Tag: baaghi

وزیر خارجہ کی وزیر اعظم سیٹیزن پورٹل کے دو سال مکمل ہونے پر مبارکباد

مخدوم شاہ محمود قریشی نے کہا کہ وزیر اعظم عمران خان نے عوام الناس کو انصاف کی فراہمی ان کی دہلیز پر مہیا کرنے کا وعدہ "وزیر اعظم سیٹیزن پورٹل” کے ذریعے پورا کیا ،یہ وہ تبدیلی ہے جس کا وعدہ وزیر اعظم عمران خان اور تحریک انصاف نے قوم کے ساتھ کیا تھا،وزیر خارجہ کی وزیر اعظم سیٹیزن پورٹل کے دو سال مکمل ہونے پر وزیر اعظم عمران خان کو مبارکباد دی

مجھے خوشی ہے کہ وزارت خارجہ نے وزیر اعظم سیٹیزن پورٹل پر موصول ہونے والی شکایات کے بروقت ازالے میں بہترین کارکردگی کا مظاہرہ کیا
کرونا عالمی وبائی چیلنج کے دوران ہم نے دنیا بھر میں مقیم پاکستانیوں کی معاونت کیلئے 24/7 بنیادوں پر کرایسز سینٹر”قائم کیا ،ہم نے وطن واپسی کے منتظر لاکھوں تارکین وطن کو واپس لانے میں معاونت کی ،دنیا بھر میں ہمارے سفراء نے، محدود معاشی وسائل کے باوجود، دل کھول کر پاکستانی کمیونٹی کی معاونت کی

پاکستانی کمیونٹی نے سوشل میڈیا پر ویڈیو پیغامات کے ذریعے پاکستانی سفارت خانوں کے کردار کی تعریف کی اور ان کی کارکردگی کو سراہا
،وزارت خارجہ کے افسران نے ایک دفعہ پھر ثابت کیا ہے کہ لگن سچی ہو اور خدمت_ خلق نصب العین ہو تو کامیابی ضرور حاصل ہوتی ہے ،میں اس کامیابی پر سیکرٹری خارجہ سہیل محمود اور وزارت خارجہ کی پوری ٹیم کو دل کی گہرائیوں سے مبارکباد پیش کرتا ہوں

کراچی رابطہ کمیٹی کا برساتی آبی نالوں کے صفائی ستھرائی کے کاموں کا جائزہ
تفصیلات کے مطابق کراچی کی ترقی کیلئے تشکیل دی گئی رابطہ کمیٹی نے شہر کی ترقی کیلئے اٹھائے جانے والے مختلف اقدامات کی پیشرفت کا جائزہ لیا جس میں نالوں کی صفائی ، کچرے کو ٹھکانے لگانا ، پانی کی فراہمی اور کچھ اہم سڑکوں کی تعمیر شامل ہیں۔ اجلاس میں وزیراعلیٰ سندھ سید مراد علی شاہ نے اپنی ٹیم کے ہمراہ جس میں وزیر بلدیات ناصر شاہ، چیف سیکرٹری ممتاز شاہ ، چیئرمین پی اینڈ ڈی محمد وسیم، ایڈمنسٹریٹر کے ایم سی افتخار شہلوانی، سیکرٹری بلدیات نجم شاہ، سیکرٹری ٹرانسپورٹ شارق احمد ، ایم ڈی واٹر بورڈ اسد اللہ خان ، ایم ڈی ایس ایس ڈبلیو ایم اے زبیر چنہ اور این ای ڈی کے پروفیسر ڈاکٹر عدنان نے شرکت کی جبکہ وفاقی حکومت کی نمائندگی اسد عمر نے کی اور ان کے ہمراہ دیگر ممبران میں کور کمانڈر کراچی لیفٹیننٹ جنرل ہمایوں عزیز ، ڈی جی آئی ایس آئی لیفٹیننٹ جنرل فیض حمید ، جی او سی کراچی میجر جنرل عقیل اور دیگر شامل تھے۔

وزیراعلیٰ سندھ نے کہا کہ انہوں نے این ای ڈی یونیورسٹی کو تین بڑے نالوں جس میں محمود آباد ، گجر اور اورنگی نالہ شامل ہیں کا سروے اور انکی ری ماڈلنگ ڈیزائن کی تیاری کا کام سونپا ہے۔ یونیورسٹی نے محمود آباد نالہ کا ایک تفصیلی ڈیزائن اور ازسر نو تکمیل کا منصوبہ پیش کیا ہےباقی دو دیگر نالوں کی ڈیزائننگ اور سروے کا کام 15 جنوری تک مکمل ہوجائے گا۔ وزیراعلیٰ سندھ نے بتایا کہ محمود آباد نالے کی ری ماڈلنگ ڈیزائن کو منظوری کیلئے پیش کردیاگیا ہےجہاں تک ڈیزائن کی تفصیلات کا تعلق ہے تو وزیراعلیٰ سندھ نے کہا کہ انکے پشتوں کے ساتھ تعمیر شدہ 319 اسٹرکچرز متاثرہونگے۔

انہوں نے مزید کہا کہ محمود آباد نالہ کورنگی کے مقام پر 6میٹر گہرائی تک ہے اور اسکے بعد گہرائی میں بالترتیب کمی کا سامنا ہے جوکہ ڈیفنس کے اختتام تک ایک میٹر تک گہرائی ہوجاتی ہے۔انہوں نے کہا کہ پانی کے ہموار بہاؤ کی نکاسی کے حوالے سے یہ ایک سنگین مسئلہ درپیش ہے۔ انہوں نے کہا تجویز کردہ ری ماڈلنگ ڈیزائن میں ان نقائص کو دور کرنے کی نشاندہی کی گئی ہے۔وفاقی وزیر اسد عمر نے کہا کہ محمود آباد نالہ پر کام جلد شروع کیا جانا چاہئے تاکہ منصوبے کو تکمیل جلد از جلد کی جاسکے۔ انہوں نے مزید کہا کہ نالوں کے صفائی ستھرائی کے کاموں اور ان سے متعلقہ اسائنمنٹز کیلئے وفاقی حکومت نے 7 ارب روپے استعمال کرنے کیلئے این ڈی ایم اے کو اختیار دیا ہے۔

اجلاس میں بتایا گیا کہ وفاقی حکومت نے کے فورمنصوبے کی تکمیل کا کام اپنے ذمے لیا ہے لہذا تمام متعلقہ دستاویزات مرکزی حکومت کے حوالے کردئے گئے ہیں۔ اسد عمر نے کہا کہ وفاقی حکومت نے واپڈا کو اسکی تکمیل کا کام تفویض کیا ہے اور اس منصوبے کو ترجیحی بنیادوں پر مکمل کرنے کا عزم کیا ہے۔

وزیر اعلیٰ سندھ نے بتایا کہ ان کی حکومت نے ضلع جنوبی کو پانی کی فراہمی کیلئے 30 ایم جی ڈی اسکیم شروع کی ہے۔ انہوں نے مزید کہا کہ پورٹ قاسم اتھارٹیز اس اسکیم کیلئے منظوری دینے سے گریزاں ہیں لہذا انہوں نے وفاقی وزیر اسد عمر پر زور دیا کہ وہ پی کیو اے کو ہدایت کریں کہ وہ راستہ صاف کریں تاکہ اسکیم مکمل ہوسکے۔ اسد عمر نے وزیراعلیٰ سندھ کو یقین دلایا کہ اس حوالے سے تمام تر معاملات حل ہوجائیں گے۔

وزیراعلیٰ سندھ نے کہا کہ شہر کی سطح پر تفوض کرنے کیلئے سندھ سالڈ ویسٹ مینجمنٹ بورڈ کے قانون میں ضروری ترامیم کی جارہی ہیں۔ کراچی شہر میں صفائی کے کاموں کو انجام دینے کیلئے الگ سالڈ ویسٹ مینجمنٹ بورڈ ہوگا جوکہ صفائی ستھرائی کا کام کرے گا۔ وزیر بلدیات نے کہا کہ صفائی کے کاموں سے سڑکیں صاف ہوجائیں گی ، دروازے کے سامنے سے کچرا اٹھاکر گاربیج ٹرانسفر اسٹیشن (جی ٹی ایس) اور اسکے بعد اسے لینڈ فل سائٹ تک منتقل کیا جائے گا۔ اجلاس کو بتایا گیا کہ ضلع وسطی اور ضلع کورنگی کے صفائی ستھرائی کے کاموں کا ٹھیکہ آکشن کیا جارہا ہے۔ فروری کے آخر تک دونوں اضلاع میں صفائی کے کاموں کا ٹھیکہ دیا جائے گا۔ وزیراعلیٰ سندھ نے اجلاس کو بتایا کہ اسی اثنا میں وہ شہر کو صاف ستھرا بنانے کیلئے خصوصی مہم چلارہے ہیں۔

وزیراعلیٰ سندھ نے اجلاس کو بتایا کہ وہ پبلک پرائیویٹ پارٹنرشپ موڈ کے تحت میگا پراجیکٹس، ملیر ایکسپریس وے اور آئی سی آئی پل کی ری ماڈلنگ کرنے جا رہے ہیں۔ یہ دونوں اسکیمیں شہر میں ٹریفک کی روانی کو نئی جہت دیں گے۔ انہوں نے مزید کہا کہ انہوں نے گل بائی سے وائی جنکشن تک خستہ حال سڑکوں اور سائٹ کے مرکزی اور اندرونی سڑکوں کی تعمیر کیلئے خصوصی فنڈز بھی جاری کیے ہیں۔ اجلاس میں نالوں کی صفائی کے کام کو تیز کرنے کا فیصلہ بھی کیا گیا۔

آرٹس کونسل آف پاکستان کراچی میں تیرہویں عالمی اردو کانفرنس کے دوسرے روز ”پانچ کتابوں کی رونمائی“ کی گئی

کراچی آرٹس کونسل آف پاکستان کراچی میں جاری تیرھویں عالمی اردو کانفرنس کے دوسرے روز پانچ کتابوں کی تقریب رو نمائی ہوئی جس میں کتابوں کے مصنفین اور تجزیہ نگاروں نے کتابوں سے متعلق اپنی آرا کا اظہار کیا، معروف مصنفہ عذرا عباس کی کتاب “اداسی کے گھاﺅ “پر تبصرہ کرتے ہوئے کاشف رضا نے کہا کہ اپنی کلیات میں مصنفہ نے نظم کو نیا رنگ عطا کیا ہے ،

حمیرا خلیق کی کتاب “ گوشہ دل “ پر اپنے خیالات کا اظہار کرتے ہوئے ڈاکٹر فاطمہ حسن نے کہا کہ مصنفہ نے اپنے خاکوں میں معاشرے کے مختلف پہلوﺅں اور معروف کرداروں کے پوشیدہ رویوں کو اجاگر کیا ہے، اقبال نظر کی کتاب “درویش نامہ “ پر بات کرتے ہوئے

معروف دانشور پیر زادہ قاسم نے کہا کہ مصنف نے اپنی کتاب میں انسانی رویوں کو انتہائی خوبی سے لفظوں میں سمویا ہے ، پروفیسر سحر انصاری نے ممتاز شاعرہ ہما طاہر کے تیسرے شعری مجموعے “اوج کمال “ کو سراہتے ہوئے کہا کہ شاعرہ نے اس کتاب میں زندگی کے موسموں کو تخلیق کے رنگوں میں پرویا ہے ان کے شعروں میں حب الوطنی کا رنگ بھی پایا جاتا ہے، تقریب رونمائی کی میزبانی آغا شیرازی نے کی۔

ماڈل تھانہ فیروز آباد کی خفیہ اطلاع پر کارروائی،سرکاری یونیورسٹی اور نجی یونیورسٹی کے دو طالبعلم گرفتار

گرفتار ملزمان کے قبضے سے دو کلو سے زائد منشیات برآمد کر لی گئی،گرفتار طالبعلم کی نشاندہی پر منشیات سپلائی میں ملوث رکشہ ڈرائیور بھی گرفتار کر لیا گیا

گرفتار طالبعلم دیگر طلباء اور علاقے میں دوستوں کے لیے منشیات منگواتا تھا،ملزمان خود بھی نشہ استعمال کرتے تھے،رکشہ ڈرائیور کوئٹہ سے منشیات کراچی لاکر اسٹوڈنٹس کو دیتا تھا

گرفتار طالبعلم کراچی میں اپنے سرکل میں منشیات سپلائی کرتے تھے ،گرفتار ملزمان کی نشاندہی پر مزید چھاپہ مار کارروائیاں جاری ہیں ملزمان سے تفتیش کا عمل جاری ہے

وزیر اعظم پاکستان اپنے وعدوں پر قائم ہیں اور اپنے تمام وعدوں کی تکمیل باری باری کرینگے۔طاہر ملک

کراچی، پاکستان تحریک انصاف کے مرکزی رہنما طاہر ملک نے کہا کہ اپوزیشن کے جلسوں سے حکومت نہیں بلکہ معیشت کمزور ہوگی،کیونکہ کورونا وباء سے عوام کی جانوں کے ساتھ ساتھ معیشت کو بھی نقصان ہوگا۔ حکومتیں آنی جانی چیز ہیں، اس ملک نے ہمیشہ قائم رہنما ہے۔ اپوزیشن ملک کو نقصان نہ پہنچائے۔یہ باتیں انہوں نے اپنے دفتر آئے ہوئے پارٹی کارکنان کے وفد سے ملاقات کے موقع پر بات چیت کرتے ہوئے کہیں۔طاہر ملک نے مزیدکہا کہ اپوزیشن جماعتیں زاتی مفاد کے پیش نظر ایک پیچ پر ہیں اور ملک و قوم کو نقصان پہنچانا چاہتی ہیں۔کورونا ایک جان لیوا وائرس ہے یہ جانتے ہوئے اپوزیشن اراکین عوام کی زندگیوں سے کھیل رہے ہیں۔

طاہر ملک کا نوجوانوں کے حوالے سے حکومتی کارکردگی سے متعلق کہنا تھا کہ پی ٹی آئی کی حکومت نوجوانوں کا کامیاب اور ہنر مند بنانے پر یقین رکھتی ہے۔ وفاقی حکومت کا کامیاب جوان پروگرام اب تک کا سب سے بڑا پروگرام ہے جس میں نوجوانوں کو تعلیم کے لئے انٹرنشپ، کاروبار کے لئے قرضے فراہم کئے جارہے ہیں۔انہوں نے مزید کہا کہ وزیر اعظم عمران خان انسان دوست وزیر اعظم ہیں۔موسم سرما میں غریبوں کے خیال کے پیش نظر تمام صوبوں میں لوگوں کے لئے پناہ گاہیں بنائی ہیں تاکہ کوئی بھی شخص سڑک کنارے سردی میں نہ سوئے۔ پی ٹی آئی کے دل میں عوام کا درد ہے۔

شہر کراچی کی تعمیر و ترقی کے حوالے ان کا کہنا تھا کہ سابق میئر کو فنڈز نہ دینا پیپلز پارٹی کی سندھ حکومت کی بد نیتی تھی جو کام یہ میئر سے کروا سکتے تھے وہ نہیں کروایا۔ پہلے پیپلز پارٹی فنڈز اس لئے نہیں دیتی تھی کیونکہ ان کی شہر میں حکومت نہیں تھی۔ وہی کام اب ایڈمنسٹریٹر کیسے کررہے ہیں جب فنڈز نہیں ہیں۔ وزیر اعظم پاکستان اپنے وعدوں پر قائم ہیں اور اپنے تمام وعدوں کی تکمیل باری باری کرینگے۔