Author: Baaghi TV

صبح دیر سے اُٹھا تب تک گھر والے ناشتہ کر چکے تھے۔ فریش ہونے کے بعد کچن کی طرف منہ کیا جہاں امی الگ سے میرے لیے ناشتہ بنا رہی تھیں۔ جتنی دیر ناشتہ کیا امی کی باتیں بھی سنی ،،، اگر چائے اور پُراٹھا کھانا ہے تو جلدی اُٹھنے کی عادت بنا لو یا پھراپنے لیے خودناشتہ بنالیا کرو۔۔۔رہی سہی کسر بہن نے یہ کہتے ہوے پوری کر دی کہ کر لو مزے جب تک شادی نہیں ہو جاتی پھر تم جلدی بھی اُٹھ جایا کرو گے اور ناشتہ بھی خود بنا رہے ہو گے۔۔۔یہ روز کا معمول ہے میرے لیے الگ سے ناشتہ بنتا ہے اب جب تک چائے پُراٹھے کے ساتھ امی کی ڈانت نہ سننے کو ملے ناشتہ ادھورا لگتا ہے۔
ناشتے سے فارغ ہونے کے بعد لپ ٹاپ اُٹھایا اور ابھی کالم لکھنے کا سوچ ہی رہا تھا کہ اتنے میں بڑے بھائی کی آواز آئی اور اگلے لمحے میں بھائی کا بتایا گیا کام کرنے کے لیے گھر سے بازار جا رہا تھا۔ ٹائم تقریباً پونے بارہ کا ہو چکا تھا اور سر پہ جیسے سورج آگ برسا رہا ہو۔ راستے میں ایک گدھا گاڑی دیکھی جس پر سامان لدا ہوا تھا وہیں بچوں کے ساتھ اُن کے امی اور ابو بھی بیٹھے تھے۔ گدھا گاڑی کے ساتھ ایک کتا بھی تیز تیز قدم اُٹھاتے چل رہا تھا یقیناً یہ اُن کا پالتو کتا تھا ۔یہ لوگ شاید خانہ بدوش تھے۔
بچوں کے ہاتھ میں ایک ایک قلفی ہے جسے وہ بڑے مزے سے کھا رہے ہیں۔ بچوں کا سارا دھیان قلفی پر ہے اُن کی آنکھوں میں الگ سی چمک دکھائی دی اور جیسے ایک ہی بات اُن کے ذہن میں چل رہی ہو کہ یہ قلفی کیسے دیر سے ختم ہوگی۔گرمی کی شدت کو محسوس کرتے ہوئے لگتا ہے کہ بچے آدھی قلفی ہی کھا سکیں گے اور آدھی قلفی گُھل کر ٹپک جائے گی۔
یہ منظر میں تصویر کی صورت میں قید کرنا چاہتا تھا لیکن موبائل ریڈی کرنے کا وقت نہ تھا۔یا تو منظر دیکھتا یا پھر ہمیشہ کی طرح ہڑبڑاہٹ میں نہ تو تصویر بنا سکتااور نہ ہی منظر دیکھ پاتا۔ لیکن بازارکےکام سے فارغ ہو کر گھر واپس آنے پر سب سے پہلا کام جو میں نے کیا وہ اس منظر کو قلم بند کرنے کا تھا۔
اس کے بعد اب میں اپنا اگلا کالم لکھنے بیٹھوں گا جسے مکمل ہونے کے بعد آپ بہت جلد باغی ٹی وی کی ویب سائیٹ پر پڑھ سکیں گے۔تب تک کے لیے اللہ نگہبان۔
@iamAsadLal
twitter.com/iamAsadLal

زندگی پرسکون گزر رہی تھی۔۔ ایک دن کولیگ سے اپنی اسکول اور کالج لاٸف کی خوبصورت یادیں تازہ کر رہی تھی۔۔۔اسے بتایا کہ میں کالج لاٸف میں ایک شارٹ اسٹوری راٸٹر ، کالم نگار تھی اور ہلکی پھلکی شاعری بھی کرتی تھی۔۔۔اور اپنے کالج میگزین میں لکھتے ہوۓ بیسٹ اسٹوری راٸٹر ایوارڈ بھی حاصل کر چکی ہوں۔۔وہ مجھے بے یقینی سے دیکھنے لگی کامرس کی اسٹوڈنٹ اور ادب سے شغف۔۔یہ کیسے ہو سکتا ہے۔۔اسکی شک بھری نظروں کو دیکھتے ہوۓ۔۔ثبوت کے طور پر اگے دن اپنی میگزین میں چھپی ایوارڈ لیتے ہوۓ کی تصویر بھی دیکھا دی۔۔تب اس نے بتایا کہ اس کے کزن ایک میگزین چلاتے ہیں۔۔ان سے بات کرتی ہوں انہیں تم جیسوں لکھاریوں کی ضرورت رہتی ہے۔
سو اس نے مجھ سے میگزین لے لیا۔۔جلد ہی میٹینگ سیٹ ہوٸی۔۔اور ہم ایک جانے مانے میگزین کا حصہ بن گۓ۔۔ایک اہم پیج کی زمہ داری سونپی گٸی۔۔شوق بہت اچھا پورا ہو رہا تھا ۔۔۔مشہور لوگوں سے انٹرویو لینے ٹیم کے ساتھ جانے کو ملتا ایسے میں اپنے پسندیدہ لوگوں سے ملاقات۔۔لگتا کہ اللہ تعالہ فل مہربان ہیں
پھر ایک دن میگزین سے جڑے لوگوں کی میٹینگ تھی
عموماً تمام میٹینگز دن میں رکھی جاتی تھیں۔۔مگر کچھ خاص لوگوں کے ٹف شیڈول کی وجہ سے میٹینگ رات میں رکھی گٸی۔اب چونکہ رات گھر سے باہر کی اجازت نہیں تھی۔۔تو پاپا جی سے درخواست کی اکیلے تو جانے نہیں دیں گے۔خود ہی ساتھ چلیں تا کہ میرا ساتھ بھی ہو جاۓ اور میں میٹینگ میں بھی شریک ہو سکوں۔بس وہ لاسٹ ڈے لاسٹ ناٸٹ ہو گٸی اس میگزین میں۔۔پاپا جی نے شرکا پر نظر ڈالی اور غصے سے میری طرف دیکھا۔۔کٸی ماڈلز اور ایکٹریسز اپنے لباس کی وجہ سے پاپا جی کہ غصے کی وجہ بن گٸی۔۔
پاپا جی اگلے دن ہی گۓ میرے تمام مسودے تمام میگزین ایڈیٹر سے یہ کہہ کر واپس لے آۓ۔۔یہاں کا ماحول مجھے پسند نہیں۔۔میں نے کہا میں تو حجاب میں رہتی ہوں مجھے کیا فرق پڑتا کوٸی کیا پہنے۔تو پاپا نے یہ کہہ کر بات ختم کردی کہ ماحول بندہ بدل دیتا ہے۔۔ہم اپنا سا منہ لے کر رہ گۓ۔بعد میں بس کولیگ اور اس کے کزن سے سوری کہہ دیا۔
لیکن کہانی یہاں ختم نہیں ہوتی۔اسکے بعد چند دن بعد ہی ہم ایک انگلش انجینٸرنگ میگزین میں جاب حاصل کرنے میں کامیاب ہو گٸے۔۔۔مگر یہاں سب کچھ مختلف تھا۔باس ایک شفیق انسان تھے۔۔لڑکیوں کا اسٹاف۔۔بہترین ماحول۔ انہونی بات یہ ہوٸی پاپا جی نے باس سے میٹینگ کے بعد جاب اوکے کی۔میرے انٹرویو کےبعد پاپا جی نے بھی باس کا انٹرویو کیا پورا ایک گھنٹہ۔۔مجھے لگا بیٹا یہ جاب بھی گٸی ہاتھ سے۔۔باس کہیں گے جاب میں نےتمہیں دینی ہے یا باس کی جاب تم نے مجھے دینی ہے۔۔مگر یہاں پھر انہونی ہوٸی باس میرے آۓ اور بولو۔ بیٹا آپکے پاپا کے خدشات درست ہیں۔۔ ان شاء اللہ آپ یہاں خود کو محفوظ محسوس کریں گی۔۔اور واقعی باس نے اس بات کو ثابت کیا۔
بیٹیوں کی طرح حفاظت رکھی۔سات سال میں اس جریدے کے ساتھ منسلک رہی۔جو شروع کی جاب تلاش کرنے کی تکالیف والی باتیں تھیں۔۔سب کا آزالہ ہو گیا
حقیقت میں ایک اچھی نوکری کی تلاش ایک اچھے رشتے کی تلاش جیسی ہی مشکل ہے۔۔آپ کو نہیں پتہ ہوتا آپ جن لوگوں میں جارہے ہیں وہ کیسے ہیں۔مگر فرق یہ ہے کہ نا پسندیدگی پر آپ باآسانی استعفی دیکر جان چھڑا سکتے ہیں۔۔آج کے دور میں ایک مجبور لڑکی کا نوکری کے لٸیے نکلنا کھلے ہوۓ بھیڑیوں کے بیچ سے گزرنا ہے۔۔ہر طرف بھوکے حوس کے مارے بیٹھے ہوتے ہیں۔ایسے میں کسی ایک نیک انسان کا مل جانا کسی نعمت سے کم نہیں۔اور ہوتے ہیں ایسے لوگ بھی جو کسی کی مجبوری کا فاٸدہ نہیں اٹھاتے بلکہ ان کی پریشانی دور کر کے اللہ سے صلے کی امید رکھتے ہیں۔۔ایسے ہی لوگوں کی وجہ سے تو دنیا اب تک برقرار ہے۔۔آخر میں پھر سے دعا ہے۔۔اللہ پاک اچھے اور نیک لوگوں سے ملاۓ۔۔بروں سے بچاۓ۔۔آمین

@DimpleGirl_PTi

میری آج کی اس تحریر کا موضوع نہایت ہی خوبصورت تیز رفتار اور پست قامت جانور کے بارے میں معلومات فراہم کرنے کے متعلق ہے اور آج میں اپنی اس تحریر میں اُس جانور کی بنیادی معلومات جیسے کہ وضع قطع ، رہن سہن ، اسکی نسل اسکی اقسام اسکے خصائل اور اسکی خصوصیات وغیرہ کو بیان کروں گا انشاءاللہ عزوجل

تو آئیے چلتے ہیں اپنے موضوع کی طرف…

خرگوش یہ اسم جنس ہے جوکہ نر اور مادہ دونوں کیلئے استعمال کیا جاتا ہے
خرگوش : بکری کے چھوٹے بچے سے مشابہت رکھنے والا ایک جانور ہے جس کے ہاتھ چھوٹے اور پاؤں لمبے ہوتے ہیں اور یہ پچھلی ٹانگوں کی مدد سے ہی چلتا پھرتا ہے

اسکی اقسام : خرگوش کی سات مختلف اقسام ہیں جو دنیا کے مختلف حصوں میں میں پائی جاتی ہیں اور خرگوش کی ایک قسم اس طرح کی بھی پائی جاتی ہے جس کے بدن کے ایک حصے میں ہڈی اور ایک حصے میں گوشت ہوتا ہے خرگوش رنگت میں سفید کالے اور بھورے پائے جاتے ہیں

خرگوش کی عمر وزن……

خرگوش کی عمر تقریباً 9 سے 12 سال ہوتی ہے اور ان کا وزن تقریباً 400 گرام سے 2 کلو تک ہوتا ہے

خرگوش کے خصائل …….

خرگوش میں ایک انوکھی بات یہ پائی جاتی ہے کہ یہ جانور ایک سال تک نر ہوتا ہے اور دوسرے سال میں وہ مادہ بن جاتا ہے
اچھا اسکی دوسری خوبی یہ بیان کی جاتی ہے کہ وہ سوتے ہوئے اپنی آنکھیں کھلی رکھتا ہے اور جب کوئی اسکا شکار کرنے کو آتا ہے تو اس کی کھلی آنکھیں دیکھ یہ احساس ہوتا ہے کہ وہ جاگ رہا ہے اور وہ خرگوش کا شکار نہیں کرتا
بعض لوگوں کا یہ بھی ماننا ہے کہ خرگوش جب دریا کو دیکھتا ہے تو مرجاتا ہے
جانداروں میں سے جن کو حیض آتا ہے وہ تعداد کے لحاظ سے چار ہیں
عورت لگڑبگر چمگادڑ اور خرگوش

خرگوش کا شرعی حکم……….

حدیث شریف کی مشہور زمانہ کتاب بخاری شریف میں کتاب الھبہ میں ایک روایت بیان کی ہے کہ حضور اکرم صلَّی اللّٰہ تعالٰی علیہ وآلہ وسلَّم نے اس خرگوش کو نہ صرف قبولیت بخشی بلکہ اسے تناول بھی فرمایا ہے
امام اعظم ابو حنیفہ اور سارے علماء کرام رحمھم اللہ السّلام کے نزدیک اسی روایت کی بدولت خرگوش کا گوشت حلال اور جائز ہے

خرگوش کی خصوصیات……

1… جاحظ کا کہنا ہے کہ دور جہالت میں عربی لوگ یہ عقیدہ رکھتے تھے کہ اگر کوئی شخص خرگوش کے ٹخنے پہنے تو اس پر بری نظر اور جادو کا اثر نہیں ہوگا کیونکہ ( جن ) خرگوش کے حیض کی بناء پر اسکے نزدیک نہیں آتے
2… اگر کسی آدمی کے صحتیاب ہونے کے بعد اسکے جسم کا کوئی حصہ ارتعاشی حالت میں مبتلا ہو جائے تو اس آدمی کو خشکی کا خرگوش بھون کر اسکا دماغ کھلائیں تو یہ اس کیلئے بہت فائدہ مند ہوگا
3… اگر کوئی آدمی دو چنوں جتنا خرگوش کا دماغ لے اور آدھے رطل کے چھٹے حصے جتنا گائے کا دودھ لے کر اسے استعمال میں لائے تو وہ کبھی ضعیف نہیں ہوگا
4… کینسر کی بیماری میں خرگوش کا انفحہ لگانا بہت فائدہ مند ہے
5… اگر کوئی خاتون خرگوش کا پنیر کا پانی پئے تو اسکو اولادِ نرینہ ہوگی
6… اگر کوئی خاتون خرگوش کی منگنی یا گوپر باندھے اور لٹکائے تو وہ خاتون حاملہ نہیں ہوگی
7… خرگوش کا گوشت پیٹ کی صفائی کرتا ہے اور اس سے پیشاب کھل کر آتا ہے
8… خرگوش کا گوشت استعمال کرنے سے نیند کا خاتمہ ہو جاتا ہے
9… خرگوش کا گوشت سرد مزاج لوگوں کیلئے فائدہ مند ہوتا ہے
10… اگر کسی خاتون نے خرگوش کا خون پی لیا تو وہ پھر کبھی بھی اُمید سے نہیں ہوگی
11… خرگوش کا خون سفید داغ دھبوں اور چھائیوں پر لگائیں تو ان شاء اللہ عزوجل داغ دھبے اور چھائیاں ختم ہو جائیں گی
12…خرگوش کا مغز اگر بچوں کے مسوڑوں پر لگائیں تو بہت جلد اُن کے دانت نکل آئیں گے
13… خرگوش کے لہو کا سُرمہ آنکھوں میں لگائیں تو آنکھوں بال نہیں آئیں گے
14… خرگوش کا گوشت بلا ناغہ کھانے سے بستر پیشاب کرنے والوں کو افاقہ ہوگا
15… ارسطو کا کہنا ہے کہ خرگوش کا پنیر مایہ سرکہ میں مکس کر کے پی لیا جائے تو اسکا پینا سانپ کے زہر کیلئے فائدہ مند ثابت ہوگا
16… خرگوش کے گوشت میں دوسرے جانوروں کے مقابلے میں پروٹین کیلشیم اور وٹامن زیادہ پایا جاتا ہے جبکہ چکنائی اور سوڈیم کم پائی جاتی ہے

خرگوش کو خواب میں دیکھنے کی تعبیر….

1… خرگوش کو خواب میں دیکھنے کی تعبیر یہ ہے کہ ایک حسین خاتون ملے گی جس میں محبت پیار نام کی کوئی شے نہیں ہوگی
2… اگر خواب میں یہ دیکھا کہ خرگوش کو ذبح کیا ہے تو اسکی تعبیر یہ ہے کہ اسکی بیوی فوت ہو جائے گی یا اسکی الگ ہوگی
3… اگر خواب میں خرگوش کا پکا ہوا گوشت کھایا تو اسکی تعبیر یہ ہے کہ اسے ایسی جگہ سے رزق ملے گا جس جگہ سے اُسے گمان بھی نہیں ہوگا
4… اگر کسی نے خواب میں یہ دیکھا کہ اس نے خرگوش کا شکار کیا یا کسی نے اس کو خرگوش تحفے میں دیا یا اس نے خرگوش خریدا اور وہ خواب دیکھنے والا شخص کنوارا ہے تو اسے رزق کی نعمت عطا ہوگی اور اگر خواب دیکھنے والا شادی شدہ ہے تو اس کو اولاد کی نعمت عطا ہوگی
Twitter id
Waqaskh00123456