Author: Baaghi TV

‏

آخر فروری 1947 لارڈ ویول کی جگہ لارڈ ماؤنٹ بیٹن کو وائسرائے مقرر کیا گیا تاکہ برصغیر میں الجھے ہوئے آئینی مسائل کو ترامیم کر کے نئے انداز میں سلجھایا جائے، نئے وائسرائے کے کانگریسی لیڈروں سے دیرینہ تعلقات اور اس کے جزبہ خود پرستی سے ہندوؤں نے بہت فوائد حاصل کیے

اسی لیے شروع ہی سے ماؤنٹ بیٹن کی طرف سے مسلم دشمنی کا اظہار ہونے لگا تاہم مسلمانوں کے آہنی عظم کے پیش نظر اسے یقین ہو گیا کہ ملک کی تقسیم کے بغیر چارہ نہیں، 3 جون کو لارڈ ماؤنٹ بیٹن نے اپنے منصوبے کا اعلان کیا جس کی رو سے برصغیر کی تقسیم کا فیصلہ کیا گیا۔ ایک حد بندی کمیشن مقرر کیا گیا جس نے پنجاب و بنگال کے صوبوں کو ہندو اور مسلم اکثریت کی بنیاد پر دو حصوں میں تقسیم کر دیا گیا۔

آخر کار قائد اعظم محمد علی جناح کی انتھک کوششوں کی وجہ سے 13 اور 14 اگست 1947 درمیانی رات وہ مبارک گھڑی آن پہنچی جب مسلمان قوم کی صبر آزما سیاسی جد وجہد کامیابی سے ہم کنار ہوئی اور دنیا کے نقشے پر عظیم مسلم مملکت (پاکستان) نمودار ہوئی، مغربی پاکستان میں مغربی پنجاب، سندھ،سرحد اور بلوچستان کے صوبے شامل تھے اور مشرق بنگال اور سلہٹ کے علاقے شامل کیے گئے قائد اعظم محمد علی جناح اس مملکت کے پہلے گورنر جنرل مقرر ہوئے۔

جب پاکستان وجود میں آیا تو اسے بےشمار مسائل کا سامنا تھا، دفاتر کا نظام درہم برہم ہو چکا تھا، ہلکی سی معیشت کی حالت تباہ ہو چکی تھی، ریل گاڑیوں کی آمد و رفت بند تھی تاہم قوم کے پختہ عزم نے ان تمام مشکلات پر قابو پا لیا اس دور کے اور بھی بہت سے بڑے بڑے مسائل سامنے آئے۔

تقسیم برصغیر کے ساتھ ہی مشرقی پنجاب میں مسلمانوں کا قتل عام شروع ہو گیا، مسلمان مہاجرین کے لٹے ہوئے قافلے بڑی بے سروسامانی کے عالم میں پاکستان میں داخل ہوئے، تین ماہ کے اندر 55 لاکھ کے قریب مہاجرین مغربی پنجاب میں داخل ہوئے ان لوگوں کی آبادکاری اور ان کے لیے ابتدائی ضروریاتِ زندگی کی فراہمی ایک سنگین مسئلہ تھا، تاہم مقامی مسلمانوں کے ایثار و تعاون سے یہ مسئلہ بھی حل ہو گیا ہندوؤں کی متروکہ جائیدادیں مہاجرین کو دے دی گئیں اور زراعت پیشہ لوگوں کو زرخیز نہری زمینوں پر آباد کیا گیا۔

کشمیر میں مسلمانوں کی بھاری اکثریت تھی برصغیر کی تقسیم جس اصول پر ہوئی تھی اس کی رو سے کشمیر کا حصہ تھا۔ لیکن لارڈ ماؤنٹ بیٹن اور ہندو لیڈروں نے اک سازش کے تحت حد بندی کمیشن کے ذریعے گورداسپور کا علاقہ بھارت میں شامل کرا دیا، حالانکہ یہاں مسلمانوں کی اکثریت تھی مقصد یہ تھا کہ اس علاقے کے ذریعے بھارت کی سرحد کشمیر سے ملا دی جائے۔

انڈیا نے اس صورتحال سے فائدہ اُٹھاتے ہوئے اکتوبر 1947 میں اپنی افواج کشمیر میں اتار دیں، انڈیا کی اس جارحیت کے سامنے پاکستان خاموشی تماشائی نہیں بن سکتا تھا چنانچہ رہاست پاکستان نے بھی اپنی افواج کا کچھ حصہ آزاد کشمیر داخل کر دیا بھارت نے معاملہ سلامتی کونسل میں پیش کر دیا چنانچہ دونوں ممالک کے درمیان جنگ بندی ہو گئی اور طے پایا کہ کشمیر کے مستقبل کا فیصلہ آزادانہ استصواب کے ذریعے کریں گے بھارت نے اس وقت تو یہ فیصلہ تسلیم کر لیا مگر وہ آج تک استصواب کو ٹالتا رہا ہے اور یہ مسئلہ پاک بھارت تعلقات کی کشیدگی کا سب سے بڑا سبب ہے۔

‎@Rana241_7

بھولنے کی عادت ان دنوں بہت سے لوگوں کا مسلہ ہے۔لوگ اپنی اس عادت سے اکثر پریشان دیکھائی دیتے ہیں۔ بعض لوگوں کی یادداشت عمر بڑھنے کے ساتھ ساتھ کم ہونے لگتی ہے اور وہ باتیں بھولنے لگتے ہیں۔جو کہ کوئی خطرے کی بات نہیں بلکہ ماہرین تو اسے اعصابی صحت کے لیے مفید مانتے ہیں۔

سائنسدانوں کے مطابق آپ ایک کام کو بھول کر دوسرے کی جانب رجوع کرتے ہیں تو یہ آپ میں نئے کام کو سیکھنے کی صلاحیت کو ظاہر کرتا ہے کیونکہ کہ بھول جانا نئے کام سیکھنے کے لیے ضروری ہوتا ہے۔ماہرین کا ماننا ہے کہ بھول جانے کی عادت آج کی تیز رفتار دنیا میں نئی مہارت اور علم سیکھنے میں بے حد کار آمد ثابت ہو سکتی ہے اور اسے ایک نارمل عمل سمجھنا چاہیے البتہ یہ ضرور ہے کہ اگر یہ مسئلہ مستقل رہے یا انسان بہت ساری باتیں بھول جائے تو یہ خطرے کی طرف اشارہ کرتا ہے۔

اعصابی ماہرین اور معالج کے مطابق بھولنے کی مندرجہ ذیل سات اقسام یاداشت کے مسائل نارمل تصور کیے جاتے ہیں۔1۔کچھ وقت کے بعد واقعات اور حقائق بھول جانا عموما جو باتیں کافی عرصے تک نہیں دہرائی جاتیں انہیں انسان بھولنے لگتا ہے ذہن کی یہ سرگرمی استعمال نہ ہونے والی یاد کو بھلانے میں مدد کرتی ہے۔جس سے ذہن کونئی یادیں اسٹور کرنے میں مدد ملتی ہے۔
2۔کوئی بات غور سے نہ سنی جائے تو وہ بھی کچھ دیر بعد ذہن سے نکل جاتی ہے مثال کے طور پر آپ اپنا قلم رکھ کر بھول جاتے ہیں کیونکہ جس وقت آپ اپنا قلم رکھ رہے تھے آپ کا دھیان کہیں اور تھا۔

3۔ کبھی کبھی کوئی آپ سے سوال کرتا ہے جس کا جواب آپ کو پتا ہوتا ہے۔لیکن اس وقت اچانک ذہن سے نکل جاتا ہے اس کی وجہ یہ نہیں ہوتی کہ آپ نے اس بات پر توجہ نہیں دی تھی بلکہ کوئی اور چیز آپ کو وہ بات یاد کرنے میں رکاوٹ پیدا کر رہی ہے۔

4۔ اگر کوئی آپ سے کسی شخص کے بارئے پوچھے کہ وہ کون ہے۔اور آپ صحیح بتا دیں مگر یہ غلط بتائیں کہ اس بارئے میں آپ نے کہاں سنا تھا بات یاد رہنا اور ذرائع بھول جانا بھی ایک عام طرز کی کی یادداشت کی کمزوری ہے۔

5۔بعض اوقات انسان اپنے ذہن میں ایک فرضی خاکہ تیار کر لیتا ہے۔اور اسے سچ ماننے لگتا ہے۔جیسے کہ اگر کوئی ہمیں ہمارے بچپن کے بارئے میں کچھ نتائے تو ہمارا دماغ اس بات کو سچ مانتے ہوئے ایسے ہی فرضی واقعے کی یاد ذہن میں بنا لیتا ہے۔

6۔ اکثر اوقات ہم وہ ہی دیکھتے ہیں جو ہم دیکھنا چاہتے ہیں اور اسے اسی طرح یاد بھی کر لیتے ہیں۔ اس کی وجہ ہمارے ذاتی تعصبات ہوتے ہیں جو ہماری سوچ پر ھاوی ہو جاتے ہیں۔

7۔ کبھی ہم کوئی واقع یا حقیقت شدت سے بھولنا چاہیے لیکن بھول نہیں پاتے۔ یادداشت کا یہ مسلہ بھی عام نوعیت کا ہے جو کم و بیش سب کے ساتھ ہی پیش آتا ہے۔

@RajaArshad56

یہ خلیفہ ثانی حضرت عمر فاروق رضی الله عنہ کا زمانہ ہے۔ ایک عورت ایک بچے کو اپنے گود میں لئے آتی ہے۔ وە عورت خلیفہ دوم سے یہ شکایت لگاتی ہے کہ یہ بچہ آپ کے بیٹے کی امانت ہے۔ فورا فرمان جاری ہوتا ہے کہ میرے بیٹے کو حاضر کیا جائے ۔

اب دنیا یہ تماشا دیکھتی ہے کہ بائیس لاکھ مربع میل پر حکمرانی کرنے والے خلیفہ عمر فاروق رضی الله عنہ اپنے  بیٹے پر حد قائم کررہاہے۔

اب خلیفہ کے سامنے اسکے اپنے بیٹے پر کوڑے برس رہے ہیں۔جس وقت  جب کوڑے پورے ہونے لگتے ہیں، اس دوران خلیفہ کا بیٹا نزع کی حالت میں چلا جاتا ہے ۔اس وقت خلیفہ دوڑ کر اپنے بیٹے کو گود میں لیتا ہے۔

وہ اپنے بیٹے سے کہتا ہے کہ اے میرے بیٹے، جب تو حضوراکرم صلی اللہ علیہ وسلم کےسامنے پہنچ جاؤ تو حضور صلی الله علیہ وسلم سے یہ کہنا کہ اے اللہ کے رسول! عمر رضہ الله عنہ نے انصاف قائم کرنے میں اپنے بیٹے کو بھی معاف نہیں کیا۔
جس معاشرے میں انصاف قائم ہوجاتا ہے  ،وہاں پر حقدار کو ان کا حق ملتا ہے۔

جس معاشرے میں انصاف قائم ہوجاتا ہے، وہاں پر کوئی کسی پر ظلم نہیں کرسکتا ۔ظالم کو اپنے ظلم کے انجام کا پتہ ہوتا ہے -انصاف ہی تو ہے جس کے نفاذ سے ہم مثالی امن دیکھ سکتے ہے۔

انصاف اگر ہوگا تو وہاں پر مظلوم اپنے آپ کو بے آسرا  نہیں تصور کرے گا۔

اسلام میں انصاف کو بڑی اہمیت حاصل ہے ۔حضور صلی الله علیہ وسلم کا ارشاد گرامی ہےکہ میری امت اسی وقت تک سر سبز رہے گی جت تک یہ تین خصلتیں اس میں باقی رہیں گی۔ایک یہ کہ جب وہ بات کرے تو سچ بولیں

دوسرے یہ کہ جب وہ لوگوں کے معاملات کا فیصلہ کریں تو انصاف کو
ہاتھ سے نہ جانے دیں۔تیسرے یہ کہ جب ان سے رحم کی درخواست کی جائے تو وہ کمزوروں پر رحم کریں۔اسلامی معاشرے میں جب اسلام کے انصاف پر مبنی  قوانین نافذ ہوتےہیں، وہاں پر قاضی کے سامنے ایک خلیفہ اور ایک مشرک دونوں ایک  جیسے انداز میں کھڑے نظر آتے ہیں۔

وہاں پر قاضی اس مشرک کے حق میں فیصلہ سناتا ہے۔حضرت علی رضی اللہ عنہ کا ایک مشہور قول ہے کہ ایک سلطنت کفر کے ساتھ تو قائم رہ سکتی ہے مگر ظلم کے ساتھ نہیں رہ سکتی۔

وطن عزیز پاکستان کو جو مسائل درپیش ہے، انکا اصل وجہ انصاف کی فقدان ہے۔پاکستان میں آمیر اور غریب کے لیے انصاف کے الگ الگ پیمانے ہیں۔ایک آمیر کو پاکستان کے لوگوں کی اربوں روپوں کے چرانے اور باہر ملک بھیجوانے پر زیادہ سے زیادہ یہ سزا دی جاتی ہے کہ اسکو ایک عہدے سے فارغ کرکے دوسرے عہدے پر لگایا جاتا ہے۔جبکہ ایک غریب کو غلطی سے بتی تھوڑنے پر بھی  بھاری جرمانہ کیا جاتا ہے۔
اب ہمارے ہاں ایسے جرائم منظرعام پر آرہے ہیں جن کی بابت چند عشرے قبل تک سوچنا بھی محال تھا۔ اس سے زیادہ پستی اور گھناؤنی حرکت کیا ہوگی کہ باپ اپنے ساتھیوں کو معصوم بیٹی پر ظلم کرنے کی دعوت دیتا پایا گیا۔ تعجب خیز امر یہ کہ گھناؤنے جرائم میں ملوث مجرم ضمیر پر کوئی بوجھ محسوس نہیں کرتے اور بے حس دکھائی دیتے ہیں۔

کمزور قانونی نظام نے ان سے غلط اور درست، خیر اور شر کے مابین تمیز کرنے کی صلاحیت ہی چھین لی۔ آج بنیادی سوال یہ ہے کہ عام پاکستانی کو فوری انصاف کیونکر مہیا کیا جائے؟ انصاف نہ ملنے سے پاکستانی معاشرے میں انتشار اور بے چینی میں اضافہ ہوگا۔ لہٰذا قانونی نظام مضبوط و مستحکم بنانا اشد ضروری ہے تاکہ عام آدمی کو فوری انصاف مل سکے۔ فی الوقت تو پاکستان میں دوہرا قانونی نظام مروج ہے۔

طاقتور، دولت مند اور بااثر پاکستانی جرم کرکے بھی رہا ہوجاتا ہے جبکہ غریب پاکستانی جرم نہ کرنے پر بھی جیل کی ہوا کھانے پر مجبور ہے۔ یہ سراسر ظلم اور ناانصافی ہے۔

آخر میں یہ بات ذہن نشین کر لینی چاہیے کہ جب تک پاکستان میں انصاف کی واقعی عملداری نہیں ہوتی، تب تک ملک بدامنی اور شر وفساد کا شکار ہوتا رہے گا -اسلئے ارباب اقتدار کو چاہیے کہ انصاف کی عملداری کو قائم کیا جائے ۔حقدار کو انکا حق ملے اور مظلوم کو ظالم کے ظلم سے نجات دی جائے۔
Twitter | @AdnaniYousafzai