Baaghi TV

Tag: baaghi

  • امام مسجد سے اسلحہ کے زور پر واردات ،نوٹس کی اپیل

    قصور
    تھانہ صدر کی حدود میں امام مسجد سے واردات ،اسلحہ کے زور پر لوٹ لیا

    تفصیلات کے مطابق قصور کے تھانہ صدر کے علاقے کوٹلی پٹھاناں قبرستان کے قریب ڈکیتی کی واردات میں 4 مسلح ڈاکوؤں نے اسلحہ کے زور پر امام مسجد خالد علوی سے 45 ہزار روپے نقدی اور دیگر قیمتی کاغذات لوٹے اور فرار ہو گئے

    خالد علوی امام مسجد اپنے گھر سے رشتے داروں کے گھر فوتگی پر جا رہا تھا کہ کوٹلی پٹھاناں قبرستان کے قریب 4 مسلح ڈاکو نے اسلحہ کے زور لوٹا
    تھانہ صدرکے علاقے میں چوری ڈکیتی کی وارداتیں روزانہ کا معمول بن گئیں ہیں جبکہ تھانہ صدر پولیس ڈاکو پکڑنے میں ناکام ہے

    شہریوں نے وزیر اعلی پنجاب آئی جی پنجاب ڈی پی او قصور سے نوٹس لے کر شہر اور گردونواح میں لوگوں کی زندگیاں اجیرن بنانے والے ڈاکوؤں کو گرفتار کرنے کا مطالبہ کیا ہے تاکہ شہری خود کو محفوظ سمجھ سکیں

  • کائیٹ فلائنگ ایکٹ کی خلاف ورزی پر درجنوں گرفتار

    قصور
    تحصیل چونیاں میں پتنگ بازی کیخلاف سوشل میڈیا پر وائرل ویڈیو کے بعد پولیس کی جانب سے پتنگ بازوں کے خلاف بھرپور کریک ڈاؤن، 8 ملزمان گرفتار، سینکڑوں پتنگیں اور ڈور کی چرخیاں برآمد،مقدمات درج

    تفصیلات کے مطابق قصور کی تحصیل چونیاں میں گزشتہ دنوں ایک شہری نے سرعام اڑتی پتنگوں کی ویڈیو بنا کر سوشل میڈیا پر وائرل کی اور قصور کی صحافی برادری و قصور پولیس کی توجہ اس جانب مبذول کروائی جس پر
    ڈی پی او محمد عیسیٰ خاں کی ہدایت پر تھانہ سٹی چونیاں پولیس نے پتنگ بازوں کے خلاف بھرپور کریک ڈاؤن کیا

    ایس ایچ او محمد ارشاد کی سربراہی میں پولیس ٹیمیں چھتوں پر موجود رہیں
    اور کریک ڈاؤن کے دوران 8 پتنگ بازوں کو گرفتار کیا گیا جن کے قبضہ سے سینکڑوں پتنگیں اور کیمیکل ڈور کی چرخیاں برآمد ہوئیں ہیں

    گرفتار ملزمان کے خلاف کائیٹ فلائنگ ایکٹ کی خلاف ورزی پر مقدمات درج کرکے کاروائی شروع کر دی گئی ہے اور شہریوں کو تنبیہہ کی گئی ہے کہ پتنگ بازی سے باز رہیں ورنہ پتنگ سازی اور پتنگ بازی کے خلاف سخت کاروائی کی جائے گی

  • ماں پر فائرنگ کرنے والا بدبخت بیٹا گرفتار کر لیا گیا

    قصور
    والدہ پر فائرنگ کر کے زخمی کرنیوالے بدبخت بیٹے کو پولیس نے گرفتار کر لیا

    تفصیلات کے مطابق تھانہ صدر قصور پولیس کء ایس ایچ او غلام صابر کی سربراہی میں پولیس ٹیم کاروائی کرتے ہوئے
    والدہ پر قتل کی نیت سے فائرنگ کر کے زخمی کرنیوالے بدبخت بیٹے کو گرفتار کر لیا گیا ہے
    کچھ دن قبل تھانہ صدر قصور کی حدود کھارہ کی رہائشی خاتون نسرین بی بی نے تھانہ صدر قصور کو بتایا تھا کہ اسکے بیٹے احتشام نے ائیر گن سے فائرنگ کر کے اسے زخمی کر دیا ہے جس پر تھانہ صدر قصور پولیس نے بروقت کاروائی کرتے ہوئے بدبخت بیٹے احتشام کو گرفتار کر لیا اور
    ملزم احتشام کے قبضہ سے ائیر گن اور ایک عدد پسٹل برآمد بھی برآمد کیا
    ملزم کے خلاف ارادہ قتل و نا جائز اسلحہ کے الگ الگ مقدمات درج کر لئے گئے ہیں

  • 19 سال سے مطلوب خطرناک اشتہاری مجرم گرفتار

    19 سال سے مطلوب خطرناک اشتہاری مجرم گرفتار

    قصور
    19 سال سے قتل اور دہشت گردی کے 4 اور قتل کے 10 مقدمات میں مطلوب خطرناک اشتہاری گرفتار

    تفصیلات کے مطابق تھانہ بی ڈویژن پولیس قصور کے ایس ایچ او محمد اسلم بھٹی کی سربراہی میں کاروائی کرتے ہوئے پولیس ٹیم نے قتل کے 10 اور دہشت گردی کے 4 مقدمات میں مطلوب خطرناک اشتہاری مجرم اسحاق کو گرفتار کر لیا ہے
    تھانہ راجہ جنگ موضع میر محمد کا رہائشی محمد اسحاق ولد ریاض عرصہ 19 سال سے مفرور چلا آ رہا تھا جس پر
    3 تھانوں بی ڈویژن، راجہ جنگ اور مصطفیٰ آباد میں 7ATA، قتل اور اقدام قتل کے مقدمات درج تھے
    مجرم اشتہاری نے سال 2006 میں ضلع کچہری قصور میں پیشی پر آنیوالے اپنے مخالف محمد اشرف کو فائرنگ کر کے قتل کیا تھا اور سال 2006 میں قصور کے گاؤں کھارہ میں اپنے 2 مخالفین اللہ وسایا اور سرفراز کو ساتھیوں کیساتھ ملکر قتل کیا تھا اس کے بعد 2008 میں راجہ جنگ کے علاقہ راؤ خانوالا میں اپنے 4 مخالفین کو فائرنگ کر کے قتل کیا
    اور سال 2008 میں ہی راجہ جنگ کے علاقہ میر محمد میں اپنے 3 مخالفین کو فائرنگ کر کے قتل کیا تھا
    قصور تھانہ بی ڈویژن پولیس نے جدید ٹیکنالوجی کو بروئے کار لاتے ہوئے مجرم کو گرفتار کیا اور حسب ضابطہ تمام مقدمات میں گرفتار کر کے مزید تفتیش شروع کر دی گئ ہے
    ڈی پی او محمد عیسیٰ خاں نے اچھی کارکردگی پر تھانہ بی ڈویژن پولیس کو شاباش دی ہے اور قصور کے شہریوں نے ایس ایچ او اسلم بھٹی اور ان کی ٹیم کو سراہا ہے

  • باؤنڈری والز نا ہونے باعث 8 افراد جانبحق ،وزیر اعلی سے نوٹس کی اپیل

    باؤنڈری والز نا ہونے باعث 8 افراد جانبحق ،وزیر اعلی سے نوٹس کی اپیل

    قصور
    ٹریفک پولیس قصور و ضلعی انتظامیہ قصور کی سخت نااہلی 8 قیمتی جانوں کو نگل گئی، اوور سپیڈ گاڑی باؤنڈری وال نا ہونے باعث روہی نالے میں اتر گئی، ایک خواجہ سرا سمیت 8 افراد جانبحق٫ 2 شدید زخمی،پورے ضلع میں بیشتر چھوٹے بڑے پلوں پر باؤنڈری والز نہیں،ضلعی انتظامیہ بے خبر،ٹریفک پولیس کی مانیٹرنگ صرف اوقات دن تک محدود

    تفصیلات کے مطابق قصور ٹریفک پولیس اور ضلعی انتظامیہ قصور کی سخت نااہلی 8 قیمتی جانوں کو نگل گئی
    آج رات تقریباً دو بجے اوور سپیڈ گاڑی رائیونڈ سے آتے ہوئے سیم نالہ،کھارا روہی میں اتر گئی جس کے باعث 8 افراد جانبحق ہو گئے
    بھٹہ سوہن قصور کے رہائشی 10 مسیحی FAW کیڑی ڈبہ میں سوار شادی فنکشن کے بعد رائیونڈ سے قصور کی طرف آ رہے تھے کہ حدود تھانہ صدر اور پولیس چوکی پیٹرولنگ کھارا موڑ کے بلکل قریب واقع روہی نالہ میں گاڑی اس وجہ سے اتر گئی کہ اول تو شاید گاڑی اوور سپیڈ تھی جسے کسی ٹریفک و پیٹرولنگ اہلکار نے مانیٹر نا کیا دوم یہ کہ روہی نالہ پر باؤنڈری والز نہیں ہیں اس بابت گاڑی بڑی سپیڈ سے روہی نالے میں گری جس کے ٹکڑے بکھر گئے اور 8 افراد بشمول ایک خواجہ سرا جانبحق ہوئے
    واضع رہے کہ اسی طرح باؤنڈری وال نا ہونے اور اوور سپیڈنگ باعث گزشتہ سال دسمبر میں بھی ایک رکشہ اوراڑہ روہی نالہ میں گرنے باعث 6 افراد جانبحق ہوئے تھے اور اس سے بھی قبل 2023 میں اسی مقام پر ٹویوٹا ہائی ایس اسی روہی نالہ میں گرنے پر ڈرائیور جانبحق ہوا تھا
    واضع رہے کہ ضلع بھر کے تمام چھوٹے بڑے بیشتر پلوں پر باؤنڈری والز نہیں ہیں اور ٹریفک پولیس قصور محض دن کے وقت محض کاغذات ہی دیکھتی ہے رات کو نا تو گاڑی کی سپیڈ چیک کی جاتی ہے نا ہی کوئی اہلکار کسی سڑک پر نظر آتا ہے
    قیمتی جانوں کے ضیاع پر غفلت برتنے پر شہریوں نے ڈپٹی کمشنر قصور اور وزیر اعلی پنجاب سے سخت نوٹس لے کر ذمہ داروں کے خلاف کاروائی کا مطالبہ کیا ہے

  • مین ہول میں گر کر دو افراد ہلاک،مین ہول کھلے

    قصور
    تحصیل پتوکی میں ہلاکتوں کے باوجود ضلعی انتظامیہ قصور نے ہوش کے ناخن نا لئے،کوٹ عثمان خان میں سٹی قصور میں شاہراہ پر مین ہول کے ڈھکن غائب،پھر کسی بڑے سانحے کا خدشہ

    تفصیلات کے مطابق گزشتہ چند دن قبل تحصیل پتوکی میں چونیاں روڈ پر کھلے مین ہول میں گر کر جانبحق ہونے والے افراد کی ہلاکت پر کمشنر لاہور نے دورہ کیا تھا اور لواحقین سے ملاقات پر ذمہ داروں کے خلاف سخت کاروائی کی یقین دہانی کروائی تھی
    تاہم ضلعی انتظامیہ قصور نے اس واقعہ سے سبق نہیں سیکھا اور پھر سے کسے سانحے کی منتظر ہے
    قصور شہر کی معروف اور پر رونق شاہراہ کوٹ عثمان خان پر غوثیہ ہارڈویئر کے قریب مین ہول کا ڈھکن غائب ہے جس پر انتظامیہ نے ابھی تک کوئی کاروائی نہیں کی
    اس بابت خدشہ ہے کہ پھر سے کوئی بڑا سانحہ پیش آئے اور اللہ نا کرے پھر سے کوئی جان سے ہاتھ دھو بیٹھے
    شہریوں کا کہنا ہے کہ ضلعی انتظامیہ ہوش کے ناخن لے اور ضلع بھر خاص کر سٹی قصور مین ہولز کے ڈھکن لگائے تاکہ انسانی جانوں کے ضیاع اور حادثات سے بچا جا سکے

  • ڈپٹی کمشنر قصور کیپٹن ریٹائرڈ اورنگزیب حیدر تبدیل

    ڈپٹی کمشنر قصور کیپٹن ریٹائرڈ اورنگزیب حیدر تبدیل

    قصور
    ڈپٹی کمشنر قصور کیپٹن ریٹائرڈ اورنگزیب کی جگہ عمران علی کو تعینات کر دیا گیا،نوٹیفیکشن جاری

    تفصیلات کے مطابق ڈپٹی کمشنر قصور کیپٹن ریٹائرڈ اورنگزیب کی جگہ عمران علی کو ڈی سی قصور تعینات کر دیا گیا ہے
    ان کی تعیناتی کا نوٹیفکیشن جاری کر دیا گیا ہے
    قصور کی سیاسی،سماجی ،صحافی،وکلا برادری و اہلیان قصور نے کیپٹن ریٹائرڈ اورنگزیب کی کاوشوں کو سراہا ہے اور خراج تحسین پیش کیا ہے جبکہ نئے آنے والے ڈپٹی کمشنر کو ویلکم کرتے ہوئے ان سے اچھی توقعات کی امید ظاہر کی ہے کہ وہ میرٹ پر کام کریں گے اور اپنے فرائض منصبی اعلی طریقے سے سرانجام دیتے ہوئے عوام کی فلاح و بہبود کیلئے کام کریں گے

  • پیکا ایکٹ کے خلاف آج مصطفیٰ آباد پریس کلب میں کانفرنس ہو گی

    پیکا ایکٹ کے خلاف آج مصطفیٰ آباد پریس کلب میں کانفرنس ہو گی

    قصور
    آج 17 فروری کو شام 5 بجے مصطفی آباد پریس کلب میں پیکا ایکٹ کے خلاف پریس کانفرنس ہو گی،تمام پریس کلبوں و صحافتی تنظیموں کے صحافی حضرات شرکت کرینگے

    تفصیلات کے مطابق آج 17 فروری 2025 کو بوقت 5 بجے شام فیڈرل یونین آف جرنلسٹس کی کال پر پیکا ایکٹ کے خلاف پریس کلب مصطفیٰ آباد قصور میں پریس کانفرنس ہو گی جس میں تمام پریس کلبوں اور تمام صحافی تنظیموں کے صحافی حضرات شرکت کرینگے اور پیکا ایکٹ کے خلاف اپنا احتجاج ریکارڈ کروائیں گے اور اس ایکٹ میں ترمیم کیلئے گورنمنٹ تک اپنا احتجاج ریکارڈ کروائیں گے
    کانفرنس کی قیادت سینئیر صحافی قصور عطا محمد قصوری،محمد عمران سلفی،حافظ نعمان چوہدری،سعید احمد بھٹی و دیگر سینیئر صحافی کرینگے

  • پیکا ایکٹ کے خلاف بھوک ہڑتالی کیمپ,آج ریلی ہو گی

    پیکا ایکٹ کے خلاف بھوک ہڑتالی کیمپ,آج ریلی ہو گی

    قصور
    پیکا ایکٹ کے خلاف قصور ڈسٹرکٹ پریس کلب و قصور یونین آف جرنلسٹس کے زیر سایہ آزادی صحافت ریلی

    تفصیلات کے مطابق قصور سٹی میں قصور یونین آف جرنلسٹس و قصور ڈسٹرکٹ پریس کلب کے زیر سایہ پیکا ایکٹ کے خلاف 12 سے 14 فروری تک قصور کی صحافی برادری کی جانب سے بھوک ہڑتالی کیمپ لگایا گیا ہے
    آج مورخہ 14 فروری کو بھوک ہڑتالی کیمپ کے اختتام پر صحافی برادری کی جانب سے
    بعد نماز جمعہ 2 بجے سے 3 بجے تک آزادی صحافت ریلی نکالی جائے گی جس میں ضلع بھر کے تمام صحافی حضرات شرکت کریں گے اور گورنمنٹ سے پیکا ایکٹ کے خلاف اپنا احتجاج ریکارڈ کروائیں گے ریلی کی قیادت سینئیر صحافی عطاء محمد قصوری،سعید احمد بھٹی و دیگر سینیئر صحافی کرینگے

  • پیکا ایکٹ کے خلاف قصور میں بھوک ہڑتالی کیمپ

    پیکا ایکٹ کے خلاف قصور میں بھوک ہڑتالی کیمپ

    قصور ڈسٹرکٹ پریس کلب میں تین روزہ بھوک ہڑتال کیمپ لگا دیا گیا ، صحافیوں کی بھرپور شرکت ، پیکا ایکٹ کیخلاف جدوجہد تیز کرنے کا اعلان ، کراچی تا خیبر صحافی یک جان ہیں ،صدر پی ایف یو جے محمد افضل بٹ ، سیکرٹری جنرل ارشد انصاری کی قیادت میں پیکا ایکٹ 2025 کے خاتمہ تک جدوجہد جاری رکھنے کا اعلان ، پاکستان فیڈرل یونین آف جرنلسٹس کی اپیل پر بائی پاس چوک قصور میں صحافیوں نے صدر قصور ڈسٹرکٹ پریس کلب عطا محمد قصوری ، صدر مصطفی آباد محمد عمران سلفی ،عمر شاہین ، طاہر مئیو ، آزاد میڈیا گروپ پریس کلب سے مہر عبدالرحمن ، میاں کاشف ، اطہر سلیم قصوری ، چوہدری سمیع اللہ جٹ ، سجاد انصاری ، باؤ ارشد انصاری ، گروپ لیڈر حاجی ملک آصف ، پیٹرن انچیف پروفیسر ڈاکٹر محمد یوسف آرائیں ، نائب صدر میاں عمران شہزاد انصاری، فنانس سیکرٹری چوہدری محمود الہی چشتی ، خضر حیات وڑائچ ، حاجی تنویر شوکت ، سلیم اللہ باجوہ ، شفیق بھٹی ، اختر قصوری ،ملک فہد علی ، ملک رشید ، سردار جاوید عاشق ڈوگر ، طیب ڈوگر ، عمران شوکت ، ڈاکٹر ظفر اقبال پتوکی سمیت دیگر شریک ہوئے ، صدر قصور ڈسٹرکٹ پریس کلب عطاءمحمد قصوری نے کہا کہ 12 فروری سے جاری بھوک ہڑتال کیمپ روزانہ کی بنیاد پر 14 فروری جمعہ شام 3 بجے تک جاری رہے گا