Author: Baaghi TV

‏

نومبر کا مہینہ تھا. ہمارے ایک چچا زاد شہیر جو کہ اپنے والدین کا اکھلوتا بیٹا تھا ,اس کی شادی کی تقریب میں کچھ دن رہ گئے تھے. یہ خوشی ہم پر کافی عرصے بعد آئی تھی اس لیے گھر کا ہر فرد انتہائی خوش دکھائی دیتا تھا.
میں چونکہ بچپن سے تنہائی پسند تھا اور اکیلے رہنے میں مجھے سکون ملتا تھا , مجھے اس میں کچھ خاص دلچسپی نہیں تھی. شادی سے ایک دن پہلے ,مہندی والی رات میں اپنے کمرے میں لیپ ٹاپ پر اپنا کام کر رہا تھا کہ اچانک سے میرے سارے کزن منگولوں کے لشکر کی طرح میرے کمرے میں گھس آئے اور کہنے لگے کہ تمھاری امی نے تمہیں طلب کیا ہے.
میرا جی تو نہیں کر رہا تھا لیکن امی کا نام سن کر میں اپنے کزن کے ہمراہ شادی کی تقریب میں چلا گیا.
نومبر کی راتیں, سردی اپنا زور دکھا رہی تھی لیکن شادی کی تقریب میں اتنی ہلچل مچی ہوئی تھی کہ سب پسینے میں شرابور دکھائی دے رہے تھے.
میں چادر اوڑھ کر چچا کے گھر ایک کھونے میں بیٹھ گیا اور امی سے ایک کپ چائے کا کہا. میں بچپن سے ایک ہی نشہ کرتے آرہا ہوں اور وہ ہے چائے کا نشہ. چائے کے بغیر بھی بھلا کوئی زندگی ہوتی ہے.
میں اسی کھونے میں بیٹھ کر چائے پینے لگا, اس وقت مجھے ایسا محسوس ہوا کہ کوئی مجھ پر نظر جمائے کافی دیر سے گھور رہا ہے جسے ہم (peripheral vision) َ بھی کہتے ہیں. میں نے جب غور سے دیکھا تو ایک خوبصورت, جوان ,کھلے لمبے بال ,کالے رنگ کا جوڑا ,ہاتھوں میں مہندی اور کالی کالی بڑی بڑی آنکھوں والی صنفِ نازک میری طرف کافی دیر سے دیکھ رہی تھی.
میں نے اس کو دیکھ کر اپنا سر جھکایا اور چائے کا سپ لیا, لیکن میری نظریں غیر ارادی طور پر اس کا طواف کرنے لگی. ایسا دوسری بار بھی ہوا. تیسری بار جب میں نے اس کی طرف دیکھنا چاہا تو وہ میرے پاس آ کھڑی تھی , اس نے سلام کیا اور میرا حال پوچھا. میرے منہ سے بس اتنا ہی نکلا "الحمد للہ”.
"میں نے آپ کو پہچانا نہیں؟” میں نے اس سے پوچھا.
"ہاں کیسے پہچانو گے, اپنے کمرے سے نکلو گے, اپنے رشتہ داروں کے گھر جاؤ گے , حال چال پوچھو گے تو ہی پہچانو گے نا مسٹر شہروز” اس نے ہنس کر جواب دیا.
وہ میرا نام جانتی تھی.
میں نے پوچھا تمھارا نام کیا ہے؟
"حیا” بس اتنا کہہ کر وہ واپس چلی گئی ,شاید کوئی اس کو آواز دے رہا تھا.
میں اپنے گھر آیا , اپنے کمرے میں, رات کے ۲ بج رہے تھے, میں نے سونے کی کوشش کی لیکن اس کا چہرہ اور اس کی باتیں میرے دماغ میں منڈلا رہی تھی. پھر انہی سوچو میں پتہ نہیں کب آنکھ لگ گئی .
صبح جلدی اٹھا اور اپنے چچا کے گھر چلا گیا, وہ تیار ہو کر کمرے سے باہر نکلی اور میں دیکھتا ہی رہ گیا. یا تو ایسا حسن میں پہلی بار دیکھ رہا تھا یا شاید میں نے اس سے پہلے کبھی دیکھنا گوارا نہ کیا تھا.
رات کو کالے جوڑے میں وہ جتنی پیاری لگ رہی تھی اس سے زیادہ تو وہ دن کو گلابی رنگ کے جوڑے میں لگ رہی تھی. کہتے ہیں "انسان فطرتی طور پر حسن پرست ہے” اور اس کا اندازہ مجھے اس وقت ہوا .
اس کو دیکھنے کے لیے میں کسی بہانے گھر آتا اور اس کو ایک نظر دیکھ کر واپس چلا جاتا لیکن جس طرح میں اس کو دیکھنے آتا, اسی طرح وہ بھی میری منتظر دکھائی دیتی کیونکہ مجھے دیکھ کر اس کے چہرے پر مسکراہٹ سی آجاتی.
شاید مجھے اس سے محبت ہو گئی تھی. اس کی ایک جلک میرے دل کو پارہ پارہ کر دیتی. لیکن مجھے اس بات کا غم تھا کہ کل یہ لوگ اپنے گھر جائیں گے ,پھر شاید ملاقات ہو یا نہ ہو. اور اوپر سے میں اتنا ڈرپوک تھا کہ اپنی محبت کا اظہار کرنا تو دور کی بات , اس کا حال پوچھنا بھی میرے لیے محال تھا.
رات کے ١١ بج گئے تو سارے دن کی تھکاوٹ تھی, میں اپنے گھر کو چلا گیا اور اپنے بستر پر گرتے ہی ایسے سو گیا جیسے تیسری جنگ عظیم لڑ کر آیا ہوں.
صبح اٹھا تو ہر طرف خاموشی تھی, معمول کے مطابق صبح اٹھ کر میں نے پہلے امی کو آواز دی.
"وہ فوتگی پر گئی ہے” بھابھی نے باہر سے جواب دیا.
"ہے؟ فوتگی؟ کس کی فوتگی؟” میں کمرے سے باہر آیا اور پوچھا.
"رات کو مہران , فیزان اور علی (میرے چچازاد) آتش بازی اور فائرنگ کر رہے تھے تو علی کے ہاتھ سے بندوق چوٹی اور ایک گولی خان پور سے آئے مہمانوں کی ایک لڑکی حیا کو لگی, صبح صبح اس کا انتقال ہو گیا” بھابھی نے جواب دیا.
یہ سن کر جیسے میرے پیروں سے کسی نے زمیں کھینچ لی ہو.
میں اپنے کمرے میں واپس گیا اور نہ چاہتے ہوئے اتنا رویا کہ جتنا رویا جا سکتا تھا .
کپڑے بدل کر اس کے جنازے پر چلا گیا اور اپنی دو دن کی محبت کو انور مسعود صاحب کے اس درد بھرے شعر کے ساتھ سپرد خاک کیا.

"خاک میں ڈھونڈتے ہیں سونا لوگ
ہم نے سونا سپرد خاک کیا "

تحریر لکھنے سے پہلے کچھ دیر سوچتا رہا کہ کہا سے شروع کروں، ہمارا عدالتی نظام کیا اس قابل ہے کہ وہ کسی غریب یا مظلوم کو انصاف دلا سکے؟

آئے روز میرے ملک میں ظلم و ستم کے پہاڑ کھڑے کر دیے جاتے ہیں لیکن نہ مظلوم کو انصاف ملتا ہے اور نہ ہی ظالم کو کیفر کردار تک پہنچایا جاتا ہے۔ ایک طرف مظلوم غریب جس کے پاس اچھا وکیل کرنے کے پیسے تک نہیں ہوتے تو دوسری طرف طاقتور اور ظالم جو پیسے کی طاقت سے بہترین سے بہترین وکیل خرید لیتا ہے جو سچ کو جھوٹ اور جھوٹ کو سچ ثابت کرنے کا ماہر ہوتا ہے۔

بڑے سے بڑا ظلم بھی ہو جائے تو ظالم اگلے دن ضمانت پر رہا ہو چکا ہوتا ہے اور مظلوم عدالت کے چکر کاٹ کاٹ کر ذلیل و خوار ہو جاتا ہے لیکن انصاف ہوتا ہوا نظر نہیں آتا آخر کار وہ ہمت ہار جاتا ہے بے بس ہو جاتا ہے اور ظالم کے سامنے اپنی شکست تسلیم کر کے پیچھے ہٹ جاتا ہے۔

مجرم کو ہمارے عدالتی نظام پر پورا پورا بھروسہ ہوتا ہے کہ اسے سزا نہیں ہو گی اور ہمارا عدالتی نظام مجرم کے اس بھروسے کو نہیں توڑتا اور یہی وجہ ہے کہ جرائم میں دن بدن اضافہ ہوتا چلا جا رہا ہے۔

حضرت علیؓ کا قوم ہے کہ کفر کا تو نظام چل سکتا ہے لیکن ظلم کا نظام نہیں چل سکتا۔

اگر ہم ایک نظر ترقی یافتہ ممالک پر ڈالیں تو ہمیں سب سے پہلے ان کا بہترین عدالتی نظام نظر آئے گا جہاں امیر اور غریب کو ایک ہی ترازو میں تولا جاتا ہے یہاں تک کہ اگر غریب کے پاس وکیل کرنے کے لیے پیسے نہ ہوں تو حکومت وکیل بھی کر کے دیتی ہے لیکن کسی کے ساتھ ظلم نہیں ہونے دیتے۔ ترقی یافتہ ممالک کی توجہ بہترین عدالتی نظام پر ہوتی ہیں جہاں طاقتور اور امیر کو بھی فوری سزا سنا دی جاتی ہے اگر وہ کسی جرم میں ملوث پایا جائے لیکن بدقسمتی کے ساتھ ہمارے ملک کے طاقتور اور امیر لوگ اپنے مرضی کے فیصلے کراتے ہیں۔ جرم کرنے کے بعد فوری طور پر طاقتور کو ضمانت پر رہا کر دیا جاتا ہے اور اس کے بعد کئی سالوں تک وہ مقدمہ چلتا ہے لیکن کیس کا فیصلہ نہیں ہو پاتا جس کی وجہ سے آخر مظلوم ہمت ہار جاتا ہے اور اپنی شکست تسلیم کر لیتا ہے۔ اگر طاقتور اور کمزور کے فرق کو مٹا دیا جائے تو بہترین عدالتی نظام ترتیب دیا جا سکتا ہے۔

ہمارے حکمران ہمارے منصف اگر ملک و قوم کے خیر خواہ ہیں تو سب سے پہلے عدالتی نظام کو بہتر کرنے کے لیے ہنگامی بنیادوں پر اقدامات کریں، مظلوم کے لیے انصاف کی فراہمی کو یقینی بنائے اور ظالم کو کیفر کردار تک پہنچانے کے لیے اقدامات کرے تاکہ اس معاشرے سے جرائم کا خاتمہ ہو سکے۔ آج ہمارے معاشرے میں بڑھتے ہوئے جرائم کی سب سے بڑی وجہ ہمارا عدالتی نظام ہے جو اس قابل نہیں کہ کسی کو فوری انصاف دلا سکے اور ہم بحیثیت قوم اس وقت تک ترقی نہیں کر سکتے جب تک انصاف کے معیار کو بہتر نہیں کر دیا جاتا۔

جزاک اللہ

Farman Ullah
Twitter Acct: @ForIkPakistan

"صبر” کے معنی ہیں کسی خوشی، مُصیبت، غم اور پریشانی وغیرہ کے وقت میں خود کو قابو میں رکھنا اور خلاف شریعت کاموں سے بچنا۔

روزمرہ کی زندگی میں، ہم میں صبر ناں ہونے کے برابر ہے، کامیابی کا حصول ہی یہی ہے کہ صبر وتحمل سے کام لیا ۔

صبر ایک ایسا عظیم اور اعلیٰ فضیلت والا عمل ہے جس کو اللہ تعالٰیٰ نے اپنے نبیوں اور رسولوں علیہم الصلاۃ و السلام کی صفات میں تعریف کرتے ہوئے بیان فرمایا
”وَإِسمَاعِیلَ وَإِدرِیسَ وَذَا الکِفلِ کُلٌّ مِّنَ الصَّابِرِینَ 
اور اِسماعیل اور اِدریس اور ذاالکِفل سب ہی صبر کرنے والوں میں سے تھے۔

اور اس صبرکو ایک نیک عمل قرار فرماتے ہوئے اُس کا پھل یہ بتایا، إِنَّمَا الصَّبر عِندَ الصّدمۃ الأولیٰ 
بے شک صبر (تو وہ ہے جو) کسی صدمے کی ابتداء میں کیا جائے۔

اور اللہ تبارک و تعالٰیٰ نے اپنے آخری رسول حضرت مُحمد صلی اللہ علیہ و علی آلہ وسلم کو یہ بتایا کہ یہ عظیم کام بہت بُلند حوصلہ رسولوں کی صفات میں رہا ہے اور اپنے رسول محمد صلی اللہ علیہ وآلہ وسلم کو اُس کام کا حکم فرمایا:

فَاصبِر کَمَا صَبَرَ أُولُوا العَزمِ مِنَ الرُّسُلِ 
اور (اے مُحمد صلی اللہ علیہ وآلہ وسلم) آپ بھی اُسی طرح صبر فرمایے جس طرح (آپ سے پہلے )حوصلہ مند رسولوں نے فرمایا۔
ابوموسیٰ الاشعری رضی اللہ عنہ کا فرمان ہے کہ رسول اللہ صلی اللہ علیہ وآلہ وسلم نے فرمایا:

طہارت ایمان کا حصہ ہے اور الحمداللہ  (کہنا) میزان(ترازو) کو بھر دیتا ہے اور سبحان اللہ اور الحمد اللہ  (کہنا) آسمانوں اور زمین کے درمیان کو بھر دیتا ہے اور نماز روشنی ہے، اور صدقہ واضح دلیل ہے، اور صبر چمک ہے، اور قُرآن حجت ہے( یا خود ) تمہارے لیے (یاخود) تمہارے خِلاف ہر انسان نے کل کو جانا ہے اور اپنی جان کو بیچنا ہے تو کوئی تو اپنی جان کو چُھڑانے والا ہے اور کوئی اس کو ہلاک کرنے والا۔

سورۂ یوسف کی آ یت نمبر 89 کو غور سے پڑھا تو آ نکھیں حیرت سے کھل گئیں اور حضرت یوسف علیہ السلام کے ظرف کو دیکھ کر بے اختیار خیال آ یاکہ انسان ایسا بھی ہوسکتا ہے جن بھایئوں نے بچپن میں باپ سے الگ کر دیا اور مصر کے بازار میں بولی لگائی گئی جیل میں الزام لگا کر قید کر دیا۔ مگر جب بھائیوں سے ملاقات ہوئی تو انھیں شرمندہ نہ ہونے دیا اور سزا دینے کی قدرت رکھنے کے باوجود بولے بھی تو کیا؟ کہ کیا تم جانتے ہو کہ نادانی میں تم نے یوسف اور اسکے بھائی کے ساتھ کیا کیا؟ سبحان اللہ کیا اس سے بڑا اخلاق کا مظاہرہ ہوسکتا ہے؟ نادانی کرنے کی عمر تو حضرت یوسف علیہ السلام کی تھی اور بھائی تو صاحب عقل تھے ۔ یہ حضرت یوسف علیہ السلام کا اخلاق تھا کہ بھائیوں کو نظریں نہ جھکانی پڑیں ھم اکثر ایک فقرہ بولتے ہیں کہ ” غلط بات برداشت نہیں مجھے” حالانکہ غلط بات پر ہی تو ہماری برداشت دیکھتا ھے اللہ تعالیٰ آیا کہ ہم میں صبر ھے کہ نھیں کیا ہم صبر کر کے جنت کے راستے کے مسافر بن سکتے ہیں کہ نہیں؟ ایک انسان ہونے کے ناطے صبر کرنا سیکھیں اور اپنا اخلاق ایسا بنائیں کہ ہم موت کے وقت لقب حاصل کر سکیں۔

"اے اطمینان پانے والی روح”

.اللّٰه والوں کی صحبت کی برکت ﻣﻮﻻﻧﺎ ﺟﻼﻝ ﺍﻟﺪﯾﻦ ﺭﻭﻣﯽ ﺭﺣﻤﺔ ﺍﻟﻠﮧ ﻋﻠﯿﮧ ﻓﺮﻣﺎﺗﮯ ﮨﯿﮟ ﮐﮧ :
ﺍﯾﮏ ﮐﺎﻧﭩﺎ ﺭﻭﺗﮯ ﮨﻮﺋﮯ ﺍﻟﻠﮧ ﭘﺎﮎ ﺳﮯ ﮐﮩﮧ ﺭﮨﺎ ﺗﮭﺎ ﮐﮧ ﻣﯿﮟ ﻧﮯ ﺻﻠﺤﺎﺀ ﮐﯽ ﺯﺑﺎﻥ ﺳﮯ ﺳﻨﺎ ﮨﮯ ﮐﮧ ﺁﭖ ﮐﺎ ﻧﺎﻡ ﺳﺘﺎﺭ ﺍﻟﻌﯿﻮﺏ ﮨﮯ ﯾﻌﻨﯽ ﻋﯿﺒﻮﮞ ﮐﻮ ﭼﮭﭙﺎﻧﮯ ﻭﺍﻻ ﻟﯿﮑﻦ ﺁﭖ ﻧﮯ ﻣﺠﮭﮯ ﺗﻮ ﮐﺎﻧﭩﺎ ﺑﻨﺎﯾﺎ ﮨﮯ ﻣﯿﺮﺍ ﻋﯿﺐ ﮐﻮﻥ ﭼﮭﭙﺎﺋﮯ ﮔﺎ؟

ﻣﻮﻻﻧﺎ ﺭﻭﻣﯽ ﻓﺮﻣﺎﺗﮯ ﮨﯿﮟ ﮐﮧ :
ﺍﺱ ﮐﯽ ﺯﺑﺎﻥ ﺣﺎﻝ ﮐﯽ ﺩﻋﺎ ﭘﺮ ﺍﻟﻠﮧ ﺗﻌﺎﻟﯽٰ ﻧﮯ ﺍﺱ ﮐﮯ ﺍﻭﭘﺮ ﭘﮭﻮﻝ ﮐﯽ ﭘﻨﮑﮭﮍﯼ ﭘﯿﺪﺍ ﮐﺮﺩﯼ ﺗﺎﮐﮧ ﻭﮦ ﭘﮭﻮﻝ ﮐﮯ ﺩﺍﻣﻦ ﻣﯿﮟ ﺍﭘﻨﺎ ﻣﻨﮧ ﭼﮭﭙﺎﻟﮯ ﺑﺘﺎﺋﯿﮯ ﮔﻼﺏ ﮐﮯ ﭘﮭﻮﻝ ﮐﮯ ﻧﯿﭽﮯ ﮐﺎﻧﭩﮯ ﮨﻮﺗﮯ ﮨﯿﮟ ﯾﺎ ﻧﮩﯿﮟ؟

ﻣﮕﺮ ﺑﺎﻏﺒﺎﻥ ﺍﻥ ﮐﺎﻧﭩﻮﮞ ﮐﻮ ﺑﺎﻍ ﺳﮯ ﻧﮩﯿﮟ ﻧﮑﺎﻟﺘﺎ , ﺑﺎﻍ ﺳﮯ ﺻﺮﻑ ﻭﮦ ﮐﺎﻧﭩﮯ ﻧﮑﺎﻟﮯ ﺟﺎﺗﮯ ﮨﯿﮟ ﺟﻮ ﺧﺎﻟﺺ ﮐﺎﻧﭩﮯ ﮨﻮﮞ ﺟﻨﮩﻮﮞ ﻧﮯ ﮐﺴﯽ ﭘﮭﻮﻝ ﮐﮯ ﺩﺍﻣﻦ ﻣﯿﮟ ﭘﻨﺎﮦ نہ ﻟﯽ ہو،

ﺍﺳﯽ ﻃﺮﺡ ﺟﻮ لوگ ﺍﻟﻠﮧ ﻭﺍﻟﻮﮞ ﺳﮯ ﻧﮩﯿﮟ ﺟﮍﺗﮯ ﺍﻥ ﮐﯿﻠﺌﮯ ﺗﻮ ﺧﻄﺮﮦ ﮨﮯ ﻟﯿﮑﻦ ﺟﻮ ﮔﻨﮩﮕﺎﺭ ﺍﻟﻠﮧ ﻭﺍﻟﻮﮞ ﮐﮯ ﺩﺍﻣﻦ ﺳﮯ
ﺟﮍ ﺟﺎﺗﮯ ﮨﯿﮟ ﺍﻥ ﮐﯽ ﺑﺮﮐﺖ ﺳﮯ ﺍﯾﮏ ﺩﻥ

ﻭﮦ ﺑﮭﯽ ﺍﻟﻠﮧ ﻭﺍﻟﮯ ﺑﻦ ﺟﺎﺋﯿﮟ ﮔﮯ،
ﺩﻧﯿﺎ ﮐﮯ ﮐﺎﻧﭩﮯ ﺗﻮ ﭘﮭﻮﻟﻮﮞ ﮐﮯ ﺩﺍﻣﻦ ﻣﯿﮟ ﮐﺎﻧﭩﮯ ﮨﯽ ﺭﮨﺘﮯ ﮨﯿﮟ ﻟﯿﮑﻦ ﺍﻟﻠﮧ ﻭﺍﻟﮯ ﺍﯾﺴﮯ ﭘﮭﻮﻝ ﮨﯿﮟ ﮐﮧ ﺍﻥ ﮐﯽ ﺻﺤﺒﺖ ﻣﯿﮟ ﺭﮨﻨﮯ ﻭﺍﻟﮯ ﮐﺎﻧﭩﮯ ﺑﮭﯽ ﭘﮭﻮﻝ ﺑﻦ ﺟﺎﺗﮯ ﮨﯿﮟ۔

@khubaibmkf

آج کا نوجوان طبقہ والدین کے نزدیک باغی ہے ۔
والدین کا نافرمان و گستاخ ہے اسکی بہت سی وجوہات ہیں ۔
نوجوان طبقہ آزادی کا خواہاں ہے جبکہ والدین اپنی اولاد کو اپنے اثرو رسوخ تلے رکھنا چاہتے ہیں ۔
والدین کے نزدیک ان کی اولاد ان کے ہاتھ سے نکل جاٸیگی جبکہ نوجوان طبقے کے نزدیک ان پہ یہ سب مسلط کیا جا رہا ہے جبکہ وہ والدین کے اس اثرورسوخ سے چھٹکارہ چاہتے ہیں ۔
اسکی دو وجوہات ہیں
پہلی وجہ یہ ہے کہ بچوں پہ غیر ضروری دباٶ ان پہ بن وجہ غصہ کرنا ان کی شخصیت پہ اثرانداز ہورہا ہے ۔
دوسری وجہ یہ ہے کہ بچوں پہ وہ فیصلے مسلط کرنا جو ان کے نزدیک سہی نہیں ہیں ۔
ایسا کرنا بچوں کو والدین سے باغی بنا رہا ہے ۔
بچوں کے نزدیک اب وہ بڑے ہوگۓ ہیں ان کو اختیار حاصل ہو کہ وہ اپنے فیصلے خود کر سکیں جبکہ والدین ابھی اپنے بچوں کو نومولود بچہ ہی سمجھتے ہیں جس سے نوجوان باغی دکھاٸ دیتے ہیں کہ ان کو بڑا تصور کرتے ہوۓ اپنے من پسند فیصلے کرنے کا حق دیا جاۓ ۔
بچے غلط کمپنی کا شکار ہو رہے ہیں گھریلو پریشر کی وجہ سے تھوڑی دیر ریلیکس ہونے کے بہانے ناجانے کیا کیا کر رہے ہیں ۔
اکثر اوقات بچوں کے منہ سے یہ بھی سننے کو ملتا ہے کہ ان کے والدین ٹھیک نہیں ہیں ایسے والدین مر ہی جاٸیں تو اچھا ہے ۔
آخر اتنی بدتمیزی ، بے حیاٸ ، نافرمانی اور بغاوت بچوں کے ذہن میں آٸ ہی کیوں ۔؟
اس کے دو پہلو ہیں ۔
پہلا پہلو یہ ہے کہ والدین دوسروں کی باتیں سن کے جب اپنی اولاد کو دوسروں کے سامنے ڈانٹیں گے تو وہ والدین سے نفرت کرنے لگیں گے ۔
دوسرا پہلو یہ ہے کہ
والدین اولاد کو اہمیت دیتے ہی نہیں ہیں جس سے اولاد نافرمان و باغی ہوتی جا رہی ہے ۔
حدیث مبارکہ ہے کہ
” ماں کے پیروں تلے جنت ہے “
دوسری حدیث میں آیا ہے کہ
” باپ جنت کا دروازہ ہے “
تو کیا ہوا ایسا کہ جس ماں کے پیروں تلے جنت رکھی ہے اللہ پاک نے اور جس باپ کو جنت کا دروازہ بنایا ہے ان سے ہی اولاد عاری کیوں ہے ۔؟
اس سلسلے میں والدین کچھ رہنما اصول اپنا لیں تو شاید بغاوت کی تیزی سے بڑھتی شرح کو کنٹرول کیا جا سکے ۔
پہلا اصول
والدین اولاد کیلۓ وقت نکالیں تاکہ ان کے ساتھ بیٹھ کے ان سے ان کے معاملات زندگی بڑے تحمل سے پوچھیں ۔
دوسرا اصول
اولاد سے ان کی خوشی کے بارے میں پوچھا جاۓ تاکہ اولاد غلط فیصلے لینے سے بچ سکے کہ ان کی خوشی کس چیز میں ہے کیا جو یہ فیصلہ کیا جا رہا ہے یا کیا جاۓ گا وہ ان کو منظور ہے تاکہ بچوں میں خوداعتمادی پیدا ہو اور وہ آپ کو جواب دے سکیں ۔
تیسرا اصول
بچوں سے پوچھ لیا کریں کہ مستقبل میں وہ کیا بننا چاہتے ہیں ان کا کیا کرنے کا ارادہ ہے وہ کیا کر سکتے ہیں ۔؟
دیکھا گیا ہے کہ والدین بچوں پہ جبری فیصلے مسلط کر دیتے بچہ کہتا میڈیکل فیلڈ میں جانا تو والدین نہیں تم انجینٸر بنو گے جس سے اس پہ پریشر پڑتا ہے اور بچہ وہ اہداف حاصل نہیں کر پاتا جس کا وہ ارادہ کیۓ ہوۓ ہوتا ہے ۔
چوتھا اصول
بچوں کی دوسروں کے سامنے بے عزتی کرنے سے گریز کریں کیونکہ ایسا کرنے سے اس میں غصے کی شدت پیدا ہوتی ہے اور وہ ایک باعزت شہری بننے کی بجاۓ انتقام پسند بن جاتا ہے جو کہ معاشرے کیلۓ ٹھیک نہیں ہے ۔
پانچواں اصول
بچوں کے ساتھ اپنا رویہ دوستانہ رکھیں تاکہ بچے والدین سے اپنی ہر اچھی بری بات شٸیر کرتے ہوۓ نہ ڈریں ۔
کٸ بلیک میلنگ کے واقعات میں بچے اس لیۓ بھی بلیک میل ہو رہے ہوتے ہیں کہ وہ والدین کو نہیں بتا سکتے کیونکہ والدین نے الٹا ان کو ہی قصوروار ٹھہرا دینا ہوتا ہے ۔
چھٹا اصول
بچوں کی نفسیات سمجھ کے ہر معاملے پہ ان کے ساتھ بات چیت کی جاۓ ان کو اچھا برا سمجھایا جاۓ رویہ نرم اور شفقت بھرا رکھا جاۓ تو بچے والدین کے مزید قریب آجاتے ہیں ۔
اگر یہی بنیادی چھ اصول آج سے ہی والدین اپنا لیں تو بچے نہ تو جھوٹ بولیں گے ناں نافرمانی کریں گے نہ باغی ہونگے نہ غلط کمپنیوں کا شکار ہونگے ۔