Tag: baaghi

قصور
گھی کی قیمتیں کم نا ہو سکیں،بلیک مارکیٹنگ مافیا کی من مانیاں جاری،عوام پریشان

تفصیلات کے مطابق قصور میں گھی کی قیمتیں کم نا ہو سکی ہیں جبکہ بڑے بڑے ڈیلروں کی بطور بلیک مارکیٹنگ مافیا من مانیاں جاری ہیں جس کے باعث عام شہری اور چھوٹے دکاندار سخت پریشان ہیں
اس وقت سٹی قصور و گردونواح میں صوفی گھی فی کلو 540 روپیہ،کرن گھی 520 روپیہ اور عام گھی 450 روپیہ فی کلو فروخت ہو رہے ہیں جس پر چھوٹے دکانداروں کا کہنا ہے کہ بڑے بڑے ہول سیل ڈیلر ہمیں مہنگے داموں گھی فروخت کر رہے ہیں جس کے باعث ہم مہنگا خرید کر مہنگا بیچنے پر مجبور ہیں
مہنگے گھی کے باعث شہری سخت پریشان ہیں اور ڈپٹی کمشنر قصور سے مطالبہ کرتے ہیں کہ بلیک مارکیٹنگ مافیا کو کنٹرول کیا جائے اور اشیا ضروریہ کی سرکاری قیمتوں پر فراہمی کو یقینی بنایا جائے

قصور
گزشتہ دن 5 فروری کے موقع پر پاکستان مرکزی مسلم لیگ کی جانب سے عظیم الشان ریلی نکالی گئی،سب سے بڑا کشمیری پرچم لہرا کر اظہار یکجہتی کیا گیا،ہزاروں لوگوں کی شرکت

تفصیلات کے مطابق قصور سٹی میں گزشتہ دن 5 فروری یوم یکجہتی کشمیر کے موقع پر پاکستان مرکزی مسلم لیگ کی جانب سے سب سے بڑا کشمیری پرچم لہرا گیا جس میں ہزاروں افراد نے شرکت کی
چوک کمال چشتی تا چوک اسٹیل باغ تک ریلی نکالی گئی جس میں ہزاروں لوگوں کی شرکت ساتھ تمام سیاسی،مذہبی،وکلا،صحافی و تاجران تنظیموں کے نمائندوں نے خطاب کیا
ریلی میں شامل افراد نے کشمیری پرچم لہرا کر کشمیریوں سے اظہار یکجہتی کیا
ریلی پاکستان مرکزی مسلم قصور کے صدر رانا اشفاق پسروری،محمد بشیر وڑائچ،ظفر اقبال کی قیادت میں نکالی گئی جس میں ہزاروں افراد شریک تھے جنہوں نے کشمیریوں سے اظہارِ یکجہتی کیلئے نعرے بازی کی

قصور
پیٹرولیم مصنوعات کی قیمتوں میں ایک بار پھر سے اضافہ،مہنگائی بے روزگاری اور مہنگی بجلی سے تنگ عوام میں سخت تشویش اور غم و غصہ

تفصیلات کے مطابق رات گورنمنٹ کی جانب سے ایک بار پھر سے پیٹرولیم مصنوعات کی قیمتوں میں اضافہ کر دیا گیا ہے جس کے باعث مہنگائی،بےروزگاری اور مہنگی بجلی سے ستائی ہوئی عوام میں سخت تشویش اور غم و غصہ کی کیفیت پائی جا رہی ہے
گزشتہ رات گورنمنٹ کی جانب سے پٹرول کی قیمت میں 1 روپیہ کا اضافہ ہوا جس کے باعث اب پٹرول فی لیٹر 257 روپیہ 13 پیسے اور ڈیزل 7 روپیہ اضافے کیساتھ ڈیزل کی 267 روپیہ 95 پیسے فی لیٹر ملے گا
شہریوں کا کہنا ہے اگر پیٹرولیم مصنوعات کی قیمتوں میں اسی طرح اضافہ ہوتا رہا تو شہریوں کا جینا حرام ہو جائے گا

قصور
گزشتہ دنوں ڈی جی خان اور ملتان میں ہوئے گیس کنٹینرز دھماکوں سے قصور میں گھومنے والے گیس کنٹینرز سے لوگ پریشان،بم ڈسپوزیبل اسکواڈ اور ڈپٹی کمشنر قصور سے نوٹس کی اپیل

تفصیلات کے مطابق گزشتہ دنوں ملتان اور کل ڈی جی خان میں گیس کنٹینرز سے لیکج کے باعث ہونے والے دھماکوں کی بابت شہر قصور کے لوگ خوف میں مبتلا ہیں کیونکہ قصور کے مضافات میں بھی گیس کے کیپسول نما کنٹینرز گزرتے ہیں
اور زیادہ تر ان کنٹینرز کے گزرنے کا وقت دن کے اوقات میں ہے جس کے باعث لوگ تشویش میں مبتلا ہیں
شہریوں نے بم ڈسپوزیبل اسکواڈ اور ڈپٹی کمشنر قصور سے مطالبہ کیا ہے کہ ان کنٹینرز کو رات کے مخصوص اوقات میں سڑکوں پر آنے کی اجازت دی جائے اور دن کے وقت سڑکوں پر ان کو نا آنے دیا جائے تاکہ لوگوں کو تحفظ کا احساس ہو سکے اور کسی بڑے سانحے سے بچا جا سکے

قصور
ضلع کے واحد ڈی ایچ کیو ہسپتال میں ادویات نایاب،نا ایمرجنسی نا او پی ڈی میں ادویات میسر،شہریوں میں سخت تشویش،وزیر اعلی پنجاب اور وزیر صحت سے نوٹس کی اپیل

تفصیلات کے مطابق ضلع قصور کے واحد ڈی ایچ کیو ہسپتال المعروف بابا بلہے شاہ ہسپتال قصور سٹی میں ادویات کی سخت قلت ہے جس بابت مریضوں کیساتھ ساتھ ڈاکٹرز بھی سخت پریشان ہیں
ادویات نا ملنے پر مریض سخت پریشان ہیں اور ڈاکٹرز سے تکرار کرتے ہیں
نا تو ایمرجنسی سے ادویات ملتی ہیں نا ہی او پی ڈی سے
مجبوراً ڈاکٹرز کو ادویات لکھ کر دینی پڑتی ہیں
اس ساری صورتحال پر شہریوں میں سخت تشویش پائی جا رہی ہے
شہریوں نے وزیر اعلی پنجاب اور وزیر صحت پنجاب سے ادویات کی قلت کو دور کرکے ادویات کی فراہمی کو یقینی بنائے کی استدعا کی ہے