Author: Baaghi TV

‏پاکستان سے باہر آکر اپ دنیا کی ہر سہولت انجوائے کرتے ہو ہر قسم کی آسائش میسر ہوتی ہیں لیکن جب جب پاکستان کے خاص دن ہوتے ہیں دل اداس سا ہوجاتا ہے سچ میں دل بھر بھر آتا ہے چاہے وہ عید کا تہوار ہویا قومی تہوار ۔۔۔شب قدر ہو یا شب برات ۔رمضان مبارک ہو یا پھر 14 اگست ایک ایک واقعہ نظروں کے سامنے ایک فلم کی طرح چلنے لگ جاتا ہے پھر اپنے وطن کی بہت یاد آتی ہے اس معاملے میں شائد میری طرح ہر اوورسیز پاکستانی جذباتی ہوجاتا ہوگا لیکن پاکستان میں رہنے والوں کو کیا پتہ یہ دن کتنے نایاب ہوتے ہیں اوورسیزپاکستانیوں کے لیے ۔۔ بچپن میں شب برات پر ایسے ہی خوشیاں منائی جاتی تھیں جیسے عید پر ۔اور عید پر نئے کپڑوں اور جوتوں کی خوشی ۔اور بےچینی سے صبح کا انتظار کرنا کہ کب صبح ہو اور ہم نئے کپڑے جوتے اور چوڑیاں پہن کر سچ دھج سے سے تیار ہوکر مزیدار سے کھانے انجوائے کریں اب ہر دن بچپن کی عید کے جیسا ہے لیکن وہ سچی خوشیاں ناپید ہوگی ہیں ۔۔!!
14 اگست والا دن بھی میرے لیے کبھی بھی عید کے دن کی خوشی سے کم نہیں ہوا کرتا۔سکول لائف میں 14 اگست کے حوالے سے کافی پروگرامز میں حصہ لیا کرتی تھی دو ہفتے پہلے سے ہی فنکشن کی تیاری شروع کردی جاتی تھی ایک گہماگہمی کا سا ماحول ہواکرتا تھا سکول لائف میں میرے بھائی جان مجھے تقریر کرنے کی پریکٹس گھر میں کروایا کرتے تھے جو میں نے سٹیج پر کرنی ہوتی تھی چودہ اگست کے حوالے سے ۔جو سکول میں فنکشن مرتب کیا ہوتا تھا اور جب سکول کالج سے فری ہوئی تو سلسلہ رکا نہیں بہت محبت سے گھر جھنڈیوں سے سجانا سارا دن بس اپنے وطن کے ترانے سنتے۔ اور گانے میں گزر جاتا تھا ایک کیفت سی دل ودماغ میں چھائی ہوتی تھی اپنے وطن کی محبت میں ۔۔اسے گوروں کا ملک یا پردیس تو نہیں کہوں گی کیونکہ یہاں ہم settled ہیں کافی عرصے سے ۔۔۔ تو یہ بھی میرا وطن ہے جیسے پاکستان ہے ۔۔۔!!تو بات کررہی تھی اپنے مذہبی اور وطن کے تہواروں کی تو ہر سال سوچتی بس اب ایک تہوار تو اپنے وطن جاکر کروں لیکن اتنا انسان اس میٹھی جیل میں آکر قید ہوجاتا ہے کہ چاہ کر بھی وقت نکالنا مشکل ہوجاتا ہے جو لوگ پاکستان رہتے ہیں انھیں شائد احساس ہی نہیں ہوگا کہ اپنا وطن کتنی بڑی نعمت ہے اور اگر تاریخ پڑھیں تو پھر احساس ہوتا ہے کہ ہمارے اباواجداد نے کتنی مشکل سے یہ وطن ہمیں پلیٹ میں سجا کر دیا ہے اللہ کا کروڑ دفعہ شکر کرتے ہیں کہ اس نے ہمیں پیارا پاکستان دیا ہے اللہ میرے وطن کو شاد رکھے دشمن کی میلی آنکھ سے محفوظ رکھے۔۔آمین
وطن سے دور ہونے کی وجہ سے ہم 14 اگست کے حوالے سے منقد تقریبات میں تو شامل نہیں ہوسکتے لیکن سوشل میڈیا الیکٹرونک میڈیا پر ہی ہم اپنی تشنگی کم کرسکتے ہیں سب اوورسیز پاکستانی ۔ملی نغمے سن کر دیکھ کر۔۔۔!!
لوگوں کا جوش وخروش اپنے وطن سے محبت کا انداز ایک نئی امید پیدا کرتا ہے کہ ملک رہے سلامت ۔ ذندہ یار صحبت باقی۔عیدیں تہوار ہزاروں ۔۔!!بہت قومی اور اسلامی تہوار آئیں گے کبھی تو ہم بھی ان میں شامل ہوں گے ان شاءاللہ بس جذبہ سلامت ہونا چاہئیے ۔۔!

موسم میں بڑی گھٹن سی تھی
گرم لو کا راج تھا ہر سُو ،بادل بھی آسمان کو يوں گھیرے تھے جیسے ابھی برسنے کو ہوں مگر مجال ہے جو اتنی ہمت کر
سکے اس گرمی کے آگے تو بےبس ہی ہو جیسے
پھر دل کے موسم کے ساتھ ساتھ جب باہر کا بھی موسم اس قدر پیچیدہ اور گھٹن زدہ ہو تو کیا
كہنے
کئی دنوں سے سرگوشیاں سی چل رہی تھی لوگ کچھ کبھی پُرامید اور کبھی مایوسی کے بھنور میں ڈولتے دکھائی دیتے تھے
کبھی بیٹھے بٹھائے انجانی سی خوشی میں مدھوش ہونے لگتے تو کبھی انجانا سا دُکھ منہ چرانے لگتا
اپنے حقوق کی خودمختاری کا سوچ کر دل شاد ہونے لگتا وہی اپنے گھر اپنی زمین سے الگ ہونے کا غم ستانے لگتا
بڑی ہی عجیب سی کیفیت سے دو چار تھی فضا
ایسے میں خوف کا ہر سُو طاری رہنا
حسد و نفرت میں ڈوبے خیر خواہ بھی دشمن بنے بیٹھے تھے
کئی لوگ بڑے عزیز دل کے قریب سے جن سے بڑا پیارا دل کا تعلق تھا بغیر مذہبی عقیدت کے دلوں میں احترام لیے ساتھ ساتھ رہتے اور اسی طرح سے کئی ایک دوسرے کے خون کے بھی پیاسے
صرف تعصب کی بنیاد پر جان کے دشمن ٹھہرتے
دنیا ہے رنگ رنگ کے لوگ یہاں
زلالت میں گھرے پڑے حق رائے تک کی آزادی سے محروم کچھ اور کچھ نا انصافی کے ڈسے ہوئے
کسی کو اقلیت کی مار تو کوئی اکثریت کے غرور میں اکڑے
بیروزگاری زچ کرنے کی حدوں کو بھی پار کیے ہوئے
اور کہیں عزت غیر محفوظ
تعلیم سے محروم
مذہبی تہواروں کا خون کی ہولی کھیل کے آنا اور کتنے ہی گھروں کا اُجڑ جانا ثابت ہوتا
ایسے میں ایک فرشتہ پرور کا بیڑا پار کرنے کا عزم اور محنت کتنے ہی دُکھی دلوں کی مسکراہٹ کی وجہ بنا
اُمید بنا
ایک انتظار تھا شدید انتظار کہ آج کی صبح کوئی نیا پیغام خوشی کا پیغام لانے کو ہے جیسے
گلی کے ہر ،نکڑ پہ حقا پیتے ہوئے بزرگوں کا ہجوم سا آیندہ دنوں کے تبصرے میں مصروف دکھائی دیتا
بچے آپس میں چپکے چُپکے نئے گھروندے بنانے کے منصوبے بناتے ہوئے سر گرم رہتے
بس کچھ یوں ہی گرم سے دنوں میں گرم گرم سی سر گرمیاں چلنے لگی
با ظاہر آسان دکھائی دینے والا کام انتہا کا مشکل کٹھن لگنے لگا جب الوداع کہنے کا وقت قریب آگیا
بادلوں میں بھی حبس عروج پہ آنے لگا گرم لو میں بھی اضافہ ہونے لگا سورج بھی شدت بھڑائے غروب ہونے کے قریب آگیا
ایسے میں اضطرابی میں مزید اضافہ ہونے لگا
سارا جسم گو کے کان بن کر سننے کی کوشش میں لگ گیا ہو
ہر کوئی بےچین دل اور خالی سی نظروں سے ایک دوسرے کو دیکھنے لگا کہ کہیں سے آزادی کے پروانے کی نوید سنائی دے
کچھ لپیٹے کچھ اٹھائے کچھ چھپائے کچھ چھوڑے ہوئے کسی پکار کے منتظر کھڑے
جیسے کسی اشارے کے ملتے ہی دوڑ پڑے گے اور مڑ کر کبھی نہیں دیکھے گے
اپنی ساری اذیتیں درد دُکھ نکال کے پھینکنے کو ہے قرار
سورج بھی ڈھل گیا
بادل بھی رنگ بدلے سُرخ سا آسمان کیے اور بھی خوف کا منظر پیش کرنے لگا
کچھ لمحوں کا انتظار دل منہ میں کھینچ کر لانے لگا کہ اچانک ہی فضاء میں
صدائے گونجنے لگی
پاکستان کا مطلب کیا
لا اللہ اِلا لا
خوشی کا ایسا منظر
دل دہلانے کو کافی تھا
مارے خوشی کے ہلچل مچ گئی گھروں کے بجائے اسٹیشن کا رخ کیا گیا ایک دوسرے کا ہاتھ تھامے لڑتے مرتے چلتے گئے کتنے ہی محبت کرنے والے بچھڑ گئے کتنے ہی اپنے قربان ہوتے چلے گئے مگر قافلہ چلتا رہا کارواں بنتا گیا
آزادی جیسی نایاب نعمت کو پا کر مسرور ہوئے خون کے رنگوں میں بھی مستقبل کا رنگ ذہن نشین کیے ہاتھ تھامے نئے آشیانے بسانے کو نہ روکنے والے سفر پہ قدم جمائے رہے
کتنی ہی قربانیوں کا سہرا سجائے آخر کار لاہور پاکستان کی سر زمین پہ لوٹے ٹوٹے خالی دامن کرچیوں سے بھرے دل لیے پر امید کل کے خواب لیے اُترے
اور نئی زِندگی نئی آزادی کو خیر مقدم کہا

ایسی صبح پھر نہ آئی
ہم آزاد تو ہیں مگر آزادی کے مطلب سے انجان رہے
ہم کیا جانے کہ کیسی تھی وہ ۱۴ اگست کیسی تھی وہ وطن کی چاہ
محبت
کیا تھی قربانی
کیا تھا انتظار
گلیوں میں شور مچاتے آتش بازی کی نظر ساری رات کرنے کا نام کب تھا آزادی
وقت کے ساتھ مطلب بدل گئے
قوم سے ہم قومی تعصب میں بٹ گئے
ہم آزاد ملک میں رہ کر اپنے نفس کے غلام بن گئے
ہمیں کیا معلوم آزادی کی قیمت قدر و منزلت
جذبے سے تہوار بن گیا
سجاوٹ میں دکھاوے میں نفس کے قیدی ہم
کہتے ہیں ایک دوسرے کو
آزادی مبارک
اگست 14 ۔مبارک

‏

پانی شاید سب کے لیے سب سے قیمتی ذریعہ ہے۔ پانی کے بغیر ، یقینی طور پر زمین پر کوئی زندگی نہ ہوتی۔ اس سے پتہ چلتا ہے کہ پانی زندگی کے لیے اتنا ضروری کیوں ہے۔ تاہم ، پانی کی اہمیت اس تک محدود نہیں ہے۔ کرہ ارض کے لیے بھی پانی بہت اہم ہے۔ قابل ذکر بات یہ ہے کہ پانی کا ضیاع ماحول اور فطرت کے لیے کافی نقصان دہ ہے۔
پانی کی بچت زمین کے لیے کیوں ضروری ہے؟
سب سے پہلے ، پانی کی بچت کے نتیجے میں دنیا بھر میں خشک سالی کم ہوگی۔ مزید یہ کہ زیر زمین پانی کی سطح کم و بیش کافی رہے گی۔ قابل ذکر بات یہ ہے کہ پانی کی کوئی کمی نہیں ہوگی۔ اس سے جانوروں کی پرجاتیوں کے زندہ رہنے کے امکانات میں نمایاں اضافہ ہوگا۔ مزید یہ کہ جانداروں کو بہت فائدہ ہوگا کیونکہ ان کے پاس پینے کے لیے مناسب مقدار میں پانی ہوگا۔ بہت سی پرجاتیوں کی معدومیت کو روکا جا سکتا ہے۔ اس کی وجہ یہ ہے کہ ان پرجاتیوں کو پانی تلاش کرنے کے لیے جدوجہد نہیں کرنی پڑے گی۔

پانی کے استعمال کو کم کرنے سے توانائی کے تحفظ میں یقینا مدد ملے گی۔ مزید برآں ، ہمارے گھروں ، دفاتر ، کھیتوں وغیرہ میں پانی کو پروسیس کرنے اور پہنچانے کے لیے توانائی درکار ہوتی ہے۔ قابل ذکر بات یہ ہے کہ جب یہ توانائی پانی پر عمل کرنے کے لیے استعمال ہوتی ہے تو بہت زیادہ آلودگی پیدا ہوتی ہے۔ اس کے نتیجے میں ، پانی کے کم استعمال کی وجہ سے ، کم توانائی استعمال ہوگی جس کے نتیجے میں کم آلودگی ہوگی۔

پانی بچانے کا ایک اور اہم فائدہ صحرا کو روکنا ہے۔ سب سے زیادہ قابل ذکر ، پانی کی کثرت کا مطلب زیادہ درخت اور پودوں کا احاطہ ہوگا۔ اس کی وجہ یہ ہے کہ پودوں کو زندہ رہنے کے لیے پانی کی ضرورت ہوتی ہے۔ پانی کی کمی کی وجہ سے ، بہت سے پودے اور درخت مر جائیں گے۔ یہ سب صحرا میں حصہ ڈالتے ہیں۔ لہذا ، پانی کی بچت صحرا کو ختم کرنے اور زمین کے سبز غلاف کو واپس لانے میں مدد دے گی۔
پانی بچانے کے طریقے۔
سب سے پہلے ، غسل یا شاور کا وقت کم کرنا پانی کو بچانے کا ایک بہت اہم طریقہ ہے۔ مزید یہ کہ غسل/شاور کے دوران پانی کی کافی مقدار ضائع ہوتی ہے۔ لہذا ، لوگوں کو اپنے غسل/شاور کو کم کرنا ہوگا۔
دوم ، لوگوں کو اپنے بیت الخلاء کو لیک کے لیے چیک کرنا چاہیے۔ اس کی وجہ یہ ہے کہ بہت سے بیت الخلاء کا لیکس آسانی سے کسی کا دھیان نہیں جا سکتا۔ یہ یقینی طور پر پانی کے ضیاع کا نتیجہ ہے۔
دانتوں کو برش کرتے وقت افراد کو نل بند کرنا چاہیے۔ مزید برآں ، بہت سے افراد کو برش کرنے کے دوران اپنے نلکے رکھنے کی بری عادت ہوتی ہے۔ یہ یقینی طور پر پانی کے ایک اہم نقصان کا سبب بنتا ہے۔
لانوں کو پانی دینا صرف اس وقت ہونا چاہئے جب بالکل ضروری ہو۔ قابل ذکر بات یہ ہے کہ بہت سے افراد کو اپنے لان میں دن میں دو بار پانی پلانے کی بری عادت ہوتی ہے۔ مزید یہ کہ برسات کے موسم میں پانی نہیں دینا چاہیے۔ سردیوں میں ، ایک پندرہ دن میں ایک بار پانی دینا کافی سے زیادہ ہے۔
زیادہ خشک سالی سے بچنے والے درختوں اور پودوں کو اگانے پر زیادہ توجہ ہونی چاہیے۔ قابل ذکر بات یہ ہے کہ بہت سارے خوبصورت پودے اور درخت بغیر آبپاشی کے پروان چڑھتے ہیں۔ اس سے یقینی طور پر پانی کی بچت ہوگی۔
آخر کارپوریشنز اور فیکٹریوں کے لیے سخت قوانین کا نفاذ ہونا چاہیے۔ سب سے زیادہ قابل ذکر ، یہ قوانین پانی کے استعمال کے حوالے سے ہونے چاہئیں۔ مزید برآں ، بہت ساری فیکٹریاں مضحکہ خیز طور پر زیادہ مقدار میں پانی استعمال کرتی ہیں۔ مزید یہ کہ پانی کی یہ بڑی مقدار مختلف قسم کے عمل کے لیے درکار ہے۔ لہذا ، حکومت کو قانون بنانا ہوگا۔ نیز ، ان قوانین میں پانی کے استعمال کی زیادہ سے زیادہ حد واضح طور پر بیان کرنی چاہیے۔ قانون کی خلاف ورزی کی صورت میں سخت سزائیں دی جائیں۔
اس کا خلاصہ یہ کہ ہمارے سیارے زمین کے لیے پانی انتہائی ضروری ہے۔ پہلے ہی ماحول کو بہت زیادہ نقصان پہنچا ہے۔ مزید برآں ، جب پانی کی قیمت کی بات آتی ہے تو انسان کافی لاپرواہ رہے ہیں۔ لہذا ، اب وقت آگیا ہے کہ لوگ پانی کو ضائع کرنے کے فوری خطرے کا ادراک کریں۔

‎@Z_Kubdani

14 اگست 1947 یہ وہ دن ہے جب ہم نے بظاہر انگریز سے آزادی حاصل کی مگر انگریزی نظام میں ویسے ہی جھکڑے ہوے ہیں ؟
14 اگست ہمارے لاکھوں شہداء کا دن ہے معصوم عصمتوں کے تار تار ہونے کا دن ہے تو کیا یہ دن اس طرح خوشیاں منانے کا ہے کہ ہم باجے بجاتے ناچتے کودتے پھریں؟
گورداسپور سمیت بہت سے مسلم اکثریت کے علاقے بشمول کشمیر۔جونا گڑھ مناوادر ریاست حیدر باد کو انڈیا ہضم کر گیا
یہ دن تو بدلے کے عہد کی تجدید کا دن ہے کہ بلاجواز ظلم سے لاکھوں لوگوں کو انتہائی شقاوت و درندگی سے ذبح کر دیا گیا معصوم بچوں کو ماوں کے سامنے نیزوں میں پرو دیا گیا باپوں کے سامنے بیٹیوں کو اٹھا لے گئے اور ذخمی بھائی بے بسی سے آنسو بہاتے تڑپ تڑپ کر جان دیتے تھے جوان گھبرو اپنے ماں باپ کا تحفظ نا کر سکے اس تاریک ترین ظلم و دہشت گردی کے دن کےجواب میں سبز سفید سوٹ پہن کر ٹھمکے مارتے باجے بجاتے انڈین گانوں پر رقص اور انکی فلموں کے دلدادہ نوجوانوں کو کون اس دن کی حقیقتوں سے آشنا کرے گا ؟
ہم نے جسمانی آذادی تو حاصل کر لی مگر کیا ہمارا دماغ و دل بھی آذاد ہیں ؟
کیا ہمارے شادی بیاہ نبیؐ کے طریقوں کے مطابق ہوتے ہیں یا ہم انہی ہندوانہ کلچر کو بھرپور فرض سمجھتے ہیں ؟ ہمارے گھروں کے رسم رواج کیا ریاست مدینہ کے مطابق ہیں یا ہم نے محض ہندوستان و پاکستان کے نام کا فرق پیدا کرنے کے لیے قربانیاں دیں تھیں یا آذادی محض جسم کے آزاد ہونے کا نام ہے؟
بالکل درست ہے کہ ہم یہاں انڈین مسلمانو سے بہت بہتر ذندگی گزار رہے ہیں لیکن جس مقصد کے لیے آزادی حاصل کی گئی تھی وہ محض دو قومی نہیں دو نظریوں دو عقیدوں اور ان کے درمیان عملی فرق کی وجہ سے الگ ہوے تھے آذادی حاصل کی تھی تو کون بتائے گا آذادی کیوں حاصل کی گئی ؟
کیا ہمارے سرکاری ادارے انگریز دور سے بھی ذیادہ کرپٹ نہیں ہو چکے جو ہر جائز کام بھی رشوت کے بنا کرنے کے لیے تیار نہیں ہیں ؟
کیاہم نے ملاوٹ ذخیرہ اندوزی سود سے آذادی حاصل کر لی ؟
کیا ہمارے حکمرانوں کا انداز حکمرانی ریاست مدینہ سے ملتا ہے یا انگریزی نظام کو دیسی تڑکے کے ساتھ چکایا جارہاہے؟
کیا ہماری عدالتیں رہنمائی قرآن و حدیث سے لیتی ہیں یا محض انگریز جج کی جگہ مسلمان جج بٹھا کر نظام وہ سامراجی ہے جہاں مظلوم کو انصاف نہیں ملتا اور بے موت مارا جاتا ہے جبکہ ظالم دندناتے پھرتے ہیں ؟
قوم کی ذہن سازی کرنے میں آج سب سے بڑا کردار میڈیا کا ہے مگر وہاں تو فلمی طوائفوں کا قبضہ ہے آذادی کے وقت کی نسل تقریبًا اٹھ چکی ہے بہت کم لوگ جو اس وقت سن شعور کو پہنچے ہوے تھے ذندہ ہوں گے تو کیا آج کی 4g 5g نسل آذادی کے مقصد کو کیا سمجھتی ہے سبز سفید سوٹ پہننا ناچنا گانا باجے بجانا؟
جبکہ اللہ کیا فرما رہے یہ تو تجدید عہد کا دن تھا
اُذِنَ لِلَّذِيْنَ يُقٰتَلُوْنَ بِاَ نَّهُمْ ظُلِمُوْا ۗ وَاِ نَّ اللّٰهَ عَلٰى نَـصْرِهِمْ لَـقَدِيْرُ
"اجازت دے دی گئی اُن لوگوں کو جن کے خلاف جنگ کی جا رہی ہے، کیونکہ وہ مظلوم ہیں، اور اللہ یقیناً ان کی مدد پر قادر ہے”
ٱلَّذِيْنَ اُخْرِجُوْا مِنْ دِيَا رِهِمْ بِغَيْرِ حَقٍّ اِلَّاۤ اَنْ يَّقُوْلُوْا رَبُّنَا اللّٰهُ ۗ وَلَوْلَا دَ فْعُ اللّٰهِ النَّا سَ بَعْضَهُمْ بِبَـعْضٍ لَّهُدِّمَتْ صَوَا مِعُ وَبِيَعٌ وَّصَلَوٰتٌ وَّمَسٰجِدُ يُذْكَرُ فِيْهَا اسْمُ اللّٰهِ كَثِيْرًا ۗ وَلَيَنْصُرَنَّ اللّٰهُ مَنْ يَّنْصُرُهٗ ۗ اِنَّ اللّٰهَ لَقَوِيٌّ عَزِيْزٌ
"یہ وہ لوگ ہیں جو اپنے گھروں سے ناحق نکال دیے گئے صرف اِس قصور پر کہ وہ کہتے تھے "ہمارا رب اللہ ہے” اگر اللہ لوگوں کو ایک دوسرے کے ذریعے دفع نہ کرتا رہے تو خانقاہیں اور گرجا اور معبد اور مسجدیں، جن میں اللہ کا کثرت سے نام لیا جاتا ہے، سب مسمار کر ڈالی جائیں اللہ ضرور اُن لوگوں کی مدد کرے گا جو اس کی مدد کریں گے اللہ بڑا طاقتور اور زبردست ہے”
(QS. Al-Hajj 22: Verse 40)
آو عہد کریں کہ جسمانی آذادی کے بعد ذہنی آذادی اور نظام کی آذادی بھی حاصل کریں گے یا کوئی مجھے سمجھا دے کہ جشن منانے کا وقت آچکا ہے کیا اس وقت کے شہید یونے والے لاکھوں شہداء اگر آج ہمیں ایسے جشن مناتے دیکھیں تو کیا سوچیں کہ یہ جشن ہماری شہادتوں پر منارہے ہو؟ وہ بہنیں جو انڈیا میں گئیں تھیں آج بڑھاپے میں ہندووں سکھوں کی دادیاں نانیاں بن گئیں ہیں اور انتظار کرتے کرتے اللہ کے حضور پیش ہوگئیں ہیں اور کچھ ذندہ ہیں تو کیا ابھی جشن منانے کا وقت ہے ؟ مجھے تو نہیں لگتا آپ کو لگتا ہے تو مجھے بھی سمجھا دیں شکریہ