Author: +9251

جمال خاشقجی کے قتل میں ملوث مجرموں کی سزا پر سعودی رد عمل آگیا

باغی ٹی وی رپورٹ کے مطابق سعودی عرب میں ہیومن رائٹس کمیشن کے سربراہ ڈاکٹر عواد بن صالح العواد نے کہا ہے کہ صحافی اور سعودی شہری جمال خاشقجی کے قتل میں ملوث مجرموں کو دی جانے والی سزائیں اور اس کیس کا شفاف ٹرائل اس بات کا ثبوت ہے کہ ملک میں عدلیہ آزاد ہے جو کسی دبائو کے بغیر شفاف طریقے سے کیسوں کی فیصلے کررہی ہے۔

ان کا کہنا تھا کہ جمال خاشقجی قتل کیس کی جس غیرمعمولی توجہ کے ساتھ عدالتی تحقیقات کی گئیں ان سے عدلیہ کی غیر جانبداری، آزادی اور قابلیت واضح طور پر ثابت ہوتی ہے۔ مُجرم کو اس کے جرم کے مطابق سزا دینا مُملکت کا اصول اور عدلیہ کے بنیادی نظام کا حصہ ہے۔

العواد نے کہا کہ جمال خاشقجی قتل کیس کا فیصلہ ملزموں کے طویل ٹرائل کے بعد سامنے آیا۔ ٹرائل کے دوران عدالتوں نے منصفانہ تحقیقات کے اصولوں کی پاسداری کی۔ ٹرائل کے دوران اس معاملے میں فریقین مدعلیہان ، ان کے وکیل ، اور عوامی عدالت میں نمائندگی کرنے والے گروپ اور نجی حق کے مدعی کو ان کے بنیادی حقوق یقینی بنائے گئے.

روس کیوں خود کا انٹر نیٹ لانے کا پروگارم رکھتا ہے
باغی ٹی وی رپورٹ :روس کی حکومت نے چند ماہ قبل ملک کو عالمی انٹرنیٹ سے منقطع کرنے کے فیصلے پر حتمی عمل درآمد شروع کر دیا ہے۔ اب روسی عوام آزاد اور خود مختار انٹرنیٹ سروس سے استفادہ کریں گے۔ تاہم اس فیصلے کے ناقدین کا خیال ہے کہ نئے اقدام سے سنسرشپ کو فروغ ملے گا اور روس عالمی سطح پر تنہا ہو جائے گا۔

یاد رہے کہ روس نے انٹرنیٹ سروسز کو ممکنہ سائبر حملوں سے بچانے کے لیے اپنے انٹرنیٹ سسٹم کی فعالیت کے حوالے سے تجربے کیے ہیں۔ یہ تجربے نومبر میں بننے والے اس قانون کے تحت کیے گئے ہیں جس کے مطابق بیرونی ممالک سے آنے والی انٹرنیٹ ٹریفک کو روس میں دیکھنے سے روکا جا سکے۔

اس متنازع انٹرنیٹ قانون کے تحت روس کی انٹرنیٹ ٹریفک کو عالمی سرور سے علاحدہ کر دیا جائے گا، تاہم روسی وزارت مواصلات نے اس بات کی تردید کی ہے کہ روسی انٹرنیٹ کو دنیا سے الگ کیا جا رہا ہے اور اس ٹیسٹ سے عام صارفین پر کوئی فرق نہیں پڑے گا۔

یورپی یونین کا عراق میں احتجاج کے حوالے سے اہم مطالبہ

باغی ٹی وی رپورٹ کے مطابق عراق میں یورپی یونین کے مشن نے عراقی وزارت داخلہ سے مظاہرین کے خلاف تشدد کا استعمال روکنے کا مطالبہ کیا ہے۔

یورپی یونین مشن نے اپنے ٹویٹر اکاؤنٹ پر بتایا کہ یورپی یونین میں شامل رکن ممالک کے نمائندوں نے عراقی صدر مقام بغداد میں عراقی وزیر داخلہ یاسین الیاسری کے ساتھ ہونے والے ایک اجلاس میں مطالبہ کیا ’’انسانی حقوق کے پرامن کارکنوں کے قتل، اغواء اور جبری طور پر غائب کیے جانے کے بڑھتے ہوئے واقعات روکنے کی ضرورت پر زور دیا ہے.
عراق کے طول وعرض میں وزارت عظمیٰ کے امیدواروں کی نامزدگی کے خلاف مظاہروں کا سلسلہ جاری ہے جن میں شریک شہری ان نامزدگیوں کو مسترد کر رہے ہیں۔ یہ مظاہرے وزیر تعلیم قصی السھیل کے وزیر اعظم نامزدگی کا اعلان سامنے آنے کے بعد سے جاری ہیں۔
واضح‌ رہے کہ عراق میں یکم اکتوبر سے مختلف شہروں میں حکومت مخالف احتجاج کا سلسلہ جاری ہے۔ سیکورٹی فورسز اور ملیشیاؤں نے عوامی احتجاج کے ساتھ بھرپور طاقت سے نمٹنے کی کوشش کی۔ اس کے نتیجے میں تقریبا 400 مظاہرین اپنی جانوں سے ہاتھ دھو چکے ہیں جب کہ ہزاروں زخمی ہو گئے۔ اس دوران درجنوں مظاہرین کو گرفتار بھی کیا گیا۔
واضح رہے کہ بے روزگاری اور بنیادی سہولتوں کے فقدان کے خلاف جاری احتجاج میں اب تک 400 سے زائد افراد ہلاک ہوچکے ہیں،اطلاعات کے مطابقعراق میں 2 ماہ سے جاری پرتشدد احتجاج میں 400 سے زائد ہلاکتوں کے بعد بالآخر عراقی وزیراعظم عادل عبدالمہدی کو استعفیٰ دینا پڑا.