Baaghi TV

Tag: baaghi

  • مسلک سے بالاتر مفتی کورس کا نصاب مصر،سوڈان ، تیونس کے سکالرز پڑھائیں گے

    مسلک سے بالاتر مفتی کورس کا نصاب مصر،سوڈان ، تیونس کے سکالرز پڑھائیں گے

    جامعہ اسلامیہ منہاج القرآن کے زیر اہتمام ’’مفتی کورس‘‘ کا اجراء،دو سالہ مفتی کورس کا نام’’ التخصص فی الفقہ‘‘ رکھا گیا ہے :ڈاکٹر ممتاز الحسن باروی نے تفصیلات بتاتے ہوئے کہا کہ مسلک سے بالاتر مفتی کورس کا نصاب مصر،سوڈان ، تیونس کے سکالرز پڑھائیں گے،مفتی کورس کا نصاب شیخ الاسلام ڈاکٹر محمد طاہر القادری کی سرپرستی میں ترتیب دیا گیا ہے

    جامعہ اسلامیہ منہاج القرآن کے زیر اہتمام دو سالہ مفتی کورس کا اجرا کر دیا گیا ہے ۔ دو سالہ مفتی کورس کا نام’’ التخصص فی الفقہ‘‘ رکھا گیا ہے ۔ مفتی کورس کے حوالے سے کالج آف شریعہ اینڈ اسلامک سائنسز کے پرنسپل ڈاکٹر ممتاز الحسن باروی نے تفصیلات بتاتے ہوئے کہا کہ مسلکی سوچ سے بالاتراس مفتی کورس کے نصاب کو مصر،سوڈان اور تیونس کے سکالرز پڑھائیں گے ۔ انہوں نے بتایا کہ پوری دنیا میں حلال انڈسٹری فروغ پذیر ہے اور اس کےلئے کوالیفائیڈ شریعہ سکالرز کی ضرورت ہے ۔ ایک مسلمان زندگی میں مختلف نوع کے شرعی و فقہی مسائل سے دوچار ہوتا ہے جن کا تعلق حلال حرام،جائز ناجائز ، عقیدے اورا یمانیات سے ہوتا ہے ۔

    انہوں نے کہا کہ جس طرح ہم جسم کو لاحق بیماری کے علاج کےلئے کوالفائیڈ ڈاکٹر اور سرجن کا انتخاب کرتے ہیں اور نیم حکیموں سے بچنے کی ہر ممکن کوشش کرتے ہیں اسی طرح شرعی اور فقہی معاملات میں بھی کوالیفائیڈ سکالرز سے رجوع کرنا ناگزیر ہے ۔ انہوں نے کہا کہ نیم حکیم خطرہ جان ہوتا ہے اسی طرح نامکمل فقہی علم رکھنے والا خطرہ ایمان ہوتا ہے ۔

    انہوں نے کہاکہ تحریک منہاج القرآن نے علم و تربیت کے شعبے میں ہمیشہ عصری تقاضوں اور ضروریات کو پیش نظر رکھا ہے مفتی کورس کا اجرا انہی علمی ،دینی کاوشوں کا تسلسل ہے ۔ ڈاکٹر ممتاز الحسن باروی نے بتایا کہ شیخ الاسلام ڈاکٹر محمد طاہر القادری کی فکری رہنمائی ، سرپرستی اور منہاج القرآن انٹرنیشنل کی سپریم کونسل کے چیئرمین ڈاکٹر حسن محی الدین قادری کی نگرانی میں سینئرز سکالرز نے بڑی عرق ریزی کے ساتھ مفتی کورس کے نصاب کو حتمی شکل دی ہے ۔

    انہوں نے بتایا کہ مفتی کورس کا نصاب ہر نوع کی مسلکی فکر سے بالاتر ہے اسے علمی ،تحقیقی بنیادوں پر ترتیب دیا گیا ہے اور اس بات کو یقینی بنایا گیا ہے کہ مفتی کورس کے فارغ التحصیل سکالرز دنیا کے ہر ملک اور خطے میں اپنی دینی،علمی،فقہی خدمات انجام دے سکیں ۔ انہوں نے مزید کہا کہ عربی اور انگریزی زبانیں اس وقت اقتصادی اور علمی حوالے سے بین الاقوامی رابطے کی زبانیں ہیں ۔ مفتی کورس میں داخل ہونیوالے طلبہ کو مذکورہ زبانوں میں مہارت کےلئے خصوصی لیکچرز اور تربیت بھی دی جائے گی ۔

    انہوں نے کہاکہ جدید ذراءع تحقیق کے استعمال کی ٹریننگ مفتی کورس کے تدریسی پروگرام کا جزو لاینفک ہے ۔ انہوں نے بتایا کہ الشہادۃ العالمیہ یا اس کے مساوی ایچ ای سی کی منظور شدہ ڈگری ہولڈرز داخلہ کےلئے اہل ہیں ۔ حتمی داخلہ کےلئے ٹیسٹ اور انٹریو ہو گا ۔ ڈاکٹر ممتاز الحسن باروی نے کہاکہ اپنی نوعیت کے اس منفرد اور پہلے کورس کے داخلے کی نشستیں محدود ہیں ،امیدواروں کےلئے آن لائن رجسٹریشن کی سہولت دستیاب ہے ۔ مزید معلومات کےلئے جامعہ کی ویب ساءٹ;WWW.COSIS.EDU.PK وزٹ کریں ۔ براہ راست 03358583588 نمبرپر فون کر کے معلومات بھی حاصل کی جا سکتی ہیں ۔

  • ناجائز اثاثے والوں کی تمام تکلیف ذاتی ہے،عوام کے درد کا ڈھونگ رچاتے ہیں ،

    ناجائز اثاثے والوں کی تمام تکلیف ذاتی ہے،عوام کے درد کا ڈھونگ رچاتے ہیں ،

    معاون خصوصی وزیراعلیٰ پنجاب ڈاکٹر فردوس عاشق اعوان اور ایڈوائزر آصف محمود نے مشترکہ پریس کانفرنس کرتے ہوئے کہا کہناجائز اثاثوں والوں کی تمام تکلیف ذاتی ہے؛ عوام کے درد کا ڈھونگ رچاتے ہیں،ترچھی ٹوپی والی سرکار ایک دھیلے کی کرپشن پر بھاشن دیتے تھے؛ آج اربوں کی ثابت ہوئی،تبدیلی یہ ہے کہ ظل سبحانی کے قبضے سے چھڑا کر سیاحتی مقامات کو عوام کیلئے کھولا،سیاحت کا فروغ وزیراعظم اور وزیراعلیٰ کی ترجیحات میں شامل ہے،معیشت کی بہتری اور استحکام کیلئے ٹورازم نہایت اہمیت کی حامل ہے،ہفتہ رحمت اللعالمین ہماری بخشش کا زریعہ بنے گا،ڈاکٹر فردوس عاشق اعوان نے سروسز ہسپتال میں چوہدری شجاعت حسین کی عیادت کی

    پاکستان اور پنجاب سیاحتی مقامات کے حوالے سے دنیا میں اپنی پہچان رکھتے ہیں۔پہلی حکومت ہے جو سیاحت کو اولین ترجیحات میں رکھتی ہے اور تاریخ کی پہلی سیاحتی پالیسی تشکیل دی۔تحریک انصاف کی حکومت میں تبدیلی یہ آئی ہے کہ ظل سبحانی اور اولاد و خاندان سے قبضہ چھڑوا کر سیاحتی مقامات کے ریسٹ ہاؤسز عوام کیلئے کھولے۔ ترچھی ٹوپی والی سرکار ایک دھیلے کی کرپشن ثابت کرنے کا کہتے تھے یہاں تو نیب نے اربوں کی منی لانڈرنگ دکھا کر انکا اصل چہرہ بے نقاب کیا۔ان خیالات کا اظہار معاون خصوصی وزیراعلیٰ پنجاب ڈاکٹر فردوس عاشق اعوان نے ایڈوائزر برائے سیاحت آصف محمود کے ہمراہ ڈی جی پی آر میں پریس کانفرنس سے خطاب میں کیا۔

    اس موقع پر آصف محمود کا کہنا تھا کہ ہماری حکومت نے پنجاب میں پہلی بار سیاحتی پالیسی متعارف کروائی۔انہوں نے بتایا کہ پنجاب بھر میں 176 سیاحتی مقامات پر موجود ریزارٹس اور ریسٹ ہاؤسز کو مراعات یافتہ طبقے سے چھڑوا کر عوام کیلئے کھولا۔ورلڈ بینک اور دیگر عالمی اداروں کی مشاورت سے پنجاب میں 8 نئے سیاحتی مقامات پر ماسٹر پلاننگ اور فیزبیلٹی پر کام کر رہے ہیں۔لاہور اور ٹیکسلا میوزیم کو بھی اپ گریڈ کر رہے ہیں۔سیاحت کے فروغ کیلئے پبلک پرائیویٹ پارٹنر شپ کے ماڈل کو اپنا رہے ہیں تاکہ بہترین نتائج برآمد ہوں۔

    ڈاکٹر فردوس عاشق اعوان نے کہا کہ وہ جو انگلی ہلا ہلا کر کہتے تھے کہ اگر ایک دھیلے کی کرپشن ثابت ہو جائے تو سزا بھگتنے کیلئے تیار ہوں آج نیب کورٹ میں انکی کرپشن کی تمام داستانیں بیان ہوئیں۔آج ترچھی ٹوپی والی سرکار پر فرد جرم عائد ہو گئی جس کے بعد عوام کے سامنے انکا اصل چہرہ ظاہر ہو گیا ہے۔ آج کھربوں کی منی لانڈرنگ میں ملوث خاندان کی نقاب کشائی ہوئی ہے۔ان لوگوں کو قوم کا درد نہیں تھا یہ ذاتی درد ہے جو پی ڈی ایم کی شکل میں نظر آ رہا ہے۔ جو شخص جتنا زیادہ عوام کے غم میں نڈھال نظر آ رہا ہے اسے اپنے ناجائز اثاثوں اور زرائع آمدن کی اتنی ہی زیادہ پریشانی لاحق ہے۔ انہوں نے کہا کہ سابقہ حکومتیں عوام کا پیسہ ذاتی عیاشیوں پر خرچ کرتے رہیں۔ ایک قبضہ گروپ کی طرح انہوں نے عوام کے پیسوں پر قبضہ کیا ہوا تھا۔ سیاحت کے لئے قائم ریزوٹس پر عوام کی رسائی نہیں تھی لیکن اب تبدیلی کے ثمرات عوام تک منتقل کر رہے ہیں۔ پنجاب حکومت نے ہفتہ رحمت اللعالمین منانے کا اعلان کیا جو ہماری بخشش کا باعث بنے گا. بعدازاں ڈاکٹر فردوس عاشق اعوان نے سروسز ہسپتال میں سابق وزیراعظم و قائد پاکستان مسلم لیگ چوہدری شجاعت حسین کی عیادت کی۔

    اس موقع پر میڈیا سے گفتگو میں انہوں نے کہا کہ چوہدری شجاعت حسین کی جلد صحتیابی کیلئے دعاگو ہیں۔ڈاکٹر فردوس عاشق اعوان نے کہا کہ یہ دیکھ کر دلی تسلی ہوئی کہ چوہدری شجاعت روبہ صحت ہیں۔سیاست میں بردباری اور رکھ رکھاؤ چوہدری شجاعت کی پہچان ہے اور پاکستانی سیاست کو صحت مند توانا رکھنے کیلئے چوہدری شجاعت جیسے بردبار سیاست دان ضروری ہیں۔                   

  • ماڈرن پولیسنگ میں انفارمیشن ٹیکنالوجی کا موثرا ستعمال کلیدی حیثیت رکھتا ہے،آئی جی پنجاب

    ماڈرن پولیسنگ میں انفارمیشن ٹیکنالوجی کا موثرا ستعمال کلیدی حیثیت رکھتا ہے،آئی جی پنجاب

    آئی جی پنجاب انعام غنی کی زیر صدارت پنجاب پولیس کے آئی ٹی سافٹ وئیرز بارے اجلاس،مانیٹرنگ ایپ برائے سپروائزری افسران، PERایپ اور ٹورسٹ فیسلیٹیشن ایپ کے اجرا کی منظوری،آئی جی پنجاب نے سنٹرل پولیس آفس میں ”سافٹ وئیرڈویلپمنٹ روم“کا افتتاح بھی کیا۔سافٹ وئیر ڈویلپمنٹ روم میں جدید پولیسنگ اور عوامی سہولت کیلئے نئے پروگرامز اور ایپلی کیشنز ڈیزائن کئے جائیں گے۔

    تفصیلات کے مطابق انسپکٹر جنرل پولیس پنجاب انعام غنی نے کہاہے کہ ماڈرن پولیسنگ میں انفارمیشن ٹیکنالوجی کا موثرا ستعمال کلیدی حیثیت رکھتا ہے لہذا پولیس کے ورکنگ سسٹم کو ماڈرن ماڈیولز پر اپ گریڈ کرنے کیلئے سافٹ وئیرز اور ایپلی کیشنز کی تیاری کا سلسلہ جاری رکھا جائے جبکہ ساتھ ہی ساتھ ان آئی ٹی پراجیکٹس کی موثر مانیٹرنگ اور انسپکشن کو بھی یقینی بنایا جائے تاکہ جرائم کی بیخ کنی کے ساتھ ساتھ شہریوں کو سروس ڈلیوری کا عمل بہتر سے بہتر ہوسکے۔ انہوں نے اجلاس میں آئی ٹی ونگ اور پی آئی ٹی بی کے اشتراک سے تیار کی گئی تین جدید ایپلی کیشنز جن میں مقدمات کی ڈیجیٹل مانیٹرنگ لئے ”مانیٹرنگ ایپ برائے سپروائزری افسران“، سالانہ کارکردگی رپورٹس (ACR)کی کمپیوٹرائزیشن کیلئے تیار کی گئی PERایپ اور سیاحوں کے تحفظ اور سہولت کیلئے پنجاب پولیس ٹورسٹ فیسیلیٹیشن ایپ کے اجراء کی باقاعدہ منظوری دیتے ہوئے کہاکہ ان تینوں ایپ کو اگلے ایک ہفتے میں فعال کردیا جائے۔ انہوں نے مزیدکہاکہ PERایپ میں ایک فیچر یہ بھی شامل کیا جائے کہ جو افسراپنے ماتحت سٹاف کی اے سی آرز لکھنے،میں تاخیر کرے گا اس کی اپنی اے سی آرز کا فارم کمپیوٹر میں اس وقت تک لاک رہے گا جب تک وہ اپنے ماتحتوں کی باقی ماندہ اے سی آرز مکمل نہیں کردیتا کیونکہ یہ انصافی ہے کہ ہم اپنی اے سی آر بروقت لکھوانا چاہتے ہیں اور ماتحتوں کی اے سی آرز لکھنے میں لیت و لعل سے کام لیتے ہیں۔

    انہوں نے مزیدکہاکہ عوامی سہولت کیلئے شروع کئے گئے پراجیکٹس بالخصوص فرنٹ ڈیسک، پولیس خدمت مراکز اور8787کمپلینٹ مینجمنٹ سسٹم میں مزید بہتری کیلئے شہریوں سے حاصل شدہ فیڈ بیک کی روشنی میں اپ گریڈیشن کے عمل کو مزید موثر بنایاجائے تاکہ شہریوں کے مسائل کا حل مزیدتیزی سے ترجیحی بنیادوں پر ممکن ہوسکے جبکہ ساتھ ہی ساتھ پولیس ریکارڈ مینجمنٹ سسٹم، ہیومن ریسورس مینجمنٹ سسٹم،کریمنل ریکارڈمینجمنٹ سسٹم میں وضع کردہ ایس او پیز کی پاسداری کو بھی یقینی بنایا جائے۔ ان خیالات کا اظہار انہوں نے آج سنٹرل پولیس آفس میں پنجاب پولیس کے آئی ٹی پراجیکٹس کے حوالے سے منعقدہ اجلاس کی صدارت کرتے ہوئے کیا۔ اجلاس کے بعد آئی جی پنجاب نے سنٹرل پولیس آفس میں ”سافٹ وئیر ڈویلپمنٹ روم“کا افتتاح بھی کیا۔

    ڈی آئی جی آئی ٹی وقاص نذیر نے آئی جی پنجاب کو ”سافٹ وئیر ڈویلپمنٹ روم“کے قیام اور اغراض ومقاصد کے حوالے سے گفتگو کرتے ہوئے بتایا کہ جدید سہولیات سے آراستہ سٹیٹ آف دی آرٹ سافٹ وئیر ڈویلپمنٹ روم میں پی آئی ٹی بی کے ماہرین اور پنجاب پولیس کے آئی ٹی افسران مل کر کام کریں گے اور دونوں اداروں کے افسران مل کر جدید پولیسنگ اور عوامی سہولت کیلئے نئے پروگرامز اور ایپلی کیشنز ڈیزائن کریں گے۔انہوں نے مزیدکہا کہ مقدمات کی ڈیجیٹل مانیٹرنگ کیلئے”مانیٹرنگ ایپلی کیشن برائے سپر وائزری افسران“ کا آغاز کردیا گیا ہے جس کے تحت مانیٹرنگ افسران ماتحت سٹاف کی پرفارمنس، پٹرولنگ، انویسٹی گیشن کی پراگریس سمیت دیگر تفصیلات کی براہ راست مانیٹرنگ کر سکیں گے۔

    انہوں نے مزیدبتایا کہ گریڈ سولہ یا اس سے اوپر گریڈ کے سالانہ کارکردگی رپورٹس کی ایلیوئیشن کیلئے”PERایپ“ آئندہ چند روز میں متعارف کروائی جار ہی ہے جس کے تحت اے سی آرز کی تکمیل کا پورا عمل خودکار نظام کے تحت سر انجام پائے گا۔ انہوں نے مزیدبتایا کہ پاکستان میں آنے والی غیر ملکی اور ملکی سیاحوں کے تحفظ اور سہولت کیلئے ”پنجاب پولیس ٹورسٹ فیسیلیٹشین ایپ“ بھی تیاری کے آخری مراحل میں ہے جس کا افتتاح آئی جی پنجاب آئندہ چند روز میں کریں گے۔ انہوں نے مزیدبتایا کہ پی آئی ٹی بی افسران اور پنجاب پولیس افسران کے اشتراک سے اب تک پنجاب پولیس کی ورکنگ کو مزید موثر بنانے کیلئے 30سے زائد سافٹ وئیرز بنائے جا چکے ہیں جن میں پولیس اسٹیشن ریکارڈ مینجمنٹ سسٹم، ہیومن ریسورس مینجمنٹ انفارمیشن سسٹم، کمپلینٹ مینجمنٹ سسٹم، پنجاب پولیس فنانشل مینجمنٹ سسٹم، انوینٹری مینجمنٹ سسٹم، ہوٹل آئی،کرایہ داری اندراج سسٹم اور پولیس خدمت مراکزقابل ذکر ہیں جن کی بدولت پنجاب پولیس سمارٹ اینڈ کمیونٹی پولیسنگ کے اصولوں کے مطابق کرائم کنٹرول اور پبلک سروس ڈلیوری کیلئے انفارمیشن ٹیکنالوجی کو موثر انداز میں استعمال کر رہی ہے جس کی بدولت جرائم پیشہ عناصر کی قلع قمع کے عمل میں نہ صرف تیزی آئی ہے بلکہ پولیس اور عوام کے درمیان باہمی تعاون کی فضا بھی بہتر ہورہی ہے۔

    آئی جی پنجاب نے افسران کو ہدایت دیتے ہوئے کہا کہ جدید پولیسنگ کی طرز پر کرائم کنٹرول اور سروس ڈلیوری کومزید بہتر بنانے کیلئے انفارمیشن ٹیکنالوجی پر انحصارمزیدبڑھایا جائے جبکہ تھانوں کی ورکنگ کو مزید موثر بنانے کیلئے تمام امور پولیس اسٹیشن ریکارڈ مینجمنٹ سسٹم کے تحت جاری کردہ ایس او پیز کے مطابق سر انجام دئیے جائیں اور تمام اضلاع میں افسران اپنے آئی ٹی انچارجز کے ساتھ کلوز کوارڈ نیشن رکھیں۔اس موقع پر ایڈیشنل آئی جی آپریشنز صاحبزادہ شہزاد سلطان اور پی آئی ٹی بی کے افسران بھی موجود تھے۔

  • آصف زرداری ان ایکشن ۔اہم شخصیت کو پارٹی میں شمولیت کی دعوت دے دی

    آصف زرداری ان ایکشن ۔اہم شخصیت کو پارٹی میں شمولیت کی دعوت دے دی

    چیف آف جھالاوان نواب ثناءاللہ زھری کو آصف علی زرداری کا ٹیلی فون

    سابق صدر آصف علی زرداری نے نواب ثناء اللہ زھری کی اہلیہ کی وفات پر اظہار تعزیت کیا ،آصف علی زرداری کی سابق وزیر اعلی بلوچستان نواب ثناء اللہ زہری کو پاکستان پیپلز پارٹی میں شمولیت اختیار کرنے کی دعوت دیدی

    یاد رہے ثناء اللہ زہری پچھلے دور حکومت میں وزیر اعلی بلوچستان رہے ہیں اور مسلم لیگ ن کے رکن رہے ہیں مسلم لیگ ن کی طرف سے پی ڈی ایم جلسے میں نہ بلانے کے فیصلے پر انہوں نے ن لیگ کو خیر باد کہہ دیا

    بلوچستان سے عبدالقادر بلوچ نوازشریف کی کابینہ میں وفاقی وزیر بھی رہ چکے ہیں اور اس وقت مسلم لیگ (ن) بلوچستان کے صدرتھے ، ثنااللہ زہری کے ساتھ باقاعدہ پریس کانفرنس کر کے پارٹی کو چھوڑنے کا اعلان کیا اس موقع پر انہوں نے کہا کہ آج 2 نہیں بلکہ دو ہزار کارکن مسلم لیگ ن کو چھوڑ رہے ہیں ثناء اللہ زہری انتہائی مشنری کارکن تھے اور وہ اپنے علاقے میں خاص سیاسی قد رکھتے ہیں

    آصف زرداری کا ان کو ذاتی حیثیت میں فون کر کے دعوت دینا اس بات کاثبوت ہے کہ وہ سیاست میں اہم مقام رکھتے ہیں

  • کرونا کا پھیلاؤ،، حکومت پنجاب کا شہریوں کے تحفظ کے لئے سخت اقدامات کا فیصلہ

    کرونا کا پھیلاؤ،، حکومت پنجاب کا شہریوں کے تحفظ کے لئے سخت اقدامات کا فیصلہ

    کرونا کا پھیلاؤ ،، حکومت پنجاب کا شہریوں کے تحفظ کے لئے سخت اقدامات کا فیصلہ،وزیرصنعت میاں اسلم اقبال اور وزیرصحت ڈاکٹر یاسمین راشد پر مشتمل کمیٹی نے سفارشات مرتب کرلیں
    حکومت پنجاب این سی او سی کے اجلاس میں سفارشات پیش کرے گی، وزیرتجارت میاں اسلم اقبال کے مطابق حکومت پنجاب کی شاد ی ہالز کو سخت ایس اوپیز کے ساتھ اجازت دینے کی سفارش،شادی ہال میں فنکشن کا وقت دو گھنٹے ہوگا ، ڈسپوذ ایبل کھانا دیاجائے گا، ہرشادی ہال کے باہر لکھ کر لگایاجائے گا کہ اس کی پچاس فیصد گنجائش کے مطابق کتنے مہمان آسکتے ہیں ،

    شادی ہال مالکان اور شادی والےگھرانے کے افراد ماسک پر عمل کروانے کےپابند ہوں گے ، مارکیٹوں اوربازاروں میں ماسک کے حوالے سے سخت مانیٹرنگ کا فیصلہ کیا گیا

    وزیرصنعت و تجارت میاں اسلم اقبال نے لاہورکی تمام تاجر تنظیموں کااجلاس آج طلب کرلیا،تاجر تنظیموں کو سختی سے ماسک کی پابندی کروانے کا پابند کیاجائے گا ، وزیر صنعت کی سربراہی میں کمیٹی مارکیٹوں کا اچانک دورہ کرکے ایس اوپیز پر عملدرامد کاجائزہ لےگی،خلاف ورزی پر بازار اورمارکیٹیں فوری بند کردی جائے گی ،

  • قائد حزب اختلاف کی پریس کانفرنس،سندھ حکومت کا پول کھول دیا

    قائد حزب اختلاف کی پریس کانفرنس،سندھ حکومت کا پول کھول دیا

    تین ماہ گزر جانے کے باوجود حکومت سندھ نے اب تک بجٹ کی کوارٹر رپورٹ پیش نہیں کی۔قائد حزب اختلاف فردوس شمیم نقوی نے کہا کہ اس حکومت کو 13سال ہو چکے ہیں اسکے باوجود یہ اپنا سسٹم ٹھیک نہیں کر سکے۔ سندھ حکومت کی جانب سے گزشتہ سال ٹیکس کلکشن میں بڑی ناکامی دیکھنے کو ملی۔ بلال غفار نے کہا کہ سندھ حکومت نے شاہی خرچوں کی داستان رقم کی ہے۔

    تفصیلات کے مطابق سندھ اسمبلی میں قائد حزب اختلاف فردوس شمیم نقوی نے سندھ اسمبلی میں پریس کانفرنس سے خطاب کرتے ہوئے کہا ہے کہ تین ماہ گزر جانے کے باوجود حکومت سندھ نے اب تک بجٹ کی کوارٹر رپورٹ پیش نہیں کی۔ کس منصوبے پر کتنا پیسہ خرچ ہوا اسکے بارے میں سندھ حکومت نے اب تک کوئی معلومات فراہم نہیں کی۔

    پہلا کوارٹر ستمبر میں پورا ہوا تھا لیکن اب نومبر کا مہینے آ چکا ہے، لیکن اب تک پہلے کوارٹر کی رپورٹ نہیں آئی۔ اس موقع پر ان ہمراہاراکین سندھ اسمبلی شہزاد قریشی، ارسلان تاج، سدرہ عمران،بلال غفاراور دیگر موجود تھے۔ فردوس شمیم نقوی نے مزید کہا کہ ہمیں جاننا ہے کہ سندھ حکومت نے بجٹ میں جووعدے کیے تھے، اور جو منصوبوں کے لئے رقم مختص کی تھی اس کا کتنا حصہ اب کے لگایا جا چکا ہے۔ پریشان کن بات یہ ہے کہ پچھلے سال سندھ حکومت نے بجٹ کی ایک بھی کوارٹر رپورٹ اسمبلی میں پیش نہیں کی۔ سندھ حکومت نے پہلے پبلک اکاونٹس کمیٹی دینے سے انکار کیا اور اسکے بعد یہ بجٹ پروگریس رپورٹ بھی پیش نہیں کر رہے۔اس حکومت کو 13سال ہو چکے ہیں اسکے باوجود یہ اپنا سسٹم ٹھیک نہیں کر سکے۔ پبلک اکاونٹس کمیٹی کے معاملے سے ظاہر ہو گیا ہے کہ جو جمہوریت کے دعویدار ہیں وہ جمہوریت پر کتنا یقین رکھتے ہیں۔ پیپلز پارٹی قومی اور پنجاب اسمبلی میں پبلک اکاونٹس کمیٹی مانگتی ہے لیکن سندھ اسمبلی میں خود نہیں دیتی۔

    انہوں نے مزید کہا کہ کورونا کے مسئلے پر جس طرح حکومت پاکستان پورے ملک کو لے کر چلی ہے وہ قابل تعریف ہے۔ ہماری حکومت کی آج ساری دنیا تعریف کررہی ہے۔ ہمیں اس بات کا ادراک ہے کہ عوام مہنگائی سے پریشان ہیں لیکن اس وقت معیشت کی بہتری کے مثبت نتائج آرہے ہیں۔ڈالر کی قیمت نیچے جارہی ہے اور ایکسپورٹس میں اضافہ ہورہا ہے۔ ہمارا صنعتی سیکٹر کامیابی کی طرف جارہا ہے۔آٹے اور چینی کے وافر مقدار میں ذخائر موجود ہیں لیکن قیمتیں کنٹرول کرنا صوبائی حکومت کی ذمہ داری ہے۔

    فردوس شمیم نقوی نے مزید کہا کہ پانچ ستمبر کو کراچی ٹرانسفارمیشن پلان کے 1100ارب روپے کا ایک مشترکہ اعلان ہوا۔ وفاق کے ذمہ جو کام ہیں اس کی رپورٹ وفاقی وزیر اسد عمر صاحب دیتے رہے ہیں۔ منصوبے میں کے فور کی ذمہ داری واپڈا، سرکلر ریلوے کی وزارت ریلوے، کچرا اٹھانے کی این ڈی ایم اے اور نالوں اور اوور ہیڈ برج کی ذمہ داری سندھ حکومت کو دی گئی ہے۔ انہوں نے مزید کہا کہ آئی جی پولیس کیسے اغوا ہوتے ہیں اس کے بارے میں رپورٹ میں کوئی ذکر نہیں۔آئی جی کے گھر کے باہر وڈیو کیمرہ موجود ہیں، زرا وہ وڈیو دکھائی جائے کہ انہیں کس نے اغوا کیا۔ اگر آئی جی خود اپنی گاڑی میں بیٹھ کر گئے تو اسے اغوا کرنا نہیں کہتے۔اس پورے معاملے میں قائد اعظم کے مزار کی بے حرمتی کو پس پشت ڈال کرآئی جی سندھ کے معاملے کو اٹھایا گیا۔ یہ سندھ حکومت خود آئی جی کو ہٹانے والی ہے کیونکہ انہوں نے ان لوگوں پر ہاتھ ڈالا ہے جو زرداری کے خاص ہیں۔جو افسران چھٹی پر گئے تھے ان افسران کی انکوائری رپورٹ سندھ حکومت نے ایک ہفتے میں دینی تھی لیکن سندھ کے وزراء اتنے ذمہ دار ہیں کہ وہ گلگت میں انتخابی مہم چلا رہے ہیں۔

    اس موقع پر رکن سندھ اسمبلی بلال غفار کا کہنا تھا کہ مراد علی شاہ 13سال سے صوبے کے وزیر خزانہ بھی ہیں۔ اسمبلی کے فلور پر سندھ حکومت کے وزراء بڑی بڑی باتیں کرتے ہیں لیکن کارکردگی کہیں نظر نہیں آرہی۔سندھ حکومت کی جانب سے گزشتہ سال ٹیکس کلکشن میں بڑی ناکامی دیکھنے کو ملی۔ سندھ حکومت کے شاہی خرچوں کی داستان رقم کی ہے۔ انہوں نے حکومت کو چلانے کے لئے ملنے والے بجٹ میں سے 97فیصد استعمال کیا لیکن جب حکومت چلانے کے لئے خرچوں کی بات آتی ہے تو وہ انہوں نے صرف 36فیصد خرچ کئے ہیں۔ کراچی کے میگا پراجیکٹس کے لئے صرف58فیصد رقم خرچ کی گئی۔ صوبے کے مالی معاملات میں بے ضابطگیاں سندھ حکومت کی بدنیتی کو ظاہر کرتی ہیں۔ ہمارا مطالبہ ہے کہ پی ایف سی کو فوری طور پر اعلان کیا جائے تاکہ بجٹ یوسی کی سطح تک پہنچ سکے۔

  • گورنر بلوچستان نے پاک چائنہ دوستی کے بارے میں اہم بات کہہ دی

    گورنر بلوچستان نے پاک چائنہ دوستی کے بارے میں اہم بات کہہ دی

    گورنر بلوچستان امان اللہ یاسین زئی نے کہا ہے کہ پاکستان اور چین عرصہ دراز سے دوستی کے گہرے رشتے میں بندھے ہوئے ہیں. چين کے تعاون سے پاک چین فرینڈشپ ہیلتھ کیئر سینٹر کا قیام اور اس کو شہدائے آٹھ اگست کے نام سے منسوب کرنا لائقِ تحسین عمل ہے. گورنر یاسین زئی نے کہا کہ صحت کے شعبے میں ہیلتھ کیئر سینٹر کی سہولت کی فراہمی پر ہم چین کے مشکور ہیں.

    ان خیالات کا اظہار انہوں نے بدھ کے روز ریڈ کریسنٹ سوسائٹی بلوچستان میں پاک چین فرینڈشپ ہیلتھ کیئر سینئر کی افتتاحی تقریب کے شرکاء سے خطاب کرتے ہوئے کیا. پاک چین دوستی ہیلتھ کیئر سینئر کی افتتاحی تقریب کے شرکاء سے خطاب کرتے ہوئے گورنر بلوچستان نے اس بات پر یقین کا اظہار کیا کہ آنے والے دنوں میں ریڈ کریسنٹ سوسائٹی کے زیر اہتمام ہیلتھ کیئر سینٹر بہت جلد فعال ہوگا اور صوبے بھر کے لوگ اس سے بھرپور طریقے سے مستفید ہونگے.

    انہوں نے کہا کہ ہمارا صوبہ ملک کے دیگر صوبوں کے مقابلے میں پیچھے رہ گیا ہے اور یہاں گذشتہ کئی دہائیوں میں جو کچھ کرنا چاہئے تھا وہ بدقسمتی سے نہیں کیا گیا. گورنر یاسین زئی نے کہا کہ ہماری بھرپور توجہ اور مسلسل جدوجہد سے ریڈ کریسنٹ سوسائٹی کا ادارہ کافی فعال ہوچکا ہے. انہوں نے ریڈ کریسنٹ سوسائٹی بلوچستان کے پلیٹ فارم سے کورونا جیسی عالمی وباء سمیت مختلف حوالوں سے کی گئیں کاوشوں کو سراہا. گورنر یاسین زئی نے کہا کہ آٹھ اگست 2016 ہماری تاریخ کا وہ سیاہ ترین دن ہے جس دن ہم صوبے کے بہت سے سینئر وکلاء سے محروم ہوگئے.

    افتتاحی تقریب سے چئیرمین پاکستان ریڈ کریسنٹ سوسائٹی ابرار الحق، ہلال احمر بلوچستان کے سربراہ ایڈووکیٹ اکرم شاہ اور پی ٹی آئی کے مشیر برائے پاک چین تعاون بایزید خان کاسی نے بھی کے شرکاء سے خطاب کیا. افتتاحی تقریب کے اختتام کے موقع پر شرکاء، معذور افراد اور سکول کے بچوں میں شیلڈز، ویل چیئرز اور بیگز تقسم کئے گئے.

  • پنجاب ایمرجنسی سروس نے 24 گھنٹوں میں ہونیوالے حادثات کی تفصیل جاری کر دی

    پنجاب ایمرجنسی سروس نے 24 گھنٹوں میں ہونیوالے حادثات کی تفصیل جاری کر دی

    پنجاب بھرمیں 862 ٹریفک حادثات میں 14افراد جاں بحق 922 زخمی ہوئے

    تفصیلات کے مطابق پنجاب ایمرجنسی سروس نے گذ شتہ 24گھنٹوں کے دوران پنجاب بھرمیں 862روڈ ٹریفک حادثات پر ریسپانڈ کیا جس میں 559افراد شدید زخمی ہوگئے جنہیں فوری طور پر نزدیکی ضلعی اور تحصیل کے ہسپتالوں میں منتقل کیا گیا۔363معمولی زخمی لوگوں کو ریسکیومیڈیکل ٹیمز کی جائے حادثہ پر بروقت طبی امداد فراہم کرنے کی وجہ سے ہسپتالوں پر بوجھ بھی کم ہوا۔

    ان حادثات میں زیادہ تر تعداد (65فیصد)موٹر سائیکلز حادثات کی ہے اس لیے وقت کی ضرورت ہے کہ روڈ ٹریفک حادثات کی بڑھتی ہوئی شرح کو کم کرنے کے لیے ٹریفک قوانین پر سختی سے عمل کیا جائے اوراولین کے نظم و ضبط کا خیال رکھیں۔

    اعداد و شمار کے مطابق ریسکیو 1122کے صوبائی مانیٹرنگ سیل کو موصول ہونے والی ایمرجنسی کالز کے مطابق ان ٹریفک حادثات 359ڈرائیوز،کم عمرڈرائیور35مسافر433اور144پیدل چلنے والے افراد متاثر ہوئے۔اعدادو شمار سے ظاہر ہوتا ہے کہ195ٹریفک حادثات کی فون کالز لاہور کنٹر ول روم میں موصول ہوئیں، جن میں صوبائی درالحکومت185متاثرین کے ساتھ پہلے فیصل آباد86حادثات میں 94متاثرین کے ساتھ دوسرے اورملتان54حادثات میں 57متاثرین کے ساتھ تیسرے نمبرپررہا۔

    واضح رہے کہ ان ٹریفک حادثات کے کل936متاثرین میں 716مرد اور220خواتین شامل ہیں جبکہ زخمی ہونیوالوں میں 183افراد کی اوسط عمر18سال سے کم اور 491افراد کی اوسط عمر 18سے 40سال کے درمیان جبکہ262زخمی افراد کی اوسط عمر 40سال سے زائد ہے۔ان ٹریفک حادثات کے بیشتر واقعات میں 706موٹر سائیکلز،113آٹو رکشے،99موٹر کاریں،25وین10مسافربسیں،22ٹرک اور111دوسری اقسام کی گاڑیاں شامل ہیں۔

  • راولپنڈی پولیس کی کاروائی، معروف گینگ کا سرغنہ گرفتارکر لیا

    راولپنڈی پولیس کی کاروائی، معروف گینگ کا سرغنہ گرفتارکر لیا

    آر اے بازار پولیس کی اہم کاروائی، موٹرسائیکل چوری اور سنیچنگ کی وارداتوں میں ملوث شہباز گینگ کا سرغنہ 2 ساتھیوں سمیت گرفتار،

    تفصیلات کے مطابق ملزمان کے قبضہ سے چوری شدہ 10 موٹر سائیکل ،چھینے گئے 2 موبائل فونز اور وارداتوں میں استعمال ہونے والے2 پستول معہ ایمونیشن و خنجر برآمد کر لیے گئے ایس ایچ او تھانہ کے مطابق گرفتارملزمان میں گینگ کا سرغنہ شہباز شاہ، شعیب امجد اور عرفان شاہ شامل ہیں،

    ملزمان کے خلاف کاروائی ایس ڈی پی او کینٹ کی زیرنگرانی ایس ایچ او آر اے بازار اوران کی ٹیم نے کی، عوام کی جان ومال کا تحفظ پولیس کی اولین ذمہ داری ہے، اس مقصد کیلئے تمام ممکنہ وسائل کو بروئے کار لایا جارہا ہے، سی پی او محمد احسن یونس کی جانب سے ایس پی پوٹھوہار، ایس ایچ او آر اے بازار اور پولیس ٹیم کو شاباش دی گئی

  • پنجاب فوڈ اتھارٹی کی بڑی کاروائی،ملاوٹ کی کوشش ناکام

    پنجاب فوڈ اتھارٹی کی بڑی کاروائی،ملاوٹ کی کوشش ناکام

    لاہوری کھابوں میں جانوروں کی آلائشوں سے نکلے کوکنگ آئل، جعلی کیچپ کی ملاوٹ کی کوشش ناکام بنا دی تفصیلات کے مطابق کروول گھاٹی اور دیگر علاقوں میں پنجاب فوڈ اتھارٹی کی بڑی کاروائی،6000کلو بھیڑکی آنتڑیاں،350کلو مضر صحت ناقص کیچپ، 1000 کلوملاوٹی دودھ تلف کردیا گیا ،10فوڈپوائنٹس کی چیکنگ،6سیل،ایک پروڈکشن بندا ور 3فوڈ پوائنٹس کو اصلاحی نوٹسز جاری کر دیے گئے

    ڈی جی فوڈ کے مطابق سابقہ ہدایات کی خلاف ورزی پر بیڈن روڈ پر پنجاب آئس کریم شاپ کو سیل کر دیا گیا۔مکھیوں کی بھرمار اور ٹوٹے فنگس زدہ فریزر کے استعمال پر کارروائی عمل میں لائی گئی۔گندے زنگ آلود برتنوں کے استعمال پر چونگ میں کیچپ مائیونیز فیکٹری سلوی فوڈز کو سربمہر کر دیا گیا،

    غیر معیاری دودھ کی فروخت پر دبئی ٹاؤن میں نیو غوثیہ ملک شاپ اور گلبرگ میں انصاری ملک شاپ کو سیل کردیا گیا،ٹوٹے خراب انڈے استعمال کرنے پر ساہیوال میں حادی بیکرز پروڈکشن یونٹ کو سیل کر دیا گیا۔استعمال شدہ آئل میں میں مٹھائی تیارکرنے پر راولپنڈی میں ہاشم بوندی یونٹ کو سیل کر دیا۔

    ریکارڈ کی عدم موجودگی پر سبزہ زار لاہور میں دن انٹرپرائززساسیجز پروسیسنگ یونٹ کی پروڈکشن اصلاح تک بند کر دی گئی,ناقص غیر معیاری اشیاء خورونوش کا استعمال انسانی صحت کے لیے انتہائی مضر ثابت ہوتا ہے۔پنجاب فوڈ اتھارٹی قوانین کی خلاف ورزی کرنے والے فوڈ پوائنٹس کو ہرگز کام کرنے کی اجازت نہیں دی جائے گی۔حکومت پنجاب کے ویژن کے مطابق محفوظ خوراک کی یقینی فراہمی اولین ترجیح ہے۔