وزیراعظم عمران خان نے کہا ہے کہ معاشی ترقی اور روزگار کے مواقع پیدا کرنے کیلئے صنعتی ترقی ناگزیر ہے

اسلام آباد ۔ 30 ستمبر (اے پی پی) وزیراعظم عمران خان کی زیر صدارت حکومت کی اقتصادی ٹیم کا اجلاس پیر کو منعقد ہوا جس میں وزیر اقتصادی امور حماد اظہر، وزیر منصوبہ بندی مخدوم خسرو بختیار، وزیر توانائی عمر ایوب خان، وزیراعظم کے مشیر ڈاکٹر عبدالحفیظ شیخ، وزیراعظم کے مشیر برائے تجارت عبدالرزاق داﺅد، وزیراعظم کے مشیر عشرت حسین، وزیراعظم کی معاون خصوصی ڈاکٹر ثانیہ نشتر، وزیراعظم کی معاون خصوصی ڈاکٹر فردوس عاشق اعوان، وزیراعظم کے معاون خصوصی ندیم بابر، وزیراعظم کے معاون خصوصی یوسف بیگ مرزا، چیئرمین سرمایہ کاری بورڈ سید زبیر حیدر گیلانی، شوکت ترین، چیئرمین این ڈی ایم اے لیفٹیننٹ جنرل محمد افضل اور دیگر اعلیٰ حکام نے شرکت کی۔

زلزلہ پروف عمارتوں کی تعمیر یقینی بنائی جائے گی، وزیراعظم آزاد کشمیر

زلزلہ متاثرین کی بحالی تک چین سےنہیں بیٹھیں گے، مشیر برائے اطلاعات

اجلاس کو موجودہ حکومت کی طرف سے معیشت کی پائیدار ترقی، معاشی استحکام، پیداوار میں اضافہ، کاروبار میں آسانی پیدا کرنے، سرمایہ کاری کے راستے میں حائل رکاوٹوں کو دور کرنے، موجودہ اور ممکنہ سرمایہ کاروں کے تحفظ کے اقدامات کے نتائج سے متعلق بتایا گیا۔ اجلاس میں غربت کے خاتمے، انفراسٹرکچر اور مواصلات کی ترقی سے متعلق امور پر تبادلہ خیال کیا گیا۔ پھنسی ہوئی سرمایہ کاری کو فعال اور متحرک بنانے، ڈیزاسٹر مینجمنٹ، منصوبوں کو بروقت مکمل کرنے کے لئے وزارتوں اور ڈویژنوں کے مابین ہم آہنگی پر بھی بات چیت کی گئی۔ اجلاس کو چھوٹے اور درمیانے درجے کے کاروبار اور تعمیراتی شعبے میں سرمایہ کاری سے آگاہ کیا گیا۔

وزیراعظم عمران خان میر پور پہنچ گئے، زلزلہ متاثرین کی عیادت، کہا پیکج تشکیل دے رہے ہیں

وزیراعظم نے اس موقع پر کہا کہ معاشی ترقی اور روزگار کے مواقع پیدا کرنے کیلئے صنعتی ترقی ناگزیر ہے۔ انہوں نے کہا کہ ایسے پراجیکٹس پر توجہ مرکوز کی جائے جو زیادہ پیداوار کے حامل ہیں اور ان کے راستے میں حائل رکاوٹوں کو دور کیا جائے۔ انہوں نے کہا کہ کاروباری برادری کو تحفظ فراہم کئے بغیر معیشت ترقی نہیں کر سکتی، تمام شعبوں میں سرمایہ کاری میں اضافے کے لئے تاجر برادری کا اعتماد بڑھانا چاہیے۔ وزیراعظم نے ہدایت کی کہ معاشرے کے کمزور طبقات، غریب ترین، غریب اور غربت کے قریب افراد کو احساس پروگرام میں شامل کیا جائے۔

پٹھانکوٹ ایئر بیس پر حملہ کرے گا پاکستان،خبرسے بھارت میں کھلبلی مچ گئی

تحریک انصاف کے رہنما جہانگیر ترین وفاقی وزیر ریلوے شیخ رشید احمد کے گھر پہنچ گئے

باغی ٹی وی کی رپورٹ کے مطابق تحریک انصاف کے رہنما جہانگیر ترین ، اسحاق خاکوانی اور عون چودھری وفاقی وزیر ریلوے شیخ رشید کی رہائشگاہ پہنچے جہاں نے انہوں نے وفاقی وزیر ریلوے سے ملاقات کی.

تحریک انصاف کے رہنماؤں نے وفاقی وزیر ریلوے شیخ رشید احمد کی پوتی کی وفات پر تعزیت کا اظہار کیا.

ملاقات کے دوران ملکی سیاسی صورتحال پر بھی بات چیت کی گئی، تحریک انصاف کے رہنماؤں نے ملاقات میں وفاقی وزیر ریلوے شیخ رشید احمد کی کارکردگی کو سراہا،

شیخ رشید احمد کا کہنا تھا کہ وزیراعظم کشمیر کے حقیقی سفیر ہیں انہوں نے جنرل اسمبلی میں جسطرح کشمیر کا مقدمہ پیش کیا اسطرح ماضی میں کوئی نہ کر سکا.

رہنماؤں کے مابین ملاقات میں مولانا فضل الرحمان کے احتجاج پر بھی بات چیت کی گئی.

وفاقی وزیر دفاع پرویز خٹک نے کہا ہے کہ جس ادارے نے پاکستان کو بچایا اس کے خلاف بات کرنے سے گریز کرنا چاہئے

اسلام آباد ۔ 30 ستمبر (اے پی پی) وزیر دفاع پرویز خٹک نے کہا ہے کہ مسلح افواج پاکستان کے دفاع اور سلامتی کی ضامن ہیں‘ جس ادارے نے پاکستان کو بچایا ہے ان کے خلاف بات کرنے سے گریز کرنا چاہیے‘ وزیرستان میں قیام امن کے لئے بھرپور تعاون پہلے بھی کیا تھا‘ اب بھی کریں گے۔

ریاست کے خلاف نعرے برداشت نہیں ہوں گے، علی محمد خان کا دبنگ اعلان

پیر کو قومی اسمبلی میں اظہار خیال کرتے ہوئے وزیر دفاع پرویز خٹک نے کہا کہ میں محسن داوڑ کو یاد دلانا چاہتا ہوں کہ جب سے یہ ایم این اے بنے ہیں میری ان سے دو ملاقاتیں ہوچکی ہیں۔ میں نے ان سے ہمیشہ گزارش کی آپ اپنے مسائل ہمیں بتائیں‘ ہم ان کا ایجنڈا جاننا چاہتے ہیں۔ میں نے ان سے کہا تھا کہ یہ اپنے لیڈر منظور پشتین کو بھی لائیں‘ ہم ان کی بات آگے لائیں گے۔ اگر آپ کا ایجنڈا صرف پاکستان ہے تو ہم آپ کے ساتھ مکمل تعاون کریں گے۔ اگر یہ وزیرستان میں امن لانا چاہتے ہیں تو ہم حاضر ہیں۔ اگر ان کا ایجنڈا پاکستان ہے تو ان کو اس ایوان سے یہ کہنا چاہیے کہ ان کا ایجنڈا پاکستان ہے۔

جنگ صرف توپوں سے نہیں ہوتی،بھارت آغاز کرچکا ،ہم جہاد کریں گے ،علی محمد خان

ہمیشہ کشمیریوں کا ساتھ دیں گے، جنرل زبیرمحمود حیات

وزیراعظم عمران خان سے اومان کے اراکین پارلیمنٹ کے وفد کی ملاقات

ہمارےجوان ایسے ہیں جن سے میں پسینہ مانگوں تووہ خون دیتے ہیں، آرمی چیف

انہوں نے کہا کہ فوج بھی وزیرستان سے نکلنا چاہتی ہے۔ جس ادارے نے پاکستان کو بچایا ہے اس کے خلاف بات کرنے سے گریز کرنا چاہیے۔

پی ٹی ایم پاکستان کا نعرہ لگائے تو….وزیر داخلہ کی پی ٹی ایم کو بڑی پیشکش

حکومت نے اکتوبرکے لیے پیٹرولیم مصنوعات کی قیمتوں کوبرقراررکھنے کا فیصلہ کیا ہے

باغی ٹی وی کی رپورٹ کے مطابق حکومت نے اکتوبر کے لئے پٹرولیم مصنوعات کی قیمتیں برقرار رکھنے کا فیصلہ کیا ہے، اس ماہ پٹرولیم کی قیمتوں میں کوئی ردوبدل نہیں کی جائے گی .

پٹرولیم سیکٹرکے شعبے میں ترمیم کرنے جارہے ہیں، ندیم بابر

قبل ازیں خبر آئی تھی کہ پٹرولیم مصنوعات کی قیمتوں میں معمولی کمی کی جائے گی اس ضمن میں سفارشات بھجوائی گئی تھیں تا ہم اب حکومت نے پٹرولیم مصنوعات کی قیمتوں کو برقرار رکھنے کا فیصلہ کیا ہے. اوگرانےپیٹرولیم مصنوعات کی قیمتوں میں کمی کی تجویزدی تھی

پٹرولیم مصنوعات کی قیمتوں میں اضافہ،سینیٹ اجلاس میں اپوزیشن نے کاواک آوٹ

پٹرولیم مصنوعات کی قیمتوں میں اضافے پر مسلم لیگ ن کی رہنما مریم نواز ،جماعت اسلامی کے سربراہ سراج الحق، حمزہ شہباز نے احتجاج کیا ہے اور قیمتیں واپس لانے کا مطالبہ کیا ہے.

مسلم لیگ ن کی ترجمان مریم اورنگزیب نے کہا ہے کہ عمران صاحب آپ نے تو پٹرول 46 روپے لٹر کرنا تھا، اب فی لٹر پر لوٹ کا مال کس کی جیب میں جا رہا ہے ؟ آپ نے قوم کی روٹی، روزگار چھین لیا۔

پٹرولیم مصنوعات کی قیمتوں میں ممکنہ اضافہ، ہائیکورٹ میں درخواست دائر

جماعت اسلامی کے امری سینیٹر سراج الحق نے بھی پٹرولیم مصنوعات کی قیمتوں میں اضافے کی مذمت کرتے ہوئے عوام کو ریلیف دینے کا مطالبہ کیا ہے.