Tag: baaghi

محفل موسیقی،خواجہ سراؤں کے ساتھ کیا ہوا،پولیس نے کی بروقت کاروائی

خواجہ سراء کے اغواءکار گینگ کے دو ملزمان گرفتار۔

چارسدہ تنگی پولیس کی بڑی کاروائی۔ خواجہ سراؤں کو اغواء کرنے کی کوشش ناکام۔ خواجہ سراء بحفاظت بازیاب۔ خواجہ سراء موسیقی محفل کے لئے تنگی آئے ہوئے تھے۔ اغواء کار گینگ کے ملزمان انہیں اغواء کرنا چاہتے تھے ۔ ملزمان نے اپنے جرم کا اعتراف کر لیا ہے۔متاثرہ خواجہ سراء نے پولیس کی بروقت کاروائی کو سراہا۔ منشیات سمگلر سے 2 کلوگرام چرس اور آئس برامد۔ملزمان کے خلاف مقدمات درج کر کے تفتیش شروع کر دی گئی

تفصیلات کے مطابق تنگی پولیس کو اسلحہ کی نوک پر خواجہ سراء کو اغواء کرنے کی اطلاع موصول ہوئی۔ حسب اطلاع ڈی پی او چارسدہ محمد شعیب خان کی ہدایت پر ڈی ایس پی تنگی خالد خان کے زیرنگرانی ایس ایچ او تھانہ تنگی مسعود خان موقع پر پہنچ کر اغواء کار گرہ کے دو ملزمان کو گرفتار کرکے خواجہ سراء کو بحفاظت بازیاب کر لیا۔

گرفتاری کے حوالے سے ایس ایچ او تھانہ تنگی مسعود خان نے کہا کہ علاقہ تھانہ تنگی کی حدود احمدآباد میں چند خواجہ سراء محفل موسیقی کے لئے آئے ہوئے تھے پروگرام ختم ہونے کے بعد وہ اپنے ساتھیوں کے ہمراہ واپس فلائنگ کوچ میں جارہے تھے جب یہ خواجہ سراء بوچے پل کے قریب پہنچے تو غواء کار گروہ کے دو ملزمان نے ان پر فائرنگ کی اور ان کو زبردستی اسلحہ کی نوک اپنے جیپ میں ڈال دیا۔ واقعات کی اطلاع ملتے ہی پولیس کی بھاری نفری موقع پر پہنچ گئی اور آغوائیگی کی کوشش ناکام بناتے ہوئےاغواء کار گروہ کے دو ملزمان نعمان ولد معشوق سکنہ چوکنڈی اتمانزئی اور تلاوت شاہ ولد محمد سکنہ ترنگزئی کو موقع پر گرفتار کیا۔

ایس ایچ او تنگی نے مزید کہا کہ ملزمان کو تھانہ تنگی منتقل کرکے مقدمات درج کر لئی گئے ہیں جبکہ ملزمان سے مزید تفتیش جاری ہے۔جبکہ دوسری اہم کاروائی کےدوران منشیات سمگل کرنے کی کوشش ناکام بناتے ہوئے ملزم کو گرفتار کیا۔ گرفتارملزم کے قبضہ سے 2000گرام چرس اور 65 گرام آئس برآمد کر لی گئی ہے۔

نومبر 30, 2020
افسوسناک واقعہ، رشتے کے تنازعے پر لڑکی کو قتل کر دیا گیا

اسلام آباد :تھانہ کورال کی حدود میں رشتے کے تنازعہ پر لڑکی کو قتل کر دیا گئا معلوم ہوا ہے کہ واقعہ فضائیہ چوک کے قریب پیش آیا جب سوینا نامی لڑکی گھر سے کام کرنے میڈیا ٹاؤن جارہی تھی جس کو گولی مار کر قتل کردیا گیا ، مقامی پولیس موقع پر پہنچ گئی نعش قبضے میں لے کر پوسمارٹم کے لیے ہسپتال شفٹ کر دیا گیا ،

نومبر 30, 2020
روزگار کے مواقع کیسے ملیں گے،وزیر اعظم پاکستان نے بتا دیا

وزیر اعظم عمران خان سے چیرمین نیا پاکستان ہاؤسنگ ڈیویلپمنٹ اتھارٹی لیفٹیننٹ جنرل (ر) انور علی حیدر اور چیر مین پاکستان آئی لینڈز اتھارٹی عمران آمین نے ملاقات کی

وزیر اعظم کو تعمیرات اور ان منصوبوں میں ماحولیاتی تحفظ کے اقدامات کے حوالے سے بریفنگ دی گئی۔

وزیر اعظم نے اپنی عوام دوست پالیسی کو جاری رکھتے ہوئے کہا کہ تعمیرات سے روزگار کے مواقع ملیں گے اور معیشت مستحکم ہوگی۔
وزیر اعظم نے اس بات پر زور دیا کے تعمیرات کے عمل میں ماحولیاتی تحفظ کا خاص خیال رکھا جائے۔ وزیر اعظم نے تاکید کی کہ ہر منصوبے کا ماحولیاتی تجزیہ قانون کے مطابق ضروری ہے اور اس ضمن میں حکومت ہر ممکن اقدامات اٹھائے گی۔

نومبر 30, 2020
پاکستان کرکٹ بورڈ نے رضا حسن کو گھر بھیج دیا مگر کیوں وجہ سامنے آگئی

رضا حسن کو کوویڈ 19 پروٹوکول کی خلاف ورزی پر گھر بھیج دیا گیا

تفصیلات کے مطابق ناردرن سیکنڈ الیون کے کھلاڑی رضا حسن کو پاکستان کرکٹ بورڈ کے کوویڈ 19 پروٹوکولز کی خلاف ورزی پر گھر بھیج دیا گیا ہے ۔ فیصلے کے مطابق اب وہ ڈومیسٹک سیزن21-2020 میں مزید حصہ نہیں لے سکیں گے ۔ رضا حسن میڈیکل ٹیم اور پی سی بی ہائی پرفارمنس ڈیپارٹمنٹ سے پیشگی اجازت کے بغیر ہوٹل کے بائیو سیکور ماحول سے باہر گئے۔

‏ ڈائریکٹر ہائی پرفارمنس پی سی بی ندیم خان کا کہنا ہے کہ یہ ایک افسوسناک امر ہے کہ کوویڈ 19 پروٹوکولز کی اہمیت اور ضرورت کے بارے میں متعدد بار کی یاددہانیوں اور ایجوکیشن پروگرامز کے بعد رضا حسن نے معاملات کو اپنے ہاتھ میں لیا اور حدود سے تجاوز کیا ۔ رضا حسن کو ٹورنامنٹ سے نکال دیا گیا ہے اور اب ان کو رواں سیزن 21-2020 میں شرکت کی اجازت نہیں ہو گی۔

ندیم خان نے مزید کہا کہ پاکستان کرکٹ بورڈ کویڈ 19 کے طے شدہ ضوابط پر کسی بھی قسم کا سمجھوتانہیں کرے گا۔یہ قواعد و ضوابط نہ صرف تمام شرکا کی صحت اور حفاظت کے لیے ضروری ہیں بلکہ دنیاپر یہ واضح کرنا بھی ضروری ہے کہ ہم تمام ڈومیسٹک مقابلوں کا انعقاد کامیابی سے کر سکتے ہیں۔ میں یہ سمجھتا ہوں حسن رضا اپنے غیرذمہ دارنہ رویے کو محسوس کریں گے اور طے شدہ ضوابط کی خلاف ورزی کی وجہ سے کرکٹ اور کھیل کو جو نقصان ہوا اس کے ازالہ کی کوشش کریں گے۔

نومبر 30, 2020
برطانوی ہائی کمشنر پاکستان اور برطانیہ کے تعلقات کے بارے میں اہم بات بتا دی

تفصیلات کے مطابق پاکستان میں برطانوی ہائی کمشنر ڈاکٹر کرسچین ٹرنر نے سینٹر فارائیرو سپیس اینڈ سکیورٹی سٹڈیزسے ایک خطاب کے دوران پاکستان اور برطانیہ کے گہرے ، دیرینہ اور قریبی روابط کی اہمیت کو سراہا اور دونوں ممالک کے مابین تعلقات کو مزید فروغ دینے کی ضرورت پر زور دیا۔

برطانوی ہائی کمشنر نے کہا کہ وہ دونوں دوست ممالک کے دوطرفہ تعلقات کو باہمی تجارت، معاشی ترقی، صحت ،تعلیم، توانائی، ماحولیاتی تبدیلی کے خلاف جدوجہد اورسیاحت کے شعبوں میں مزید فروغ دینے کے لئیے کوشاں ہیں۔

اس موقع پر امبیسڈر جلیل عباس جیلانی ( ڈائریکٹر برائے خارجہ پالیسی) سینٹر فارائیرو سپیس اینڈ سکیورٹی سٹڈیز نے ابتدائی کلمات جبکہ ائیر چیف مارشل(ریٹائرڈ) کلیم سعادت صدر سینٹر فارائیرو سپیس اینڈ سکیورٹی سٹڈیز نے اختتامی کلمات ادا کئیے۔ اس دوران سوال و جواب کا ایک دور بھی چلاجس میں برطانوی پالیسی کے مختلف پہلوؤں پر سیر حاصل بحث ہوئی۔

نومبر 30, 2020
پی ڈی ایم کا جلسے جلوس کرنے کا کیا مقصد ہے،فیاض الحسن چوہان نے بتا دیا

لاہور، وزیر کالونیز و جیل خانہ جات پنجاب فیاض الحسن چوہان نے پی ڈی ایم جلسہ اور شہباز شریف کے بیانات پر ردعمل دیتے ہوئے کہا کہ ملتان جلسہ کے حوالے سے پی ڈی ایم اپنی ہٹ دھرمی، ڈھٹائی اور دوہرے معیار سے باز نہیں آئی۔ بلاول خود قرنطینہ میں ہیں لیکن عوام کو کرونا کے جہنم میں دھکیلنے پر بضد ہیں۔ پی ڈی ایم کا مدعا و مقصد ہر قیمت پر اپنی کرپشن، منی لانڈرنگ اور لوٹ مار پر پردہ ڈالنا ہے۔

فیاض الحسن چوہان نے مزید کہا کہ
شہباز شریف کا پی ٹی آئی پر گالم گلوچ کی سیاست کا الزام "ہائے اس زود پشیماں کا پشیماں ہونا” کے مترادف ہے۔ گالم گلوچ اور ذاتیات کی سیاست کی داغ بیل 80 کی دہائی میں ان کے بڑے بھائی نواز شریف نے ڈالی۔ یہ حقیقت ہے کہ نواز شریف اور آل شریف نے سیاسی مخالفین کی ماؤں، بہنوں اور بیٹیوں کو سیاسی بیان بازی کا نشانہ بنایا۔یہ حقیقت ہے کہ بیگم نصرت بھٹو کی نامناسب تصاویر نواز شریف اینڈ فیملی نے جہازوں سے پھنکوائیں۔

فیاض الحسن چوہان نے پی ٹی آئی کے حوالے سے بتاتے ہوئے کہا کہ پی ٹی آئی کی تنظیم سازی میں جمہوری اقدار اور اخلاقیات کو مقدم رکھا گیا ہے۔ ن لیگ نے سیاست میں "تنظیم سازی” کے نت نئے معانی متعارف کروائے۔پی ٹی آئی کو تنقید کا نشانہ بنانے سے پہلے شہباز شریف کو اپنی پارٹی کی تاریخ پر نظر ڈالنی چاہیئے۔

نومبر 30, 2020
ڈولفن پولیس کی حاضر دماغی اور بروقت ریسپانس بچہ بازیاب کروا لیا

لاہور کے پوش علاقےساندہ پولیس اسٹیشن نے اغواء شدہ بچہ بازیاب کرا لیا

تفصیلات کے مطابق ترجمان ڈولفن سکواڈ ساندہ نے بتایا کہ ڈولفن سکواڈ نے 4سالہ بچے کے اغواء کی کوشش ناکام بنا ئیں ,اغواء کار نے بچے کو حکیماں والا بازار سے اغواء کیا۔ جبکہ بچے کے والد کا کہنا تھا کہ بچہ رات 10بجے گھر سے اچانک نکل گیا تھا۔اغواء کار بچہ زین کو زبردستہ اپنے ساتھ لے جا رہا تھا، ڈولفن ٹیم نے پکڑ لیا

ترجمان پولیس کے مطابق ملزم علی کو تھانہ ساندہ کے حوالہ کردیا گیا، اغواء کی دفعات کے تحت مقدمہ درج کر لیا گیا ہے4سالہ زین کوبحفاظت لواحقین کے حوالہ کر دیا گیا ہے ڈولفن ٹیم کی حاضر دماغی و بر وقت ریسپانس سے بچہ محفوظ رہا۔ایس پی ڈولفن راشد ہدات کی طرف سے سیکٹر انچارج و ٹیم کے لیے تعریفی اسناد کا اعلان بھی کیا گیا ہے

نومبر 30, 2020
رورل ہیلتھ سنٹر کے باہر ٹریفک جام

قصور
پھولنگر میں رورل ہیلتھ سنٹر میں ناجائز پارکنگ سے ہر وقت ٹریفک جام رہنا معمول بن گیا
تفصیلات کے مطابق پھولنگر رورل ہیلتھ سنٹر کے باہر انتظامیہ کی نااہلی کی وجہ سے تجاوزات کی بھر مار جس سے ہر وقت ٹریفک بلاک رہنے کی وجہ سے کٸی مریضوں کو اپنی قیمتی جانوں سے ہاتھ دھونا پڑا ہے تاہم ضلعی و تحصیل انتظامیہ کی غفلت اور لاپرواہی کی وجہ سے رکشہ ڈراٸیوروں اور پھل فروشوں نے اسپتال کے مین داخلی راستے پر مکمل قبضہ کر رکھا ھے رکشہ ڈراٸیوروں کی من مانی پارکنگ کی وجہ سے اسپتال کے باہر ٹریفک بلاک رہنا معمول بن چکا ھے جس سے ایمبولینس کو راستہ نا ملنا بھی معمول بن گیا ہے

نومبر 30, 2020
سوشل میڈیا پر اسلحہ کی نمائش کرنے والا گرفتار

قصور
چھانگا مانگا پولیس نے کاروائی کرتے ہوئے سوشل میڈیا پر اسلحہ کی نمائش کرنے والا نوجوان جو گرفتار کرکے مقدمہ درج کر کیا
تفصیلات کے مطابق تھانہ چھانگا مانگا کے ایس ایچ او کامران شہز اد سندھو نے کاروائی کرتے ہوئے سوشل میڈیا پر اسلحہ کے نمائش کرنے والے افضال نامی نوجوان کو رنگے ہاتھوں گرفتار کرکے اسکے قبضہ سے دو عدد پسٹل تیس بور اور متعدد گولیاں بر آمد کر لیں اور ملزم کے خلاف مقدمہ نمبر 484/20 درج کر کے سلاخوں کے پیچھے دھکیل دیا اس موقع پر ایس ایچ او کامران شہزاد سندھو کا کہنا تھا کہ کسی بھی شخص کو قانون سے کھیلنے کی اجازت ہر گز نہیں دی جائیگی ، ہر وہ شخص جو ناجائز یا لائسنسی اسلحہ کی سوشل میڈیا پر تشہیر کرے گا اسکے خلاف ہر صورت قانونی کاروائی عمل میں لائی جائیگی

نومبر 30, 2020
پرائیویٹ سکولوں کا چھٹیوں سے انکار

قصور
شہر اور گردونواح کے بیشتر پرائیویٹ سکولوں کا بچوں کو چھٹیاں دینے سے انکار زیادہ تر سکولوں نے یونیفارم کے بغیر بچوں کو مختلف اوقات میں بلانا شروع کر دیا
تفصیلات کے مطابق حالیہ کرونا وباء کے باعث گورنمنٹ نے بچوں کو سکولوں سے 10 جنوری تک چھٹیوں کا اعلان کیا ہے جس کے تحت تمام سرکاری سکولوں کو چند ایک کلاسز کے علاوہ بند کر دیا گیا ہے تاہم قصور شہر اور گردونواح کے بیشتر پرائیویٹ سکولوں نے بچوں کو چھٹیاں دے کر سکول بند کرنے سے انکار کر دیا ہے بیشتر سکولوں نے بچوں کو مختلف اوقات میں بغیر یونیفارم کے آنے کی ہدایت کی ہے جبکہ بچوں کے والدین کا کہنا ہے کہ پورا ملک اسی طرح چل رہا ہے ماسوائے سکولوں کے کیا بچوں کے سکولوں کے علاوہ کرونا نہیں پھیلتا نیز والدین نے یہ بھی خدشہ ظاہر کیا کہ اتنے لمبے عرصے سے سکول بند رکھنے سے بچوں کی پڑھائی کا بہت حرج ہو رہا ہے گورنمنٹ سکول بند کرنے کی ںجائے ای او پیز کو یقینی بنا کر سکول کھولے تاکہ بچوں کی ہڑھائی کا حرج نا ہو سکے

نومبر 30, 2020