی خریداری جیسی ضروری وجوہات کی بنا پر بھی باہر جانے پر پابندی ہے۔.

    چین:کورونا وائرس کا دوبارہ پھیلاو تیزی سے جاری،2500 سے زائد نئے کیسز

    شنگھائی کی انتظامیہ نے اعتراف کیا ہے کہ شہر کو “مشکلات” کا سامنا ہے لیکن ان کا کہنا ہے کہ وہ اس میں بہتری لانے کی کوشش کر رہے ہیں لیکن شہریوں میں سخت غصہ اور بے چینی بھی ہے ، جیسا کہ بچوں کو کورونا ٹیسٹ مثبت آنے کے بعد ان کو والدین سے الگ کیا جا رہا ہے۔

    شہریوں کے ردعمل کے بعد شنگھائی کے حکام نے بعد میں ان والدین کو بھی ان کے بچوں کے ساتھ تنہائی کے مراکز میں جانے کی اجازت دے دی ہے تاہم ایک بین الاقوامی میڈیا کے مطابق اب بھی والدین سے الگ ہونے والے بچوں کے بارے میں شکایات موجود ہیں جو کوویڈ پازیٹو نہیں تھے۔

    حکومت نے شنگھائی شہر میں ہر معاملے کی شناخت اور الگ تھلگ کرنے کے لیے بدھ کو لازمی بڑے پیمانے پر کورونا ٹیسٹنگ کا ایک اور دور شروع کر دیا ہے شنگھائی کے وہ شہری جن کا کورونا ٹیسٹ مثبت آ گیا ہے وہ اپنے گھروں میں الگ تھلگ نہیں رہ سکتے چاہے کورونا کی علامت ہلکی ہوں یا مہلک ہوں شنگھائی میں قرنطینہ مراکز پر بھی سخت دباؤ ہے، اور حکومت نئے قرنطینہ مراکز قائم کرنے کی منصوبہ بندی کر رہی ہے۔

    کورونا کی نئی قسم سابقہ ریکارڈ توڑنےلگی

  • چین میں کورونا نے پھرسراٹھا لیا:شنگھائی میں سخت لاک ڈاؤن کے باعث شہریوں کو غذائی قلت کا سامنا

    چین میں کورونا نے پھرسراٹھا لیا:شنگھائی میں سخت لاک ڈاؤن کے باعث شہریوں کو غذائی قلت کا سامنا

    چین میں کورونا نے پھرسراٹھا لیا:شنگھائی میں سخت لاک ڈاؤن کے باعث شہریوں کو غذائی قلت کا سامنا ،اطلاعات کے مطابق چین کے شہر شنگھائی میں حکومت کی جانب سے کورونا لاک ڈاؤن کے باعث شہریوں کو غذائی قلت کا سامنا کرنا پڑ رہا ہے۔

    شنگھائی میں لاک ڈاؤن کے تحت کچھ رہائشیوں کا کہنا ہے کہ شہر کے اب تک کے سب سے بڑے کوویڈ پھیلنے کے درمیان ان کے پاس کھانا ختم ہو رہا ہے۔

    رہائشی اپنے گھروں تک محدود ہیں، یہاں تک کہ اشیائے خورد و نوش کی خریداری جیسی ضروری وجوہات کی بنا پر بھی باہر جانے پر پابندی ہے۔چین کے سب سے بڑے شہر میں جمعرات کو تقریباً 20,000 نئے ریکارڈ کورونا کیسز رپورٹ ہوئے.

    شنگھائی کی انتظامیہ نے اعتراف کیا ہے کہ شہر کو “مشکلات” کا سامنا ہے لیکن ان کا کہنا ہے کہ وہ اس میں بہتری لانے کی کوشش کر رہے ہیں۔

    لیکن شہریوں میں سخت غصہ اور بے چینی بھی ہے ، جیسا کہ بچوں کو کورونا ٹیسٹ مثبت آنے کے بعد ان کو والدین سے الگ کیا جا رہا ہے۔

    شہریوں کے ردعمل کے بعد شنگھائی کے حکام نے بعد میں ان والدین کو بھی ان کے بچوں کے ساتھ تنہائی کے مراکز میں جانے کی اجازت دے دی ہے۔

    تاہم ایک بین الاقوامی میڈیا کے مطابق اب بھی والدین سے الگ ہونے والے بچوں کے بارے میں شکایات موجود ہیں جو کوووڈ پازیٹو نہیں تھے۔

    حکومت نے شنگھائی شہر میں ہر معاملے کی شناخت اور الگ تھلگ کرنے کے لیے بدھ کو لازمی بڑے پیمانے پر کورونا ٹیسٹنگ کا ایک اور دور شروع کر دیا ہے۔

    شنگھائی کے وہ شہری جن کا کورونا ٹیسٹ مثبت آ گیا ہے وہ اپنے گھروں میں الگ تھلگ نہیں رہ سکتے چاہے کورونا کی علامت ہلکی ہوں یا مہلک ہوں۔

    شنگھائی میں اس وقت قرنطینہ مراکز پر بھی سخت دباؤ ہے، اور حکومت نئے قرنطینہ مراکز قائم کرنے کی منصوبہ بندی کر رہی ہے۔

     

  • پاکستانیو:سیاست سیاست نہ کھیلیں ملکی خود داری اورسلامتی پرتوجہ دیں:چین کا تیسری بارپیغآم آگیا

    پاکستانیو:سیاست سیاست نہ کھیلیں ملکی خود داری اورسلامتی پرتوجہ دیں:چین کا تیسری بارپیغآم آگیا

    بیجنگ: پاکستانیو:سیاست سیاست نہ کھیلیں ملکی خود داری اورسلامتی پرتوجہ دیں:چین کا تیسری بارپیغآم ،اطلاعات کے مطابق برادر ہمسائیہ ملک چین کی طرف سے پچھلے چند دنوں میں تیسری بار پاکستان کی سیاسی جماعتوں سے درخواست کی گئی ہے کہ خدا را سیاست سیاست نہ کھیلیں پاکستان کی سالمیت اور اس کی خودداری پرتوجہ دیں‌

    پاکستانی سیاسی جماعتوں کے نام یہ تیسرا پیغام جوچین کی حکومت نے پچھلے ڈیڑھ ہفتے میں دیا ہے ، اس حوالے سے آج پھر چین کا کہنا ہے کہ پاکستان کی تمام جماعتیں متحد رہ کر ملکی ترقی اور استحکام کو برقرار رکھیں۔

    ان خیالات کا اظہار چینی وزارت خارجہ کے ترجمان ژاؤ لیجیان نے بیجنگ میں پاکستان کی موجودہ سیاسی صورتحال پر بریفنگ کے دوران ایک سوال کا جواب میں کیا۔

    وزارت خارجہ کے ترجمان نے کہا کہ چین نے ہمیشہ دوسرے ممالک کے اندرونی معاملات میں عدم مداخلت کے اصول پر عمل کیا ہے۔

    چین کی وزارت خارجہ کے ترجمان نے اس بات کی تصدیق کی کہ امریکہ پاکستان میں مداخلت کررہا ہے اوریہ امریکہ کا وطیرہ رہا ہے ،اگراسی طرح امریکی چالیں کامیاب ہوتی رہیں تو پھرنہ تو جمہوریت پنپ سکے گی اور نہ کی کسی ملک کی سلامتی کی گارنٹی دی جاسکے گی

    اس مشکل وقت میں جب کہ امریکہ کی طرف سے پاکستان میں مداخلت کے واضح ثبوت آگئے ہیں چین اور پاکستان کو تمام موسمی تذویراتی تعاون پر مبنی شراکت دار قرار دیتے ہوئے انہوں نے کہا کہ چین اور پاکستان کے تعلقات ہمیشہ اٹوٹ اور مضبوط رہیں گے۔

    ژاؤ لیجیان نے امید ظاہر کی کہ چین پاکستان مجموعی تعاون اور چین پاکستان اقتصادی راہداری (سی پیک) کی تعمیر پاکستان کی سیاسی صورتحال سے متاثر نہیں ہوگی۔

    یاد رہے کہ اس سے پہلے چین کی حکومت 2 مرتبہ پاکستان میں امریکی مداخلت کی تائید کرچکی ہے جس پرپہلے بھی چین نے یہ خدشہ ظاہر کیا تھا کہ امریکہ کو ایسی گھٹیا حرکات سے اب باز آجانا چاہیے

    اس کے ساتھ ساتھ روسی حکومت نے اپنی خفیہ ایجنسیوں کی رپورٹ پراس بات کی تصدیق کی ہے کہ عمران خان کی حکومت کو امریکہ کی طرف سے بہت زیادہ خطرات لاحق تھے اور امریکہ عمران خان کوآزاد خارجہ پالیسی کی وجہ سے برداشت کرنے کے لیے تیار نہیں‌

    روسی حکومت کی طرف سے بھی پاکستانیوں کو یہ پیغآم دیا گیا تھا کہ امریکی مداخلت کو اب ناکام بنا دینا چاہیے

     

  • چین:کورونا وائرس کا دوبارہ پھیلاو تیزی سے جاری،2500 سے زائد نئے کیسز

    چین:کورونا وائرس کا دوبارہ پھیلاو تیزی سے جاری،2500 سے زائد نئے کیسز

    بیجنگ: چین:کورونا وائرس کا دوبارہ پھیلاو تیزی سے جاری،2500 سے زائد نئے کیسز،اطلاعات کے مطابق عالمی وبا کورونا وائرس کی جائے پیدائش چین میں مہلک وائرس کے 2500 نئے کیسز رپورٹ ہوئے۔

    چین کے نیشنل ہیلتھ کمیشن نے ہفتہ کو یہ اطلاع دی۔ اس سے ایک دن پہلے یہاں اس مہلک وائرس سے متاثرہ 1,787 نئے لوگ پائے گئے تھے۔جمعہ کو سامنے آنے والے نئے کیسز میں سے شمال مشرقی صوبے جیلن میں، شنگھائی میں اور شمال مشرقی صوبے ہیلونگ جیانگ میں یہ کیسز رپورٹ ہوئے ہیں۔

    اس کے علاوہ بیرون ملک سے آنے والے 43 نئے لوگ بھی کووڈ-19 سے متاثر پائے گئے ہیں۔ اس سے ایک دن پہلے بیرون ملک سے یہاں آنے والے 40 افراد کورونا سے متاثر پائے گئے تھے۔

    یہاں جمعہ کو اس وبا سے 4,307 مریض شفایاب ہو ئے ہیں ۔ اس وقت مختلف اسپتالوں میں زیر علاج کووڈ-19 مریضوں کی تعداد 27,128 ہے، جن میں سے 58 کی حالت نازک ہے۔جمعہ کو یہاں کووڈ-19 سے کسی کی موت کی اطلاع نہیں ہے۔ مرنے والوں کی تعداد 4,638 پر مستحکم ہے

    ادھر ذرائع کے مطابق چینی حکومت نے پاکستانی طرز کا سمارٹ لاک شروع کررکھا ہے اورحکومت کا کہنا ہے کہ سمجھ سے باہر ہےکہ بہت زیادہ احتیاطی تدابیراختیارکرنے کے باوجود بھی کرونا تیزی سے پھیل رہا ہے ،

    ادھر عالمی اداروں نے خبردار کیا ہے کہ اگریہ معاملہ قابو میں نہ آیا تودنیا ایک بارپھربحرانوں کا شکارہوجائے گی اورپھریہ کورونا ایک نئی شکل میں تباہی مچاسکتا ہے جس کی روک تھام کےلیے مل بیٹھ کرکوششیں ضروری ہیں‌

  • میں نہیں مانتا:شہبازشریف نےپاکستان میں امریکی مداخلت کےچینی ثبوت مسترد کردیئے

    میں نہیں مانتا:شہبازشریف نےپاکستان میں امریکی مداخلت کےچینی ثبوت مسترد کردیئے

    اسلام آباد:میں نہیں مانتا:میں نہیں مانتا:شہبازشریف نےپاکستان میں امریکی مداخلت کےچینی ثبوت مسترد کردیئے،اطلاعات کے مطابق قومی اسمبلی میں اپوزیشن لیڈر شہباز شریف نے وزیر اعظم عمران خان سے مطالبہ کیا ہے کہ جس ملک نے پاکستان میں مداخلت کی ہے اس کے ثبوت سامنے لائے جائیں۔

    متحدہ اپوزیشن کے رہنماؤں کے ہمراہ میڈیا سے گفتگو کرتے ہوئے مسلم لیگ (ن) کے صدر شہباز شریف نے کہا کہ قومی اسمبلی وقفہ سوالات میں عدم اعتماد پر ووٹنگ کی بات کی گئی، قوم نے دیکھا کہ اجلاس کس طرح ملتوی کیا گیا، اسپیکر نے آج پھر اسمبلی قوانین کو بالا طاق رکھا، آج پھر آئین و قانون کی دھجیاں اڑائی گئیں۔

    شہباز شریف نے کہا کہ متحدہ اپوزیشن کی خواہش پر تحریک عدم اعتماد پیش کی گئی، آزاد عدلیہ بھی دیکھ رہی ہے اور قوم بھی پریشان ہے کہ کیا ہو رہا ہے، ہم نے طے کیا تھا آج کوئی غیر پارلیمانی بات نہیں کریں گے، وزیر اعظم عمران خان کو ہٹانے کے لیے آئینی طریقہ کار اختیار کیا ہے، تحریک عدم اعتماد کی کامیابی کے لیے ہمارے ممبران پورے تھے۔

    قائد حزب اختلاف نے کہا کہ تمام اپوزیشن جماعتیں تحریک عدم اعتماد کامیاب کرانا چاہتی ہیں، متحدہ اپوزیشن نے دکھایا کہ آج 172 ارکان پورے موجود تھے، کیا سلیکٹڈ وزیر اعظم کے پاس کوئی آئینی و قانونی جواز رہ گیا ہے، وزیر اعظم اور اسپیکر بھی آئین شکنی کے مرتکب ہو رہے ہیں، اسپیکر نے اپنا نام تاریخ میں سیاہ حروف سے درج کرا دیا ہے۔

    شہباز شریف نے کہا کہ کہا گیا نواز شریف نے پاکستان میں مداخلت کے لیے رابطےکیے، کہا گیا کہ نواز شریف اسرائیلی خفیہ ایجنسیوں سے ملتے ہیں، ہم بھی بتا سکتے ہیں کہ فارن فنڈنگ کیس میں آپ کے ڈونرز کون ہیں، پی ٹی آئی نے غیر ملکیوں سے فنڈ لیے اور اسے چھپایا، بدزبانی تو آپ کا تکیہ کلام ہے لیکن اب الزامات لگا رہے ہیں۔

    انہوں نے کہا کہ عمران خان کی فرنٹ پرسن ایک خاتون ہیں جنہوں نے اربوں کی کرپشن کی، الزامات لگانا آسان ہے لیکن انہیں ثابت کرنا مشکل ہوتا ہے، ریاست مدینہ کے نام پر سب الٹا کیا گیا۔

    مسلم لیگ (ن) کے صدر نے کہا کہ خط کو پارلیمان میں لایا جائے، خط جھوٹا ہے ہم اس کو نہیں مانتے، کس ملک نے پاکستان میں مداخلت کی ثبوت سامنے لائیں، عمران خان آئینی و قانونی طور پر ملک کے وزیر اعظم نہیں رہے۔

    شہازشریف نے چین کی وزارت خارجہ کی طرف سے پاکستان میں مداخلت کے بیان کومسترد کرتے ہوئے کہا کہ یہ سب جھوٹ ہے
    یاد رہےکہ شہبازشریف کو چینی وززارت خارجہ کی طرف سے پاکستان میں ہونے والی امریکی مداخلت کے حوالے سے سٹیٹمنٹ بھیجی گئی ہے جسے انہوں نے سیاسی دباو کی وجہ سے ماننے سے انکار کردیا ہے