Tag: کے پی کے

پشاور سے تعلق رکھنے والے سینئر سیاستدان حاجی شیر رحمان نے اے این پی کو خیرباد کہہ دیا، اور مسلم لیگ ن میں شمولیت کا اعلان کردیا۔
آج نیوز کے مطابق شیر رحمان مئیر پشاور کیلئے اے این پی کے امیدوار تھے۔وزیر اعظم کے مشیر اور مسلم لیگ ن خیبر پختونخوا کے صدر امیر مقام پشاور میں شمولیتی جلسہ سے خطاب کرتے ہوئے کہا کہ پاکستان کو ڈیفالٹ سے بچانے میں نواز شریف کا کرداراہم ہے، انہوں نے ہمیشہ ملک کو بحران سے نکالا، اور ایک مرتبہ پھر آئی ایم ایف کا کشکول توڑ دیں گے۔امیر مقام نے کہا کہ آئندہ عام انتخابات میں مرکز اور صوبہ دونوں شیر کے ہوں گے۔

پشاور انسداد دہشت گردی عدالت نے توڑ پھوڑ اور جلاؤ گھیراؤ کے مقدمات میں نامزد پی ٹی آئی کے پشاور سٹی صدر عرفان سلیم عبوری ضمانت درخواست خارج کردی پشاور انسداد دہشت گردی عدالت نے توڑ پھوڑ اور جلاؤ گھیراؤ کے مقدمات میں نامزد پی ٹی آئی کے پشاور سٹی صدر عرفان سلیم عبوری ضمانت درخواست پر سماعت اے ٹی سی جج ڈاکٹر عامر نذیر نے کی ۔ عدالت نے عرفان سلیم کی عبوری ضمانت کی درخواست عدم پیروی پر خارج کردی پولیس کے مطابق ملزم نے نو اور دس مئی کو پشاور میں توڑ پھوڑ اور جلاؤ گھیراؤ کی ہے۔ ملزم کے خلاف مختلف تھانوں میں مقدمات درج ہیں ۔ ملزم نے گرفتاری سے پہلے عبوری ضمانت کی درخواست دی تھی لیکن دوران سماعت پیش نہیں ہوئے ۔ عدالت نے عبوری ضمانت کی درخواست خارج کردی ۔

‏تھانہ بھانہ ماڑی پولیس کی اہم کاروائی، اسلحہ کی بھاری کھیپ سمگل کرنے کی کوشش ناکام بنا کر واقعےمیں ملوث ملزم کو گرفتارکر لیا گیا،جسکے قبضے سے 14 عدد پستول اور متعدد میگزین برآمد کئے گئے،دوسری جانب ‏تھانہ خزانہ پولیس کا سماج دشمن عناصر کے خلاف کریک ڈاون، غیرقانونی اسلحہ، ہوائی فائرنگ سمیت دیگر جرائم میں ملوث 5 ملزمان گرفتار، گرفتار ملزمان سے 1 عدد رائفل، 4 عدد پستول سمیت متعدد کارتوس برآمد کئے گئے،
ایک اور کاروائی کے دوران تھانہ ٹاؤن پولیس نے پوش علاقہ ٹاؤن میں کلینک سے چوری کرنے میں ملوث ملزم گرفتار،کر لیا ہے ملزم کی نشاندہی پر چوری شدہ 3 لاکھ 5 ہزار روپے، لیپ ٹاپ اور واردات میں استعمال ہونے والی موٹرکار بھی برآمد کی گئی،
تھانہ ریگی پولیس نے مویشی منڈیوں میں تاجروں سمیت شہریوں سے قیمتی موبائل فونز اور نقد رقم چوری کرنے میں ملوث ملزم کو گرفتار کرلیا، گرفتار ملزم کے قبضے سے مسروقہ رقم ایک لاکھ پانچ ہزار روپے اور 5 عدد قیمتی موبائل فونز برآمد۔
ادھر تھانہ داوزئی پولیس نے چارسدہ روڈ پر گاڑی میں مشکوک حالت میں موجود 2 مسلح ملزمان کو گرفتار کرلیا، گرفتار ملزمان کے قبضے سے 1 عدد کلاشنکوف، 1 عدد کلاشنکوف متعدد میگزینز اور کارتوس بھی برآمد کر لئے گئے، پولیس کے مطابق تمام گرفتار ملزمان کے خلاف متعینہ تھانوں میں مقدمات درج کرکے مزید تفتیش کا آغاز کردیا گیا ہیں۔

خیبر پختونخوا کے ضلع صوابی میں نامعلوم افراد کی جانب سے کئی خاندانوں کو پیسے اپنے گھروں پر منتقل نہ کرنے پر ان کو جان سے مارنے کی دھمکی دی ہے۔اس مقصد کے لئے صوابی کے علاقہ ڈاگئی میں 18 خاندانوں کو دھمکی آمیز خطوط ارسال کر دیئے گئے ہیں۔ بھجوائے گئے خطوط میں تمام خاندانوں کو ان کے بینک اکاؤنٹس سے پیسے نکلوا کر گھروں پر رکھنے کا کہا گیا ہے۔ ساتھ میں یہ بھی کہا ہے کہ تمام خاندان سونا کے زیورات بھی اپنے گھروں پر رکھے جبکہ عمل درآمد نہ ہونے پر ان کو قتل کیا جائے گا۔
دھمکی بجھوانے والے شخص نےخطوط پر یار حسین کا نام لکھا ہوتا ہے،یہاں پر اس بات کا بھی زکر ضروری ہے کہ ضلع صوابی میں یار حسین نام سے ایک گاؤں بھی موجود ہے تاہم یہ واضح نہیں کہ خطوط میں یار حسین نام کس وجہ سے لکھا گیا ہے۔
ادھر ڈاگئی کے تمام خاندانوں نے متفقہ طور پر بھتہ نہ دینے اور مشترکہ طور پر مزاحمت کا فیصلہ کیا ہے۔ڈاگئی کے رہائشیوں کو خطوط ملنے کے بعد کالو خان پولیس نے نوٹس لیتے ہوئے مقدمہ درج کر لیا ہے ۔ اسی حوالے سے ڈاگئی کے عوام کا آپس میں مشاورت کا سلسلہ جاری ہے۔
گاوں کے عوام نے اتوار کو سیاسی جماعتوں پر مشتمل ایک جرگہ بلا لیا ہے جہاں مستقبل کیلئے لائحہ عمل طے کیا جائے گا۔ ڈاگئی گاوں کے رہائشیوں کے مطابق پولیس نے ان کو خود بھی اپنی حفاظت کرانے کی ہدایات دی ہیں۔
ذرائع کے مطابق پولیس نے اب تک خطوط ارسال کرنے پر کوئی کاروائی نہیں کی تاہم اس حوالے سے کالو خان پولیس کا کہنا ہے کہ تصدیق کیلئے خطوط متعلقہ لیبارٹری کو بھجوا دیئے گئے ہیں اور تصدیق ہونے کے بعد ایک نتیجے پر پہنچ کر بھرپور کاروائی کی جائے گا،واضح رہے کہ پچھلے کچھ مہینوں میں صوابی کے مختلف علاقوں میں پولیس کی وردی پہن کر کئی گھروں کو لوٹا بھی گیا ہے،

مردان تھانہ ہوتی پولیس نے02 منشیات فروش گرفتار کر لئے گئےجس کے قبضے سے دو کلو گرام چرس بھی برآمد کر لیا گیا، تھانہ ہوتی پولیس ٹیم نے ڈی ایس پی سٹی سرکل انعام جان کی نگرانی ایس ایچ او انسپکٹر عاشق حسین خان کی قیادت میں منشیات فروشوں کے خلاف کارروائیاں کرتے ہوئے منشیات فروش مزمل شاہ ولد فقیر شاہ ساکن اکا خیل اور اسکے دوست کو حراست میں لے لیا گیا جنکے خلاف تھانہ ہوتی میں مقدمات درج کر لیا گیا،

ضلع خیبر لنڈی کوتل میں مون سون بارش کے سبب مختلف واقعات میں دو افراد جاں بحق ہوگئے۔
مقامی ذرائع کے مطابق سیلابی ریلے میں بہہ جانے سے ایک بچے سمیت دو افراد جاں بحق ہوگئے، درجنوں کچے مکانات کو نقصان پہنچا طوفانی بارش کی وجہ سےکے بجلی بھی معطل ہے۔
جاں بحق افراد کا تعلق شلمان سے ہے۔ دوسرے نوجوان کی لاش علی مسجد کے قریب سیلابی ریلے سے نکالی گئی ہے تاحال ان کی شناخت نہیں ہوئی۔دوسری جانب پشاور سمیت صوبے کے مختلف اضلاع میں بارش ہوئی ہے جس سے گرمی کا زور ٹوٹ گیا ہے۔ زیادہ بارش کی وجہ سے ندی نالوں میں طغیانی آئی ہے جس کی وجہ سےشہر میں جگہ جگہ پانی کھڑا ہے،

پشاور کے تھانہ متنی پر گزشتہ رات حملے کا مقدمہ دہشت گردی ایکٹ کے تحت درج کرلیا گیا۔ مقدمے میں کالعدم تنظیم کے پانچ دہشتگردوں کو نامزد کیا گیا ہے ۔مقدمہ تھانہ سی ٹی ڈی میں ایس ایچ اوتھانہ متنی کی مدعیت میں درج ہوامقدمہ میں انسد اد دہشت گردی سمیت مختلف دفعات شامل ہیں،ایف آئی آر کے متن کے مطابق کالعدم تنظیم ٹی ٹی پی کے 5 دہشت گرد وں کو نامزد کیا گیا ہے۔
کالعدم تنظیم نےپہلے بھی تھانے کو نشانہ بنانے کی دھمکی دی تھی ،پولیس کی بروقت جوابی کارروائی سے حملہ آور فرار ہوگئے۔

پشاور‘ سٹی ٹریفک پولیس پشاور کی گزشتہ ایک ہفتے کے دوران تجاوزات مافیا کیخلاف مختلف کاروایاں عمل میں لائی ہے،پشاور ٹریفک پولیس کے حکام کے مطابق کارروائیوں کے دوران 398 افراد کے خلاف کارروائی کی ہے، کاورائی میں نو پارکنگ زون کی خلاف ورزیوں پر 1070 موٹر سائیکل مالکان کے خلاف تادیبی کاروائی کی گئی ہے، پولیس کے مطابق یہ کارروائیاں آئی جی پولیس اختر حیات خان کے وژن کے مطابق چیف کیپٹل پولیس سید اشفاق انور اور چیف ٹریفک آفیسر قمر حیات خان کی ہدایت پر کی گئی ہیں سٹی ٹریفک پولیس پشاور کی جانب سے تجاوزات مافیا کو رضا کارانہ طور پر تجاوزات ختم کرنے اور نو پارکنگ زون کی خلاف ورزی نہ کرنے بارے آگاہی کا سلسلہ جاری ہے
چیف ٹریفک پولیس کے مطابق سٹی ٹریفک پولیس پشاور قانونی تقاضوں کو پورا کرتے ہوئے تجاوزات مافیا کو پہلے نوٹسز جاری کرتی ہے‘
تجاوزات مافیا شہر کی خوبصورتی کا خاص خیال رکھتے ہوئے اپنے حدود سے تجاوز نہ کریں اور شہریوں کیلئے کسی قسم کے مشکلات پیدا کرنے سے گریز کریں کیونکہ تجاوزات کی وجہ سے شہر کی خوبصورتی متاثر ہوتی ہے جو کسی صورت قابل قبول نہیں ہے،
ٹریفک پولیس افسر کے مطابق تجاوزات قائم کرنے کے مرتکب افراد کے خلاف سخت سے سخت قانونی کارروائی عمل میں لائی جائیگی اور کسی کے ساتھ کوئی نرمی نہیں برتی جائیگی
چیف ٹریفک آفیسر قمر حیات خان نے شہریوں کو نو پارکنگ زون کی خلاف ورزی نہ کرنے کی اپیل کی ہے جس سے ٹریفک نظام میں خلل سمیت شہریوں کو مشکلات کا سامنا کرنا پڑتا ہےٹریفک حکام ٹریفک قوانین کی خلاف ورزی کرنیوالوں کیخلاف قانون کے مطابق سخت کارروائی عمل میں لائیں‘