Author: Baaghi TV

سلطنت عثمانیہ کا 34 سلطان عبدالحمید ثانی 21 ستمبر 1842 کو استنبول (موجودہ ترکی کا علاقہ) میں پیدا ہوئے، دس سال کی عمر میں والدہ کا انتقال ہو گیا ان کی سوتیلی ماں نے ان کی دیکھ بھال کی تھی ان کی سوتیلی ماں کی کوئی اولاد نہیں تھی انہوں نے سلطان عبد الحمید کی بہترین تربیت کی اور سگی ماں کی طرح ان کی پرورش کی اور وفات کے وقت اپنی ساری جائیداد عبدالحمید کے نام کر دی تھی،
عبدالحمید ثانی ایک ہنر مند بڑھائی بھی تھے۔ انہوں نے ذاتی طور پر کچھ اعلی معیار کا فرنیچر تیار کیا تھا جسے استنبول کے یلدز ، سیل کوسکو اور بییلربی محل میں آج بھی دیکھا جا سکتا ہے،
13 اگست 1876ء جب سلطان عبدالحمید ثانی کی بیعت کی گئی، اس وقت وزراء اعیان سلطنت اور بڑے بڑے سول اور فوجی افسر سرائے طوبقیو میں موجود تھے، مختلف جماعتوں کے نمائندوں نے انہیں خلافت کی مبارکباد دی سلطنت کے طول و عرض میں گولے داغے گئے اور جشن کا اہتمام کیا گیا تین دن تک استانبول میں خوب چہل پہل رہی اور صدر اعظم نے اطلاع کے لیے دنیا کے مختلف ملکوں کو ٹیلی گرام بھیجے،
سلطان عبدالحمید ثانی نے مدحت پاشا کو صدر اعظم مقرر کیا پھر 23 دسمبر 1876 کو اس دستور کا اعلان کر دیا جس میں شہری آزادیوں کی ضمانت دی گئی اور پارلیمانی حکومت کی طرز پر دستور پیش کیا گیا،
سلطان عبد الحمید کو اپنے دور حکومت کے ابتدائی سالوں میں وزراء کی طرف سے بہت مشکلات کا سامنا کرنا پڑا جدید عثمانیوں کی جمعیت کی قیادت میں ان کی مغربی طرز کی پالیسیوں کی وجہ سے انہیں سخت پریشانیوں کا سامنا کرنا پڑا،
یہ لوگ اگرچہ تعلیم یافتہ تھے لیکن مغربی رہن سہن اور تہذیب و ثقافت نے انہیں متاثر کردیا،
اور سلطنت کی تباہی میں متحرک جماعتوں نے انہیں اپنے مقاصد کے لیے استعمال کرنا شروع کر دیا،وزراء کا حکومت پر دباؤ حد سے بڑھ گیا اور مدحت پاشا جو جدید عثمانیوں کی جماعت کی نمائندگی کر رہے تھے سلطان عبدالحمید کو ابتدائی دور حکومت 1877 میں لکھا!؛
"”دستور کے اعلان سے ہمارا مقصد صرف اور صرف یہ ہے کہ ظلم کا خاتمہ ہو سب کے حقوق و فرائض کا تعین ہو وزراء کے وظائف کا تعین اور تمام لوگوں کی آزادی اور حقوق کی ضمانت ہو تاکہ ہمارا ملک ترقی کرے، میں آپ کے احکام کی اسی صورت میں بجا آوری کروں گا کہ یہ احکام قوم کے مفادات کے منافی نہیں ہونگے،
سلطان عبدالحمید ثانی اس خط کے جواب میں کہتے ہیں میں دیکھتا ہوں کہ مدحت پاشا اپنے آپ کو مجھ پر حاکم اور آمر خیال کرتا ہے اور اپنے معاملے میں جمہوریت سے بہت دور اور آمریت کے بہت قریب ہے،
مدحت پاشا اور اس کے ساتھی شراب نوشی کیا کرتے تھے، مدحت پاشا شراب نوشی کی خصوصی محفل میں مملکت کے اہم ترین راز افشا کر دیتا تھا اور دوسرے دن یہ راز استانبول کے رہنے والوں کے درمیان پھیل جاتے تھے ایک رات میں اس نے اس عزم کا اظہار کیا کہ وہ بہت جلد دولت عثمانیہ میں جمہوریت کا اعلان کرنے والے ہیں،
مدحت پاشا پر سلطان عبدالعزیز کے قتل کا الزام بھی تھا سلطان عبدالحمید نے ایک کمیٹی تشکیل دی تاکہ وہ اس بارے تحقیق کرے پھر الزام لگانے والوں کو عدالت میں پیش کیا گیا پاشا پر جرم ثابت ہو گیا عدالت نے اسے موت کی سزا سنائی لیکن سلطان عبدالحمید کی مداخلت پر موت کی سزا کو قید میں تبدیل کر دیا گیا مدحت پاشا کو حجاز مقدس کی طرف جلاوطن کر دیا گیا جہاں فوجی قیدیوں کے لیے قید خانہ موجود تھا،
سلطان عبد الحمید اپنے اسلاف کی طرح 1876 تا 1909 تک کلی اختیارات استعمال کرتے رہے،
جو دستور متعارف کرایا گیا اس میں پارلیمنٹ کے ممبران کو آزادی رائے کا حق حاصل ہوگا، ان کا محاسبہ صرف اس صورت میں ہوگا کہ وہ مجلس کے اصولوں سے تجاوز کر جائیں یہ دستور عثمانی ترکوں کی زبان میں لکھا گیا تھا کیونکہ یہی ملک کی سرکاری زبان تھی،
دستور میں یہ بھی واضح کیا گیا کہ ملک میں رہنے والے تمام افراد عثمانی قوم کے افراد شمار ہوں گے اور ان میں کسی قسم کی تفریق نہیں برتی جائے گی تمام افراد کا تعلق کسی بھی دین سے ہو قانون کی نظر میں یکساں ہوں گے تمام افراد پر ایک جیسے فرائض واجبات عائد ہونگے،اور تمام کو یکساں حقوق حاصل ہوں گے،
سلطان عبدالحمید نے حکم دیا کہ دستور کو نافذ کیا جائے اور عام انتخاب کرائے جائیں تاریخ عثمانی میں اس طرح کا کام پہلی بار ہو رہا تھا اس انتخاب میں 71 سیٹیں مسلمانوں کو اور 44 سیٹیں نصرانیوں کو اور 4 سیٹیں یہودی نمائندوں کو حاصل ہوئیں،
پہلی عثمانی پارلیمنٹ کا پہلا اجلاس 29 مارچ 1877 کو ہوا ایوان بالا 26 ممبران پر مشتمل تھا جس میں 21 مسلمان نمائندے اور باقی غیر مسلم تھے لیکن مجلس نمائندگان 120 ارکان پر مشتمل تھی اجلاس میں جب مختلف موضوعات پر بات چیت ہوئی تو بعض عرب نمائندوں نے بڑا اہم کردار ادا کیا لیکن مجلس نمائندگان کی عمر بہت کم ثابت ہوئی اس سے پہلے کہ اس کا دوسرا سیشن مکمل ہوتا 13 فروری 1878 میں بعض نمائندگان نے تین وزراء کو مجلس کے سامنے جوابدے ہونے کے لیے طلب کر لیا کیونکہ ان پر کچھ الزامات تھے معاملہ سلطان تک پہنچا سلطان کے پاس اور کوئی چارہ نہیں تھا سلطان عبدالحمید نے مجلس کو برخاست کر دیا اور بہت سے ممبران کو جلاوطن کردیا،
عبدالحمید دوم نے دور دراز کے ممالک کا دورہ کیا تخت سنبھالنے سے 9 سال قبل وہ اپنے چاچا سلطان عبدالعزیز کے ساتھ کئی یورپی دارالحکومت اور شہروں کے دورے پر گئے جن میں پیرس، لندن اور ویانا وغیرہ سرفہرست ہیں،
سلطان عبدالحمید نے بیوروکریسی میں اصلاحات کی رمیلیا ریلوے اور اناطولیہ ریلوے کی توسیع کے ساتھ ساتھ بغداد اور حجاز ریلوے کی تعمیر ان کے دور میں ہوئی،
ان کے دور میں بہت سے پیشہ وار اسکول قانون سمیت تمام شعبوں کے لیے قائم کیے گئے آرٹس سول انجینئر ویٹرنری میڈیسن کاشتکاری اور لسانیت البتہ 1881 نے استانبول یونیورسٹی بند کر دی گئی تھی لیکن 1900 میں اسے دوبارہ کھول دیا گیا تھا،
اور پوری سلطنت میں ثانوی پرائمری اور فوجی اسکولوں کا نیٹ ورک بڑھا دیا گیا۔عثمانی سلطنت کی جدید کاری ان کے دور حکومت میں جاری رہی،
تاریخ میں ان کا نام سلطنت عثمانیہ کے آخری بااثر اور با اختیار خلیفہ کے طور پر جانا جاتا ہے جو اپنا وژن خارجہ پالیسی اور نظریات رکھتے تھے،
1877 اور 1878 روس کے ساتھ جنگ میں سلطنت عثمانیہ کو شکست کا سامنا کرنا پڑا تاہم اس کے باوجود سلطان عبدالحمید نے اپنی فوج کو منظم کیا اور سلطنت کو سہارا دیا روس کے ساتھ جنگ کے بعد وہ اس بات پر قائل ہو گئے کہ یورپی اتحاد ہمیں کوئی فائدہ نہیں دے سکتا، یورپی اتحادی سلطنت پر مشکل وقت میں کام نہیں آئیں گے،
لیکن یونان کے ساتھ جنگ میں عثمانیوں کو فتح حاصل ہوئی،
سلطان عبدالحمید نے اسلامی قانون اور ضابطہ اخلاق پر زور دیا کیونکہ تنظیمات کے تحت سلطنت کے زوال کو روکنا ممکن نہیں تھا، اسلامی شناخت پر توجہ کم کرنے کے باعث قومیت پسندی کو زیادہ تقویت ملی تھی سلطان نے اس بات کا اندازہ لگا لیا تھا کہ مغرب کو ترکی سے کم ہی خار ہے مغربی طاقتوں کو اصل ہدف اسلامی شناخت کا طرز حکومت ہے، سلطان اس بات پر قائل ہوگئے تھے کہ مسلمانوں کو نظریاتی طور پر مسلم شناخت کی جانب قائل کرنا ہوگا،
انیسویں صدی دنیا بھر میں یورپی قومیت کے نظریات کی لپیٹ میں آ چکی تھی اور سلطنت عثمانیہ کی کئی ریاستیں ان نظریات سے متاثر ہو چکی تھی عرب ممالک میں اسلامی شناخت کی بجائے عرب قومیت کے نظریات فروغ پانے لگے،
1881 میں فرانس نے تیونس اور 1882 میں برطانیہ نے مصر پر قبضہ کر لیا تھا انیسویں صدی کے آخری دہائی میں برطانوی اخبارات میں مختلف تجاویز شائع ہوتی رہی کہ برطانیہ کو جزیرہ نما عرب میں اپنا کنٹرول بڑھانا چاہیے اور یہ بھی کہ خلیفہ عبدالحمید چونکہ سادات میں سے نہیں اس لئے میں نے سلطنت کا حق نہیں چناچہ عرب کے لیے خلیفہ عرب میں سے ہی ہو اور سادات میں سے ہونا چاہیے ان حالات میں قومیت کو فروغ ملا بیرونی محاذوں پر مسائل کا سامنا کرنے والی سلطنت کو اندرونی سطح پر زیادہ چیلنجز کا سامنا ہونے لگا،
اس صورتحال کو دیکھتے ہوئے سلطان عبدالحمید نے حجاز مقدس کی جانب بھی دستے روانہ کئے تاکہ حالات کو کنٹرول میں رکھا جائے اور سلطنت کی وحدت قائم رہے السعود خاندان کی جانب سے بھی مختلف علاقوں میں کنٹرول کے لئے سلطنت کے ساتھ جھڑپیں ہوتی رہیں 1902 ملک عبدالعزیز ابن سعود نے ریاض کا کنٹرول سنبھال لیا اور یہی تاریخ بعد میں سعودی عرب کے قیام کا باعث بنی،
اسی طرح سلطنت کے بہت سے علاقے ہاتھ سے نکلتے گئے،
لیکن سلطان عبدالحمید ثانی نے بہت مشکل حالات میں سلطنت کو سنبھالے رکھا سلطان عبدالحمید ثانی کا شمار سلطنت عالیہ کے نامور اور ذہین سلاطین میں ہوتا ہے۔
مگر مغرب کی طرف سے قومیت پرست سازش کی شورش اتنی زیادہ تھی کہ آخر کار وہ سلطنت کے خاتمے کا باعث بنی،
اگرچہ سلطان عبدالحمید ثانی کے بعد دو اور بھی سلطان منتخب ہوئے لیکن وہ سلطنت کے نام نہاد سلطان تھے،
سلطان 27 اپریل 1909 کو اپنے خالق حقیقی سے جا ملے اللہ ان کے درجات بلند فرمائے، آمین،

سلطان عبدالحمید ثانی کے دور حکومت پر بہت کچھ لکھا جا سکتا ہے لیکن اس سے یہ تحریر بہت لمبی ہو سکتی ہے بہت ایسے واقعات ہیں جو اس تحریر میں شامل نہیں کر پایا،

ذیشان علی
@zsh_ali

دلِ مردہ دل نہیں ہے اسے زندہ کر دوبارہ
کہ یہ ہی ہے امتوں کے مرضِ کہن کا چارہ
قلب انسانی جسم میں بادشاہ کی حثیت رکھتا ہے۔ انسان کے تمام احساسات، جذبات اور خیالات کا محور و مرکز یہ دل ہی ہے۔ یہ حیات کو بحال رکھنے کا اہم جزو ہے۔ یہ بہترین حصہ بھی ہو سکتا ہے اور اگر یہ شیطان کا آلہ کار بن جائے تو یہ بد ترین عضو قرار پاتا ہے۔ انسان کے تمام عقائد اور اعمال کا دل سے گہرا تعلق ہے۔ اور اسکا اثر انسان کی ساری حیات پر ہوتا ہے۔ لہذا دل کا بنیادی طور پر زندہ ہونا بہت ضروری ہے۔
بقول امام بخاری:
"عمل سب سے پہلے قلب کا ہے پھر اعضاء کا ہے۔”
رسول اللهﷺ نے فرمایا: جسم میں گوشت کا ایک لوتھڑا ہے اگر وہ ٹھیک ہو تو سارا نظام درست رہتا ہے۔ اور اگر وہ خراب ہو جائے تو سارا نظام بگڑ جاتا ہے۔ جان لو وہ گوشت کا لوتھڑا دل ہے۔
اگر جسمانی طور پر کوئی بیماری لگ جائے تو ہم اسکا خوب علاج کرتے ہیں۔ لیکن اگر روحانی طور پر دل کو بیماریاں لگ جائیں تو اعمال کو گھن لگ جاتا ہے۔ خواہش پرستی، شہوت، حسد، خودغرضی، تکبر، کینہ، حرص اور شیطانی وسوسے یہ دل کی بیماریاں ہیں۔ ان بیماریوں میں مبتلا انسان کا دل الله کی یاد سے غافل ہوجاتا ہے اور انسان گمراہی میں مبتلا ہوجاتا ہے۔
حضرت ابراہیم بن ادھم رحمتہ الله علیہ سے کسی نے سوال کیا کہ دلوں کو کس چیز نے مردہ کیا ہے تو اس پر انہوں نے کہا تمہاری آٹھ عادتیں ایسی ہیں جس سے دل مردہ ہوجاتے ہیں:
۱۔ تمہیں الله تعالیٰ کے حق کی معرفت حاصل ہوئی۔( تمہیں پتہ لگ گیا کہ الله تعالیٰ کا حق کیا ہے؟) لیکن تم نے ادا نہیں کیا۔
۲۔ تم نے قرآن حکیم پڑھا لیکن اسکی حدود پر عمل نہیں کیا۔
۳۔ تم الله کے رسولﷺ کی محبت کا دم بھرتے ہو لیکن ان کی سنت پر عمل نہیں کرتے۔
۴۔ تم کہتے ہو کہ تمہیں موت کا ڈر ہے لیکن موت کے لیے تیاری نہیں کرتے۔
۵۔ الله تعالیٰ فرماتے ہیں:
بے شک شیطان تمہارا دشمن ہے اسے اپنا دشمن ہی سمجھتے رہو(سورہ فاطر:6)
مگر تم نافرمانی کر کے شیطان کی طرف دوستی کا ہاتھ بڑھاتے ہو۔
۶۔ تم دوزخ سے اپنے خوف اور ڈر کا اظہار کرتے ہو۔ لیکن کام وہ کرتے ہو جس سے دوزخ میں جانا یقینی ہوجائے۔
۷۔ تم جنت کے خواہشمند ہو لیکن وہ کام نہیں کرتے جو تمہیں جنت میں پہنچا دیں۔
۸۔ جب تم بستروں سے اٹھتے ہو تو اپنے عیبوں کو پسِ پشت ڈال دیتے ہو اور لوگوں کی عیب جوئی میں لگ جاتے ہو۔
(احیاء العلوم)
بقول حافظ ابن قیم رحمہ الله جب دل مردہ ہو جائے تو اپنی معصیت کاشعور نہیں رہتا۔ (الفوائد) مردہ دل کے ساتھ جینا بہت ازیت ناک ہوتا ہے۔ ایسا دل گناہ کو گناہ نہیں سمجھتا۔ گناہ پر گناہ کرتا چلا جاتا ہے لیکن محسوس نہیں کرتا۔ ایسا دل اپنی مفید غذا ایمان کو چھوڑ کر مہلک بیماریوں کا شکار ہوجاتا ہے۔ ایسا دل باطل عقائد میں مبتلا ہو جاتا ہے، وہ الله کو بھول جاتا ہے، اور خود کو شیطان کے سپرد کر دیتا ہے۔ اور پھر مردہ دل میں شیطان یہ بات ڈال دیتا ہے کہ میں تو میں گنہگار ہوں میری دعا کیسے قبول ہوگی۔ انسان گناہ کو گناہ نہیں سمجھتا اور توبہ کر کےگناہ چھوڑنے کی بجائے شیطان کے بہکاوے میں آکر دعا کرنا ہی چھوڑ دیتا ہے۔ بقول شاعر:
تیری دعا میں اثر کچھ اس لئے بھی کم ہوگیا
تیری روح سو گئی، تیرا دل مردہ ہو گیا۔
آپ غور کریں آپ جب بھی کوئی کام کرتے ہیں تو ایک بات
آپکے رب کی طرف سے ہوتی ہے اور ایک وسوسہ شیطان کی طرف سے۔ تو آپ شیطان کے وار سے بچنے کی کوشش کریں اور وہی کام کریں جو رب کو پسند ہو۔
حضرت ابو ھریرہ سے روایت ہے نبی کریمﷺ نے فرمایا کہ بے شک مومن جب کوئی گناہ کرتا ہے تو اس کے دل پر سیاہ نقطہ پڑ جاتا ہے اور اگر استغفار کر لے تو اس کے دل کو صاف و شفاف کیا جاتا ہے۔ اور اگر وہ گناہ کرتا چلا جائے تو سیاہ دھبہ پورے دل پر چھا جاتا ہے۔
مسند احمد کی روایت میں ہے دل چار قسم کے ہوتے ہیں:
پہلا قلب (سلیم) یعنی ایسا دل جو صاف شفاف ہوفرمایا اس کی مثال روشن چراغ جیسی ہے۔ جس میں کوئی خرابی نہ ہو۔
دوسرا قلب اغلف ہے جو غلاف میں بند کر دیا گیا ہے اور پھر اوپر سے دھاگے کے ساتھ باندھ دیا گیا۔
تیسرا قلب منکوس یعنی اوندھا دل ہے اس کا سر نیچے اور پیندا اوپر ہے۔
چوتھا دل مخلوط دل ہے دوپہلو والا دل۔
پہلا دل تو مومن کا ہے جو پوری طرح نورانی ہے۔ دوسرا دل کافر کا ہے جس پر پردے پڑے ہوئے ہیں۔ تیسرا دل منافق کا ہے جو جانتا ہے اور انکار کرتا ہے۔ اور چوتھا دل اس منافق کا ہے جس مین ایمان اور نفاق دونوں جمع ہیں۔

اب سوال یہ پیدا ہوتا ہے کہ مردہ دل کیسے زندہ کیا جائے؟
مردہ دلوں کو الله زندہ کر سکتا ہے الله کا قرآن زندہ کر سکتا ہے۔ تو الله سے مدد مانگی جائے۔
الله رب العزت کا فرمان ہے:
یٰۤاَیُّہَا النَّاسُ قَدۡ جَآءَتۡکُمۡ مَّوۡعِظَۃٌ مِّنۡ رَّبِّکُمۡ وَ شِفَآءٌ لِّمَا فِی الصُّدُوۡرِ ۬ ۙ وَ ہُدًی وَّ رَحۡمَۃٌ لِّلۡمُؤۡمِنِیۡنَ ﴿۵۷﴾
ترجمہ: اے لوگو! تمہارے پاس تمہارے رب کی طرف سے ایک ایسی چیز آئی ہے جو نصیحت ہے اور دلوں میں جو روگ ہیں ان کے لئے شفا ہے اور رہنمائی کرنے والی ہے اور رحمت ہے ایمان والوں کے لئے۔
(سورہ یونس:57)
حافظ ابن قیم رحمہ الله نے بیان کیا ہے کہ جس نے یاحی یا قیوم مسلسل کہنا شروع کر دیا الله اس کے دل کو زندہ کر دیتے ہیں۔
انسان سب سے پہلے دل کے اندر رب کو دریافت کرے۔ تفکر و تدبر، صبر و شکر، توکل، اور اخلاص یہ ایسے اعمال ہیں جن کا تعلق دل کی عبادت سے ہے
رسول کریمﷺ نے فرمایا آدمی کا دل الله تعالی کی دو انگلیوں میں سے دو انگلیوں کے درمیان ہوتا ہے جب چاہے اسے سیدھا رکھتا ہے اور جب چاہے اس ٹیڑھا کر دیتا ہے لہذا دل کی سلامتی کے لئے آپﷺ کثرت سے یہ دعا کرتے۔
یَا مُقَلِّبَ الْقُلُوْبِ ثَبِّتْ قَلْبِیْ عَلٰی دِیْنِكَ
اے دلوں کو الٹ پلٹ کرنے والے!میرے دل کو اپنے دین پر جما دے۔
(مسند احمد:26679)

قلب سلیم سے مراد سلامتی والا دل ہے۔ جو خالص توحید پر مشتمل ہو۔ حق پر ہو۔ بے عیب ہو۔ نفاق، سرکشی، نافرمانی، حسد اور شک و شبہ سے پاک ہو۔
انسان جب دل کی عبادت سے متعلقہ اعمال جو اوپر بیان کئے گئے ہیں انجام دیتا ہے تو وہ رب کو پالیتا ہے۔پھر الله انسان کو نور دیتا ہے۔ انسان اسی نور کی روشنی میں صالح اعمال کرتا ہے اور قلب سلیم تک پہنچ جاتا ہے۔
تو دل بدلیں۔ اور قلب سلیم کے مقام تک پہنچ جائیں۔دل بدلے تو زندگی بدل جاتی ہے۔
زندگی زندہ دلی کا نام ہے
مردہ دل خاک جیا کرتے ہیں۔
@Nusrat_writes

بھکاری جو کراچی میں اس وقت ایک بڑے اور آسان پیشے کا رخ اختیار کر کیا ہے بہت ہی آسان لگتا ہے حلیہ بدلنا اور سڑک پے آجانا اور بھیک مانگنا کہیں عورتیں کہیں مرد کہیں بچے کہیں بوڑھے کہیں زبردستی معذور کیئے گئے لوگ بھیک مانگتے ہوئے نظر آتے ہیں.
بھکاریوں کی دن با دن بڑھتی ہوئی رفتار سے جرائم کو روکنے والے ادارے اس شک میں ہیں کہ کراچی میں بھکاری بھی بچوں کے اغوا ملوث ہیں.
اور ساتھ ساتھ پولیس نے بھکاری مافیا کے منشیات کی اسمگلنگ جیسے جرائم میں شمولیت کا انکشاف کیا ہے.
پولیس کی طرف سے کراچی کی سڑکوں سے متعدد بھکاریوں کوگرفتار کا سلسلہ جاری ہے تاکہ اس بات کا پتہ لگایا جہ سکے کے ان کے ساتھ بھیک مانگنے والے بچے شاید ان کے اپنے نہ ہوں اور ان کو اغوا کیا گیا ہو
اس شبہے کی تصدیق کے لئے پولیس پولیس بچوں اور گرفتار شدہ بالغ بھکاریوں کا کچھ طبی جانچ کرنے کا کام شروع کر رہی ہے۔
پولیس نے کچھ ایجنسیوں کے ساتھ مل کر شہر میں بھکاری مافیا کے خلاف کریک ڈاؤن شروع کرنے کے لئے مشترکہ تفتیش کا آغاز کیا ہے۔تاکہ اگر یہ کسی قسم کی جرائم میں ملوث ہیں تو اسکا پتہ لگایا جہ سکے.
کراچی پولیس چیف سے بات کرنے پے پتہ چلا کہ اس سلسلے میں کچھ اہم فیصلے کیے گئے ہیں۔
انہوں نے بتایا کے "حکومت سندھ کے کچھ محکمہ جیسے کے سوشل ویلفیئر اور بچوں کی پروٹیکشن اتھارٹی کچھ ٹرسٹ ، ٹریفک پولیس اور کچھ ہیلپ لائن جیسے کے سیلانی ویلفیئر ٹرسٹ ، جرائم کو روکنے کے محکمے ، اور دیگر تنظیمیں اس کے لیے پولیس کے ساتھ مل کر کر رہی ہیں۔”
ان کے مطابق اس بات کے کافی شواہد مل رہے ہیں کہ کراچی کے بھکاری بھتہ منشیات کی اسمگلنگ سمیت متعدد مجرمانہ سرگرمیوں میں ملوث ہیں۔
پولیس سربراہ نے کہا ان بھکاریوں میں سے بیشتر کا تعلق شہر کی مقامی آبادی سے نہیں ہے دوسرے شھروں سے آتے ہیں. اس میں سے کچھ تو جنوبی پنجاب کی طرف کے ہیں اور کئی نسلوں سے بھیک مانگنے کے پیشے سے منسلک ہے مختلف زبانوں اور مختلف گروہوں سے تعلق رکھتے ہیں۔ انہوں نے مزید کہا کہ ان میں سے کئی غیر ملکی شہری بھی ہیں ، جن میں سے ایک بڑی تعداد افغانی بھی ہے۔
انہوں نے کہا ،مختلف تنظیموں سے ہماری ملاقات کے دوران ، ہم نے ان بھکاریوں کے ہمراہ بچوں کے بارے میں اپنے شک کا ظاہر کیا اور ان کی جانچ کا فیصلہ کیا ہے تاکہ معلوم کریں کہ بچوں کو کہیں سے اٹھایا تو نہں گیا ہے۔
بہت سے معاملات میں ، بھکاریوں نے جان بوجھ کر اغوا کیے گئے بچوں کے اعضاء اور ہاتھ / پاؤں کاٹ دیے جاتے ہیں تاکہ وہ انہیں بھیک مانگنے کے کاروبار میں بطور اوزار استعمال کرسکیں۔
کراچی پولیس چیف کے مطابق ، شہر میں محکمہ سوشل ویلفیئر کی نگرانی میں کورنگی اور ملیر میں بھکاری بچوں کے رہائش کے مراکز موجود ہیں جہاں بھکاریوں اور ان کے بچوں کو رہائش اور کھانے کی مکمل سہولت فراہم کی جائیں گی۔
پولیس کی طرف سے اٹھائے گئے اس اقدام کی صحیح طرح تشہیر کی ضرورت ہے تاکہ بکھاری مافیا کو پتہ چلے اور ساتھ ہی عوام کے بھی آگاہی مہم چلائی جائے تاکہ بڑھتے ہوئے بچوں کے اغوا کے واقعات کو روکا جا سکے اور ایک معاشرہ بنانے میں ہوں پولیس کی مدد کر سکیں.

@salmabhatti111