Author: Baaghi TV

” قدرتی نظَارے”

اللّلہ پاک کی قدرت کے نظارے ہر سُو موجود ہیں ایسے دِلکَش نظارے اپنے آپ میں بہت کچھ سمائے ہوئے ہیں۔ سمندر کی گہرائی جیسے اس میں بہت سے راز پوشیدہ ہوں اور لہریں ساحل سے ٹکرا ٹکرا کے داستاں سناتی ہوں مگر آج تک سمندر کی گہرائی کوئی بھی سائنسدان معلوم نہ کر سکا۔ بلند وبالا پہاڑ آسماں کو چھوتے دکھائی دیتے ہیں اور مضبوط چٹانیں جن کو کوئی ہلا نہ سکتا، بہتی آبشاریں جیسے موجِ رواں ہوں، جیسے بہتا کارواں ہو برستی بارش زمین کو سیراب کرتی ہے اور بارش کی بوندیں پڑتے ہی زمیں مہک جاتی ہے۔ چرِند پرِند ہر شئے میں جلوہ قدرت ہے ۔ صبح گھونسلوں سے نکل کے جانے والے پرندے شام ہوتے ہی لوٹ آتے ہیں اور یہ درس دیتے ہیں کہ کوشش میں حِکمت چھپی ہے۔
طلوع سورج سے آفتاب سورج تک روشنی اور پھر رات کو چاند کی دھیمی سی روشنی کا الگ ہی نظارہ ہوتا ہے۔ستاروں کی چمک جیسے فلک پہ خوبصورت سی کوئی چادر پڑی ہو دھرتی پہ لگے پھَل پھُول اور درختوں کے یہ جھُنڈ اسے صحرا سے زیادہ پرکشش بناتے ہیں حَسِیں وادیاں اور وہاں کی خاموشیاں بہت سکوں دیتی ہیں ۔اس زمیں میں موجود بشر ہر کوئی ایک دوسرے سے منفرد خوبصورت و حَسِین ہے۔
ہر طرف قُدرَت کے جلّوے ہیں ایک سے بڑھ کے ایک قدرت کا نظارہ دلکش وحسیں ہے زمینی جانوروں کی الگ اور آبی جانداروں کی الگ الگ خصوصیات ہیں غرض اللّلہ پاک ہر ایک شئے چرند پرند انسان و حیواں کی تخلیق بلاوجہ نہیں کی سب کو ایک دوسرے سے منسلک کیاسورج سے زمین پہ لگے پودوں کو حرارت ملتی ہے تو پانی سے نمی، ہوا سے زندگی ۔پودے جانوروں کی خوراک بنتے ہیں تو وہی جانور انسانوں کی ۔ اللّلہ پاک کی رَنگا رَنگ تخلیق دیکھ کے عقل دَنگ رہ جاتی ہے بلندوبالا پہاڑوں پہ جب برف باری ہوتی ہے تو وہ ایک الگ ہی خوبصورت منظر پیش کرتے ہیں. جہاں سے زندگی نا ممکن نظر آتی ہے وہ وہاں سے بھی اپنی قدرت کے کرشمے دیکھاتا ہے پتھر سے بھی کیڑے مکوڑوں کی زندگی کی ابتداء کر دیتا ہے. شہد کی مکھیاں کس طرح شہد بنا لیتی ہیں. وہ رب پاک اپنی قدرت کے جلوے دیکھاتا ہے ۔ آبی جانور پانی کے اندر رہتے ہیں اور انسان زمین پہ اللّلہ پاک ہر انسان کو مکمل بنایا ناک، ہاتھ، کان ہر جسمانی عضا دیا اگر کسی میں کوئی کمی ہے تو وہ دنیا کی نظر میں کمی ہے اللّلہ پاک کی نظر میں سب برابر ہیں اور اس میں اللّلہ پاک کی حکمت چھپی ہے کوئی بھی کمتر نہیں اسلئے اللہ پاک کے بنائے انسانوں اور ہر شئے میں نُقص نکالنے کا حق کسی کو حاصل نہیں۔یہ جو بھی ہمارے پاس ہے سب اللّلہ پاک کی قدرت ہے دنیا کی ہر شئے اللّلہ پاک انسانوں کو عطا کی نا شکری سے گریز کریں اللّلہ پاک کی حکمت کو سمجھیں سب اللّلہ پاک کی قدرت ہےکیسے کیسے نظارے ہیں سب قدرت کے اشارےہیں. انسان سب سمجھنے سے قاصر ہے پر بھی کتنے پیارے ہیں۔جتنا بھی ہم قدرت کے دلکش نظارے دیکھتے ہیں ہر شئے میں اللّلہ پاک کی حکمت نظر آتی ہے اللّلہ پاک کی ہر شئے پُرکشش ہے اللّلہ پاک نے انسان کو بنایا عقل سے نوازا اور انسان اپنی عقل و فہم سے ایسی ایسی چیزیں بنا ڈالی کہ زندگی جنگل کی ویرانوں سے نکل کہ آرام وآرائش میں منتقل ہوگئ. اب زندگی میں ہر آسائش موجود ہے زندگی کو آسان بنا دیا گیا. اللّلہ پاک زمین سے پودے میں جان ڈال دی اور پودے بہت سے چرند پرند کیڑے مکوڑوں کی خوراک کا ذریعہ ہیں۔ قدرت میں ہر چیز حیرت انگیز اور منفرد ہےدریاووں میں بہتہ پانی کتنا پیارا لگتا ہے دیکھتے ہی ایک ٹھنڈک کا احساس ہوتا ہے پانی جب رواں ہوتا ہے بہتا جاتا ہے رستے میں آنے والی ہر شئے کو بہا کے لے جاتا ہے ۔اللہ پاک کی بنائی ہوئی ہر شئے کو خوبصورت انداز میں دیکھیں تو آپ جان پائیں گے ہر بنائی ہوئی چیز بے مقصد نہیں۔اپنی زندگی بھرپور انداز میں جئیں ۔ اور اللّلہ پاک کی ہر دی ہوئی نعمت کا شکر ادا کریں ۔

#افشین
@Hu__rt7

1992 کے ورلڈ کپ کے بعد کرکٹ کو ہمیشہ ہمیشہ کے لئے خیر باد کہنے یعنی ریٹائرمنٹ کے بعد عمران احمد خان نیازی سرگرم فلاحی شخصیت بن گئے۔
انہوں نے اس کا آغاز ایک بہت ہی بڑے پرجیکٹ یعنی کینسر ہسپتال بنانے سے کیا جس کا منشور ارض پاک میں غریب ضرورت مند لوگوں کا کینسر جیسا مہنگا علاج فری ہو سکے
عمران خان نے اس ہسپتال کا نام اپنی کینسر سے وفات پانے والی ماں کے نام پر رکھا جس کانام آج بچہ بچہ جانتا ہے وہ ہے شوکت خانم میموریل کینسر ہاسپٹل اینڈ ریسرچ سینٹر یان دنوں کی بات ہے جب مسلم لیگ ن نے عمران خان نیازی کو یہ باور کروانے کی کوشش کی کہہ وہ ان کو اپنی پارٹی میں شمولیت کے متمنی ہیں یاد رہے یہ ارض پاک میں نواز شریف کے اقتدار کا پہلا دور تھا

1992 میں ایک ٹی وی پروگرام میں نواز شریف کہتے ہیں کہ انہوں نے عمران خان کو کئی سال قبل ہی سیاست میں آنے کی پیشکش کی تھی "مگر انہوں نے ٹھکرا دی۔ وہ کہتے ہیں یہ مجھے ابھی بھی معلوم نہیں کہ کیوں۔ بہرحال، پیشکش اب بھی موجود ہے۔”
یہ بات 1992 کے ورلڈ کپ کے بعد کی ہے

اس وقت عمران احمد خان نیازی کی عمر تقریباً چالیس سال سے کچھ اوپر تھی اب وہ اپنے ایک لڑکپن سے بتدریج تاثر کو کم کرنا شروع کر دیا

برطانیہ کی امیر ترین مشہور و معروف سیاسی و کاروباری شخصیت جیمز گولڈ اسمتھ کی بیٹی جمائمہ نے عمران خان سے 21 سال کی عمر میں پیرس میں 1995 میں شادی کرلی۔
ان دونوں کے ہاں ماشاءاللہ دو بچوں کو جنم دیا جن میں ایک کا نام سلیمان اور دوسرے کا نام قاسم ہے تقریباً نو سال ساتھ رہینے کے بعد عمران خان اور جمائمہ کے درمیان طلاق ہوگئ
عمران احمد خان نیازی لکھتے ہیں کہہ طلاق سے پہلے کے تقریباً چھ ماہ اور طلاق کے بعد کے چھ ماہ میری زندگی کے انتہائی مشکل وقت تھا طلاق کے وقت ایک بیان میں عمران خان کہتے ہیں کہہ جمائمہ نے ادھر گھل مل جانے کی بہت کوشش کی مگر میری سیاسی زندگی کیوجہ سے ان کے لئے پاکستان کے حالات اور زندگی سے ہم آہنگ ہونا مشکل تھا
1993میں معین قریشی کی نگران مقرر ہونے والی حکومت میں عمران احمد خان کو سفیر سیاحت تعنیات کر دیا گیا یہ عہدہ ایک وزیز کے برابر ہی ہوتا ہے انہوں نے تین ماہ بعد نگران حکومت کے خاتمے سے ہی وہ عہدہ چھوڑ دیا
1995) کے اختتام تک ان کے قریبی دوستوں، نے انہیں سیاسی کریئر شروع کرنے پر آمادہ کر لیا تھا۔

اور پھر اسی طرح عمران احمد خان نے باقاعدہ اپنی سیاسی جماعت بنانے کا اعلان کیا اور 25 اپریل 1996 کو عمران خان نے اپنی سیاسی جماعت پاکستان تحریکِ انصاف (پی ٹی آئی) کی بنیاد رکھی۔ اور اسی جماعت کے پلیٹ فام سے 1997 کے عام انتخابات، جو اس جماعت یعنی پی ٹی آئی کے پہلے انتخابات تھے، میں پارٹی نے کوئی بھی نشست نہ جیتی۔ جاری ہے

اللہ ہم سب کا حامی و ناصر ہو آمین ثمہ آمین

@ChAttaMuhNatt

دنیا کی تاریخ کی تیز ترین فتح طالبان نے اپنے نام کی۔ گزشتہ دنوں طالبان نےصرف تیس دنوں میں کابل فتح کرتے ہی پورے افغانستان میں اپنے جھنڈے گاڑ دئے وہ بھی بغیر کسی بھاری خون خرابے اور نقصان کے۔ یہ سب کیسے ہوا آئئے جائزہ لیتے ہیں !
سب سے پہلے ہمیں طالبان کا انتظامی ڈھانچہ سمجھنا ہو گا کہ کیسے وہ بیس سال افغانستان میں فعال رہے۔
جب روس کا افغانستان سے انخلا ہوا تو قندھار میں پہلے سے جاری تحریک طالبان نے زور پکڑ لیا 1996 میں دارالحکومت کابل پر قبضے کے بعد ملا محمد عمر طالبان کے سربراہ کے طور پر سامنے آئے۔اس طرح ملا عمر طالبان کے پہلے "امیرالمومنین” کہلائے۔ملا عمر2001 میں امریکی حملے کے وقت بھی طالبان کے سربراہ تھے۔ملا عمر کے انتقال کے بعد جولائی 2015 میں طالبان نے ملا اختر منصور کو اپنا نیا سربراہ بنا لیا اس طرح ملا اختر منصور طالبان کے دوسرے امیرالمومنین ہوئے۔لیکن صرف 10 ماہ بعد ہی مئی 2016 میں ملا اختر منصور ایک حملے میں ہلاک ہوگئے۔ملا اختر منصور کے بعد مولوی ہیبت اللہ اخوانزادہ نئے سربراہ بنے۔ مولوی ہیبت اللہ اخوانزادہ طالبان کے موجودہ امیرالمومنین ہیں ان کے نیچے تین نائب امیر ییں۔پہلے نائب امیر ملا محمد یعقوب جو طالبان کے نظریاتی اور مزہبی امور سنبھالتے ہیں دوسرے نائب امیرسراج الحق حقانی جو طالبان کی عسکری امور دیکھتے ہیں جبکہ تیسرے نائب امیر ملا عبدالغنی برادر ہیں جو امن مزاکرات میں طالبان کی نمائندگی کرتے ہیں۔اس کے علاوہ طالبان کی ایک شوری ہے جسے طالبان کی کابینہ کہا جاسکتا ہے اس شوری کے نیچے چند ونگ کام کرتے ہیں جن میں عسکری اور سیاسی ونگ کے علاوہ کچھ کمیشن بھی ہیں جنہیں ہم ان کی شاخیں بھی کہ سکتے ہیں جن کی جڑیں عوام تک ہیں۔طالبان کا ہر صوبے کے لئے ایک شیڈو گورنر اور ایک کمانڈر بھی ہوتا ہے۔دیکھیں گزشتہ بیس برسوں میں کس طرح ایک منظم تنظیم سازی کر کے طالبان نے اپنی اس تحریک کو فعال اور متحرک رکھا ہوا تھا اور جب وقت آیا تو کیسے صرف تیس دنوں میں بغیر خون خرابے اور املاک کو نقصان پہنچائے بناء پورا افغانستان فتح کر لیا کیونکہ اس جنگ میں ہتھیار ڈالنے والوں کو طالبان نے قتل نہیں کیا گو کہ بہت سے ایسے طالبان دشمنوں نے طالبان کے سامنے ہتھیار ڈالے جنہوں نے طالبان دشمنی میں سب کو پیچھے چھوڑ دیا تھا طالبان نے اس تمام۔تر کاروائ کے دوران کسی پر کوئ ٹارچر بھی نہیں کیا اس پورے تیس دنوں کی کاروائ میں ٹارچر کا ایک واقعہ بھی رپورٹ نہیں ہوا۔اور اس پوری کاروائ کے دوران نہ کوئ چوری کی نہ کوئ لوٹ مار کی اور نہ یی کوئ اناج وغیرہ لوٹا چاہتے تو بنک اور اے ٹی ایم مشینیں دوکانیں وغیرہ سب لوٹ سکتے تھے لیکن انہوں نے ایسا نہیں کیا۔اور یہ ہی سب باتیں عوام میں گھر کرتی رہیں۔ اس کے علاوہ طالبان نے عام۔معافی کا اعلان کیا اور مخالفین سے مھائدہ کئے اور ان پر عمل کیا اگر کسی مخالف نے ان سے مھائدہ کیا کہ وہ کسی دوسری حگہ حجرت کرنا چاہتے ہیں تو انہوں نے جانے دیا۔اس کے علاوہ خواتین سے بد سلوکی کا کوئ ایک واقعہ بھی رپورٹ نہیں ہوا۔ خاص بات یہ ہے کہ اس دوران طالبان نے کوئ مزہبی پابندی بھی نہیں لگائ کسے نے داڑھی رکھی ہے یا نہیں جو نماز پڑھ رہا ہے یا نہیں کسی کو کچھ نہیں کہا عورتوں کو کہا کہ آپ پردے میں اپنے سارے امور انجام دیں اسکول کھلوائے اور اس دوران خواتین کی تعلیم میں بھی کوئ رکاوٹ نہیں ڈالی گئ۔جن علاقوں کو بھی فتح کیا وہاں کاروبار بند نہیں کیا دوکانیں کھلی رہیں کاروبار اپنے عمومی انداز میں چلتے رہے۔
کسی صحافی، غیر ملکیوں کو یا این جو او کے نمائندوں کو قتل نہیں کیا گیا اس کے علاوہ فرقہ ورانہ واقعات بالکل نہیں ہوئے انہوں نے اہل تشیع اور بریلویوں کے ساتھ بھی مھائدات کئے بلکہ دیگر نسل کے شہریوں جیسے تاجک یا ازبک سے بھی مھادات کئے کسی کو فقہی یا نسلی بنیادوں پر کوئ نقصان نہیں پہنچایا۔انہوں نے اس دوران نہ کوئ اسکول بند ہونے دیا اور نہ کوئ سرکاری دفتر سب ان کی نگرانی میں اپنا کام کرتے رہے۔طالبان نے کسی بھی مخالف کے مال و دولت اور اسلحہ وغیرہ پر قبضہ بھی نہیں کیا سوائے غیر ملکی افواج سے چھینا گیا اسلحہ اور مال و اسباب کو مال غنیمت کے طور پر رکھ لیا۔اس کے علاوہ طالبان نے کسی کو زبردستی لڑنے پر مجبور بھی نہیں کیا۔
یہ ہیں وہ اسباب جس کے باعث بناء خون بہائے دنیا کی طویل ترین جنگ پر طالبان نے تیز ترین فتح حاصل کی۔ اب تو ساری دنیا اس حیرت انگیز واقعہ پر تحقیق کرتی رہے گی اور کتابیں لکھے گی لیکن اصل بات یہ ہے کہ جب کوئ کام اللہ کی رضا کے لئے کیا جاتا ہے اور اس کے بتائے ہوئے اصول پر چلا جاتا ہے تو ایسے ہی کامیابی حاصل ہوتی ہے۔ اللہ تعالی سے دعا ہے کہ اس خطے سمیت پوری دنیا میں امن و سلامتی ہواور لوگوں کی جان و مال محفوظ رہے۔انشاءاللہ

@Azizsiddiqui100

گذشتہ دنوں مینار پاکستان پر ایک دردناک واقعہ پیش آیا جہاں ایک نہتی لڑکی کو ایک ہجوم نے گھیرلیا اور جس طرح اس لڑکی کی عزت کو نیلام کیا وہ دیکھ کر ہر ذی روح انسان کانپ جائے جس درندگی اور حیوانیت کا مظاہرہ کیا گیا وہ دیکھ کر شائد جانور بھی انسانوں سے خوف کھانے لگ جائیں
اس سے ذیادہ افسوس کی بات تب نظر آئ جب چند لوگ اس واقعہ کا الزام بھی لڑکی پر لگاتے نظر آئے ،کسی نے کہا وہ اکیلی نکلی کیوں،وہ تو ٹک ٹاک اسٹار تھی ،اور کسی نے کہا اس نے کپڑے ایسے پہنے تھے بہرحال ایسے چند لوگ تھے باقی تمام صاحب عقل لوگ اس واقعے کی شدید الفاظ میں مذمت ہی کرتے نظر آتے ہیں
اس واقعے کو دیکھ کر یوں لگ رہا تھا کہ جیسے اسلام آباد میں لڑکی کو ذیادتی کا نشانہ بناکر گلہ کاٹنے والے حیوان ظاہر جعفر جیسے لوگ ہماری گلی کوچوں اور بازاروں میں ہر جگہ کہیں نا کہیں موجود ہیں ،جو عورت ذات پر گندی نظر رکھنے ،اسے حوص کا نشانہ بنانے اور پھر الزامات بھی عورت پر ہی لگانے کے لئے بے تاب کھڑے ہوتے ہیں اور پھر یقین کریں جو ہم کسی اور کی ماں،بہن،بیٹی کے بارے میں سوچ رہے ہوتے ہیں وہی سب کچھ اور لوگ ہماری بھی ماوں،بہنوں کے بارے میں سوچ رہے ہوتے ہیں
اس لئے خدارا ہمیں ایسی سوچ ،اس چھوٹی ذہنیت سے چھٹکارا حاصل کرنا چاہیے یقین کریں اگر ہر انسان انفرادی طور پر خود سے یہ وعدہ کرلے کہ میں کسی اور کی ماں،بہن،بیٹی پر کبھی گندی نظر نہیں رکھوں گا بلکہ معاشرے میں کہیں بھی ضرورت پڑی تو میں ایسی خواتین کا باپ،بھائ کا کردار ادا کرنے کی کوشش کروں گا اس سوچ کو پروان چڑھائیں ہمارا یہ معاشرہ بہت خوبصورت اور حیوانگی سے پاک ہوجائے گا آپ دوسروں کی ماں،بہن کی عزت محفوظ بنانے میں اپنا کردار ادا کریں گے تو آپ کے گھر کی خواتین بھی محفوظ رہیں گی
عورت موقعہ نہیں بلکہ ذمہ داری ہوتی ہے ،لاہور جیسے یا اس بھی ذیادہ بھیانک کئ واقعات آئے روز ہمارے معاشرے میں ہوتے نظر آتے ہیں یہ سب ظاہر کرتے ہیں کہ ہمارے معاشرے کے ان چند بھیڑیہ صفت لوگوں کی وجہ سے ہماری خواتین کتنی غیر محفوظ ہیں
اس پر کنٹرول حکومت بھی کرواسکتی ہے قانون بھی موجود ہے ،خواتین کی عزت اور ان کے حقوق کے حوالے سے ہمارے پاس بہت مضبوط قانون موجود ہے ،لیکن ہمارے معاشرے میں اکثر خواتین بیچاری خاندان کی عزت ،اپنی عزت وغیرہ کے ڈر سے چھوٹے موٹے واقعات کی پولیس رپورٹ درج ہی نہیں کرواتی اور کچھ ہمارے پولیس محکمے میں بھی ایسے لوگ بیٹھے ہیں جن کے پاس اکیلی خاتوں رپورٹ درج کروانے جاتے ہوئے بھی اپنی عزت کی وجہ سے ڈری ہوتی ہے
اس لئے جب تک ہم ایک قوم بن کر اپنا فریضہ سمجھتے ہوئے معاشرے سے اس ناسور کو ختم کرنے کا عہد نہیں کرتے تب تک شائد ہمارے معاشرے میں خواتین اسی طرح آئے روز اپنی عزتیں نیلام کرتی ہی نظر آئیں گی
پوری قوم متحد ہو کر آگے بڑھے دوسروں کی بہن ،بیٹی کو اپنی بہن بیٹی سمجھیں،ماں باپ اور خاندان والے اپنی بیٹیوں ،بہنوں کو اپنا مکمل اعتماد دیں اور ان کو ہمیشہ سمجھائیں کہ کہیں بھی کوئ معمولی سا واقعہ بھی آپ کے ساتھ پیش آئے بلاخوف اپنے گھر بتائیں ،گھر والے اس پر مکمل قانونی کاروائ کروائیں ،پولیس اپنا رویہ بہتر بنائے ،میڈیا اپنا مثبت کردار ادا کرے ،اسلامی تعلیمات دی جائیں اور خواتین کو محفوظ معاشرے میں عزت اور سکون کے ساتھ رہنے اور جینے کی مکمل آزادی دی جائے
اللہ پاک ہمارے اس معاشرے کو حیوانوں اور درندوں سے پاک کرے تاکہ ہماری اور آپ کی خواتین کی عزت محفوظ ہو سکے آمین

یوں تو چکوال کے کئی اک تعارف ہیں۔مگر چکوال کا سب سے بڑا تعارف یہ ہے کہ ‘یہاں کا ہر دوسرا آدمی سپاہی اور ہر تیسرا آدمی شاعر ہے’۔ یہاں کہ مکینوں نے پنجابی، فارسی،اردو اور انگریزی ادب کے کئے شہکار تخلیق کیے۔ چکوال جیسی زرخیز ادبی سرزمین پر چمکنے والے ستاروں میں آج کل سب سے زیادہ متحرک، نوجوان اور ادب سے محبت کرنے والا شاعر "عرفان خانی” کو کہنا غلط نہ ہوگا۔ عالمی ادب اکادمی کے سرپرست اعلیٰ ،عرفان خانی کے قلمی نام سے پاکستان کے ہرشہر اور ہر دیہات میں پہچانا جانے والا عالمی شہرت یافتہ یہ نوجوان شاعر،تحصیل کلرکہار کے علاقہ خیر پور شریف کا رہائشی ہے۔ ادب سے محبت ان کے لہجے اور اشعار میں جھلکتی ہے۔ ایک دن میں کئی ادبی تقریبات کروانے جیسی منفرد خصوصیات کی حامل تنظیم عالمی ادب اکادمی کے زیر اہتمام ہی کلرکہار میں پہلی دفعہ جھیل میں کشتیوں کے اندر مشاعرہ ہوا۔ پاکستان کا شاید ہی کوئی شہر یا دیہات ایسا ہوا جہاں انھوں نے کوئی ادبی تقریب نہ کروائی ہو۔ انکی اور تنظیم کی شہرت اور ادبی کارکردگی کا اندازہ اس امر سے لگائیے کہ عالمی ادب اکادمی کی 126 ادبی تنظیمیں ممبر ہیں۔ عرفان خانی کی سب سے منفرد خصوصیت یہ ہے کہ انھوں نے ہمیشہ ادبی گروہوں اور دھڑے بندوں کی مخالفت کی۔ نوجوان شاعروں کی ہمیشہ حوصلہ افزائی کرتے نظر آئیں گے۔ ان سے جب بھی بات ہوئی تو محبت اور شفقت انکے لہجے سے جھلکتی نظر آئی۔ادب کی ترویج کے لیے ایسے کوشاں رہتے ہیں کہ جیسے کوئی باپ اپنے بیٹے کی اچھی پرورش کےلیے،۔ "مین آف لٹریچر،خان ادب، فخر ادب، نشان ادب” جیسے کئی ایوارڈز اور القابات سے نوازے کئے اس شخص کو سرزمین چکوال اور ادبی دنیا ہمیشہ یاد رکھے گی۔

عرفان خانی بے لوث محبتوں کے امیں تو ہیں ہی مگر وہ روایت سے جڑے ہوئے خوبصورت فکر و خیال کے شاعر بھی ہیں۔ان کی شخصیت کی طرح انکی شاعری بھی دل کو چھو لیتی ہے۔ انکی شاعری عام فہم ہونے کے ساتھ ساتھ ہر قاری کو اپنے دل کی صدا محسوس ہوتی ہے۔ جس کی مثال یہ اشعار ہیں۔

ﺟﻨﮕﻞ ﺑﮩﺖ ﺍﺩﺍﺱ ﺗﮭﺎ ﺭﻧﮕﻮﮞ ﮐﯽ ﺁﺱ ﻣﯿﮟ
ﺗﺘﻠﯽ ﻧﮯ ﭘﺮ ﺍﺗﺎﺭ ﺩﺋﯿﮯ ﺍﭘﻨﮯ ﮔﮭﺎﺱ ﻣﯿﮟ

ﺍﺱ ﻧﮯ ﺗﻮ ﺻﺮﻑ ﮐﮭﺎﻝ ﺍﺗﺎﺭﯼ ﺗﮭﯽ ﺟﺴﻢ ﺳﮯ
ﮐﯿﮍﻭﮞ ﻧﮯ ﮔﮭﺮ ﺑﻨﺎ ﻟﺌﮯ ﮨﯿﮟ ﻣﯿﺮﮮ ﻣﺎﺱ ﻣﯿﮟ

ﺩﺭﯾﺎ ﮐﻮ ﭘﯽ ﮔﯿﺎ ﮨﮯ ﻓﻘﻂ ﺍﯾﮏ ﮔﮭﻮﻧﭧ ﻣﯿﮟ
ﺻﺤﺮﺍ ﮐﯽ ﺗﺸﻨﮕﯽ ﺗﮭﯽ ﺳﻤﻨﺪﺭ ﮐﯽ ﭘﯿﺎﺱ ﻣﯿﮟ

ﭘﺘﮭﺮ ﮐﺎ ﺧﻮﻑ ﺍﯾﺴﺎ ﺗﮭﺎ ﮐﮧ ﭨﻮﭨﻨﮯ ﻟﮕﮯ
ﺭﮐﮭﮯ ﺗﮭﮯ ﺟﺘﻨﮯ ﭘﮭﻮﻝ ﺳﺠﺎ ﮐﺮ ﮔﻼﺱ ﻣﯿﮟ

ﻋﺮﻓﺎﻥ ﺍﭘﻨﮯ زﺧﻢ ﭼﮭﭙﺎﻧﮯ ﮐﮯ ﻭﺍﺳﻄﮯ
ﻟﭙﭩﺎ ﮨﻮﺍ ﮨﮯ ﺟﺴﻢ ﻟﮩﻮ ﮐﮯ ﻟﺒﺎﺱ ﻣﯿﮟ

اعجاز الحق عثمانی
@EjazulhaqUsmani

افغانستان کی موجودہ صورتحال اس بات کی متقاضی ہے کہ پاکستان جو بھی قدم اُٹھاۓ۔
سوچ سمجھ کے اٹھاۓ۔
کوئ بھی فیصلہ کرتے وقت پاکستان کے مفاد کو مقدم رکھا جاۓ۔
اسکے علاوہ تیل دیکھو،تیل کی دھار دیکھو کے مصداق بین الاقوامی برادری اور خطےکے فیصلوں پر بھی گہری نظر رکھی جاۓ۔
جس طرح طالبان نے پچھلے دور اقتدار سے کچھ سبق سیکھے ہیں،اسی طرح پاکستان بھی اپنے ماضی کے تجربات کو مدنظر رکھتے ہوۓ وہ غلطیاں نہ دہراۓ،جو ماضی میں کی گئیں۔جن کی بھاری قیمت ادا کرنا پڑی۔اربوں کے مالی نقصانات کے ساتھ ساتھ ہزاروں لوگ شہید بھی ہوۓ۔کسی کی جنگ کو ہمیں مجبورا” اپنی جنگ سمجھ کر لڑنا پڑا کیونکہ اس میں ہمارے بچے شہید ہو رہے تھے/
مرتا کیا نہ کرتا،کے مصداق ہمیں اپنے گلے میں پڑے اس ڈھول کو بجانا پڑا۔
افغانستان کے معاملے میں اب تک پاکستان نے اپنے کارڈز بہتر انداز میں کھیلے ہیں۔
عمران خان کے اس موقف کو دنیا بھر میں زبردست پزیرائ مل رہی ہے،جس میں انہوں نے کہا تھا کہ افغانستان کے مسئلے کا حل سیاسی ہو گا،عسکری طریقے سے اس مسئلے کو حل نہیں کیا جا سکتا۔
گزشتہ رات امریکی صدر جوبائیڈن نے بھی اپنی کانفرنس میں عمران خان کے موقف ہی کو اپنایا۔
عمران خان نے افغانستان کے مسئلے کو اپنے مشاہدات کی نظر سے پرکھا اور پھر
Absolutely not
کہہ کر دنیا کو پیغام دیا کہ پاکستان امریکہ کو پاکستان سے افغانستان پر حملے کے لئے اڈے فراہم نہیں کرے گا۔
امریکہ کی طرف سے اس سیدھے سادھے جواب پر سخت ردعمل بھی آیا،بعض معاملات پر پاکستان پر دباو بھی ڈالا گیا۔جس میں فیٹف کا معاملہ بھی شامل ہے۔جس میں خاطر خواہ پیش رفت کے باوجود پاکستان کو ابھی تک گرے لسٹ میں جان بوجھ کر رکھا جا رہا ہے۔
مگر ابھی تک پاکستان اپنی اسی بات پر ڈٹا ہوا ہے،
ہو سکتا ہے کہ پاکستان کو اپنی اس ناں کی مزید قیمت بھی چُکانا پڑے۔
قوم کو زہنی طور پر ہر چیز کے لئے تیار رہنا چاہیے۔ہم پر کچھ پابندیاں بھی لگ سکتی ہیں،جو ان شاءاللہ پاکستان چین جیسے دوست ملک اوراپنی بہتر حکمت عملی سے برداشت کر لے گا۔
بڑے فیصلوں کی بعض دفعہ بڑی قیمت بھی چکانا پڑتی ہے۔
مگر کوئ بھی قیمت ستر ہزار جانوں سے زیادہ بڑی نہیں ہو سکتی۔
جو پچھلی دفعہ ہم نے غلط فیصلوں کی بدولت ادا کی۔
عمران خان حکومت نے اب تک جو بھی فیصلے کئے ہیں،وہ درست ثابت ہوۓ ہیں۔حکومت کے ہر فیصلے میں پاک فوج اسکے ساتھ کھڑی ہے،جو ہماری کامیابی کا ٹرمپ کارڈ ہے۔
افغانستان کی پیچیدہ صورتحال کی نزاکتوں کو نہ سمجھتے ہوے ترک صدر طیب اردوان نے امریکہ کے جانے کے بعد کابل کی حفاظت کی زمہ داری قبول کرنے کی جو غلطی کی۔اسے جلد ہی اسکا ادراک ہو گیا کہ اس قسم کا فیصلہ آگ سے کھیلنے کے مترادف ہو گا۔
بحرحال خوش آئند پہلو یہ ہے کہ ترکی نے اپنی اس غلطی کا احساس ہوتے ہی اسکا ازالہ کرتے ہوۓ اپنی پوزیشن کو بیک فُٹ پر کر لیا ہے۔
گزشتہ چوبیس گھنٹے میں طیب اردوان کی عمران خان سے دو بار بات ہو چکی ہے،جو عندیہ ہے اس بات کا کہ افغانستان کی نئی حکومت کو تسلیم کرتے وقت پاکستان اور ترکی ایک پیج پر ہوں گے۔
پچھلے کچھ گھنٹوں میں جرمنی کی سربراہ اور برطانیہ کے وزیر اعظم کا عمران خان کو افغانستان کی صورتحال پر فون واضح کرتا ہے کہ پاکستان اس وقت اس تنازعے میں کتنا اہم ملک ہے۔
پاکستان میں پچھلے دو دنوں سے جشن کا سا سما ہے۔
افغانستان میں طالبان کے کنٹرول کے بعد پاکستان کے خلاف ہرزہ سرائ کرنے اور سازشیں کرنے والے سابق کابل رجیم کے بڑے بڑے نا سور اس وقت تک راہ فرار اختیار کر چکے ہیں۔
بھارت کی ساری سرمایہ کاری،جو اس نے پاکستان کے خلاف کر رکھی تھی۔ڈُوب چکی ہے۔
بھارت میں افغانستان کی موجودہ صورتحال کو لیکر اس وقت سوگ کی سی کیفیت ہے۔
انہیں لگ رہا ہے کہ انہوں نے جو گڑھا پاکستان کے لئے کھودا ہے۔وہ اپنی بد نیتی کی وجہ سے خود ہی اس میں گر چکے ہیں۔
افغانستان سے اشرف غنی اور اسکے حواریوں نے اپنے دور اقتدار میں ہمیشہ بھارت کی زبان بولی۔
وہ اتنے احسان فراموش اور نمک حرام تھے کہ یہاں تک بھول گئے کہ پاکستان کب سے لاکھوں افغان مہاجرین کا بوجھ برداشت کئے ہوۓ ہے،
دیگر کئی احسانات بھلا دئیے گئے،ہر پلیٹ فارم پر پاکستان کے خلاف ہرزہ سرائ معمول تھا۔
اس سب کے پیچھے بھارت کا ہاتھ ہوتا تھا،اسی لئے ان سب دشمنان پاکستان کی پسپائ پاکستانیوں کے لئے اچھی خبر لے کر آئ ہے۔
طالبان کے برسر اقتدار آنے کے بعد امید ہے کہ ہماری افغانستان سے ملحقہ مغربی سرحد محفوظ ہو جاۓ گی۔
اس سرحد پر پاکستان بہت سی قربانیوں کے بعد باڑھ کا کام بھی مکمل کر چکا ہے۔
ماضی میں اس سرحد سے دہشت گردوں کی پاکستان آمد کا سلسلہ بھی اس باڑھ اور طالبان کے اقتدار کی وجہ سے رک جاۓ گا،
جو بھارت کے لئے اضطراب کا باعث ہے۔
افغانستان کے مسئلے پر پاکستان کے لئے ضروری ہے کہ چین،روس،ترکی،ایران،سعودی عرب،متحدہ عرب امارات اور قطر جیسے ممالک اسکے ساتھ ہوں،
تبھی ہم امریکہ کی ناراضگی کا بوجھ برداشت کرنے کے متحمل ہو سکیں گے#

@lalbukhari