خاتون اول بیگم ثمینہ عارف علوی نے کہاہے کہ خواتین اپنے فکروعمل سے معاشرے کو شدت پسندی سے پاک کرنے میں اہم کردار کرسکتی ہیں،

اسلام آباد ۔ 2 اکتوبر (اے پی پی) خاتون اول بیگم ثمینہ عارف علوی نے کہاہے کہ خواتین اپنے فکروعمل سے معاشرے کو شدت پسندی سے پاک کرنے میں اہم کردار کرسکتی ہیں، خواتین کی قومی زندگی میں شمولیت کے بغیرمعاشرہ ترقی نہیں کرسکتا، معاشرے میں خواتین کے وراثتی حقوق سے متعلق شعور اجاگر کرنے کی ضرورت ہے، میڈیاکو بریسٹ کینسر سے متعلق خواتین میں شعور اجاگر کرنے کے لئے اپنا کردار ادا کرنا چاہیے، ہمیں ملک کے کونے کونے میں یہ پیغام پہنچانا چاہیے کہ پاکستان فلاحی اور پر امن ملک ہے تاکہ دنیا میں امن کے سفیر کے طور پر پاکستان کا تشخص اجاگر ہو۔

ان خیالات کا اظہار انہوں نے بدھ کو بین الاقوامی اسلامی یونیورسٹی میں معاشرے میں ہم آہنگی اور امن سازی میں دختران پاکستان کا اہم کردار کے موضوع پر دو روزہ کانفرنس سے خطاب کرتے ہوئے کیا۔ انہوں نے کہاکہ اس کانفرنس میں شرکت باعث مسرت ہے اور اس پر یونیورسٹی کی کی انتظامیہ کی شکر گزار ہوں۔

انہوں نے کہاکہ معاشرے میں امن پسندی کی تشکیل میں دختران پاکستان کا اہم کردارہے، زندگی کے ہر شعبہ میں خواتین اہم کردار اداکر رہی ہیں۔ انہوں نے کہاکہ اسلام میں مردوزن کو مساوی حقوق حاصل ہیں۔ بیگم ثمینہ عارف علوی نے کہا کہ حضور اکرم نے فرمایا کہ مسلمان وہ ہے جس کی زبان اور ہاتھ سے دوسرے مسلمان محفوظ رہیں۔ انہوں نے کہاکہ خواتین اپنے فکروعمل سے معاشرے کو شدت پسندی سے پاک کرنے میں اہم کردار کرسکتی ہیں۔انہوں نے کہاکہ باہمی بھائی چارے سے ملک کو امن کا گہوارہ بنایا جاسکتا ہے۔

بیگم ثمینہ عارف علوی نے کہا کہ خواتین کی قومی زندگی میں شمولیت کے بغیرمعاشرہ ترقی نہیں کرسکتا، خواتین کی تعلیم و تربیت پر خصوصی توجہ دینی چاہئے تاکہ وہ قومی ترقی و خوشحالی میں کردار اد کرسکیں۔ انہوں نے کہاکہ خواتین مردوں کے شانہ بشانہ خدمات سرانجام دے رہی ہیں، مرد خواتین کو عزت واحترام دیں۔ انہوں نے کہاکہ معاشرے میں روزگار سے منسلک خواتین سے متعلق غلط فہمی کو دور کیاجائے تاکہ مختلف شعبوں میں خواتین کیلئے خدمات کے مواقع بڑھیں معاشی طور پر خود مختار خواتین کارآمد شہری بن کر ملک کی معاشی ترقی میں اہم کردار اد کرسکتی ہیں۔ بیگم ثمینہ عارف علوی نے کہا کہ خواتین کو وراثتی حقوق کی فراہمی یقینی بنانی چاہئے۔

صدر مملکت ڈاکٹر عارف علوی نے کہا ہے کہ بھارت کی جانب سے غیر قانونی اور مقبوضہ کشمیر کی متنازعہ حیثیت اور اس کی آبادی کے تناسب کو تبدیل کرنے کے اقدامات اقوام متحدہ کی سلامتی کونسل کی قراردادوں، بین الاقوامی قانون اور اس کے اپنے وعدوں کی خلاف ورزی ہے،

اسلام آباد ۔ 2 اکتوبر (اے پی پی) صدر مملکت ڈاکٹر عارف علوی نے کہا ہے کہ بھارت کی جانب سے غیر قانونی اور مقبوضہ کشمیر کی متنازعہ حیثیت اور اس کی آبادی کے تناسب کو تبدیل کرنے کے اقدامات اقوام متحدہ کی سلامتی کونسل کی قراردادوں، بین الاقوامی قانون اور اس کے اپنے وعدوں کی خلاف ورزی ہے، جموں و کشمیر بھارت کا اندرونی معاملہ نہیں، یہ اقوام متحدہ کی سلامتی کونسل کے ایجنڈا پر دیرینہ حل طلب بین الاقوامی تنازعہ ہے۔

ان خیالات کا اظہار انہوں نے ملائیشیا کی پارلیمنٹ کے ایوان نمائندگان کے وفد سے بات چیت کرتے ہوئے کیا جس نے سپیکر سری داتو محمد عارف بن یوسف کی قیادت میں بدھ کو یہاں ایوان صدر میں ان سے ملاقات کی۔ قومی اسمبلی کے سپیکر اسد قیصر بھی اس موقع پر موجود تھے۔

صدر مملکت نے وفد کو بتایا کہ بھارت نے مقبوضہ کشمیر میں 9 لاکھ فوجی تعینات کر رکھے ہیں جہاں5 اگست 2019ءسے لوگ کرفیو میں محصور ہیں۔ مواصلاتی رابطے معطل ہیں اور خوراک و ادویات کی شدید قلت ہے۔ انہوں نے کہا کہ انسانی حقوق کی سنگین صورتحال کے ساتھ ساتھ امن و سلامتی کے بھی شدید خطرات ہیں۔ بھارت کی فاشسٹ حکومت اپنی فسطائیت پر مبنی پالیسیوں کے ذریعے اقلیتوں پر ظلم کررہی ہے اور اس نے آر ایس ایس کے انتہا پسندوں کو لوگوں کو قتل کرنے کالائسنس دے رکھا ہے۔

بلاول کی مولانا فضل الرحمان سے ملاقات کب ہو گی؟ طے پا گیا