Tag: baaghi

قصور
حویلی سانولے والی بشمولہ گاؤں بلیر تحصیل پتوکی ضلع قصور تھانہ صدر پھولنگر میں سرکاری کھال پر لگائی گئی بجلی کی غیر قانونی تار سے محمد اصغر ولد باغ علی کسان جانبحق
تفصیلات کے مطابق بااثر زمیندار نے سرکاری کھال پر اپنی طاقت کے بل بوتے پر بجلی کی تار لگا کر کرنٹ چھوڑ دیا جس سے نوجوان کسان زندگی سے ہاتھ دھو بیٹھا
رات نو بجے کے قریب محمد اصغر ولد باغ علی سکنہ حویلی سانوے والی بشمولہ بلیر تحصیل پتوکی حدود تھانہ صدر پھولنگر کا رہائشی رات ہو اپنے ساتھیوں کے ہمراہ پانی لگانے گیا جس کے ساتھی صبح صادق سے پہلے گھر آ گئے جبکہ اصغر نے ابھی مذید پانی لگانا تھا کہ صبح 6 بجے کے قریب ہمسایہ زمیندار کی بدمعاشی کے بل بوتے پر سرکاری کھال پر لگائی گئی بجلی کی تار سے ٹکڑا گیا جس سے اس کی موت واقع ہو گئی حالانکہ ہمسایہ کسان کو پانی کی باری کا پتہ بھی تھا مگر پھر بھی اس نے کھال پر لگی تار سے کرنٹ نا بند کیا
ہمسایہ کسان سے اصغر کی رنجش بھی چلی آرہی تھی جس کی بابت ہمسایہ کسان نے جان بوجھ کر تار میں کرنٹ چھوڑ رکھا تھا جو کہ انتہائی غیر قانونی فعل ہے چونکہ کھال سب کی مشترکہ سرکاری ملکیت ہے اور کھال پر پانی لگائے جانے کے دوران ہر بار کھال پر سے گزرنا پڑتا ہے اس لئے ان جگہوں پر کرنٹ نہیں لگایا جاسکتا اور نا ہی کوئی باڑ لگائی جا سکتی ہے
اہل علاقہ نے فوری طور پر ہمسایہ کسان کے خلاف کاروائی کا مطالبہ کیا ہے
پولیس کی بھاری نفری نے موقع پر پہنچ کر لاش کو تحویل میں لے لیا ہے

قصور
تفتیشی آفیسر عظیم حفیظ چوروں سے برآمدہ 80 ہزار کا مال مسروقہ ہڑپ کر گیاؐ 30انچ کی ایل سی ڈی یوپی ایس بیٹری اور 15000روپے کی نقدی ہضم کر گیا ۔شہری محمد ناظم نے مزکورہ تفتیشی آفیسر عظیم حفیظ کے خلاف کارروائی کے لئے ڈی یی او قصورکو درخواست دے دی

تفصیلات کے مطابق شہری ناظم نے دی جانے والی درخواست میں موقف اختیار کیا ھے کہ
چور میری دوکان کے تالے توڑ کر ایل سی ڈی ” یو پی ایس بمعہ بیٹری اور نقدی 15ہزار روپے نقدی چوری کر کے لے گئے ۔جس کا تھانہ بی ڈویژن میں مقدمہ نمبر 91/21 بجرم ت پ درج مورخہ 31-1-2021 کو درج کروایا اور جس کا تفتیشی آفیسر سابقہ چوکی انچارج عظیم حفیظ مقرر ہوا ۔کچھ دنوں بعد سائل ناظم کو بذریعہ موبائل مسیج موصول ھوا کہ آپ کا آپ کا چوری شدہ سامان موصول ھوگیا ھے آپ اپنے سامان کی برآمدگی کے لئے اپنی ایف آئی آر کے تفتیشی آفسیر سے رابطہ کریں جس پر مدعی ناظم نے تفتیشی آفیسر عظیم حفیظ سے رابطہ کیا تو جس یر پہلے تو ٹال مٹول سے کام لیا سامان واپس کرنے کے وعدے کرتا رھا کئی دنوں بعد میرے مال مسروقہ سے مجھے صرف پانچ ھزار دینے یر بضد رھا اور ایف آئی آر وآپس لینے کا مشورہ دینے لگا ۔اورتھانہ بی ڈویژن کے ایس ایچ او رانا سہیل سے بھی رابطہ کیا مگر اس نے صاف انکار کرتے ھوئے کہا کہ جو جو 30 انچ ایکو سٹار کمپنی کی چوروں سے برآمد ھوئی ھے وہ آپکی نہیں ھے جبکہ وہ ایل سی ڈی ایکو سٹار کمپنی کی ھماری ھے اور اسکے علاوہ اس کا کوئی مالک بھی سامنے نہیں آیا شہری ناظم علی کا کہنا ھے کہ میں نے اپنا چوروں سے برآمدہ سامان لینے کے کئے تھانے کے درجنوں چکر لگائے مگر میری شنوائی نہ ھوسکی لہذا محمد ناظم نے ڈی پی او قصور عمران کشور آر پی او شیخوپورہ اور آئی جی پنجاب سے مطالبہ کیا ہے کہ مزکورہ بددیانت تفتیشی آفیسر عظیم حفیظ کے خلاف محکمانہ کار وائی کی جائے اور میرا چوروں سے برآمد ہونے والا سامان وآپس دیا جائے

قصور دوکانداروں تاجروں نے ضلعی انتظامیہ کے احکامات ھوا میں اڑا دئیے
چینی سرکاری ریٹ 85روپے کلو میں فروخت کرنے کی بجائے 100سے 105روپے میں فروخت کرنے لگے .شہر کی چھوٹی بڑی دوکانوں پر سستی چینی کی فراھمی کے حکومتی دعوے ھوا ھوگئے۔ضلعی انتظامیہ چینی سرکاری ریٹ 85 روپے کلو میں فروخت پر عملدرآمد کروانےمیں بری طرح ناکام ضلعی انتظامیہ تاجروں کے آگے بے بس نظرآنے لگی

قصور
حکومتی احکامات پر ضلعی انتظامیہ کی جانب سے شہر میں چینی کی قیمت 85روپے کلو مقرر کی گئی ھے لیکن عوام کو اس ریٹ پر چینی کہیں بھی دستیاب نہیں ھے عوام 85روپے چینی لینے کے لئے دوکانوں بازاروں میں دھکے کھا رھی ہے اور دوکانداروں ۔کی جانب سے چینی نہ ھونے کا بہانہ بنایا جارھا ہے۔ دوسری جانب ضلعی انتظامیہ بھی حکومتی سرکاری ریٹ 85 روپے کلو پر عملدرامد کروانے میں ناکام غیر سنجیدہ نظر آرھی ھے اور یرائس کنٹرول کمیٹیاں بھی غیر فعال ھوچکی ھیں دوکاندار 85 رویے میں فروخت کرنے کی بجائے 100سے 105 روپے میں فروخت کر رھے شہری حکومت اور انتظامیہ کو کوستے نظر آرھے ہیں کہ چینی کی قیمت کم کر کے عوام کو ریلف دینے کا کیا فائدہ اگر چینی کی دوکانوں یر دستیابی ھی نہیں دوکاندار دے ھی نہیں رھے شہریوں نے ڈپٹی کمشنر قصور اور وزیر اعلی پنجاب سے مطالبہ کیا ھے قصور میں 85 روپے کلو چینی سرکاری ریٹ یر فراھمی کو یقینی بنایا جائے اور سرکاری ریٹ یر فروخت نہ کرنے والے دوکانداروں اور تاجروں کے خلاف بلا امتیاز قانونی کارروائی عمل میں لائی جائے

قصور
مسجد میں چوری کی واردات کی اطلاع 12 گھنٹوں بعد دے دی،سب انسپیکٹر نے 48 گھنٹوں بعد درخواست گزار کو تھانے بلایا اور کہا اب تو کوئی فائدہ نہیں 24 گھنٹوں بعد فنگر پرنٹ غائب ہو جاتے ہیں،مسجد اللہ کا گھر ہے درگزر کریں

تفصیلات کے مطابق تحصیل پتوکی کے شہر پھولنگر کے نواحی گاؤں بلیر بشمولہ بھگیانہ کلاں میں 4 و 5 اپریل کی درمیانی شب چور جامع مسجد محمدی اہلحدیث کے تالے توڑ کر دو عدد بیٹری یو پی ایس مالیت 25000 لے اڑے تالے و دیگر اشیاء پر چوروں کے فنگر پرنٹ واضع نظر آرہے تھے
سارے وقوعہ کی تحریری درخواست محمد اشفاق سکنہ اہل دیہہ نے دن 11 بجے تھانہ صدر پھولنگر کو دے دی تو اسے تسلی دے کر بھیج دیا گیا کہ ابھی تھوڑی دیر میں پولیس ٹیم پہنچ رہی ہے اور کاروائی کا آغاز کرتی ہے مگر باوجود درخواست گزار و اہل دیہہ کے رابطہ کرنے کے پولیس نا پہنچی مگر اگلے 48 گھنٹوں بعد سب انسپیکٹر محمد امین نے درخواست گزار کو تھانے بلوایا اور کہا کہ اب تو کوئی فائدہ نہیں کیونکہ فنگر پرنٹ 24 گھنٹوں بعد ختم ہو جاتے ہیں لہذہ آپ درگزر کریں مسجد اللہ کا گھر ہے اللہ اور چیزیں دے دے گا
اہل دیہہ و درخواست گزار کا کہنا ہے کہ اس سے قبل بھی اسی مسجد سے چند ماہ قبل چور واٹر پمپ و بیٹری یو پی ایس لے اڑے تھے مگر اب پولیس کاروائی کرنے سے انکاری ہے اگر مسجد اللہ کا گھر ہے تو پولیس والے بھی مسلمان ہیں مگر انہوں نے واضع فنگر پرنٹ ہونے کے جان بھوج کر دیر کی تاکہ فنگر پرنٹ ختم ہو جائیں مگر اب دوایتی طریقے سے بھی چور کو تلاش کرنے کی کوشش نہیں کی جا رہی لہذہ ڈی پی او قصور نوٹس لے کر اللہ کے گھر کے ساتھ انصاف کروائیں

قصور
پرانی دشمنی پر دو سگے بھائیوں پر فائرنگ،ایک جانبحق دوسرا زخمی

تفصیلات کے مطابق قصور مکہ کالونی سبزی منڈی کے باہر پرانی دشمنی کی بنا پر سرور نامی شخص نے اپنے رشتےدار دو سگھے بھائیوں پر فائرنگ کر دی جس کے نتیجے میں ایک بھائی زخموں کی تاب نہ لاتے ہوئے موقع پر جانبحق ہو گیا جبکہ دوسرے بھائی کی حالت تشویشناک ہونے کے باعث سروسز ہسپتال لاہور منتقل کر دیا گیا ہے
اطلاع پا کر پولیس کی بھاری نفری موقع پر پہنچ گئی
پولیس نے ملزمان کی تلاش شروع کر دی ہے

قصور میں اسپیشل برانچ کی نشاندہی پر اسسٹنٹ کمشنر کی ٹیم کا چھاپہ 800 بوری ذخیرہ چینی پکڑی گئی

تفصیلات کے مطابق قصور میں اسپیشل برانچ کی نشان دہی پر اسسٹنٹ کمشنر اورنگزیب سندھو نے گودام میں ذخیرہ کی گئیں 800 بوری چینی ، 400 بوری چاول برآمد کر لئے
سپیشل برانچ نے اطلاع دی کہ قادی ونڈ کے ملزم صداقت رحمانی نے گودام میں چینی اور چاولوں کی سینکڑوں بوریاں سٹاک کی ہیں

اسسٹنٹ کمشنر قصور کا کہنا ہے کہ گودام کو سیل کرکے ملزم کے خلاف قانونی کاروائی کی جائےگی

قصور
شادی پر ہوائی فائرنگ،نوجوان زخمی ،ہسپتال منتقل

تفصیلات کے مطابق بستی سلیمان والا حدود تھانہ راجہ جنگ میں اسلم حجام کے لڑکی کی شادی پر نوجوان فائرنگ کر رہا تھے کہ اس کی زد میں وقاص ولد آس محمد سکنہ بستی جمال دین آ گیا جس کی ٹانگ و پیٹ میں گولیاں لگیں جسے فوری طور پر ڈسٹرکٹ ہیڈ کوارٹرز ہسپتال قصور منتقل کیا گیا ہے
پولیس چوکی اوراڑہ تھانہ راجہ جنگ نے موقع پر پہنچ کر کاروائی کا آغاز کر دیا اور ملزمان کی تلاش جاری ہے
نیز اس سے قبل پولیس نے لوگوں کو بارہا ہوائی فائرنگ نا کرنے کی تنبیہہ کی ہے

قصور
کھڈیاں خاص قصور نول فیڈر کی بجلی گزشتہ کئی گھنٹوں سے بند ،مریضوں کی زندگیاں داؤ پر

تفصیلات کے مطابق کھڈیاں خاص قصور و گردونواح میں بجلی کی غیر اعلانیہ بندش سے درجنوں دیہات کے ھزاروں لوگ پانی سے محروم ہو چکے ہیں
جبکہ نول فیڈر بند ہونے سے رورل ہیلتھ سنٹر کھڈیاں خاص میں داخل مریضوں کی زندگیاں بھی داؤ پر لگ گئیں ہیں
لوگ پانی کی بوند بوند کو ترس گئے ہیں
شہریوں نے واپڈا حکام سے فوری بجلی کی بحالی کا مطالبہ کیا ہے

قصور
سائلین کے مسائل بروقت حل کرنے کیلئے ڈی پی او قصور عمران کشورکا کھلی کچہری کا انعقاد خوش آئند اقدام ہے۔عوام کے جان و مال کے تحفظ کیلئے ڈی پی او قصور کی رات گئے گشت اور متعدد ناکوں و تھانوں کی چیکنگ سے جرائم کی شرح میں کمی واقع ہو رہی ہے ان خیالات کا اظہار تاجر رہنماؤں حاجی محمد سعید حاجی علی شیر کمبوہ حاجی محمد امین اشفاق چوہدری خالد چوہدری چوہدری بابر چیمہ و دیگر نے میڈیا سے گفتگو کرتے ہوئے کیا انکا مزید کہنا تھا کہ عمران کشور انصاف پسند اور فرض شناس آفیسر ہیں انکی تعیناتی سے جہاں ضلع میں چوری وڈکیتی کی وارداتوں میں کمی آئی ہے وہاں عوام کے جان و مال کے تحفظ کو بھی تقویت ملی ہے علاقہ سے جرائم کے خاتمے کیلئے تاجر برادری ان سے چار قدم آگے نظرآئے گی اور ہر طرح کے تعاون کیلئے ہمہ وقت تیار ہے

قصور
محکمہ ماحولیات و ضلعی گورنمنٹ کی اناہلی سے بھٹہ مالکان وارننگ کے باوجود زگ زیگ سسٹم نا لکا سکے،اینٹوں کی قیمت ریکارڈ سطح پر پہنچ گئی،اہلکاران حصے وصول کرکے خاموش

تفصیلات کے مطابق پنجاب گورنمنٹ کی طرف سے تمام بھٹہ خشت میں زگ زیگ سسٹم لگانے کی ہدایت کی گئی تھی جس کے تحت بھٹہ کی چمنی سے نکلنے والا دھواں زگ زیگ سسٹم سے ہو کر گزرتا ہے اور پانی و دیگر پراسیس سے دھواں انتہائی کم خطرناک تہ جاتا ہے
مگر ضلعی انتظامیہ قصور و محکمہ ماحولیات قصور کی نااہلی سے محض 2 فیصد سے بھی کم بھٹہ مالکان نے زگ زیگ سسٹم لگایا ہے اور پرانی طریقے سے ہی بھٹہ خشت کا دھواں چمنی سے نکالا جا رہا ہے جس سے فضائی آلودگی کے سبب لوگوں میں کئی طرح کی امراض جنم لے رہی ہیں جبکہ بھٹہ مالکان نے 7800 روپیہ سرکاری ریٹ والی درجہ اول اینٹ 12000 روپیہ میں فروخت کرنا شروع کر دی ہے
ساری صورتحال کا محکمہ ماحولیات و ڈسٹرکٹ گورنمنٹ کو علم ہے مگر اپنا حصہ لینے پر کبوتر کی طرح آنکھیں بند کئے ہوئے ہیں

لوگوں نے وزیراعلی پنجاب سے نوٹس لے کر سخت کاروائی کا مطالبہ کیا ہے