Author: +9251

عراق نے اپنے کسی تیل بردار جہاز کو قبضے میں لیے جانے کو مسترد کردیا ہے.

عراق نے ایرانی حکومت کے اس دعوے کو مسترد کردیا ہے جس میں تہران کا کہنا ہےکہ خلیج میں اس کے ایک تیل بردار جہاز کو تحویل میں لیا گیا ہے۔ عراقی وزارت پٹرولیم کے مطابق ایرانی تحویل میں جانے والا تیل بردار بحری جہاز عراق کا نہیں۔

تفصیلات کے مطابق کے مطابق عراقی وزارت پٹرولیم کے ترجمان عاصم جہاد نے کہا کہ عراق گیس آئل عالمی منڈی کو سپلائی نہیں کرتا۔ ہم صرف خام تیل اور اعلان کردہ پٹرولیم مصنوعات کی عالمی منڈی کو سپلائی کرتے ہیں۔ عالمی منڈی کو تیل کی سپلائی میں تمام بین الاقوامی ضابطوں کا خیال رکھا جاتا ہے۔

قبل ازیں ایرانی ملیشیا پاسداران انقلاب نے دعوی کیا تھا کہ اس نے خلیج میں‌ایک عراق ایک تیل بردار جہاز اپنے قبضے میں لیا ہے جس پر عرب ممالک کو تیل سمگل کیا جا رہا تھا.

ترک صدر نے روس اور امریکا کو واضح اور دو ٹو ک پیغام دے دیا.

تفصیلات کے مطابق ترکی کے صدر رجب طیب ایردوآن نے کہا ہے کہ روس اور امریکا پر واضح کردیا ہے کہ ترک فوج شمالی شام میں دریائے فرات کے مشرقی کنارے میں کرد عسکریت پسند گروپ’پیپلز پروٹیکشن یونٹس’ کے خلاف فوجی آپریشن کا ارادہ کا رکھتا ہے۔

خیال رہے کہ ترکی امریکا اور روس کے ساتھ مل کر شمال مشرقی شام میں سیف زون کے قیام کے لیے ایک سمجھوتہ کرنا چاہتا تھا مگر فی الحال ترکی کو اس میں ناکامی کاسامنا ہے اور اسے سخت مایوسی ہے۔

ترک صدر نے کہا کہ ہمارے پاس اب دریائے فرات کے مشرقی کنارے میں فوجی آپریشن کے سوا کوئی چارہ نہیں بچا۔ ہم نے اس حوالے سے امریکا اور روس کو بھی بتا دیا ہے۔
واضح‌رہے کہ شام میں شدت پسند تنظیم داعش کے خلاف کارروائیوں میں ترکی، امریکا کا اتحادی ہے تاہم اس کا ماننا ہے کہ شام میں کردوں کی تنظیم پیپلز پروٹیکشن یونٹس (وائی پی جی) اور اس کے سیاسی ونگ ڈیموکریٹک یونین پارٹی (پی وائی ڈی)، ترکی میں سرگرم کرد باغی فورسز کی مدد کرتی ہیں، جو اس کی سرزمین پر گذشتہ 3 عشروں سے زائد شورش پھیلانے میں مصروف ہیں اور جنھیں ترکی کی جانب سے دہشت گرد تنظیم قرار دیا جاتا ہے

مصر کے دارلحکومت قاہرہ میں دھماکہ ہوا ہے رپورٹ کے مطابق دھماکے سے 17 افراد ہلاک اور32 زخمی ہو گئے.

باغی ٹی وی رپورٹ کےمطابق مصر میں دھماکے سے 17 افراد ہلاک اور32 زخمی ہو گئے. یہ واقعہ قاہرہ میں کینسر انسٹی ٹیوٹ کے باہر ہوا مبینہ طور پر جسے ایک روڈ ایکسیڈنٹ رپورٹ کیا جارہا ہے.

مصری وزارت داخلہ کے مطابق یہ واقعہ ٹریفک قوانین کی خلاف ورزی سے پیش آیا ، جب ایک مسافر بس میں دھماکہ ہوا.حکومتی ذرائع اور سکیورٹی آفیشل سے یہ بات سامنے نہیں آئی کہ واقعہ حملے کی وجہ سے ہوا یا کہ ٹریف حادثہ کی وجہ سے تھا.البتہ بس میں دھماکے سے ہلاکتیں ہوئی ہیں واضح رہے کہ مصری وزارت داخلہ ٹو رزم کی بحالی اور وسعت کےلیے کوشاں ہے بس میں سیاہ اور غیر ملکی مسافروں کے ہونے کی اطلاعات ہیں.