Baaghi TV

Tag: یو اے ای

  • زلفی بخاری کا محمد بن زاید کے پاکستان کے دورے پر خیرمقدم

    زلفی بخاری کا محمد بن زاید کے پاکستان کے دورے پر خیرمقدم

    پی ٹی آئی رہنما، سابق مشیر برائے سمندر پار پاکستانی، زلفی بخاری نے متحدہ عرب امارات (یو اے ای) کے صدر اور ابو ظہبی کے حکمران محمد بن زاید آل نہیان کے پاکستان کے حالیہ دورے پر خوش آمدید کہتے ہوئے ایک بیان جاری کیا۔

    زلفی بخاری نے ایکس پر پوسٹ کرتے ہوئے اپنے بیان میں کہا کہ "ہم نے ہمیشہ امارات کے ولی عہد اور یو اے ای کے صدر، عزت مآب محمد بن زاید آل نہیان کو پاکستان میں خوش آمدید کہا ہے۔ آپ کی پاکستان کے لیے محبت، بھائی چارے کی جڑت اور فراخ دلی نے ہمیشہ ہماری طاقت کو بڑھایا ہے۔ آپ کی قیادت میں یو اے ای اور پاکستان کے تعلقات میں نہ صرف گہرائی آئی ہے بلکہ ایک نئی توانائی کا بھی اضافہ ہوا ہے۔”

    زلفی بخاری نے مزید کہا کہ "یو اے ای میں تقریباً 1.7 ملین پاکستانی رہتے ہیں اور یہ پاکستانی عوام کی محنت اور قربانیوں کی ایک مثال ہے۔ آپ کی جانب سے پاکستان کے عوام کے لیے فراہم کی جانے والی مسلسل مدد، خاص طور پر رحیم یار خان میں انفراسٹرکچر کی ترقی، اقتصادی نمو، اور ماحولیاتی تحفظ کے حوالے سے کی جانے والی کوششیں قابلِ قدر ہیں۔ ان اقدامات نے اس پسماندہ علاقے کی ترقی میں اہم کردار ادا کیا ہے۔”انہوں نے کہا کہ "ہم آپ کی جانب سے پاکستان کے ترقی کے لیے جاری حمایت اور عزم کی دل سے قدر کرتے ہیں۔ آپ کی قیادت اور حمایت سے پاکستان اور یو اے ای کے درمیان تعلقات مزید مستحکم ہوں گے اور دونوں ممالک کی ترقی کے لیے نئے دروازے کھلیں گے۔”

    زلفی بخاری نے اپنے اختتامیہ میں کہا کہ "ہزاروں پاکستانیوں کی جانب سے محمد بن زاید آل نہیان کو خوش آمدید کہتے ہیں اور ان کے دورے کو پاکستان کے لیے ایک نیا سنگ میل قرار دیتے ہیں۔ ہم آپ کی کامیابیوں کی دعا گو ہیں اور امید رکھتے ہیں کہ پاکستان اور یو اے ای کا دوطرفہ تعاون مزید مضبوط ہو گا۔”

    یہ بیان یو اے ای کے صدر محمد بن زاید آل نہیان کے دورہ پاکستان کے اہمیت کو اجاگر کرتا ہے اور دونوں ممالک کے درمیان گہرے تعلقات کی اہمیت کو واضح کرتا ہے۔

    https://x.com/sayedzbukhari/status/1876229536334963021

    بشریٰ بی بی پر ڈیل کرنے کے الزامات درست نہیں، عمران خان

    حساب دینا ہو گا،علیمہ خان نے عمران خان کا پیغام پہنچا دیا

  • چیمپئنز ٹرافی، یو اے ای میں میچز سے بھی بڑی آمدنی متوقع

    چیمپئنز ٹرافی، یو اے ای میں میچز سے بھی بڑی آمدنی متوقع

    یو اے ای میں بھی چیمپئنز ٹرافی کے میچز سے پی سی بی کو بڑی آمدنی ہوگی، ٹکٹوں کی فروخت سے حاصل شدہ آدھی سے زیادہ رقم پاکستان کو ہی ملنا ہے، اس حوالے سے جلد تحریری معاہدہ ہو جائے گا۔

    باغی ٹی وی کے مطابق چیمپئنز ٹرافی کا انعقاد 19 فروری سے 9 مارچ تک ہو گا، دورہ پاکستان سے انکار کرنے والی بھارتی کرکٹ ٹیم کے میچز دبئی میں ہونا ہیں، اگر بلو شرٹس فائنل میں پہنچے تو 5 ،سیمی فائنل تک محدود رہنے پر 4 جبکہ صرف پہلے رائونڈ سے باہر ہونے پر 3 میچز یو اے ای میں ہوں گے۔ان میں 23 فروری کو پاک بھارت بلاک بسٹر میچ بھی شامل ہے، پی سی بی نے ابتدائی شیڈول میں اس مقابلے کی میزبانی قذافی اسٹیڈیم لاہور کو سونپی تھی۔حکام کو وینیو کے تماشائیوں سے مکمل بھرے رہنے کی امید تھی، البتہ بھارتی بورڈ نے حکومت سے اجازت نہ ملنے کا جواز دے کر سارا منصوبہ چوپٹ کر دیا، مگر یو اے ای میں بھی میچز سے پاکستان کو بھاری آمدنی ہوگی۔پی سی بی کے ایک اعلیٰ آفیشل نے بتایا کہ ٹکٹوں کی فروخت سے حاصل شدہ آدھی سے زیادہ رقم پاکستان کو ہی ملنا ہے۔اس حوالے سے معاملات پر اتفاق ہو چکا جلد امارات کرکٹ بورڈ سے تحریری معاہدہ بھی کر لیا جائے گا، دبئی کرکٹ اسٹیڈیم میں 25 ہزار سے زائد شائقین کی گنجائش ہے، ماضی میں بھی پاک بھارت میچز کے دوران تل دھرنے کی جگہ نہیں ہوتی تھی۔اب بھی یہی امکان ہے، یو اے ای میں مقیم پاکستانی اور بھارتی باشندوں کے ساتھ دیگر ممالک سے بھی بڑی تعداد میں شائقین دبئی آئیں گے، بھارتی ٹیم کے دیگر میچز میں بھی مداحوں کی بڑی تعداد پہنچے گی۔
    ذرائع کے مطابق آئی سی سی کی جانب سے ٹکٹوں کے نرخ اور فروخت کا شیڈول جلد جاری کیے جانے کا امکان ہے۔ بھارتی ٹیم اگر ناک آئوٹ میچز میں پہنچی تو پاکستان کی آمدنی پر فرق پڑے گا، خاص طور پر فائنل کا لاہور میں انعقاد نہ ہونا شائقین کیلیے بھی مایوس کن ہوگا۔

    ن لیگ اور جے یو آئی میں سیاسی رابطے

    دھند اور خراب موسم، ٹرینیں تاخیر کا شکار

    اوچ شریف:پنجند کی نہریں آلودہ، روہی اور چولستان کے باسی گندا پانی پینے پر مجبور

    سال 2025 کی پہلی براہ راست سرمایہ کاری آگئی

  • یو اے ای میں چھوٹے طیارہ سمندر میں گر کر تباہ،خاتون پائلٹ سمیت 2 افراد جاں بحق

    یو اے ای میں چھوٹے طیارہ سمندر میں گر کر تباہ،خاتون پائلٹ سمیت 2 افراد جاں بحق

    دبئی: متحدہ عرب امارات (یو اے ای) کی ریاست راس الخیمہ میں چھوٹا طیارہ حادثےکا شکار ہوگیا،حادثے میں خاتون پائلٹ اور مسافر سمیت 2 افراد جاں بحق ہوگئے-

    باغی ٹی وی: اماراتی ایوی ایشن حکام کے مطابق راس الخیمہ میں پرائیوٹ سیاحتی ایوی ایشن کلب کا طیارہ حادثےکا شکار ہوا، طیارہ سیاحتی مقصد کے لیے استعمال کیا جاتا تھا اور سمندر میں گر کر تباہ ہواطیارےکی پائلٹ 29 سالہ پاکستانی فریانزا پروین تھیں جب کہ مسافر 26 سالہ بھارتی ڈاکٹر سلیمان تھے۔

    حکام پاکستانی قونصل خانےکے مطابق پاکستانی پائلٹ فریانزا پروین کا تعلق ملتان سے ہے پاکستانی پائلٹ کی میت آج رات پاکستان روانہ کی جائےگی۔

    سندھ رینجرز کی 2024 میں کئے جانے والے آپریشن سے متعلق رپورٹ جاری

    حسان نیازی کا پیغام نوجوانوں کے نام۔۔۔

    گوجرانوالہ: جی یو جے ورکرز کا اجلاس، پریس کلب الیکشن پر تحفظات کا اظہار

  • یو اے ای کے سفیر کی جاری ترقیاتی منصوبوں پر مریم نواز کی تعریف

    یو اے ای کے سفیر کی جاری ترقیاتی منصوبوں پر مریم نواز کی تعریف

    وزیر اعلیٰ پنجاب مریم نواز شریف سے متحدہ عرب امارات کے سفیر حماد عبید ابراہیم الزعابی کی ملاقات ہوئی ہے

    دو طرفہ تعاون کے لیے پنجاب اور یو اے ای کا ورکنگ گروپ قائم کرنے کا فیصلہ کیا گیا،ملاقات کے دوران معاشی تعاون اور پنجاب میں ترقیاتی منصوبوں اور سیاحت کے فروغ پر تبادلہ خیال کیا گیا،مریم نواز نے یو اے ای کے سرمایہ کاروں کو پنجاب میں سرمایہ کاری کے لیے دعوت دی،مریم نواز نے یو اے ای کے سرمایہ کاروں کےلئے خصوصی مراعات اور سازگار ماحول کی یقین دہانی کروائی،مریم نواز نے متحدہ عرب امارات کی پاکستان کی سماجی و اقتصادی ترقی میں تعاون کو سراہا

    یو اے ای کے سفیر نے وزیر اعلیٰ مریم نواز شریف کو کامیاب دورہ چین پر مبارک باد دی،سفیر حماد عبید ابراہیم الزعابی نے جاری ترقیاتی منصوبوں، موسمیاتی تبدیلیوں سے متعلق اقدامات پر مریم نواز کی تعریف کی، وزیراعلیٰ پنجاب مریم نواز کا کہنا تھا کہ انفراسٹرکچر، صحت، تعلیم، اور توانائی کے شعبوں میں یو اے ای کی معاونت کو قدر کی نگاہ سے دیکھتے ہیں ،پاکستان اور متحدہ عرب امارات کے تعلقات باہمی اعتماد اور احترام پر مبنی ہیں،پاکستان اور یو اے ای علاقائی استحکام اور خوشحالی کے لیے یکساں سوچ رکھتے ہیں۔پنجاب زراعت، ٹیکنالوجی،گرین انرجی اور دیگر شعبوں میں یو اے ای کے ساتھ تعاون کا خواہاں ہے،

    یواے ای کے سفیر کا کہنا تھا کہ ترقی یافتہ پاکستان کےسفر میں حکومت اور عوام کے شانہ بشانہ کھڑے ہیں ،پاکستان میں مزید پراجیکٹس پر کام کرنا چاہتے ہیں- پنجاب کے ساتھ پبلک پرائیویٹ پارٹنرشپ کے ذریعے دیرپا ترقی کے فروغ کے لیے پرعزم ہے۔

    خلیل الرحمان قمر کیس، آمنہ عروج کی درخواست ضمانت پر سماعت ملتوی

    حافظ عبدالرحمان مکی کی وفات،سیاسی ،سماجی و کشمیری رہنماؤں کی تعزیت

  • محسن نقوی کی یو اے ای بورڈ کے سربراہ سے ملاقات، چیمپئنز ٹرافی کے نیوٹرل وینیو کا معاملہ طے

    محسن نقوی کی یو اے ای بورڈ کے سربراہ سے ملاقات، چیمپئنز ٹرافی کے نیوٹرل وینیو کا معاملہ طے

    گھوٹکی: پاکستان اور یو اے ای کے درمیان آئی سی سی چیمپئنز ٹرافی کے نیوٹرل وینیو کا معاملہ طے پا گیا۔

    باغی ٹی وی : ذرائع کے مطابق چیئرمین پاکستان کرکٹ بورڈ (پی سی بی) محسن نقوی نے متحدہ عرب امارات کرکٹ بورڈ کے سربراہ شیخ النہیان المبارک سے ملاقات کی،جس میں آئی سی سی چیمپئنز ٹرافی پر نیوٹرل وینیو کیلئے دبئی اسٹیڈیم کو فائنل کیا گیا اس ملاقات میں پاکستانی شائقین کیلئے ویزوں میں آسانی پر بھی بات کی گئی، دوسرے لاجسٹک ایشوز پر بھی پی سی بی اور آئی سی سی کی معاونت پر زور دیا گیا۔

    ذرائع کا بتانا ہے کہ دونوں بورڈز کے سربراہان کی ملاقات گزشتہ شب گھوٹکی میں شیخ النہیان کے خصوصی خیمے میں ہوئی، شیخ النہیان اور محسن نقوی کی ملاقات میں نیوٹرل وینیو کا معاملہ طے پایا، چیمپیئز ٹرافی 2025 میں بھارت کے میچز کیلئے یو اے ای کو نیوٹرل وینیو بنانےکا فیصلہ کیا گیا،شیخ النہیان نے پی سی بی چیئرمین کو تمام معاملات پر مکمل تعاون کی یقین دہانی کرائی ہے-

    ذرائع کے مطابق چیمپئینز ٹرافی کیلئے نیوٹرل وینیو دبئی ہوگا، جہاں بھارتی ٹیم اپنے تمام میچز کھیلے گی جبکہ اسی مقام پر پاک بھارت ٹاکرا بھی 23 فروری کو کھیلا جائے گاچیمپئینز ٹرافی کیلئے نیوٹرل وینیو دبئی ہوگا، جہاں بھارتی ٹیم اپنے تمام میچز کھیلے گی جبکہ اسی مقام پر پاک بھارت ٹاکرا بھی 23 فروری کو کھیلا جائے گا۔

    خیال رہے کہ فروری 2025 میں پاکستان میں ہونے والی آئی سی سی چیمپئنز ٹرافی کے شیڈول کا باضابطہ اعلان اب تک نہیں کیا گیا ہے تاہم چیمپئنز ٹرافی کے سامنے آنے والے ممکنہ شیڈول کے مطابق ٹورنامنٹ کا پہلا میچ 19 فروری کو پاکستان اور نیوزی لینڈ کے درمیان کراچی میں ہو گا جبکہ پاکستان اور بھارت کے درمیان مقابلہ 23 فروری کو نیوٹرل وینیو پر ہو گا،قومی ٹیم اپنا تیسرا میچ 27 فروری کو بنگلادیش کے خلاف کھیلے گی، پہلا سیمی فائنل 3 مارچ اور دوسرا 4 مارچ کو کھیلا جائے گا، اسی طرح ایونٹ کا فائنل 9 مارچ کو لاہور یا نیوٹرل وینیو پر ہوگا، یونٹ کے آغاز سے قبل چھ دن کا سپورٹ پریڈ رکھا گیا ہے، اس سپورٹ پریڈ میں ٹیموں کی آمد اور اور پریکٹس وغیرہ شامل ہے۔ یہ ٹائم پریڈ 12 سے 18 فروری تک ہوگا۔

    قبل ازیں انٹرنیشنل کرکٹ کونسل (آئی سی سی) نے چیمپئینز ٹرافی کے ہائبرڈ ماڈل سے متعلق معاملات پر بیان جاری کرتے ہوئے کہا تھا کہ پاکستان اور بھارت کی ٹیمیں میگا ایونٹ سمیت تمام ٹورنامنٹس میں 2027 تک نیوٹرل وینیوز پر کھیلیں گی۔

    دوسری جانب چیمپئینز ٹرافی کے ہائبرڈ ماڈل کو تسلیم کرنے پر انٹرنیشنل کرکٹ کونسل (آئی سی سی) کی جانب سے اضافی معاوضے کی مد میں پاکستان کرکٹ بورڈ (پی سی بی) کو 4.5 ملین ڈالر (تقریباً 38.2 کروڑ روپے) ملنے کی توقع ہےسابق بھارتی کرکٹر و کمنٹیٹر آکاش چوپڑا نے اپنے یوٹیوب چینل پر بتایا کہ ہائبرڈ ماڈل کے انتظام سے پی سی بی کو مالی نقصان کا سامنا نہیں کرنا پڑے گا، آئی سی سی پاکستان کو غیر جانبدار مقامات پر میچز کے انعقاد کیلئے معاوضہ دے گا، جس میں اضافی اخراجات بھی شامل ہیں۔

    آکاش چوپڑا نے کہا کہ آئی سی سی پاکستان کو 4.5 ملین ڈالر اضافی فراہم کرے گا تاکہ ملک سے باہر بھارتی ٹیم کے میچز کی میزبانی کے اخراجات کو پورا کیا جاسکے، ایونٹ کے ہائبرڈ ماڈل پر ہونے سے پاکستان کا کوئی مالی نقصان نہیں ہوگا، درحقیقت اس بار پی سی بی زیادہ فائدہ حاصل کرے گا، اگر بھارتی ٹیم دورہ پاکستان کیلئے جاتی تو وہ ان کے لئے یادگار ہوتا کیونکہ میرا ذاتی تجربہ حیرت انگیز تھا، وہاں کے لوگوں نے ہمیں شاندار انداز میں خوش آمدید کہا، جو شاید میں کبھی نہیں بھول سکتا۔

  • یو اے ای کا ایک نیا ٹیکس لاگو کرنے کا اعلان

    یو اے ای کا ایک نیا ٹیکس لاگو کرنے کا اعلان

    متحدہ عرب امارات نے ان ملٹی نیشنل کمپنیوں پر ایک نیا ٹیکس لاگو کرنے کا اعلان کیا ہے جو امارات میں کام کر رہی ہیں۔ اس نئے نظام کے تحت بڑی ملٹی نیشنل کمپنیوں کو اپنے منافع پر کم از کم 15 فیصد ٹیکس ادا کرنا ہوگا۔

    باغی ٹی وی:خلیج ٹائمز کے مطابق وزارتِ خزانہ نے اعلان کیا کہ ڈومیسٹک منیم ٹاپ اپ ٹیکس کا نفاذ مالی سالوں کے لیے یکم جنوری 2025 سے شروع ہوگا۔ اس اقدام کا مقصد ایک منصفانہ اور شفاف ٹیکس نظام قائم کرنا ہے جو عالمی معیار سے ہم آہنگ ہو یہ ٹیکس ان ملٹی نیشنل کمپنیوں پر لاگو ہوگا جن کی مجموعی عالمی آمدنی پچھلے چار مالی سالوں میں سے کم از کم دو سالوں میں تین ارب درہم یا اس سے زیادہ ہو،اس قانون سازی کی مزید تفصیلات وزارتِ خزانہ کی جانب سے جلد جاری کی جائیں گی۔

    خلیج ٹائمز کے مطابق متحدہ عرب امارات اپنے کاروبار دوست ماحول کو بہتر بنانے کے لیے مسلسل کوشاں ہے اور یہ اقدام ملک کے قومی سٹریٹجک مقاصد کے ساتھ ہم آہنگ ہے۔

  • یو اے ای سفیر کی اسحاق ڈار سے ملاقات،پاکستانی شہریوں کے ویزا مسائل پر خصوصی گفتگو

    یو اے ای سفیر کی اسحاق ڈار سے ملاقات،پاکستانی شہریوں کے ویزا مسائل پر خصوصی گفتگو

    اسلام آباد: متحدہ عرب امارات کے سفیر نے ڈپٹی وزیراعظم و وزیر خارجہ اسحاق ڈار سے ملاقات کی-

    باغی ٹی وی : ترجمان دفتر خارجہ کے مطابق متحدہ عرب امارات کے سفیر حماد عُبید ابراہیم الزعابی نے ڈپٹی وزیراعظم اور وزیر خارجہ سینیٹر محمد اسحاق ڈار سے ملاقات کی، جس میں مختلف شعبوں میں تعاون کے مواقع پر تبادلہ خیال کیا گیا،دونوں رہنماؤں نے دوطرفہ تعلقات کو مزید مضبوط کرنے کے امور پر بات کی جبکہ ملاقات میں پاکستانی شہریوں کے ویزا مسائل پر خصوصی گفتگو بھی کی گئی۔

    سفیر الزعابی نے ویزا کے عمل کو بہتر بنانے کے لیے اٹھائے جانے والے اقدامات پر بریفنگ دی جن میں انسانی وسائل میں اضافہ شامل ہے ان اقدامات کا مقصد ویزا کے اجرا میں تاخیر کو کم کرنا اور عمل کو تیز بنانا ہے۔

  • یو اے ای کی عالمی خدمات امت مسلمہ کیلئے باعثِ فخر ہیں، اسپیکر سندھ اسمبلی

    یو اے ای کی عالمی خدمات امت مسلمہ کیلئے باعثِ فخر ہیں، اسپیکر سندھ اسمبلی

    اسپیکر صوبائی اسمبلی سندھ سید اویس قادر شاہ کا کہنا ہے کہ متحدہ عرب امارات کی عالمی سطح پر خدمات پوری امت مسلمہ کیلئے باعثِ فخر ہیں۔

    اسپیکر صوبائی اسمبلی سندھ سید اویس قادر شاہ نے متحدہ عرب امارات کے قومی دن کے موقع پر جاری اپنے پیغام میں کہا کہ متحدہ عرب امارات کا قومی دن ترقی، امن اور بھائی چارے کی ایک روشن مثال ہے۔پاکستان اور متحدہ عرب امارات کے تعلقات اسلامی اخوت، باہمی اعتماد اور گہرے دوستانہ رشتوں پر مبنی ہیں، متحدہ عرب امارات نے ہر مشکل وقت میں پاکستان کا ساتھ دیا، چاہے وہ قدرتی آفات ہوں یا معاشی چیلنجز۔سید اویس قادر شاہ نے کہا کہ اماراتی قیادت اور عوام نے ہمیشہ پاکستان کے ساتھ اپنی اخوت اور حمایت کا عملی ثبوت دیا ہے، پاکستان کے عوام اور سندھ اسمبلی اماراتی قیادت عوام کے اس جذبہ اخوت پر تہہ دل سے شکر گزار ہیں، متحدہ عرب امارات کی ترقی، خوشحالی اور عالمی سطح پر خدمات پوری امت مسلمہ کے لیے باعثِ فخر ہیں۔اسپیکر سندھ اسمبلی نے کہا کہ ہم دعا گو ہیں کہ پاکستان اور متحدہ عرب امارات کے تعلقات مزید مضبوط ہوں اور دونوں ممالک ترقی و خوشحالی کی نئی بلندیوں کو چھوئیں۔

    پاکستان کو عالمی دنیا کے بدلتے حالات پر توجہ کی ضرورت۔تجزیہ: شہزاد قریشی

    کراچی سے پشاور چلنے والی عوام ایکسپریس کی نجکاری مکمل

    پاکستان پوسٹ میں وزیر ’اپنوں‘ کو نوازتے رہے، انکوائری میں انکشاف

    مزید 500 سے زائد یوٹیلیٹی اسٹورز بند کرنے پر غور

  • یو اے ای کی ترقی،عالمی سطح پر کامیاب حکمرانی ایک مثال ہے، سحر کامران

    یو اے ای کی ترقی،عالمی سطح پر کامیاب حکمرانی ایک مثال ہے، سحر کامران

    اسلام آباد: پاکستان پیپلز پارٹی کی رہنما سحر کامران نے متحدہ عرب امارات کے قومی دن پر یو اے ای کی قیادت اور عوام کو دل کی گہرائیوں سے مبارکباد پیش کی۔

    سحر کامران نے ایکس پر پوسٹ کرتے ہوئے کہا کہ "یو اے ای کے قومی دن کے موقع پر، میں متحدہ عرب امارات کی قیادت اور عوام کو دل کی گہرائیوں سے مبارکباد پیش کرتی ہوں۔ شیخ محمد بن زاید آل نہیان اور شیخ محمد بن راشد آل مکتوم کی عظیم قیادت میں یو اے ای نے حقیقتاً جدت، عزم اور یکجہتی کا ایک روشن نمونہ پیش کیا ہے۔ یو اے ای کی حکومت اور عوام کے لیے کامیابی، خوشحالی، ترقی اور مزید کامیابیاں کی دعا کرتی ہوں۔ یہ ایک شاندار خراجِ تحسین ہے ان کی شاندار کامیابیوں اور بصیرت افروز قیادت کا، جو ہم سب کو متاثر کرتی ہے۔”

    سحر کامران نے مزید کہا کہ یو اے ای کی ترقی اور عالمی سطح پر اس کی کامیاب حکمرانی ایک ترغیب ہے، جو دنیا بھر کے ممالک کے لیے ایک روشن مثال کے طور پر سامنے آئی ہے۔انہوں نے اس موقع پر یو اے ای کے قیام کے لیے قائدین کی کوششوں کو سراہتے ہوئے کہا کہ "یہ دن ایک علامت ہے اس عظیم قوم کی استحکام، جدت اور بین الاقوامی سطح پر اس کی اہمیت کی۔”

    پی آئی اے پروازوں کی بحالی پاکستان کے لئے بڑی کامیابی ہے،سحر کامران

    پیپلز پارٹی ایک طاقتور سیاسی قوت کے طور پر موجود ہے۔سحر کامران

    بشریٰ بی بی کو لانچ کرنا تھا تو بہتر طریقہ اختیار کرتے،سحر کامران

    حا لات بہتر کرنے کا واحد راستہ مذاکرت اور مفاہمت ہے۔سحر کامران

    امریکی سفیر کا استقبالیہ، پیپلز پارٹی رہنما سحر کامران کی شرکت

    خواتین قانون سازوں کا فیصلوں میں کردار اب بھی محدود ہے،سحر کامران

    احتجاج اور انتشار میں تفریق کرنی ہو گی، سحر کامران

    کم عمری کی شادیاں بچوں کو ذہنی اور جسمانی نقصان پہنچاتی ہیں،سحر کامران

    پیپلز پارٹی کسانوں ،محنت کشوں کے حقوق کا تحفظ کر رہی ہے،سحر کامران

    ایوان میں وزرا کی مسلسل غیر حاضری،غلط جوابات،سحر کامران پھٹ پڑیں

    پاک عراق پارلیمانی فرینڈشپ گروپ کا سحرکامران کی زیر صدارت اجلاس

    پاکستان اور روس کے کثیرالجہتی تعلقات مثبت راستے پر گامزن ہیں: سحرکامران

  • متحدہ عرب امارات مسلم دنیا کا اہم ملک ، ترقی دنیا کیلئے مثال ہے،وزیراعلیٰ پنجاب

    متحدہ عرب امارات مسلم دنیا کا اہم ملک ، ترقی دنیا کیلئے مثال ہے،وزیراعلیٰ پنجاب

    وزیراعلیٰ پنجاب مریم نواز شریف نے متحدہ عرب امارات کےقومی دن پرمبارکباد دی ہے

    وزیراعلیٰ پنجاب مریم نواز کا کہنا تھا کہ متحدہ عرب امارات کے عوام کو53ویں قومی دن پر مبارکباد پیش کرتے ہیں.متحدہ عرب امارات سے پاکستان کے تعلقات کئی دہائیوں پر محیط ہیں.متحدہ عرب امارات دنیا بھر میں جدت اور ترقی کی قابل تقلید مثال ہے. یواے ای نے قدیم روایات کی پاسداری کرتے ہوئے ترقی کی معراج حاصل کی.پاکستان کی ورک فورس نے متحدہ عرب امارات کی ترقی میں بھرپور کردار ادا کیا. یو اے ای کے قومی دن پراپنےبہن بھائیوں کی خوشیوں میں برابرکے شریک ہیں.متحدہ عرب امارات مسلم دنیا کا اہم ترین ملک ، اسکی ترقی دنیا کیلئے ایک مثال ہے.متحدہ عرب امارات نے آزمائش کی ہر گھڑی میں پاکستان کا پورا ساتھ دیا.متحدہ عرب امارات کی اقتصادی اورسفارتی حمایت کو قدر کی نگاہ سے دیکھتے ہیں. یواے ای پاکستانیوں کا دوسرا گھر ،دونوں ممالک کے عوام کے دل ایک ساتھ دھڑکتے ہیں. متحدہ عرب امارات کی مزید ترقی اور استحکام کے لیے دعا گو ہوں،

    ہمیں متحدہ عرب امارات کے ترقی و خوشحالی کے شاندار سفر پر فخر ہے،وزیراعظم

    متحدہ عرب امارات کا قومی دن مبارک ہو!!! — بلال شوکت آزاد

    سیلاب متاثرین کی مدد میں متحدہ عرب امارات کا مثالی کردار

    مقامی ہوٹل میں متحدہ عرب امارات کے 51ویں قومی دن کی تقریب منعقد ہوئی

    ،پاکستان کو اپنے اماراتی بھائیوں کی زبردست ترقی پر فخر ہے