Tag: baaghi

اسلام آباد وفاقی حکومت کے ملازمین کے زیر تعلیم بچوں کےلئے تعلیمی وظائف کی اخری تاریخ میں 15دسمبر تک توسیع کردی ہے ۔چیف ویلفیئر آفیسر کی جانب سے جاری ہونے والے اعلامیہ کے مطابق تمام وفاقی ملازمین کو مطلع کیا جاتا ہے کہ ان کے زیر تعلیم بچوں کے تعلیمی وظائف کے فارمز جمع کرانے کی اخری تاریخ میں کورونا کی موجودہ صورتحال کیو جہ سے مذید توسیع کردی گئی ہے اور اب یہ فارم 15دسمبر تک جمع کرائے جا سکتے ہیں اعلامیہ کے مطابق جن وفاقی ملازمین نے تاحال اپنے بچوں کے تعلیمی وظائف کے فارم حاصل نہیں کئے ہیں وہ چوہدری رحمت علی کمیونٹی سنٹر سے دفتری اوقات کار کے مطابق صبح 9بجے سے شام 5بجے تک فارم وصول کر سکتے ہیں ۔۔۔۔

لاہور میں انوکھا واقعہ جو نہ کبھی سنا نہ دیکھا
کاہنہ تھانہ پولیس شاباش کی مستحق ہے یا ظلم کا نشان ہے

آٹھ سالہ بچے پر پسٹل بر آمدگی کا مقدمہ درج کر دیا گیا،لاہور آٹھ سالہ بچہ حوالات میں بند ہے ،کاہنہ تھانہ ایس ایچ او کا ظلم انوکھی منطق پیش کر رہا ہے ،آ ٹھ سالہ علی رضا چہارم کلاس کا طالب علم ہے ،لاہورسے علی رضا نے وزیر اعظم سے انصاف کی اپیل کر دی ،لاہورسے معصوم آ ٹھ سالہ بچے نے پولیس کے خلاف کارروائی کا مطالبہ کر دیا

پنجاب میں آئے روز کمسن بچیوں کے ساتھ زیادتی میں اضافہ ہو رہا ہے جس پر عوام میں شدید تشویش پائی جاتی ہے

12 سالہ بچی سے زیادتی کی کوشش کرنے والا ملزم گرفتار،کاہنہ پولیس کا ایمرجنسی 15 کی کال بروقت ایکشن لیتے ہوئے ملزم کو گرفتار کر لیا

ایس ایچ او کاہنہ انسپکٹر کے مطابق حماد 65 سالہ اصغر نامی سکیورٹی گارڈ کو فوری گرفتار کر لیا،ملزم کیخلاف مقدمہ درج کر کے مزید تحقیقات شروع کر دی گئی ہیں

ایس پی ماڈل ٹاؤن دوست محمد کی بروقت کارروائی کرنے پر ایس ایچ او کاہنہ اور انکی ٹیم کو شاباش دیتے ہوئے کہا کہ معصوم بچوں کیساتھ زیادتی کرنے والوں سے آہنی ہاتھوں نمٹا جائے گا،،

عوامی حلقوں نے ملزم کو کڑی سزا دینے کا مطالبہ کیا ہے یاد رہے کہ وزیر اعظم نے اس سلسلے میں کڑی سزا کا قانون لانے کا فیصلہ کیا ہے جس کی سفارشات وفاقی کابینہ نے منظور کر لی ہیں

وزیر اعلی عثمان بزدار کا فیصل آباد میں گھریلو ملازمہ پر تشدد کے واقعہ کا نوٹس،ذمہ داروں کے خلاف کارروائی کا حکم

فیصل آباد میں میاں بیوی نے کمسن بچی پر بہیمانہ تشدد کیا، سربازار بچی کو تھپڑوں اور ٹھڈوں سے ظالم شخص مارتا رہا۔ پولیس نے بر وقت کارروائی کرتے ہوئے ملزم کو گرفتار کر لیا ہے۔

تفصیلات کے مطابق چائلڈ پروٹیکیشن اینڈ ویلفیئر بیورو کی آفیسرز ثمینہ نادر اور سعدیہ رشید کی جانب سے تھانہ مدینہ ٹاون میں اندراج مقدمہ کی دی جانیوالی درخواست میں موقف اختیار کیا کہ ایڈن ویلی 573ڈی کے ملزم رانا منیر اور اس کی اہلیہ مسز منیر نے سربازار دس سالہ گھریلو ملازمہ بچی کو بازار میں بہیمانہ تشدد کانشانہ بنایا گیا اور میاں بیوی نے تھپڑوں اور ٹھڈے مارمار کر بچی کو تشدد کانشانہ بنایا

وزیر اعلی پنجاب سردار عثمان بزدارنے فیصل آباد میں گھریلو ملازمہ پر تشدد کے واقعہ کا نوٹس لیتے ہوئے آرپی اوفیصل آباد سے رپورٹ طلب کر لی ہے اورتشدد کرنے والوں کے خلاف قانون کے تحت کارروائی کا حکم دیا ہے – وزیر اعلی عثمان بزدار نے کہا کہ معصوم بچی پر تشدد کرنے والے ظالموں کو جلد قانون کی گرفت میں لایا جائے- معصوم بچی کو انصاف فراہم کریں گے -بچی سے ایسا سلوک کسی صورت قابل قبول نہیں – پولیس نے واقعہ کا مقدمہ درج کر لیا ہے،وزیراعلیٰ پنجاب کا کہنا تھا کہ تشدد کرنے والوں کے خلاف قانون کے تحت کارروائی کی جائے، معصوم بچی پر تشدد کرنے والے ظالموں کو جلد قانون کی گرفت میں لایا جائے، معصوم بچی کو انصاف فراہم کریں گے۔

اسلام آباد(باغی ٹی وی ) آزاد جموں وکشمیر کے صدر سردار مسعود خان نے برطانیہ، یورپ اوردنیا کے دیگر خطوں میں مقیم کشمیریوں اور پاکستانیوں پر زور دیا کہ وہ مقبوضہ جموں وکشمیر میں بھارت کے غیر قانونی جابرانہ قبضہ، ریاست کے اسلامی تشخص اور پہچان کو ختم کرنے اور آبادی کے تناسب میں تبدیلی کی سازش ہو بے نقاب کرنے کے علاوہ عالمی برادری کو مقبوضہ کشمیر میں انسانی حقوق کی بد ترین پامالیوں سے آگاہ کرنے کے لئے اپنی کوششوں کو تیز تر کریں۔ یہ بات انہوں نے ہفتہ کے روز جموں وکشمیر ہاؤس میں تحریک کشمیر برطانیہ کے صدر راجہ فہیم کیانی سے ملاقات کے دوران گفتگو کرتے ہوئے کہی۔

تحریک کشمیر کے سربراہ نے صدر آزادکشمیر کو اپنی تنظیم کی سرگرمیوں سے آگاہ کیا اور مسئلہ کشمیر کو عالمی سطح پر اس صحیح تناظر میں اجاگر کرنے کے حوالے سے اُن سے رہنمائی حاصل کی۔ صدر سردار مسعود خان نے کہا کہ ہمیں اپنی کمیونٹی کی انتھک کوششوں اور کشمیر کاز کے ساتھ محبت اور وابستگی پر فخر ہے کیونکہ مسئلہ کشمیر کے حوالے سے آج دنیا میں جو شعور اور آگاہی پیدا ہوئی ہے اُس کا سہرا بڑی حد تک برطانیہ، یورپ اور امریکہ میں بسنے والے اُن محب وطن کشمیریوں اور پاکستانیوں کے سر ہے جو کشمیر کو اپنی ترجیح اول بنائے ہوئے ہیں۔

صدر آزادکشمیر نے مسئلہ کشمیر کے حوالے سے تحریک کشمیر برطانیہ کا خاص طور پر شکریہ ادا کیا اور تحریک کے سربراہ فہیم کیانی کو یقین دلایا کہ حکومت اُن کی تنظیم کے ساتھ بھرپور تعاون کرے گی۔ صدر آزادکشمیر نے تحریک کشمیر کی طرف سے دس دسمبر عالمی حقوق انسانی کے حوالے سے برطانیہ بھر میں ہفتہ حقوق انسانی منانے کے فیصلے کا خیر مقدم کرتے ہوئے کہا کہ بھارت ایک ظالم، جابر اور کمینہ دشمن ہے جو انسانی حقوق کا احترام کرتا ہے اور نہ ہی کسی اور انسانی قدر سے اس کا کوئی سروکار ہے۔ اس موقع پر گفتگو کرتے ہوئے راجہ فہیم کیانی نے صدر سردار مسعود خان کی مسئلہ کشمیر کے حوالے سے کوششوں کی تعریف کرتے ہوئے کہا کہ اسلامی وزرائے خارجہ کے حالیہ اجلاس میں مسئلہ کشمیر اور کشمیر کی صورتحال کے حوالے سے ایک موثر، جاندار اور جامع قرار داد کا پاس ہونا اور او آئی سی کی طرف سے گزشتہ سال پانچ اگست کے بعد اُٹھائے گے بھارتی حکومت کے اقدامات کی ستاون اسلامی ممالک کی طرف سے مذمت ایک بری کامیابی ہے۔ انہوں نے بتایا کہ اُن کی تنظیم تحریک کشمیر برطانیہ بھر میں ہفتہ حقوق انسانی منا کر مقبوضہ کشمیر میں انسانی حقوق کی بدترین خلاف ورزیوں پر بھارت کو بے نقاب کرنے کے لئے ایک جامع پروگرام تشکیل دے رہی ہے۔