Author: +9251
-
وزیراعظم نے 18 سال قبل سرزد ہونے والے نسل پرستانہ فعل پر معذرت کرلی۔
اوٹاوا: غلطی پر اکڑنا نہیںچاہیے بلکہ معافی مانگ لینی چاہیے ، کیوں کہ جواکڑجاتا ہے وہ اور بھی غلطیاں کرتا ہے ، اور جو عاجزی اختیار کرتا ہے وہ معزز ہوکر رہ جاتا ہے جیسے کینیڈا کے وزیراعظم جسٹن ٹروڈو نے 18 سال قبل سرزد ہونے والے نسل پرستانہ فعل پر معذرت کرلی۔
ذرائع کےمطابق سن 2001 میں ٹروڈو کینیڈا میں ایک اسکول میں بحیثیت معلم اپنی خدمات سر انجام دے رہے تھے جب انہوں نے سیاہ فام کا روپ دھارا تھا۔
جسٹن ٹروڈو کا کہنا ہے کہ وہ اپنے نسل پرستانہ عمل پر شرمندہ ہیں، تصویر کو اس وقت سامنے لایا گیا ہے جب کینیڈا میں 2019 کے انتخابات کی مہم شروع ہونے میں صرف ایک ہفتہ رہ گیا ہے۔
اوٹاوا میں میڈیا سے گفتگو کرتے ہوئےکینیڈین وزیراعظم جسٹن ٹروڈو کا کہنا تھا کہ انسان غلطی ہوجاتی ہے اور ان کے اس عمل سے اگر کسی کی دل آزاری ہوئی ہے تو اس پر کھلے دل سے معافی چاہتے ہیں۔
-
شیخ رشید بذریعہ ٹرین لاہور پہنچے،مسافروں نے ایسا کیا کہا کہ شیخ رشید غصہ ہو گئے
وفاقی وزیرریلوے شیخ رشید راولپنڈی سے بذریعہ ٹرین لاہورپہنچ گئے
باغی ٹی وی کی رپورٹ کے مطابق وفاقی وزیر ریلوے شیخ رشید احمد لاہور پہنچ گئے ہیں، انہوں نے پنڈی سے لاہور کا سفر ٹرین میں کیا، ٹرین میں وفاقی وزیر ریلوے کے سفر کرنے پر عوام نے خوشگوار حیرت کا اظہار کیا، ٹرین میں سوار مسافر دوران سفر وفاقی وزیر ریلوے شیخ رشید احمد کے ساتھ سیلفیاں بناتے رہے ،مسافر شیخ رشید احمد کو ٹرینوں کے اوقات درست کرنے کی بھی سفارش کرتے رہے.
اگلے پانچ برس بھی عمران خان ہوں گے وزیراعظم، پیشنگوئی ہو گئی
وفاقی وزیر ریلوے شیخ رشید احمد کا کہنا تھا کہ ٹرین میں سفر اسی لئے کیا تا کہ ٹرینوں کے اوقات درست کئے جا سکیں ، اب ٹرینیں لیٹ نہیں ہوں گی، کبھی کبھار ایک ٹرین رک جائے تو پھر سب کو روکنا پڑتا ہے، ٹرین کو خسارے سے نکال رہے ہیں، اب نئی ٹرینیں چلانے کی بجائے پرانی ٹرینوں پر توجہ دیں گے ،جو گاڑیاں خسارے میں جا رہی ہیں ان کو بند کر دیں گے.
مودی سے غلطی ہوئی ، ہم اسے جانے نہیں دیں گے،آخری حد تک لڑیں گے، شیخ رشید
جس جس نے گاجریں کھائیں اس کو نیب کا چورن ملے گا، شیخ رشید
مسافروں نے جب وفاقی وزیر ریلوے شیخ رشید احمد سے ریلوے کے کرایوں میں کمی کا مطالبہ کیا تو شیخ رشید غصے میں آ گئے کہا جس نے سفر کرنا ہے کرے ،کرایوں میں کمی نہیں ہو سکتی، پٹرول کی قیمتوں میں اضافے کی وجہ سے کرایہ ہوا، ہم کم کرائے میں سفر نہیں کروا سکتے.
لاہور پہنچنے پر شیخ رشید نے میڈیا سے گفتگو کرتے ہوئے کہا کہ کشمیرمیں کرفیواٹھے گا تو کشمیریوں کی تحریک خود بخود سرگرم ہو گی ،بھارت پاکستان پرالزام لگائےگالیکن برہان وانی جیسےکشمیری اس تحریک کاحصہ ہونگے،نیب میں جس جس کاکیس ہےاسےحساب دیناہوگابےشک خورشیدشاہ ہویاکوئی اور،عمران خان کےدورمیں ہی ایم ایل ون بنےگااورسی پیک کبھی پیک نہیں ہو گا،
-
پاک سعودی تعلقات ایک نئی سطح پر پہنچ گئے،کشمیر پر دنیا نے ہمارا بیانیہ مان لیا،وزیراعظم
وزیراعظم عمران خان نے کہا ہے کہ سعودی عرب نے ہر مشکل وقت میں پاکستان کا ساتھ دیا ہے، پاک۔سعودی تعلقات ایک نئی سطح پر پہنچ گئے ہیں
جدہ ۔ 19 ستمبر (اے پی پی) وزیراعظم عمران خان نے کہا ہے کہ سعودی عرب نے ہر مشکل وقت میں پاکستان کا ساتھ دیا ہے، پاک سعودی تعلقات ایک نئی سطح پر پہنچ گئے ہیں، سعودی عرب کے دورہ کا مقصد اقوام متحدہ جانے سے قبل سعودی لیڈرشپ کو مقبوضہ کشمیر کی صورتحال سے آگاہ کرنا تھا۔ انہوں نے یہ بات جمعرات کو سعودی عرب میں مقیم مختلف شعبہ ہائے زندگی سے تعلق رکھنے والے ممتاز پاکستانیوں سے ملاقات کے دوران کہی۔ وزیراعظم نے کہا کہ میرا مقصد اقوام متحدہ جانے سے پہلے سعودی لیڈرشپ کو مقبوضہ کشمیر کی صورتحال سے آگاہ کرنا تھا، ہم نے مسئلہ کشمیر کو پوری دنیا میں اجاگر کرنا ہے۔ انہوں نے کہا کہ بانی پاکستانی قائداعظم محمد علی جناحؒ نے پہلے سے بھانپ لیا تھا کہ مسلمانوں کو ہندوستان میں اپنے حقوق نہیں ملیں گے جو کہ آج مودی کے اقدامات سے ثابت ہو چکا۔ انہوں نے کہا کہ پاک سعودی تعلقات ایک نئے سطح پر پہنچ گئے ہیں، سعودی عرب نے ہر مشکل وقت میں ہماری مدد کی۔ وزیراعظم نے کہا کہ کشمیر میں ہمارے بھائی مشکل صورتحال سے گزر رہے ہیں، کشمیر ایک بین الاقوامی مسئلہ بن گیا ہے اور پوری دنیا ہمارے بیانیہ کو مان گئی ہے۔
وزیراعظم عمران خان نے سعودی عرب کے ولی عہد اور وزیر دفاع شہزادہ محمد بن سلمان کو کشمیر کی تازہ ترین صورتحال سے آگاہ کیا۔ وزیراعظم عمران خان جو جمعرات کو سعودی عرب کے 2 روزہ سرکاری دورہ پر یہاں پہنچے، نے سعودی ولی عہد سے ملاقات کی جس میں باہمی دلچسپی اور دوطرفہ تعلقات پر گفتگو ہوئی۔ اس موقع پر وزیراعظم نے سعودی تیل تنصیبات پر حملہ کی پرزور مذمت کی۔ ملاقات میں وزیر خارجہ شاہ محمود قریشی، مشیر خزانہ ڈاکٹر عبدالحفیظ شیخ، وزیراعظم کے معاون خصوصی برائے سمندر پار پاکستانیز سیّد ذوالفقار عباس بخاری، سیکرٹری خارجہ سہیل محمود اور سعودی عرب میں پاکستان کے سفیر راجہ علی اعجاز بھی موجود تھے.
وزیر اعظم عمران خان جمعرات کو سعودی عرب کے دو روزہ دورہ پر جدہ پہنچ گئے۔ جدہ کے رائل ٹرمینل پر مکہ کے گورنرخالد الفیصل بن عبد العزیز نے انکا استقبال کیا۔ وزیر خارجہ شاہ محمود قریشی, مشیر خزانہ عبد الحفیظ شیخ اور معاون خصوصی برائے سمندر پار پاکستانی سید ذولفقار بخاری بھی وزیر اعظم کے ہمراہ ہیں۔ سعودی عرب میں پاکستان کے سفیرراجہ علی اعجاز، قونصل جنرل خالد مجید، سعودی حکام اور قونصلیٹ کے افسران بھی موجود تھے
-
پاک فوج کیخلاف بولنے والی گلالئی اسماعیل امریکہ پہنچ گئی ہیں
اسلام آباد: پاک فوج کیخلاف گھٹیا زبان استعمال کرنے والی گلالئی اسماعیل امریکہ پہنچ گئی ہیں.
تفصیلات کے مطابق گلالئی اسماعیل جس نے پاک فوج کیخلاف گھٹیا زبان استعمال کی تھی، وہ بحفاظت امریکہ پہنچ گئی ہیں. پاکستان اور پاکستان کی فوج کیخلاف بولنے پر گلالئی کیخلاف عدالت میں کیس بھی چل رہا ہے، لیکن اب وہ امریکہ بھاگ چکی ہیں. سماجی رابطے کی ویب سائٹ ٹویٹر پر صارفین کی جانب سے مطالبہ کیا گیا کہ گلالئی اسماعیل کو جلد سے جلد واپس بلاکر سخت سزا دی جائے.
صارفین کی جانب سے یہ بھی مطالبہ کیا گیا کہ جو کوئی بھی پاک فوج کیخلاف بکواس اور گھٹیا زبان استعمال کرے، اسے سزا دی جائے. ایسے ملک دشمنوں کو معافی نہیں ملنی چاہیئے.
-
برف پگھلنے لگی؟ امریکا نے ایرانی صدر اور وزیر خارجہ کو جاری کیا ویزہ
ایرانی وزیرخارجہ جوادظریف یواین جنرل اسمبلی کےاجلاس میں شرکت کریں گے
باغی ٹی وی کی رپورٹ کے مطابق انٹرنیشنل میڈیا کا کہنا ہے کہ ایرانی وزیرخارجہ جوادظریف جمعےکونیویارک روانہ ہوں گے ،امریکہ نےایرانی صدرحسن روحانی اوروزیرخارجہ جوادظریف کوویزاجاری کردیا،ایرانی رہنماوَں کوویزا اقوام متحدہ کی جنرل اسمبلی کے اجلاس میں شرکت کےلیےدیاگیا
واضح رہے کہ سعودی عرب کی تیل تنصیبات پر حملوں کا الزام امریکہ نے ایران پر لگایا تھا اور کہا تھا کہ ہمارے پاس ثبوت موجود ہیں
ایران کی سپاہِ پاسداران انقلاب کے کمانڈر بریگیڈئیر جنرل حسین سلامی نے کہا ہے کہ اگر امریکا پرایران کی طرح پابندیاں عاید ہوتیں تو اس کا اب تک انہدام ہوچکا ہوتا۔
مشرق وسطیٰ میں جنگ کا ماحول ، ایران نے امریکا کو بڑا پیغام دے دیا
امریکا نے حال ہی میں ’’دہشت گردی کے نام‘‘ سے ایران کے فرموں کے ایک نیٹ ورک ، جہازوں اور افراد پر پابندیاں عاید کی ہیں۔اس کا کہنا ہے کہ اس نیٹ ورک کا سپاہِ پاسداران انقلاب سے تعلق تھا۔ایران پر شام کو کروڑوں ڈالر مالیت کا تیل اسمگل کرنے کا بھی الزام ہے۔
اقوام متحدہ کی جنرل اسمبلی اجلاس سے وزیراعظم عمران خان بھی خطاب کریں گے، وزیراعظم عمران خان کا خطاب کشمیر کے موضوع پر اور تاریخی خطاب ہو گا، وزیراعظم خود کہہ چکے ہیں کہ کشمیر کا مقدمہ جنرل اسمبلی میں اٹھاؤں گا، وزیراعظم عمران خان اسوقت سعودی عرب میں ہیں وہ سعودی عرب سے ہی امریکا کے لئے روانہ ہوں گے
-
وہاڑی : لاپتہ بچے کو تلاش کر لیا گیا
وہاڑی (نمائندہ باغی ٹی وی) پولیس نے لاپتہ ہونے والے بچے کو تلاش کر کے ورثاء کے حوالے کر دیا
تفصیلات کے مطابق پولیس تھانہ فتح شاہ نے محمد شفیق ولد محمد اسلام بعمر 10/12 سال سکنہ بستی چمن موضع گونگے والا علاقہ تھانہ لڈن جو کہ دو یوم قبل لاپتہ ہوگیا تھا کو دن رات کی محنت کے بعد رات 2 بجے تلاش کرکے اس کے ورثہ کے حوالے کردیا۔ بچے کے وارثان نے پنجاب پولیس کو شکریہ ادا کیا اور پنجاب پولیس زندہ آباد کے نعرے لگائے
-
ایف-16 طیارہ گر کر تباہ ، کہاں ہوا اور کس ملک کا تھا یہ جنگی طیارہ
پیرس : فرانس میںبیلجیئم کا ایف 16 طیارہ انجن میں فنی خرابی کے سبب گر کر تباہ ہو گیا جس کے نتیجے میں ایک گھر تباہ ہو گیا تاہم پائلٹ اپنی جان بچانے میں کامیاب رہے۔البتہ تباہ شدہ طیارے کے ملبے سے ایک گھر تقریباً تباہ ہو گیا۔
ذرائع کے مطابق بیلجیئم کے تباہ ہونے والے اس جنگی طیارے کے پائلٹ طیارے سے بروقت نکلنے میں کامیاب ہو گئے لیکن ان میں سے ایک کا پیراشوٹ ایک بجلی کے تیز والٹیج کی حامل لائن میں پھنس گیا تاہم خوش قسمتی سے ریسکیو ورکرز نے 2 گھنٹے کی محنت کے بعد انہیں زندہ بچا لیا۔
دوسری طرف بیلجیئم کی وزارت دفاع کی جان بسے جاری بیان کے مطابق یہ ایف 16 طیارہ بیلجیئم کی فلورینس ایئر بیس سے فرانسیسی شہر لوریئنٹ کے فوجی اڈے کی طرف اڑان بھر رہا تھا۔ ایف 16 کے ایک پر سے گھر کی چھت تباہ ہو گئی جبکہ طیارے کا ملبہ قریب ہی واقع کھیت میں جا گرا۔
-
بورے والا : میڈیکل کیمپ کے نام پر نان کوالیفائڈ ڈاکٹرز علاج کرنے لگے
بورےوالا (نمائندہ باغی ٹی وی) ڈپٹی ڈسٹرکٹ آفیسر ہیلتھ ڈاکٹر شاہد اقبال کا نواحی گاوں 102ای بی میں جعلی میڈیکل کیمپ پہ چھاپہ میڈیکل کیمپ کے نام پر سادہ لوح لوگوں کی زندگیوں سے کھیلنے والا نان کوالیفائیڈ گروہ گرفتار ۔کیمپ میں ٹیسٹ اور مریضوں کا معائنہ کیا جا رہا تھا ۔گروہ کے تمام افراد کے پاس کوئ سند نہ تھی ۔ڈاکٹر شاہد اقبال کا درخواست میں موقف
تفصیلات کے مطابق بورے والا کے نواحی گاؤں 102 ای بی میں محکمہ صحت کی ٹیم نے ڈپٹی ڈسٹرکٹ ہیلتھ افیسر ڈاکٹر شاہد اقبال کی سربراہی میں بڑی کاروائی کی ہے
کاروائی میں سادہ لوح عوام کولوٹنے اور ان کی زندگیوں سے کھیلنے والا نان کوالیفائیڈ گروہ گرفتار کرلیا
جعلی میڈیکل کیمپ کے گروہ میں جعلی لیب ٹیکنیشن جعلی ڈاکٹر اور اسٹنٹنٹ چیک اپ شامل ہیں جو عوام کو اسپشلسٹ ڈاکٹر کا اعلان کروا کر لوٹ مار کر رہے تھے اور 200 روپے فیس کی مد میں وصول کررہے تھے خفیہ اطلاع پر ڈپٹی ڈسٹرک ہیلتھ آفیسر ڈاکٹر شاہد اقبال نے اپنی ٹیم کے ہمراہ موقع پر پہنچ کر چھاپہ مارا اور چھان بین کے بعد لوگوں کی زندگیوں سے کھیلنے والی جعلی ٹیم جس کی سربراہی عبداللہ نامی شخص کررھا تھا کو تھانہ شیخ فاضل پولیس کے حوالے کر دیا ڈاکٹر شاہد اقبال کے مطابق انسانی جانوں سے کھیلنے کی ہرگز کسی کو اجازت نہیں دیں گے یہ لوگ عرصہ دراز میں مختلف تحصیلوں میں یہ چکوک میں جا کر اعلانات کروا کر عوام کو لوٹتے تھے آج خفیہ اطلاع پر ہم نے کاروائ کی ہے انکے قبضے سے لیباٹری کا سامان اور ادویات وغیرہ بھی برآمد کی ہیں انکے خلاف زیر دفعہ 419.420 اور پی ایم ڈی سی ارڈیننس کے تحت مقدمہ درج کرنے کیلیے تھانے میں استغاثہ دے دیا ہے. -
کیا جینیفر لارنس نے اپنے آرٹ ڈیلر منگیتر کوک مارونی سے چپکے سے شادی کرلی؟
جینیفر لارنس نے مبینہ طور پر حال ہی میں اپنی منگیتر کوک مارونی کے ساتھ شادی کے بندھن میں بندھ گئے تھے اور انھیں ان کے دوستوں اور ایک فوٹو گرافر کے ساتھ ایک شادی بیورو میں دیکھا گیا تھا۔
ہالی ووڈ اداکار جینیفر لارنس اور منگیتر کوک مارونی کو نیو یارک سٹی میرج بیورو میں دیکھا گیا ، اور مداحوں کو فوری طور پر اس بات پر بحث کرنے کے لئے سوشل میڈیا پر لے گئے کہ آیا اس جوڑے نے شادی کے بندھن میں بندھ دیا ہے یا نہیں۔ ہالی ووڈ لائف ڈاٹ کام کی ایک رپورٹ کے مطابق ، لارنس اور اس کے آرٹ ڈیلر بائو عدالت خانے میں گئے جس کے بعد ایک فوٹو گرافر اور ایک دوست کے علاوہ کچھ گارڈز بھی تھے۔
اس رپورٹ میں پیج سکس کے حوالے سے بتایا گیا ہے کہ کیمرہ مین مارک سیلجیگر تھا ، جو ماضی میں لارنس کے ساتھ کام کرچکا ہے۔ شادی کی قیاس آرائیوں پر ایندھن ڈالنے والی ایک نیو یارک پوسٹ تصویر تھی جس میں اس بات کا اشارہ کیا گیا تھا کہ مارونی اپنے بائیں ہاتھ کی انگلی کی انگلی کو ڈھانپتے ہوئے نظر آتے ہیں ، اور یہ حقیقت بھی ہے کہ لارنس اور مارونی ہاتھ میں چلتے ہوئے کچھ سرکاری کاغذ لے کر جاتے ہیں۔
https://www.instagram.com/p/BxiMd5JFwR4/?igshid=dotsuzv31irl
نیو یارک paps سے پرے ، شائقین نے بھی دیکھا۔ جب آپ جاتے ہیں تو شادی کا لائسنس مل جاتا ہے ، اور جینیفر لارنس آپ کی آنکھوں کے سامنے گرہ باندھنے کے لئے چلتے ہیں۔ ہاں ، بچوں ، سٹی ہال کول ہے ، "ایک ملاح نے ٹویٹ کیا اور پھر اس پوسٹ کو حذف کردیا ، صفحہ سکس کے مطابق۔
لارنس اور مارونی نے فروری میں منگنی کرلی اور ایچ ٹاؤن کے چکر لگانے والا بزنس کیا وہ اگلے مہینے ایک بڑی پارٹی پھینکنے کا ارادہ کررہے ہیں۔ شادی کا جشن یہ کسی کا اندازہ ہے۔
“جینیفر کووک کے ساتھ پاگل پن میں مبتلا ہے اور منگنی میں بہت خوش ہے۔ جین اور کوک کی ایک ساتھ حیرت انگیز کیمسٹری ہے ، اور وہ اس کے بغیر زندگی کا تصور بھی نہیں کرسکتی ہے۔ وہ واقعی خوش قسمت محسوس کرتی ہے کہ وہ اس کے خوابوں میں مبتلا شخص سے شادی کرے گی ، “اداکار کے قریبی ذرائع نے منگنی کے بعد ہالی ووڈ لائف ڈاٹ کام کو مطلع کیا تھا۔
