Tag: baaghi

جدہ (اے پی پی) مدینہ المنورہ سے روزانہ 130 پروازیں حاجیوں کو ان کے وطن لیکر جارہی ہے.

تفصیلات کے مطابق مدینہ المنورہ کے پرنس محمد بن عبدالعزیز انٹرنیشنل ایئرپورٹ سے روزانہ 130 پروازیں حاجیوں کو لے کر اپنے سفر پر روانہ ہو رہی ہیں۔ ایئرپورٹ نے حال ہی میں اسلام قبول کرنے والے 300 افریقی قبائلی رہنماﺅں اور 49 ممالک کے پادریوں جو شاہ سلمان بن عبدالعزیز کے اخراجات پر حج کے لئے بلائے گئے تھے سمیت دیگر حج زائرین کی اپنے ممالک روانگی کے لیے بھی تمام انتظامات مکمل کر لیے ہیں۔ سعودی خبر رساں ادارے کے مطابق سعودی عرب کے عمرہ اور حج کے خصوصی پروگرام کے تحت شاہ سلمان بن عبدالعزیز نے دنیا کے مختلف حصوں سے نومسلموں سمیت 79ممالک سے 6 ہزار 500 زائرین کو سعودی عرب کے خرچ پر حج کرنے کی دعوت دی تھی۔ سعودی وزارت اسلامی امور، کال اینڈ گائیڈینس کے مطابق شاہ سلمان کے مہمان حاجیوں نے پرسکون اور آرام دہ ماحول میں حج کی ادائیگی پر سعودی حکومت کی حج سہولیات اور انتظامات کو بے حد سراہا ہے۔

دوسری جانب مدینہ المنورہ میں محکمہ صحت کی جانب سے صحت اور علاج معالجے کے لیے کنٹرول روم قائم کیا گیا جو مکہ المکرمہ کے مختلف ہسپتالوں میں زائرین کو طبی سہولیات فراہم کر رہا ہے۔ محکمہ کے اسسٹنٹ ڈائریکٹر ڈاکٹر نصیر الحریتی نے کہا کہ کنٹرول روم مریضوں کی نقل وحرکت اور حرم شریف کے مقام پر ایمولینسز کو کیمروں، کمپیوٹرز اور سکرینز کے ذریعے نگرانیکر رہا ہے۔

مکة المکرمہ (اے پی پی) مکہ مکرمہ کے صحنوں میں چھتریاں نصب کرنے کا فیصلہ کرلیا گیا ہے.

تفصیلات کے مطابق مسجد الحرام (مکہ مکرمہ) کے صحنوں میں سائبان کی تنصیب کا کام حج سیزن کے فوری بعد شروع کیا جائےگا۔ مکہ مکرمہ اورمدینہ منورہ کی مقدس مساجد کی انتظامیہ کے سربراہِ اعلیٰ شیخ ڈاکٹر عبدالرحمن السدیس نے اعلان کیا کہ مسجد الحرام (مکہ مکرمہ) کے ساتھ مسجد نبوی شریف ( مدینہ منورہ ) کے صحنوں کے باقی حصے میں بھی دیوہیکل چھتریوں کی تنصیب کا کام رواں حج ختم ہوتے ہی شروع کر دیا جائے گا۔ جبکہ آئندہ رمضان المبارک سے قبل مکمل کر لیا جائے گا۔ڈاکٹر السدیس نے بتایا کہ مسجد الحرام اور مسجد نبوی میں تعمیر و توسیع اور تزئین و خدمات کے سارے منصوبے آئندہ 2برسوں کے دوران مکمل کر لئے جائیں گے۔ صحافیوں سے گفتگو کرتے ہوئے کہا کہ 300سے زیادہ دیوہیکل چھتریاں مسجد الحرام میں نصب کی جائیں گی۔ خانہ کعبہ کے اطراف صحن میں بھی سائبان نصب ہو گا۔

نئی دہلی (اے پی پی) بھارت میں مون سون کی بارشوں سے38 افراد ہلاک ہوگئے جبکہ 18ملین لوگ متاثر ہوئے.

تفصیلات کے مطابق شمالی بھارت میں مون سون بارشوں سے ہلاکتوں کی تعداد بڑھ کر38 ہوگئی ہے۔ دارالحکومت نئی دہلی میں سیلاب کے خطرے کے باعث ہائی الرٹ جاری کر دیا گیا ہے جبکہ ہزاروں افراد سے اپنے گھر بار چھوڑنے کی اپیل کی گئی ہے۔ بھارت میں جون سے لے کر 15 اگست تک مون سون کی بارشوں کے باعث مجموعی طور پر ایک ہزار سے زائد افراد ہلاک ہو چکے ہیں جبکہ ان بارشوں سے متاثر ہونے والے افراد کی تعداد18 ملین سے زائد بتائی گئی ہے۔

کابل (اے پی پی) افغانستان کے صدر اشرف غنی نے کہا ہے کہ داعش کے ٹھکانے تباہ کریں گے.

تفصیلات کے مطابق افغان صدر اشرف غنی نے کہا ہے کہ ان کا ملک داعش کے ٹھکانوں کا صفایا کر کے چھوڑے گا۔ یہ بات انہوں نے پیر کوکابل میں افغانستان کی آزادی کی سو سالہ تقریب سے خطاب کرتے ہوئے کہی۔ کابل میں ہفتے کی شب ایک خودکش حملے میں کم از کم 63 افراد ہلاک اور180 سے زائد زخمی ہو گئے تھے۔ اس واقعے کے بعد آزادی کی سرکاری تقریبات مانند پڑ گئیں اور افغانستان میں آزادی کا دن سادگی سے منایا گیا۔ کابل میں تازہ حملے کی ذمہ داری داعش کے مقامی دہشت گردوں نے قبول کی ہے۔ جس کے بعد اب افغان صدر اشرف غنی نے اعلان کیا ہے کہ داعش کے ٹھکانے تباہ کریں گے.

تہران (اے پی پی) ایران نے امریکا کو دھمکی لگاتے ہوئے کہا ہے کہ امریکا ایرانی آئل ٹینکر کی رہائی کے خلاف کوئی بھی نیا قدم اٹھانے سے گریز کرے.

تفصیلات کے مطابق ایران نے امریکا کو خبردار کرتے ہوئے کہا ہے کہ وہ جبرالٹر میں ایرانی آئل ٹینکر کی رہائی کے خلاف کوئی بھی نیا قدم اٹھانے سے باز رہے۔ ایران کی وزارت خارجہ کے ترجمان عباس موساوی نے اپنے سرکاری ٹیلی ویژن پر کہا کہ ایران نے امریکا کو خبردار کیا ہے کہ وہ برطانیہ کے ایرانی آئل ٹینکر کو جبرالٹر چھوڑنے کے اقدام کے خلاف کوئی بھی نیا قدم اٹھانے سے گریز کرے۔ امریکا کے آئل ٹینکر کی ضبطگی کی نئی دراخواست کے حوالے سے سوال کے جواب میں کہا کہ ایسا قدم سمندروں میں محفوظ شپنگ کے لیے خطرے کا باعث ہو گا، انھوں نے کہا کہ ایران نے اس سلسلے میں سوئٹزرلینڈ کے سفارتخانے کے ذریعے باضابطہ انتباہ جاری کردیا ہے۔