Tag: ڈونلڈ ٹرمپ

امریکا کے سابق صدر ڈونلڈ ٹرمپ نے اپنے خلاف فرد جرم کو مضحکہ خیز قرار دے دیا۔

باغی ٹی وی : جارجیا میں کنونشن سے خطاب میں میں ڈونلڈ ٹرمپ نے اپنے اوپر عائد کی گئی فرد جرم کو صدارتی الیکشن میں مداخلت کے مترادف قرار دیا۔ ان کا کہنا تھا کہ ہم سیاسی اسٹیبلشمنٹ کا مقابلہ کرنے جا رہے ہیں، کبھی ہار نہیں مانوں گا نہ مشن چھوڑوں گا۔

روس اور ایران کی فوجی شراکت داری گہری ہوتی جا رہی ہے،امریکا

ڈونلڈ ٹرمپ نے اپنے خطاب میں امریکی صدر اور ان کی ٹیم پر الزام لگایا کہ جوبائیڈن انتظامیہ شیطانی کھیل، کھیل رہی ہے، مجھ پر بے بنیاد فرد جرم امریکا کی تاریخ میں طاقت کی سب سے خوفناک زیادتیوں میں سے ایک ہے حساس دستاویزات صدارتی ایکٹ کے تحت آنی چاہیے تھی، میری شہرت کو داغ لگانے والوں نے میرے پول نمبروں کو آگے بڑھایا ہے۔

یاد رہے کہ دو روز قبل امریکا کے سابق صدر ڈونلڈ ٹرمپ پرحساس سرکاری دستاویزات کو غلط طریقے سے استعمال کرنے کے کیس میں فردِ جرم عائد کی گئی تھی انہیں جاسوسی ایکٹ کی خلاف ورزی کے37 الزامات کا سامنا ہے ڈونلڈ ٹرمپ پر کرمنل چارجز عائد کیے جانے کا یہ دوسرا موقع تھا اس سے قبل نیویارک کی ریاستی عدالت میں ٹرمپ پر 2016 میں خفیہ رقوم کی ادائیگیوں سے متعلق جھوٹے کاروباری ریکارڈ سے متعلق فرد جرم عائد کی گئی تھی۔

جو بائیڈن نے یو کرینی کمپنی سے بطور رشوت خطیر رقم وصول کی،امریکی میڈیا

49صفحات پر مشتمل فرد جرم کے مطابق مبینہ طور پر غیرقانونی طریقے سے قبضہ میں رکھی گئی دستاویز میں ایٹمی پروگرام، حملوں کی منصوبہ بندی سے متعلق بھی معلومات تھیں ڈونلڈ ٹرمپ پر امریکی جوہری راز اور فوجی منصوبوں سمیت سینکڑوں خفیہ دستاویزات کے غلط استعمال کا الزام بھی عائد کیا گیا ہے۔

فوجی حملہ ہونے کی صورت میں امریکا کی کمزوریوں کی اہم باتیں بھی فائلوں میں موجود تھیں ڈونلڈ ٹرمپ پر تمام الزامات ثابت ہوجاتے ہیں تو انہیں مجموعی طور پر 100 سال قید ہو سکتی ہے ڈونلڈ ٹرمپ 2024 میں صدارتی الیکشن میں حصہ لینے کا ارادہ رکھتے ہیں اور انہوں نے تمام الزامات کو مسترد کیا ہے۔ ٹرمپ امریکی تاریخ کے پہلے سابق صدر ہیں جن پر فرد جرم عائد کی گئی ہے۔

لیونل میسی کو پولیس نے رہا کر دیا

سابق امریکی صدر ڈونلڈ ٹرمپ نے مقدمے کے جج Juan Merchan کو متعصب قرار دیا اور کہا کہ یہ ٹرمپ سے نفرت کرنے والا جج ہے۔

باغی ٹی وی: ٹرمپ نے عدالتی کارروائی کو انتخابی عمل میں مداخلت قرار دے دیا نیویارک عدالت میں پیشی کے بعد فلوریڈا میں حامیوں سے خطاب کرتے ہوئے سابق امریکی صدر نے کہا کہ 75 ملین ووٹ لینےوالے امریکی صدر پر فرد جرم عائد کی جارہی ہے۔

ہمیں امریکہ کو سبق سکھانا ہے پھر ہو جائےگا کہ ایک سفیر کے فرائض کیا …

انہوں نے نیویارک کے ڈسٹرکٹ اٹارنی کو بھی مجرم کہتے ہوئے کہا کہ براگ کو مستعفی ہونا چاہیے اور ان کے خلاف کارروائی کی جانی چاہیے امریکا بدنظمی کا شکار ہوچکا ہے، امریکا کی معیشت تباہ ہورہی ہے، افراط زر قابو سے باہر ہورہا ہے۔

انہوں نے کہا کہ روس نے چین سےاور سعودی عرب نےایران سےشراکت کرلی ہے اگر وہ امریکا کے صدر ہوتے تو ایسا کبھی نہ ہوتا میرا واحد جرم اپنی قوم کا ان لوگوں سے بے خوف دفاع ہے جو اسے تباہ کرنے پر تلے ہوئے ہیں ڈونلڈ ٹرمپ 2024 میں دوسری بار امریکا کے صدر بننے کے لیے پرامید ہیں، انہوں نے کہا کہ بےشک ہم ہر صورت امریکا کو پھر سے عظیم تر بنائیں گے۔

واضح رہے کہ ٹرمپ پر اداکارہ کو ادائیگی سے متعلق 3 کیسز میں فردجرم عائد کی گئی، انہیں 2020 کے صدارتی الیکشن کے نتائج الٹنے کی کوشش کے الزام کا بھی سامنا ہے ٹرمپ کے خلاف مقدمے میں کہا گیا ہے کہ مدعاعلیہ نے کاروباری ریکارڈ میں ہیراپھیری کی تاکہ ووٹرز سے مجرمانہ عمل چھپائے۔

ٹرمپ کو کرمنل چارجز پر گرفتار کرلیا گیا

مدعاعلیہ نے17-2015 کے دوران سازش کی تاکہ 2016 کےصدارتی انتخابات پر اثر انداز ہو، ٹرمپ نے اپنے خلاف منفی مواد خریدا تاکہ چھاپا نہ جاسکے، انتخابی عمل میں مدد ملےٹرمپ نےانتخابی قوانین کی خلاف ورزی کی، ادائیگیوں کو غلط انداز میں دکھایا، ٹرمپ نے وکیل کے ذریعےفحش فلموں کی اداکارہ کو ایک لاکھ 30 ہزار ڈالر دلوائے۔

مقدمے میں کہا گیا کہ سابق صدر کا اداکارہ کو رقم دینے کا مقصد اپنے جنسی تعلق کو چھپانا تھا، ان کے وکیل کی جانب سے اداکارہ کو دی گئی رقم غیر قانونی ہے اور ان کا وکیل اس غیرقانونی ادائیگی کا جرم تسلیم کرچکا ہے ٹرمپ ٹاور کا دربان ٹرمپ کے مبینہ بغیر شادی پیدا بچے سے متعلق خبر دینا چاہتا تھا، تاہم ٹرمپ کے حامی میڈیا گروپ نے دربان کی اسٹوری کے حقوق 30 ہزار ڈالر میں خریدے۔

مقدمہ میں کہا گیا کہ بچے سے متعلق خبر غلط ثابت ہونے پر میڈیا گروپ نے دربان سے ڈیل ختم کرنا چاہی، ٹرمپ کے وکیل نے میڈیا کمپنی پر زور دیا کہ دربان سے ڈیل صدارتی الیکشن تک جاری رکھے۔

خفیہ رقم کی ادائیگی کا کیس: ڈونلڈ ٹرمپ آج عدالت میں پیش ہوں گے

جون 2016 میں خاتون نے ٹرمپ سے جنسی تعلق کا دعوی کیا، میڈیا کمپنی نے خاتون کو ڈیڑھ لاکھ ڈالر دے کر جنسی تعلق پر خاموشی کا سمجھوتہ کیا، جبکہ جنسی تعلق کی دعویدار دوسری خاتون کو 360 ہزار ڈالر دے کر خاموش کرایا گیا۔

امریکا کے سابق صدر ڈونلڈ ٹرمپ مین ہٹن کی عدالت میں تاریخی سماعت کے بعد روانہ ہوگئے انہیں جج نے ٹرائل سے پہلے کی پابندیوں کے بغیر حراست سے رہا کیا۔

خبر ایجنسی کے مطابق ٹرمپ پر اداکارہ کو ادائیگی سے متعلق 3 کیسز میں فردجرم عائد کی گئی، انہیں 2020 کے صدارتی الیکشن کے نتائج الٹنے کی کوشش کے الزام کا بھی سامنا ہےٹرمپ کو وائٹ ہاؤس چھوڑنے کے بعد خفیہ دستاویز کی مس ہینڈلنگ کےالزام کا بھی سامنا ہے۔

جاسوسی غبارے نے امریکی فوجی تنصیبات کی خفیہ معلومات چین بھیجیں

واشنگٹن : امریکہ کے سابق صدر ڈونلڈ ٹرمپ نے دعویٰ کیا ہے کہ وہ روس اور یوکرین تنازعہ کو 24 گھنٹوں کے اندر ختم کروا سکتے ہیں۔

باغی ٹی وی :یرو شلم پوسٹ کے مطابق پیر کو فاکس نیوز کو دیئے گئے ایک انٹرویو میں ڈونلڈ ٹرمپ دعویٰ کیا کہ وہ 24 گھنٹوں میں روس یوکرین جنگ ختم کروا سکتے ہیں ڈونلڈ ٹرمپ نے جنگ ختم کرنے کا طریقہ بیان نہیں کیا تاہم انہوں نے کہا کہ وہ امن مذاکرات کی صدارت کرتے ہوئے ایسا کریں گے۔

روس کے دفاعی نظام نے یوکرین کے داغے گئے امریکی ’ گائیڈڈ میزائل‘ کو ناکارہ .

ڈونلڈ ٹرمپ نے کہا کہ اگر 2024 کے صدارتی انتخابات کے اختتام تک جنگ ختم نہیں ہوتی ہےاوراگر وہ دوبارہ وائٹ ہاؤس کے لیے منتخب ہو جاتے ہیں، تو وہ ایک دن کے اندر امن سمجھوتہ کر لیں گے۔

انہوں نے دعوی کیا کہ روس کے صدر ولادیمیر پیوٹن، یوکرین کے زیلینسکی اور ان کے خود کے درمیان بات چیت آسان ہوگی تاہم انہوں نے ساتھ ہی یہ بھی کہا کہ میں آپ کو یہ نہیں بتانا چاہتا کہ یہ کیا ہے کیونکہ تب میں اس مذاکرات کو استعمال نہیں کر سکتا-

ایران اورسعودی وزیر خارجہ کا ماہِ رمضان میں ہی ملاقات پراتفاق

ٹرمپ کا خیال ہے کہ جنگ اگلے سال کے آخر تک ختم نہیں ہوگی، یہ کہتے ہوئے کہ "یہ بھی ممکن ہے کہ ہم ان بیوقوفوں کے ساتھ تیسری جنگ عظیم میں ہوں گے جو وہ کر رہے ہیں آپ ایک ایٹمی دنیا میں ختم ہو سکتے ہیں ایس جنگ جس کے بعد پہلی اور دوسری جنگ عظیم پیٹی کیک کی طرح نظر آئے گی۔

ڈونلڈ ٹرمپ نے یہ بھی دعویٰ کیا کہ اگر وہ 2020 میں وائٹ ہاؤس کے لیے منتخب ہوتے تو جنگ کبھی نہ ہوتی، اس دعوے کو دہراتے ہوئے جو انھوں نے چند ہفتے قبل کیا تھا جب انھوں نے کہا تھا کہ وہ روس کو یوکرین کے کچھ حصوں کو ضم کرنے کی اجازت دیتے تاکہ حملے کو روکا جا سکے۔

شہزادہ ولیم کا یوکرین اورپولینڈ کی سرحد کے قریب اچانک دورہ

اب تک کوئی کامیاب مذاکرات نہیں ہوئےترکی کی طرح دوسرے ممالک نے جنگ شروع ہونے کے بعد سے روس اور یوکرین کے درمیان ثالثی کی کوشش کی ہے یوکرین نے کہا کہ بین الاقوامی فوجداری عدالت کی جانب سے یوکرین میں جنگی جرائم کے الزام میں پیوٹن کے وارنٹ گرفتاری جاری کرنے تک وہ روس کے ساتھ بات چیت نہیں کرے گا-

واشنگٹن: سابق امریکی صدر ڈونلڈ ٹرمپ پر فرد جرم عائد کیے جانے کا امکان ہے۔

باغی ٹی وی: گرینڈ جیوری ٹرمپ پر فردجرم سے متعلق ووٹنگ آج کر سکتی ہے، ٹرمپ کی ممکنہ گرفتاری اور فرد جرم عائد ہونے سے متعلق پولیس ہائی الرٹ ہے اور نیویارک میں ٹرمپ ٹاور کے قریب رکاوٹیں کھڑی کردی گئی ہیں کسی بھی سابق امریکی صدر پر مجرمانہ الزام کا امریکی تاریخ کا یہ پہلا کیس ہو گا –

ڈونلڈ ٹرمپ پر آج فرد جرم عائد ہونے کا امکان

میڈیا رپورٹس کے مطابق ڈونلڈ ٹرمپ نے اپنی گرفتاری کا خدشہ ظاہر کرتے ہوئے حامیوں کو احتجاج کی کال دی تھی، ٹرمپ کے 40 کے قریب حامیوں کی جانب سے فلوریڈا میں ریلی نکالی گئی ہے۔

منگل کو ٹرمپ کے چند درجن حامی جمع ہوئے، جیسا کہ انہوں نے ایف بی آئی کی اگست میں مار-اے-لاگو کی فلوریڈا کے بنگھم جزیرے پرحامیوں نے ٹرمپ اور QAnon کے جھنڈے لہرائے کہا کہ نہیں، یہ کوئی احتجاج نہیں تھا اور ممکنہ فرد جرم نے انہیں ذرا بھی پریشان نہیں کیا۔

امریکی میڈیا ٹائیکون کا 92 سال کی عمر میں پانچویں شادی کرنے کا اعلان

ڈونلڈ ٹرمپ نے دعویٰ کیا ہے کہ انہیں 2016 میں فحش فلموں کی اداکارہ اسٹورمی ڈینیئلز کو ایک لاکھ ڈالر کی رقم ادائیگی کی تحقیقات کے نتیجے میں منگل کو گرفتار کیا جائے گا۔

مظاہرین نے کہا کہ ہم صرف ایک بڑی پارٹی کریں گے اور اس پر ہنسیں گے، کیونکہ یہ مضحکہ خیز ہے،ایک اور حامی، جس نے نام ظاہر کرنے سے انکار کیا، کہا، "مجھے صدر ٹرمپ کے لیے گرفتار کیا جائے گا – وہ ایک عظیم آدمی ہے۔

نیویارک میئرایرک ایڈمز کا کہنا ہے کہ ہم سوشل میڈیا پر تبصروں کی نگرانی کر رہے ہیں، محکمہ پولیس اس بات کو یقینی بنانے کے لیے اپنا معمول کا کردار ادا کر رہا ہے کہ شہر میں کوئی نامناسب کارروائی نہ ہو، ہمیں یقین ہے کہ ہم ایسا کرنے کے قابل ہو جائیں گے۔

یوکرین تنازع کے حل کیلئے چین کی تجاویزپرامریکا کا ردعمل

نیویارک: سابق امریکی صدر ڈونلڈ ٹرمپ پر آج فرد جرم عائد ہونے کا امکان ہے۔

باغی ٹی وی: غیر ملکی خبر رساں ایجنسی کے مطابق اداکارہ کو رقم دینے کے معاملے پر سابق امریکی صدر ڈونلڈ ٹرمپ پر فرد جرم عائد کی جائے گی مین ہیٹن کی عدالت کے اطراف سیکیورٹی کے انتظامات انتہائی سخت کیے گئے ہیں جبکہ ڈونلڈ ٹرمپ کی گرفتاری کے خدشے کے پیش نظر حامیوں کو احتجاج کی کال دی گئی ہے۔

جو بائیڈن نے کورونا سے متعلق خفیہ معلومات جاری کرنے کے قانون پر دستخط کر …

واضح رہے کہ کسی بھی سابق امریکی صدر پر مجرمانہ الزام کا امریکی تاریخ کا یہ پہلا کیس ہو گا ڈونلڈ ٹرمپ نے سوشل میڈیا پلیٹ فارم پر کارکنوں کے نام ایک پوسٹ میں اپنی گرفتاری کے خلاف احتجاج کرنے کی اپیل کر رکھی ہے۔

ڈونلڈ ٹرمپ نے دعویٰ کیا ہے کہ انہیں 2016 میں فحش فلموں کی اداکارہ اسٹورمی ڈینیئلز کو ایک لاکھ ڈالر کی رقم ادائیگی کی تحقیقات کے نتیجے میں منگل کو گرفتار کیا جائے گا۔

میڈیا رپورٹ کے مطابق نیویارک عدالت کی گرینڈ جیوری کی جانب سے سابق صدر ٹرمپ پر پیر یا بدھ کو فرد جرم عائد کی جاسکتی ہے، مین ہیٹن کی عدالت کے اطراف سکیورٹی بڑھائی جا رہی ہے۔

نیویارک میئرایرک ایڈمز کا کہنا ہے کہ ہم سوشل میڈیا پر تبصروں کی نگرانی کر رہے ہیں، محکمہ پولیس اس بات کو یقینی بنانے کے لیے اپنا معمول کا کردار ادا کر رہا ہے کہ شہر میں کوئی نامناسب کارروائی نہ ہو، ہمیں یقین ہے کہ ہم ایسا کرنے کے قابل ہو جائیں گے۔

چینی صدر روس کے دورے پر ماسکو پہنچ گئے

فرد جرم عائد ہونے کی صورت میں ٹرمپ کا کیس کسی بھی موجودہ یا سابق امریکی صدر پر مجرمانہ الزام لگنے کا امریکی تاریخ کا یہ پہلا کیس ہوگا ٹرمپ کے وکلا کے مطابق اگر سابق امریکی صدر پر فرد جرم عائد کی جاتی ہے تو ان کی گرفتاری کے لیے چند طریقہ کار پر عمل کیا جائے گا۔

فرد جرم عائد ہونے کے بعد ڈونلڈ ٹرمپ فلوریڈا میں واقع اپنے گھر سے نیویارک سٹی کورٹ ہاؤس میں پیشی کے لیے روانہ ہوں گے اس کے بعد ممکنہ طور پر ڈسٹرکٹ اٹارنی کے دفتر اور ٹرمپ کی ٹیم کے درمیان بات چیت ہوگی،ایک بار جب مقدمہ درج اورجج کا انتخاب ہوجائے گا تو دیگر تفصیلات جیسے کہ مقدمے کا وقت اور ممکنہ سفری پابندیاں اور ضمانت کے طریقے سامنے آ جائیں گی۔

علاوہ ازیں فرد جرم کے بعد ٹرمپ پر جرمانہ ہوسکتا ہے جبکہ اگر ٹرمپ کو سزا سنائی گئی تو انہیں زیادہ سے زیادہ 4 سال قید کا سامنا کرنا پڑے گا، حالانکہ کچھ قانونی ماہرین کا کہنا ہے کہ جرمانے کا زیادہ امکان ہے۔

دنیا کے خوش ترین ممالک کی فہرست جاری،پاکستان کا کونسا نمبر؟

واشنگٹن: ڈونلڈ ٹرمپ بھی ’توشہ خانہ کیس‘ میں پھنس گئے، اپنے دورِ حکومت میں دیگر ممالک سے ملنے والے تحائف کا ریکارڈ ظاہر کرنے میں ناکام رہے ہیں۔

باغی ٹی وی: بین الاقوامی میڈیا کے مطابق امریکی قانون سازوں نے الزام عائد کیا ہے کہ جاپان کا سونے سے بنا گولف کلب اور سعودی عرب کے شاہی خاندان کی تلواریں ان تحائف میں شامل ہیں جنہیں سابق صدر ڈونلڈ ٹرمپ نے اپنے عہدہ صدارت کے دوران ظاہر نہیں کیا۔

یوٹیوب نے ڈونلڈ ٹرمپ کا چینل بحال کردیا

رپورٹ میں بتایا گیا کہ یہ تحائف ٹرمپ ،ان کی بیوی میلانیا، ٹرمپ کی بیٹی ایوانکا اور ٹرمپ کے داماد کشنر کو دیے گئے ، بعد میں ان تحائف کو حکومت کے حوالے کر دیا گیا لیکن ان کو امریکی قانون کے مطابق ظاہر نہیں کیا گیا تھا ۔

جاری کردہ ایک اعلامیے میں امریکی ہاؤس کی نگران کمیٹی کے ڈیموکریٹس نے 100 سے زائد اشیاء کی فہرست جاری کی جو ٹرمپ اور ان کے اہلخانہ نے وائٹ ہاؤس میں اپنے چار سالہ دور حکومت کے دوران رپورٹ نہیں کیں۔ اشیاء کی قیمت 250,000 ڈالرز سے زائد ہے۔

فہرست میں سعودی عرب کے 16 تحائف ہیں جن کی مالیت 45,000 ڈالر سے زیادہ ہے، اس کے علاوہ ایک خنجر بھی ہے جس کی قیمت 24,000 ڈالرز ہےبھارت سے 17 تحائف ملے ہیں جن میں مہنگے کف لنکس، ایک گلدان اور 4,600 ڈالرز کا تاج محل کا ماڈل شامل ہے۔

گرفتاری کا خدشہ،ڈونلڈ ٹرمپ نے کارکنوں کو احتجاج کی کال دے دی

مذکورہ بالا فہرست میں ایل سلواڈور کے صدر کی جانب سے ٹرمپ کو دی گئی ان کی دیوہیکل پینٹنگ بھی شامل ہے جس کے بارے میں کمیٹی کے تفتیش کاروں کا خیال ہے کہ شاید اسے فلوریڈا منتقل کردیا گیا ہے جہاں ٹرمپ ساحل کے سامنے ایک محل اور تین گولف کلبوں کے مالک ہیں۔

دوسری جانب برطانوی نشریاتی ادارے کی رپورٹ کے مطابق ڈونلڈ ٹرمپ نے اپنے سوشل میڈیا پلیٹ فارم ٹروتھ پر کارکنوں کے نام ایک پوسٹ میں اپنی گرفتاری کے خلاف احتجاج کرنے کی اپیل کی ہے۔

ٹرمپ کے وکیلوں کا کہنا ہے کہ ان پر اگلے ہفتے فرد جرم عائد کی جا سکتی ہے،اگر ٹرمپ پر فرد جرم عائد ہوتی ہے تو یہ کسی سابق امریکی صدر کے خلاف پہلا مجرمانہ مقدمہ ہوگا۔

چینی صدراگلے ہفتے سرکاری دورے پر روس روانہ ہوں گے

یوٹیوب نے سابق امریکی صدر ڈونلڈ ٹرمپ کا چینل بحال کردیا۔

باغی ٹی وی : یوٹیوب انتظامیہ کے مطابق یہ فیصلہ ووٹرز کو الیکشن میں حصہ لینے والے تمام امیدواروں کو برابر کی بنیاد پر سننے کا موقع فراہم کرنے کیلئے گیا گیا ہے ڈونلڈ ٹرمپ کے یوٹیویب چینل پر اب کسی قسم کی کوئی پابندی نہیں اور وہ ویڈیوز پوسٹ کر سکتے ہیں۔

گرفتاری کا خدشہ،ڈونلڈ ٹرمپ نے کارکنوں کو احتجاج کی کال دے دی

واضح رہے کہ یوٹیوب نے 6 جنوری 2021 کو سابق صدر کے حامیوں کی جانب سے امریکی دارالخلافہ میں کیپیٹل ہل کی عمارت پر حملہ آور ہونے کے بعد ان کے چینل پر ویڈیوز پوسٹ کرنے پر پابندی عائد کر دی تھی۔

کیپیٹل ہل پر حملے کے بعد فیس بک، ٹوئٹر اور انسٹاگرام نے بھی ڈونلڈ ٹرمپ کے اکاؤنٹ معطل کر دیئے تھے جس کے بعد انہوں نے ’ ٹرتھ سوشل ‘ کے نام سے اپنا سوشل میڈیا پلیٹ فارم متعارف کرایا تھاتاہم اب تینوں پلیٹ فارمز کیجانب سے ڈونلڈ ٹرمپ کے اکاؤنٹس بحال کردیئے گئے ہیں۔

بھارت کی سب سے بڑی ائیر لائن نے 50 طیارے انڈر گراؤنڈ کر دیئے

ڈونلڈ ٹرمپ کے یوٹیوب سبسکرائبرز کی تعداد 26 لاکھ ہے جبکہ ٹوئٹر پر انہیں 8 کروڑ 70 لاکھ، فیس بک پر 3 کروڑ 40 لاکھ اور انسٹاگرام پر 2 کروڑ 30 لاکھ لوگ فالو کرتے ہیں۔

واشنگٹن: سابق امریکی صدر اور ریپبلکن پارٹی کے امیدوار ڈونلڈ ٹرمپ نے اپنی گرفتاری کے خدشے کے پیش نظر کارکنوں کو احتجاج کی کال دے دی۔

باغی ٹی وی: امریکی میڈیا کے مطابق سابق امریکی صدر ڈونلڈ ٹرمپ کو مین ہٹن ڈسٹرکٹ اٹارنی کی جانب سے تحقیقات کے سلسلے میں گرفتار کیا جا سکتا ہے۔

لارنس بشنوئی کی سلمان خان کو ایک اور دھمکی

سوشل میڈیا پر جاری بیان میں اس حوالے سے سابق امریکی صدر ڈونلڈ ٹرمپ نے خدشہ ظاہر کیا ہے کہ منگل کو انہیں گرفتار کیا جا سکتا ہے احتجاج ہماری قوم کو پیچھے لے جائے گا۔

واضح رہے کہ ڈیموکریٹس کی طرف سے ایوان کی احتساب کمیٹی میں جمع کرائی گئی رپورٹ میں کہا گیا تھا کہ سابق امریکی صدر ڈونلڈ ٹرمپ کے دورِ صدارت میں دوسرے ممالک کی جانب سے دیئے گئے تحائف کو ریکارڈ کا حصہ ہی نہیں بنایا گیا۔

برطانیہ میں ٹک ٹاک پر پابندی عائد کردی گئی

ڈیموکریٹس کی رپورٹ میں بتایا گیا تھا کہ ٹرمپ کے دورِ صدارت میں وائٹ ہاؤس نے ڈھائی لاکھ ڈالر سے زیادہ مالیت کے 100 سے زیادہ تحائف کو ریکارڈ کا حصہ نہیں بنایا،یہ تحائف ٹرمپ ،ان کی بیوی میلانیا، ٹرمپ کی بیٹی ایوانکا اور ٹرمپ کے داماد کشنر کو دیے گئے ، بعد میں ان تحائف کو حکومت کے حوالے کر دیا گیا لیکن ان کو امریکی قانون کے مطابق ظاہر نہیں کیا گیا تھا ۔

انگلینڈ اور ویلز میں شادی کے لیے کم سے کم عمر 18 سال کر دی …

عوامی شخصیات کی طرف سے بھیجے گئے نجی خطوط کی ایک نئی کتاب کی تشہیر کرتے ہوئے سابق امریکی صدر ڈونلڈ ٹرمپ نے کہا کہ ہر وہ شخص جس نے انہیں لکھا اس نے ان کی چاپلوسی کی۔

باغی ٹی وی : ‘ لیٹرز ٹو ٹرمپ ‘ نامی اس کتاب میں سابق صدر اور ‘تاریخ کے کچھ بڑے ناموں’ کے درمیان خط و کتابت کو دکھایا گیا ہے۔ کتاب میں ملکہ الزبتھ دوم، شہزادی ڈیانا، اوپرا ونفری، سابق وزیر خارجہ ہلیری کلنٹن،سابق امریکی‌صدرو جارج ایچ ڈبلیو بش،بل کلنٹن،جارج ڈبلیو بش ،بارک اوبامہ ور شمالی کوریا کے رہنما کم جونگ،روسی صدر ولادیمیر پیوٹن، چین کے صدر شی جن پنگ کے ساتھ ساتھ گلوکار مائکل جیکسن کے خطوط بھی شامل ہیں۔

اگلے ماہ شائع ہونے والی اس کتاب میں ٹرمپ اور دنیا کی مشہور شخصیات کی چار دہائیوں کی خط و کتابت کا احاطہ کیا گیا ہے جس میں کئی انکشافات بھی کئے گئے ہیں 320 صفحات پر مشتمل اس کتاب کی قیمت 99 ڈالرز رکھی گئی ہے اور یہ 25 اپریل کو منظر عام پر آئے گی-

ڈونلڈ ٹرمپ نے ایک نیوز آؤٹ لیٹ کو دیئے گئے انٹرویو میں کہا کہ پہلے تمام لوگ ان کی چاپلوسی کرتے تھے لیکن اب ان چاپلوسی کرنے والوں میں سے آدھے ان کے ساتھ باقی رہ گئے ہیں۔ ان کے سب سے بڑے بیٹے ڈونلڈ ٹرمپ جونیئر کے مطابق ان سلیبریٹیز نے اس وقت منہ موڑا جب ان کے والد نے ریپبلکن امیدوار کے طور پر صدارتی الیکشن میں حصہ لیا۔

ڈونلڈ ٹرمپ جونیئر نے کہا ‘یہ حیرت انگیز ہے کہ جب وہ ریپبلکن کے طور پر صدر کی دوڑ میں آئے تو ان کی پرستش کتنی جلدی بدل گئی۔ لیٹرز ٹو ٹرمپ آپ پر ظاہر کرتے ہیں کہ وہ ان کے بارے میں کیسا محسوس کرتے ہیں اور ان کی نئی نفرت واقعی کتنی جھوٹی ہے۔

شہزادی ڈیانا کے بھائی چارلس اسپینسر نے ڈونلڈ ٹرمپ کو اپنی آنجہانی بہن کے بارے میں ناگوار تبصرے پر تنقید کا نشانہ بنایا۔ ایک ٹویٹ میں، چارلس اسپینسر نے سابق صدر کے بارے میں شہزادی ڈیانا کی رائے شیئر کی۔

Surprised to hear that Donald Trump is apparently claiming that my late sister Diana wanted to “kiss his arse”, since the one time she mentioned him to me – when he was using her good name to sell some real estate inNew York – she clearly viewed him as worse than an anal fissure.

— Charles Spencer (@cspencer1508) March 15, 2023

چارلس اسپینسر نے لکھا کہ یہ سن کر حیرت ہوئی کہ ڈونلڈ ٹرمپ بظاہر یہ دعویٰ کر رہے ہیں کہ میری آنجہانی بہن ڈیانا ‘ان کا بوسہ لینا’ چاہتی تھی، جب سے ایک بار اس نے مجھ سے اس کا تذکرہ کیا تھا – جب وہ نیویارک میں کچھ رئیل اسٹیٹ بیچنے کے لیے اپنا اچھا نام استعمال کر رہا تھا-

1997 میں، شہزادی ڈیانا کی ایک کار حادثے میں موت کے مہینوں بعد، ڈونلڈ ٹرمپ نے کہا تھا کہ وہ شہزادی ڈیانا کو "روک” سکتے تھے، یہ تبصرہ 2016 کی صدارتی مہم کے دوران سامنے آیا تھا ڈونلڈ ٹرمپ کی کتاب کے پیچھے شائع کرنے والی کمپنی نے واضح کیا کہ خط بھیجنے والوں سے "حقیقی یا مضمر” اجازت لی گئی تھی۔