Tag: baaghi

اسلام آباد: :ایس پی سٹی زون عمر خان کی ہدایت پر تھانہ آبپارہ پولیس کی بڑی کارروائی

مخبر کی اطلاع پر ہاکی گراونڈ ستارہ مارکیٹ G 7 مرکز میں ڈکیتی کی تیاری میں مصروف منظم ڈکیت گروہ (شہزاد گینگ) کے چار خطرناک کارندے گرفتار ،ملزمان کے قبضہ سے اسلحہ و ایمونشن برآمد

ملزمان میں محمد شہزاد ولد محمد اعجاز, عبدالمنان عرف ڈان ولد محمد یوسف ,بلال حسین ولد اسرار احمد , حسنین رضا ولد عمر دراز شامل ہیں ،ابتدائی تفتیش کے دوران ملزمان نے طحہ پولٹری فارم سروسز G7/2 پر ہونے والی ڈکیتی کی واردات سمیت متعدد وارداتوں کا انکشاف کیا ہے

کارروائی ڈی ایس پی اقبال خان کی نگرانی میں ایس ایچ او تھانہ آبپارہ سلیم رضا اور گل خان ASI معہ ٹیم نے کی آئی جی اسلام آباد اور ڈی آئی جی آپریشنز نے پولیس ٹیم کو شاباش دی

پاکستان مسلم لیگ (ن) کی سینٹرل ایگزیکٹو، سینٹرل ورکنگ کمیٹیوں، قومی اسمبلی اور سینٹ کے ارکان کے مشترکہ اجلاس کی قرارداد

پاکستان مسلم لیگ (ن) کی مرکزی مجلس عاملہ (سی۔ای۔سی)، سینٹرل ورکنگ کمیٹی (سی۔ڈبلیو۔سی)، قومی اسمبلی اور سینٹ کے ارکان کا مشترکہ اجلاس مرکزی سیکریٹریٹ 180 ایچ ماڈل لاہور میں منعقد ہوا جس میں ملک کی مجموعی صورتحال کاجائزہ لیاگیا اور تفصیلی مشاورت کے بعد درج ذیل قرارداد منظور کی گئی۔

اجلاس پاکستان ڈیموکریٹک موومنٹ (پی۔ڈی۔ایم) کے فیصلوں کی مکمل تائید وحمایت اور توثیق کرتے ہوئے اس عزم کا اعادہ کرتا ہے کہ پاکستان مسلم لیگ (ن) کے تمام اراکین اسمبلی 31 دسمبر تک اپنے استعفےپارٹی قیادت کو جمع کرادیں گے اور انہیں اختیار دیتے ہیں کہ کہ وہ مناسب وقت پر استعفے متعلقہ سپیکرزکو جمع کرادیں۔

پاکستان عمران نیازی کی نااہل اور کرپٹ حکومت کی پالیسیز کی بدولت بدترین معاشی، سیاسی اور خارجی بحرانوں میں گھر چکا ہے۔ پاکستان کو ان بحرانوں سے نجات دینے کے لئے اجلاس مطالبہ کرتا ہے کہ ملک میں فی الفور آزادانہ، غیرجانبدارانہ ، شفاف اور منصفانہ عام انتخابات کی راہ ہموار کی جائے تاکہ عوام کی حقیقی نمائندہ قیادت ملک کو مسائل کے گرداب سے نکال کر دوبارہ ترقی کی راہ پر گامزن کرسکے۔

اجلاس پارٹی قائدمحمد نوازشریف کے بیانیے کی مکمل حمایت کرتا ہے اور اس عزم کا اعادہ کرتا ہے کہ پاکستان کو حضرت قائداعظمؒ کے تصور کے مطابق حقیقی معنی میں آئینی، اسلامی، جمہوری ، فلاحی ریاست میں ڈھالنے کے لئے جدوجہد جاری رکھے گی جس کے لئے سیاست میں اسٹیبلشمنٹ اور انٹیلی جنس کے اداروںکی مداخلت کو مکمل طورپر ختم کرنا ناگزیر ہے تاکہ ووٹ کو عزت دو کا نعرہ حقیقت کا روپ دھارسکے۔

اجلاس حکومتی انتقامی ہتھکنڈوں کی مذمت کرتا ہے۔ پارٹی کے صدر شہبازشریف اور پنجاب اسمبلی میں قائد حزب اختلاف حمزہ شہبازشریف کی گرفتاری کی پرزور مذمت کرتا ہے۔
پارٹی کے رہنما اور کارکن نیب، ایف آئی اے اور اینٹی کرپشن ڈیپارٹمنٹ کے جھوٹے اور سیاسی انتقام پر مبنی مقدمات سے اپنے موقف سے پیچھے نہیں ہٹے گی۔

اجلاس قرار دیتا ہے کہ مہنگائی نے عوام سے زندہ رہنے کا حق چھین لیا ہے۔ آٹا، چینی، سبزیاں، انڈے، گھی، دال کی قیمتیں آسمان کو چھو رہی ہیں۔ آج عوام ایک وقت کی روٹی کو ترس گئے ہیں۔ بجلی اور گیس کی قیمتوں میں مسلسل اضافے نے عوام کی جیب خالی کردی ہے۔ ادویات کی قیمتوں میں ظالمانہ اضافہ سے مریض موت کے منہ میں دھکیلے جانے پر مجبور کردئیے گئے ہیں۔ معیشت کی تباہی نے ایک طرف صنعتکار، کاروباری اور تاجر برادری کی نیندیں اڑا دی ہیں تو دوسری جانب بے روزگاری کا سمندر سماجی تانے بانے کو ادھیڑ کر رکھ چکا ہے۔ مسائل کی شدت میں روزانہ کی بنیاد پر اضافہ ہورہا ہے جو داخلی وحدت اور قومی یک جہتی کے لئے سنگین خطرہ بن کر ابھر رہا ہے۔ حکومتی کرپشن، سکینڈلز کی تعداد عوامی مسائل کی رفتار سے بڑھ رہی ہے لیکن اقتدار پر قابض فسطائی کرپٹ ٹولہ سیاسی انتقام پر کاربند اور جھوٹ کے بیانیے گھڑنے میں مصروف عمل ہے۔

اجلاس پارٹی کی یک جہتی، اتحاد اور بھرپور سیاسی وتاریخی جدوجہد کو خراج تحسین پیش کرتا ہے۔ اس عزم کا اعادہ کرتا ہے کہ قائدمحمد نوازشریف کی قیادت میں آئین کی سربلندی، ووٹ کی عزت اور ملک میں قانون کی حکمرانی کے نصب العین کو حاصل کرنے کی منزل تک یہ جدوجہد جاری رہے گی اور اس راہ میں کسی قربانی سے دریغ نہیں کیاجائے گا۔ اجلاس نے پارٹی قائدین، رہنماوں، عہدیداروں، ارکان پارلیمان کے جذبے ، نظریاتی وفاداری، قربانیوں اور عزم واستقامت کو خراج تحسین پیش کیا۔

اجلاس پی ڈی ایم کے جلسوں میں پاکستان مسلم لیگ (ن) کی بھرپور شرکت کو سراہتے ہوئے وفاقی، صوبائی، ڈویژن اور ضلع کی سطح پر تمام عہدیداروں، ذمہ داروں، منتظمین اور کارکنان کی کاوشوں، جذبوں اور فعال کردار کو سراہا اور انہیں خراج تحسین پیش کرتا ہے۔ اجلاس قرار دیتا ہے کہ اس تاریخی جدوجہد میں حصہ لینے والے تمام افراد ملک وملت کا سرمایہ اور پارٹی کا قیمتی اثاثہ ہیں۔

اجلاس پارٹی کی انفرادی جدوجہد، مثالی اتحاد، اشتراک عمل اور تنظیمی سرگرمی کو بھی سراہتے ہوئے یہ عزم ظاہر کرتا ہے کہ موجودہ عوام دشمن، ظالم، ووٹ چور حکومت کے خاتمے کے لئے فیصلہ کن اقدامات اور تحریک میں بھی پارٹی اپنا بھرپور کردار ادا کرے گی۔

اجلاس پی ڈی ایم کی تحریک کے اغراض ومقاصد، عوام کے مسائل اجاگر کرنے، پارٹی کے بیانیہ کی ملک بھر میں اثر پزیری بڑھانے، پارٹی کا سیاسی عمل کو تیز کرنے، پوری جماعت کو ایک اجتماعی قوت کے طور پر نیا تعارف دینے میں مریم نوازشریف کے کردار کو سراہتا اور انہیں مبارک دیتا ہے۔ وہ نوازشریف، شہبازشریف کی ہی نہیں ، اب پوری قوم کی بیٹی کا تاریخی مقام حاصل کرچکی ہیں۔پارٹی کو ان پر فخر ہے اور وہ جماعت کا ایک قیمتی اثاثہ بن چکی ہیں۔

٭ اجلاس قرار دیتا ہے کہ وقت اور حالات نے ایک بار پھر ثابت کردیا ہے کہ محمد نوازشریف ایک سچے، کھرے، آئین، جمہوریت اور عوام کے وفادار قائدہیں جنہوں نے ہرمرتبہ تباہ حال معیشت کو پاوں پر کھڑا کرکے پاکستان کی معاشی خودمختاری کی راہ ہموار کی،عوام کو مہنگائی، بے روزگاری اور مایوسی سے نجات دی۔ لوڈشیڈنگ کا خاتمہ اور توانائی کے بحران پر قابو پاکر روزمرہ کے عذاب سے نجات دلائی14000 میگاواٹ بجلی، ایٹمی بجلی گھر سمیت سستی بجلی پیدا کرنے والے پلانٹس تعمیر کئے، جوہری دھماکوں ، جے ایف 17 تھنڈرطیاروں ، دہشت گردی کے خاتمے سے ملک کے دفاع اور دفاعی قوت کو مضبوط اور ناقابل تسخیر بنانے میں تاریخی کردار ادا کیا، ملک کو امن وامان کی نعمت سے سرفراز کرنے میں ٹھوس اور جراتمندانہ اقدامات کئے، خارجہ محاذ پر پاکستان کی عزت ووقار میں اضافہ کیا، ان کے دانشمندانہ حکمت عملی سے پاکستان کے دوستوں کے اعتماد، قربت اور باہمی تعاون میں تاریخی پیش رفت ہوئی، جموں وکشمیر کے تنازعے پر پاکستان اور کشمیر کے عوام کی امنگوں اور خواہشات کی دلیرانہ ترجمانی اور وکالت کا فرض ادا کیا اور اس معاملے پر بھارت سے بھی جموں وکشمیر کے متنازعہ ہونے کا اعتراف کرایا۔ سی پیک جیسے خطے اور پاکستان کی تقدیر بدل دینے کی صلاحیت رکھنے والے تاریخی منصوبے کی تعبیر دینے والے بھی محمد نوازشریف ہیںجس نے دنیا اور خطے میں پاکستان کی اہمیت میں اضافہ کرنے کے علاوہ دونوں عظیم دوستوں کی مثالی دوستی کو آئرن برادرز کے تاریخی رشتے میں بدل دیا۔

اجلاس افسوس کا اظہارکرتے ہوئے سوال اٹھاتا ہے کہ ان تمام تاریخی اقدامات، پرخلوص اور دیانتدارانہ قومی وعوامی خدمات کے باوجود محمد نوازشریف ، شہبازشریف اور ان کے ساتھیوں کو ناحق قیدوبند، مقدمات اور کردار کشی کی مہم کے سوچے سمجھے منصوبے کا نشانہ بنایاگیا۔ آج قوم یہ سوال پوچھ رہی ہے کہ پاکستان کو مضبوط، مستحکم، ترقی وخوش حالی کی منزل کی طرف لیجانے والی قیادت کے خلاف اداروں کو استعمال کرکے کیوں سزا کا نشانہ بنایاگیا؟ اس سے پاکستان اور اس کے عوام کا کیا ملا؟ اس سنگین حرکت کے نتیجے میں ملک اور قوم کو جو نقصان ہوا، اس کا ذمہ دار اور سزا وارکون ہے؟

آج قوم یہ سوال کرنے میں حق بجانب ہے کہ محمد نوازشریف اور ان کی اہل اور دیانتدار ٹیم کو نشانہ بناکر دراصل پاکستان کو نشانہ بنایاگیاجس کی سزا آج پاکستان اور قوم بھگتنے پر مجبور ہے۔ یہ اقدام کرکے دراصل پاکستان کے دشمنوں کی مددکی گئی۔

زلمی فاؤنڈیشن اور ارار گروپ آف کمپنیز کے مابین ایم و یو پر دستخط

زلمی فاؤنڈیشن اور ارار گروپ اسکل ڈیولمپنٹ ٹریننگ پروگرامز اور معاشرتی آ گاہی کے زریعے پبلک ہیلتھ کئیر، ہیلتھ ویسٹ مینجمنٹ اور ماحولیاتی بچاؤ کے سیکٹرز میں مشترکہ طور پر کام کریں گے۔
پشاور میں منعقدہ تقریب میں ایم و یو پر دستخط کیے گئے۔

زلمی فاؤنڈیشن اور ارار گروپ آف کمپنیز کے درمیان ایم و یو پر دستخط، زلمی فاؤنڈیشن اور ارار گروپ اسکل ڈیولمپنٹ ٹریننگ پروگرامزاور معاشرتی آگاہی کے زریعے پبلک ہیلتھ کئیر، ہیلتھ ویسٹ مینجمنٹ اور ماحولیاتی بچاؤ کے سیکٹرز میں مشترکہ طور پر کام کریں گے۔ پشاور کے مقامی ہوٹل میں زلمی فاؤنڈیشن کے چیف انوویشن آفیسر ڈاکٹرسڈرک ایمل ایڈون اور ارار گروپ آف کمپنیز کےںسی ای او ہمایوں سرور نے ایم ویوپر دستخط کیے۔

اس موقع پر اظہار خیال کرتے ہوئے ڈاکٹر سڈرک ایمل ایڈون نے کہا کہ پشاور زلمی کرکٹ اور کھیلوں کے ساتھ صحت،تعلیم ، اسکل ڈیولمپنٹ پروگرام اور نوجوانوں کو متحرک رکھنے کے لیے کوشاں ہے۔ ارار گروپ کے ساتھ مل کر اسکل ڈیولمپنٹ ٹریننگ پروگرامز کے زریعے پبلک ہیلتھ کئیر،ہیلتھ،ویسٹ مینجمنٹ اور ماحولیاتی بچاؤ کے سیکٹرز میں مشترکہ طور پر کام کریں گے۔ ارار گروپ کے چیف ایگزیکٹو ہمایوں سرور نے کہا زلمی فاؤنڈیشن کے ساتھ ایم او یوپر خوشی پر ہے ۔مشترکہ پروگرامز کے زریعے ہیلتھ,ایجوکیشن، ویسٹ مینجمنٹ, ماحولیاتی بچاؤ اور دیگر شعبوں میں اسکل ڈیولمپنٹ پروگرامز منعقدکریں گے۔

اس تقریب میں Jaura Consulting International کی طرف سے کرنل ریٹائرڈ فیصل رشید بھی موجود تھے۔ انہوں نے بھی اس ایم او یو پر دستخط کیے۔ Jaura Consulting International دونوں آرگنائزیشنزکے درمیان بطور معاون کردار ادا کرےگی۔

عوام پی ڈی ایم کی جھوٹ، منافقت اور دھوکہ دہی کی سیاست سے منتفر ہوچکے ہیں – میاں اسلم اقبال
غریب کی محنت کی کمائی پر ڈاکہ ڈالنے والے اب کورونا پھیلاکر غریب کا روزگار چھیننا چاہتے ہیں
جلسے ریلیوں کی طرح پی ڈی ایم کے استعفوں کا ڈرامہ بھی ناکام ہوگا – صوبائی وزیر

صوبائی وزیر صنعت و تجارت میاں اسلم اقبال نے کہاہے کہ پاکستان کے باشعور عوام نے اپوزیشن کا ملک دشمن ایجنڈا مسترد کردیا ہے – عوام پاکستان تحریک انصاف کے ملک کی ترقی کے ایجنڈے کے ساتھ کھڑے ہیں اوراپوزیشن کے غیر جمہوری طرز عمل سے عوام متنفر ہوچکے ہیں – صوبائی وزیر نے ایک بیان میں کہاکہ منتخب حکومت کے خلاف پی ڈی ایم کی ہر سازش ناکام ہوگی کیونکہ پی ڈی ایم کی جھوٹ،منافقت اور دھوکہ دہی کی سیاست سے عوام تنگ آچکے ہیں –

صوبائی وزیر نے کہاکہ ملک کورونا کی لپیٹ میں ہے اور مفاد پرست ٹولہ اپنی دولت چھپانے کے چکر میں ہے -اپوزیشن سن لے عوام ملک کی ترقی چاہتے ہیں انتشار نہیں – عوام اپوزیشن کی عوام کے فلاحی ایجنڈے میں رکاوٹیں پیدا کرنے کے ہر حربے اور چال کو ناکام بنادیں گے – صوبائی وزیر نے کہاکہ سرکاری مراعات چھن جانے پر مولانا نے اپوزیشن کو بند گلی میں دھکیل دیا – اپوزیشن کی ملک میں عدم استحکام پیدا کرنے کی خواہش کبھی پوری نہیں ہوگی اور وزیراعظم عمران خان کی قیادت میں منتخب حکومت اپنی آئینی مدت پوری کرے گی -کرپٹ اپوزیشن 2018ء کی شکست کا بدلہ عوام کی زندگیوں سے کھیل کر لینا چاہتی ہے -غریب کی محنت کی کمائی پر ڈاکہ ڈالنے والے اب کورونا پھیلاکر غریب کا روزگار چھیننا چاہتے ہیں –

انہو ں نے کہاکہ اقتدار کی ہوس میں اپوزیشن کورونا کی شدت کا بھی احساس نہیں کررہی -کورونا کے دوران کرپشن کے بے تاج بادشاہوں کی اولاد حکومت گرانے نکلی ہے -جلسے، ریلیوں کی طرح پی ڈی ایم کے استعفوں کا ڈرامہ بھی ناکام ہوگا –

قائد اعظم ٹرافی فرسٹ کلاس ٹورنامنٹ کا آٹھواں راؤنڈ پیر سے شروع ہو گا

• نیشنل اسٹیڈیم کراچی میں سندھ اور ناردرن کی ٹیمیں مدمقابل ہو نگی،یہ میچ براہ راست نشر کیا جائے گا۔پی سی بی یو ٹیوب چینل کے ذریعے دنیا بھر کے ناظرین کے لیے لائیو ٹیلی کاسٹ کی سہولت بھی میسر ہو گی۔
• ٹیبل پر سب زیادہ پوائنٹس حاصل کر نے والی خیبر پختونخواہ کا مقابلہ سدرن پنجاب سے ہو گا۔

کراچی،13 دسمبر 2020ء:

قائد اعظم ٹرافی فرسٹ کلاس ٹورنامنٹ کا آٹھواں راؤنڈ پیرسے شروع ہو رہا ہے اس سے قبل کھیلے گئے راؤنڈ میں بہترین مقابلے دیکھنے کو ملا، ،اس راؤنڈ میں چھ ٹیموں کے مقابین پہلی دوپوزیشنز حاصل کرنے کی دوڑ ہوگی تاکہ وہ فائنل کے لیے کوالیفائی کر سکیں۔
خیبر پختونخواہ کی سندھ کے خلاف اننگز اور 37 رنز کی فتح کے بعد یہ توقع کی جارہی ہے کہ انکی ٹیم پوائنٹس ٹیبل پر اپنی پہلی پوزیشن کو برقرار رکھنے میں کامیاب ہو سکتی ہے،ساتویں راؤنڈ میں اس جیت پر خیبر پختونخواہ نے 25 قیمتی پوائنٹس حاصل کیے تھے اور یہ اس راؤنڈ میں کسی بھی دوسری ٹیم کے مقابلے سب سے زیادہ پوائنٹس تھے۔
دفاعی چیمپئین سنٹرل پنجاب مسلسل دو فتوحات کے بعد اب آخری پوزیشن سے چوتھی پوزیشن حاصل کرنے میں کامیاب رہی ہے۔
سدرن پنجاب چھٹے راؤنڈ میں ناردرن سے شکست کا سامنا کرنے کے بعد تیسری پوزیشن پر چلی گئی ہے اس سے پہلے چار راؤنڈز میں ٹیبل کی ٹاپ پوزیشن پر موجود رہی،وہ دوسرے نمبر پر موجود ناردرن سے بلوچستان کے خلاف شاندار فتح حاصل کرنے کےبعدمحض ایک پوائنٹ پیچھے ہے۔بلوچستان ایک درجہ تنزلی کے کے بعد پانچویں پوزیشن پر چلا گیا ہے۔
سیزن کے شروع پر کامیابی حاصل کرنے کے بعد سندھ مسلسل ناقص فارم میں ہے،آخری چھ میچز میں سے تین میں شکست ہوئی ،جس میں آخری دومیچز سندھ کی ٹیم نے مسلسل ہارے اور تین میچز ڈرا ہوئے۔
اس راؤنڈ کے بعد مزید دوہی راؤنڈز باقی ہیں ،سندھ کے کپتان اسد شفیق زیادہ سے زیادہ پوائنٹس حاصل کرنے کی کوشش کریں گے ۔

بلوچستان بمقابلہ سنٹرل پنجاب، اسٹیٹ بنک اسٹیڈیم
‏
سنٹرل پنجاب نے مسلسل دو کامیابیوں کے ساتھ شاندار کم بیک کیا ہے ۔ سنٹرل پنجاب نے چھٹے راؤنڈ میں سندھ کے خلاف 227 رنز جبکہ ساتویں راؤنڈ میں ناردرن کے خلاف 6 وکٹوں سے کامیابی حاصل کی ۔ 8 ویں راؤنڈمیں سنٹرل پنجاب کا مقابلہ بلوچستان کے خلاف ہے اور اس کی کوشش ہو گی کہ وہ کامیابیوں کے تسلسل کو مزید آگے بڑھائے ۔ بلوچستان کی ٹیم اپنے آخری 6 میچز میں تین میچز ہار چکی ہے ۔ اس نے و احد کامیابی فرسٹ کلاس سیزن 21-2020 کے پہلے میچ حاصل کی تھی ۔
‏حسن علی نے فٹنس اور فارم دوبارہ حاصل کر لی ہے وہ اپنی ٹیم کے بولنگ اٹیک کو بھی لیڈ کر رہے ہیں ۔ حسن علی نے سنٹرل پنجاب کی قسمت بدلنے میں اہم کردار ادا کیا ہے ۔ فاسٹ بولر نے آخری تین میچز میں 15 وکٹیں حاصل کی ہیں ۔ حسن علی مجموعی طور پر 20 وکٹیں 21.05 کی اوسط سے حاصل کر چکے ہیں اور زیادہ وکٹیں حاصل کرنے والے بولروں کی فہرست میں 8 ویں نمبر پر ہیں ۔
‏ وقاص مقصود اور احمد صفی عبداللہ نے بھی بولنگ کے شعبے میں اپنا حصہ ڈالا ہے ۔ وقاص مقصود سب سےزیادہ وکٹیں حاصل کرنے والے فاسٹ بولر ہیں انہوں نے 21.43 کی اوسط سے 28 وکٹیں حاصل کی ہوئی ہیں جبکہ احمد صفی عبداللہ 21.61 کی اوسط سے 28 وکٹیں لے چکے ہیں ۔ ان دونوں بولروں کی وجہ سے بولنگ یونٹ مزید مضبوط ہوا ہے ۔ وقاص مقصود زیادہ وکٹیں لینے والے بولروں کی فہرست میں تیسرے اور احمد صفی عبداللہ 5 ویں نمبر پر ہیں ۔
‏کپتان حسن علی اپنے بیٹسمینوں سے بھی امیدیں لگائے ہو ئے ہیں کہ وہ ٹورنامنٹ کے اختتام تک اپنی کارکردگی سے ضرور حصہ ڈالیں گے ۔ گزشتہ میچ میں سنٹرل پنجاب نے ناردرن کو 243 رنز تک تو محدود رکھا لیکن سنٹرل پنجاب کی ٹیم جواب میں نو رنز کم پر آؤٹ ہو گئی جبکہ 166 رنز کے ہدف کے تعاقب میں اس کی چار وکٹیں گر گئی تھیں ۔
‏بلوچستان کی ٹیم گزشتہ راؤنڈ کی کارکردگی کو بھلانا چاہے گی ۔بلوچستان کے 154 رنز پر دو کھلاڑی آؤٹ تھے لیکن پوری ٹیم اپنی دوسری اننگز میں 199 رنز پر آؤٹ ہو گئی ، جس میں فاسٹ بولر ضیاء الحق نے 35 رنز کے عوض 7 وکٹیں حاصل کیں ، اس طرح اسے سدرن پنجاب سے 205 رنز کے بھاری مارجن سے شکست کا سامنا کرنا پڑاتھا ۔
‏بلوچستان کے کپتان بسمہ اللہ خان ضرور یہ امید کر رہے ہوں گے کہ ان کی بیٹنگ لائن اپ اچھا پرفارم کرے گی ۔ 37 سالہ بیٹسمین اکبر الرحمان نے 44.50 کی اوسط سے 445 رنز بنا ئے اور زیادہ رنز بنانے والے بیٹسمینوں کی فہرست میں 8 ویں نمبر پر ہیں ۔ بلوچستان کے پہلے بہترین بیٹسمین اور دوسرے بہترین بیٹسمین میں خلیج پیدا زیادہ ہے ۔ دوسرے بہترین بیٹسمین علی وقاص 40 رنز کی اوسط سے 360 رنز بنا چکے ہیں اور ان کا فہرست میں 20 واں نمبر ہے ۔ بلوچستان کی ٹیم ٹورنامنٹ کے مزید آگے بڑھنے کے ساتھ گیپ کو کم کرنے کی ضرور خواہشمند ہو گی ۔
‏بلوچستان کے بولروں نے انفرادی طور پر متاثر کن کارکردگی کا مظاہرہ کیا ہے ۔ تاج ولی نے سات میچز میں 23 وکٹیں حاصل کی ہیں ۔ کاشف بھٹی نے 44.68 کی اوسط سے 19 جلات خان نے 18 وکٹیں 26.61 اور خرم شہزاد نے 18 وکٹیں 27.89 کی اوسط سے حاصل کر رکھی ہیں ۔ زیادہ وکٹیں حاصل کرنے والے بولروں کی فہرست میں ان کا چھٹا ، نواں ، 10 واں اور 11 واں نمبر ہے ۔
‏
سندھ بمقابلہ ناردرن ، نیشنل اسٹیڈیم (براڈ کاسٹ میچ)
‏
نیشنل اسٹیڈیم ان دو ٹیموں کے درمیان ہونےو الے میچ کی میزبانی کرے گا جو اس موقع پر کامیابی حاصل کرنے کی خواہشمند ہیں ۔ دونوں ٹیمیں شکست کھانے کے بعد یہ راؤنڈ کھیل رہی ہیں ۔ ناردرن کو شکست کے بعد اپنی ٹاپ پوزیشن سے ہاتھ دھونے پڑے جبکہ سندھ کی ٹیم چوتھے سے آخری نمبر پر چلی گئی ۔
‏ اس سے پہلے جب دونوں ٹیموں کا آمنا سامنا ہوا تھا تو تب ناردرن نے سندھ کو 128 رنز سے شکست دی تھی ۔
‏ ناردرن کے کپتان نعمان علی اس و قت بھرپور فارم میں ہیں ۔ وہ ٹورنامنٹ کے واحد بولر ہیں جنہوں نے پچاس وکٹوں کا سنگ میل عبور کیا ہے ۔ 24 سالہ لیفٹ آرم اسپنر نے 20.67 کی اوسط سے 54 وکٹیں حاصل کر رکھی ہیں ۔ نعمان علی واحد بولر ہیں جنہوں نے 5 مرتبہ پانچ وکٹیں حاصل کی ہیں ۔ وہ ایک بار پھر اپنے بولنگ اٹیک کو لیڈ کریں گے ۔ خاص طور پر ایسے وقت میں جب انہوں نے گزشتہ میچ میں 153 رنز کے عوض 11 وکٹیں حاصل کیں ۔
‏ ناردرن کی بیٹنگ لائن اپ کو حماد اعظم (641 رنز ، 64.10 کی اوسط )، عمر امین (558 رنز 50.73 کی اوسط )اور محمد نواز (531 رنز 59 کی اوسط ) نے مضبوط بنا رکھا ہے ۔ یہ بیٹسمین ٹاپ رنز بنانے والے بیٹسمینوں کی فہرست میں چوتھے ، پانچویں اور چھٹے نمبر پر ہیں ۔
‏سندھ کے شرجیل خان نے آخری چار اننگز میں تین نصف سنچریاں اسکور کی ہیں ۔ کپتان اسد شفیق کی خواہش ہو گی کہ شرجیل خان براڈ کاسٹ کیمروں کے سامنے اسی طرح رنز کریں۔ یہ میچ پاکستان میں پی ٹی وی اسپورٹس پر براہ راست دکھایا جائے گا جبکہ دنیا بھر میں پی سی بی یو ٹیوب چینل کے ذریعے دیکھا جا سکے گا ۔
‏ 25 سالہ سعود شکیل نے آخری اننگز میں نصف سنچری اسکور کی تھی ۔ با ئیں ہاتھ کے بیٹسمین سندھ کی بیٹنگ لائن میں اہم حیثیت رکھتے ہیں ، وہ ٹورنامنٹ کے تیسرے بہترین بیٹسمین ہیں انہوں نے 50.54 کی اوسط سے 657 رنز بنائے ہیں ۔
‏ 36 سالہ فاسٹ بولر تابش خان سندھ کے کامیاب ترین بولر ہیں ۔ انہوں نے 30.82 کی اوسط سے 22 شکار کیے ہیں۔
‏
سدرن پنجاب بمقابلہ خیبر پختونخواہ ۔ یو بی ایل اسپورٹس کمپلیکس
‏
سدرن پنجاب اور خیبر پختونخواہ کی ٹیموں کے درمیان دلچسپ میچ ہونے کی توقع کی جا رہی ہے کیونکہ دونوں ٹیمیں ٹاپ پوزیشن حاصل کرنے کے لیے کوشاں ہوں گی ۔ پوائنٹس ٹیبل پر ٹاپ پوزیشن پر موجود خیبر پختونخواہ (117 ) سے سدرن پنجاب کی ٹیم 14 پوائنٹس پیچھے ہے ۔
‏ اس میچ میں ٹورنامنٹ کے تین بہترین اسپنرز میں سے دو بہترین اسپنر آمنے سامنے ہوں گے ۔ خیبر پختونخواہ کے ساجد خان ٹاپ بولرز کی فہرست میں دوسرے نمبر پر ہیں ۔ انہوں نے 46 وکٹیں 22.57 کی اوسط سے حاصل کر رکھی ہیں ۔ سدرن پنجاب کے زاہد محمود زیادہ وکٹیں حاصل کرنے والے بولرز کی فہرست میں تیسرے نمبر پر ہیں انہوں نے 22.69 کی اوسط سے 39 شکار کیے ہیں۔
‏اسی میچ میں اب تک کے دو بہترین بیٹسمین کامران غلام اور سلمان علی آغا بھی ایکشن میں ہوں گے ۔
‏خیبر پختونخواہ کے کامران غلام نے دونوں سنچریاں آخری دو میچز میں اسکور کی ہیں ۔ وہ اب تک سب سے زیادہ رنز بنانے والے بیٹسمین ہیں ۔ انہوں نے 713 رنز 54.85 کی اوسط سے بنائے ہوئے ہیں ۔ دائیں ہاتھ کے 25 سالہ بیٹسمین نے تین نصف سنچریاں بھی اسکور کی ہو ئی ہیں ۔
‏ سدرن پنجاب کے سلمان علی آغاز ایک سنچری اور پانچ نصف سنچریوں کی مدد سے 665 رنز 66.50 کی اوسط سے بنا چکے ہیں ۔ زیادہ رنز بنانے والے بیٹسمینوں میں وہ دوسرے نمبر پر ہیں ۔
‏خیبر پختونخواہ کی تمام چار فتوحات گزشتہ پانچ میچز میں سامنے آئی ہیں ۔ جبکہ آخری پانچ میچز میں سے سدرن پنجاب نے ایک میچ میں کامیابی حاصل کی ، جبکہ دو میچز میں اسے شکست ہوئی اور دو برابر ہوئے ۔
‏رواں سیزن میں جب دونوں ٹیمیں پہلی بار آمنے سامنے آئی تھیں تو خیبر پختونخواہ نے 75 رنز سے کامیابی حاصل کی ۔