Author: Aqsa Younas Rana


ترجمان دفتر خارجہ طاہر اندرابی نے کہا ہے کہ پاکستان فلسطین کے مسئلے پر اپنے اصولی مؤقف پر قائم ہے اور اسرائیل سے متعلق پاکستان کی پالیسی میں کوئی تبدیلی نہیں آئی۔
‎میڈیا سے گفتگو میں انہوں نے واضح کیا کہ پاکستان کی بنیادی شرط ایک آزاد، خودمختار اور متصل فلسطینی ریاست کا قیام ہے۔ ان کا کہنا تھا کہ فلسطینی ریاست کے قیام کے بعد ہی اسرائیل سے کسی بھی نوعیت کے تعلقات پر غور کیا جا سکتا ہے۔
‎ترجمان دفتر خارجہ کے مطابق پاکستان ابراہیمی معاہدوں میں شمولیت یا عدم شمولیت کے معاملے کو سیاسی کے بجائے قانونی تناظر میں دیکھتا ہے اور اس حوالے سے اپنا فیصلہ بین الاقوامی قوانین اور اصولوں کی بنیاد پر کرتا ہے۔
‎انہوں نے اس بات پر زور دیا کہ پاکستان فلسطینی عوام کے جائز حقوق کی حمایت جاری رکھے گا اور اس معاملے پر کسی دباؤ کو خاطر میں نہیں لایا جائے گا۔

بنگلادیش پریمیئر لیگ (BPL) کے آج کھیلے جانے والے میچ میں کھلاڑیوں نے بائیکاٹ کر دیا، جس کی وجہ سے میرپور، ڈھاکہ میں چٹوگرام رائیلز اور ناؤخلی ایکسپریس کا میچ شروع نہیں ہو سکا۔ دونوں ٹیمیں ٹاس کے لیے میچ کے وینیو پر حاضر نہیں ہوئیں۔
‎رپورٹس کے مطابق بنگلادیش کرکٹ بورڈ کے ڈائریکٹر نظم السلام کے حالیہ بیان پر کھلاڑیوں نے بائیکاٹ کی دھمکی دی تھی۔ بنگلادیشی کھلاڑیوں نے تمام فارمیٹ کے کرکٹ کھیلوں کا بائیکاٹ کرنے کا اعلان کرتے ہوئے نظم السلام کے استعفے کا مطالبہ کیا ہے۔
‎اس واقعے کے بعد لیگ کے میچز اور کرکٹ سرگرمیاں غیر یقینی صورتحال کا شکار ہیں، اور کھلاڑیوں کی جانب سے دباؤ کے تحت بورڈ انتظامیہ سے فوری جواب کی توقع کی جا رہی ہے۔


ایران میں جاری پُرتشدد مظاہروں کے دوران ہلاکتوں کی تعداد میں نمایاں اضافہ رپورٹ ہوا ہے۔ ایک انسانی حقوق کے گروپ کے مطابق مظاہروں کے دوران مجموعی طور پر 2 ہزار 571 افراد جان سے ہاتھ دھو بیٹھے، جن میں 2 ہزار 400 سے زائد مظاہرین جبکہ 147 سیکیورٹی اہلکار شامل ہیں۔
‎رائٹرز کے مطابق ایرانی حکام نے بھی 2 ہزار سے زائد افراد کی ہلاکتوں کو تسلیم کیا ہے، تاہم سرکاری سطح پر اب تک تفصیلی اعداد و شمار جاری نہیں کیے گئے۔
‎دوسری جانب ایرانی وزیر خارجہ عباس عراقچی نے متحدہ عرب امارات کے وزیر خارجہ سے ٹیلی فونک رابطہ کیا، جس میں انہوں نے مظاہروں کے دوران مبینہ طور پر شرپسند عناصر کو حاصل امریکی اور اسرائیلی حمایت سے آگاہ کیا۔
‎عباس عراقچی کا کہنا تھا کہ ایران اپنی خودمختاری اور قومی سلامتی کا ہر صورت دفاع کرے گا۔ جواب میں یو اے ای کے وزیر خارجہ نے خطے میں صورتحال کے تناظر میں مسلسل مشاورت اور ہم آہنگی کی ضرورت پر زور دیا۔
‎ایرانی وزیر خارجہ نے ترکی کے وزیر خارجہ سے بھی رابطہ کر کے انہیں ملک کی تازہ صورتحال سے آگاہ کیا۔

‎
سابق شاہ ایران کے بیٹے رضا پہلوی نے ایران میں جاری مظاہروں کے حوالے سے سوشل میڈیا پلیٹ فارم ایکس پر بیان جاری کیا ہے، جس میں انہوں نے ایرانی عوام اور مسلح افواج کو مخاطب کیا۔
‎رضا پہلوی کا کہنا تھا کہ دنیا نہ صرف ایرانی عوام کی آواز اور جرات کو دیکھ اور سن رہی ہے بلکہ اب اس پر ردعمل بھی دیا جا رہا ہے۔
‎انہوں نے کہا کہ احتجاج کے دوران بہنے والے خون نے عوام اور حکومت کے درمیان ایک واضح لکیر کھینچ دی ہے، تمام مجرموں کے نام محفوظ رکھے جائیں گے اور انہیں اپنے جرائم کی سزا ملے گی۔
‎ایرانی افواج کو مخاطب کرتے ہوئے رضا پہلوی نے کہا کہ فوج ایران کی قومی فوج ہے، حکومت کی نہیں، اور اس پر فرض عائد ہوتا ہے کہ وہ اپنے ہم وطنوں کی جانوں کا تحفظ کرے۔

کا مرتکب قرار دیا ہے۔
ترجمان دفتر خارجہ نے کہا کہ اجیت دوول کا “تاریخ کا بدلہ لینے” والا بیان انتہائی غیر ذمہ دارانہ اور اشتعال انگیز ہے۔ انہوں نے مزید کہا کہ پاکستان کو اس قسم کے بیان بازی پر کوئی حیرانی نہیں، اور ایسے بیانات نفرت پھیلانے والوں کی ذہنیت کے عکاس ہیں۔

‎دفترخارجہ کے ترجمان طاہر اندرابی نے میڈیا کے سوالات کے جواب میں کہا کہ بھارتی قومی سلامتی کے مشیر اجیت دوول کے بیانات پر مبنی رپورٹس دیکھی گئی ہیں۔ ان کے بقول، یہ بیان بازی ایسے عناصر کی عکاسی کرتی ہے جو اپنی نفرت انگیز سوچ کو فرضی تاریخی بدلے کے لباس میں پیش کرتے ہیں۔
‎ترجمان نے کہا کہ ایسے بیانات نہ صرف خطے میں کشیدگی بڑھاتے ہیں بلکہ امن و استحکام کے لیے سنگین خطرہ بھی ہیں۔ انہوں نے واضح کیا کہ پاکستان ایک ذمہ دار ریاست کے طور پر امن، باہمی احترام اور بین الاقوامی قوانین کی پاسداری پر یقین رکھتا ہے، اور بھارت کی جانب سے نفرت انگیز بیانات اور ماضی کے مبینہ حساب چکانے کی سوچ علاقائی سلامتی کے لیے خطرناک ہے۔
‎اندرابی نے مزید کہا کہ یہ بیان ایسے وقت میں سامنے آیا ہے جب بھارت کی اعلیٰ قیادت کی جانب سے مسلسل سخت اور جارحانہ بیانات دیے جا رہے ہیں، جنہیں تجزیہ کار جنوبی ایشیا میں بڑھتی کشیدگی سے جوڑ رہے ہیں۔ مبصرین کے مطابق اجیت دوول کے بیانات بھارت کے سخت گیر اور تصادم پر مبنی رویے کی عکاسی کرتے ہیں، جس میں پاکستان کے قیام سے انکار اور مئی 2025 کے تنازع میں پاکستان کی فتح پر ناراضگی بھی شامل ہے۔