قصور
ڈی پی اوقصور عبدالغفارقیصرانی نے کہا کہ محرم الحرام کے دوران سکیورٹی انتظامات پر معمولی غفلت بھی برداشت نہیں کی جائے گی ن خیالات کا اظہار وہ گزشتہ روز اپنے آفس میں ایس ایچ اوز کیساتھ میٹنگ کے دوران کررہے تھے میٹنگ میں ایس پی انویسٹی گیشن شہباز الٰہی، ڈی ایس پی سٹی رائے احسان الٰہی، ڈی ایس پی صدر عالم شیر جاوید، ڈی ایس پی چونیاں نعیم احمد ورک،ڈی ایس پی پتوکی رضوان منظور چیمہ، انچارج برانچز ودیگر پولیس افسران موجود تھے۔ڈی پی اوقصور نے میٹنگ کے دوران تمام ایس ڈی پی اوز اور ایس ایچ اوز کے محرم الحرام کے سلسلہ میں کیے گئے انتظامات کا جائزہ لیا اور ان کے متعلق بریفنگ دی۔
ڈی پی اوقصور نے میٹنگ کے دوران کے خطاب کرتے ہوئے کہا کہ زبان بندی والے علماء کرام کسی صورت خطاب نہین کریں گے اور نہ ہی ضلع بندی والے افراد ضلع میں داخل ہوں گے انہوں نے کہا سکیورٹی ڈیوٹی کے دوران تمام پولیس افسران و ملازمین کے پاس ڈیوٹی بک موجود ہوگی جس کے مطابق ڈیوٹی سرانجام دی جائے گی تمام ایس ایچ اوز دس محرم الحرام تک اپنے علاقہ میں موجود رہیں گے۔محرم الحرام کے دوران زائرین کی حفاظت کیلئے جلوسوں کے اردگرد خار دار تاریں لگوائیں۔حساس مقامات کو چیک کرنے کیساتھ ساتھ سرچ آپریشن کریں تاکہ محرم الحرام میں فول پروف سکیورٹی انتظامات کو یقینی بنایا جاسکے۔ مختلف مکاتب فکر کے علماء کے ساتھ میٹنگ کریں کہ وہ کسی قسم کی فرقہ واریت کو ہوا نہ دیں۔انہوں نے کہا کہ اسلحہ کی نمائش اور ہوائی فائرنگ کسی صورت برداشت نہیں کی جائے گی صرف ولنٹیئرز مجلس کے مقام پر اسلحہ رکھ سکتے ہیں لیکن جلوس کیساتھ کسی کو بھی اسلحہ ساتھ لیکر چلنے کی اجازت نہیں ہوگی۔دریں اثناء ڈی پی اوقصور نے تما م ایس ایچ اوز کی کارکردگی کا جائزہ لیا اور سختی سے ہدایت کی کہ تھانوں میں شریف شہریوں کیساتھ بدسلوکی اور کرپشن کی معمولی شکایت بھی برداشت نہیں کی جائے گی عوام کے ساتھ خوش اخلاقی کے ساتھ پیش آئیں اور تھانوں میں شہریوں کو عزت دیں اور عوام کی جان و مال کی حفاظت اور جرائم کے خاتمے کے لیے دن رات ایک کردیں
Tag: baaghi
محرم کیلئے سیکیورٹی پلان
عرب اتحاد نے یمنی حوثیوں کےمیزائل مار گرائے
جازان (اے پی پی) عرب اتحاد نے یمنی حوثیوں کے جازان پر داغے 6 بیلسٹک میزائل مار گرائے.
تفصیلات کے مطابق سعودی عرب کی قیادت میں عرب اتحاد نے یمن سے حوثی باغیوں کے فائر کیے گئے6 بیلسٹک میزائل ان کے ہدف تک پہنچنے سے پہلے ہی مار گرائے ہیں. عرب اتحاد نے گزشتہ شب جاری کردہ ایک بیان میں کہا کہ یہ بیلسٹک میزائل یمن کے شمالی صوبے صعدہ سے سعودی عرب کے جنوبی شہر جازان کی جانب فائر کیے گئے تھے جنہیں عرب اتحاد نے کامیابی سے تباہ کر دیا ہے۔
شمالی کوریا کا میزائل تجربہ، جاپان اور امریکا کے درمیان اختلافات
واشنگٹن (اے پی پی) شمالی کوریا کے میزائل تجربہ پر جاپان اور امریکا کے درمیان اختلافات پیدا ہوگئے.
تفصیلات کے مطابق امریکی صدر ڈونلڈ ٹرمپ اور جاپانی وزیراعظم شینزو آبے نے شمالی کوریا کی جانب سے نئے میزائل تجربات پر مختلف نکتہ ہائے نگاہ کا اظہار کیا ہے۔ شمالی کوریا کی جانب سے کم فاصلے تک مار کی صلاحیت کے حامل میزائلوں کے تجربات پر امریکی صدر ڈونلڈ ٹرمپ نے کہا ہے کہ ان تجربات نے کسی معاہدے کی خلاف ورزی نہیں کی جب کہ شینزو آبے کا کہنا ہے کہ یہ تجربات کر کے شمالی کوریا اقوام متحدہ کی قرادادوں کی خلاف ورزی کا مرتکب ہوا ہے۔ ہفتے کے روز شمالی کوریا نے مختصر فاصلے تک مار کی صلاحیت کے حامل بیلسٹک مزائل کا تجربہ کیا تھا۔
بریکنگ: 24 دہشت گرد ہلاک کردئیے گئے
انقرہ (اے پی پی) ترک فضائیہ نے کارروائی کرتے ہوئے 24 دہشت گرد ہلاک کردئیے.
تفصیلات کے مطابق ترکی کی وزارت قومی دفاع نے کہا ہے کہ گذشتہ روز ترکی کے اندر کی جانے والی دہشتگردوں کے ٹھکانوں کے خلاف فضائی کارروائی کے دوران 24 دہشت گردوں کو ہلاک کردیا گیا ہے۔ وزارت سے جاری کردہ بیان میں کہا گیا ہے کہ گذشتہ روز ملکی حدود کے اندر اور سرحد پار سے فضائی آپریشن کے دوران 11 شدت پسندوں کو ملکی حدود کے اندر جبکہ 13 کو سرحدوں سے باہر ہلاک کردیا گیا ہے۔ وزارت دفاع کا کہنا ہے کہ ملک بھر سے آخری دہشگرد کے خاتمے تک آپریشن جاری رکھا جائے گا۔
عرس تقریبات آج ختم ہونگیں
قصور عرس بابا بلہے شاہ کی تقریبات آج ختم ہو جائینگیں
تفصیلات کے مطابق قصور میں بابا بلہے شاہ کے عرس کا آج تیسرا دن ہے اور لوکل گورنمنٹ کی طرف سے سرکاری چھٹی بھی ہے جس کے باعث زائرین کا شدید رش ہے سڑکوں پر ٹریفک جام ہے جبکہ موسم سخت گرم ہونے کے باعث چند زائرین کی معمولی طبیعت خراب ہونے کی اطلاعات بھی ملی ہیں عرس کی تقریبات آج تیسرے دن میں داخل ہو کر رات تک ختم ہو جائینگی مگر دور سے آئے زائرین چند دن دربار اور اپنے عزیز و اقارب کے ہاں قیام کرتے ہیں
چھانگا مانگا کے قریب حادثہ
پتوکی چھانگا مانگا روڈ پر حادثہ
تفصیلات کے مطابق پتوکی سے رائیونڈ جانے والا ٹیوٹا ہائی ایس الٹ گیا
ہائی ایس چھانگا مانگا کے قریب تیز رفتاری کے باعث الٹ گیاجس کے نتیجے میں سات افراد شدید زخمی ہوئے
مگر اللہ کے خاص فضل سے اس حادثے میں کوئی جانی نقصان نہیں ہوا
زخمیوں کو چھانگامانگا ہسپتال منتقل کر دیا گیا ہے
مغوی بازیاب
قصور
سٹی پتوکی پولیس کے انسپکٹر اسلم بھٹی نے چھاپہ مار کر زنجیروں میں جکڑے اغوا ہونے والے نوجوان محمد ارشاد عرف عمران کو بازیاب کرلیا
تفصیلات کے مطابق پتوکی کے نواحی گاﺅں ویرم چک 4 کے رہائشی محمد اسلم کے بھائی محمد ارشاد عرف عمران اپنی شادی کی شاپنگ کے لئے گاﺅں سے شہر آرہا تھا کہ ملزم اصغر علی نے اپنے دیگر ساتھوں کے ہمراہ روک لیا اور محمد ارشاد عرف عمران کو اغوا کرکے ایک گھر میں لے گئے ملزمان نے اغوا ہونے والے نوجوان کو زنجیروں می جکڑ کر ایک کمرے میں بند کر دیا
اغوا ہونے والے نوجوان کے بھائی محمد اسلم نے تھانہ سٹی پولیس پتوکی کواطلاع دی جس پرسٹی پولیس پتوکی کے انسپکٹر اسلم بھٹی نے چھاپہ مار کر زنجیروں میں جکڑے اغوا ہونے والے نوجوان محمد ارشاد عرف عمران کو بازیاب کر لیا سٹی پولیس پتوکی نے دو ملزمان اصغر علی اور عون علی کو موقع سے گرفتار کر لیا ان کے تین ساتھی موقع سے فرار ہونے میں کامیاب ہوگئے سٹی پولیس پتوکی نے مدعی محمد اسلم کی تحریری درخواست پر اصغر علی ، عون علی شہزاد علی سمیت پانچ ملزمان کے خلاف مقدمہ درج کر لیا ھے
اسلامی جمیعت طلبہ کی کشمیر ریلی
قصور
اسلامی جمعیت طلبہ کھڈیاں خاص نے کشمیر میں بڑھتی ہوئی کشیدگی اور مسلمانوں کی نسل کشی کے خلاف کل بروز ہفتہ یکجہتی کشمیر ریلی نکالی جس میں طلبہ کی بڑی تعداد نے شرکت کیتفصیلات کے مطابق ناظم اعلی اسلامی جمعیت طلبہ لاہور ڈویژن مشاری محمود نے طلبہ سے مخاطب ہوتے ہوئے کہا کہ کشمیر پاکستان کی شہ رگ ہے اور مسلمان ہمارے بہن بھائی ہیں کشمیریوں پر ظلم کسی صورت برداشت نہیں کیا جائیگا نریندر مودی نے انسانیت کی دھجیاں اڑا کر رکھ دی ہے اگر یہ مظالم نہ رکے تو اسلامی جمعیت طلبہ LOC تک مارچ کرے گی اور کشمیریوں کے حق میں ہر ممکن آواز بلند کرے گی حکومت پاکستان سے بھی مطالبہ ہے کہ بھارت کی کشیدگی کی وجہ سے تین فوجی جوان شہید ہوچکے ہیں بھارت کو بھرپور جواب دیا جائے اگر کشمیر آج آزاد نہ کروایا گیا تو کبھی آزاد نہیں کروایا جا سکتا پوری دنیا میں مسلمانوں پر ظلم ڈھائے جا رہے ہیں امت مسلمہ آج پھر اکٹھی ہوگئی ہے اگر مسلمانوں پر ظلم و زیادتی ختم نہ کیا گیا تو طاغوتی قوتیں اپنے انجام کی خود ذمہ دار ہوں گی
قصور سرکاری اداروں کی چھٹی
قصور میں کل تمام سرکاری اداروں کی چھٹی کا اعلان
تفصیلات کے مطابق عرس بابا بلہے شاہ کی تقریبات کے سلسلے میں کل بروز پیر تمام سرکاری اداروں کو چھٹی ہو گی چھٹی کا اعلان ضلعی انتظامیہ کی جانب سے کیا گیا ہے اس سے قبل بھی ہر سال عرس کے موقع ضلعی انتظامیہ کی طرف سے ایک روزہ چھٹی کی جاتی ہےعرس بلہے شاہ کی تقریبات جاری
عرس بابا بلہے شاہ کی تقریبات دوسرے روز بھی جاری
تفصیلات کے مطابق قصور میں عرس بابا بلہے شاہ کی تقریبات جاری ہیں جس کیلئے قصور پولیس کی جانب سے سیکیورٹی کے فول پروف انتظامات کئے گئے ہیں دربار کے چاروں اطراف کو بیریئر لگا کر پیدل لوگوں کے علاوہ ہر قسم کی ٹریفک کیلئے بند کیا گیا ہے للیانی اڈہ،نیابازار ،کوٹ اندرون کے راستے اور گرلز ہائی سکول روڈ کو بیریئر لگا کر بند کیا گیا ہے لوگوں کی داخلے کے وقت سخت چیکنگ کی جا رہی ہے جبکہ زائرین کی تعداد زیادہ ہونے کی وجہ سے پورے شہر میں ٹریفک کو کنٹرول کرنے کیلئے ٹریفک پولیس کے اہلکار دن رات کام کر رہے ہیں
