Author: +9251

عراقی مظاہرین کو طاقت سے کچلنے کے پیچھے کو سا ملک ، اہم رپورٹ

وائٹ ہاؤس کے سینئیر عہدیدار کے مطابق اگرعراقی عہدیدارمظاہروں کو روکنے میں ملوث پائے گئے توامریکا ان پرپابندیاں عائد کرے گا۔ ان کا کہنا ہے کہ ایرانی جنرل قاسم سلیمانی اس وقت بغداد میں ہے جو عراق میں ہونے والے پرامن عوامی مظاہروں کو طاقت سے کچلنے میں ملوث ہے۔

عراق میں صورتحال بہت خراب ہے۔نوجوانوں میں بہت سی اموات ہو رہی ہیں۔ ہم یہ تاثر نہیں دینا چاہتے کہ امریکا عراق میں مداخلت کر رہا ہے، کیونکہ کچھ لوگ امریکی مداخلت کواستعمال کریں گے اور اسے مغربی مداخلت کے ثبوت کے طور پر پیش کرنے کی کوشش کریں گے۔ یہی معاملہ لبنان کا ہے جہاں کچھ لوگ ہم پر مظاہروں کی پشت پناہی کا الزام عائد کرتے ہیں لیکن ہم جانتے ہیں کہ انقلابات کو دبانے کی کوششوں کے پیچھے ایران کا ہاتھ ہے۔

امریکی عہدیدار نے مزید کہا کہ "عراق میں ایرانی مداخلت واضح ہے۔ ہم جانتے ہیں کہ قاسم سلیمانی بغداد گئے اور وہاں کی حکومت کو بتایا کہ انہیں مظاہروں کو کس طرح دبانا ہے۔ ایران ہرصورت میں عراق میں جاری مظاہروں کو دبانا چاہتا ہے۔ ہمیں معلوم ہے کہ ایسی اطلاعات ہیں کہ بہت سے مظاہرین کی ہلاکت کے پیچھے سنائپرز کا ہاتھ تھا۔

کئی ہفتوں سےجاری احتجاج اور مظاہروں نے عراق کے بڑے شہروں کو اپنی لپیٹ میں لے رکھا ہے ، اور یہ احتجاج اب خون ریز ہو چکا ہے. اس حتجاج میں عراقی سکیورٹی ایلکاروں کی طرف سے مظاہرین کے قتل اور غوا کا معاملہ اب کافی زیر بحث ہے . بدھ کے روز جاری ایک بیان میں سفارت خانے نے کہا "ہم نہتے احتجاج کنندگان کے قتل، اغوا، آزادی رائے کو درپیش خطرے اور تشدد کی موجودہ لہر کی پُر زور مذمت کرتے ہیں۔ عراقی عوام کو اپنے ملک کے مستقبل کے حوالے سے فیصلے کے سلسلے میں آزاد ہونا چاہیے.اور ان مظاہرین کو طاقت سے روکنے اور کچلنے کے لیے ایران کی عراقی حکومت کو خفیہ سپورت کی خبریں ہیں‌.

9 سالہ بچے کو قدرت نے کتنی ذہانت دے رکھی ہے.

تٍٍفصیلات کے مطابق اللہ نے کیسے کیسے ذہین لوگ اور بچھے پیدا کر رکھے ہیں‌.اگرکوئی کہے کہ نو سالہ بچے نے الیکٹریکل انجینیرنگ میں گریجوایشن کی ہےیا وہ کرنے کی تیاری کررہا ہے تو اس پر کسی کو یقین نہیں آئے گا مگر یہ معجزاتی خبر ایک حقیقت ہے۔ ایک نو سالہ بیلجیئن جس کی ماں ڈچ نسل سے اس وقت گریجوایشن کررہا ہے۔ عن قریب وہ اپنے اس مضمون میں ڈاکٹریٹ کی ڈگری حاصل کرنے کی صلاحیت بھی حاصل کرلے گا۔

میڈیا کے مطابق 9 سالہ لوران سایمنز کے والد بیلجئیم سے تعلق رکھتے ہیں جب کہ والدہ ڈنمارک سے ہیں۔ لوران نیدرلینڈس کی یونیورسٹی آف آئندھوون میں الیکٹریکل انجینئرنگ کی تعلیم حاصل کررہا ہے۔ اگرچہ اس عمر کے کسی بچے کا اس تعلیمی مرحلے تک پہنچنا آسان نہیں مگر یہ اس نے اسے حقیقت ہے۔
یونیورسٹی کے عملےاور انتظامیہ کا کہنا ہے کہ بچہ "غیر معمولی” ہے۔ آئندہ ماہ یہ بچہ بیچلر کی ڈگری حاصل کرنے جا رہا ہے۔

انہوں نے ‘سی این این’ کو بتایا کہ بیلجیئم سے تعلق رکھنے والا یہ بچہ الیکٹریکل انجینیرنگ میں ڈاکٹریٹ کرنے اور اس کے بعد میڈیکل میں بھی تعلیم حاصل کرنے کا منصوبہ بنا رہا ہے۔العربیہ کے مطابق لوران کے والدین کا کہنا ہے کہ بچے میں بچپن ہی سے غیرمعمولی صلاحیتیں تھیں۔

اس کے والد الیگذنڈر نے بتایا کہ دادا اور دادی اکثر لوران کو ” قدرت کا تحفہ” قرار دیتے ہیں لیکن والدین نے اعتراف کیا کہ انہوں نے اور ان کی اہلیہ نے زیادہ توجہ نہیں دی۔پچھلے بیانات میں اس کے والدین نے انکشاف کیا تھا کہ لوران کی ذہانت کی مقدار 145 فیصد ہے.
ن کے والد نے کہا کہ ہمیں ان کی صلاحیتوں اور بچہ ہونے کی حیثیت سے اس میں توازن تلاش کرنے کی ضرورت ہے۔

لوران کا کہنا ہے کہ کھیل کود اسے بھی پسند ہے مگر وہ دوسرے بچوں کی نسبت اپنے کتے سامی اور موبائل فون پر کھیل کو زیادہ پسند کرتا ہے۔ بیلجیم کا یہ بچہ مستقبل میں مصنوعی اعضاء تیار کرنے کی منصوبہ بندی کررہا ہے۔

آگرہ:بھارت کے سب سے زیادہ سخت گیر،ہندوتوانظریے کا حامی ومحافظ،مسلمانوں کے دشمن اترپردیش کے وزیراعلیٰ‌ یوگی ناتھ نے پھر اعلان کیا ہےکہ مسلمان دورکے اسلامی ناموں کو ختم کرکے ہندوتواکے مطابق نام رکھے جائیں، اطلاعات کے مطابق یوگی اس سے پہلے بھی کئی نام تبدیل کرچکے ہیں

ذرائع کے مطابق بھارتی ریاست اترپردیش کے وزیراعلیٰ‌یوگی ناتھ نے ایک بارپھر اعلان کیا ہےکہ ریاست میں مسلمان دورحکومت کے دوران جتنے بھی نام رکھے گئے ہیں ان کو فی الفورتبدیل کیا جائے،وزیراعلیٰ‌نے ریاست کے ضلع آگرہ کا نام تبدیل کرکے اگروان رکھنےکا فیصلہ کیا ہے،

یاد رہےکہ اس سے قبل بھارت میں اسی یوگی ناتھ کےدور میں بہت سے تاریخی مقامات کے نام تبدیل کرکے ان کو نام ہندومذہب کے مطابق رکھے گئے ہیں،اس کے باوجود بھارتی انتہا پسندوں کیطرف سے یہ مطالبہ کیا جارہا ہےکہ پورے بھارت میں‌ اسلام اورمسلمانوں سے وابستہ مقامات کے نام تبدیل کردیئے جائیں

امریکی اخبار نے ایران کے بارے اپنی ایک رپورٹ شائع کی ہے جس میں کہا گیا ہے کہ ایران خطے میں اپنا اثرو رسوخ بڑھانے کے لیے دخل اندازی کر رہا ہے.

تفصیلات کے مطابق : امریکی روزنامہ ’’نیویارک ٹائمز‘‘ نے اتوار کے روز اپنی اشاعت میں ایران کی خفیہ معلومات کے حوالے سے اپنی ایک رپورٹ میں تہران کے اس منصوبے کا پردہ چاک کیا ہے جس پر عمل پیرا ہو کر وہ خطے میں اپنا اثرونفوذ بڑھانا چاہتا ہے۔

اخبار نے لیک ہونے والی خفیہ ایرانی رپورٹس کے حوالے سے بتایا ہے کہ پاسداران انقلاب کے دنیا بھر میں کارروائیوں کی نگران القدس فورس کے سربراہ جنرل قاسم سلیمانی نے عراقی وزیر اعظم عادل عبدالمھدی کے ہاتھ مضبوط کرنے کی غرض سے عراق کا دورہ کیا۔ اخبار نے دعویٰ کیا کہ بغداد کے ہوائی اڈے سے ایرانی حکام واپس نہیں گئے۔

اس سے قبل لندن میں قائم بین الاقوامی تھنک ٹینک نے اپنی رپورٹ میں لکھا ہے کہ ایران اور امریکا اور خطے کے دوسرے ممالک کی ایران کے ساتھ جاری محاذ آرائی کی وجہ سے تہران کے بیلسٹک میزائل پروگرام اور جوہری پروگرام سب سے اہم ترین امور ہیں۔ مگر تیسرا ایرانی تزویراتی اہمیت کا حامل معاملہ ایرانی ملیشیائوں کا ہے جو ایران کے لیے اس کے جوہری اور میزائل پروگرام سے بھی زیادہ اہم ہے۔

پولیسبھارت:پولیس اسٹیشن سے 500 سو گزدور5بھارتی درندوں نے ایک 21 سالہ لڑکی کے ساتھ جنسی زیادتی کرکے بھارت پولیس کی کارکردگی پرسوال اٹھادیئے،بعض مقامی لوگوں کا کہنا ہےکہ جرائم پیشہ افراد کا پولیس سے گٹھ جوڑ ہے،

بھارتی ذرائع ابلاغ نے اس واقعہ پربہت زیادہ افسوس کا اظہار کرتے ہوئے کہا ہےکہ جس طرح پانچ افراد ایک لڑکی کو زبردستی گھسیٹ کر دنیا کے سامنے ایک پارک میں لے جاکرجنسی زیادتی کرتے ہیں ، یہ بھارت کی پولیس کے گھنونے کردار کی نشاندہی کرتا ہے،

ہندوستان ٹائمز کا کہنا ہےکہ روی نامی ہندو ایک چپڑاسی نے اس بے بس خاتون کو نوکری کا جھانسہ دے کراپنے دفترمیں بلایا جہاں سے یہی روی نامی ہندوچپڑاسی اس خاتون کو ایک پارک میں لے کرجاتا ہے جہاں چار لوگ اور بھی موجود ہوتے ہیں جوآتے ہی اس خاتون پر جھپٹ پڑتے ہیں اور پھر دیکھتے ہی دیکھتے سب مل کر اس کے ساتھ جنسی زیادتی کرتے ہیں،

دوسری طرف نوئیڈا پولیس کا کہنا ہےکہ مذکورہ افراد میں سے دو کو گرفتارکرلیا ہے باقی افراد بھی جلد قانون کی تحویل میں آجائیں‌گے ، پولیس کا یہ بھی کہنا ہےکہ اس واقعہ کی تحقیقات کی جارہی ہیں،پولیس کےمطابق اجتماعی زیادتی کرنے والوں میں روی کے علاوہ دیگر افراد کی تلاشی جاری ہے،پولیس نے مفرور افراد کی اطلاع دینے والوں کےلیے انعام بھی مقرر کر رکھا ہے