قصور
تھانہ الہٰ آباد میں چوری ڈکیتی کی وارداتیں عروج پر
ایس ایچ او الہٰ آباد ڈکیتی کی وارداتیں روکنے میں مکمل ناکام
تفصیلات کیمطابق ڈکیتی کی مختلف وارداتوں میں شہریوں سے لاکھوں روپے لوٹ لیئے گئے موضع اچلکے کے رہائشی محمد افضل سے موٹر سائیکل پر سوار نامعلوم ڈاکووں نے گن پوائینٹ پر نقدی تین لاکھ روپے اور موبائل چھین لئے
اسی طرح سریسر ہٹھاڑ کی رہائشی حنیفاں بی بی سے نامعلوم ڈاکووں نے گن پوِائینٹ پر مچھلی منڈی الہٰ آباد کے قریب پونا تولہ طلائی زیور اور نقدی رقم 10,000روپے چھین لی
الہٰ آباد محلہ جامعہ رحمانیہ کی رہائشی نجمہ بی بی کے گھر کا نامعلوم ملزمان نے صفایا کر دیا اور گھر کا تمام سامان لے اڑے
قلعہ ناتھا سنگھ کا رہائشی سعید احمد بنک سے ایک لاکھ روپے نکلوا کر الہٰ آباد سے گھر واپس جا رہا تھا جسکو نامعلوم ڈاکووں نے گن پوائینٹ پر روک کر ایک لاکھ پندرہ سو روپے چھین لیئے
متاثرین کا کہنا ہے کہ تھانہ الہٰ آباد میں درخواستیں دیئے کئی روز گزر گئے تاحال مقدمات درج نہیں کئے گئے ہیں
اہل علاقہ نے DPO قصور۔IG پنجاب سے تھانہ الہٰ آباد میں ذمہ دار آفیسر کی تعیناتی کا مطالبہ کیا ہے۔تاکہ ان کے جان و مال محفوظ ہو سکے
Tag: baaghi
-
پولیس ناکام وارداتیں آسان لوگ پریشان
-
اسلحہ لائسنس کمپیوٹرائزڈ کروانے کی تاریخ میں توسیع
قصور
پنجاب آرمز برانچ میں مینوئل آرمز لائسنس کو کمپیوٹرائزڈ کروانے کی تاریخ 31 /12/2020 تک بڑھا دی گئی
اس کے بعد پرانے مینوئل بک لائسنس منسوخ ہو جائینگے
تفصیلات کے مطابق پنجاب آرمز برانچ نے مینوئل بک لائسنس کو کمپیوٹرائزڈ کرنے کی تاریخ بڑھا دی ہے اب پرانی لائسنس 31 دسمبر تک جمع کروا کر نئے کمپیوٹرائزڈ لائسنس حاصل کئے جا سکتے ہیں
واضع رہے کہ 2015 سے پرانے آرمز مینوئل بک لائسنسوں کو کمپیوٹرائزڈ کرنے کا سلسلہ شروع کیا گیا تھا جس میں ابتک متعدد بار تاریخ بڑھائی گئی ہے اس سے قبل 31 مئی آخری تاریخ تھی مگر کرونا وباء کے پیش نظر دفتر بند ہونے کی وجہ سے ایک بار پھر تاریخ بڑھا دی گئی ہے اس کے بعد پرانے لائسنس منسوخ تصور ہونگے -
ن لیگ کے رہنماؤں کی گرفتاریاں سراسر انتقامی کاروائیاں ہیں، مسلم لیگ ن پی پی 76
پاکستان مسلم لیگ ن پی پی 76 کے سینئر رہنما، معروف سیاستدان، سابق کمشنر(ر) جاوید احمد چیمہ نے سابق مئیر سرگودہا اور سینئر نائب صدر پاکستان مسلم لیگ ن ملک نوید اسلم کی گرفتاری کی شدید مذمت کرتے ہوئے کہا کہ یہ پی ٹی آئی کی حکومت کی انتقامی کاروائیاں ہی۔
ایسے اوچھے ہتھکنڈے استعمال کر کے حکومت مسلم لیگ ن اور میاں نواز شریف کے سپاہیوں کو ہراساں نہیں کر سکتی ہم مسلم لیگ ن کی تمام گرفتاریوں کی شدید مذمت کرتے ہیں
اس موقع پر جنرل سیکرٹری مسلم لیگ ن پی پی 76 طارق وڑائچ ایڈووکیٹ نے اپنے بیان میں کہا کہ حکومت اپنی ناکامی چھپانے کیلیے ایسے حربے استعمال کر رہی ہے جو کہ انتہائی گھٹیا سیاست ہے حکومت آج بھی سرگودہا میں الیکشن کروا لے سرگودہا کل بھی میاں نواز شریف کا تھا آج بھی میاں نواز شریف کا ہے آئندہ بھی رہے گا
اس موقع پر پی پی 76 کے دیگر رہنماؤں عقیل احمد گجر ، الیاس ججہ ،عادل پرویز آرائیں شاہ ولی خان اور دیگر نے بھی ملک نوید اسلم کی گرفتاری کی شدید مذمت کی
-
مہنگی شادی کرنا مہنگا پڑ گیا،ایف بی آر پیچھے پڑ گیا
پاکستان کی تاریخ کی سیب سی مہنگی اور شاہی شادی ماسٹر ٹائلس گروپ کےبیٹے اور پیکیجز کمپنی کے مالک کی بیٹی کی شادی انتہائی شان و شوکت سے ہوئی شادی میں راحت فتح علی ، عاطف اسلم اور عارف لوہار کی براہ راست پرفارمنس نے تقریب کو چار چاند لگائے ،پاکستان جیسے غریب ملک میں ایک مختاط اندازے کے مطابق اس مہنگی شادی پر 200 کروڑ روپےلاگت آئی
سوشل میڈیا پر تصاویر اور ویڈیوز وائرل ہونے کے بعد منہگی ترین شادی کے چرچوں کے بعد ایف بی آر نے نوٹس لے لیا، ایف بی آر کی جانب سے معروف کاروباری گھرانے سے اخراجات اور ذرائع آمدن کی تفصیلات طلب کر لی گئیں۔
تفصیلات کے مطابق سوشل میڈیا پر ایک پاکستانی شادی کی تقریب کے کچھ روز سے خوب چرچے ہو رہے ہیں۔اس شادی کی تقریب کے حوالے سے دعویٰ کیا جا رہا ہے کہ یہ پاکستان کی تاریخ کی سب سے مہنگی ترین شادی کی تقریب تھی۔
اس تقریب پر مبینہ طور پر کروڑوں روپے کے اخراجات آئے۔ سوشل میڈیا پر گردش کرنے والی تصاویر اور خبروں کے بعد اب ایف بی آر نے اس حوالے سے نوٹس لے لیا ہے۔ ایف بی آر کی جانب سے معروف کاروباری گھرانے کو نوٹس بھیج کر اخراجات اور ذرائع آمدن کے حوالے سے جواب طلب کیا گیا ہے
-
کراچی طیارہ حادثہ ۔پی آئی اے سربراہ سمیت دیگر ذمہ داروں کے خلاف درخواست دائر
لاہور باغی ٹی وی کے ذرائع کے مطابق تھانہ سرور روڈ لاہور کینٹ کو پی آئی اے کے سربراہ ارشد ملک کے خلاف زیر دفعہ 302 کے تخت اندراج مقدمہ کی درخواست موصول ہو گئی ،تفصیلات کے مطابق لاہور ڈی ایچ اے کے رہائشی عارف اقبال فاروقی ولد اقبال احمد نے پی آئی اے کے عملے کے خلاف اندراج مقدمہ کی درخواست دی
درخواست میں پی آئی اے کے سربراہ ارشد ملک ، چیف آپریٹنگ آفیسر جواد ظفر ،چیف ٹیکنیکل آفیسر عامر علی ، چیف فلائٹ آپریشن ارشد خان، ڈی جی سول ایوی ایشن حسن ناصر جامی اور دیگر کو 22 مئی 2020 کو حادثے کا شکار ہونے والی پرواز PK 8303 میں جاں بحق ہونے والے افراد کا زمہ دار ٹھرایا اور الزام لگاتے ہوئے کہا کہ انتظامیہ اور ان افراد کی غفلت سے یہ حادثہ پیش آیا حادثے میں جانبحق ہونے والے 93 افراد کی موت کے یہ زمہ دار ہیں
عارف اقبال کی بیوی سمیت اہلخانہ کے چار افراد اس حادثے میں جانبحق ہوئے جن میں بیوی ،ایک بیٹے سمیت دو بیٹیاں شامل ہیں ،
واضح رہے کہ 22 مئی کو قومی ائیر لائن کی لاہور سے کراچی جانے والی پرواز ائیرپورٹ سے ملحقہ آبادی پر گر کر تباہی کا شکار ہو گئی تھی جس کے نتیجے میں عملے کے 8 ارکان سمیت 97 افراد جاں بحق ہو گئے تھے جبکہ 2 مسافر زندہ بچ گئے تھے
واضح رہے کہ لاہور سے کراچی جانیوالی خصوصی پرواز پی کے 8303 منزل پر پہنچنے سے ایک منٹ قبل حادثے کا شکار ہو گئی،، پی آئی اے کا طیارہ ائیر بس اے 320 کراچی ائیر پورٹ کے قریب آبادی پر گر کر تباہ ہوگیا
-
عوام اوور چارجنگ کرنے والے دکانداروں کی نشاندھی کرے تاکہ ان کیخلاف کاروائی ہو،قاسم وڑائچ
ممبر ضلعی پرائس کنڑول کمیٹی سرگودھا چودھری قاسم وڑائچ کا یوٹیلٹی سٹورز، سہولت بازاروں اور عام مارکیٹوں کا دورہ۔
تفصیلات کے مطابق یوتھ لیڈر PTI اور ممبر ضلعی پرائس کنڑول کمیٹی سرگودھا چودھری قاسم وڑائچ نے سرگودھا میں مختلف یوٹیلٹی سٹورز، سہولت بازاروں اور عام مارکیٹوں کا دورہ کیا ۔ریٹ لسٹیں چیک کیں اور سہولت بازاروں میں اشیاء کے معیار اور دیگر سہولتوں کا جائزہ لیا اور انتظامات پر اطمینان کا اظہار کیا ۔ چودھری قاسم وڑائچ نے کہا کہ حکومت پنجاب کی ہدایات کے مطابق عوام کو زیادہ سے زیادہ ریلیف دینے کی کوشش کی جا رہی ہے اور عوام کو بھی چاہیے کہ وہ بھی حکومتی ریٹ لسٹ کے مطابق خریداری کریں اور اوور چارجنگ کرنے والے دکانداروں کی نشاندہی کریں تاکہ ان کے خلاف کارروائی کی جا سکے۔
-
لاہور پولیس کی کارروائیاں۔قتل اور اندھے قتل کی سنگین وارداتوں میں ملوث 2ملزمان گرفتار۔
لاہور انویسٹی گیشن پولیس کی کارروائیاں۔قتل اور اندھے قتل کی سنگین وارداتوں میں ملوث 2ملزمان گرفتار۔انویسٹی گیشن پولیس کاہنہ نے مکان کاکرایہ ادا نہ کرنے پرشہری کو فائرنگ کر کے قتل کرنے والے سب انسپکٹر کو گرفتار کیا۔انویسٹی گیشن پولیس سندر نے معمولی ذاتی رنجش پر اپنے دوست کو گلا دباکر قتل کرنے والے ملزم دانش کو گرفتار کر لیا۔
تفصیلات کے مطابق لاہور انویسٹی گیشن پولیس کاہنہ اور سندر کی ٹیموں نے کارروائیاں کرتے ہوئے قتل اور اندھے قتل کی2مختلف سنگین وارداتوں میں ملوث2ملزمان کو گرفتار کر لیا ہے۔ تفصیلات کے مطابق ڈی آئی جی انویسٹی گیشن لاہورشہزادہ سلطان کی واضح ہدایات کی روشنی میں انویسٹی گیشن ونگ کی سپیشل ٹیمیں قتل، اندھے قتل اور دیگر جرائم پیشہ عناصر کی سرکوبی اور انہیں گرفتار کر کے کیفر کردار تک پہنچانے کے لیے دن رات سرگرم عمل ہیں۔ ایس پی ماڈل ٹاؤن انویسٹی گیشن محمد بلال قیوم کی سربراہی میں ایس ڈی پی او کاہنہ سرکل اے ایس پی اکرام اللہ خان اور انچارج انویسٹی گیشن کاہنہ محمد اصغربھٹی نے اپنی ٹیم کے ہمراہ کارروائی کرتے ہوئے26سالہ شہر ی نتماس اعظم کو قتل جبکہ اس کے بھائی کو شدید زخمی کرنیوالے سب انسپکٹر ملزم مجاہد منظورکو گرفتارکر لیا ہے۔
ملزم مجاہدمنظور نے اپنے کرایہ دار کوکرایہ ادا نہ کرنے کی رنجش پر دوران تلخ کلامی طیش میں آ کر اندھا دھندفائرنگ کرکا نشانہ بنایا تھا۔ فائرنگ سے مقتول نتماس اعظم موقع پر جانبحق ہو گیا تھا جبکہ اس کا بھائی روحیل اعظم شدید زخمی ہو اتھا۔ مقتول نتماس اعظم بطور سب انجینئر واسا ڈیوٹی سر انجام دے رہا تھا اورآڈٹ اینڈ اکاؤنٹ سوسائٹی میں کرایہ پر رہائش پذیر تھا۔ مقتول نتماس اعظم 8ماہ سے کرایہ ادا نہیں کر رہا تھا اور نہ ہی مکان خالی کر رہا تھا جس کا ملزم کو رنج تھا۔ فائرنگ کے بعد پولیس ٹریننگ کالج چوہنگ میں تعینات سب انسپکٹر منظور حسین موقع سے فرار ہو گیا تھا۔اسی طرح ایس پی صدرانویسٹی گیشن محمد عیسیٰ خان کی سربراہی میں ایس ڈی پی او رائیونڈ سرکل اے ایس پی رضا تنویراور انچارج انویسٹی گیشن سندرخالد یعقوب نے اپنی ٹیم کے ہمراہ25سالہ شہر ی وحید احمد کے اندھے قتل کی واردات کو ٹریس کر کے اس کے دوست دانش کو گرفتار کر لیا ہے۔ملز م دانش نے تقریباً ڈیڑھ ماہ قبل معمولی ذاتی رنجش کی بنا پر مقتول وحید احمد کو گلا دبا کر قتل کر دیا تھا۔
ملزم دانش نے اپنے دوست وحید احمد کو قتل کرنے کی نیت سے فون کر کے کھوہ جلیانہ پنڈ نزد بحریہ ٹاؤن کے پا س بلایاتھا۔ ملزم دانش مقتول کو قتل کر نے کی سنگین واردات کے بعدنعش کو وہیں چھوڑ کر مو قع سے فر ار ہو گیا تھا۔ ڈی آئی جی انویسٹی گیشن لاہور نے قتل کی سنگین وارداتوں میں ملوث ملزمان کی گرفتاری پر پولیس ٹیموں کی کارکردگی کو سراہتے ہوئے ان کے لیے تعریفی اسناد کا اعلان کیا ہے۔
-
پی سی بی کے بورڈ آف گورنرز کا 60واں اجلاس منگل کو ہو گا
لاہور،پاکستان کرکٹ بورڈ کے بورڈ آف گورنرز کا 60واں اجلاس 10 نومبر بروز منگل صبح 10 بجے نیشنل ہائی پرفارمنس سنٹر لاہور میں ہوگا۔
اجلاس میں درج ذیل امور پر پر تبادلہ خیال کیا جائے گا، چیئرمین اور چیف ایگزیکٹو آفیسر کی رپورٹس ،پی سی بی پر پریزینٹیشن،بی او جی کمیٹیز کا تقرر،کرکٹ ایسوسی ایشنز پر اپ ڈیٹ
اجلاس کے اختتام پر پی سی بی اس کی کاروائی سے متعلق تفصیلات جاری کردے گا۔بورڈ آف گورنرز کا 59 واں اجلاس آج منعقد ہوا تھا جس میں اہم فیصلے کئے گئے
-
پر امن افغانستان ہی پاکستان کے مفاد میں ہے، اسپیکر قومی اسمبلی
اسپیکرقومی اسمبلی اسدقیصرنے کہاہے کہ وزیراعظم پاکستان عمران خان21نومبرکورشکئی اکنامک زون کاباضابطہ طورپرافتتاح کریں گے جس سے ترقی اورتجارت کے ایک نئے دور دورکاآغازہوگا
جومعیشت کی مزیدترقی میں معاون ثابت ہوگا۔ انہوں نے کاکہاکہ موجودہ حکومت ملکی معیشت کی ترقی،عوام کی فلاح بہبودوخوشحالی اورافغانستان کیساتھ تجارت کوبھرپورفروغ دینے کیلئے اقدامات اٹھارہی ہے جس کی بدولت پاکستان اورافغانستان میں بھی نہ صرف روزگارکے وافرمواقع فراہم ہوں گے بلکہ افغانستان میں امن کاقیام بھی ممکن ہوجائیگا۔انہوں نے کہاکہ ہم پرامن افغانستان کے مفادمیں ہے اورپاکستان میں امن افغانستان میں امن سے مشروط ہے۔ ان خیالات کااظہارانہوں نے چیئرمین چائناپاکستان اقتصادی راہداری کمیٹی وممبرقومی اسمبلی ارباب شیرعلی خان کی رہائشگاہ پر21نومبرکو رشکئی اکنامک زون افتتاح کے حوالے سے جائزہ اجلاس کے بعدذرائع ابلاغ کے نمائندوں سے بات چیت کرتے ہوئے کیا۔ اس موقع پروفاقی وزیربرائے دفاع پرویزخان خٹک بھی موجودتھے۔
انہوں نے کہاکہ ہم افغانستان کوبھی چائناپاکستان اقتصادی راہداری میں شمولیت اختیارکرنے کی دعوت دیتے ہیں تاکہ افغانستان بھی ترقی کی راہ پرگامزن ہوسکے،افغانستان کیساتھ تجاری کے ذریعے سنٹرایشیاء تک رسائی حاصل کرسکتے ہیں۔انہوں نے کہاکہ موجودہ حکومت نے جووعدے کئے تھے ان کی
تکمیل پربرق رفتاری سے کام جاری ہے،خیبرپختونخوا میں پہلی باران اصلاحات پرکام جاری ہے جس سے پسماندہ طبقے مستفیدہوں گے،ہمارے سیاست کامطمع نظرمعیشت کی ترقی، بلاامتیازاحتساب خواہ وہ کسی بھی سیاسی جماعت سے تعلق رکھے،پسماندہ اورمستحق افرادکواوپرلانے کیلئے اقدامات اٹھاناہے۔
سپیکرقومی اسمبلی نے کہاکہ پہلی بار13نومبرکوچائنا پاکستان اقتصادی راہداری کانفرنس کاانعقادپشاورمیں کررہے ہیں،پاکستان کی تاریخ میں پہلی مرتبہ خیبرپختونخواکوبڑے بڑے منصوبے دیئے جارہے ہیں۔انہوں نے کہاکہ عوام کی فلاح وبہبودوخوشحالی اورمعیشت کی ترقی کیلئے جس تبدیلی کاآغازعمران خان نے کیاتھااس کے ثمرات سے بہت جلدعوام مستفیدہوں گے،تحریک انصاف کے ان منصوبوں کے دوررس اثرات مرتب ہوں گے۔
-
پی ٹی آئی کے مرکزی رہنما سروسز ہسپتال پہنچ گئے
پی ٹی آئی کے مرکزی رہنما حلیم عادل شیخ کی لاہور آمد،سروسزہسپتال لاہور میں چوھدری شحاعت حسین کے صاحبزادے ایم این اے چوہدری سالک حسین، ایم این اے چوہدری شافع حسین بھتیجے ایم این اے چوہدری حسین سے ملاقات کی
ملاقات میں حلیم عادل شیخ چودھری شجاعت حسین کی عیادت کر کے صحتیابی کے لئے دعا کی،اس موقعے پر گورنر سندھ عمران اسماعیل نے بھی فون کرکے چوھدری شجاعت حسین کی عیادت کی
حلیم عادل شیخ نے کہا کہ چوھدری شجاعت حسین پاکستان کے نامور سیاستدانوں میں شمار ہوتے ہیں۔چوھدری شجاعت حسین کی صحتیابی کے لئے لاکھوں لوگوں کی دعائیں ہیں۔ انشاء اللہ بہت جلد صحتیاب ہوکر ہمارے ساتھ ہونگے۔