Baaghi TV

Tag: pakistan

  • پی آئی اے اور ایف بی آر میں معاملات طے پاگئے

    پی آئی اے اور ایف بی آر میں معاملات طے پاگئے

    ترجمان پی آئی اے کا کہنا ہے کہ پی آئی اے اور ایف بی آر کے درمیان معملات طے پا گئے ہیں جبکہ ان کا کہنا ہے ضروری کاغذی کاروائی کے بعد بینک اکاونٹس جلد ہی بحال کردئے جائیں گے کیونکہ باغی ٹی وی کے مطابق وفاقی مالیاتی ادارے فیڈرل بورڈ آف ریوینیو (ایف بی آر) نے قومی ائیرلائن پی آئی اے کے تمام بینک اکاؤنٹس منجمد کردیئے تھے۔

    اس سے قبل ایف بی آر ذرائع نے بتایا تھا کہ پی آئی اے پر 4 ارب روپے ٹیکس واجب الادا ہے، واجبات کی عدم ادائیگی پر اکاؤنٹس منجمد کیے گئے ہیںپی آئی اے نے ٹکٹس پر فیڈرل ایکسائز ڈیوٹی (ایف ای ڈی) کی مد میں 4 ارب روپے اکٹھے کر رکھے ہیں۔ جبکہ ترجمان پی آئی اے نے ایف بی آر کی جانب سے بینک اکاؤنٹس منجمد کئے جانے کی تصدیق کرتے ہوئے کہا ہے کہ اکاؤنٹس کی بحالی کیلئے ایف بی آر سے رابطے جاری ہیں ترجمان پی آئی اے کا کہنا ہے کہ اکاؤنٹس بندش کے باوجود فضائی آپریشن جاری ہے۔

    دوسری جانب پاکستان ائیرلائنز( پی آئی اے) کی تنظیم نو کی اجازت دے دی گئی جبکہ ملازمین کی تنخواہوں میں اضافے کی منظوری نہ دی جاسکی پی آئی اے کے بورڈ آف ڈائریکٹرز کے لاہور میں منعقدہ اجلاس میں پی آئی اے انتظامیہ کو تنظیم نو کا مربوط پلان تیار کرنے کی ہدایت کردی گئی جبکہ مالی مسائل کے باعث ملازمین کی تنخواہوں میں اضافے کی منظوری نہ دی جاسکی۔
    قومی ایئر لائن کا چین کے مزید14 شہروں تک رسائی کا فیصلہ
    مزید یہ بھی پڑھیں؛سرمایہ کاروں کی حفاظت نہیں کریں گے تو پھر کوئی نہیں آئے گا،وزیر اعظم
    توشہ خانہ کیس،ٹرائل پر حکم امتناع جاری کرنے کی استدعا پر فیصلہ محفوظ
    چلی سےچارسدہ آنیوالی خاتون نے اسلام قبول کرکے پاکستانی نوجوان سے شادی کرلی
    سیلاب متاثرین کیلئے ہاؤسنگ اسکیم دنیا کا سب سے بڑا منصوبہ ہے، شرجیل میمن

    پی آئی اے ترجمان کے مطابق بورڈ آف ڈائریکٹرزکےاجلاس میں وفاقی وزیر ہوابازی خواجہ سعد رفیق نےبھی شرکت کی،تنظیم نو منصوبے میں پی آئی اے کو دو حصوں میں تقسیم کیا جانا شامل ہےپی آئی اے پر عائد اربوں روپے کے قرضے، نان کور شعبہ جات اور غیر ضروری ملازمین کو پی آئی اے کے پہلے حصہ میں رکھا جائے گا جبکہ دوسرے حصے میں طیارے، تمام منافع بخش اثاثے اور کور شعبہ جات ہوں گے۔

  • عمران خان کی مقدمات دوسری عدالت منتقلی کی درخواستیں مسترد

    عمران خان کی مقدمات دوسری عدالت منتقلی کی درخواستیں مسترد

    چیئرمین پی ٹی آئی عمران خان کی 6 مقدمات دوسری عدالت منتقلی کی درخواستیں مسترد کردی گئی ہیں جبکہ بشریٰ بی بی کی جعلسازی کا مقدمہ دوسری عدالت منتقل کرنے کی درخواست بھی مسترد کی گئی ہے، اسلام آباد ہائیکورٹ کے چیف جسٹس عامر فاروق نے محفوظ فیصلہ سنادیا


    سلام آباد ہائیکورٹ کے چیف جسٹس عامرفاروق نے عمران خان اور بشریٰ بی بی کی درخواستوں پر محفوظ فیصلہ سناتے ہوئے کہا کہ عدالت چیئرمین پی ٹی آئی کے خلاف 9 مئی واقعات، جعلسازی اور دیگر مقدمات میں عمران خان کی 6 مقدمات دوسری عدالت منتقلی کی درخواستیں مسترد کرتی ہے.

    جبکہ عدالت عالیہ نے بشریٰ بی بی کی جعل سازی کا مقدمہ دوسری عدالت منتقل کرنے کی درخواست پر بھی کہا کہ بشریٰ بی بی کی جعل سازی مقدمہ کو دوسری عدالت منتقل کرنے کی درخواست بھی مسترد کی جاتی ہے اور عدالت نے موقف اختیار کیا کہ ان کے پاس کیا ٹھوس وجہ ہے کہ یہ اپنے مقدمات دوسری عدالت منتقل کرنا چاہتے ہیں.
    مزید یہ بھی پڑھیں؛سرمایہ کاروں کی حفاظت نہیں کریں گے تو پھر کوئی نہیں آئے گا،وزیر اعظم
    توشہ خانہ کیس،ٹرائل پر حکم امتناع جاری کرنے کی استدعا پر فیصلہ محفوظ
    چلی سےچارسدہ آنیوالی خاتون نے اسلام قبول کرکے پاکستانی نوجوان سے شادی کرلی
    سیلاب متاثرین کیلئے ہاؤسنگ اسکیم دنیا کا سب سے بڑا منصوبہ ہے، شرجیل میمن

    تاہم یاد رہے کہ گزشتہ روز اسلام آباد ہائیکورٹ کے چیف جسٹس عامر فاروق نے عمران خان اور بشریٰ بی بی کی جانب سے کیسز ٹرائل کے لیے کسی اور کورٹ کو منتقل کرنے کی درخواستوں پر دلائل سننے کے بعد فیصلہ محفوظ کرلیا تھا جو اب انہوں نے پڑھ کردیا ہے.

  • زلفی بخاری کا گھر سیل کر دیا گیا

    زلفی بخاری کا گھر سیل کر دیا گیا

    پاکستان تحریک انصاف کے رہنما زلفی بخاری کے گھر کو سیل کر دیا گیا ہے جبکہ پی ٹی آئی کے رہنما زلفی بخاری کی رہائشگاہ پر اسلام آباد انتظامیہ نے چھاپہ مارا جس میں زلفی بخاری کے گھر پر چھاپہ اسلام آباد انتظامیہ اور پولیس کے 40 سے زائد اہلکاروں شامل تھے، پولیس نے زلفی بخاری کے ملازمین کو گھر سے نکال کر رہائشگاہ سیل کر دی۔


    خیال رہے کہ اس سے قبل پاکستان تحریک انصاف کے مرکزی رہنما زلفی بخاری کے وارنٹ گرفتاری جاری کئے گئے تھے، جوڈیشل مجسٹریٹ محمد شبیر نے زلفی بخاری کے وانٹ گرفتاری جاری کیے تھے پی ٹی آئی رہنما کے خلاف تھانہ گولڑہ میں انسداد دہشتگردی سمیت مختلف دفعات پر مقدمہ درج ہے۔
    مزید یہ بھی پڑھیں؛
    ورلڈ اسکریبل چیمپئن شپ: پاکستان کے عنایت اللہ نے لیٹ برڈ ٹورنامنٹ جیت لیا
    بحیرہ روم کے نو ممالک میں آگ بھڑک اٹھی
    پارلیمنٹ کا مشترکہ اجلاس،الیکشن ایکٹ ترمیمی بل 2023 منظور
    پشاور،محرم الحرام کے موقع پر تمام ہسپتالوں میں طبی عملہ چوکس
    سعودی رائل ائیر فورس کا تربیتی طیارہ گر کر تباہ
    کیپٹن محمد سرور شہید کا 75 واں یوم شہادت، پاک فوج کا زبردست خراج عقیدت
    9 اور 10 ویں محرم الحرام کو پشاور بی آر ٹی سروس معطل رہے گی
    علاوہ ازیں زلفی بخاری 190 ملین پاؤنڈ اسکینڈل میں بھی نامزد ہیں۔ 24 جون کو انہوں نے کیس کے سلسلے میں قومی احتساب بیورو (نیب) میں پیش ہونے سے معذرت کی تھی۔ زلفی بخاری نے نیب کو تحریری جواب جمع کروایا تھا جس میں مؤقف اختیار کیا گیا تھا کہ نیب کا کال اپ نوٹس موصول ہونے کی اطلاع آج ملی، بیرون ملک ہونے کے باعث پیش نہیں ہو سکتا۔

  • وزیر داخلہ نے اسمبلی تحلیل ہونے کی تاریخ بتادی

    وزیر داخلہ نے اسمبلی تحلیل ہونے کی تاریخ بتادی

    وزیرداخلہ رانا ثنااللہ نے اسمبلی تحلیل کرنے کی تاریخ بتادی ہے جبکہ انہوں نے کہا ہے کہ نواگست کی رات اسمبلی تحلیل کردیں گے اور انتخابات کو کسی سازش یا خاص مقصد کے تحت آگے نہیں بڑھایا جائے گا جبکہ وزیر خزانہ کے بارے میں ان کا کہنا تھا کہ اسحاق ڈارکا نام ن لیگ نے نہیں دیا بلکہ تمام جماعتیں متفق ہیں کہ نگراں وزیراعظم سیاستدان ہوگا۔

    معروف صحافی ندیم ملک کیساتھ انٹرویو میں گفتگو کرتے ہوئے انہوں نے کہاکہ بینظیربھٹوکی شہادت کےڈھائی،3ماہ بعدالیکشن ہوئےتھے،کسی سازش کےتحت الیکشن ملتوی نہیں ہوں گے،ایسا نہیں ہوسکت اکہ حکومت3ماہ کی چھٹی پرچلی جائے،ملک میں دہشت گردی کا خطرہ موجود ہے،مردم شماری کی ویری فکیشن بہت ضروری ہے،مردم شماری نوٹیفائی ہونے سے مزید تنازعات جنم لیں گے،بلوچستان کےدوست کہہ رہےہیں ہماری آبادی کو صحیح نہیں گناجاتا، مردم شماری میں سب سےبڑا اعتراض کراچی کی آبادی کا تھا۔

    وفاقی وزیر نے کہا کہ پنجاب کی140سیٹیں ہیں،275کےہاؤس میں سادہ اکثریت سےزیادہ بنتی ہیں،صوبوں کوجودےدیاگیاوہ واپس نہیں لیاجاسکتا،صوبے ریونیو کلیکشن مزید بہتر کریں، ریونیوکلیکشن کانظام تباہی کررہا،ٹیکس لینےمیں زیادتی ہورہی ہے،ٹیکس لینےوالا 50 ہزار کیلئےلاکھ کی جگہ10لاکھ نوٹس کاکہتاہے۔ نجی ٹی وی کے مطابق انہوں نے کہا کہ ہماری پارٹی نےاسحاق ڈارکانام نگراں وزیراعظم کیلئےنہیں دیا،اسحاق ڈار،رضاربانی سمیت کسی سیاستدان کانام ہوسکتاہے،ٹیکنوکریٹ کبھی نیوٹرل نہیں ہوتے، نگراں وزیراعظم سیاست دان کوہوناچاہیے،ہم نےجونام دینےہیں وہ سب دیکھ بھال کردینے ہیں،راجاریاض مہرلگادیں گےتواتحادی نگراں وزیراعظم کےمعاملےکاجائزہ لیں گےراجا ریاض فیصل آبادمیں اچھےامیدوارہیں،ان پرکوئی الزام نہیں۔

    وزیر داخلہ نے کہا کہ پنجاب الیکشن پہلےہوجاتاتویہ عام انتخابات کوبےمعنی کردیتا،یہ لوگ کے پی میں نہیں،صرف پنجاب میں الیکشن کراناچاہتےتھے،چیئرمین پی ٹی آئی پنجاب میں الیکشن کراکرملک کونقصان پہنچاناچاہتاتھا، چیئرمین پی ٹی آئی سیاست میں فتنے،فساد کے طورپرنمودارہوا،چیئرمین پی ٹی آئی مخالفین کوختم کرناچاہتاتھا،کہتاتھامخالفین سےبات کرنےسےبہترہےمرجاؤں۔ انہوں نے کہا کہ ان کوگرفتارکرنےسےبہترہے کیسزمیں ان کاٹرائل ہو،اس نےملک کی سیاست کوتباہ کردیا،سانحہ9مئی پرلوگوں کومعافی مانگنی چاہیے،چیئرمین پی ٹی آئی نے آرمی ایکٹ کی خلاف ورزی کی،ان کاکیس فوجی عدالت میں چلےگا،ان پرآرمی ایکٹ کےعلاوہ کوئی دوسراجرم نہیں لگتا،چیئرمین پی ٹی آئی نےجوجرم کیااس کی سزابھگتیں گے،جن لوگوں نے 9مئی واقعات میں حصہ نہیں لیاوہ الیکشن لڑیں،پرویزخٹک الیکشن میں ہمارےاتحادی نہیں ہوں گے۔
    مزید یہ بھی پڑھیں؛
    ورلڈ اسکریبل چیمپئن شپ: پاکستان کے عنایت اللہ نے لیٹ برڈ ٹورنامنٹ جیت لیا
    بحیرہ روم کے نو ممالک میں آگ بھڑک اٹھی
    پارلیمنٹ کا مشترکہ اجلاس،الیکشن ایکٹ ترمیمی بل 2023 منظور
    پشاور،محرم الحرام کے موقع پر تمام ہسپتالوں میں طبی عملہ چوکس
    رانا ثنا اللہ نےکہا کہ نوازشریف کواسٹیبلشمنٹ نےنکالاتھا،نوازشریف کونہ نکالاجاتاتو ہمارے گلےمیں پھندانہ لگتا،نوازشریف بات نہیں مانتےتھےاس لیےاسٹیبلشمنٹ چیئرمین پی ٹی آئی کولائی،چاہتےہیں چیئرمین پی ٹی آئی کوعدالتی عمل سےنااہل،سزااورجیل ہو،نواز شریف الیکشن سےڈیڑھ ماہ قبل وطن واپس آئیں گے،نوازشریف وطن آئیں گےتو بھرپور استقبال ہوگا، نوازشریف عوام کےسامنےاپناپروگرام رکھیں گے۔

  • عمران خان کی پاپولیرٹی قوانین کو نہیں بدل سکتی. فردوس عاشق

    عمران خان کی پاپولیرٹی قوانین کو نہیں بدل سکتی. فردوس عاشق

    لاہور میں پریس کانفرنس کرتے ہوئے استحکام پاکستان پارٹی کی ترجمان فردوس عاشق اعوان نے کہا کہ گرین انیشٹیو پاکستان کی سیاست اور معیشت دونوں کے لیے مشعل راہ ثابت ہوگا، عسکری سپہ سالاراقتصادی سپہ سالارکاکرداراداکررہےہیں، سپہ سالار نےسبزباغ دکھانےکےبجائےمستقبل کا روڈ میپ دیا ہے جسے سراہا جانا ہے.

    چیئرمین پی ٹی آئی پر تنقید کرتے ہوئے انہوں نے کہا کہ نو مئی کے بعد سیاست پر جو لرزہ طاری کیا گیا وہ ہم سب کے لیے لمحہ فکریہ ہے، آپکی پاپولیرٹی قوانین کو نہیں بدلتی ،آپ ٹک ٹاکرز بن جائیں یا سوشل ویوز حاصل کر لیں قوانین نہیں بدل سکتے، قومی اداروں پرحملہ آور ہونا اور پھر شہدا کی بے حرمتی کرنا سیاست نہیں ہے بلکہ سیاست اپنی ذات کی نفی کا نام ہے۔

    ترجمان آئی پی پی نے مزید کہا ملک میں گرین سیاست ک اآغاز ہونے جارہا ہے9مئی کے بعدگرین سیاست ملک کی ضرورت تھی ، ذات کے ساتھ کھڑی سیاست دم توڑ چکی ہے ، درس کربلا بھی یہی ہے کہ مقصد کے لیے اپنی ذات کو قربان کر دیں اور جب بھی کسی سیاست دان کو اقتدار ملا بدقسمتی سے وہ ڈکٹیٹر بن گیا لیکن تمام مسائل کا ایک ہی علاج ہے وہ ہے جمہوریت اور صرف جمہوریت.

    مزید یہ بھی پڑھیں؛
    ورلڈ اسکریبل چیمپئن شپ: پاکستان کے عنایت اللہ نے لیٹ برڈ ٹورنامنٹ جیت لیا
    بحیرہ روم کے نو ممالک میں آگ بھڑک اٹھی
    پارلیمنٹ کا مشترکہ اجلاس،الیکشن ایکٹ ترمیمی بل 2023 منظور
    پشاور،محرم الحرام کے موقع پر تمام ہسپتالوں میں طبی عملہ چوکس
    علاوہ ازیں انہوں نے کہا کہ ہم نےعلامہ اقبال کےنظریےکومشعل راہ بنایاہے،ضلعی عہدیداران کوممبرشپ کاعمل مکمل کرنےکی ہدایت کردی ہے ،14اگست سےآئی پی پی سیاسی سفرکابھرپورقوت سےمظاہرہ کرےگی۔

  • عدالت سے رہائی کا حکم؛ قلفی بیچنے والا شہری رہا نہ ہوسکا

    عدالت سے رہائی کا حکم؛ قلفی بیچنے والا شہری رہا نہ ہوسکا

    فیصل مسجد کے باہر قلفی بیچنے والے شہری کی رہائی آج بھی ممکن نہ ہو سکی، اسلام آباد ہائیکورٹ میں مچلکے جمع کرانے کا عمل مکمل نہ ہونے کے باعث شہری فرمان اللہ کو آج رات بھی اڈیالہ جیل میں گزارنا پڑے گی۔ جبکہ اسلام آباد ہائیکورٹ جسٹس طارق محمود جہانگیری نے شہری فرمان اللہ کو آج صبح ضمانت پر رہائی کا حکم دیا تھا۔

    صحافی عثمان مظفر کے مطابق مچلکوں پر حتمی دستخط عدالتی وقت ختم ہونے کی وجہ سے قلفی فروش فرمان اللہ کی جیل سے رہائی ممکن نہ ہوسکی۔ عدالت نے 5 ہزار روپے مچلکوں کے عوض ضمانت منظور کی تھی، قلفی فروش فرمان اللہ کو فیصل مسجد کے باہر ریڈھی لگانے پر سی ڈی اے اسپیشل مجسٹریٹ نے 11 جولائی کو 3 ماہ قید کی سزا سنائی تھی۔

    شہری پر سی ڈی اے کی طرف سے فیصل مسجد کے باہر ریڈھی لگانے کی پابندی کی خلاف ورزی کا الزام تھا۔ اسلام آباد ہائیکورٹ نے آج اسپیشل مجسٹریٹ کا فیصلہ معطل کرتے ہوئے رہائی کا حکم دیا ہے۔ عدالت عالیہ میں شہری نے سی ڈی اے کی جانب سے بھتے کا الزام عائد کیا گیا تھا۔
    مزید یہ بھی پڑھیں؛
    ورلڈ اسکریبل چیمپئن شپ: پاکستان کے عنایت اللہ نے لیٹ برڈ ٹورنامنٹ جیت لیا
    بحیرہ روم کے نو ممالک میں آگ بھڑک اٹھی
    پارلیمنٹ کا مشترکہ اجلاس،الیکشن ایکٹ ترمیمی بل 2023 منظور
    پشاور،محرم الحرام کے موقع پر تمام ہسپتالوں میں طبی عملہ چوکس
    واضح رہے کہ سی ڈی اے نے اپنے چالان میں قلفی کی ریڑھی لگا نے سے ملزم پر سرکاری زمین پر قبضے کا الزام عائد کیا تھا۔ اسپیشل مجسٹریٹ نے سی ڈی اے کا مؤقف تسلیم کرتے ہوئے فرمان اللہ کو 3 ماہ قید با مشقت اور5 لاکھ روپے جرمانے کی سزا سنائی تھی ۔

  • اسٹاک مارکیٹ میں ایک بار پھر تیزی ریکارڈ

    اسٹاک مارکیٹ میں ایک بار پھر تیزی ریکارڈ

    اسٹاک مارکیٹ میں ایک بار پھر تیزی ریکارڈ کی گئی جبکہ معیشت کے حوالے سے غیر یقینی صورتحال کے ممکنہ خاتمے کے اثرات پاکستان اسٹاک مارکیٹ پر پڑنے لگے اور ایک مرتبہ پھر تیزی ریکارڈ کی گئی ہے . حصص مارکیٹ میں کاروبار کا آغاز مثبت انداز میں ہوا، صبح دس بجے کے قریب انڈیکس میں 117 پوائنٹس کی تیزی ریکارڈ کی گئی جو دوپہر بارہ بجے تک 214 پوائنٹس کی سطح پر پہنچ گئی تھی۔

    کاروبار کے دوران ایک موقع پر انڈیکس میں 300 پوائنٹس کی بھی تیزی ریکارڈ کی گئی اور انڈیکس 46700 پوائنٹس کی حد عبور کر گیا تھا۔ تاہم کاروبار کے اختتام پر یہ سطح برقرار نہ رہ سکی اور 100 انڈیکس 265.18 پوائنٹس کی تیزی کے بعد 46682.52 پوائنٹس کی سطح پر پہنچ کر بند ہوا۔ کاروبار میں 0.57 فیصد کی بہتری دیکھی گئی۔ آج حصص مارکیٹ میں 24 کروڑ 30 لاکھ 56 ہزار 307 شیئرز کا لین دین ہوا جس کے باعث سرمایہ کاروں کو 40 ارب روپے سے زائد کا فائدہ ہوا۔

    دوسری جانب ملک بھر میں تیزی سے بڑھنے والی امریکی ڈالر کی قیمت کو بالآخر بریک لگ گئی۔اسٹیٹ بینک آف پاکستان کی سماجی رابطے کی ویب سائٹ ٹویٹر پر جاری کردہ اعداد و شمار کے مطابق رواں ہفتے کے تیسرے کاروباری روز کے دوران انٹر بینک میں روپے کے مقابلے میں امریکی ڈالر کی قدر 1 روپیہ 48 پیسے کم ہو گئی۔
    مزید یہ بھی پڑھیں؛
    ورلڈ اسکریبل چیمپئن شپ: پاکستان کے عنایت اللہ نے لیٹ برڈ ٹورنامنٹ جیت لیا
    بحیرہ روم کے نو ممالک میں آگ بھڑک اٹھی
    پارلیمنٹ کا مشترکہ اجلاس،الیکشن ایکٹ ترمیمی بل 2023 منظور
    پشاور،محرم الحرام کے موقع پر تمام ہسپتالوں میں طبی عملہ چوکس
    اعداد و شمار کے مطابق انٹر بینک میں روپے کے مقابلے میں امریکی ڈالر کی نئی قیمت 288 روپے 52 پیسے سے کم ہو کر 287 روپے 4 پیسے ہو گئی ہے۔ مرکزی بینک کے مطابق امریکی ڈالر کے مقابلے میں روپے کی قدر میں 0.52 فیصد کی بحالی دیکھی گئی۔ ادھر انٹر بینک کی طرح اوپن مارکیٹ میں بھی قدر 2 روپے کم ہو کر 292 روپے ہو گئی ہے۔ اسٹیٹ بینک کے مطابق یورو کی قیمت 317 روپے، جاپانی ین 2 روپے، برطانوی پاؤنڈ 370 روپے، آسٹریلوی ڈالر 194روپے، سعودی ریال 76 روپے، ملائیشین رنگٹ 63 روپے، بھارتی کرنسی کی قیمت 3.4 روپے، قطری ریال 78 روپے ہو گئی ہے۔

  • کوپن ہیگن؛ قرآن کی ایک بار پھر بے حرمتی، ڈنمارک کا سفارتی عملہ بغداد نکال دیا گیا

    کوپن ہیگن؛ قرآن کی ایک بار پھر بے حرمتی، ڈنمارک کا سفارتی عملہ بغداد نکال دیا گیا

    عراق نے ڈنمارک میں اپنے سفارت خانے کے سامنے قرآن مجید کی بار بار بے حرمتی کے واقعات کی مذمت کی ہے جبکہ کوپن ہیگن میں انتہائی دائیں بازو کے گروپ ڈانسکے پیٹریاٹر نے ایک مرتبہ پھر قرآن مجید کی توہین کا مظاہرہ کیا ہے۔ العربیہ ٍڈاٹ نیٹ کے مطابق دائیں بازو کے انتہاپسند گروپ نے پیر کے روز ایک ویڈیو پوسٹ کی ہے۔اس میں ایک شخص مسلمانوں کی مقدس کتاب کی بے حرمتی کررہا ہے، وہ اسے جلاتا اور عراقی پرچم کو کچلتا ہوا نظر آتا ہے۔

    سویڈن کے دارالحکومت اسٹاک ہوم میں جمعہ اور حالیہ ہفتوں میں ہونے والے اسی طرح کے واقعات کے بعد یہ تازہ ترین ویڈیو سامنے آئی ہے۔ عراق کی وزارت خارجہ نے ڈنمارک میں عراقی سفارت خانے کے سامنے قرآن مجید کے نسخے کو نذرآتش کرنے کی ایک بار پھر مذمت کی ہے۔وزارت نے کہا ہے کہ اس طرح کے اقدامات ’’انتہا پسندی اور نفرت کے وائرس‘‘ کو’’معاشروں کے پرامن بقائے باہمی کے لیے حقیقی خطرہ” بننے کی اجازت دیتے ہیں۔

    وزارتِ خارجہ کے ترجمان احمدالصحاف نے کہا ہے کہ ڈنمارک کے سفارت خانے کا عملہ ہفتے کے روز عراق سے روانہ ہو چکا ہے۔ کوپن ہیگن میں قرآن مجید کی بے حرمتی کے پہلے واقعے کے بعد عراق کے بااثر شیعہ عالم مقتدیٰ الصدر کی اپیل پر ہفتے کے روز بغداد میں قریباً ایک ہزار مظاہرین جمع ہوئے تھے۔ انھوں نے بغداد کے انتہائی سکیورٹی والے گرین زون میں واقع ڈنمارک کے سفارت خانے کی طرف مارچ کرنے کی کوشش کی لیکن سکیورٹی فورسز نے علاقے میں دو پلوں کو بند کر دیا اور مظاہرین آنسو گیس اور لاٹھیوں سے پسپا کر دیا۔ مقتدیٰ الصدر کے حامیوں نے جمعرات کے روز بغداد میں سویڈش سفارت خانہ کو آگ لگا دی تھی ۔انھوں نے یہ کارروائی اسٹاک ہوم میں مقیم ایک عراقی پناہ گزین کی قرآن مجید کی بے حرمتی کے ردعمل میں کی تھی۔

    عراقی حکام نے سفارت خانے کو نذر آتش کرنے کی مذمت کی ہے جبکہ سویڈش سفیر کو ملک بدر کرنے کا حکم دیا تھا۔عراق نے اسٹاک ہوم میں قرآن مجید کی بے حرمتی کی اجازت دینے پر سویڈن کے خلاف جوابی کارروائی کی دھمکی دی تھی۔ سویڈش حکام نے اظہار رائے کی آزادی کی بنیاد پر قرآن مجید کی بے حرمتی کے مظاہروں کی اجازت دی تھی لیکن ان کا کہنا تھا کہ ان کی اجازت اس کارروائی کی کسی منظوری کا اشارہ نہیں ہے۔
    مزید یہ بھی پڑھیں؛
    ڈالر کے مقابلے میں روپے کی قدر میں 0.39 فیصد تنزلی ریکارڈ
    اسلامیہ یونیورسٹی بہاولپو رمیں منشیات کی مبینہ خرید و فروخت،انکوائری کمیٹی تشکیل
    عمران خان کی بہنوں سمیت تحریک انصاف کے رہنما اشتہاری قرار
    عراقی وزیر اعظم محمد شیاع السودانی نے پیر کے روز یورپی یونین کے دیگر ممالک کے سفیروں سے ملاقات کی اور ان سے گفتگو میں انھوں نے ایک بار پھر مسلمانوں کی مقدس کتاب کی بے حرمتی کی مذمت کی۔ انھوں نے کہا کہ اس طرح مذموم افعال کا اظہار رائے کی آزادی سے کوئی تعلق نہیں ہے۔انھوں نے یورپی یونین کے ممالک پر زور دیا کہ وہ اس طرح کی نسل پرستانہ کارروائیوں اور تشدد کو بھڑکانے والی تمام کارروائیوں سے نمٹنے کے لیے اقدامات کریں۔

  • الیکشن کو غیر جانب دارانہ بنانے کی ہر ممکن کوشش ہے. وفاقی وزیر

    الیکشن کو غیر جانب دارانہ بنانے کی ہر ممکن کوشش ہے. وفاقی وزیر

    خواجہ محمد آصف کا کہنا ہے کہ محمد اسحاق ڈار نے نگران وزیراعظم بننےکی خواہش کا اظہار کبھی نہیں کیا ہے جبکہ ہمارے کسی اجلاس میں بھی اس پر بات نہیں ہوئی، ہمیں موقع نہیں دینا چاہیے کہ لوگ ہماری طرف انگلیاں اٹھائیں، میں نے جو بات کی وہ کسی کے کہنے پر نہیں کی۔ وزیر دفاع خواجہ آصف نے کہا کہ سیاسی قیادت کے قریب ترین کسی شخصیت کو نگران وزیراعظم نہیں بنانا چاہیے، الیکشن کو غیر جانب دارانہ بنانے کی ہر ممکن کوشش کرنی چاہیے۔

    انہوں نے بتایا کہ نگران حکومت کیلئے قانون سازی اس لیے کر رہے ہیں کیوں کہ نگران دور میں آئی ایم ایف معاہدے میں رخنہ آنے کا خدشہ ہے، وزارت خزانہ کے لیے ماہر معیشت بھی اتفاق رائے سے تلاش کیا جا سکتا ہے، ایک شخص آئندہ تین چار ہفتے میں ہر حربہ استعمال کرے گا کہ الیکشن پر سوال اٹھایا جا سکے، اسے کوئی موقع نہیں دینا چاہیے۔ خواجہ آصف کا مزید کہنا تھا کہ مجھے کسی شک و شبے کے بغیر ہرحال میں انتخابات ہوتے نظر آرہے ہیں، نگران وزیر خزانہ کو آئی ایم ایف معاہدے کی سمجھ ہونی چاہیے، ہم بڑی مشکل سے دیوالیہ ہونے سے بچے ہیں۔

    نجی ٹی وی کے مطابق انہوں نےکہا کہ پاکستان کی 75 سالہ تاریخ میں ہر الیکشن پر سوالیہ نشان آیا ہے، بروقت انتخابات میں کسی قسم کا کوئی شبہ نہیں، نگران سیٹ اپ غیر جانبدار ہوگا۔ رہنما پیپلزپارٹی شیری رحمان نے نجی ٹی وی سے گفتگو کرتے ہوئے کہا کہ ہم نے کسی نام پر اعتراض نہیں کیا، نگران وزیراعظم کے نام پر ن لیگ سے کوئی اتفاق نہیں ہوا، ہم میں کوئی دراڑ نہیں، مل کر کام کررہےہیں۔
    مزید یہ بھی پڑھیں؛
    ڈالر کے مقابلے میں روپے کی قدر میں 0.39 فیصد تنزلی ریکارڈ
    اسلامیہ یونیورسٹی بہاولپو رمیں منشیات کی مبینہ خرید و فروخت،انکوائری کمیٹی تشکیل
    عمران خان کی بہنوں سمیت تحریک انصاف کے رہنما اشتہاری قرار
    شیری رحمان کا کہنا تھا کہ ہم سے نگران وزیراعظم کیلئے کوئی نام شیئر نہیں کیا گیا، اس معاملے پر کمیٹی بنادی گئی ہے، بات چیت کمیٹی سے ہو کر اوپر جائےگی، لیڈرشپ نے کہا ہےکہ غیر جانب دار سیٹ اپ کو ترجیح دیتےہیں۔ رہنما پیپلز پارٹی نے کہا کہ الیکشن 90 دن سے آگے جانے یا نہیں ہونے کی گنجائش نہیں ہے، نگران سیٹ اپ کے اختیارات پر بات چیت ہونی چاہیے، نگران سیٹ اپ کے دوران ہر کام معطل ہو رہا ہوتا ہے، ہم بڑی مشکل سے دیوالیہ ہونے سے بچے، وزیراعظم شہباز شریف نے آخری وقت میں معاملہ سنبھالا، سب چاہیں گے کہ الیکشن وقت پر ہوں اور ہم بھی جوابدہ ہیں۔

  • وفاق سے فنڈز نہ ملنے کے سبب متاثرہ شاہرواں کی تعمیر نہ ہوسکی. ترجمان وزیراعلیٰ بلوچستان

    وفاق سے فنڈز نہ ملنے کے سبب متاثرہ شاہرواں کی تعمیر نہ ہوسکی. ترجمان وزیراعلیٰ بلوچستان

    ترجمان وزیراعلیٰ بلوچستان بابرخان یوسفزئی کا کہنا ہے کہ وفاق سے فنڈز نہ ملنے کی وجہ سے صوبے میں سیلاب سے متاثرہ پلوں اور قومی شاہرواں کی تعمیر نہ ہوسکی۔ ترجمان وزیراعلیٰ نے پی ڈی ایم اے کنٹرول روم کا دورہ کیا اور موسمی صورتحال کا جائزہ لیا، اس موقع پر حکام نے انہیں صوبے میں حالیہ بارشوں سے متعلق بریفنگ دی ۔

    میڈیا سے بات چیت کرتے ہوئے بابریوسفزئی نے کہا کہ پری مون سون بارشوں کےمیں بلوچستان میں 9 اموات ہوئی تھیں جبکہ حالیہ مون سون کی بارشوں میں جانی اور معالی نقصانات نہیں ہوئے۔ انہوں نے بتایا کہ بارشوں اور لینڈسلائیڈنگ کی وجہ فورٹ منروکے مقام پر قومی شاہراہ بند ہے ، خضدار تا رتو ڈیرو روڈ بھی ٹریفک معطل ہے، اس طرح گنداوہ نوتال روڈ بھی بارشوں کی وجہ سے بند ہے ، بولان کے علاقے پنجرہ پل کے مقام پر بھی شاہراہ متاثر ہوئی ہے ، تاہم چھوٹی گاڑیوں کی آمدورفت بحال ہے ۔

    انہوں نے کہا کہ وفاق کی جانب سے بلوچستان کو مسلسل نظر انداز کیا جارہا ہے ، سیلاب کی مدد میں بلوچستان کو اب تک فنڈز نہیں ملے ، پنجرہ پل کی تعمیر این ایچ اے نے کرنی ہے مگر این ایچ اے بلوچستان میں سیلاب سے متاثرہ پلوں اور قومی شاہراوں کی تعمیر میں سنجیدہ نہیں ہے ۔ ترجمان وزیراعلیٰ نے مزید کہا کہ کل سے مون سون بارشوں کا ایک اور اسپیل آرہا ہے، صوبائی حکومت اور ضلعی انتظامیہ ہنگامی صورتحال سے نمٹنے کے لیے تیار ہے ،گزشتہ سیلاب میں بھی پی ڈی ایم اے نے مثالی کام کیا تھا، اب بھی پی ڈی ایم اے کا عملہ الرٹ اور محتاط ہے ۔
    مزید یہ بھی پڑھیں؛
    ڈالر کے مقابلے میں روپے کی قدر میں 0.39 فیصد تنزلی ریکارڈ
    اسلامیہ یونیورسٹی بہاولپو رمیں منشیات کی مبینہ خرید و فروخت،انکوائری کمیٹی تشکیل
    عمران خان کی بہنوں سمیت تحریک انصاف کے رہنما اشتہاری قرار
    ایک سوال کے جواب میں ان کا کہنا تھا کہ صوبائی حکومت سیلاب متاثرین کو بھرپور ریلیف دے گی، ہنہ اوڑک میں گزشتہ سیلاب سے ہونے والے نقصانات کا ازلہ بھی کیا جائے گا ۔