Tag: کراچی

کراچی: ایس ایس پی ڈسٹرکٹ کیماڑی نے جرائم اور مقدمات میں ملوث پولیس افسران و اہلکاروں کے خلاف کارروائی کا آغاز کردیا ہے-

باغی ٹی وی : تفصیلات کے مطابق ایس ایس پی کیماڑی فدا حسین جانوری نے مختلف جرائم اور انکوائریز میں ملوث 15 پولیس اہلکاروں کو فوری معطل کر دیا۔

ڈی آئی جی ویسٹ زون کا منشیات فروشوں کے خلاف کریک ڈاؤن کا حکم

معطل ہونے والوں میں ایک اسسٹنٹ سب انسپکٹر ، ایک لیڈی کانسٹیبل اور 13 پولیس کانسٹیبل شامل ہیں ، معطل ہونے والے تمام 15 ملازمین کے خلاف ڈسٹرکٹ کیماڑی کے مختلف پولیس اسٹیشنوں میں مقدمات درج ہیں ۔

معطل ہونے والوں میں سعید آباد تھانے میں تعینات اسسٹنٹ سب انسپکٹر منظور حسین اور لیڈی کانسٹیبل سلمیٰ زیب ، ہیڈ کانسٹیبل غلام رضا ، کانسٹیبل عبد الرحمٰن ، کانسٹیبل عزیز الرحمٰن ، کانسٹیبل عاشق کریم ، کانسٹیبل جمشید اقبال ، کانسٹیبل محمد ارشد ، کانسٹیبل مشتاق احمد ، کانسٹیبل محمد عظیم خان ، کانسٹیبل لئیق علی ، کانسٹیبل محمد دانش ، کانسٹیبل سرور خان اور کانسٹیبل ہارون خان شامل ہیں

اسلام آباد: پولی کلینک کی نرس سمیت چار افراد قتل،ملزم گرفتار

۔

واضح رہے کہ گزشتہ روز اجلاس میں ناصر آفتاب ڈی آئی جی ویسٹ زون نے کہا تھا کہ منشیات فروشوں کے خلاف بھرپور کارروائی کرنی ہے کیونکہ منشیات تمام جرائم کی جڑ ہے اور اگر اسی کو ختم کردیا جائے تو اسٹریٹ کرائملز میں خودبخود کمی آجائے گی لہذا ویسٹ زون میں منشیات فروشوں کے خلاف بھرپور کارروائیاں کی جائیں لسٹڈ اور نان لسٹڈ منشیات فروشوں کو گرفتار کیا جائے جو ایس ایچ او منشیات فروشوں اور ڈیلروں کے خلاف قابل ذکر کارروائی نہیں کرے گا اس کے خلاف محکمہ جاتی کارروائی کی جائے گی۔

پولیس اہلکاروں کی عمر قید کی سزا پھانسی میں تبدیل

کراچی: پی ٹی آئی کے کارکن سمیت دیگر نامعلوم افراد کے خلاف اپنی ہی خواتین ونگ کی عہدیدار کو ہراساں کرنے کے الزام میں مقدمہ درج کر لیا گیا-

باغی ٹی وی : شاہ لطیف ٹاؤن پولیس نے پی ٹی آئی خواتین ونگ کی عہدیدار صنوبر فرحان کی مدعیت میں مقدمہ نمبر 293 بجرم دفعات 354 ، 504 اور 506/34 کے تحت پی ٹی آئی کے کارکن ارسل اور دیگر نامعلوم صورت شناس افراد کے خلاف درج کرلیا۔

مدعیہ کے مطابق وہ پی ٹی آئی لیڈیز ونگ کی ورکر ہے اور 6 مارچ کو قائد آباد چوک ملیر پل کے نیچے لیڈیز کنٹینر پر موجود تھی جو کہ پی ٹی آئی کے جلوس کے استقبال کے سلسلے میں لگایا گیا تھا ، میرے ہمراہ کنٹینر پر امبرین سمیت دیگر خواتین ورکرز بھی تھیں کہ پی ٹی آئی کا کارکن ارسل خان اور اس کے دیگر 10 سے 12 نامعلوم ساتھی آئے اور کنٹینر پر چڑھ گئے اور مجھے تنگ کرنا شروع کر دیا ، اس دوران میرے ساتھ نازیبا حرکات ، غلط قسم کی زبان استعمال اور ہراساں کیا اور کنٹینر سے نیچے اتر کر بھی گالم گلوچ کرتے ہوئےدھمکیاں دیں۔

پی ٹی آئی میں ورکر کی تذلیل کی جاتی ہے۔لیلی پروین نے پی ٹی آئی کو خیرباد کہہ دیا

مدعیہ کے مطابق یہ تمام واقعہ میری دوست امبرین اور دیگر خواتین ورکرز نے بھی دیکھا ، بعدازاں پارٹی عہدیداران کو بتایا۔ پولیس نے خاتون ورکر کی جانب سے نامزد ملزم سمیت دیگر ملزمان کے خلاف مقدمہ درج کر کے مزید تحقیقات کے لیے انویسٹی گیشن پولیس کے حوالے کر دیا۔

قبل ازیں پی ٹی آئی کی سابق مقامی رہنما لیلیٰ پروین نے بھی یہ کہتے ہوئے پی ٹی آئی کو خیرباد کہہ دیا تھا کہ پی ٹی آئی میں ورکر کی تذلیل کی جاتی ہےانہوں نے سوشل میڈیا پر جاری ایک ویڈیو پیغام میں کہا تھا کہ پارٹی میں ورکرز کا کوئی خیال نہیں کیا جاتا بلکہ عزت ہی نہیں کی جاتی ، لیلیٰ‌پروین نے ویڈیو پیغام جاری کرتے ہوئے پارٹی سربراہ عمران خان پر بھی الزامات لگائے تھے کہ کرپشن کم نہیں ہوئی اور پھر مسائل بھی ویسے کے ویسے ہیں‌-

وفاقی وزیر شیریں مزاری کی بیٹی ایمان زینب مزاری کے خلاف بغاوت کا مقدمہ درج

کراچی: اے این ایف نے کارروائی کرتے ہوئے بھاری مقدار میں منشیات برآمد کرلی۔

باغی ٹی وی : تفصیلات کے مطابق اے این ایف نے خفیہ اطلاع پرگڈاپ ٹاؤن میں کارروائی کرتے ہوئے ناردرن بائی پاس کے قریب دورانِ تلاشی بس سے 172.6 کلوگرام چرس برآمد کرلی۔

ترجمان اے این ایف کے مطابق بس میں موجود بھاری مقدار میں چھالیہ اور کپڑا بھی قبضے میں لے لیا گیا، برآمد شدہ منشیات بس میں بنائے گئے خفیہ خانوں میں چھپائی گئی تھی۔

ترجمان اے این ایف کا کہنا ہے کہ دورانِ کارروائی مستونگ کے رہائشی نادر خان اور قلعہ عبداللہ کے رہائشی قدرت اللہ نامی دو ملزمان کو گرفتار کیا گیا ہے۔

ملزمان منشیات کوئٹہ سے اسمگل کرکے کراچی کے مقامی منشیات فروشوں کو فروخت کرتے تھ ملزمان کے خلاف انسداد منشیات ایکٹ کے تحت مقدمہ درج کرکے مزید تفتیش کا آغاز کر دیا گیا ہے۔

پولیس اہلکاروں کی عمر قید کی سزا پھانسی میں تبدیل

قبل ازیں کوہاٹ انڈس ہائی وے پر خود کار ہتھیاروں سے بھری گاڑی پکڑی گئی تھی کارروائی میں ہتھیاروں کے بین الصوبائی سمگلر حمید اللہ سکنہ مردان کو اسلحے سے بھری موٹر کار سمیت گرفتار کیا گیا.پکڑے جانے والے ہتھیاروں میں 3 ایس ایم جی رائفل، 2 ایم سیکسٹین رائفل، 2 مارک فور رائفل، 4 بندوق، 31 پستول اور 9000 کارتوس شامل ہیں.انٹیلی جنس بیسڈ کارروائی ایس ایچ او ایم آر ایس ہمایون خان اور انکی پولیس ٹیم کی طرف سے عمل میں لائی گئی.پولیس پارٹی نے ٹنل ٹول پلازہ کے قریب ناکہ بندی کی کارروائی میں موٹر کار کے خفیہ خانوں سے اسلحہ برآمد کیا-

قبل ازیں اے این ایف بلوچستان نے ماشکیل کے علاقے میں ایف سی بلوچستان کے ساتھ مشترکہ کارروائی کرتے ہوئے بھاری مقدار میں منشیات برآمد کی تھی برآمدشدہ منشیات میں 1200 کلوگرام افیون، 160 کلوگرام چرس اور 1 ہزار لیٹر ایسیٹک اینہائیڈرائڈ (ہیروئین کی تیاری میں استعمال ہونے والاکیمیائی مواد) شامل ہیں برآمدشدہ منشیات ایک غیر آباد علاقے میں ذخیرہ کی گئی تھی ،اے این ایف اور منشیات اسمگلروں کے درمیان فائرنگ کا تبادلہ بھی ہوا، تاہم کوئی جانی نقصان نہیں ہوا ،اطلاعات کے مطابق برآمدہ منشیات گوادر کے راستے بیرون ملک اسمگل کی جانی تھی-

بلوچستان کے علاقے ماشکیل سے بھاری مقدار میں منشیات برآمد

ڈی آئی جی پی ویسٹ زون آفس میں اہم اجلاس طلب کیا گیا-

باغی ٹی وی : ڈی آئی جی ویسٹ زون کراچی ناصر آفتاب نے آج اپنے دفتر میں ویسٹ زون پولیس افسران کا اہم اجلاس طلب کیا جس میں ایس ایس پی سینٹرل, ایس ایس پی ویسٹ ایس پیز نیوکراچی, اورنگی ٹاؤن ایس ڈی پی اوز اور ایس ایچ اوز ویسٹ زون نے شرکت کی۔

ناصر آفتاب ڈی آئی جی ویسٹ زون نے کہا کہ منشیات فروشوں کے خلاف بھرپور کارروائی کرنی ہے کیونکہ منشیات تمام جرائم کی جڑ ہے اور اگر اسی کو ختم کردیا جائے تو اسٹریٹ کرائملز میں خودبخود کمی آجائے گی لہذا ویسٹ زون میں منشیات فروشوں کے خلاف بھرپور کارروائیاں کی جائیں لسٹڈ اور نان لسٹڈ منشیات فروشوں کو گرفتار کیا جائے۔

ڈی آئی جی ویسٹ زون ناصر آفتاب نے کہا کہ جو ایس ایچ او منشیات فروشوں اور ڈیلروں کے خلاف قابل ذکر کارروائی نہیں کرے گا اس کے خلاف محکمہ جاتی کارروائی کی جائے گی۔

پشاور دھماکہ،دہشتگردوں کا پورا نیٹ ورک ہمارے ریڈار پرآ چکا ہے،اہم شخصیت کا دعویٰ

ناصر آفتاب ڈی آئی جی ویسٹ زون نے اس موقع پر مزید کہا کہ ملک میں دہشت گردی کی واقعات ہورہے ہیں خاص کر فرقہ وارانہ دہشت گردی جس کا حالیہ ہدف پشاور شہر بنا ہے لہذا اس طرح کی دہشت گردی سے نمٹنے کے لیئے مذہبی مقامات خاص کر مساجد, امام بارگاہوں کی سیکیورٹی بڑھائی جائے اور ایک جامع سیکیورٹی پلان کے تحت پولیس ملازمان تعینات کیئے جائیں پیٹرولنگ کے دوران خاص طور پر مذہبی مقامات پر رکا جائے اور سینئر افسران سیکیورٹی چیک کریں۔

واضح رہے کہ اسٹریٹ کرائمز کی وارداتوں پر قابو پانے کے لیے اسپیشل سیکیورٹی یونٹ کے کمانڈوز کی تعیناتی کے باوجود کراچی میں جرائم کی وارداتوں کا جن کسی بھی صورت قابو میں آنے کا نام ہی نہیں لے رہا۔

پولیس کی جانب سے روزانہ کی بنیاد پر مبینہ پولیس مقابلوں میں زخمی سمیت دیگر ڈاکوؤں کی گرفتاری کے دعوے تو ضرور کیے جا رہے ہیں لیکن اسٹریٹ کرمنلز جب اور جہاں چاہیں اپنے ہدف کو نشانہ بنا کر فرار ہو جاتے ہیں۔

خود کار ہتھیاروں سے بھری گاڑی پکڑی گئی